Sumarskákmóti Fjölnis frestað til miðvikudagsins 8. maí

Vegna Landsmótsins í skólaskák um næstu helgi þá hefur skákdeild Fjölnis ákveðið að fresta hinu árlega Sumarskákmóti deildarinnar til miðvikudagsins 8. maí.

Mótið hefst kl. 17:00 og í skákhléi verður boðið upp á pítsur frá Italiano pizzeria og gos fyrir aðeins 300 kr.

Öllum grunnskólanemendum á landinu er heimilt að vera með í sumarskákmótinu og þátttaka er ókeypis. Rótarýklúbbur Grafarvogs gefur veglega verðlaunabikara til eignar og keppt er í þremur flokkum, eldri flokki, yngri flokki og stúlknaflokki. Meðal vinninga eru pítsu-og bíómiðar fyrir efstu sætin og í útdregnum happadrættisvinningum. Tefldar verða sex umferðir og umhugsunartíminn er sjö mínútur. Skákstjórar verða þeir Helgi Árnason og Stefán Bergsson. Skákdeild Fjölnis hvetur alla áhugasama skákkrakka að vera með í sumarskákmótinu, einu af síðustu skákmótum vetrarins, mæta tímanlega og ganga inn um íþróttahúsið í Rimaskóla. Skráning á staðnum.

Stórmeistari býður upp á einkakennslu

Stórmeistarinn Hannes Hlífar Stefánsson, ellefufaldur Íslandsmeistari í skák og fimmfaldur sigurvegari á Reykjavíkurskákmótanna býður upp á einkakennslu fyrir þá sem hafa áhuga.

Verðið er 5.000 kr. á klukkustund.

Hægt er að hafa samband við hann í netfangið [e-mail] eða í síma 699 7039.

Oliver Aron og Mykhaylo Skólaskákmeistarar Reykjavíkur

Oliver Aron Jóhannesson, Rimaskóla, og Mykhaylo Kravchuk, Ölduselsskóla, skólaskákmeistarar Reykjavíkur en mótið fór fram í Laugarlækjarskóla í dag. Oliver Aron sigraði í eldri flokki með fullu húsi en Mykhaylo sigraði í yngri flokki.

Gauti Páll Jónsson, Grandaskóla, Donika Kolica, Hólabrekkuskóla, og Leifur Þorsteinsson, Hagaskóla, urðu í 2., 3. og 4. sæti í eldri flokki og vinna sér öll réttindi til að tefla á Landsmótinu en Reykjavík á fjögur sæti í eldri flokki.

Lokastöðu í eldri flokki má finna á Chess-Results.

Þorsteinn Magnússon, Sæmundarskóla, varð í 2. sæti í yngri flokki en Heimir Páll Ragnarsson, Hólabrekkuskóla, varð þriðji. Mykhaylo verður hins vegar eini fulltrúi Reykjavíkur á Landsmótinu þar sem Reykjavík á aðeins einn fulltrúa í yngri flokki.

Lokastöðuna í yngri flokki má finna á Chess-Results.

Mjög vel sótt Skólaskákmót Kópavogs í sveitakeppni

29 sveitir mættu í gær í Álfhólfsskóla í mjög spennandi Skólaskákmót Kópavogs í sveitakeppni. Mótinu var skipt í 4 flokka eftir aldri. Hér að neðan koma heildarúrslit mótsins:

Í 1. flokki vann A sveit Hörðuvallaskóla eftir ótrúlega spennandi keppni. 

A og B sveitir Álfhólfsskóla lentu þar á 2. og 3. sæti. Margar stelpur tóku þátt í þessu flokki. Það væri gaman að stefna í framtíðinni í stelpnaborð í þessum sveitakeppnum!

 

Hörðuvallaskóli A:

1. Friðrik 

2. Kristófer 

3. Viktor

4. Þorgrímur Nói

 

Álfhólfsskóli A:

1. Róbert

2. Ingibert

3. Daniel

4. Alfrún Lind

 

Álfhólfsskóli B

1. Hrafn Goði

2. Alexander Már

3. Óðinn

4. Vigdís Lilja

 

Hörðuvallaskóla vann líka í 2. flokki, en hér A og B sveitir Salaskóla náðu 2. og 3. sæti.

 

Hörðuvallaskóli A:

1. Sverrir

2. Andri 

3. Stephan

4. Arnar 

 

Salaskóli A

1 Axel Óli 

2. Egill 

3. Jón Þór

4. Ívar Andri 

 

Salaskóli B

1. Anton Fannar

2. Kári Vilberg 

3. Gísli 

4. Hlynur

5. Pétur

 

Í 3. flokki eftir smá hægara byrjun vann nokkuð öruglega sveit Álfhólfssskóla. A og B sveitir Salaskóla náðu líka hér 2. og 3. sætum.

 

Álfhólfsskóli:

1. Dawid

2. Felix

3. Guðmundur Agnar

4. Oddur

 

Salaskóli A

1. Róbert Örn,

2. Aron Ingi

3. Jón Otti

4. Jason Andri

 

Salaskóli B

1. Ágúst Unnar

2. Hafþór

3. Elvar Ingi

4. Benedikt Árni

 

Í unglingaflokki náði sveit Vatnsendaskóla 19 stig af 20, aðeins Hildur frá Salaskóla náði að taka 1 vinning frá þeim! Á öðru sæti lenti sveit Salaskóla A og á 3. sæti kom Kópavogsskóli.

 

Vatnsendaskóli:

1. Kristófer Orri

2. Ludvig Árni

3. Atli Snær

4. Erna Mist

 

Salaskóli A:

1. Eyþór Trausti

2. Hildur Berglind

3. Skúli E.

4. Magnús Már

 

Kópavogsskóli

1. Sindri

2. Breki

3. Guðmundur

4. Egill

 

 

 

Sveit 2. flokku

1	1. flokkur 1.-2. bekkur Hörðuvallaskóli	A-lið	22,5
2	Álfhólsskóli	A-lið	21,5
3	Álfhólsskóli	B-lið	20
4	Salaskóli	A-lið	19
5	Hörðuvallaskóli	B-lið	11,5
6	Álfhólsskóli	C-lið	10,5
7	Snælandsskóli	A-lið	8
2. flokkur 3.-4. bekkur
1	Hörðuvallaskóli	A-lið	31
2	Salaskóli	A-lið	28,5
3	Salaskóli	B-lið	25
4	Snælandsskóli	A-lið	24
5	Álfhólsskóli	A-lið	18
6	Salaskóli	C-lið	17,5
7	Vatnsendaskóli	A-lið	16,5
8	Hörðuvallaskóli	B-lið	8,5
9	Vatnsendaskóli	B-lið	7
10	Álfhólsskóli	B-lið	3,5
	3. flokkur 5.-7. bekkur
1	Álfhólsskóli	A-lið	24
2	Salaskóli	A-lið	20,5
3	Smáraskóli	A-lið	16
4	Salaskóli	B-lið	14,5
5	Salaskóli	D-lið	13
6	Salaskóli	C-lið	11
7	Vatnsendaskóli	A-lið	9
	4. flokkur 8.-10. bekk
1	Vatnsendaskóli	A-lið	19
2	Salaskóli	A-lið	16
3	Kópavogsskóli	A-lið	12
4	Kópavogsskóli	B-lið	7
5	Salaskóli	B-lið	6

Skákstjórar voru Tómas Rasmus og Lenka Ptácníková.

Myndaalbúm (TR)

Öðlingamót: Pörun lokaumferðar

Jóhann H. Ragnarsson (2066) vann John Ontiveros (1678) í frestaðri skák úr sjöttu umferð í kvöld. Þorvarður F. Ólafsson (2225) er efstur með 5 vinninga en Sævar Bjarnason (2132), Sigurður Daði Sigfússon (2324), Hrafn Loftsson (2204) og Vigfús Ó. Vigfússon (1988) koma næstir með 4,5 vinning. 

Í sjöundu og síðustu umferð, sem fram fer á miðvikudagskvöld mætast meðal annars: Þorvarður-Vigfús, Hrafn-Sigurður Daði og Jóhann-Sævar.

Pörun lokaumferðarinnar má nálgast hér.

Stöðu mótsins má nálgast hér.

• Heimasíða TR
• Chess-Results

Vignir Vatnar vann aftur í dag

Vignir Vatnar Stefánsson (1678) vann í dag rúmenskan skákmann (1976). Vignir hefur nú 5½ vinning og er í 22.-31. sæti.

Alls taka 207 skákmenn þátt í mótinu sem fram fer í Iasi í Rúmeníu frá 37 löndum en hámarksstig til að mega taka þátt eru 2000 skákstig. Vignir er nr. 132 í stigaröð keppenda.

• Heimasíða mótsins
• Chess-Results 

Sumarskákmót Fjölnis í Rimaskóla næsta laugardag

Skákdeild Fjölnis lýkur vetrarstarfi sínu með hinu árlega sumarskákmóti sem haldið verður í sal Rimaskóla laugardaginn 4. maí frá kl. 11.00 - 13:00.

Öllum grunnskólanemendum á landinu er heimilt að vera með í mótinu og þátttaka er ókeypis. Rótarýklúbbur Grafarvogs gefur veglega verðlaunabikara til eignar og keppt er í þremur flokkum, eldri flokki, yngri flokki og stúlknaflokki. Meðal vinninga eru pítsu-og bíómiðar fyrir efstu sætin og í útdregnum happadrættisvinningum. Tefldar verða sex umferðir og umhugsunartíminn er sjö mínútur. Í skákhléi verður seld pítsa og gos á 300 kr. Skákdeild Fjölnis hvetur alla áhugasama skákkrakka að vera með í sumarskákmótinu, mæta tímanlega og ganga inn um íþróttahúsið í Rimaskóla. Skráning á staðnum.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 29. apríl nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Aðalfundur Skákdeildar Breiðabliks fer fram í kvöld

Aðalfundur Skákdeildar Breiðabliks verður haldinn í félagsheimili Breiðabliks í Smáranum (gengið inn í íþróttahúsið og farið þar upp á aðra hæð) kl 20:00 mánudaginn 29. apríl.

Dagskrá samkvæmt lögum Breiðabliks:
Kosning starfsmanna fundarins.
Skýrsla formanns.
Skýrsla gjaldkera.
Umræður og afgreiðsla á skýrslum og reikningum.
Umræður um málefni deildarinnar.
Kosningar

• formaður,
• aðrir stjórnarmenn,
• varamenn.

Önnur mál.

Bráðabirgðastjórn sem skipa Halldór Grétar Einarsson, Jón Þorvaldsson og Páll Andrason lætur af störfum og ný stjórn tekur við.

Á fundinn eru boðaðir núverandi félagsmenn í Skákdeild Breiðabliks, skákmenn búsettir í Kópavogi ungir sem aldnir, skákmenn sem voru í TK, skákmenn sem eru næstu nágrannar, skákkennarar í Kópavogi og aðrir sem vilja tengjast deildinni.

Mönnum er frjálst að mæta á aðalfundinn sem áheyrnarfulltrúar og þeir sem áhuga hafa á geta skráð sig í Skákdeild Breiðabliks á staðnum!

Gunnar Björnsson forseti Skáksambandsins mun mæta á fundinn og hefur boðið sig fram sem fundarstjóri.

Stjórn Skákdeildarinnar

Henrik annar sigurvegara Copenhagen Chess Challange

Stórmeistarinn Henrik Danielsen (2500) sigraði á Copenhagen Chess Challange ásamt Jonny Hector (2510) sem lauk í dag. Henrik hlaut 7 vinninga í 9 skákum.

Hann fékk 3,5 vinning í síðustu 4 umferðum mótsins. Í gær vann hann Þjóðverjann Fabian Englert (2214) og sænska stórmeistarann Axel Smith (2467). Í dag vann hann danska alþjóðlega meistarann Mads Andersen (2484) í fyrri skák dagsins en gerði jafntefli við sænska stórmeistarann Jonny Hector (2510) í þeirri seinni í aðeins þremur leikjum.

Frammistaða Henriks samsvaraði 2545 skákstigum og hækkar hann um 6 stig fyrir frammistöðu sína.

83 skákmenn frá 12 löndum tóku þátt í mótinu. Meðal keppenda voru sex stórmeistarar og níu alþjóðlegir meistarar. Henrik var nr. 4 í stigaröð keppenda.

Mótið var teflt á aðeins fimm dögum og síðustu fjóra dagana voru tefldar tvær skákir á dag.

• Heimasíða mótsins 
• Beinar útsendingar
• Chess-Results