Skákhátíð og sumarmót við Selvatn IX.

GALLERÝ SKÁK í samstarfi við SKÁKDEILD KR og RIDDARANN efnir SUMARSKÁKMÓTS  við Selvatn fimmtudaginn 9. júlí nk,  líkt og mörg undanfarin ár.  Mótið verður haldið með viðhafnarsniði.  Hátíðarkvöldverður verður framreiddur undir beru lofti og kaffi, heilsudrykkir og kruðerí í boði meðan á móti stendur.

Mótið sem er öllum opið hefst kl. 17 og stendur fram eftir kvöldi.  Þátttaka takmarkast þó við 40  keppendur, svo fyrstir koma fyrstir fá.  Tefldar  verða 11 umferðir með 10 mínútna umhugsunartíma.

Góð verðlaun og  glæsilegt vinningahappdrætti. Þátttökugjald kr. 7.500  og rennur ágóði ef einhver verður til að efla skáklífið.  Mótshöldurum er það mikil ánægja að bjóða bæði eldri sem yngri skákmönnum til þessa  skákhátíðar við fjallavatnið fagurblátt.  Um leið og þeir binda góðar vonir við þátttöku sem flestra í mótinu leyfa þeir sér að vænta þess að samveran úti náttúrunni verði öllum skákunnendum til ánægju og yndisauka.

Þar sem keppenda- og gestafjöldi er takmarkaður  er áríðandi að þeir sem hyggjast taka þátt  staðfesti þátttöku sína sem allra fyrst með tölvupósti  til  [e-mail]  eða skipuleggjenda, [e-mail]  s. 690-2000 eða GRK ([e-mail] s. 893-0010.

Ný alþjóðleg skákstig - Hannes á toppnum - Veronika hástökkvarinn

Ný alþjóðleg skákstig komu út í dag og eru miðuð við 1. júlí. Hannes Hlífar Stefánsson er stigahæstur íslenskra skákmanna, Héðinn Steingrímsson (2562) er annar og Hjörvar Steinn Grétarsson (2559) þriðji. Hjörtur Kristjánsson (1300) er stigahæstur nýliða og Veronika Steinunn Magnúsdóttir (161) hækkar mest allra frá júní-listanum.

Topp 20

Hannes Hlífar Stefánsson (2593) hækkar um 13 stig og hefur aukið forystuna sína á toppnum upp í 31 stig. Héðinn Steingrímsson (2562) er annar og Hjörvar Steinn Grétarsson (2559) er þriðji.

Heildarlistinn fylgir með PDF-viðhengi.

Nr.	Name	Titl	Stig	Gms	Mism
1	Stefansson, Hannes	g	2593	9	13
2	Steingrimsson, Hedinn	g	2562	1	1
3	Gretarsson, Hjorvar Steinn	g	2559	10	-12
4	Olafsson, Helgi	g	2546	0	0
5	Hjartarson, Johann	g	2529	9	-6
6	Petursson, Margeir	g	2521	9	-8
7	Danielsen, Henrik	g	2510	0	0
8	Arnason, Jon L	g	2499	0	0
9	Kristjansson, Stefan	g	2485	0	0
10	Gunnarsson, Jon Viktor	m	2458	0	0
11	Thorsteins, Karl	m	2453	0	0
12	Kjartansson, Gudmundur	m	2452	10	-10
13	Gretarsson, Helgi Ass	g	2450	0	0
14	Gunnarsson, Arnar	m	2425	0	0
15	Thorhallsson, Throstur	g	2415	0	0
16	Thorfinnsson, Bragi	m	2414	0	0
17	Thorfinnsson, Bjorn	m	2411	0	0
18	Jensson, Einar Hjalti	f	2394	0	0
19	Olafsson, Fridrik	g	2392	9	-5
20	Ulfarsson, Magnus Orn	f	2377	0	0

Nýliðar

Tveir nýliðar eru á listanum. Annars vegar er það Hjörtur Kristjánsson (1300) og hins vegar er það Baltasar Máni Wedholm Gunnarsson (1041).

Nr.	Name	Titl	Stig	Gms	Mism
1	Kristjansson, Hjortur		1300	5	1300
2	Gunnarsson, Baltasar Mani Wedhol		1041	8	1041

 

Mestu hækkanir

Sardiníu-farar eru fjórum efstu sætunum á hækkunarlistanum. Veronika Steinunn Magnúsdóttir (161) hækkaði mest allra en í næstum voru Heimir Páll Ragnarsson (121), Óskar Víkingur Davíðsson (88) og Þorsteinn Magnússon (78).

 

Nr.	Name	Titl	Stig	Gms	Mism
1	Magnusdottir, Veronika Steinunn		1843	14	161
2	Ragnarsson, Heimir Pall		1712	14	121
3	Davidsson, Oskar Vikingur		1742	14	88
4	Magnusson, Thorsteinn		1377	9	78
5	Hauksson, Hordur Aron		1958	10	59
6	Baldursson, Atli Mar		1287	4	58
7	Bjorgvinsson, Andri Freyr		1852	5	49
8	Einarsson, Oskar Long		1679	9	41
9	Davidsdottir, Nansy		1753	6	35
10	Hardarson, Jon Trausti		2141	16	34
11	Bjornsson, Gunnar		2115	9	30

 

Stigahæstu skákkonur landsins

Lenka Ptácníková (2235) er langstigahæsta skákkona landsins. Í næstum sætum eru Hallgerður Helga Þorsteinsdóttir (2014) og Guðlaug Þorsteinsdóttir (1934). Veronika Steinunn kemst í fyrsta skipti inná topp 10 og fer alla leiðina upp í sjöunda sæti!

 

Nr.	Name	Titl	Stig	Gms	Mism
1	Ptacnikova, Lenka	wg	2235	18	-72
2	Thorsteinsdottir, Hallgerdur		2014	0	0
3	Thorsteinsdottir, Gudlaug	wf	1934	0	0
4	Finnbogadottir, Tinna Kristin		1926	0	0
5	Kristinardottir, Elsa Maria		1890	0	0
6	Johannsdottir, Johanna Bjorg		1862	0	0
7	Magnusdottir, Veronika Steinunn		1843	14	161
8	Fridthjofsdottir, Sigurl. Regina		1790	0	0
9	Hauksdottir, Hrund		1775	0	0
10	Helgadottir, Sigridur Bjorg		1771	0	0

Stigahæstu ungmenni landsins

Dagur Ragnarsson (2272) hefur endurheimt stöðu sína sem stigahæsta ungmenni landsins. Í öðru sæti er Oliver Aron Jóhannesson (2263) en þeir skipst á toppsætinu reglulega. Í þriðja sæti er Jón Kristinn Þorgeirsson (2227).

 

Nr.	Name	Titl	Stig	Gms	Born	Mism
1	Ragnarsson, Dagur	f	2272	6	1997	6
2	Johannesson, Oliver	f	2263	6	1998	-37
3	Thorgeirsson, Jon Kristinn		2227	0	1999	0
4	Karlsson, Mikael Johann		2161	0	1995	0
5	Hardarson, Jon Trausti		2141	16	1997	34
6	Thorhallsson, Simon		2106	0	1999	0
7	Heimisson, Hilmir Freyr		1979	6	2001	-3
8	Sigurdarson, Emil		1955	0	1996	0
9	Stefansson, Vignir Vatnar		1921	5	2003	-32
10	Birkisson, Bjorn Holm		1907	6	2000	15

Heimslistinn

Forysta Carlsen (2853) hefur minnkað verulega eftir hörminguna á Stafanger. Jafnir í 2.-3. sæti eru "gömlu mennirnir" Anand og Topalov (2816). Nakamura (2814) er svo fjórði. Aðrir ná ekki 2800 stigum.

Heimslistinn

Skrár tengdar þessari bloggfærslu:

• Alþjóðleg skákstig, 1. júlí 2015

Óskar Víkingur - pistill frá Porto Mannu

Við ungu snillingarnir með þeim eldri

Það voru 124 keppendur á Capo D´Orso Open á Sardiníu og fullt af Íslendingum, t.d. Jóhann Hjartarson, Margeir Pétursson, og Friðrik Ólafsson. Það er nú ekkert slæmt að tefla í svoleiðis félagsskap!

Svona hefst stórskemmtilegur og myndskreyttur pistill Óskars Víkings frá Sardiníu-mótinu.

Skákirnar fylgja með sem PGN.

Hann fylgir með sem PDF-viðhengi.

Veljið skák (2 alls): 1: Crappulli, Guiseppe - Davidsson, Oskar 2: Blasco, Domenico - Davidsson, Óskar Víkingur

[Event "Capo D´Orso"] [Site "?"] [Date "2015.06.07"] [Round "2"] [White "Crappulli, Guiseppe"] [Black "Davidsson, Oskar"] [Result "0-1"] [ECO "B48"] [WhiteElo "1869"] [BlackElo "1654"] [PlyCount "72"] [SourceDate "2015.06.28"] 1. e4 c5 2. Nf3 e6 3. d4 cxd4 4. Nxd4 Nc6 5. Nc3 Qc7 6. Be3 a6 7. Qd2 Nf6 8. f3 Bb4 9. O-O-O O-O 10. g4 Qa5 11. Kb1 Bxc3 12. bxc3 Ne5 13. g5 Nxf3 14. Nxf3 Nxe4 15. Qd4 Nxc3+ 16. Kc1 Nxd1 17. Kxd1 d5 18. a4 Bd7 19. Ne5 Bxa4 20. Ng4 Rac8 21. Bd3 b5 22. Nf6+ Kh8 23. Nxh7 Rfd8 24. Nf6 Bxc2+ 25. Bxc2 Rc4 26. Qd3 g6 27. Bd4 Kg7 28. Nd7+ Kg8 29. Ne5 Qb4 30. Ba1 Rcc8 31. Nxg6 Qg4+ 32. Ke1 Qxg5 33. Ne7+ Kf8 34. Nxc8 Rxc8 35. Qe2 Qc1+ 36. Qd1 Rxc2 0-1

[Event "Capo D´Orso Open 2015"] [Site "?"] [Date "2015.06.10"] [Round "6"] [White "Blasco, Domenico"] [Black "Davidsson, Óskar Víkingur"] [Result "1-0"] [ECO "D05"] [WhiteElo "1654"] [BlackElo "1925"] [PlyCount "55"] [SourceDate "2015.06.28"] 1. d4 Nf6 2. Nf3 e6 3. e3 b6 4. Bd3 Bb7 5. Nbd2 d5 6. O-O Nbd7 7. b3 Bd6 8. Bb2 c5 9. Ne5 Qc7 10. f4 h6 11. Qe2 Be7 12. Rac1 Rc8 13. f5 O-O 14. fxe6 fxe6 15. Ng6 Rf7 16. Nxe7+ Rxe7 17. dxc5 bxc5 18. c4 Qb6 19. Qf2 Rf8 20. Qh4 Ree8 21. Rf2 Qd6 22. Rcf1 Re7 23. h3 Ne5 24. Qg3 Nxc4 25. Qg6 Nxb2 26. Rxf6 Rxf6 27. Qh7+ Kf7 28. Bg6+ 1-0

Skrár tengdar þessari bloggfærslu:

• Pistill frá Portu Mannu

Ný alþjóðleg bréfskákstig í júlí 2015

Alþjóðlega bréfskáksambandið, ICCF, birtir ný alþjóðleg stig þann 1. júlí nk. Efstur Íslendinga á stigalistanum er sem fyrr Daði Örn Jónsson með 2542 stig. Efstir á heimslistanum eru tékkneski stórmeistarinn Roman Chytilek og hollenski stórmeistarinn Ron A. H. Langeveld, báðir með 2685 stig.

Mikil gróska er í íslenskri bréfskák um þessar mundir, iðkendum fer stöðugt fjölgandi og nú eru 35 bréfskákmenn virkir á listanum. Framundan er landskeppni við Svía í haust og bíða menn spenntir eftir því hvort stórmeistarinn Ulf Andersson verði með í keppninni. Hann er stigahæstur allra bréfskákmanna fyrr og síðar með 2737 stig en hefur verið óvirkur um nokkurt skeið.

25 stigahæstu virku Íslendingarnir með alþjóðleg bréfskákstig

Nafn	Fjöldi skáka	Stig 1. júli 2015
Daði Örn Jónsson	75	2542
Jón Árni Halldórsson	303	2482
Árni H. Kristjánsson	292	2477
Jón Adólf Pálsson	404	2461
Þorsteinn Þorsteinsson	30	2453
Eggert Ísólfsson	47	2444
Baldvin Skúlason	119	2406
Áskell Örn Kárason	251	2404
Jónas Jónasson	200	2393
Haraldur Haraldsson	262	2390
Kjartan Maack	103	2364
Haraldur jun. Haraldsson	22	2340
Kári Elíson	425	2335
Einar Guðlaugsson	341	2307
Kristjan Jóhann Jónsson	237	2301
Halldór Grétar Einarsson	14	2267
Gisli Hjaltason	59	2242
Erlingur Þorsteinsson	141	2237
Vigfús O. Vigfússon	166	2212
Sigurður Ingason	20	2205
Sigurður Daði Sigfússon	51	2204
Snorri Hergill Kristjánsson	54	2184
Björn Jónsson	19	2176
Jóhann Helgi Sigurðsson,	17	2165
Gunnar Freyr Rúnarsson	153	2142

 

 

 

Skákþáttur Morgunblaðsins: Þegar Magnús Carlsen féll á tíma

Norska skákmótið; 1. umferð:

Carlsen – Topalov Hvítur leikur og vinnur.

Í viðureign núverandi heimsmeistara og þess fyrrverandi á Norska skákmótinu sem stendur yfir þessa dagana í Stafangri leit út fyrir að komið væri eitt þessara forvitnilegu dæma þar sem annar aðilinn virtist ætla að tapa án þess að hafa gert mistök; skákreiknarnir gátu a.m.k ekki bent á einn einasta afleik Topalovs þar til hann hirti peð á f2, 59. ...Dd4xf2 – þá fyrst kviknuðu rauðu ljósin. Samt var það besti praktíski möguleikinn. Magnús hafði látið einfalda vinningsleið ganga sér úr greipum nokkrum leikjum fyrr án þess þó að spilla stöðunni og áhorfendur voru að velta því fyrir sér hvernig hann myndi klára dæmið. Samvinna drottningar og biskups er stundum þeim annmörkum háð að þessir ágætu taflmenn ganga oft á sömu reitum og rekast stundum hvor á annan. Þess vegna þarf að finna góðan svartan reit – d8-reitinn! Vinningsleiðin er í stórum dráttum þessi: 61. Bc4+ Ke8 62. Bb5+ Kf7 63. Df5+ Kg7 64. Dd7+ Kf6 65. Dd8+! Kg7 66. De7+ Kh6 67. Df6+ Kh7 68. Bd3+ Kg8 69. Bc4+ Kh7 70. Df7+ Kh6 71. Df8+ Kg5 72. Dg7+ Kf5 73. g4+ Ke4 74. Dg6+ Ke5 75. De6+ Kd4 76. Db6+ og drottningin á f2 fellur.

En Magnús hugsað sig of lengi um 61. leikinn og féll á tíma. Hræðilegur misskilingur. Hann hélt að 15 mínútur myndu bætast við tíma sinn eftir 60 leikinn eins og í heimsmeistaraeinvígjunum við Anand. En tímamörkin á Norska skákmótinu eru 120 mínútur á 40 leiki, þá bætast 60 mínútur við og 30 sekúndur á leik það sem eftir lifir skákar.

Stórar fyrirsagnir í norsku blöðunum og svo hófst leitin að sökudólgi: Heimsmeistarinn benti á mótshaldarann. Sá hefði ekki gert sér far um að kynna sér tímamörkin. En mótshaldarinn gaf þá skýringu að við opnun mótsins í Stavangri á þriðjudaginn hefðu tímamörkin verið kynnt sérstaklega. Þar hafði Magnús mætt of seint og getur sennilega sjálfum sér um kennt, reglurnar voru líka aðgengilegar á heimasíðu mótsins. Nú er það svo að alls kyns tímamörk tíðkast á nútíma skákmótum en greinarhöfundur er þeirrar skoðunar að ákveðin íhaldsssemi eigi við þegar ríkjandi heimsmeistari situr að tafli. Tapið hafði ekki góð áhrif á hann; í annarri umferð tapaði hann fyrir Ítalanum Fabiano Caruana og þar sem keppendur eru aðeins tíu talsins er ólíklegt að hann vinni þetta mót. Honum hefur sjaldan gengið vel í alþjóðlegum mótum í Noregi. Enginn er spámaður í sínu föðurlandi. 

Sjö Íslendingar í verðlaunasæti á Sardiníu

Stórmeistaranir Jóhann Hjartarson, Margeir Pétursson og Friðrik Ólafsson hlutu allir sex vinninga af níu möguleikum á opna mótinu á Sardiníu sem lauk um síðustu helgi. Jóhann kom best út úr stigaútreikningi af þeim þremenningum og varð í 6. sæti af 124 keppendum. Sigurvegari var Konstanin Landa frá Lettlandi. Alls voru sjö íslenskir keppendur í verðlaunasæti í hinum ýmsu styrkleikaflokkum. Veronika Steinunn Magnúsdóttir varð hlutskörpust í flokki keppenda undir 1.800 Elo-stigum en sjálf hækkaði hún um 120 Elo-stig á mótinu. Gunnar Björnsson, forseti SÍ, varð hlutskarpastur í flokki keppenda undir 2.100 Elo-stigum. Þá má nefna að Friðrik Ólafsson fékk silfur fyrir besta frammistöðu keppenda 60 ára og eldri en bronsið kom í hlut Áskels Arnar Kárasonar.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 20. júní 2015

Skákþættir Morgunblaðsins

Tilkynning frá stjórn Taflfélags Vestmannaeyja (TV)

Stjórn TV hefur komist að þeirri niðurstöðu að draga skáksveit sína úr 1. deild. Í framhaldi af því verður lögð meiri áhersla á starfið í Eyjum og þá sérstaklega á barna- og unglingastarfið. Félagið var um árabil í fremstu röð á þessu sviði og státaði af fjölmörgum Íslandsmeistaratitlum í barna- og unglingaflokum á árunum 2006-2012.

Félagið hefur einnig náð frábærum árangri í 1. deild mörg undanfarin ár og hefur flest árin verið í baráttu um efsta sætið. Stjórn TV vil nota tækifærið og þakka öllum liðsmönnum félagsins fyrir sitt framlag í þeim efnum.

Félagið hefur í hyggju að tilkynna sveit til þátttöku í deildarkeppninni síðar skv. reglum SÍ.

Stjórn Taflfélags  Vestmannaeyja

Topalov sigurvegari Norway Chess-mótsins - Carlsen tapaði fyrir Hammer

Búlgarski stórmeistarinn Veselin Topalov (2797) sigraði á Norway Chess-mótinu sem lauk í Stafangri í gær. Hann tryggði sér sigurinn með stuttu jafntefli gegn Anand (2804) í lokaumferðinni. Nakamura (2780) vann Aronian (2780) í lokaumferðinni og varð jafn Indverjanum í 2.-3. sæti. Hammer (2677) vann Carlsen (2876). Það er í fyrsta sem það gerist í kappskák.

Lokastaðan

1. Topalov (2797) 6,5 v. 
2.-3. Anand (2804) og Nakamura (2802) 6 v.
4. Giri (2773) 5,5 v.
5.-6. Caruana (2805) og Vachier-Lagrave (2723) 4 v.
7.-8. Carlsen (2876) og Grischuk (2781) 3,5 v.
9.-10. Aronian (2780) og Hammer (2677) 3 v.

Miklar breytingar urðu á topplistanum við þessa breytingar. Forysta Carlsen á toppnum minnkaði úr 72 stigum niður í 37 stig.

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hjörvar efstur Íslendinga í Kúbu

Minningarmóti um Cabablanca lauk í gær í Havana. Fimm Íslendingar tóku þátt í opnum flokki. Hjörvar varð efstur þeirra en hann hlaut 6,5 vinning í 10 skákum og endaði í 16.-28. sæti.

Lokastaða Íslendinga varð sem hér segir:

• 16.-28. Hjörvar Steinn Grétarsson (2571) 6,5 v.
• 29.-51. Guðmundur Kjartansson (2462) 6 v.
• 102.-122. Hörður Aron Hauksson (1899) 4,5 v.
• 123.-141. Jón Trausti Harðarson (2107) 4 v.
• 163..166. Aron Ingi Óskarsson (1875) 2,5 v.

Afar takmarkaðar upplýsingar má finna um mótið á vefsíðu mótsins og t.d. ekki hægt að finna út stigabreyingar. Þó er ljóst að Hörður Aron hækkar verulega á stigum.

Heimasíða mótsins.

 

Fyrri Sumarsyrpa Breiðabliks fer fram 3.-5. júlí

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Tvö mót verða haldin, það fyrra helgina 3.-5. júlí og það seinna helgina 7.-9.ágúst. Mótin eru ætluð börnum á grunnskólaaldri (fæddum 1999 og síðar) sem ekki hafa náð 1600 skákstigum. Þau eru reiknuð til íslenskra og alþjóðlegra skákstiga.
Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Dagskrá:
1. umferð kl 17:30 á föstudegi
2. umferð kl 10:30 á laugardegi
3. umferð kl 14:00 á laugardegi
4. umferð kl 10:30 á sunnudegi
5. umferð kl 14:00 á sunnudegi

Teflt er í Glersalnum í Stúkunni við Kópavogsvöll.

Skráning í mótið 3.-5.júlí:  https://docs.google.com/forms/d/1rsyp1VnMmVd2Xx2C1UqPVpGvY6p7sngkJOjawyGihZA/viewform?usp=send_form

Skráðir keppendur: https://docs.google.com/spreadsheets/d/1baghnMaXs2DH85jja-DwZ_b9eSeL2uLd6orNtrIAwsI/edit#gid=975323026

Heimasíða Skákdeildar Breiðabliks: http://www.breidablik.is/skak

Skák eflir skóla - kennurum kennt að kenna skák

Skáksamband Íslands mun næsta vetur ráðast í sérstakt verkefni um skákkennslu í grunnskólum. Meginstef verkefnisins er að kenna almennum grunnskólakennurum að kenna skák. Um miðjan maí var skólum gefinn kostur á því að sækja um þátttöku í verkefninu.

Skólar sem munu taka þátt eru: Smáraskóli, Rofaborg, Hvaleyrarskóli, Heiðarskóli Reykjanesbæ, Grunnskólinn á Hólmavík, Þjórsárskóli, Lágafellsskóli, Grunnskólinn í Hveragerði, Myllubakkaskóli Reykjanesbæ og Álfhólsskóli.

Einn bekkur og einn til tveir kennari í hverjum skóla munu taka þátt. Fyrirkomulagið verður á þá leið að kennarinn mun kenna þeim bekk einn skáktíma á viku allt skólaárið. Kennarinn sem lærir til skákkennara mun fá aðstoð verkefnastjóra yfir skólaárið og m.a. mun verkefnastjóri kenna fyrstu skáktímana með hverjum kennara. Haldnar verða smiðjur, námskeið og kennurum leiðbeint gegnum net, síma og vinnufundi. Kennararnir sem taka þátt skiptast jafnt til kynja og bekkirnir sem taka þátt eru frá elsta ári í leikskóla upp í fjórða bekk í grunnskóla.

Verkefnið kemur í kjöfar á skipun og vinnu vinnuhóps á vegum Menntamálaráðuneytisins sem Katrín Jakobsdóttir skipaði á sínum tíma. Hópurinn skilaði ítarlegri skýrslu en megin niðurstaða var sú að til að efla skákkennslu í grunnskólum landsins þurfi fyrst og fremst að fjölga skákkennurum.

Verkefnisstjóri verður Stefán Bergsson.