Politiken Cup: Henrik með fullt hús eftir 3 umferðir

Henrik Danielsen (2535) er einn 24 skákmanna sem hafa fullt hús að loknum þremur umferðum á Politiken Cup.   Í þriðju umferð, sem fram fór í dag, vann hann norska skákmanninn Even Thingstad (2223).  í 4. umferð, sem fram fer á morgun mætir Henrik kínverska stórmeistaranum, og næststigahæsta keppenda mótsins,  Xiangzhi Bu (2675).   Umferðin hefst kl.11 og verður skák Henriks sýnd beint.  Gunnar Finnlaugsson (2072) er með 2 vinninga. 

311 skákmenn taka þátt í þessu móti og þar af eru 26 stórmeistarar.  Henrik er nr. 19 í styrkleikaröð keppenda en Gunnar er nr.  126.

• Heimasíða mótsins
• Beinar útsendingar (hefjast kl. 11 nema síðasta umferðin kl. 8)

Jón Kristinn sigraði á unglingalandsmóti

Jón Kristinn Þorgeirsson (1609) sigraði í skákkeppni Unglingalandsmóti UMFÍ sem fram fór í dag á Egilsstöðum.  Jón Kristinn vann alla sjö andstæðinga sína.  Í öðru sæti varð heimamaðurinn Ásmundur Hrafn Magnússon en hann hlaut 5,5 vinning.    Þriðji varð Aðalsteinn Leifsson (1198).   Daníel Fannar Einarsson vann svo sigur í opnum flokki, einnig með fullu húsi.

Röð efstu manna í aðalmótinu:

 

Rk.	Name	Typ	RtgN	Club/City	Pts.
1	Þorgeirsson Jón Kristinn	U14	1609	SA - UFA	7
2	Magnússon Ásmundur Hrafn	U18	0	UÍA	5,5
3	Leifsson Aðalsteinn	U14	1198	SA - UFA	5
4	Sverrisson Atli Geir	U14	1000	UÍA	4,5
5	Hallgrímsson Jónas Bragi	U14	0	UÍA	4,5
6	Hallgrímsson Snorri	U14	1332	Goðinn - HSÞ	4,5
7	Pálsdóttir Sóley Lind	U14	1194	TG - UMSK	4
8	Freysson Mikael Máni	U14	0	UÍA	4
9	Mobee Tara Sóley	U14	1209	Hellir - Aðrir Keppendur	4
10	Sigurbjörnsson Þorgeir Örn	U14	0	UÍ Fjallabyggðar	4
11	Ágústsson Ágúst Jóhann	U14	0	UÍA	4
12	Kristjánsson Skúli	U14	0	UMSK	3,5

Röð efstu manna í opnum flokki:

 

Rk.	Name	Typ	Club/City	Pts.
1	Einarsson Daníel Fannar	U14	UÍA	7
2	Vilhjálmsson Jóhann Beck	U14	UÍA	5,5
3	Hjarðar María Elísabet	U18	UÍA	4,5
4	Vilhjálmsson Jón Margeir	U14	USAH	3,5

 

• Heimasíða UMFÍ
• Chess-Results

Skákþáttur Morgunblaðsins: Annar áfangi Hjörvars

Hjörvar Steinn Grétarsson náði sínum öðrum áfanga að alþjóðlegum meistaratitli þegar hann varð í 3.-7. sæti á opna mótinu í Suður-Wales á dögunum. Hjörvar hlaut 6½ vinning af níu mögulegum. Sigurvegarar urðu þeir Peter Wells og Keith Arkell sem hlutu 7 vinninga, en þeim fyrrnefnda var dæmdur sigur á stigum. Búast má við því að Hjörvar nái lokaáfanganum að alþjóðlega titlinum á þessu ári, en á verkefnalista framundan er Evrópukeppni taflfélaga og jafnvel Evrópukeppni landsliða.

Auk Hjörvars tefldu fjórir ungir íslenskir skákmenn á mótinu í Wales og stóðu sig allir með mikilli prýði. Þannig var árangur Arnar Leós Jóhannssonar eftirtektarverður, en hann hlaut 6 vinninga og hafnaði í 8.-9. sæti af 69 keppendum. Eyjamaðurinn Nökkvi Sverrisson hlaut 5 vinninga og varð í 21.-25. sæti, Guðmundur Kristinn Lee fékk 4 vinninga og varð í 37.-49. sæti. Óskar Long Einarsson og Birkir Karl Sigurðsson hlutu 3½ vinning og urðu í 50.-57. sæti.

Hjörvar tefldi margar skemmtilegar skákir á mótinu en stysta sigurskákin kom í fimmtu umferð:

Opna Suður-Wales-mótið 2011:

Hjörvar Steinn Grétarsson - Jack Rudd

Benony - byrjun

1. d4 Rf6 2. c4 e6 3. Rc3 c5 4. d5 exd5 5. cxd5 d6 6. Rf3 g6 7. Da4+!?

Athyglisverður leikur sem getur reynst erfður viðfangs ef menn eru ekki með á nótunum. Algengara er 7. Bf4, 7. Rd2, 7. e4 eða 7. g3.

7. ... Rbd7

7. ... Bd7 er vel svarað með 8. Db3.

8. Bf4 a6 9. e4 Rh5 10. Bg5 Dc7?

Betra var 10. ... Be7.

11. g4! h6

Riddarinn stendur hörmulega á g7 en ekki gengur 11. ... Rgf6 vegna 12. Bxf6 og riddarinn á d7 er leppur.

12. gxh5 hxg5 13. hxg6 f6

14. e5!

Að leika peði beint ofan í þrælvaldaðan reit kom margoft fyrir í skákum Kasparovs. Hugmyndin í þessu tilviki er að rýma e4-reitinn fyrir riddarann. Hér kemur til greina að leika 14. ... g4 sem Hjörvar hugðist svara með 15. exf6! gxf3 16. g7 o.s. frv.

14. ... dxe5 15. Re4 b5 16. Bxb5 axb5 17. Dxa8 g4 18. Rfd2 Db7

Eða 18. ... Rb6 19. Da5.

19. Dxb7 Bxb7 20. g7!

- og svartur gafst upp.

Magnús efstur í Biel

Magnús Carlsen hefur forystu þegar tefldar hafa verið þrjár umferðir í stórmeistaraflokki skákhátíðarinnar í Biel í Sviss. Sex skákmenn tefla tvöfalda umferð og hefur Magnús hlotið 2½ v. eða 7 stig, en á þessu móti hefur þriggja stiga kerfið fyrir sigur verið tekið upp. Morozevich kemur næstur með 2 vinninga og 5 stig og síðan Alexei Shirov sem er með 1½ v. og 4 stig. Magnús hóf mótið með því að vinna heimamanninn Pelletier og síðan lagði hann Shirov að velli í aðeins 33 leikjum og var ekki langt frá því að leggja Morozevich í 3. umferð en skákinni lauk með jafntefli.

Í heimsmeistarakeppni landsliða sem fram fer þessa dagana í Ningbo í Kína hafa Armenar með Lev Aronjan á 1. borði náð öruggri forystu eftir fimm umferðir með 8 stig og 13½ vinning af 20 mögulegum. Rússar koma næstir með 7 stig og 12 vinninga og í 3. sæti eru Ungverjar með 7 stig og 11½ vinning.

Alls taka tíu lið þátt í þessari keppni, þátttökuréttur miðast við fimm efstu lið frá síðasta Ólympíumóti og fimm „heimsálfulið". Íslendingar komust í þessa keppni þegar hún var haldin í Luzern árið 1993.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 24. júlí 2011.

Skákþættir Morgunblaðsins

[Event "South Wales International"] [Event "South Wales International"] [Site "Penarth, Cardiff. Wales"] [Date "2011.07.11"] [Round "5.2"] [White "Gretarsson, Hjorvar Steinn"] [Black "Rudd, Jack"] [Result "1-0"] [WhiteElo "2437"] [BlackElo "2278"] [PlyCount "39"] [EventDate "2011.??.??"] [EventRounds "9"] [EventCountry "WLS"] 1. d4 Nf6 2. c4 e6 3. Nc3 c5 4. d5 exd5 5. cxd5 d6 6. Nf3 g6 7. Qa4+ Nbd7 8. Bf4 a6 9. e4 Nh5 10. Bg5 Qc7 11. g4 h6 12. gxh5 hxg5 13. hxg6 f6 14. e5 dxe5 15. Ne4 b5 16. Bxb5 axb5 17. Qxa8 g4 18. Nfd2 Qb7 19. Qxb7 Bxb7 20. g7 1-0

Kramnik öruggur sigurvegari í Dortmund þrátt fyrir tap í lokaumferðinni

Heimsmeistarinn fyrrverandi, Vladimir Kramnik (2781), vann öruggan sigur á Dortmund Sparkassen-mótsins sem lauk í dag.  Kramnik hlaut 7 vinninga.  Víetnaminn Le Quang (2715) varð annar með 5,5 vinning en Giri (2701) og Ponomariov (2764) urðu í 3.-4. sæti með 5 vinninga.

Teflt var tvöföld umferð.

Staðan:

• 1. Kramnik (2781) 7 v.
• 2. Le Quang (2715) 5,5 v.
• 3.-4. Giri (2701) og Ponomariov (2764) 5 v.
• 5. Nakamura (2770) 4,5 v.
• 6. Meier (2656) 3 v.

Heimasíða mótsins

 

Við erum ein fjölskylda: Söfnun fyrir börnin í Afríku

Helgina 6. til 7. ágúst standa Skákakademía Reykjavíkur og Skáksamband Íslands fyrir maraþonskák í Ráðhúsi Reykjavíkur. Þar munu mörg efnilegustu börn og unglingar landsins tefla við gesti og gangandi. Mótherjar krakkanna borga upphæð að eigin vali, sem rennur beint í söfnun Rauða kross Íslands vegna hinnar hræðilegu hungursneyðar í Sómalíu.

Kjörorð Skákhreyfingarinnar er „Við erum ein fjölskylda" og með skákmaraþoninu í Ráðhúsinu vilja ungir liðsmenn skákgyðjunnar á Íslandi sýna börnum í Sómalíu stuðning í verki.

Rauði krossinn dreifir matvælum daglega til þúsunda fjölskyldna í Mið- og Suður Sómalíu, þvert á átakalínur meðan stríð geisar þar. Þá njóta um 5.500 börn umönnunar í 40 næringarmiðstöðvum Rauða krossins og Rauða hálfmánans víðsvegar um landið. Rauði krossinn rekur einnig um 20 heilsugæslustöðvar um allt land og vinnur að vatnsveituverkefnum á þurrkasvæðunum.

Taflmaraþonið í Ráðhúsinu hefst klukkan 10 laugardaginn 6. ágúst og stendur til klukkan 18. Það heldur áfram á sunnudag, á sama tíma, og er það einlæg von íslensku skákkrakkanna að sem allra flestir leggi leið sína á maraþonið. Margt smátt gerir eitt stórt - og það þarf ekki mikla peninga til að bjarga einu mannslífi.

Fjallað um fornleifafund á taflmanni í Sjónvarpi

Í fyrradag var fjallað um fornleifafund á taflmanni á Siglanesi hér í frétt á Skák.is og um málþing um Lewis-taflmennina í ágúst á Skálholti.

Fjallað var um taflmannafundinn í sjónvarpsfréttum RÚV í gær  auk þess Einar S. Einarsson hefur sent fleiri myndir í myndaalbúmið um fornleifafundinn.

• Frétt RÚV um málið 
• Myndaalbúmið

Nánari upplýsingar um Lewis-taflmennina og málþingið má finna á: www.leit.is/lewis  og www.skalholt.is     

Pistill frá Róbert um Harkany

Hér kemur pistill Róberts Lagerman sem og skákskýring um mótið í Harkany sem hann reyndar tók þátt í fyrra.

Harkany

Harkany er lítill krúttlegur heilsubær, sem er um fjöggura tíma akstursferð frá höfuðborg Ungverja, Búdapest. Í þessum heilsubæ, hafa skákmót verið haldin til fjölda ára, svo ákveðin hefð er fyrir skákmótum í Harkany, enda tilvalið að einbeita sér að taflmennsku og stunda heilsuböð eftir skák og endurnæra líkama og sál fyrir átök næstu skákar, í þessum litla bæ.

Ég ákvað að skella mér Harkany, eftir að hafa ráðfært mig við IM Braga Þorfinnson, en hann fór þangað einmitt árið 2009 ásamt Jóni Viktori og Degi Arngrímssyni, sem náði sínum fyrsta áfanga að stórmeistaratitli þar.

Taflmennskan mín var nokkuð heilsteypt, ég náði aldrei almennilega að blanda mér í toppbaráttuna, en tefldi nær allt mótið á borðunum fyrir neðan forystusauðina.

Stigagróðinn ágætur eða um tólf Elo-stig í plús.

Ég mæli hiklaust með þessu móti, fyrir okkur Íslendinga, frábær staður til að einbeita sér að taflmennsku, og frábær heilsuböð fyrir sál og líkama.

Eftirfarandi skák er tefld í umferð.....

Róbert Lagerman

 

[Event "Haekany 2010"] [Site "?"] [Date "2010.12.03"] [Round "?"] [White "Lagerman Róbert"] [Black "Feher Jr. Adam"] [Result "1/2-1/2"] [ECO "B19"] [Annotator ",Microsoft"] [PlyCount "72"] [EventDate "2011.05.23"] [SourceDate "2011.05.23"] 1. e4 c6 2. d4 d5 3. Nd2 dxe4 4. Nxe4 Bf5 5. Ng3 Bg6 6. h4 h6 7. Nf3 { Hérna hef ég oft leikið 7.R1e2 en ég hafði grunað andstæðing minn umalsherjarun dirbúning svo ég ákvað koma honum svolitið á óvart.} Nd7 8. h5 Bh7 9. Bd3 Bxd3 10. Qxd3 e6 11. Bd2 Ngf6 12. O-O-O {Með o^essum leik fylgdi jafnteflisboð hjá mér, svona til að kanna baráttu andstæðingsins, rétt ber að geta að o^essi skák er tefld í síðustu umferð, o^ar sem slík boð eru ekki óvanaleg.} Be7 { Boðinu hafnað, svo nú skal barist.} 13. Kb1 O-O 14. Rhe1 c5 15. Bc1 Re8 16. c4 cxd4 17. Nxd4 Bf8 {Staðan er nú jafnvægi, svo keppendur leitast við að finna veikleika hjá hvor öðrum...} 18. Nb5 Qb6 19. Be3 Nc5 20. Qc2 Rac8 21. Bf4 a6 22. Nd6 Bxd6 23. Rxd6 Rc6 24. Red1 e5 25. Rxc6 Qxc6 26. Be3 Ne6 27. f3 Qc7 28. b3 Nf4 29. Qf5 $1 { Sterkur leikur, sem andstæðingur minn virðist hafa yfirsést...} Nxg2 30. Bxh6 $1 Nf4 31. Bxg7 $1 {Nú er hvítur skyndilega kominn með unnið tafl...} Rd8 $8 { Diagram #} 32. Rxd8+ $2 { Ég sá strax eftir o^essum leik, hvítur fær unnið eftir...} (32. Rc1 Kxg7 33. Qg5+ Kf8 34. Qxf6 $18) 32... Qxd8 33. Bxf6 Qd1+ 34. Kb2 Qd2+ 35. Ka3 Qa5+ 36. Kb2 Qd2+ {Og svartur náði o^rátefli,} 1/2-1/2

Pistill frá Daða um First Saturday

Styrktarhafar SÍ hafa verið duglegir við senda skákskýringar.  Hér kemur pistill og skákskýring frá Daða Ómarssyni sem styrktur var á First Saturday.

Pistillinn:

Fyrst Saturday mótin í Búdapest voru í fyrsta skiptið í ár haldin á nýjum stað en þau hafa verið haldin í Ungverska skáksambandinu á Jókai street í nærri tvo áratugi alla mánuði ársins að frátöldum janúar og desember.  Þetta var í annað skiptið sem ég tók þátt í mótinu og hafði ég ekki gert mér miklar vonir um að aðstaðan myndi skána mikið frá fyrri staðnum sem  þó hafði ákveðinn sjarma yfir sér en er löngu kominn til ára sinna. 

Nýi keppnisstaðurinn var 3 stjörnu Hótelið Medosz  sem var virkilega morkið svo vægt sé til orða tekið og seinna frétti ég að þar höfðu einhverjir íslendingar gist og ekki gefið því háa einkunn.  Það eina sem ég sá jákvætt við nýja staðinn er að hann er meira miðsvæðis heldur en sá gamli og tók það aðeins  um 4-5 mínútur fyrir mig að komast á staðinn.  Gallarnir eru hins vegar fleiri en kostirnir og var gatan til að mynda  ekki eins róleg og á gamla staðnum og var oft mikill hávaði frá götunni og þegar leið á skákina varð loftið inni í salnum virkilega þungt vegna þess hversu lágt var til lofts.  Mótið var að þessu sinni haldið í þremur flokkum Gm, IM og FM og voru þeir nokkuð sterkari heldur en vanalega  og þá sérstaklega Gm grúbban að mati þeirra sem sækja mótin reglulega. 

Ég byrjaði mótið mjög hægt og brösulega en náði að komast upp í 50% þegar mótið var hálfnað.  Eftir það gekk ekkert upp og tapaði ég stöðum þar sem ég var annað hvort með unnið eða betra.  Í nærri öllum skákunum fékk ég mun betra úr byrjunum eins og venjulega en úrvinnslan  var ekki að gera sig.

Daði Ómarsson

[Event "First Saturday"] [Site "?"] [Date "2011.06.12"] [Round "9"] [White "Vas, Peter1"] [Black "Omarsson, Dadi"] [Result "1-0"] [ECO "B78"] [WhiteElo "2290"] [BlackElo "2225"] [Annotator "Omarsson,Dadi"] [PlyCount "83"] [EventDate "2011.06.04"] [SourceDate "2011.06.04"] {Fyrir thessa skák hafði ég ekki undirbúið mig neitt af ráði. Andstæðingur minn hefur telft síðustu ár Marcozy stöður gegn nánast öllum afbrigðum í sikileyjarvörninni thannig að thað var ekki margt að skoða.} 1. e4 c5 2. Nf3 d6 3. d4 cxd4 4. Nxd4 Nf6 5. Nc3 {Thetta kom mér ekki mikið á óvart thví their sem vita að maður teflir drekann standast oft ekki freistinguna að stúdera einhverja langa línu gegn honum og reyna að vinna bara á eintómum stúderingum} (5. f3 a6 6. c4 e6 7. Nc3 Be7 8. Be3 b6 9. Be2 Bb7 10. O-O O-O 11. Qd2 Qc7) 5... g6 6. Be3 Bg7 7. f3 Nc6 8. Qd2 O-O 9. Bc4 Bd7 10. O-O-O Rc8 11. Bb3 Ne5 12. Kb1 $1 Re8 $1 13. h4 h5 14. g4 $1 hxg4 15. h5 $1 Nxh5 16. Bh6 e6 17. Rdg1 { Núna er kominn sama staða og ég fékk á móti Berbatov í 2 umferð Reykjavik Open 2011. Í theirri skák var mjög langt síðan ég hafði stúderað thetta afbrigði og ég eyddi nánast öllum tímanum í að reyna muna hvert framhaldið ætti að vera. En núna var ég með stúderingarnar á hreynu og var vel tilbúinn að mæta thessu afbrigði meðgóðriendurbót} Bh8 $1 {Að mínu mati er thessi leikur nánast eini leikurinn í stöðunni sem svartur hefur. Hann leyfir hvítum vísvitandi að leppa N á f6 eftir Bg5 vegna thess að hvítur hefur aldrei kost á að vinna hann thví ef hann leikur til að mynda Rf1 thá fellur g4 P.} (17... g3 $2 18. Rxh5 gxh5 19. Rxg3 Ng6 20. Nf5 $3 {Thetta var leikurinn sem mér yfirsást vegna thess að ég mundi ekki eftir skákinni hjá Vachier lagrave og Kasimdzhanov.} Bh8 21. Qh2 Rc5 22. Qxh5 Qf6 23. Be3 Rec8 24. Bd4 Re5 $2 25. f4 Rxf5 26. exf5 Qxd4 27. fxg6 {1-0 Berbatov,K (2454)-Omarsson,D (2214)/Reykjavik 2011/CB11_2011}) (17... Qf6 18. fxg4 Bxh6 19. Qxh6 Qg7 20. Qe3 Nf6 21. g5 Nh5 22. Ndb5 Bxb5 23. Nxb5 Red8 24. Qxa7 $14 {1/2-1/2 Dominguez Perez,L (2719)-Smerdon,D (2525)/ Khanty Mansiysk 2009/CBM 134 (37)}) 18. fxg4 Nf6 19. Bg5 Bg7 $8 20. Qh2 $1 (20. Qf4 { Í skákinni við Berbatov sá ég thessa stöðu í útreikningunum mínum og mat hana hvíti í hag vegna thess að thað er erfitt að finn plan fyrir svartann. Eftir skákina komst ég hins vegar að thví að thað er erfiðara fyrir hvítann að finna plan og svartur getur bætt stöðuna sína hægt og bítandi með ...Rc5.} Rc5 $1 ( 20... a6 $2 21. Rh4 $1 Nc4 22. Rgh1 $1 $18) 21. Rh4 (21. Rf1 $2 Nexg4 $17) 21... Nc4 22. Rgh1 Rxg5 23. Qxg5 Ne5 24. Qf4 Nfxg4 25. Nf3 Nxf3 26. Qxf3 Nf6 $11 {og ég sé ekki hvernig hvítur ættlar að brjóta upp svörtu stöðuna thannig að hún hlýtur að vera góð.}) ({ Hvítur getur alltaf fengið thvingað jafntefli með} 20. Bh6 Bh8 21. Bg5 Bg7 $11) 20... Qb6 $2 {Thessi leikur var ennthá í stúderingunum mínum. Hann nánast neyðir hvítann að fórna liði thví annars ef hann bakkar thá er svartur með alla stöðuna. Ég eyddi líka miklum tíma í skákinni að kíkja á 20... Qa5 sem ég taldi að yrði verri útgáfa af 20... Qb6 línunni. Ég eyddi líka tíma að kíkja á skiptamunsfórnina á c3 sem mér fannst gefa svörtum góð færi en ákvað í skákinni að að thað væri ekki thörf á henni allavega strax.} (20... Qa5 $2 21. Bxf6 $1 Bxf6 22. Nf5 $1 gxf5 (22... exf5 23. gxf5 Rxc3 24. Rxg6+ Kf8 25. Rxf6 Rxb3 26. axb3 $16) 23. Qh6 $1 f4 24. Qxf6 Ng6 25. Rh7 $3 $18 { Hérna sést vel munurinn á ...Qa5 og ...Qb6.}) (20... Rxc3 21. bxc3 a5 22. a4 ( 22. Qf4 $2 a4 23. Bh6 Nfxg4 24. Rxg4 Nxg4 25. Qxg4 axb3 26. axb3 Bxh6 27. Rxh6 Kg7 $17) 22... Qc7 (22... Qb6 23. Bxf6 Bxf6 24. Rf1 Bg7 25. Qh7+ Kf8 26. Nf3 $18 Qc5 27. Nxe5 Qxe5 28. Qxg6 Re7 29. Rf3 Bc6 30. Rhf1 Be8) 23. Bxf6 Bxf6 24. g5 (24. Rf1 Bg7 25. Qh3 Re7 26. g5 Nc4) 24... Bg7 25. Rg3) 21. Bxf6 $1 { Thetta er nákvæmara heldur en 21.Nf5} (21. Nf5 Nf3 $1 22. Qf4 Nxg5 23. Nxg7 Kxg7 24. Qxg5 Rh8 25. e5 Ng8 $1 { og svartur er á lífi thar sem N valdar alla veiku svörtu reitina á K-vængnum.}) 21... Bxf6 22. Nf5 $1 {Hvítur hótar núna 23.Qh7+ Kf8 24. Qh8+ Bxh8 25.Rxh8#} gxf5 23. gxf5+ $4 {Thessi leikur er of beinskeyttur. Í skákinni eyddi ég mestum tíma að fara yfir 23.Qh6 sem mér fannst vera mun hættulegri en thað sem telfdist í skákinni. Ég verð síðan að viðurkenna að ég sá ekki 23.g5! sem tölvan mælir fyrst með sem lýtur út fyrir að klára skákina samstundis.} (23. Qh6 f4 $8 (23... Bg7 24. gxf5 Ng6 25. Qh7+ Kf8 26. fxg6 f6 27. e5 $1 dxe5 28. Ne4 $18) 24. Qxf6 Ng6 25. Rf1 (25. Rh7 $4 Qxg1+ $19) 25... Qd8 26. Rxf4 Qxf6 27. Rxf6 Kg7 $11) (23. g5 $3 Bg7 24. exf5 $18 {og svarta staðan hrynur.}) 23... Kf8 24. Rf1 $2 {Thessi leikur er alltof hægur og er mjög auðvelt að hrekja. Í skákinni bjóst ég við 24.fxe6} (24. Qh6+ Ke7 25. fxe6 Bxe6 26. Bxe6 fxe6 27. Rf1 Rf8 $19) (24. fxe6 Bxe6 $8 25. Bxe6 (25. Qh6+ Ke7 26. Rf1 Ng4 $1 $19) 25... Rxc3 $19) 24... Rxc3 $1 {Loksins kemur skiptamunsfórnin !} 25. bxc3 exf5 $19 { Nú er svartur kominn með kolunnið} 26. exf5 Bc6 $2 {Thessi leikur lýtur út fyrir að vera allt í lagi en er svo rangur að mörgu leyti. Hann bætir stöðu R á h1 og kemur B á verri reit. Eini kosturinn sem hann hefur er að hann tekur d5 reitinn af hvíta B.} (26... a5 27. Rf4 Qe3 28. Rd1 Qxc3 $19 { og svartur er með kolunna stöðu.}) 27. Rhg1 a5 $4 {Vitlaus forgangsröðun. Svartur tharf fyrst að koma K í skjól síðan getur hann farið að vinna lið.} ( 27... Ke7 $19) 28. Rg6 $3 {Thessi sleggja kemur hvítum aftur inn í skákina sem ég missti alveg af. Núna er hvítur allt í einu kominn með rosaleg færi.} fxg6 29. fxg6 Bf3 30. Qh7 $1 Qe3 { Ó tímahrak, thú sem eyðileggur svo margar góðar skákir.} 31. Qg8+ Ke7 32. Qe6+ Kd8 33. Qxf6+ Kc7 34. g7 Qe2 $4 (34... Be2 $11) 35. Rg1 a4 $1 36. g8=Q (36. Bxa4 Qf2 $1 37. g8=Q Rxg8 38. Rxg8 Qf1+ 39. Kb2 Nc4+ 40. Kb3 Na5+ 41. Ka3 (41. Kb4 Qc4+ 42. Ka3 Qxg8 43. Qxf3 Nc4+ 44. Kb4 Ne5 {og staðan er jöfn}) 41... Qc1+ 42. Kb4 Nc6+ 43. Bxc6 Qb1+ 44. Kc4 Qf1+ {og svartur er með gangandi thráskák.}) 36... Rxg8 37. Bxg8 Be4 $1 38. Rc1 (38. Qe7+ Nd7 39. Rc1 $4 Bxc2+ $19) 38... Qb5+ 39. Ka1 Qc5 40. Qg7+ Kb8 41. Qg3 {Nú er staðan jöfn og svartur getur thvingað jafntefli með 41... Nf3 en ég var í einhverju rugli.} Nd3 $4 { Thað er ekki hægt að segja neitt um svona afleik annað en að hann er grátlegur. Thað sem gerir thetta ennthá verra var að ég var með 36 mínótur á klukkunni sem gerir thetta óafsakanlegt.} (41... Nf3 { Svartur hótar núna c3-P sem hvítur getur bara valdað með} 42. Qg7 Qe3 (42... Ne5 43. Qg3 Nf3 $11) 43. Rf1 Qe2 44. Rc1 Ne1 45. Qg5 Nxc2+ 46. Kb2 Ne3+ 47. Ka1 {og svartur á ekkert meir en jafntefli.}) 42. cxd3 1-0

Hannes tapaði í lokaumferðinni - endar í 2.-5. sæti - tryggir sér keppnisrétt á EM einstaklinga 2012

Stórmeistarinn Hannes Hlífar Stefánsson (2546) tapaði fyrir úkraínska stórmeistarann Dmitry Kononenko (2593) í níundu og síðustu umferð Czech Open sem fram fór í dag.  Hannes hlaut 7 vinninga og endar í 2.-5. sæti.  Ofangreindur Kononenko sigraði á mótinu en hann hlaut 7,5 vinning.  Árangur Hannesar samsvaraði 2689 skákstigum og hækkar um 16 stig fyrir frammistöðu sína.  Samkvæmt styrkjareglum SÍ tryggir slíkur árangur (2670+) Hannesi keppnisrétt fyrir Íslands hönd á EM einstaklinga að ári ásamt Íslandsmeistaranum Héðni Steingrímssyni.

Guðmundur Kjartansson (2310) gerði jafntefli við tékkneska FIDE-meistaranum Jan Bartos (2215) í lokaumferðinni en nafni hans Gíslason (2323) tapaði fyrir Þjóðverjanum Dennes Abel á (2418).  Þeir hlutu báðir 4,5 vinning.   Árangur Kjartanssonar samsvaraði 2331 skákstigi og hækkar hann um 4 stig en árangur nafna hans samsvaraði 2282 skákstigum og lækkar hann um 6 stig. 

Sigurður Eiríksson (1951) og Jakob Sævar Sigurðsson (1789) töpuðu báðir.  Sigurður hlaut 4 vinninga en Jakob Sævar hlaut 1,5 vinning.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

Politiken Cup: Henrik og Gunnar unnu í fyrstu umferð

Í dag hófst Politiken Cup í Helsingör í Danmörk.  Tveir íslenskir skákmenn taka þátt, stórmeistarinn Henrik Danielsen (2535) og Gunnar Finnlaugsson (2079).  Báðir unnu þeir í fyrstu umferð, mun stigalægri andstæðinga.  Á morgun eru tefldar tvær umferðir, sú fyrri kl. 7 í fyrramálið en áhugasamir geta fylgst beint með skák Henriks á morgun.

311 skákmenn taka þátt í þessu móti og þar af eru 26 stórmeistarar.  Henrik er nr. 19 í styrkleikaröð keppenda en Gunnar er nr.  126.

• Heimasíða mótsins
• Beinar útsendingar