Skák.is

Bloggfærslur mánaðarins, maí 2014

31.5.2014 | 19:44

Guðmundur með vinningsforskot á Hannes fyrir lokaumferðina

Alþjóðlegi meistarinn Guðmundur Kjartansson hefur vinningsforskot fyrir lokaumferð Íslandsmótsins í skák sem hefst kl. 11 í fyrramálið. Guðmundur gerði í dag jafntefli við Hannes Hlífar Stefánsson. Bæði Héðinn Steingrímsson og Henrik Danielsen duttu úr baráttunni um Íslandsmeistaratitilinn með tapi.

Héðinn tapaði fyrir Helga Áss Grétarssyni en Henrik fyrir Einari Hjalta Jenssyni. Hjörvar Steinn Grétarsson vann langþráðan sigur, þann fyrsta frá í þriðju umferð, gegn Braga Þorfinnssyni.

Í lokaumferðinni teflir Guðmundur við Hjörvar, Hannes við Henrik, Héðinn við Braga og Þröstur við Helga Áss.

Staðan

1. Guðmundur Kjartansson 6 v.
2. Hannes Hlífar Stefánsson 5 v.
3.-5. Héðinn Steingrímsson, Þröstur Þórhallsson og Henrik Danielsen 4½ v.
6. Hjörvar Steinn Grétarsson 4 v.
7.-9. Einar Hjalti Jensson , Helgi Áss Grétarsson og Bragi Þorfinnsson 3½ v.
10. Guðmundur Gíslason 2 v.

Áskorendaflokkur:

Sigurður Daði Sigfússon og Davíð Kjartansson er efstir og jafnir með 6½ vinning. Sigurður Daði gerði jafntefli við Lenku Ptácníková en Davíð vann Loft Baldvinsson. Lenka og Magnús Teitsson eru í 3.-4. sæti með 6 vinninga.

Í lokaumferðinni teflir Davíð við Lenku, Sigurður Daði við Hallgerði Helgu Þorsteinsdóttur og Magnús við Oliver Aron Jóhannesson.

Íslandsmót kvenna

Íslandsmót kvenna er hluti af áskorendaflokki. Lenka er þar efst með 6 vinninga, Hallgerður önnur með 5½ og Elsa María Kristínardóttir þriðja með 5 vinninga.

Áður hefur komið við hverja Lenka og Hallgerður tefla. Elsa mætir svo Kristjáni Eðvarðssyni.

Skákir áttundu umferðar, innslegnar af Kjartani Maack, fylgja með sem viðhengi.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)

Veljið skák (21 alls):

Spil og leikir | Breytt s.d. kl. 19:56 | Slóð | Facebook | Athugasemdir (0)

31.5.2014 | 14:59

Áttunda og næstíðasta umferð í fullum gangi

Áttunda og næstsíðasta umferð Íslandsmótsins í skák er í fullum gangi. Forystumaðurinn Guðmundur Kjartansson teflir við Hannes Hlífar Stefánsson sem er í 2.-4. sæti vinningi á eftir Guðmundi. Henrik Danielsen, sem teflir við Einar Hjalta Jensson, og Héðinn Steingrímsson, sem mætir Helga Áss Grétarssyni eru einnig vinningi á eftir Guðmundi. Lokaátökin í skákinni eru því ekkert síður spennandi en sjálfar kosningarnar!

Áskorendaflokkur:

Sigurður Daði Sigfússon, sem er efstur í flokknum, teflir við Lenku Ptácníková, sem er í 2.-4. sæti ásamt Magnúsi Teitssyni og Davíð Kjartanssyni. Magnús teflir við ungstirnið Vigni Vatnar Stefánsson og Davíð mætir Lofti Baldvinssyni.

Íslandsmót kvenna

Íslandsmót kvenna er hluti af áskorendaflokki. Lenka hefur þar vinningsforskot á Jóhönnu Björgu Jóhannsdóttur og Elsu Maríu Kristínardóttur.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)

Spil og leikir | Breytt s.d. kl. 15:31 | Slóð | Facebook | Athugasemdir (0)

31.5.2014 | 11:00

Ný alþjóðleg skákstig

Ný alþjóðleg skákstig eru komin út. Jóhann Hjartarson og Helgi Ólafsson eru venju samkvæmt stigahæstir íslenskra skákmanna. Hjörvar Steinn Grétarsson er þriðji. Enginn nýliði er á listanum en Jón Þór Helgason hækkar mest allra frá maí-listanum. Rétt er að taka fram að Íslandsmótið í skák verður ekki reiknað fyrr en á júlí-listanum og þar má gera ráð fyrir töluverðum sveiflum meðal efstu manna.

Topp 20

No.	Name	Tit	JUN14	Gms	Diff
1	Hjartarson, Johann	GM	2571	0	0
2	Olafsson, Helgi	GM	2555	0	0
3	Gretarsson, Hjorvar Steinn	GM	2545	7	15
4	Stefansson, Hannes	GM	2540	16	-8
5	Steingrimsson, Hedinn	GM	2537	0	0
6	Petursson, Margeir	GM	2532	0	0
7	Arnason, Jon L	GM	2502	0	0
8	Kristjansson, Stefan	GM	2490	4	-4
9	Danielsen, Henrik	GM	2486	9	3
10	Sigurjonsson, Gudmundur	GM	2463	0	0
11	Gretarsson, Helgi Ass	GM	2462	0	0
12	Thorsteins, Karl	IM	2456	0	0
13	Thorfinnsson, Bragi	IM	2447	9	-12
14	Gunnarsson, Arnar	IM	2435	0	0
15	Kjartansson, Gudmundur	IM	2434	6	-5
16	Gunnarsson, Jon Viktor	IM	2426	0	0
17	Thorhallsson, Throstur	GM	2425	16	-12
18	Olafsson, Fridrik	GM	2397	5	-9
19	Arngrimsson, Dagur	IM	2390	6	4
20	Thorfinnsson, Bjorn	IM	2389	0	0

Nýliðar

Engir nýliðar eru á listanum nú. Þess má þó geta Omar Salama kemur "nýr" inn en hann er nú skráður sem Íslendingur á stigalistanum.

Mestu hækkanir

Jón Þór Helgason hækkar mest allra frá maí-listanum eða 61 skákstig eftir góða frammistöðu á Skákmóti öðlinga. Gauti Páll Jónsson (38), Vignir Vatnar Stefánsson (36) og Sigurlaug R. Friðþjófsdóttir (32) koma næst.

No.	Name	Tit	JUN14	Gms	Diff
1	Helgason, Jon Thor		1681	6	61
2	Jonsson, Gauti Pall		1719	6	38
3	Stefansson, Vignir Vatnar		1948	6	36
4	Fridthjofsdottir, Sigurl. Regina		1789	6	32
5	Ontiveros, John		1766	4	24
6	Kristinsson, Ogmundur		2071	7	23
7	Johannsson, Orn Leo		2038	5	23
8	Ragnarsson, Dagur		2161	5	22
9	Nikulasson, Gunnar		1666	6	22
10	Palsdottir, Soley Lind		1471	4	22

Stigahæstu ungmenni (1994-)

Dagur Ragnarsson (2161) náði efsta sætinu á ungmennalistanum af félaga sínum Oliveri Aroni Jóhannessyni (2156) en á þeim munar aðeins 5 stigum. Nökkvi Sverrisson (2082) er þriðji.

No.	Name	JUN14	B-day	Diff
1	Ragnarsson, Dagur	2161	1997	22
2	Johannesson, Oliver	2156	1998	10
3	Sverrisson, Nokkvi	2082	1994	0
4	Karlsson, Mikael Johann	2056	1995	-15
5	Hardarson, Jon Trausti	2045	1997	-21
6	Johannsson, Orn Leo	2038	1994	23
7	Thorgeirsson, Jon Kristinn	1966	1999	0
8	Stefansson, Vignir Vatnar	1948	2003	36
9	Sigurdarson, Emil	1903	1996	0
10	Fridgeirsson, Dagur Andri	1847	1995	0

Reiknuð innlend mót

Skákmót öðlinga
Wow air Vormót TR (a- og b-flokkar)
Norðurlandamót stúlkna (a-, b- og c-flokkar)
Landsmótið í skólaskák (eldri og yngri flokkar)

Íþróttir | Slóð | Facebook | Athugasemdir (0)

31.5.2014 | 10:21

Frétt RÚV um Íslandsmótið í skák

RÚV kom á skákstað í gær og tók myndir. Sjá má fullunna frétt á RÚV-vefnum en því miður virðist fréttin ekki hafa ratað í fréttatímann - væntanlega vegna tímaskorts.

Frétt RÚV

Spil og leikir | Slóð | Facebook | Athugasemdir (0)

31.5.2014 | 08:58

Tíu á toppnum í Skákgetrauninni

Tíu manns eru efst í skákgetrauninni þegar sjö umferðum er lokið. Viðkomandi hafa 10 stig af 15 mögulegum. Þess má geta að enginn af 106 þátttakendum spáði Guðmundi Kjartanssyni sigri á mótinu. Þessir tíu á toppnum hafa því öll hin sætin rétt, þ.e. settu Henrik, Héðinn og Hannes í sæti 2-4 og annaðhvort Braga eða Þröst í sæti 5.

Þessir 10 sem leiða eru:

Bjarni Hjartarson, Bragi Halldórsson, Davíð Hjálmar Haraldsson, Davíð Kjartansson, Eyþór Franzson Wechner, Friðrik Jensen Karlsson, Geirþrúður, Guðmundur Daðason, Oliver Aron Jóhannesson og Unnar Ingvarsson.

Nýjar tölur í bland við kosningartölur verða gefnar í kvöld.

Í fyrstu verðlaun er 15.000 kr. úttekt á Hereford-steikhúsi en að auki gefa Gullöldin, Sögur útgáfa og 12 tónar verðlaun.

Dregið verður á milli verðlaunahafa verði menn jafnir.

Spil og leikir | Breytt s.d. kl. 09:01 | Slóð | Facebook | Athugasemdir (0)

30.5.2014 | 21:57

Guðmundur með vinningsforskot á Íslandsmótinu í skák

Alþjóðlegi meistarinn Guðmundur Kjartansson hefur vinningsforskot á Íslandsmótinu í skák eftir sigur á Braga Þorfinnssyni í sjöundu umferð sem fram fór í kvöld. Guðmundur hefur 5½ vinning. Stórmeistararnir Héðinn Steingrímsson, Henrik Danielsen og Hannes Hlífar Stefánsson eru í 2.-4. sæti. Héðinn vann sína þriðju skák í röð er hann vann Guðmund Gíslason, Hannes vann sigur á Einar Hjalta Jensson í stuttri skák en Henrik gerði jafntefli við Þröst Þórhallsson. Jafntefli varð í skák Helga Áss og Hjörvar Steins Grétarssona.

Í áttundu umferð, sem fram fer á morgun, mætast Guðmundur og Hannes, Héðinn teflir við Helga Áss og Henrik mætir Einari Hjalta.

Staðan:

1. Guðmundur Kjartansson 5½ v.
2.-4. Héðinn Steingrímsson, Henrik Danielsen, Hannes Hlífar Stefánsson 4½ v.
5.-6. Þröstur Þórhallsson og Bragi Þorfinnsson 3½ v.
7. Hjörvar Steinn Grétarsson 3 v.
8. Helgi Áss Grétarsson 2½ v.
9. Guðmundur Gíslason 2 v.
10. Einar Hjalti Jensson 1½ v.

Áskorendaflokkur:

Sigurður Daði Sigfússon hefur náð forystunni í áskorendaflokki með sigri á Gylfa Þórhallssyni en hann hefur 6 vinninga. Magnús Teitsson, Davíð Kjartansson og Lenka Ptácníková eru í 2.-4. sæti með 5½. Davíð vann Magnús en Lenka hafði betur gegn Degi Ragnarssyni. Tvö efstu sætin gefa sæti í landsliðsflokki að ári svo hart er barist. Séu menn jafnir að vinningum gildir stigaútreikningur og þar stendur Magnús best að vígi.

Loftur Baldvinsson og Vignir Vatnar Stefánsson eru í 5.-6. sæti með 5 vinninga. Loftur vann Kristján Eðvarðsson og Vignir vann landsliðskonuna Jóhönnu Björg Jóhannsdóttur. Óvænt úrslit urðu þegar Björn Hólm Birkisson gerði jafntefli við alþjóðlega meistarann Sævar Bjarnason

Í áttundu og næstsíðustu umferð, sem fram fer á morgun mætast meðal annars: Lenka - Sigurður Daði, Loftur - Davíð og Magnús - Vignir Vatnar.

Íslandsmót kvenna

Íslandsmót kvenna er hluti af áskorendaflokki. Þar er Lenka efst með 5½ vinning. Elsa María Kristínardóttir og Hallgerður Helga Þorsteinsdóttir eru í 2.-3. sæti með 4½ vinning. Elsa vann Ragnar Árnason en Hallgerður lagði Óskar Long Einarsson að velli.

Lenka teflir við Sigurð Daða Sigfússon á morgun, Elsa við Gylfa Þórhallsson og Hallgerður við Dag Ragnarsson.

Meðfylgjandi er skákir sjöundu umferðar, innslegnar af Kjartani Maack.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)

Veljið skák (21 alls):

Spil og leikir | Breytt s.d. kl. 22:42 | Slóð | Facebook | Athugasemdir (0)

30.5.2014 | 13:07

Sjöunda umferð Íslandsmótsins hefst kl. 16 - áframhaldandi sviptingar?

Sjöunda umferð Íslandsmótsins í skák hefst kl. 16. Gríðarleg spenna er á mótinu og sviptingar miklar. Aldrei hafa nákvæmlega sömu aðilar leitt mótið tvær umferðir í röð. Þetta er í þriðja skiptið sem Íslandsmótið er haldið í Kópavogi og hingað til hafa staðið uppi nokkuð óvæntir sigurvegarar; Jón Viktor Gunnarsson (2000) og Þröstur Þórhallsson (2012). Alþjóðlegi meistarinn, Guðmundur Kjartansson, sem er aðeins sjöundi í stigaröð tíu keppenda er mjög óvænt efstur eftir sex umferðir með 4½ vinning og spurning hvort Kópavogur haldi áfram því hlutverki að bjóða upp á óvænta Íslandsmeistara.

Henrik Danielsen er annar með 4 vinninga. Bragi Þorfinnsson, Héðinn Steingrímsson og Hannes Hlífar Stefánsson eru svo í 3.-5. sæti með 3½ og Þröstur Þórhallsson er sjötti með 3 vinninga. Allir þessara hafa möguleika á hampa Íslandsmeistaratitlinum.

Í sjöundu umferð, sem hefst í dag, mætast meðal annars Bragi og Guðmundur og Þröstur og Henrik. Gríðarlega mikilvægar viðureignir upp á framhald mótsins. Héðinn teflir við Guðmund Gíslason og Hannes við Einar Hjalta Jensson. Að lokum mætast stórmeistararnir Hjörvar Steinn Grétarsson og Helgi Áss Grétarsson.

Áskorendaflokkur:

Magnús Teitsson er efstur með 5½ vinning og Sigurður Daði Sigfússon er annar með 5 vinninga. Í 3.-6. sæti með 4½ vinning eru Gylfi Þórhallsson, Lenka Ptácníková, Dagur Ragnarsson og Sævar Bjarnason.

Magnús teflir við Davíð, Sigurður Daði við Gylfi og Lenka við Dag.

Tvö efstu sætin gefa sæti í landsliðsflokki að ári.

Áskorendaflokkur hefst kl. 17 í dag.

Íslandsmót kvenna

Íslandsmót kvenna er hluti af áskorendaflokki. Þar er Lenka efst með 4½ vinning, Jóhanna Björg Jóhannsdóttir önnur með 4 vinninga og Elsa María Kristínardóttir og Hallgerður Helga Þorsteinsdóttir í 3.-4. sæti með 3½ vinning.

Lenka teflir við Dag Ragnarsson, Jóhanna Björg við ungstirnið Vignir Vatnar, Hallgerður við Óskar Long Einarsson og Elsa María við Ragnar Árnason.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)

Spil og leikir | Slóð | Facebook | Athugasemdir (0)

29.5.2014 | 22:38

Róbert og Bjarni efstir

Það eru ekki bara sviptingar á sjálfu Íslandsmótinu heldur einnig sveifur í skák-getrauninni. Bjarni Hjartarson er þó enn í forystu en Róbert Lagerman hefur náð honum að stigum eftir umferð dagsins.

Þeir félagarnir hafa 10 stig hvor. Sturla Jónsson og Tómas Björnsson koma næstir með 9 stig og Marsibil Ólafsdóttir er í fimmta sæti með 7 stig.

Í fyrstu verðlaun er 15.000 kr. úttekt á Hereford-steikhúsi en að auki gefa Gullöldin, Sögur útgáfa og 12 tónar verðlaun.

Spil og leikir | Breytt s.d. kl. 22:51 | Slóð | Facebook | Athugasemdir (0)

29.5.2014 | 18:28

Guðmundur efstur á Íslandsmótinu - efstu menn tapa niður vinningum

Alþjóðlegi meistarinn Guðmundur Kjartansson er einn efstur með 4,5 vinning að lokinni sjöttu umferð Íslandsmótsins í skák sem fram fór í dag. Gríðarleg spenna er á mótinu og miklar sviptingar. Nýir menn í forystu eftir hverja umferð. Hjörvar Steinn Grétarsson tapaði sinni þriðju skák í röð - nú fyrir Guðmundi Gíslasyni. Þröstur Þórhallsson vann Hannes Hlífar Stefánsson sem tapaði sinni annarri skák í röð. Héðinn Steingrímsson er hins vegar kominn á beinu brautina og vann Henrik Danielsen en hann vann Hannes í gær. Henrik er engu að síður enn annar en hann hefur 4 vinninga. Bragi Þorfinnsson, sem gerði jafntefli við Helga Áss Grétarsson er í 3.-5. sæti ásamt Henrik og Hannesi.

Staðan:

1. Guðmundur Kjartansson 4,5 v.
2. Henrik Danielsen 4 v.
3.-5. Bragi Þorfinnsson, Héðinn Steingrímsson og Hannes Hlífar Stefánsson 3,5 v.
6. Þröstur Þórhallsson 3 v.
7. Hjörvar Steinn Grétarsson 2,5 v.
8.-9. Guðmundur Gíslason og Helgi Áss Grétarsson 2 v.
10. Einar Hjalti Jensson 1,5 v.

Sjöunda umferð fer fram á morgun og hefst kl. 16. Þá teflir Guðmundur við Braga og Henrik við Þröst.

Áskorendaflokkur:

Magnús Teitsson heldur áfram að standa sig vel. Í dag vann hann Lenku Ptácníková og er efstur með 5,5 vinning. Sigurður Daði Sigfússon sem hafði betur gegn Oliver Aroni Jóhannessyni er annar með 5 vinninga. Lenka er í 3.-6. sæti með 4,5 vinning ásamt Degi Ragnarssyni, Gylfa Þórhallssyni og Davíð Kjartanssyni.

Í sjöundu umferð sem fram fer á morgun og hefst kl. 17 mætast meðal annars: Magnús-Davíð, Sigurður Daði-Gylfi og Dagur-Lenka.

Íslandsmót kvenna

Íslandsmót kvenna er hluti af áskorendaflokki. Þar er Lenka efst með 4,5 vinning, Jóhanna Björg Jóhannsdóttir önnur með 4 vinninga og Elsa María Kristínardóttir og Hallgerður Helga Þorsteinsdóttir í 3.-4. sæti með 3,5 vinning.

Skákir sjöttu umferðar, innslegnar af Kjartani Maack, fylgja með sem viðhengi.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)
Myndaalbúm sjöttu umferðar (GB)

Veljið skák (20 alls):

Spil og leikir | Breytt s.d. kl. 18:41 | Slóð | Facebook | Athugasemdir (0)

29.5.2014 | 14:12

Sjötta umferð Íslandsmótsins hafin

Sjötta umferð Íslandsmótsins í skák hófst kl. 13. Margar athyglisverðar viðureignir fara fram í dag og má þarf nefna að þeir fjórir sem hampað hafa Íslandsmeistaratitli tefla alfarið innbyrðis. Henrik Danielsen (2009) teflir við Héðin Steingrímsson (1990 og 2011) og Hannes Hlífar Stefánsson (tólffaldur!) mætir Þresti Þórhallssyni (2012). Fara þarf aftur til ársins 2000 til að finna annan Íslandsmeistara en fjórmenningana en þá vann Jón Viktor Gunnarsson.

Umferð dagsins