Hlíðar gengur í Goðann

Hlíðar Þór Hreinsson (2180) Ísl (2253 FIDE) hefur tilkynnt félagaskipti úr Haukum í Goðann.   Með komu Hlíðars Þórs Hreinssonar til félagsins, styrkist Goðinn mikið, enda er Hlíðar Þór öflugur skákmaður.

Hlíðar Þór hóf ferilinn í Taflfélagi Reykjavíkur 7 ára gamall og tefldi með unglingasveitum TR en fór í Taflfélag Kópavogs eftir nokkur ár og var þar allt til að félagið lagðist í dvala. Hlíðar hefur síðustu ár teflt með Skákdeild Hauka í fyrstu og annarri deild. Hann á að baki talsverðan félagsmálaferil, var skákkennari í 8 ár meðfram námi og var stjórnarmaður í Skáksambandi Íslands og Taflfélagi Kópavogs um árabil. Hlíðar er formaður Skákstyrktarsjóðs Kópavogs sem styrkir barna og unglingastarf í Kópavogi.

Hlíðar tefli frekar lítið fyrir utan deildakeppnina, en síðasta mót sem hann tók þátt í var Boðsmót Hauka 2009 og varð hann þar í 1-3. sæti ásamt Hjörvari Steini Grétarssyni og Lenku Ptacnikovu. Besti árangur Hlíðars í deildakeppninni var 6,5 af 7 vinningum 2008-2009 þegar b lið Hauka vann sig upp í fyrstu deild.

Héðinn með jafntefli við stórmeistara í þriðju umferð

Stórmeistarinn Héðinn Steingrímsson (2569) gerði jafntefli við hollenska stórmeistarann Yge Visser (2455) í 3. umferð opins móts sem fram fer í Boxtel í Hollandi, samhliða hollenska meistaramótinu í skák.  Héðinn hefur 2,5 vinning og er í 2.-6. sæti.  Í 4. umferð, sem fram fer á morgun, teflir Héðinn við Hollendinginn Albert De Wit (2064).  Stórmeistarinn Wouter Spoelman (2564) er efstur á hollenska meistaramótinu með 3,5 vinning, hefur vinnings forskot á næstu menn.

31 skákmaður tekur þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn er stigahæstur keppenda.   Á hollenska meistaramótinu eru Anish Giri (2687) og Ivan Sokolov (2645) meðal keppenda.

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu (hefjast kl. 12)

KR-rimma og Jónsmessumót

Að venju var efnt til skákmóts í KR-heimilinu í Frostaskjóli á mánudagskvöldið, þar sem skákkempur á öllum aldri hittast til tafls allan ársins hring.  Þó nótt væri hvað björtust virtist það ekki há aðsókninni. Á þriðja tug valinkunnra skákmanna voru mætir til leiks albúnir að tefla þrettán 7 mín. hraðskákir í  striklotu, rétt eins og að drekka vatn.  Meiri háttar rimma á reitaða borðinu í uppsiglingu eins og fyrri daginn. Kappið hófst kl. 19.30 og lauk ekki fyrr en kl. 23, um það leyti sem miðnætursólin litaði hafflötin rauðan og  Akrafjall og Skarðheiði sem fjólubláir draumar.  

Skákmótið var að þessu sinni helgað Jónssmessunni og svo Sigurði A. Herlufsen alveg sérstaklega í heiðurskyni, en hann varð 75 ára vikunni áður. Mótsbjöllunni var þá klingt 7 löngum og 5 stuttum tónum honum til dýrðar í virðingarskyni, en SigHer er meðal sigursælustu félaga  klúbbsins, yfirleitt meðal efstu manna, hefur unnið 3 mót á þessu ári verið 8 sinnum í 2.-3. sæti, vann 9 mót í fyrra.

Þrátt fyrir harða keppni sveif léttur andi formannsins yfir vötnunum, enda var hann lengst af á sigurbraut og stíðsgæfan honum ótrúlega hliðholl oft á tíðum, einkum í blálokin. Menn töldu það ekki eftir sér að gera að gamni sínu honum til hæfis, milli skáka, þrátt fyrir óvænt töp og margvíslegt mótlæti, drottningarmissi, riddarpissur, hornskítsmát eða annað sem af almennri skákblindu leiðir.

Að öllu samanlögðu verður að teljast að sjaldan eða aldrei hafi keppni í KR verið jafn jöfn og tvísýn og að þessu sinni, aðeins 2 vinningar skyldu að annan (KriST) og þrettánda mann (E.Ess). 

Ótvíræður yfirburðasigurvegari þegar upp var staðið reyndist hins vegar vera leynigesturinn Björgvin S. Guðmundsson, sem segja má að hafi komið, séð og sigrað, því hann hlaut hvorki meira né minna en 11.5 vinning af 13 mögulegum. Segja má að önnur úrslit hafi verið frekar óvænt og þó ekki.

Sjá meðf. mótstöflu:

 

Meira á www.kr.is (skák) og á nettorginu www.galleryskak.net

Myndaalbúm (ESE)

Héðinn vann í 2. umferð í Boxtel

Stórmeistarinn Héðinn Steingrímsson (2569) vann Hollendinginn Jan Toorman (2022) í 2. umferð opins móts sem fram fer í Boxtel í Hollandi.  Héðinn er í efstur ásamt tveimur öðrum.  Í 3. umferð, sem fram fer á morgun, teflir Héðinn við hollenska stórmeistarann Yge Visser (2455).   Stórmeistarinn Wouter Spoelman (2564) er efstur með fullt hús á hollenska meistaramótinu í skák sem fram fer samhliða.

31 skákmaður tekur þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn er stigahæstur keppenda.   Á Hollenska meistaramótinu eru Anish Giri (2687) og Ivan Sokolov (2645) meðal keppenda.

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu (hefjast kl. 12)

Héðinn vann í fyrstu umferð á móti í Hollandi

Stórmeistarinn og Íslandsmeistarinn í skák Héðinn Steingrímsson (2569) hóf í gær þátttöku í alþjóðlegu móti í Boxtel í Hollandi.  Mótið er hliðarviðburður við Hollenska meistaramótið.  Í fyrstu umferð sem fram fór í gær vann Héðinn heimamanninn Gerard Kastelein (1932) og í 2. umferð sem fram fer í kvöld teflir Héðinn við Hollendinginn Jan Toorman (2022).

31 skákmaður tekur þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn er stigahæstur keppenda.

Á Hollenska meistaramótinu sem fram fer samhliða, eins og áður sagði, eru Anish Giri (2687) og Ivan Sokolov (2645) meðal keppenda.

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu (hefjast kl. 12)

 

 

 

Hellir tvítugur í dag

Talfélagið Hellir er tuttugu ára í dag en félagið var stofnað 27. júní á Hótel Loftleiðum.   Í 3. tbl. ársins 2000  Tímaritsins Skákar birtist saga Hellis í örfáum orðum.  Þessi upphafskafli er skrifaður af Andra Áss Grétarssyni:

Taflfélagið Hellir var stofnað hinn 27. júní 1991. Ástæðan fyrir stofnun félagsins var fyrst og fremst tilraun til að auka fjölbreytni í skáklífi höfuðborgarsvæðisins. Eina starfandi félagið í Reykjavík sem var í Skáksambandi Íslands á þeim tíma var Taflfélag Reykjavíkur. Þeim sem stóðu að stofnun Hellis fannst alveg ótækt að aðeins eitt taflfélag væri starfrækt í Reykjavík. Hvað myndu menn segja ef aðeins eitt fótboltafélag væri starfrækt í Reykjavík? Það yrði lítil spenna og samkeppni í boltanum! Sú var reyndar raunin í skákinni. Það var lítil spenna og samkeppni í Deildakeppni Skáksambands Íslands, þar sem taflfélögin og skákfélögin heyja sína baráttu. Taflfélag Reykjavíkur hafði þar algjöra yfirburði.

Reyndar má segja að Hellir hafi að nokkru sprottið af ónægju með stöðu mála, svipað og t.d. Skákfélagið Mjölnir á sínum tíma. Málið var að Gunnar Björnsson var í stjórn Taflfélags Reykjavíkur og Andri Grétarsson í varastjórn. Ekki fannst þeim félögum alltaf málin vera eins og þau ættu að vera (enda voru þeir kallaðir harðlínumenn hjá Jóni L. í skákdálki DV!). Það kom því til tals hjá Gunnari, Andra, Georgi Páli Skúlasyni og Ríkharði Sveinssyni taka völdin í TR. Ríkharður átti að verða formaður. En úr því varð ekki og Ríkharður fór ekki í formannsslag (Ríkharður er reyndar formaður TR í dag!). Í kjölfarið gáfu Andri og Gunnar því ekki kost á sér í stjórnina, hugðust láta nægja að tefla endrum og eins! Sinnuleysið átti hins vegar ekki við Gunnar og honum datt því í hug að stofna nýtt taflfélag, "Taflfélagið Hellir"! Tókst honum að plata þessari hugmynd inná Andra. Höfðu þeir félagar samband við nokkra félagsmenn í Taflfélagi Seltjarnarness, m.a. Guðna Karl Harðarson þáverandi formann félagsins, en félagið hafði ekki haldið úti starfsemi um nokkurt skeið. Var síðan arkað af stað og auglýst í Morgunblaðinu, að fyrirhugað væri að stofna nýtt taflfélag. Var vonast eftir töluverðum fjölda og því leigður salur á Hótel Loftleiðum. Satt best að segja þá lét fjölmennið eitthvað á sér standa. Níu manns mættu á fundinn, þar af tveir áhorfendur! Stofnfélagar voru því eingöngu sjö: Gunnar, Andri, Guðni, Snorri G. Bergsson, Sigurður Ingason, Björn Stefánsson og Davíð Ólafsson. Fimm þeirra urðu stjórnarmenn og hinir tveir endurskoðendur! Vegna lítillar þátttöku kom það til tals á fundinum hvort ekki ætti bara að slútta þessu og fara að fá sér nokkra sterka á barnum!

Greinin í heild sinni

Brúðarkjólaleiga Katrínar - Daði Ómarsson sigraði á Mjóddarmóti Hellis

Daði Ómarsson sem tefldi fyrir Brúðarkjólaleigu Katrínar, sigraði með 6 vinningaí sjö skákum á fjölmennu og vel skipuðu Mjóddarmóti Hellis sem fram fór í gær.   Í 2.-3. sæti, með 5,5 vinning, urðu Sverrir Þorgeirsson (Nettó) og Hjörvar Steinn Grétarsson (Sorpa). 

Um var ræða metþátttöku en 43 skákmenn tóku þátt en 22 fyrirtæki voru með og styrktu mótið og sendu Taflfélaginu Helli afmælikveðjur í tilefni af  20 ára afmæli félagsins sem verður á morgun þann 27. júní.

Margir af yngstu og efnilegustu skákmönnum þjóðarinnar settu svip sinn á mót og voru mjög sigursælir á mótinu.  Ágætar aðstæður voru á skákstað en það gekk á með skúrum og sól þess á milli sem gerði skákmönnum að vísu stundum erfitt að finna andstæðing næstu umferðar.

Skákstjóri var Vigfús Ó. Vigfússon

Lokastaðan:

Röð	Nafn	Vinn.
1	Brúðarkjólaleiga Katrínar Daði Ómarsson	6
2-3	Nettó Sverrir Þorgeirsson	5,5
	Sorpa Hjörvar Steinn Grétarsson	5,5
4-7	Verslunin Prinsessan Tómas Björnsson	5
	Aríon Banki Guðmundur Kristinn Lee	5
	Landsbanki Íslands Hallgerður Helga Þorsteinsdóttir	5
	Gámaþjónustan Dagur Ragnarsson	5
8-11	Olís Sigurbjörn Björnsson	4,5
	Valitor Þorvarður F Olafsson	4,5
	Íslandsbanki Mjódd Halldór Pálsson	4,5
	G,M,Einarsson múrarameist Elsa María Kistínard,	4,5
12-19	HS Orka Sigurður Kristjánsson	4
	Staðarskáli Birkir Karl Sigurðsson	4
	Suzuki bílar Jóhann Björg Jóhannsdótti	4
	Slökkvilið höfuðborgarsvæðisins Oliver Aron Jóh.	4
	Verkís Karl Steingrímsson	4
	Kaupfélag Skagfirðinga Jón Trausti Harðarsson	4
	Óskar Long Einarsson	4
	Gunnar Nikulásson	4
20-27	Fröken Júlía verslun Andri Grétarsson	3,5
	ÍTR Dagur Kjartansson	3,5
	Íslensk erfðagreining Ingi Tandri Traustason	3,5
	Leifur Þorsteinsson	3,5
	Subway Mjódd Kjartan Már Másson	3,5
	Kristófer Jóel Jóhannesson	3,5
	Gunnar Ingibergsson	3,5
	Árni Thoroddsen	3,5
	Gunnar Ingibergsson	3,5
28-35	Nansy Davíðsdóttir	3
	Dawid Kolka	3
	MP Banki Magnús Matthíasson	3
	Finnur Kr, Finnsson	3
	Karl Axel Kristjánsson	3
	Ingvar Egll Vignisson	3
	Csaba Daday	3
	Hjálmar Sigurvaldason	3
35-36	Jakob Alexander Petersen	2,5
37-41	Donika Kolica	2
	Björgvin Kristbergsson	2
	Mikael Kravchuk	2
	Pétur Jóhannesson	2
	Hans Hólm Aðalsteinsson	2
42	Gauti Páll Jónsson	1,5
43	Alisa Helga Svansdóttir	1

 

Myndaalbúm mótsins (VÓV)

Skákþáttur Morgunblaðsins: Hjörvar Steinn tók áfanga í Búdapest

Undanfarin ár hefur sigursælasti skákmaður Íslendinga undir tvítugu verið Hjörvar Steinn Grétarsson. Furðu treglega hefur gengið hjá piltinum að krækja sér í áfanga að alþjóðlegum meistaratitli þar sem legið hefur í augum uppi að styrkleikinn hefur verið til staðar um alllangt skeið. Hjörvar réð bót á þessu á dögunum þegar hann tók þátt í stórmeistaraflokki innan mótasyrpu sem gengur undir nafninu „Fyrsti laugardagur" og er haldin í Búdapest allt árið um kring. Með honum í för voru þeir Daði Ómarsson, sem tefldi í flokki alþjóðlegra meistara, og Eyjamaðurinn Nökkvi Sverrisson sem tefldi í flokki FIDE-meistara.

Hjörvar var búinn að ná áfanganum eftir sjö umferðir og með því að vinna tvær síðustu skákirnar gegn sterkum stórmeisturum gat hann náð áfanga að stórmeistaratitli. Hann var nálægt því að leggja Levente Vajda að velli með svörtu í næstsíðustu umferð og gerði svo jafntefli í lokaumferðinni. Lokaniðurstaðan varð 2. sæti í keppni tíu skákmanna þar sem meðalstigin voru 2.412 stig en Hjörvar hækkaði um elo-20 stig fyrirframmistöðuna. Sigurvegari í þessum flokki var heimamaðurinn Oliver Mikhof með 6½ vinning. Hjörvar byrjaði illa, tapaði í fyrstu umferð en fékk 4½ vinning úr næstu fimm skákum. Hann var ekki alltaf að þræða troðnar slóðir eins og eftirfarandi skák ber með sér en greip tækifærið þegar það gafst. Í fjórðu umferð lagði hann þýskan skákmann að velli eftir að hafa sloppið úr smá klandri í byrjuninni.

Daniel Sidentorpf - Hjörvar Steinn Grétarsson

Sikileyjarvörn

1. e4 c5 2. Rf3 g6 3. c3 Bg7 4. d4 cxd4 5. cxd4 d5 6. exd5 Rf6 7. Bb5+ Bd7

Algengara er 7.... Rbd7 8. d6!? exd6 9. De2+ De7 10. Bf4 og hvítur fær aðeins betra endatafl.

8. Bc4 b5 9. Bb3 0-0 10. 0-0 Bf5 11. De2 a6 12. Re5

Gott er einnig 12. Rc3 því eftir 12.... b4 13. Ra4 gengur 13. .... Rxd5 ekki vegna 14. Bxd5 Dxd5 15. Rb6 og vinnur skiptamun.

12.... Rxd5 13. Rc3 Be6 14. Df3 Rc7 15. d5

Gott var einnig 15. Bxe6 fxe6 16. Dg4 og svarta staðan er erfið.

15.... Bxe5 16. dxe6 fxe6 17. De4?

Hér var sjálfsagt að eika 17. Bxe6+! Kh8 18. Hd1! o.s.frv.

17.... Dd4 18. De2?

Enn var best að leika 18. Bxe6+. Nú er svartur sloppinn.

18.... Rc6 19. Re4 Bg7 20. Hd1 De5 21. f4

Hvítur vill greinilega að „spila" kringum e6-peðið en fær á sig sendingu úr óvæntri átt.

21.... Rd4! 22. De3 Hxf4!

Hvítur á ekki yfir þessu, 23. Dxf4 strandar vitaskuld á 23.... Re2+.

23. Rc3 Hff8 24. Dxe5 Bxe5 25. Bg5 Rxb3 26. axb3 Bd6 27. Hd3 Had8 28. Re4? Bxh2+!

Gerir út um taflið.

29. Kxh2 Hxd3 30. Bxe7 Hf7 31. Bg5 Hd4 32. Rc3 Hf5 33. Be3 Hb4 34. Rd1 Rd5

- og hvítur gafst upp.

Daði Ómarsson lenti í 10. sæti af 12 keppendum í sínum fokki með 4 v. af 11 mögulegum en Nökkvi Sverrisson bætti sig verulega, hafnaði í 5. sæti með 6 vinninga og hækkaði um 30 elo-stig.

Magnús Carlsen efstur í Rúmeníu

Norðmaðurinn Magnús Carlsen hefur ekki teflt síðan á Wijk aan Zee-mótinu í janúar en er nú sestur að tafli á sterku 6-manna móti í Medias Rúmeníu. Eftir fyrri helming þess er hann efstur með 3½ vinning á undan Karjakin sem er með 3 vinninga og Nakamura sem er í 3. sæti með 2½ vinning. Ivantsjúk er í 4.-6. sæti með 2 vinninga.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 19. júní 2011.

Skákþættir Morgunblaðsins

[Event "First Saturday 2011 june GM"] [Site "Budapest"] [Date "2011.06.07"] [Round "4"] [White "Siedentorpf, Daniel"] [Black "Gretarsson, Hjorvar S"] [Result "0-1"] [ECO "B27"] [WhiteElo "2291"] [BlackElo "2422"] [PlyCount "68"] [EventDate "2011.06.04"] 1. e4 c5 2. Nf3 g6 3. c3 Bg7 4. d4 cxd4 5. cxd4 d5 6. exd5 Nf6 7. Bb5+ Bd7 8. Bc4 b5 9. Bb3 O-O 10. O-O Bf5 11. Qe2 a6 12. Ne5 Nxd5 13. Nc3 Be6 14. Qf3 Nc7 15. d5 Bxe5 16. dxe6 fxe6 17. Qe4 Qd4 18. Qe2 Nc6 19. Ne4 Bg7 20. Rd1 Qe5 21. f4 Nd4 22. Qe3 Rxf4 23. Nc3 Rff8 24. Qxe5 Bxe5 25. Bg5 Nxb3 26. axb3 Bd6 27. Rd3 Rad8 28. Ne4 Bxh2+ 29. Kxh2 Rxd3 30. Bxe7 Rf7 31. Bg5 Rd4 32. Nc3 Rf5 33. Be3 Rb4 34. Nd1 Nd5 0-1

Áskell sigraði á Landsmóti 50 ára og eldri

Áskell Örn Kárason sigraði í skákmóti Landsmóti 50 ára og eldri sem fram fór í Hvammstanga í dag.  Akureyringar röðuðu sér í efstu sætin því Gylfi Þórhallsson varð annar og Ólafur Kristjánsson þriðji.

Fimm keppendur tóku þátt og tefldar voru 20 mínútna skákir, allir við alla.

 

Rúnar Sigurpálsson efstur á útiskákmóti Goðans í Vaglaskógi

Rúnar  Sigurpálsson (Mátar) varð efstur á útiskákmóti Goðans sem fram fór í Vaglaskógi í gærkvöld. Rúnar fékk 7 vinninga af 8 mögulegum og tapaði aðeins einni skák, fyrir Jóni Kr þorgeirssyni, sem varð í öðru sæti með 6,5 vinninga. Jakob Sævar Sigurðsson, Smári Sigurðsson og Hlynur Snær Viðarsson urðu jafnir í 3.-5. sæti með 5 vinninga hver.

 
Alvarlegt tölvuvandamál kom upp eftir þrjá umferðir sem tafði mótið mikið og var því mótið stytt niður í 8 umferðir, en til stóð að tefla 11 umferðir.

Veðrið var þurrt og gott í Vaglaskógi, en ansi kalt var orðið í síðustu þremur umferðunum.
Þó fraus ekki.

Úrslit:

1.       Rúnar Sigurpálsson          Mátar     7 vinn af 8 mögulegum.
2.       Jón Kristinn Þorgeirsson     SA        6,5
3-5     Jakob Sævar Sigurðsson  Goðinn   5
3-5     Smári Sigurðsson             Goðinn   5
3-5     Hlynur Snær Viðarsson     Goðinn   5
6-7     Rúnar ísleifsson               Goðinn    4,5
6-7     Bragi Pálmaon                     SA       4,5
8-11   Ármann Olgeirsson          Goðinn    4
8-11   Sveinbjörn Sigurðsson        SA       4
8-11   Wylie                                USA       4
8-11   Jón Magnússon                  SA        4
12-13 Hermann Aðalsteinsson   Goðinn   3
12-13 þorgeir Jónsson               SA          3
14-15 Sigurbjörn Ásmundsson   Goðinn   2
14-15 Ketill Tryggvason             Goðinn    2
16      Hjörtur Snær Jónsson       SA          0,5

Myndir verða birtar á morgun á vef Goðans.

Verslunin í Vaglaskógi gaf ís í brauði fyrir sigurvegarann, en Rúnar ánafnaði Jóni Kr ísinn. Jón Kr og fjölskylda fá ís í brauði næst þegar þau eiga leið um Vaglaskóg.

Heimasíða Goðans