Skák.is

Bloggfærslur mánaðarins, ágúst 2013

28.8.2013 | 11:52

EM-keppandinn: Dawid Kolka

Átta fulltrúar frá Íslandi taka þátt í EM ungmenna sem fram fer í Budva í Svartfjalllandi dagana 28. september - 9. október. Fulltrúarnir átta standa þessa dagana í fjáröflun fyrir keppnina en stærsti kostnaðurinn lendir á þeim sjálfum. Keppendurnir verða kynntir til leiks næstu daga og vikur hér á Skák.is.

Að þessu er það Dawid Kolka sem hefur byrjað afar vel á Meistaramóti Hellis en hann vann Sverri Örn Björnsson í annarri umferð í gær.

Nafn

Dawid Kolka

Fæðingardagur

12. september 2000.

Félag

Taflfélagið Hellir

Hefurðu teflt áður á EM/HM ungmenna?

Hef aldrei áður teflt á EM/HM en hef teflt á NM ungmenna sem og á fyrsta borði með sveit Álfhólsskóla á NM grunnskólasveita.

Helstu skákafrek

Ég er Íslandsmeistari barna 2011, skákmeistari Kópavogs 2012 og 2013 unglingameistari Hellis 2012, brons í flokki fædda 2000-2001 á NM ungmenna 2013, unnið tvisvar á íslandsmóti barnaskólasveita 2012 og 2013 með skólasveit, og lenti í 2. sæti með skólasveit á NM barnaskólasveita 2012 og skólameistari þrjú ár í röð.

Skemmtilegasta skákferðin

Skemmtilegasta skákferðin er ferðin til Tékklands í fyrra.

Eftirminnilegasta skákin

Minnistæðasta skákin er gegn Anastasiu Nazarovu.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Spil og leikir | Breytt s.d. kl. 11:55 | Slóð | Facebook | Athugasemdir (0)

28.8.2013 | 00:15

Enn óvænt úrslit á Meistaramóti Hellis

Enn var nokkuð um óvænt úrslit á Meistaramóti Hellis en önnur umferð fór fram í kvöld. Það bar helst til tíðinda að Dawid Kolka (1609) vann Sverri Örn Björnsson (2100) og að Loftur Baldvinsson (1706) gerði jafntefli við Kjartan Maack (2128) á efsta borði. Sjö skákmenn eru nú efstir með fullt hús vinninga. Stöðu mótsins má finna hér.

Öll úrslit annarrar umferðar má finna hér.

Þriðja umferð fer fram á morgun og hefst kl. 19:30. Pörun hennar má finna hér.

Paul Frigge sér um innslátt skák og eru skákir umferðarinnar væntanlegar sem viðhengi.

Veljið skák (17 alls):

Spil og leikir | Breytt s.d. kl. 09:24 | Slóð | Facebook | Athugasemdir (0)

27.8.2013 | 22:12

Minningarmót um Guðmund Arnlaugsson fer fram á laugardag

Minningarmót um Guðmund Arnlaugsson fer fram í Menntaskólanum við Hamrahlíð, laugardaginn 31. ágúst. Mótið hefst kl. 14 og stendur til kl. 17.

Mótið fer fram í tilefni aldarminningar Guðmundar Arnlaugssonar sem fæddist 1. september 1913. Á afmælisdaginn sjálfan (sunnudaginn) verður svo málþing í MH tileinkað Guðmundi þar sem Helgi Ólafsson verður fulltrúi skákhreyfingarinnar og fjallar um feril Guðmundar sem skákmanns, skákdómara og skákrithöfundar. Nánar verður sagt frá málþinginu síðar.

Minningarmótið er öllum opið. Tefldar verða 11 umferðir, svissneska kerfið, með tímamörkunum 5+2 (5 mínútur + 2 viðbótarsekúndur á hvern leik). Gera má ráð fyrir að flestir sterkustu skákmenn landsins taki þátt. Gamlir nemendur Guðmundar eru sérstaklega hvattir til þátttöku sem og auðvitað allir skákáhugamenn sem margir hverjir minnast þessa merka manns með miklum hlýhug. Skráning fer fram á Skák.is. Upplýsingar um þegar skráða keppendur má finna hér.

Heildarverðlaun mótsins eru 150.000 kr.

Þau skiptast sem hér segir:

Verðlaun fyrir efstu sætin eru eftirfarandi

60.000 kr.
30.000 kr.
20.000 kr.

Aðalverðlaunum verður skipt samkvæmt Hort-kerfinu séu menn jafnir.

Aukaverðlaun

Efsti öldungurinn 60 ára og eldri (Fæddir 1953 eða fyrr): 10.000 kr.
Efsti unglingurinn 16 ára og yngri (Fæddir 1997 eða fyrr): 10.000 kr.
Efsta konan: 10.000 kr.
Efsti maður með minna en 2000 skákstig: 10.000 kr.

Aukaverðlaun eru miðað við nýjustu útgefin íslensk skákstig. Reiknuð eru stig séu menn jafnir og efstir.

Skáksamband Íslands stendur fyrir mótinu í samvinnu við afkomendur Guðmundar, Menntaskólann við Hamrahlíð og Nýherja.

Ritstjóri náði því miður ekki kynnast Guðmundi nema þá lítilsháttar. Ritstjóri á hins vegar mjög góðar minningar um að hafa setið fyrir framan útvarpið í stofunni, hlustandi á skákþætti Guðmundar (Youtube þess tíma!) með skákborðið uppi þar sem mennirnir voru færðir jafnóðum og leikirnir voru lesnir upp. Guðmundur hafði ákaflega útvarpsvæna rödd. Einnig minnist ritstjóri stórgóðra skákbóka Guðmundar sem og greina hans í Tímaritinu Skák sem voru margoft lesnar. Sérstaklega skal nefnd bókin Skáldskapur við skákborðið sem á vera skyldulesning allra skákáhugamanna.

Spil og leikir | Breytt 28.8.2013 kl. 20:23 | Slóð | Facebook | Athugasemdir (0)

27.8.2013 | 15:37

EM-keppandinn: Veronika Steinunn Magnúsdóttir

Nafn

Veronika Steinunn Magnúsdóttir

Fæðingardagur

5. febrúar 1998.

Félag

Taflfélag Reykjavíkur

Hefurðu teflt áður á EM/HM ungmenna?

Nei, en hef keppt á Norðurlandamóti stúlkna sl. 4 ár.

Helstu skákafrek

Íslandsmeistari stúlkna 2013

Þriðja sæti á Norðurlandamóti stúlkna í flokki 11-13 ára árið 2011

Stúlknameistari Reykjavíkur 2011 http://skak.blog.is/blog/skak/entry/1163708/

Stúlknameistari TR 2010 http://skak.blog.is/blog/skak/entry/1116404/

Skemmtilegasta skákferðin

Norðurlandamót stúlkna 2012 sem haldið var í Stavanger í Noregi.

Eftirminnilegasta skákin

Sigurskák mín gegn Stefáni Bergssyni í fyrstu umferð Íslandsmótsins 2013 (fylgir með sem PGN-viðhengi).

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Spil og leikir | Breytt s.d. kl. 15:48 | Slóð | Facebook | Athugasemdir (0)

26.8.2013 | 23:34

Meistaramót Hellis hófst í kvöld - óvænt úrslit á fyrsta borði

Meistaramót Hellis hófst í kvöld með fyrstu umferð. Eins og iðulega á opnum mótum urðu úrslit almennt hefðbundin. Óvænt úrslit urðu þó á tveimur borðum. Felix Steinþórsson (1510) gerði sér lítið fyrir og gerði jafntefli á fyrsta borði við stigahæsta keppenda mótsins, Jón Árna Halldórsson (2213) og Björn Hólm Birkisson (1186) vann Vigni Vatnar Stefánsson (1780) í hörkuspennandi skák.

Öll úrslit fyrstu umferðar má finna hér.

Alls taka 34 skákmenn þátt í mótinu sem telst prýðisþátttaka. Önnur umferð fer fram á morgun og hefst kl. 19:30. Pörun 2. umferðar má finna hér.

Paul Frigge hefur slegið inn skákir umferðarinnar sem fylgja með sem viðhengi.

Veljið skák (17 alls):

Spil og leikir | Slóð | Facebook | Athugasemdir (0)

26.8.2013 | 22:00

EM-keppandinn: Mikael Jóhann Karlsson

Nafn

Mikael Jóhann Karlsson.

Fæðingardagur

26. júní 1995.

Félag

Skákfélag Akureyrar.

Hefurðu teflt áður á EM/HM ungmenna?

Keppti síðast á HM í Tyrklandi 2009 og afþakkaði boðið á EM í fyrra.

Helstu skákafrek

Íslandsmeistari í skólaskák 2008 og 2011, Íslandsmeistari drengja og telpna 2010, unglingameistari Íslands 2011 (U20), Meistari Skákskóla Íslands 2012, annað sæti á Unglingameistaramóti Íslands 2012 (eftir Hjörvari). Vann Norðurlandsmót unglinga 7 sinnum í röð 8 sinnum allt í allt. Vann B-flokk Haustmóts TR 2011, 3. sæti á Skákþingi Reykjavíkur 2013 og 3. sæti á NM í skólaskák (17-19 ára).

Skemmtilegasta skákferðin

Czech Open 2013 sem var að ljúka, ég fór í ferð með félögum mínum og var á tímabili í toppbaráttunni og græddi 40 stig.

Eftirminnilegasta skákin

Þegar ég vann Dag Andra Friðgeirsson í úrslitaskák um fyrsta Íslandsmeistaratitilinn minn!

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Spil og leikir | Breytt s.d. kl. 21:38 | Slóð | Facebook | Athugasemdir (0)

26.8.2013 | 21:29

Guðmundur með 3,5 vinning eftir 4 umferðir - mætir Gustafsson á morgun

Alþjóðlegi meistarinn Guðmundur Kjartansson (2434) er með 3,5 vinning að loknum fjórum umferðum á alþjóðlegu móti sem nú er í gangi í Barcelona. Í dag vann hann heimamann með 2216 skákstig en andstæðingarnir í umferðum 1-3 höfðu 2045-2170 skákstig.

Í fimmtu umferð, sem fram fer á morgun, teflir hann við þýska stórmeistarann og félagsmann í Taflfélagi Vestmannaeyja Jan Gustafsson (2619). Skákin verður í þráðbeinni útsendingu á vef mótsins og hefst kl. 14:30.

Heimasíða mótsins
Chess-Results
Beinar útsendingar (hefjast almennt kl. 14:30)

Spil og leikir | Slóð | Facebook | Athugasemdir (0)

26.8.2013 | 15:15

Minningarmót um Guðmund Arnlaugsson fer fram á laugardag í MH

Minningarmót um Guðmund Arnlaugsson fer fram í Menntaskólanum við Hamrahíð laugardaginn 31. ágúst. Mótið fer fram í tilefni aldarafmælis Guðmundar sem fæddist 1. september 1913. Á afmælisdaginn sjálfan verður svo málþing tileinkað Guðmundi þar sem Helgi Ólafsson verður fulltrúi skákhreyfingarinnar og fjallar um feril Guðmundar bæði skákmanns og ekki síður um feril hans sem virts skákdómara.

Heildarverðlaun á mótinu eru 150.000 kr. Fyrirkomulag mótsins og málþingsins verður nánar kynnt á morgun en mótið hefst kl. 14. Skráning hefst einnig á morgun Skák.is. Mótið er öllum opið en gamlir nemendur Guðmundar eru sérstaklega hvattir til að mæta. Þátttökugjöld verða 1.000 kr. en 500 kr. fyrir 15 ára og yngri.

Skáksamband Íslands stendur fyrir mótinu í samvinnu við afkomendur Guðmundar, Menntaskólann við Hamrahlíð og Nýherja.

Spil og leikir | Breytt s.d. kl. 15:19 | Slóð | Facebook | Athugasemdir (0)

26.8.2013 | 07:00

Meistaramót Hellis hefst í kvöld

Meistaramót Hellis 2013 hefst mánudaginn 26. ágúst klukkan 19:30. Mótið er 7 umferða opið kappskákmót sem lýkur 9. september. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga. Skráning í mótið er hér á heimasíðu Hellis og hér á Skák.is. Upplýsingar um þegar skráða keppendur má finna hér.

Teflt er á mánudögum, þriðjudögum og miðvikudögum.

Aðalverðlaun:

40.000
30.000
20.000

Aukaverðlaun:

Skákmeistari Hellis: Houdini 3 Aquarium Pro
Besti árangur undir 2200 skákstigum: Houdini 3 Aquarium Standard
Besti árangur undir 1800 skákstigum:ChessOK Aquarium 2012

Besti árangur undir 1600 skákstigum: CT-ART 4.0 (taktískar æfingar)

Besti árangur stigalausra: Skákbók hjá Sigurbirni að verðmæti kr.5.000.
Unglingaverðlaun (15 ára og yngri), skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.
Kvennaverðlaun, skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.000; aðrir 4.000-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

1. umferð, mánudaginn, 26. ágúst, kl. 19:30
2. umferð, þriðjudaginn, 27. ágúst, kl. 19:30
3. umferð, miðvikudaginn, 28. ágúst, kl. 19:30
4. umferð, mánudaginn, 2. september, kl. 19:30
5. umferð, þriðjudaginn, 3. september, ágúst, kl. 19:30
6. umferð, miðvikudaginn, 4. september, kl. 19:30
7. umferð, mánudagur, 9. september, kl. 19:30

Spil og leikir | Breytt s.d. kl. 08:09 | Slóð | Facebook | Athugasemdir (0)

25.8.2013 | 23:16

Óvæntir hlutir á Heimsbikarmóti - þrír Rússar í undanúrslitum

Það má með sanni segja að úrslitin í átta manna úrslitum Heimsbikarmótsins í skák hafi verið heldur óvænt. Kramnik (2784) komst áfram eftir sigur á Korobov (2720) en í hinum þremur einvígunum komust hinir stigalægri áfram. Tomashevsky (2706) heldur áfram að gera frábæra hluti og sló nú Kamsky (2741), Vachier-Lagreve (2719) hafði betur gegn Caruana (2796) og Andreikin (2716) vann Svidler (2746).

Það eru því þrír Rússar og einn Frakki sem eru eftir. Undanúrslitin hefjast á morgun og þá mætast Tomashevsky - Andreikin og Vachier-Lagrave - Kramnik.