Sérviðburðartal N1 Reykjavíkurskákmótsins

Margir viðburðir verða haldnir samhliða N1 Reykjavíkurskákmótinu 2013 og eitthvað um að vera alla daga. Viðburðirnir verða auglýstir vel á mótinu sjálfu en helstu upplýsingar má nálgast hér að neðan. Góða skemmtun!

Fimmtudagur 21. febrúar

Fyrirlestur í hádeginu

Fyrirlestur erlends stórmeistara um skákferil sinn. Nánar auglýst síðar.

Föstudagur 22. febrúar

Gullni hringurinn

Skoðunarferð um suðurland með leiðsögumanni. Farið með rútu að skoða Gullfoss, Geysi og gröf Bobby Fischer. Skráningarform væntanlegt á heimasíðu mótsins.

Pub-Quiz  föstudagskvöldið klukkan 22:00

Hin árlega og afar vinsæla skák-spurningakeppni. Þrjátíu fjölbreyttar spurningar úr skáksögunni og frá nýlegum viðburðum. Tveir og tveir  para sig saman í lið. Spyrill eins og áður FM Sigurbjörn Björnsson. Ekki þarf að skrá sig fyrirfram heldur bara mæta á veitingastaðinn í Hörpu rétt fyrir 22:00 þar sem keppnin fer fram.

Laugardagur 23. febrúar

Reykjavik Barna-Blitz

Hraðskákkeppni bestu barna í Reykjavík og nágrenni 13 ára og yngri. Undanrásir verða á skákæfingum taflfélaganna í Reykjavík vikurnar á undan. Tveir keppendur frá hverri æfingu komast í úrslitin í Hörpu þar sem teflt er eftir útsláttarfyrirkomulagi. Úrslitin fara fram um laugardagsmorguninn og ljúka rétt fyrir upphaf  fimmtu umferðar.

Even Steven - forgjafarmót klukkan 20:00

Níu umferða hraðskákmót með tímaforgjöf. Keppendur skipta milli sín 10 mínútum en fá viðbótarsekúndu við hvern leik. Jafn stigaháir keppendur fá 5 mínútur en hver 100 stiga munur þýðir tvær mínútur í mismun á umhugsunartíma. 2200ELO gegn 2500ELO fær þannig átta mínútur gegn tveimur. Tímamismunurinn verður aldrei meiri en níu mínútur gegn einni sama þó stigabilið sé langt yfir 400 stig. Þátttökugjöld 10 evrur eða 1500 kr. Öll þátttökugjöld renna í verðlaunapott sem sigurvegarinn einn tekur. Þátttökugjald greiðist fyrir 1. umferð hraðskákmótsins.

Dæmi um tímamörk: 1800ELO gegn 2000ELO= 3min gegn 7min,

                                       2300ELO gegn 2600ELO= 2min gegn 8.

Aldurstakmark 18ár.

Sunnudagur 24. febrúar

Fótbolti - Ísland gegn Heimsliðinu

Árlegur fótboltaleikur milli úrvalsliðs íslenskra keppenda og erlendra gesta. Leikurinn fer fram eftir umferð á sunnudaginn í knattspyrnuhöll og lýkur skráningu á laugardaginn.

Mánudagur 25. febrúar

VIN OPEN- Hraðskákmót í VIN að Hverfisgötu 47 klukkan 13:00

Skemmtilegt hraðskákmót sem haldið er árlega í kringum Reykjavíkurskákmótið. Notalegt andrúmsloft og frábærar veitingar. Tefldar verða sex umferðir með fimm mínútna umhugsunartíma. Skráning á staðnum fyrir mót.

Miðvikudagur 27. febrúar lokaathöfn í Ráðhúsinu

Lokaathöfn í Ráðhúsi Reykjavíkur. Hefst 18:00. Allir keppendur velkomnir.

Guðmundur tapaði í lokaumferðinni

Alþjóðlegi meistarinn, Guðmundur Kjartansson (2408) tapaði fyrir búlgörsku skákdrottninginni og fyrrverandi heimsmeistara kvenna Antoaneta Stefanova (2516). Guðmundur hlaut 6 vinninga og endaði í 49.-77. sæti (57. sæti á stigum).

Fjórir keppendur urðu efstir og jafnir. Það voru Nikita Vitiugov (2694), Maxime Vachier-Lagrave (2711), Chanda Sandipan (2590) og Nigel Short (2690). Eftir aukakeppni hafði Vitiugov sigur.

Frammistaðan Guðmundar samsvaraði 2482 skákstigum og hækkar hann enn á stigum, nú um 11 stig.

246 skákmenn tóku þátt í mótinu og þar af 48 stórmeistarar. Guðmundur var nr. 66 í stigaröð keppenda.

• Heimasíða mótsins
• Chess-Results

Nýjungar á laugardagsæfingum TR

Taflfélag Reykjavíkur kynnir til leiks breytingar á fyrirkomulagi hinna rótgrónu laugardagsæfinga sem ætlaðar eru börnum og unglingum. Með breytingunum er stuðlað að aukinni framþróun skákæfinganna og þær gerðar enn betri og markvissari en áður hefur þekkst.  Meðal nýjunga er veglegt nýútgefið námsefni sem stuðst verður við í þjálfun og kennslu og þá fá meðlimir T.R. aukið vægi á æfingunum.  

Ítarlegri upplýsingar má lesa í meðfylgjandi PDF-viðhengi.

Skrár tengdar þessari bloggfærslu:

• laugardagsaefingar_tr.pdf

Páll Leó efstur á sterku móti á Selfossi

Tíu kappar settust að skákborði í gærkveldi og tefldu 10 mínútna hraðskákir, tefld var einföld umferð allir við alla, í allt 9 skákir á haus.

Barist af hörku, venju samkvæmt, enda aðeins gerð 5 jafntefli.  Ingimundur, Páll Leó, Erlingur Jensson og Ingvar Örn fóru nokkuð mikinn en höfðu mismikið uppúr erfiði sínu en þó meira en flestir aðrir.

Ingimundur leiddi mótið að loknum 7 umferðum með fullu húsi en Páll Leó hafði þá leyft jafntefli gegn Úlfhéðni sem vel að merkja kom á dráttarvél á skákstað og tefldi á stundum í samræmi við það tempó.

Í síðustu umferð mættust tveir efstu menn þeir Ingimundur og Páll Leó, fór það svo, í allra viðstaddra viðurvist að Palli mátaði Munda með eina sekúndu á klukkunni, sem var sami tími og Ingimundur hafði en sú sekúnda skiptir ekki máli hér eftir í heimssögunni.

Lokastaðan:
1. Páll Leó         8,5
2. Ingimundur    7
3. Erlingur J.     6,5
4. Ingvar Örn    6,5
5. Úlfhéðinn      4,5
6. Magnús         4
7. Grantas        3,5
8. Þorvaldur     3
9. Erlingur Atli  1,5
10. Arnar E       0

Vignir Vatnar vann hraðkvöld Hellis

Vignir Vatnar Stefánsson sigraði á hraðkvöldi Hellis sem fram fór 28. janúar sl. Vignir Vatnar fékk 5v í sex skákum og notaðfærði sér það velþegar Vigfúsi fataðist flugið í tveimur síðustu umferðunum eftir góða byrjun. Næstir komu Vigfús Ó. Vigfússon, Jón Úlfljótsson og Gunnar Nikulásson með 4v. Vignir Vatnar sem var þarna að vinna sitt fyrst hraðkvöld hjá Helli fékk að draga í happdrættinu og dró þá Vigfús út sem fékk eins og hann gjafabréf á Saffran.

Næsta skákkvöld í Hellisheimilinu verður næstkomandi mánudag 4. febrúar kl. 20. Þá verður einnig hraðkvöld.

Röð   Nafn                       Vinningar  M-Buch. Buch. Progr.

  1   Vignir Vatnar Stefánsson,      6        19.5  26.5   22.0
 2-4  Vigfús Ó. Vigfússon,           5        22.0  31.0   25.0
      Jón Úlfljótsson,               5        19.5  26.0   21.0
      Gunnar Nikulásson,             5        17.5  24.0   19.0
  5   Elsa María Kristínardóttir,    4.5      17.0  24.5   16.5
 6-7  Bjarni Jens Kristinsson,       4        23.0  32.0   20.0
      Bárður Örn Birkisson,          4        16.0  22.5   15.0
 8-9  Björn Hólm Birkisson,          3.5      20.5  27.0   14.5
      Kristófer Ómarsson,            3.5      15.5  21.0   11.5
 10   Mikael Máni Freysson,          3        18.5  25.0   11.0
 11   Finnur Kr. Finnsson,           2.5      17.0  23.5    7.5
 12   Björgvin Kristbergsson,        2        17.5  23.0    6.0
 13   Sindri Snær Kristófersson      1        14.5  21.0    7.0

Skákkeppni vinnustaða fer fram á morgun

Taflfélag Reykjavíkur býður öllum vinnustöðum að taka þátt í Skákkeppni vinnustaða 2013 sem fram fer í félagsheimili T.R, Skákhöllinni Faxafeni 12, föstudaginn 1. febrúar 2013 og hefst kl. 19.30

Upplýsingar og keppnisfyrirkomulag:

Dagsetning: Föstudagur 1. febrúar kl. 19.30

Staður: Taflfélag Reykjavíkur, Faxafeni 12 (Skeifunni)

Sveitakeppni: Þetta er liðakeppni/sveitakeppni og tefla 3 í hverju liði. Vinnustaðirnir geta sent fleira ein eitt lið til keppni. Liðin verða þá auðkennd sem A-lið, B-lið o.s.frv. Hvert lið getur haft 1-2 varamenn.

Umferðir: Fjöldi umferða fer eftir þátttöku (7-11 umferðir). Umhugsunartími er 10 mínútur á mann.

Keppnisfyrirkomulag: svissneskt kerfi og flestir vinningar gilda.

Verðlaun:

1. verðlaun: Eignabikar fyrir vinnustaðinn og farandbikar til vörslu í 1 ár auk verðlaunapeninga (medalíur) fyrir keppendur

2. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

3. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

Þátttökugjald er kr. 15.000 á hverja sveit.

Upplýsingar veitir Ríkharður Sveinsson, stjórnarmaður í Taflfélagi Reykjavíkur. Netfang: [e-mail] gsm: 772 2990.

Skráning og staðfesting þátttöku: skráning fer fram á heimasíðu Taflfélags Reykjavíkur, www.taflfelag.is  á sérstöku skráningarformi eða með því að senda skráningu á [e-mail]

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2013 - hlökkum til að sjá ykkur!

Stúlknamót fara fram um helgina í Rimaskóla

Íslandsmót grunnskólasveita 2013 - stúlknaflokkur

Íslandsmót grunnskólasveita 2013 - stúlknaflokkur fer fram laugardaginn 2. febrúar nk. í Rimaskóla, Reykjavík.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 12  og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

Íslandsmót stúlkna 2013 - einstaklingskeppni

Íslandsmót stúlkna 2013 - einstaklingskeppni fyrir stúlkur á grunnskólaaldri fer fram sunnudaginn 3. febrúar nk. í Rimaskóla, Reykjavík og hefst kl. 11.

Teflt verður í tveimur flokkum:

Fæddar 1997-1999

Fæddar 2000 og síðar.

Tefldar verða 15 mín. skákir - umferðafjöldi fer eftir fjölda þátttakenda.

Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail]

Ný heimasíða N1 Reykjavíkurskákmótsins - yfir 200 keppendur skráðir til leiks

Sett hefur verið upp ný heimasíða fyrir N1 Reykjavíkurskákmótsins. www.reykjavikopen.com sem er í umsjón Ingvars Þór Jóhannessonar. Það stefnir í þátttökumet enn eitt árið en nú þegar þrjár vikur eru fram að móti hafa rúmlega 200 keppendur skráð sig til leiks en í fyrra tóku þátt 198 skákmenn. Af hinum ríflega 200 keppendum eru um 75% erlendir frá ríflega 40 löndum.

Aldrei hafa fleiri stórmeistarar verðir skráðir til leiks á Reykjavíkurskákmótið en þeir eru alls 36. Þar af eru fjórir með meira en 2700 skákstig og tuttugu með meira en 2600 skákstig. Og hver veit nema að mjög spennandi keppendur bætist við í mótið nú á lokametrunum.

Á morgun verða sérviðburðadagatal mótsins kynnt til leiks en nánast alla keppnisdaga mótsins verður eitthvað í boði.

Enn er að sjálfsögðu opið fyrir skráningu í mótið. Hún fer fram hér.

Heimasíða mótsins

 

Gíbraltar: Guðmundur vann í næstsíðustu umferð

Alþjóðlegi meistarinn, Guðmundur Kjartansson (2408) vann stórmeistarann Saleh Salem (2538) frá Úsbekistan. Guðmundur hefur hlotið 6 vinninga og er í 23.-49. sæti.

Í tíundu og síðustu umferð, sem fram fer á morgun, teflir Guðmundur við búlgörsku skákdrottninguna og fyrrverandi heimsmeistara kvenna, Antoaneta Stefanova (2516).

Efstir með 7,5 vinning stórmeistarnir Nikita Vitiugov (2694), Rússlandi, Maxime Vachier-Lagrave (2711), Frakklandi, og Nigel Short (2690). Tveir hinir síðarnefndu er báðir skráðir til leiks á N1 Reykjavíkurskákmótinu.

246 skákmenn taka þátt í mótinu og þar af 48 stórmeistarar. Guðmundur er nr. 66 í stigaröð keppenda.

• Heimasíða mótsins
• Chess-Results

Rúnar Íslandsmeistari í ofurhraðskák

Rúnar Sigurpálsson sigraði örugglega á Íslandsmótinu í ofurhraðskák sem Taflfélagið Hellir stóð fyrir og var lokaviðburður Íslenska skákdagsins og fór fram á ICC um kvöldið. Tefldar voru 2ja mínútna skákir.  Rúnar hlaut 14,5 vinning í 15 skákum, annar með 11,5v varð Halldór Brynjar Halldórsson sem var Íslandsmeistari í fyrra og jafnframt var Halldór Brynjar sá sem gerði jafnteflið við Rúnar. Þriðji varð svo Róbert Lagerman með 11 vinning.  Omar Salama var umsjónarmaður mótsins.
Það voru 27 keppendur og höfðu sumir áður tekið þátt í einum eða fleiri viðburðum yfir daginn!

Röð efstu manna:

1.  Rúnar Sigurpálsson                 14.5    123.0
2.  Halldór Brynjar Halldórsson      11.5   126.0
3.  Róbert Lagerman                    11.0    129.0
4.  Gunnar Freyr Rúnarsson          10.5    127.0
5.  Jón Kristinn Þorgeirsson            9.0    129.0
6.  Mesharef,                                9.0     121.5
7.  Lenka Ptacnikova                     8.5     129.5
8.  Tómas Veigar Sigurðsson          8.0     120.5
9.   Birgir Berndsen                       8.0     119.5
10. Arnar Þorsteinsson                   8.0      88.0
11. Sverri Unnarsson                     7.5     123.5
12. Sigurður Ægisson                    7.5      120.0
13. Páll Andrason                          7.5     110.5
14. Ingvar Örn Birgisson                7.5      99.5
15. Ellert Berndsen                        7.0     113.5
16. Oliver Aron Jóhannesson          7.0      109.5
17. Guðmundur Gíslason                7.0     109,0