Skák.is

Bloggfærslur mánaðarins, ágúst 2013

31.8.2013 | 18:47

Jóhann sigraði á minningarmóti Guðmundar Arnlaugssonar

Jóhann Hjartarson sigraði á minningarmóti Guðmundar Arnlaugssonar sem fram fór í Menntaskólanum við Hamrahlíð í dag. Jóhann sem er gamall nemandi Guðmundar í skólann sýndi enn og sannaði hversu megnugur hann er við skákborðið. Hjörvar Steinn Grétarsson varð annar og Jón Viktor Gunnarsson og Helgi Ólafsson urðu í 3.-4. sæti.

Veitt voru aukaverðlaun í fjórum flokkum. Bragi Halldórsson, gamall samstarfsmaður Guðmundar úr MH, vann öðlingaverðlaunin (60+) örugglega en hann hlaut 7,5 vinning. Gunnar Kr. Gunnarsson, annar gamall samstarfsfélagi Guðmundar úr skákhreyfingunni varð annar í þessum flokki með 6,5 vinning.

Oliver Aron Jóhannesson tók unglingaverðlaunin en hann hlaut 6 vinninga. Vignir Vatnar Stefánsson og Gauti Páll Jónsson komu næstir með 5,5 vinning.

Lenka Ptácníková og Hallgerður Helga Þorsteinsdóttir komu efstar og jafnar í mark í kvennaflokki með 5,5 vinning en Lenka hlaut verðlaunin eftir stigaútreikning.

Siguringi Sigurjónsson og Arnljótur Sigurðsson urðu efstir og jafnir í flokki skákmanna með minna en 2000 skákstig en Siguringi hlaut verðlaunin eftir stigaútreikning.

Lokastöðu mótsins má finna á Chess-Results.

Skáksamband Íslands stóð fyrir mótshaldinu í samvinnu við afkomendur Guðmundar, Menntaskólann við Hamrahlíð og Nýherja. Illugi Gunnarsson, menntamálaráðherra, setti mótið og lék fyrsta leikinn fyrir Jóhann Hjartarson gegn Sigurði Ingasyni.

Myndaalbúm (HJ)

Spil og leikir | Breytt 1.9.2013 kl. 14:24 | Slóð | Facebook | Athugasemdir (0)

30.8.2013 | 15:05

Minningarmót um Guðmund Arnlaugsson fer fram á morgun í MH - allir keppendur fá bókagjöf

Minningarmót um Guðmund Arnlaugsson fer fram á morgun laugardag í Menntaskólanum við Hamrahlíð. Mótið hefst kl. 14 og stendur til kl. 17. Illugi Gunnarsson, menntamálaráðherra, setur mótið og leikur fyrsta leik mótsins fyrir Jóhann Hjartarson, stigahæsta íslenska skákmanninn og fyrrum nemenda Guðmundar í MH. Allir keppendur fá bókagjöf en um er að ræða hina frábæru bók, Skáldskapur við skákborðið eftir Guðmund sjálfan. Mótið er öllum opið og opið er fyrir skráningu fram til 13 á morgun. Skráning fer fram hér á Skák.is.

Mótið fer fram í tilefni aldarminningar Guðmundar Arnlaugssonar sem fæddist 1. september 1913. Á afmælisdaginn sjálfan (sunnudaginn) verður svo málþing í MH tileinkað Guðmundi þar sem Helgi Ólafsson verður fulltrúi skákhreyfingarinnar og fjallar um feril Guðmundar sem skákmanns, skákdómara og skákrithöfundar. Málþingið hefst kl. 14 en nánar má lesa um það hér.

Minningarmótið er öllum opið. Tefldar verða 11 umferðir, svissneska kerfið, með tímamörkunum 5+2 (5 mínútur + 2 viðbótarsekúndur á hvern leik).

Þátttökugjöld eru 1.000 kr. en 500 kr. fyrir unglinga (16 ára og yngri), öryrkja og aldraða (67+).

Minningarmótið sjálft er öllum opið. Tefldar verða 11 umferðir hraðskák (5+2). Meðal keppenda eru stórmeistararnir Jóhann Hjartarson, Helgi Ólafsson og Jón L. Árnason sem allir voru nemendur við skólann þegar Guðmundur var þar rektor sem og landsliðsmaðurinn Hjörvar Steinn Grétarsson. Meðal annarra keppenda eru margir af yngri skákmönnum landsins og þar með talið flestir fulltrúa Íslands á EM ungmenna sem fram fer í haust í Svartfjallalandi.

Keppendalistann má finna á Chess-Results.

Heildarverðlaun mótsins eru 150.000 kr. Þau skiptast sem hér segir:

Verðlaun fyrir efstu sætin eru eftirfarandi

60.000 kr.
30.000 kr.
20.000 kr.

Aðalverðlaunum verður skipt samkvæmt Hort-kerfinu séu menn jafnir.

Aukaverðlaun

Efsti öldungurinn 60 ára og eldri (fæddir 1953 eða fyrr): 10.000 kr.
Efsti unglingurinn 16 ára og yngri (fæddir 1997 eða síðar): 10.000 kr.
Efsta konan: 10.000 kr.
Efsti maður með minna en 2000 skákstig: 10.000 kr.

Aukaverðlaun eru miðað við nýjustu útgefin íslensk skákstig. Reiknuð eru stig séu menn jafnir og efstir.

Skáksamband Íslands stendur fyrir mótinu í samvinnu við afkomendur Guðmundar, Menntaskólann við Hamrahlíð og Nýherja.

Spil og leikir | Slóð | Facebook | Athugasemdir (0)

30.8.2013 | 11:14

Bolvíkingar og Goðinn-Mátar mætast í undanúrslitum

Dregið var fyrr í dag til undanúrslita Hraðskákkeppni taflfélaga. Stóra viðureignin undanúrslita er viðureign Bolvíkinga sem mörðu Eyjamenn í gær og Goðans-Máta, sem hafa farið illa með Reykjavíkurfélögin TR og Helli í fyrri umferðum.

Skákfélag Akureyrar mætir svo sigurvegaranum úr viðureign Víkingaklúbbsins og Skákfélags Íslands sem mætast á þriðjudaginn.

Það var Ríkharður Sveinsson sem dró miða úr Copa America-bikarnum sem íslenska ólympíuliðið vann á Ólympíuskákmótinu 1939 í Buenos Aires þar sem Guðmundur Arnlaugsson var meðal keppenda.

Það eru fastir leikdagar á undaúrslitum og úrslitum keppninnar. Undanúrslitin fara fram á fimmtudaginn 5. september kl. 20 og úrslitin sunnudaginn 8. september kl. 14.

Spil og leikir | Slóð | Facebook | Athugasemdir (0)

30.8.2013 | 00:33

Háspenna í Faxafeni þegar Bolar lögðu Eyjamenn 37-35

Bolvíkingar lögðu Eyjamenn í æsispennandi viðureign í 8-liða úrslitum hraðskákkeppni taflfélaga, sem fram fór í Faxafeni á fimmtudagskvöldið. Þetta var sannkallaður bikarleikur, þar sem úrslitin réðust í síðustu skákinni í síðustu umferðinni. Lokatölur urðu 37-35

Bæði lið voru afar vel skipuð. Meðalstig Bolvíkinga voru 2350 en í skáksveit Eyjamanna voru meðalstigin 2330. Bolarnir byrjuðu með látum og sigruðu 5-1 í fyrstu umferð, en Eyjamenn bitu hressilega frá sér í næstu umferðum. Í hálfleik var staðan 19-17, Bolvíkingum í vil.

Bolvíkingar hófu svo seinni hálfleikinn með öruggum sigri, 4,5-1,5, og náðu þar með 5 vinninga forskoti. Eyjamenn börðust hinsvegar einsog ljón og voru búnir að minnka muninn niður í 1 vinning fyrir síðustu umferð.

Í lokaumferðinni höfðu Eyjamenn hvítt á öllum borðum. Staðan í umferðinni var jöfn, 2,5-2,5, þegar aðeins var ólokið skák Ingvars Þórs Jóhannessonar og Braga Þorfinnssonar. Með sigri hefði Ingvar getað knúið fram framlengingu, en hann varð að játa sig sigraðan eftir gríðarlegar sviptingar.

Eyjamaðurinn Helgi Ólafsson náði bestum árangri allra, hlaut 9,5 vinning af 12. Liðsfélagar hans, Ingvar og Björn Ívar Karlsson, stóðu sig einnig dável og lönduðu 7 vinningum hvor. Sérstaka athygli vakti frammistaða Björns Ívars gegn titilhöfum Bolvíkinga. Hann tapaði ekki einni einustu skák gegn stórmeisturunum og alþjóðlegu meisturunum og hlaut 3,5 vinning í 4 skákum gegn Jóhanni Hjartarsyni og Jóni L. Árnasyni.

Jóhann, Bragi og Jón Viktor Gunnarsson náðu bestum árangri fyrir sigurlið Bolvíkinga í skemmtilegri viðureign sem var öllum til sóma. Skákdómari var Rúnar Berg og leysti hann vandasamt hlutverk vel af hendi.

LIÐ BOLVÍKINGA

GM Jóhann Hjartarson 2583 8,5 / 12

IM Bragi Þorfinnsson 2493 8,5 / 12

IM Jón Viktor Gunnarsson 2409 8 / 12

GM Jón L. Árnason 2502 4,5 / 12

Magnús P. Örnólfsson 2169 3,5 / 9

FM Halldór G. Einarsson 2194 2 / 7

Guðni Pétursson 2105 2 / 8

LIÐ EYJAMANNA

GM Helgi Ólafsson 2544 9,5 / 12

FM Ingvar Þór Jóhannesson 2371 7 / 12

Björn Ívar Karlsson 2269 7 / 12

FM Sigurbjörn Björnsson 2395 4,5 / 12

FM Þorsteinn Þorsteinsson 2243 4 / 12

Björn Freyr Björnsson 2164 3 / 12

Myndaalbúm (HJ)

Spil og leikir | Breytt s.d. kl. 00:47 | Slóð | Facebook | Athugasemdir (0)

29.8.2013 | 15:53

EM-keppandinn: Hilmir Freyr Heimisson

Átta fulltrúar frá Íslandi taka þátt í EM ungmenna sem fram fer í Budva í Svartfjalllandi dagana 28. september - 9. október. Fulltrúarnir átta standa þessa dagana í fjáröflun fyrir keppnina en stærsti kostnaðurinn lendir á þeim sjálfum. Keppendurnir eru kynntir þessa dagana hér á Skák.is

Að þessu er það Hilmir Freyr Heimisson, sem teflir í flokki 12 ára og yngri, og náði nýlega eftirtektarverðum árangri á Politiken Cup.

Nafn

Hilmir Freyr Heimisson.

Fæðingardagur

4. ágúst 2001.

Félag

Taflfélagið Hellir

Hefurðu teflt áður á EM/HM ungmenna?

Já á Prag í Tékklandi árið 2012.

Helstu skákafrek

Íslandsmeistari í skólaskák 2013,

Stigaverðlaun á Politiken Cup 1501-1700 stig 2013

Barnablitzmeistari á Reykjavík Open 2012

Unglingameistari Hellis 2012

Afmælismót aldarinnar 5.- 6. Bekkur 1. sæti 2012

Unglingameistari TR 2011, MS jólaskákmótsmeistari 2011

Skákakademía Kópavogs 1.sæti 2011, 2012, 2013

Skákþing Garðabæjar B-flokkur 1.sæti 2011

Og fleira...

Skemmtilegasta skákferðin

Ferð á Politiken Cup sem ég fór á núna í júlí 2013 með mömmu og Henrik í Helsingør.

Eftirminnilegasta skákin

Á móti Hans Richard Thjomoe á Reykjavíkurskákmótinu 2012 Skákina má finna hér og svo fylgir hún með sem viðhengi.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Spil og leikir | Breytt s.d. kl. 15:57 | Slóð | Facebook | Athugasemdir (0)

29.8.2013 | 14:24

Goðinn-Mátar bar sigurorð af Taflfélaginu Helli

Goðar og Mátar mættu glaðbeittir til sveitakeppni við Hellismenn í Faxafeni í gær. Síðarnefndu höfðu fengið léð salarkynni SÍ af þessu tilefni en þeirra eigin voru í notkun vegna meistaramótsins. Sveitunum laust saman á 6 borðum eins og reglur keppninnar gera ráð fyrir. Viðureignin var spennandi framan af og nokkuð jöfn. Í hléi var staðan 19.5-16.5 Goðmátum í vil sem bitu í skjaldarrendur í seinni hlutanum, juku forskotið og unnu góðan sigur með 45.5 vinninga gegn 26.5 vinningum Hellis.

Sterkastir hjá Goðanum-Mátum voru; Þröstur Þórhallsson með 10 af 12, Helgi Áss Grétarsson með 8 af 11 og Ásgeir P. Ásbjörnsson með 6.5 af 9. Sterkastir gestgjafanna voru Hjörvar Steinn Grétarsson með 8.5 af 12, Davíð Ólafsson með 7 af 12 og Andri Áss Grétarsson með 6.5 af 12.

Hellismönnum er þökkuð viðureignin og viðurgjörningur í hléi.

Með góðri kveðju,

Pálmi R. Pétursson

Einstök úrslit má nálgast á Chess-Results.

Þetta var fyrsta viðureign átta liða úrslita. Þá halda áfram í kvöld með viðureign Taflfélags Vestmannaeyja og Taflfélags Bolungarvíkur. Undanúrslit fara svo fram fimmtudaginn 5. september kl. 20.

Spil og leikir | Breytt s.d. kl. 14:25 | Slóð | Facebook | Athugasemdir (0)

29.8.2013 | 07:00

Loftur í SA

Loftur Baldvinsson (1703) hefur gengið á ný í uppeldisfélag sitt, Skákfélag Akureyrar, úr Goðanum-Mátum. Loftur er af fjölmennri kynslóð skákmanna frá Akureyri sem fengu sitt skákuppeldi í Þingvallastræti 18, gamla félagsheimilli Skákfélagsins. Sem unglingur tefldi Loftur með sterkum skáksveitum Gagnfræðaskóla Akureyrar sem voru ætíð ofarlega á Íslandsmóti grunnskólasveita, en þjálfari þeirra var Þór Valtýsson. Eins og gengur tók Loftur sér langt hlé frá opinberri taflmennsku en hefur verið þó nokkuð virkur að undanförnu og vakti glæsilegur sigur hans á Braga Þorfinnssyni á Íslandsmótinu gríðarlega athygli.

Skákfélag Akureyrar býður Loft hjartanlega velkominn í félagið. Mun Loftur tefla með Skákfélaginu í kvöld í Hraðskákkeppni taflfélaga gegn Briddsfjelaginu.

Spil og leikir | Breytt 28.8.2013 kl. 14:39 | Slóð | Facebook | Athugasemdir (0)

29.8.2013 | 01:08

Oliver, Mikael og Stefán efstir á Meistaramóti Hellis

Oliver Aron Jóhannesson (2008), Mikael Jóhann Karlsson (2068) og Stefán Bergsson (2131) eru efstir og jafnir með fullt hús að loknum þriðju umferð Meistaramóts Hellis sem fram fór í kvöld. Stöðu mótsins má finna hér. Sem fyrr er töluvert um óvænt úrslit á mótinu.

Hörður Jónasson (1300) vann Andra Stein Hilmarsson (1657), hinn ungi og efnilegi skákmaður Óskar Víkingur Davíðsson (1379) gerði jafntefli við Birki Karl Sigurðsson (1650) og annar ungur og efnilegur skákmaður Mykhaylo Kravchuk (1232) vann Veroniku Steinunni Magnúsdóttur (1577). Öll úrslit 3. umferðar má finna hér.

Nú er hlé á mótinu fram á mánudagskvöld þegar fjórða umferð fer fram. Pörun hennar má finna hér.

Paul Frigge sér um innslátt skáka. Skákir fjórðu umferðar fylgja sem viðhengi.

Veljið skák (17 alls):

Spil og leikir | Slóð | Facebook | Athugasemdir (0)

29.8.2013 | 00:26

Kramnik og Andreikin tefla til úrslita á Heimsbikarmótinu

Rússarnir Vladimir Kramnik (2784) og Dmitry Andreikin (2727) mætast í úrslitum heimsbikarmótsins í skák sem fram fer í Tromsö í Noregi. Kramnik vann Frakkann Maxime Vachier-Lagrave (2719) en Andrekin vann landa sinn Evgeny Tomashevsky (2709). Bæði einvígin enduðu 2,5-1,5. Andrekin hefur þar með tryggt sér keppnsirétt í næsta áskorendamóti en Kramnik hafði þegar tryggt sér það.

Tefla þeir landarnir fjórar skákir og hefst einvígið á föstudaginn.

Heimasíða mótsins
Beinar útsendingar (hefjast kl. 13)

Spil og leikir | Slóð | Facebook | Athugasemdir (0)

28.8.2013 | 14:58

Friðrik með á NM öldunga

Stórmeistarinn Friðrik Ólafsson (2407) er meðal keppenda á NM öldunga sem fram fer á dönsku eyjunni Borgundarhólmi dagana 7.-16. september. Friðrik er ekki einni íslenski skákmaðurinn sem tekur þátt því einnig eru Áskell Örn Kárason (2205) og Sigurður E. Kristjánsson (1912) meðal keppenda.

Hinir Norðurlandaþjóðirnar senda einnig til leiks sterka keppendur. Þar á meðal eru danski stórmeistarinn og heimsmeistari öðlinga (60+) Jens Kristiansen (2405), Jörn Sloth (2342), sem er núverandi Norðurlandameistari öðlinga, og finnski stórmeistarinn Heikki Westerinen (2288).

Heimasíða mótsins

Spil og leikir | Breytt s.d. kl. 15:04 | Slóð | Facebook | Athugasemdir (0)

Næsta síða »