Íslenskur sigur á Stelpuskák

 

Fjórtán skákkonur mættu til leiks á Stelpuskák 2011 -  fimm umferða hraðskákmóti sem haldið var í Skákakademíunni þriðjudagshádegið 15. mars. Af þeim fjórtán sem tóku þátt voru fimm erlendir keppendur sem tefla einnig á MP Reykjavík Open. Þær stöllur frá Danmörku Oksana Vovk og Esmat Guindy, sænska skákkonan Christin Andersson, hin finnska Heini Puuska og sjálf Fiona Steil-Antoni sáu ástæðu til þess að breyta aðeins til í taflmennsku sinni og reyna fyrir sér í hraðskák við heimavarnarliðið; skipað íslenskum skákdrottningum af tveimur kynslóðum. Enda verðlaunin fyrir fyrsta sætið glæsileg - út að borða fyrir tvo á Argentína Steikhús.

 

Jóhanna Björg Jóhannsdóttir taflfélaginu Helli var ekki á því að hleypa gæða-nautakjöti í erlenda maga. Eftir að hafa tapað í þriðju umferð fyrir Oksönu Vovk rann æði á Jóhönnu Björgu. Með því að sigra Fionu í 4. umferðinni tryggði hún sér úrslitaskák gegn Christinu. Jóhanna vann þá skák og jafnaði þá sænsku að vinningum. Öðrum úrslitum var háttað þannig að alls komu fjórar skákkonur jafnar í mark með fjóra vinninga.

 

Þurfti því að grípa til undanúrslita og svo úrslitaskákar. Bæði í undanúrslitunum og úrslitaskákinni var tefld svokölluð Armageddon-skák þar sem svörtum nægir jafntefli.

 

Undanúrslit:

 

Oksana Vovk - Jóhanna Björg 0-1

 

Christin Andersson - Heini Puuska 0-1

 

Úrslit:

 

Heini Puuska - Jóhanna Björg 0-1

 

Jóhanna Björg Jóhannsdóttir er því glæsilegur sigurvegari Stelpuskákar 2011. Andstæðingar hennar voru meir og minna sterkar og margreyndar skákkonur með yfir 2100 elo-stig. Einkar glæsilegt hjá Jóhönnu.

 

Frekari úrslit á Chess-Results.

Myndaalbúm mótsins

 

MP Reykjavíkurskákmótið: Sjöunda umferð hafin

Sjöunda umferð MP Reykjavíkurskákmótsins hófst í dag kl. 16:30.  Jóhann Hjartarson verður með skákskýringar sem hefjast upp úr kl. 18 í dag.  Í dag tefldu Helgi Ólafsson og Ivan Sokolov hraðskákeinvígi í Deloitte og hafði sá bosníski betur eftir afar harða og skemmtilega baráttu 3-1.  Einvíginu verður gerð betri skil síðar.

Enn hefur bæst við myndaalbúm mótsins en myndahöfundar mótsins eru Calle Erlandsson, Einar S. Einarsson, Helgi Árnason og nú síðast Þórir Benediktsson.

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Halkias og Hess efstir á MP Reykjavíkurskákmótinu - Þröstur, Björn og Henrik efstir Íslendinga

Stórmeistararnir Stelios Halkias (2579), Grikklandi, og Robert Hess (2565), Bandaríkjunum, eru efstir með fullt hús að lokinni 4. umferð MP Reykjavíkurskámótsins sem nú er rétt nýlokið.    Stórmeistararnir Þröstur Þórhallsson (2387) og Henrik Danielsen (2533) og alþjóðlegi meistarinn Björn Þorfinnsson (2419) eru hins vegar efstir Íslendinga með 3 vinninga.  Fimmta umferð fer fram og í dag og hefst kl. 16:30.  Stórmeistarinn Helgi Ólafsson verður með skákskýringar sem hefjast upp úr kl. 18.   

Nokkuð var um óvænt úrslit.  Efstu mennirnir unnu töluvert stigahærri andstæðinga.  Halkias vann blindskákarsnillingin Miro (2670) og Hess vann Ivan Sokolov (2643).   

Mótið er jafnframt Norðurlandamót í skák bæði í opnum flokki og kvennaflokki.   Helgi Dam Ziska (Færeyjum), Tiger Hillarp Persson (Svíþjóð) og Sune Berg Hansen (Danmörku)  eru efstir í opnum flokki með 3,5 vinning en  Lenka Ptácníková og Emilia Horn (Svíþjóð) í kvennaflokki með 2,5 vinning.

 Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

MP Reykjavíkurskákmótið: Pörun 4. umferðar

Pörun 4. umferðar MP Reykjavíkurmótsins sem fram fer í fyrramálið og hefst kl. 9:30 liggur fyrir og má finna á Chess-Results.   Þá mætast meðal annars:

 

 

 

• Tiger - McShane
• Sokolov - Hess
• Ziska - Miton
• Gupta - Jón Viktor
• Jones - Bragi
• Henrik - Zelbel
• Björn - Friedel

Eftirtaldir eru efstir með fullt hús:

 

Rk.		Name	FED	RtgI	Pts.
1	GM	McShane Luke J	ENG	2683	3
	GM	Hillarp Persson Tiger	SWE	2524	3
3	GM	Sokolov Ivan	NED	2643	3
	GM	Halkias Stelios	GRE	2579	3
	GM	Hess Robert L	USA	2565	3
	IM	Berbatov Kiprian	BUL	2454	3
	IM	Ziska Helgi Dam	FAI	2432	3
8	GM	Miroshnichenko Evgenij	UKR	2670	3
	GM	Miton Kamil	POL	2600	3
10	GM	Kuzubov Yuriy	UKR	2627	3

 

 

Henrik, Jón Viktor og Þorfinnssynir með 2,5 vinning - Helgi Dam með fullt hús

Stórmeistararnir Henrik Danielsen og alþjóðlegu meistararnir Jón Viktor Gunnarsson, sem gerði jafntefli við úkraínska stórmeistarann, Vladimir Baklan, og bræðurnir Björn og Bragi Þorfinnssynir eru meðal þeirra keppenda sem hafa 2,5 vinning að lokinni 3. umferð MP Reykjavíkurmótsins.   Henrik hélt jafntefli eftir hetjulega baráttu gegn norska alþjóðlega meistaranum Joachim Thomassen í hvorki meira né minna en 153 eikjum. 

Tíu skákmenn eru eru efstir og jafnir með fullt hús vinninga.  Þeirra á meðal eru Ivan Sokolov, Luke McShane, Kiprian Berbatov og færeyski alþjóðlegi meistarinn Helgi Dam Ziska sem hefur komið manna mest óvart á mótinu hingað til.  Hann vann nú búlgarska stórmeistarann Boris Chatalbashev og er efstur Norðurlandabúa ásamt sænska stórmeistaranum Tiger Hillarp Persson en mótið nú er jafnframt Norðurlandamót í skák.  

Stórmeistararnir Hannes Hlífar Stefánsson og Þröstur Þórhallsson eru meðal þeirra sem hafa 2 vinninga.

Efstu menn í Norðurlandamótunum:

Opinn flokkur:

1.-2. Tiger Hillarp Persson (Svíþjóð) og Helgi Dam Ziska (Færeyjum) 3 v.

Kvennaflokkur:

1.-2. Lenka Ptácníkova (Ísland) og Sheila Barth Sahl (Noregur) 2 v. 

Á morgun verða tefldar tvær umferðir.  Sú fyrri hefst kl. 9:30 en sú síðari kl. 16:30.  

Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Míró vann 9 af 10 í blindskákarfjöltefi - Lilja lagði meistarann!

Nokkur fjöldi skákáhugamanna lagði leið sína í MP-banka í dag. Tilefnið; Evgenij Miroshnichenko hugðist tefla við tíu skákmenn í einu, og það blindandi. Keppendahópurinn samanstóð af ungum og efnilegum skákkrökkum, þekktum einstaklingum sem þó tengjast skák með einum eða öðrum hætti og svo fulltrúum frá SÍ og MP.  Hermann Gunnarsson fór í viðtal í beinni útsendingu á Rás 2 í miðri skák!

Fyrir sterkan skákmann er erfitt að tefla eina blindskák í einu án þess að ruglast neitt. En fyrir ofurstórmeistarann og Úkraínumanninn Evgenij Miroshnichenko er hins vegar lítið mál að tefla við tíu í einu. Míró, eins og hann er kallaður, ruglaðist nær aldrei í skákum sínum.

Eini ólöglegi leikurinn hans var gegn Hemma Gunn, sem hélt lengst út af þeim níu keppendum sem þurftu að gefast upp. Já. það voru bara níu sem þurftu að gefast upp, því skákdrottningin og nýbakaða móðirin Guðfríður Lilja Grétarsdóttir vann sína skák. Lokin í skák Lilju voru einkar skemmtileg. Lilja, 2 peðum yfir í hróksendatafli ákvað að sína stórmeistaranum vægð og bauð honum jafntefli. Hugsanlega spilaði það eitthvað inn í jafnteflisboðið að nýfædd dóttir hennar var orðin svöng. Svar Míró var tær snilld og vakti mikla kátínu viðstaddra; "I think I already have a lost position, so I have to refuse the offer and resign."

Sumsé 9-1 fyrir Evgenij Miroshnichenko. Sannarlega mikið afrek.

MP-mótið sjálft hefst svo í Ráðhúsi Reykjavíkur klukkan 16:30.

Teflir blindandi við 10 manns - Blindskákarfjöltefli í tilefni MP Reykjavíkurskákmótsins

MP Reykjavíkurskákmótið mun fara fram dagana 9.-16. Mars. Teflt verður í Ráðhúsi Reykjavíkur og munu um 170 keppendur frá 30 löndum tefla í mótinu.  Meðfram sjálfu mótinu munu verða haldnir nokkrir skemmtilegir skákviðburðir.

Fyrsti viðburðurinn og ef til vill sá merkilegasti verður þegar Úkraínumaðurinn  Evgenij Miroshnichenko mun reyna að tefla við 10 skákmenn í einu og það blindandi! Það verður fjölbreyttur hópur skákmanna og kvenna sem mun tefla við Úkraínumanninn. Fyrst skal nefna hinu ungu skákkrakka Vigni Vatnar Stefánsson, Nansý Davíðsdóttir og Mykael Krawchuk. Vignir og Nansý hafa vakið mikla athygli að undanförnu fyrir sigra sína við skákborðið og Mykael stendur þeim ekki langt að baki og er jafnframt ættaður frá Úkraínu. 

Íslendingar eiga margar glæsilegar skákdrottningar og fulltrúar kvennalandsliðsins munu reyna að máta ofurstórmeistarann. Margt er líkt með skák og stjórnmálum; Guðfríður Lilja, Halldór Blöndal og Óttarr Proppé verða fulltrúar pólitíkusa en í þeirra röðum hafa margoft leynst sterkir skákmenn.

Síðastan en langt frá því að vera sístan skal nefna hinn þekkta skákskýranda og gleðipinna Hermann nokkurn Gunnarsson en Hemmi er býsn sterkur skákmaður og fróðlegt að fylgjast með hvort honum takist að leggja stórmeistarann að velli.

Fjölteflið fer fram í MP-banka Ármúla 13a - þriðjudaginn 8. mars kl. 16:30 til ca. 19:00, degi áður en Reykjavík-Open hefst.

Allir eru velkomnir til að horfa á fjölteflið og er aðgangur ókeypis.  

 

 

Jón Úlfljótsson efstur á hraðkvöldi

Jón Úlfljótsson var fremstur meðal jafningja og sigraði á afar jöfnu og spennandi hraðkvöldi sem fram fór 21. febrúar sl. Jón fékk 5,5v í sjö skákum. Annar varð Gunnar Nikulásson með 5v og síðan komu þrír skákmenn með 4,5v en það voru þau Elsa María, Ólafur Gauti og Vigfús. Það var svo Ólafur Gauti sem hreppti aukaverðlaunin í happdrætti.

Lokastaðan á hraðkvöldinu.

• 1.   Jón Úlfljótsson                   5,5v/7
• 2.   Gunnar Nikulásson            5v
• 3.   Elsa María Kristínardóttir   4,5v
• 4.   Ólafur Gauti Ólafsson        4,5v
• 5.   Vigfús Ó. Vigfússon           4,5v
• 6.   Páll Andrason                    4v
• 7.   Birkir Karl Sigurðsson         3,5v
• 8.   Eiríkur Örn Brynjarsson      3v
• 9.   Egill Steinar Ásgeirsson      2,5v
• 10. Ívar Örn Halldórsson          2v
• 11. Björgvin Kristbergsson       2v
• 12. Pétur Jóhannesson            1v

Smári efstur á Skákþingi Goðans

Smári Sigurðsson er efstur á skákþingi Goðans með 3,5 vinninga að loknum fjórum umferðum eftir að hafa lagt bróður sinn, Jakob Sævar, í þeirri fjórðu.   Í dag voru tefldar atskákir en í umferðum 5-7 verða tefldar kappskákir.

 

Staðan í mótinu 

 

 

 

1		Sigurdsson Smari	ISL	1660	3.5	10.0	5.0	8.50
2		Sigurdsson Jakob Saevar	ISL	1740	3.0	8.5	4.0	5.50
3		Bessason Heimir	ISL	1520	3.0	8.0	4.0	4.50
4		Vidarsson Hlynur Snaer	ISL	1055	3.0	4.5	2.0	4.00
5		Akason Aevar	ISL	1510	2.5	8.5	5.0	4.00
6		Asmundsson Sigurbjorn	ISL	1200	2.0	9.0	5.0	3.50
7		Adalsteinsson Hermann	ISL	1450	2.0	9.0	5.0	3.00
8		Hallgrimsson Snorri	ISL	1305	2.0	6.5	2.5	1.50
9		Sighvatsson Asmundur	ISL	0	1.0	9.0	4.5	0.50
10		Karlsson Sighvatur	ISL	1325	1.0	8.0	4.5	0.50
11		Einarsson Valur Heidar	ISL	1170	1.0	6.0	3.0	0.50

5. umferð hefst kl 10:00 á morgun en þá mætast:

1	10		Vidarsson Hlynur Snaer	3		3½		Sigurdsson Smari	2
2	1		Sigurdsson Jakob Saevar	3		3		Bessason Heimir	3
3	7		Hallgrimsson Snorri	2		2½		Akason Aevar	4
4	8		Asmundsson Sigurbjorn	2		2		Adalsteinsson Hermann	5
5	11		Sighvatsson Asmundur	1		1		Einarsson Valur Heidar	9
6	6		Karlsson Sighvatur	1	1			bye

Síðari hluti Íslandsmóts skákfélaga fer fram 4. og 5. mars

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.