Hraðkvöld hjá GM Helli í kvöld

Skákfélagið GM Hellir heldur hraðkvöld mánudaginn 17. febrúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili GM Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

NM Skólaskák 2014 pistill sjöttu umferðar

A-flokkur
Nökkvi Sverrisson (2081) - Erik Rönka, Finnland (2154) ½-½
Mikael Jóhann Karlsson (2057) – Martin Haubro, Danmörk (2191) ½-½

Nökkvi tefldi við Erik frá Finnlandi og endaði skákin með jafntefli eftir nokkra stöðubaráttu.  Það sama má segja um skák Mikaels á móti Martin frá Svíþjóð.  Þeir félagar enduðu báðir með þrjá og hálfan vinning.  Nökkvi endaði í þriðja sæti og Mikael í fjórða sæti eftir stigaútreikning.

B-flokkur
Egor Norlin, Svíþjóð (2117) - Dagur Ragnarsson (2073) 0-1
Oliver Aron Jóhannesson (2104) – Silas Eyðsteinsson, Færeyjar (1668) 1-0

Dagur tefldi við Egor Norlin frá Svíþjóð.  Dagur gerði ákaflega vel að landa sigri í langri og erfiðri skák með því að snúa á andstæðinginn í endatafli.  Oliver átti náðugan dag gegn Silas frá Færeyjum.  Getumunurinn á þeim er einfaldlega það mikill að Silas átti raunverulega aldrei séns í þessari skák.  Dagur endaði með fjóra vinninga og hlaut brons í flokknum. Hann var reyndar jafn  Eero í öðru sæti en lægri eftir stigaútreikning.  Oliver endaði með þrjá og hálfan vinning og varð í fjórða til sjötta sæti (fimmti eftir stigaútreikning).

C-flokkur
Jón Kristinn Þorgeirsson (1844) – Eyvind X Djurhuus (1963) ½-½
Dawid Kolka (1748) - Sondre Merkesvik, Noregur (2022) 0-1

Jón Kristinn tefldi afar vel í þessum flokki og endaði með fjóra og hálfan vinning og hlaut silfurverðlaun í þessum flokki.  Flott frammistaða hjá honum og greinilegt að hann er mun sterkari skákmaður en stigin segja til um.  Dawid hlaut tvo og hálfan vinning og endaði í níunda sæti.

D-flokkur
Hilmir Freyr Heimisson (1761) – Arunn Anathan, Danmörk (1746) 1-0
Felix Steinþórsson (1536) - Andreas Garberg Tryggestad, Noregur (1878) 0-1

Hilmir Freyr átti að vanda hjartastopp dagsins.  Eftir byrjunina lék Hilmir illa af sér peði og fékk því slæma stöðu.  Hann hóf þá sókn af krafti, meira af kappi en forsjá.  Fljótlega var hann kominn með gjörtapaða stöðu en drengurinn er lipur í því að þyrla upp ryki og slá andstæðingana út af laginu.  Hann hélt bara áfram að sækja hróki undir og náði að vinna mann.  Andstæðingnum varð svo um að hann lék fyrirvaralaust af sér drottningu!  Annað skiptið í mótinu sem svipað atvik gerist hjá Hilmi.  Mér þætti reyndar betra að hann tefldi bara traust og ynni sannfærandi í stað þess að þeyta hjartsláttartíðni þjálfara og liðstjóra fram upp og niður líkt og þeir væru staddir í rússíbana.  Felix tefldi við Andreas frá Noregi sem er rúmlega þrjúhundruð og fjörutíu stigum hærri en Felix.  Eftir snarpa baráttu mátti Felix játa sig sigraðan.  Hilmir endaði með fjóra vinninga og hlaut brons í þessum flokki.  Hann endaði reyndar í öðru til fjórða sæti en varð þriðji eftir stigaútreikning.  Felix hlaut tvo og hálfan vinning og endaði í áttunda til tíunda sæti (níundi eftir stigaútreikning).

E-flokkur
Jonas Bjarre, Danmörk (1899) - Vignir Vatnar Stefánsson (1800) ½-½
Mykhaylo Kravchuk (1453) – Isak Sjöberg, Noregur (ekki með skráð stig) ½-½

Vignir reyndi hvað hann gat til að sigrast á Jonasi frá Danmörku.  Sá danski hélt sér hins vegar afar fast og niðurstaðan varð að lokum jafntefli.  Það er greinilegt að drengirnir í þessum flokki voru hræddir við Vigni hvort sem þeir voru stigalægri eða stigahærri en hann.  Mykhaylo gerði ágætis jafntefli við Isak frá Noregi.  Vignir endaði með fjóra og hálfan vinning og hlaut silfurverðlaun í þessum flokki.  Mykhaylo endaði með þrjá vinninga og varð í fimmta til sjötta sæti (fimmti eftir stigaútreikning).

Landskeppnin – lokastaða

Ísland 35,5 vinningar
Danmörk 34 vinningar
Svíþjóð 33 vinningar
Noregur 32,5 vinningar
Finnland 30 vinningar
Færeyjar 15 vinningar

Íslenska liðið sigraði semsagt sjálfa landskeppnina og varði þar með titilinn frá því á heimavelli í fyrra.  Sigurinn var sérstaklega sætur í ljósi þess að danir voru afar ákveðnir í að vinna þessa keppni og lögðu mikinn metnað í það.  Það er nú búið að fá nýjan farandbikar í þessa keppni, Legobikarinn, sem Ísland mun varðveita fram að næstu keppni.

Þegar á heildina litið verður árangur Íslendinganna að teljast góður.  Við erum til að mynda eina landið sem á mann á verðlaunapalli í öllum flokkum.  Allir keppendur okkar eru mjög agaðir í vinnubrögðum á svona mótum og eru okkur svo sannarlega til sóma.  Það þótti við hæfi að Jón Kristinn tæki við bikarnum fyrir hönd okkar þar sem hann var með bestan árangur Íslensku keppendanna mælt með frammistöðumati miðað við ELO stig.

 

 

Að lokum eiga danirnir svo skilið mikið hrós fyrir framkvæmd keppninnar.  Ég vona svo sannarlega að sambærileg umgjörð verði viðhöfð á þessum mótum hér eftir.  Fyrir foreldra/áhorfendur heima á Íslandi hlýtur líka að vera algjörlega frábært að geta horft á allar skákir sinna manna í beinni útsendingu í gegnum netið.

Davíð Ólafsson

Skákþáttur Morgunblaðsins: Magnús Carlsen stóðst fyrstu prófraunina

Fyrsta keppni nýs heimsmeistara í skák vekur alltaf athygli. Sá „nýbakaði" finnur yfirleitt hjá sér ríka þörf til að sanna að hann sé verðugur handhafi krúnunnar. Þannig var það með Aljekin eftir sigur í maraþoneinvíginu við Capablanca í Buenos Aires 1927, hann varði titilinn 1929 gegn óverðugum áskoranda, Efim Bogljubow, en síðan vann hann mótin í San Remo 1930 og Bled 1931 með fáheyrðum yfirburðum.

Á fyrsta móti sem Spasskí tók þátt í eftir að hafa velti Petrosjan úr sessi vann hann glæsilega. Það fór fram í San Juan í Púertó Ríkó sumarið 1969.

Anatolí Karpov varð heimsmeistari vorið 1975 án þess að tefla við Bobby Fischer. Hann var keyrður áfram af knýjandi þörf til að sanna sig og vann strax sigur á sterku móti sem skipt var á milli Portoroz og Ljubljana í Slóveníu.

Sem heimsmeistari byrjaði Kasparov á því að skrifa bók um einvígi nr. 2 við Karpov, nokkrum vikum síðar tefldi hann stutt einvígi við Jan Timman.

Ekki verður annað sagt en að Magnúsi Carlsen hafi tekist vel upp í sinni fyrstu prófraun sem lauk í Zürich í vikunni. Þetta sex manna skákmót hófst með stuttu hraðskákmóti sem ákvarðaði töfluröð, síðan var tekið til við umferð kappskáka og loks umferð atskáka. Kappskákirnar giltu tvöfalt en þar hlaut Magnús 4 vinninga af fimm og hafði nánast tryggt sér sigur er atskákirnar hófust. En á ýmsu gekk í kappskákahlutanum; hann var t.d. með tapað tafl gegn Nakamura í 3. umferð en slapp með skrekkinn og náði sigri. Nakamura hefur nýverið gefið út þá yfirlýsingu að á næstu árum verði hann hættulegasti andstæðingur Magnúsar. Betri færi fá menn varla gegn heimsmeistaranum og hann hlýtur að naga sig í handarbökin fyrir klúðrið.

Í atskákunum voru Magnúsi mislagðar hendur og fékk hann aðeins 2 vinninga en það dugði til sigurs. Lokaniðurstaðan varð þessi:

1. Magnús Carlsen 10 v. 2. - 3. Caruana og Aronjan 9 v. 4. Nakamura 7 ½ 5. Anand 5 v. 6. Gelfand 4 ½ v.

Skákin við Boris Gelfand var fyrsta kappskák Magnúsar Carlsen sem heimsmeistara og hann tefldi sem slíkur:

Magnús Carlsen - Boris Gelfand

Grünfelds-vörn

1. c4 g6 2. d4 Rf6 3. Rf3 Bg7 4. g3 c6 5. Bg2 d5 6. Da4

Enn eitt dæmið um sjaldséða leiki í byrjun tafls hjá Magnúsi. Hér er oftast leikið 6. cxd5.

6. ... O-O 7. O-O Rfd7 8. Dc2 Rf6 9. Bf4 Bf5 10. Db3 Db6

11. Rbd2 Re4 12. e3 Dxb3?!

Dálítið hæpið en erfitt er að finna góða leiki, t.d. 12. ... Da6 13. Hfc1 ásamt -Bf1 við tækifæri.

13. axb3 Ra6 14. cxd5 cxd5 15. g4!

Djarfur leikur sem hefur það að markmiði að opna fyrir biskupinn á g2.

15. ... Bxg4 16. Rxe4 dxe4 17. Rd2 f5 18. f3 e5!?

Geldur í sömu mynt en öruggara var 18.... exf3 19. Rxf3 Had8 með jöfnu tafli.

19. dxe5 exf3 20. Rxf3 Hae8 21. Ha5 Rb4 22. Rd4 b6 23. Hxa7 Bxe5 24. Bh6 Hf6 25. h3 Bh5

- Sjá stöðumynd -

26. Rc2!

Sannkallaður heimsmeistaraleikur. Ef nú 26. ... Rxc2 þá kemur 27. Bd5+ Hfe6 28. Hc1! og vinnur, t.d. 28. .. Rb4 29. Bxe6+ og 29. ... Hxe6 strandar á 30. Hc8+ og mátar.

26. ... g5 27. Bxg5 Hg6

28. Hxf5 h6

Enn hangir riddarinn á c2, 28. ... Rxc2 er svarað með 29. Bd5+ Kh8 30. Hxe5! Hxe5 31. Ha8+ Kg7 31. Hg8 mát.

29. Bxh6 Hxh6 30. Rxb4 Bxb2 31. Rd5 Kh8 32. Hb7 Bd1 33. b4 Hg8 34. Re7 Hd8 35. Be4 Bf6 36. Hxb6 Kg7 37. Hf2

- og Gelfand gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 9. febrúar 2014

Skákþættir Morgunblaðsins

[Event "Zurich Chess Challenge"] [Site "0:00:33-0:01:33"] [Date "2014.01.30"] [EventDate "2014.01.29"] [Round "1"] [Result "1-0"] [White "Magnus Carlsen"] [Black "Boris Gelfand"] [ECO "E60"] [WhiteElo "?"] [BlackElo "?"] [PlyCount "73"] 1.c4 g6 2.d4 Nf6 3.Nf3 Bg7 4.g3 c6 5.Bg2 d5 6.Qa4 O-O 7.O-O Nfd7 8.Qc2 Nf6 9.Bf4 Bf5 10.Qb3 Qb6 11.Nbd2 Ne4 12.e3 Qxb3 13.axb3 Na6 14.cxd5 cxd5 15.g4 Bxg4 16.Nxe4 dxe4 17.Nd2 f5 18.f3 e5 19.dxe5 exf3 20.Nxf3 Rae8 21.Ra5 Nb4 22.Nd4 b6 23.Rxa7 Bxe5 24.Bh6 Rf6 25.h3 Bh5 26.Nc2 g5 27.Bxg5 Rg6 28.Rxf5 h6 29.Bxh6 Rxh6 30.Nxb4 Bxb2 31.Nd5 Kh8 32.Rb7 Bd1 33.b4 Rg8 34.Ne7 Rd8 35.Be4 Bf6 36.Rxb6 Kg7 37.Rf2 1-0

NM skólaskák 2014 - Ísland Norðurlandameistari ungmennalandsliða

Íslenska ungmennalandsliðið tryggði sér í dag Norðurlandameistaratitil landsliða.  Íslands sigraði heildarkeppnina með 35,5 vinningum, Danmörk varð í öðru sæti með 34 vinninga, Svíþjóð í þriðja sæti með 33 vinninga, Noregur í fjórða með 32,5 vinninga, Finnland í fimmta með 30 vinninga og Færeyjar í sjötta með 15 vinninga.

Sigur Íslands í heildarkeppninni má fyrst og fremst þakka góðri liðsheild og mikilli baráttu okkar manna.

 Ísland fékk einnig mörg einstaklingsverðlaun eða tvö silfur og þrjú brons.  Þeir Jón Kristinn (C-flokkur) og Vignir Vatnar (E-flokkur) fengu allir silfur í sínum flokkum.  Nökkvi (A-flokkur), Dagur (B-flokkur), Hilmir Freyr (D-flokkur) hlutu brons í sínum flokkum.

Einstök úrslit okkar manna í sjöttu umferð:

A-flokkur
Nökkvi Sverrisson (2081) - Erik Rönka, Finnland (2154) ½-½
Mikael Jóhann Karlsson (2057) – Martin Haubro, Danmörk (2191) ½-½

B-flokkur
Egor Norlin, Svíþjóð (2117) - Dagur Ragnarsson (2073) 0-1
Oliver Aron Jóhannesson (2104) – Silas Eyðsteinsson, Færeyjar (1668) 1-0

C-flokkur
Jón Kristinn Þorgeirsson (1844) – Eyvind X Djurhuus (1963) ½-½
Dawid Kolka (1748) - Sondre Merkesvik, Noregur (2022) 0-1

D-flokkur
Hilmir Freyr Heimisson (1761) – Arunn Anathan, Danmörk (1746) 1-0
Felix Steinþórsson (1536) - Andreas Garberg Tryggestad, Noregur (1878) 0-1

E-flokkur
Jonas Bjarre, Danmörk (1899) - Vignir Vatnar Stefánsson (1800) ½-½
Mykhaylo Kravchuk (1453) – Isak Sjöberg, Noregur (ekki með skráð stig) ½-½ 

 Nánar um úrslitin og einstakar skákir síðar í kvöld.

Davíð Ólafsson 

Grænlandsmótið verður á Hressó á þriðjudaginn kl. 13

Vinaskákfélagið og Hrókurinn bjóða til Grænlandsmótsins í skák á Hressó þriðjudaginn18. febrúar, kl. 13. Mótið er haldið í tilefni af leiðangri Hróksins til Austur-Grænlands dagana 19. til 26. febrúar, en þá verða skólar, barnaheimili og athvörf heimsótt og slegið upp skákhátíðum fyrir börn og ungmenni.

Allir eru velkomnir á mótið á Hressó  á þriðjudaginn. Tefldar verða sex umferðir með 7 mínútna umhugsunartíma og verðlaun koma m.a. frá veitingastaðnum Horninu, Morgunblaðinu, Lifandi vísindum og Nóa Síríus.

Þátttaka í Grænlandsmótinu er ókeypis og eru keppendur mættir til að mæta tímanlega í grænlensku spariskapi! Þá verður einnig tekið við gjöfum til grænlensku barnanna á mótinu á þriðjudag, en fjölmörg fyrirtæki og einstaklingar senda glaðning með leiðangursmönnum Hróksins.

 

Heiðursgestur á Grænlandsmótinu á Hressó á þriðjudag verður Össur Skarphéðinsson fv. utanríkisráðherra, sem tók þátt í fyrstu hátíð Hróksins á Grænlandi 2003 og var meðal keppenda í Tasiilaq árið eftir.

 

Athugið að upphaflega stóð til að móti færi fram í Vin, en vegna þéttrar dagskrá þar var ákveðið að færa mótið. 

NM Skólaskák 2014 pistill fimmtu umferðar

Úrslit okkar manna í fimmtu umferð

A-flokkur
Erik Rönka, Finnland (2154) - Mikael Jóhann Karlsson (2057) 1-0
Elise Forså, Noregur (1854) - Nökkvi Sverrisson (2081) 0-1

B-flokkur
Dagur Ragnarsson (2073) – Oliver Aron Jóhannesson (2104) ½-½

C-flokkur
Sondre Merkesvik, Noregur (2022) - Jón Kristinn Þorgeirsson (1844) 0-1
Bjarki Bertholdsen, Færeyjar (1081) - Dawid Kolka (1748) 0-1

D-flokkur
Andreas Garberg Tryggestad, Noregur (1878) - Hilmir Freyr Heimisson (1761) ½-½
Janus Skaale, Færeyjar (1343) - Felix Steinþórsson (1536) 0-1

E-flokkur
Vignir Vatnar Stefánsson (1800) – Mykhaylo Kravchuk (1453) 1-0

Mikael tefldi mikla baráttuskák við Erik frá Finnlandi.  Eftir að hafa verið með betra í þónokkurn tíma teygði Mikael sig of langt í vinningstilraunum og tapaði.  Afskaplega leiðinlegur endir á ágætri skák.  Nökkvi tefldi við einu stúlkuna í A-flokki.  Skákin var lengi vel í jafnvægi eða þar til sú norska lék riddara út á kant.  Riddarinn varð í framhaldinu mjög óvirkur og Nökkvi kláraði skákina vel.  Þeir félagar hafa báðir 3 vinninga og eru í þriðja til sjötta sæti.

 

Þeir félagar í B-flokki ákváðu að taka hvíldardaginn heilagan (a.m.k. fyrri partinn) og sömdu stutt innbyrðis jafntefli.  Dagur hefur 3 vinninga og er í fjórða til fimmta sæti og Oliver hefur tvo og hálfan og er í sjötta til sjöunda sæti.

Í C-flokki tefldi Jón Kristinn við Sondre frá Noregi.  Jón tefldi þessa skák mjög vel og landaði tiltölulega átakalitlum sigri.  Dawid tefldi við Janus frá Færeyjum og hélt uppteknum hætti við að tefla vel og þjarmaði að andstæðingnum.  Honum urðu ekki á nein mistök í úrvinnslunni og landaði öruggum sigri.  Jón Kristinn hefur fjóra vinninga og er í fyrsta til öðru sæti og Dawid hefur tvo og hálfan vinning og er í sjötta til sjöunda sæti.

Í D-flokki tefldi Hilmir við svörtu á móti Andreas frá Noregi.  Hilmir tefldi skákina vel og var algjörlega að ganga frá andstæðingnum þegar honum varð það á að leika kóngnum á rangan reit þegar andstæðingurinn var að sprikla í netinu.  Það olli því að andstæðingurinn vann hrók í framhaldinu þannig að Hilmir neyddist til að þráskáka.  Óheppilegt hjá Hilmi eftir að hafa verið með skákina í höndunum.  Felix tefldi mikla baráttuskák við Janus frá Færeyjum.  Sá færeyski er greinilega taktískur og náði góðri stöðu með lúmskri máthótun.  Felix varðist þó vel og snéri að lokum á andstæðinginn og sigraði örugglega.  Hilmir hefur þrjá vinninga og er í þriðja til fimmta sæti og Felix hefur tvo og hálfan vinning og er í sjötta til níunda sæti.

Í E-flokki var hin innbyrðis viðureign okkar manna.  Svo fór að Vignir vann góðan sigur í skák sem var full hratt tefld fyrir minn smekk.  Vignir hefur fjóra vinninga og er í fyrsta til öðru sæti.  Mykhaylo hefur tvo og hálfan vinning og er í fimmta til sjöunda sæti.

Staðan í landskeppninni er nú sú að Ísland er efst með 30 vinninga, Svíþjóð er komið í annað sætið með 28,5 vinninga, Danmörk í þriðja með 27,5 vinninga, Noregur í fjórða með 26 vinninga, Finnland í fimmta með 26 vinninga og Færeyjar reka lestina með 12,5 vinninga.  Lokaumferðin verður því afar spennandi

Lokaumferðin hefst nú rétt strax (klukkan 15 að Íslenskum tíma) og eru viðureignir okkar manna eftirfarandi:

A-flokkur
Nökkvi Sverrisson (2081) - Erik Rönka, Finnland (2154)
Mikael Jóhann Karlsson (2057) – Martin Haubro, Danmörk (2191)

B-flokkur
Egor Norlin, Svíþjóð (2117) - Dagur Ragnarsson (2073)
Oliver Aron Jóhannesson (2104) – Silas Eyðsteinsson, Færeyjar (1668)

C-flokkur
Jón Kristinn Þorgeirsson (1844) – Eyvind X Djurhuus (1963)
Dawid Kolka (1748) - Sondre Merkesvik, Noregur (2022)

D-flokkur
Hilmir Freyr Heimisson (1761) – Arunn Anathan, Danmörk (1746)
Felix Steinþórsson (1536) - Andreas Garberg Tryggestad, Noregur (1878)

E-flokkur
Jonas Bjarre, Danmörk (1899) - Vignir Vatnar Stefánsson (1800)
Mykhaylo Kravchuk (1453) – Isak Sjöberg, Noregur (ekki með skráð stig)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson

Gunnar Gunnarsson vann Friðrikskónginn með fullu húsi

Mótaröðinni og kappteflinu til heiðurs Friðriki Ólafssyni lauk sl. fimmtudag sem sigri hins aldna meistara Gunnars Kr. Gunnarssonar, sem hlaut 30 stig af jafnmörgum mögulegum í 3 mótum af 4 sem töldu til stiga. Björgvin Víglundsson kom næstur með 24 stig og Stefán Þormar sem vann lokamótið nú í vikunni, tryggði sér bronzið með 20 stigum alls. Stig þeirra sem tefldu aðeins í einu móti reiknast ekki með þegar keppnin er gerð upp.

Þetta er í þriðja sinn sem um þennan fagra farandgrip er keppt og í öll skiptin hefur GUNNAR unnið, sem verður að teljast merkilegt rannsóknarefni út fyrir sig, en nafnið þýðir hinn herskái hermaður. Fyrst Gunnar Skarphéðinsson, síðan Gunnar I. Birgisson og núna Gunnar Gunnarsson, sem tefldi manna best og verðskuldaði glæstan sigur. Fleiri Gunnarar er sleipir og og skeinuhættir í skákinni svo það verður gaman hver blandar sér í hópinn næst sem um kónginn er keppt.

Úrslitin í lokamótinu má sjá hér að neðan og meira á www.galleryskak.net

Áfram verður teflt í Gallerýinu vikulega fram að Páskum, góður viðurgerningur og glaðværð á hverju sem gengur.

 

 

NM Skólaskák 2014 pistill fjórðu umferðar

Úrslit okkar manna í fjórðu umferð:

A-flokkur
Mikael Jóhann Karlsson (2057) – Alberto Politi, Finnland (1641) 1-0
Nökkvi Sverrisson (2081) – Stian Johansen, Noregur (2099) 1-0

B-flokkur
Oliver Aron Jóhannesson (2104) – Eero Valkama, Finnland (1993) 0-1
Högni Egilstoft Nielsen, Færeyjar (2141) - Dagur Ragnarsson (2073) ½-½

C-flokkur
Jón Kristinn Þorgeirsson (1844) – David Bit-Narva, Svíþjóð (1882) ½-½
Dawid Kolka (1748) – Alfons Emmoth, Svíþjóð (1660) 0-1

D-flokkur
Toivo Keinänen, Finnland (1740) -Hilmir Freyr Heimisson (1761) 1-0
Felix Steinþórsson (1536) – Ng Klemens, Svíþjóð (1620) ½-½

E-flokkur
Gabriel Nguyen, Svíþjóð (1535) – Vignir Vatnar Stefánsson (1800) ½-½
Filip Boe Olsen, Danmörk (1876) – Mykhaylo Kravchuk (1453) 1-0

Drengirnir í A-flokki héldu uppi heiðri landans í kvöld.  Mikael átti fína skák gegn Alberto frá Finnlandi, tók fljótlega völdin í miðtaflinu og uppskar fínan sigur.  Góður dagur hjá Mikael og tvær afar vel tefldar skákir.  Nökkvi tefldi við Stian frá Noregi sem reyndi að rugla Nökkva í ríminu í byrjuninni en það eina sem Nökkvi skildi ekki var hvers vegna andstæðingurinn tefldi svona veikt.  Nökkvi tefldi skákina mjög vel og uppskar tiltölulega áreynslulausan sigur.  Mikael er með þrjá vinninga í öðru til þriðja sæti og Nökkvi hefur tvo vinninga í fimmta til áttunda sæti.  Það virðist sem Martin frá Svíþjóð stefni að sigri í þessum flokki en hann hefur teflt afar sannfærandi á mótinu og leiðir mótið með fullu húsi.  Íslensku strákarnir eru báðir búnir að tefla við hann og því eiga þeir báðir fínustu möguleika á verðlaunasæti og ef Svíinn tekur upp á því að hiksta á morgun þá á Mikael ágætis möguleika á að vinna flokkinn.

 

Í B-flokki tefldi Oliver við Eero frá Finnlandi. Oliver valdi rangt plan úr byrjuninni og Eero tók hraustlega á móti og fórnaði manni fyrir þrjú peð og svo öðrum manni síðar í skákinni sem endaði með því að Oliver gat ekki varist öllum þessum peðum og tapaði.  Dagur tefldi við Högna frá Færeyjum og sömdu kapparnir um jafntefli eftir fremur tíðindalitla skák.  Staðan í þessum flokki er að Dagur er með tvo og hálfan vinning í þriðja til fimmta sæti og Oliver er með tvo vinninga í sjötta til níunda sæti.  Johann-Sebastian frá Noregi leiðir þennan flokk með þrjá og hálfan vinning en flokkurinn er galopinn ennþá.

Í C-flokki tefldi Jón Kristinn við David frá Svíþjóð.  Jón sótti að andstæðingnum allan tímann og gerði hvað hann gat til að vinna skákina.  Andstæðingurinn varðist vel en gerði ekki miklar tilraunir til að vinna og var greinilega sáttur að ná jafntefli á móti Jóni.  Dawid tefldi við Alfons frá Svíþjóð og tefldi skákina mjög vel framan af og saumaði að andstæðingnum.  Dawid varð því miður fyrir því að reikna aðeins vitlaust eftir að hafa verið kominn með hartnær unna stöðu þannig að andstæðingurinn var skyndilega með tvo menn á móti hrók í endatafli sem ómögulegt var að verja.  Óheppilegt tap en Dawid er engu að síður að tefla vel.   Jón hefur þrjá vinninga og er í fyrsta til þriðja sæti og Dawid hefur einn og hálfan vinning og er í níunda sæti.  Það stefnir því í afar spennandi dag í þessum flokki á morgun.

 

Í D-flokki tefldi Hilmir við Toivo frá Finnlandi.  Eftir mikla baráttu missteig Hilmir sig í flækjunum og fékk slæma stöðu.  Toivo urðu engin mistök á í úrvinnslunni og kláraði skákina örugglega.  Í síðasta pistli sagði ég að Felix hefði fundið sjálfstraustið í dag.  Ég hafði greinilega rétt fyrir mér í þvi þar sem Felix gerði hvað hann gat til að hrista upp í jafnteflislegri stöðu og fórnaði meðal annars skiptamun fyrir praktíska sénsa en allt kom fyrir ekki skákin leystist einfaldlega upp í jafntefli.  Fínasta skák hjá Felix sem getur verið stoltur af hugrekki sínu við að reyna að koma stöðunni úr jafnvægi.  Í þessum flokki stefnir allt í að andstæðingur Hilmis frá í dag, Toivo, vinni flokkinn en hann leiðir með fullu húsi.  Hilmir hefur tvo og hálfan vinning og er í öðru til sjötta sæti og Felix hefur einn og hálfan vinning og er í sjöunda til tíunda sæti.  Það er semsagt allt galopið fyrir þá félaga í þessum flokki. 

Í E-flokki tefldi Vignir við Gabriel frá Svíþjóð.  Skákin leystist upp í leiðindastöðu og þrátt fyrir að Vignir reyndi að hrista upp í þessu eins og hann gat var drepleiðinlegt jafntefli staðreynd.  Mykhaylo tefldi við Filip frá Danmörku og eftir að hafa teflt skákina vel urðu honum á ein mistök sem sterkur andstæðingurinn nýtti sér til sigurs.  Vignir hefur þrjá vinninga og er í fyrsta til þriðja sæti og Mikhaylo hefur tvo og hálfan vinning og er í fjórða til fimmta sæti.  Þessi flokkur er því galopinn og getur allt gerst á morgun.

Fjórða umferðin er rýrasta uppskera okkar hingað til, fjórir vinningar af tíu mögulegum.  Það stefnir í skemmtilegan dag á morgun þar sem margir flokkarnir eru afar spennandi.  Einnig stefnir í spennandi landskeppni en staðan þar er eftirfarandi:

1.       Ísland 23,5 vinningar
2.       Danmörk 23 vinningar
3.       Svíþjóð og Finnland 21,5 vinningar
5.       Noregur 20,5 vinningar
6.       Færeyjar 10 vinningar

Fimmta umferð hefst í fyrramálið klukkan 9 að Íslenskum tíma.  Þá tefla okkar menn við:

A-flokkur
Erik Rönka, Finnland (2154) - Mikael Jóhann Karlsson (2057)
Elise Forså, Noregur (1854) - Nökkvi Sverrisson (2081)

B-flokkur
Dagur Ragnarsson (2073) – Oliver Aron Jóhannesson (2104)

C-flokkur
Sondre Merkesvik, Noregur (2022) - Jón Kristinn Þorgeirsson (1844)
Bjarki Bertholdsen, Færeyjar (1081) - Dawid Kolka (1748)

D-flokkur
Andreas Garberg Tryggestad, Noregur (1878) - Hilmir Freyr Heimisson (1761)
Janus Skaale, Færeyjar (1343) - Felix Steinþórsson (1536)

E-flokkur
Vignir Vatnar Stefánsson (1800) – Mykhaylo Kravchuk (1453)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson

NM í skólaskák: Íslendingar efstir fyrir lokadaginn

Það gekk ekkert sérstaklega hjá Íslendingum í fjórðu umferð NM í skólaskák sem fram fór í dag. Fjórir vinningar af tíu mögulegum komu í hús. Nökkvi Sverrisson og Mikael Jóhann Karlsson unnu, Dagur Ragnarsson, Jón Kristinn Þorgeirsson, Felix Steinþórsson og Vignir Vatnar Stefánsson gerðu jafntefli en aðrir töpuðu.

Jón Kristinn og Vignir deila efsta sæti, Mikael Jóhann og Hilmir Freyr deila öðru sæti og Dagur deilir þriðja sæti. Sem fyrr eru Íslendingar í verðlaunasæti í öllum flokkum.

Mótinu lýkur á morgun með tveimur síðustu umferðunum.

 

Úrslit 4. umferðar:

Rd.	Bo.	No.			Name	Rtg	Pts.	Result	Pts.		Name	Rtg		No.
4	3	7			Karlsson Mikael Johann	2057	2	1 - 0	1½		Politi Alberto	1641		11
4	4	6			Sverrisson Nökkvi	2081	1	1 - 0	1		Johansen Stian	2099		4
4	2	5			Johannesson Oliver Aron	2104	2	0 - 1	2		Valkama Eero	1993		8
4	3	2			Nielsen Høgni Egilstoft	2141	1½	½ - ½	2		Ragnarsson Dagur	2073		6
4	1	6			Thorgeirsson Jon Kristinn	1844	2½	½ - ½	2		Bit-Narva David	1882		5
4	5	7			Kolka Dawid	1748	1½	0 - 1	1		Emmoth Alfons	1660		9
4	1	6			Keinänen Toivo	1740	3	1 - 0	2½		Heimisson Hilmir Freyr	1761		3
4	5	9			Steinthorsson Felix	1536	1	½ - ½	1		Ng Klemens	1620		8
4	1	4			Nguyen Gabriel	1535	2½	½ - ½	2½		Stefansson Vignir Vatnar	1800		3
4	2	2			Olsen Filip Boe	1876	2	1 - 0	2½		Kravchuk Mykhaylo	1453		5

Staða íslensku keppendanna:

A-flokkur (1994-96):

• 2.-3. (3) Mikael Jóhann Karlsson 3 v.
• 5.-8. (7) Nökkvi Sverrisson 2 v.

B-flokkur (1997-98):

• 3.-5. (4) Dagur Ragnarsson 2½ v.
• 6.-9. (6) Oliver Aron Jóhannesson 2 v.

C-flokkur (1999-2000):

• 1.-3. (2) Jón Kristinn Þorgeirsson 3 v.
• 9.-10. (9) Dawid Kolka 1½ v.

D-flokkur (2001-02):

• 2.-6. (2) Hilmir Freyr Heimisson 2½ v.
• 7.-10.(10) Felix Steinþórsson 1½ v.

E-flokkur (2003-):

• 1.-3. (3) Vignir Vatnar Stefánsson 3 v.
• 4.-5. (5) Mykhaylo Kravchuk 2½ v.

Staðan í landskeppninni:

1. Ísland 23½ v.
2. Danmörk 23 v.
3. Finnland 21½ v.
4. Svíþjóð 21½
5. Noregur 20½ v.
6. Færeyjar 10 v.

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Síðari hluti Íslandsmóts skákfélaga fer fram 27. febrúar - 1. mars í MH

Seinni hluti Íslandsmóts skákfélaga 2013-2014 fer fram dagana 27. febrúar  - 1 mars nk.  Mótið fer fram í Menntaskólanum við Hamrahlíð.  Keppnin hefst (eingöngu í 1.deild) kl. 19.30 fimmtudaginn 27.febrúar. Aðrar deildir munu hefja taflmennsku föstudaginn 28.febrúar  kl. 20.00 og síðan tefla laugardaginn 1. mars. kl. 11.00 og kl. 17.00 sama dag.  

Þau félög sem enn skulda þátttökugjöld þurfa að gera upp áður en seinni hlutinn hefst.

Vakin er athygli á nýrri grein í reglugerð.  Taflfélög í 1. deild eru beðin að tilkynna til SÍ nöfn skákstjóra sinna. 

2. gr.

Framkvæmdanefnd Íslandsmóts skákfélaga, sem skipuð er af stjórn Skáksambands Íslands, ákveður töfluröð og skipar skákstjóra og umsjónarmenn Íslandsmóts skákfélaga.  Öllum taflfélögum, sem eiga sveitir í 1. deild, ber að útvega einn skákstjóra. 

Þeir sem geta lánað digital skákklukkur eru vinsamlega beðnir að svara og láta vita um fjölda.