Magnús Carlsen heimsmeistari í hraðskák eftir frábæran gærdag

Heimsmeistarinn Magnús Carlsen sýndi sínar bestu hliðar á lokadegi Heimsmeistaramótsins í hraðskák í gær. Eftir fyrri dag mótsins (11 umferðir af 21) var hann með 7 vinninga og tveimur vinningum á etir Sergei Karjakin og í 9.-20. sæti.  Hann vann næstu fjórar skákir og þar á meðal Karjakin í 15. umferð. Þá var hann orðinn einn efstur og þá forystu lét hann aldrei af hendi og hafði þegar þegar tryggt sér sigur fyrir lokaumferðina. Alls fékk 9 vinninga í 10 skákum í gær. 

 

Karjakin og Anand urðu í 2.-3 sæti með 14,5 vinning. Frábært frammistaða hjá þeim síðarnefnda og ljóst að enn lifir í gömlum glæðum. Hann greinilega einnig fór á kostum  að móti loknu en hér má sjá hann með löndum sínum Sethuraman og Adhiban.

Nana Dzagnidze, Georgíu, vann sigur í kvennaflokki. Rússneska landsliðskonan, Valentina Gunina varð önnur og Ju Wenjun þriðja.

Mótshaldið tókst afar vel. Frábærar aðstæður, að sögn keppenda og starfsmanna, og verðlaun á mótinu hafa aldri verið hærri. Það að Ísraelmenn gátu ekki tekið þátt setti hins vegar svartan blett á mótshaldið og nauðsynlegt fyrir FIDE að sjá til þess að það gerist ekki aftur að einstakar þjóðir geti ekki tekið þátt í heimsmeistaramóti.

Íslendingar áttu sinn fulltrúa á mótinu en Omar Salama var einn dómara mótsins. Hann stóð þar í ströngu og var fastagestur á viðtölum á norska ríkissjónvarpinu (NRK) auk þess að bera ábyrgð á mikilvægustu viðureignum mótsins það er toppborðunum. 

 

Sjá nánar á Chess.com. 

Myndir Maria Emelianova (Chess.com)

 

• Heimasíða mótsins
• Beinar útsendingar (Chess24)
• Chess-Results

Skákþáttur Morgunblaðsins: Jólaskákþrautir

Eins og stundum áður um jólin leggur skákpistlahöfundur blaðsins nokkrar skákþrautir fyrir lesendur sína en lausnir munu birtast í blaðinu eftir viku. Dæmin eru úr ýmsum áttum en vakin er athygli á því að fjórða dæmið er fengið frá heimsmeistaramóti í skákdæmalausnum sem fram fór í Dresden í Þýskalandi sl. sumar. Meðal þátttakenda var margfaldur heimsmeistari í greininni, enski stórmeistarinn og stærðfræðingurinn John Nunn. Þessi keppni er geysilega krefjandi og dæmin sem lögð voru fyrir keppendur mörg hver níðþung.

D. J. Shire 1997 

Hvítur leikur og mátar í 2. leik.

 

G. Heathcote 1911 

Hvítur leikur og mátar í 2. leik.

 

Thomas Taverner 1889 

Hvítur leikur og mátar í 2. leik.

 

Frá HM í Dresden 2017 

Hvítur leikur og mátar í 3. leik .

 

A. Selezniev 1921 

Hvítur leikur og vinnur.

 

V. Korolkov 1935 

Hvítur leikur og vinnur.

 

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 23. desember 2017.

Skákþættir Morgunblaðsins

Karjakin efstur á HM í hraðskák - Carlsen tveimur vinningum á eftir

Sergey Karjakin (2854) er efstur eftir fyrri hluta Heimsmeistaramótsins í hraðskák sem hófst í gær. Rússinn hefur 9 vinninga eftir 11 umferðir. Annar er MVL (2853) með 8,5 vinninga. Magnus Carlsen (2986) er aðeins í 14.-20. sæti með 7 vinninga og þarf eiga afar góðan dag ætli hann blanda sér í toppbaráttuna en í dag eru tefldar 10 umferðir. 

Það var atvik í fyrstu umferð sem stal athyglinni í dag. Í skák Carlsen og Inarkiev kom upp þessi staða:

s

Carlsen hafði í síðasta leik drepið á b7 með hrók og þar með var skák á Inarkiev. Eftir umhugsun skákiaði Rússinn með riddara á e3! Carlsen lék Kd3 en hefði að sjálfögðu geta kraðist vinnings vegna ólöglegs leiks. Þá krafðist Inarkiev vinnings þar sem Carlsen hafði leiki ólöglegan leik! Dómarinn samþykkti kröfu hans. 

 

Carlsen talaði við yfirdómara mótsins sem sneri við viðurstöðunni. Kd3 væri í sjálfu sér ekki ólöglegur leikur og bauð Inarkiev að skákinni væri framhaldið. Rússinn afþakkaði það. Áfrýjaði málinu fyrir áfýrjunarnefnd en tapaði þeirri áfrýjun. Atvikið á myndrænan hátt má sjá hér:

Here's what happened in the game between @MagnusCarlsen and Ernesto Inarkiev in the first round of the World Blitz. #RiyadhChess #controvesy #rules

Video courtesy @FIDE_chess / @Chesscast64 pic.twitter.com/A8PcfJBMut

— ChesscomNews (@ChesscomNews) December 29, 2017

Garry Kasaprov tjáði sig um málið og var ekki sáttur við hegðun landa sinn. 

Skákstjóri í framhaldinu skipti um aðaldómara á sviðinu og setti þar Omar Salama sem hefur verið á efstu borðunum síðan þá.

Carlsen náði sér ekki strik í framhaldinu og átti frekar dapran dag á sinn mælikvarða. 

Pia Cramling, sem er 54 ára, er efst í kvennaflokki og haldi hún dampi slær hún við mörgum stigahægri og yngri skákmönnum. 

Taflmennska dagsins hófst kl. 11. 

Sjá nánar á Chess.com.

 

Myndir Maria Emelianova (Chess.com)

 

• Heimasíða mótsins
• Beinar útsendingar (Chess24)
• Chess-Results

Nýársmót Vinaskákfélagsins fer fram 8. janúar

Nýársskákmót Vinaskákfélagsins verður haldið mánudaginn 8 janúar kl: 13, í Vin að Hverfisgötu 47. Tefldar verða 6 umferðir með 7 mínútur á skák. Skákstjóri verður Hörður Jónasson. Mótið verður reiknað til hraðskákstiga. 

Í hléi verður boðið upp á kaffi og vöfflur. Góð verðlaun verða í boði. Þið getið skráð ykkur á mótið á gula kassanum efst á síðunni á skak.is Einnig getið þið skráð ykkur á staðnum.

Allir velkomnir!!

Upplýsingar um þegar skráða keppendur má finna hér.

 

Anand heimsmeistari í atskák

Viswanathan Anand varð í dag heimsmeistari í atskák eftir æsispennandi baráttu á mótinu sem fram fer í Sádi Arabíu. Hann vann Vladimir Fedoseev 2-0 í umspili um titilinn. Á myndinni að ofan má sjá Fedoseev gefast upp. Fyrir aftan þá situr Omar Salama, einn skákdómara mótsins. Ju Wenjun varð heimsmeistari kvenna í atskák. 

Fedoseev var efstur fyrir lokadaginn. Hann tapaði hins vegar fyrir heimsmeistaranum Magnusi Carlsen í 12. umferð og þar með náði Norðmaðurinn forystunni. Magnús gerði hins vegar jafntefli í 13. og 14. umferð og hafði Anand náð honum að vinningum. 

Indverjinn Anand gerði stutt jafntefli við Bu lokaumferðinni. Norðmaðurinn mátti hins vegar lúta í dúk gegn hinum rússneska Alexander Grischuk. Landar hans, Fedoseev og Nepomniachchi, unnu í lokaumferðinni og náðu Indverjanum að vinningum. Reglur mótsins hljóða upp að séu fleiri en tveir efstir og jafnir skuli tveir efstu menn samkvæmt stigaútreikningi til úrslita. Þar með féll Nepo úr leik. Anand lagði svo Fedoseev örugglega að velli í hraðskákeinvígi 2-0.

Magnaður árangur Anands, sem er 48 ára, og hefur þrátt fyrir "háan" aldur ávallt haldið sér meðal bestu skákmanna heims. Carlsen endaði í 4.-10. sæti. 

Í dag kl. 11 hefst svo heimsmeistaramótið í hraðskák. 

Nánar á Chess.com.

Myndir Maria Emelianova (Chess.com)

 

• Heimasíða mótsins
• Beinar útsendingar (Chess24)
• Chess-Results

Jólamót Víkingaklúbbsins fer fram í kvöld

Jólamót Víkingaklúbbsins verður haldið föstudaginn 29. des í húsnæði Skáksambands Íslands og hefst það kl 19.30. Teflt verður bæði skák og Víkingaskák. Fyrst 6. umferða skákmót með 5 mínútna umhugsunartíma, en eftir það verða 6. umferðir í Víkingaskák, þs 6 umferðir 7. mínútur. Verðlaun í boði fyrir þrjú efstu sæti og ókeypis veitingar, m.a Víkingamjöður. Ekki er nauðsynlegt að taka þátt í báðum mótunum og þeir sem ætla að tefla einungis Vîkingaskák mæta ekki seinna en kl 21.30.  Víkingaskákmótið er jafnframt Ìslandsmótið í Víkingahraðskák. Einnig eru veitt sérstök verðlaun fyrir besta árangur í báðum mótunum, en sá sem er með besta árangurinn úr báðum mótunum er jafnframt Íslandsmeistari í tvískák.  Í Víkingaskákinni er jafnframt veitt verðlaun fyrir besta liðið. Þrjú bestu skor gilda.

Sérstök aukaverðlaun fyrir Víkingaskák:  1. sæti:  8000, 2. sæti 6000, 3. sæti 4000, 1. sæti kvenna:  5000 (2. sætið 3000 og 3. sæti 2000)  1. sæti unglinga 5000 (2. sætið 3000 og 3. sæti 2000).

Skráning á mótið fer m.a fram á netfangið: vikingaklubburinn(hjá)gmail.com.

Mótið á sér orðið nokkra ára sögu eins og sjá má:

Mótið 2016 hér:

Mótið 2015 hér:

Mótið 2014 hér:
Mótið 2013 hér:
Mótið 2012 hér:
Mótið 2011 hér: 
Mótið 2010 hér:
Mótið 2009 hér:

Vignir Vatnar unglingameistari Íslands

Vignir Vatnar Stefánsson sigraði á fámennu en góðmennu Unglingameistaramóti Íslands sem fram fór 27. og 28. desember í húsnæði Skáksambandsins. Vignir hlaut 5 vinninga í 6 skákum. Úrslitin réðust ekki fyrr en í lokaumferðinni þegar Vignir vann forystusauðinn Gauta Pál Jónsson, sem hafði farið framförum fram að því. Gauti varð annar með 4½ vinning. Þriðji varð Oliver Aron Jóhannesson með 1½ vinning. 

Vignir fær að launum keppnisrétt í næsta landsliðsflokki Íslandsmótsins í skák og 50.000 ferðastyrk á skákmót erlendis. 

Lokastöðuna má nálgast á Chess-Results. 

Jólamót Riddarans: Björgvin og Jón Þorvaldsson efstir

Jólamót skákklúbbs eldri borgara á Stór-Hafnarfjarðarsvæðinu fór vel fram og í hátíðlegum anda. Margir valinkunnir skákseggir voru mættir til tafls albúnir þess að selja sig dýrt eftir að hafa haft hægt um sig um Jólin, tilbúnir að sýna klærnar þrátt fyrir friðaranda Jólanna sem lá  í loftinu.  

Ekki gekk það þó allt eftir hjá öllum eins og að var stefnt. Tveir snillingar skáru sig úr og sýndu afbragðs góða takta. Það voru þeir Björgvin Víglundsson og Jón Þorvaldsson, báðir vopn- og vígfimir mjög tafls í stöðum flóknum. Svo fór að þeir urðu efstir og jafnir að vinningum, hlutu 10 af 11 mögulegum en stigin voru þeim fyrrnefnda í hag sem fór taplaus í gegnum mótið, en Jón með einn niður. Báðir voru þeir leystir út með Risa Jóla kærleikstré frá Sælgætisgerðinni Kólus, skv. Horts reglu.  

Norðlendingarnir Þór Valtýsson og Haraldur Haraldsson komu síðan næstir skör neðar með 7.5 v., en Haraldur gerði sér lítið fyrir í fyrra og vann mótið þá. Aðrir keppendur máttu sumir hverjir muna sinn fífil fegri  en tóku samt gleði sína á ný þegar þeir duttu óvænt í lukkupott og voru leystir út með nammi í mótslok, sem og elsti og neðsti keppandinn.

Önnur úrslit má sjá á meðf. mótstöflu og nokkrar svipmyndir af vettvangi ef vel er gáð sé tvíklikkað á myndina.    

Jólahraðskákmót TR fer fram í kvöld

ólahraðskákmót Taflfélags Reykjavíkur verður haldið fimmtudaginn 28. desember og hefst taflið klukkan 19:30. Tefldar verða 9 umferðir og verður umhugsunartíminn 4 mínútur á skák auk þess sem 2 sekúndur bætast við eftir hvern leik (4+2). Teflt verður í húsnæði TR að Faxafeni 12. Mótið verður reiknað til alþjóðlegra hraðskákstiga.

Þátttökugjald er 1.000kr (greiðist með reiðufé á staðnum). Frítt er fyrir félagsmenn TR sem eru 17 ára eða yngri. Verðlaun verða veitt fyrir þrjú efstu sætin.

Skráningarform

Skráðir keppendur

Jólahraðskákmeistarar síðustu ára:

2016: Páll Agnar Þórarinsson 2015: Vignir Vatnar Stefánsson 2014: Oliver Aron Jóhannesson 2013: Jóhann Ingvason 2012: Oliver Aron Jóhannesson 2011: Daði Ómarsson 2010: Jóhann Ingvason 2009: Sigurður Daði Sigfússon 2008:Gunnar Freyr Rúnarsson 2007: Davíð Kjartansson 2006: Stefán Kristjánsson 2005: Hrannar Baldursson 2004: Björn Þorfinnsson 2003: Arnar E. Gunnarsson 2002: Jón Viktor Gunnarsson 2001: Helgi Áss Grétarsson.

Fedoseev og Ju efst á HM í atskák

 

Þegar 10 umferðum af 15 er lokið á Heimsmeistaramótinu í atskák er Rússinn Vladmir Fedoseev efstur í opnum flokki en hin kínverska Ju Venjun efst í kvennaflokki.

Carlsen er nú 5.-9. sæti, vinningi á eftir Fedoseev. Allt getur því gerst fyrir lokaátökin á morgun þegar fimm síðustu umferðirnar eru tefldar. Í 2.-4. sæti eru Anand, Svidler og Wang Hao. 

Á ýmsu gekk í dag. Anand vann t.d. Carlsen laglega með svörtu. Anand vann einnig Luke McShane með glæsilegri drottningafórn eftir 53. Df4-f3.

 

53...Dh3+!! 60. Kxh3 Hh1#.

Leik dagsins átti hins vegar hinn 15 ára Esipenko gegn Sergey Karjakin.

What a beautiful move was 22...Qb3!! by 15-year-old Esipenko vs @SergeyKaryakin! Video courtesy @Chesscast64 #RiyadhChess pic.twitter.com/SCd1J5agMZ

— ChesscomNews (@ChesscomNews) December 27, 2017

 

Esipenko lék 22...Db3!! 23. axb3 er svarað með 23...Rxb3 mát! Karjakin reyndi 23. bxc3 Qxc3+ 24. Bb2 Bxb2+ 25. Rxb2 Dc1+ 26. Hb1 Rc2+ 27. Dxc2 Dxc2 en gafst upp skömmu síðar. 

Taflmennskan á morgun hefst kl. 11. Þá verða tefldar lokaumferðirnir fimm (11-15). 

Nánar á Chess.com.

Myndir Maria Emelianova (Chess.com)

 

• Heimasíða mótsins
• Beinar útsendingar (Chess24)
• Chess-Results