Jón Kristinn vann Startmótið

Þau óvæntu úrslit urðu á Startmótinu í kvöld, 31. ágúst, að Jón nokkur Kr. Þorgeirsson kom, sá og sigraði. Alls mættu 13 keppendur til leiks á þessu fyrsta móti nýhafinnar skáktíðar, sem nú fer af stað áf fullum krafti, eins og sjá má hér neðar á síðunni. Jón gerði einn jafntefli, við Áskel - og var skrefinu á undan honum í mark eftir að Áskell beið lægri hlut fyrir Andra Frey. Aðrar skákir unnu þeir kumpánar. Nafnarnir góðkunnu, ásamt áðurnefndum Andra, urðu svo jafnir í þriðja sæti.

Heildarúrslit:

Jón Kristinn Þorgeirsson	11½
Áskell Örn Kárason	10½
Andri Freyr Björgvinsson	9
Sigurður Arnarson	9
Sigurður Eiríksson	9
Hjörtur Steinbersson	8
Haraldur Haraldsson	5½
Karl Egill Steingrímsson	5½
Heiðar Ólafsson	3½
Gabríel Freyr Björnsson	2½
Fannar Breki Kárason	2
Arnar Smári Signýjarson	2
Stefán Örn Ingvarsson	0

Að venju markar Startmótið upphaf nýs keppnistímabils, eins og nafnið ber með sér. Margt er á döfinni, bæði innan félags og utan og heyrir það til helstu tíðinda að þeir Jón Kristinn Þorgeirsson og Símon Þórhallsson munu taka þátt í Evrópumóti ungmenna sem hefst í Mamaia í Rúmeníu þriðjudaginn 5. september. Þeir félagar eru þegar orðin nokkuð sjóaðir í mótum af þessu tagi og við munum fylgjast spennt með árangri þeirra þar. 

Nýtt fréttabréf SÍ komið út

Nýtt fréttabréf SÍ kom út í dag en fréttabréfið kemur að jafnaði út einu sinni á mánuði í rafrænu formi. Meðal efnis í fréttabréfinu nú er:

• Lenka Íslandsmeistari í níunda sinn
• Jóhann mætir David Navara í fyrstu umferð Heimsbikarmótsins
• Sex fulltrúar Íslands tefla á EM ungmenna
• NM barna- og grunnskólasveita haldið að Laugum í september
• Kynningarfundir og námskeið
• Íslandsmót grunnskólasveita - stúlknaflokkur
• Norðurljósamótið - hverjir hafa skráð sig
• GAMMA Reykjavíkurskákmótið - niðurtalning
• Mót á döfunni

Fréttabréfið má nálgast hér.

Hægt er að skrá sig fyrir fréttabréfinu á Skák.is (ofarlega til vinstri)

Eldri fréttabréf SÍ má nálgast hér.

Ný alþjóðleg skákstig

Ný alþjóðleg skákstig eru komin út og taka þau gildi á morgun, 1. september. Héðinn Steingrímsson er stigahæstur íslenskra skákmanna. Ingvar We Skarphéðinsson er eini nýliði listans og Adam Omarsson hækkar mest frá ágúst-listanum. Á morgun verður birt hér á Skák.is úttekt um ný alþjóðleg hraðskákstig. 

Topp 20

Héðinn Steingrímsson (2576) er stigahæstur íslenskra skákmanna. Í næstu sætum eru Hjörvar Steinn Grétarsson (2567) og Jóhann Hjartarson (2539).

No	Name	Tit	sep.17	Gms	Diff
1	Steingrimsson, Hedinn	GM	2576	0	0
2	Gretarsson, Hjorvar Steinn	GM	2567	0	0
3	Hjartarson, Johann	GM	2539	10	-17
4	Petursson, Margeir	GM	2516	0	0
5	Olafsson, Helgi	GM	2512	0	0
6	Stefansson, Hannes	GM	2508	9	-13
7	Danielsen, Henrik	GM	2495	0	0
8	Gunnarsson, Jon Viktor	IM	2460	0	0
9	Arnason, Jon L	GM	2458	0	0
10	Kjartansson, Gudmundur	IM	2456	0	0
11	Thorfinnsson, Bragi	IM	2455	9	-6
12	Gretarsson, Helgi Ass	GM	2448	0	0
13	Kristjansson, Stefan	GM	2447	0	0
14	Thorsteins, Karl	IM	2432	0	0
15	Gunnarsson, Arnar	IM	2428	0	0
16	Thorhallsson, Throstur	GM	2420	0	0
17	Thorfinnsson, Bjorn	IM	2398	0	0
18	Kjartansson, David	FM	2386	0	0
19	Arngrimsson, Dagur	IM	2376	0	0
20	Ulfarsson, Magnus Orn	FM	2375	0	0

 

Listann má finna í heild sinni sem PDF-viðhengi.

Nýliðinn

Einn nýliði er á listanum nú. Það er Ingvar Wu Skarphéðinsson (1058).

Mestu hækkanir

Adam Omarsson (88) hækkar langmest allra frá ágústlistanum. Í næstu sætum eru Jóhanna Björg Jóhannsdóttir (29) og Alexander Már Bjarnþjórsson (20). Stefán Bergsson (17) heldur áfram að hækka sig og nálgast nú 2100 stigamúrinn.

No	Name	Tit	sep.17	Gms	Diff
1	Omarsson, Adam		1149	6	88
2	Johannsdottir, Johanna Bjorg		1891	5	29
3	Bjarnthorsson, Alexander Mar		1224	2	20
4	Bergsson, Stefan		2077	8	17
5	Thorisson, Benedikt		1065	4	16
6	Ptacnikova, Lenka	WGM	2224	5	12
7	Magnusson, Magnus		2013	10	8
8	Birkisdottir, Freyja		1332	4	7
9	Fridthjofsdottir, Sigurl. Regina		1743	4	5
10	Hjaltason, Magnus		1265	4	3

Stigahæstu skákkonur landsins

Lenka Ptácníková (2224) er sem fyrr langstigahæsta skákkona landsins. Í næstum sætum eru Hallgerður Helga (2041) og Guðlaug Þorsteinsdætur (2004).

No	Name	Tit	sep.17	Gms	Diff
1	Ptacnikova, Lenka	WGM	2224	5	12
2	Thorsteinsdottir, Hallgerdur	WFM	2041	0	0
3	Thorsteinsdottir, Gudlaug	WFM	2004	5	-6
4	Davidsdottir, Nansy		1954	0	0
5	Johannsdottir, Johanna Bjorg		1891	5	29
6	Finnbogadottir, Tinna Kristin		1883	0	0
7	Kristinardottir, Elsa Maria		1822	0	0
8	Magnusdottir, Veronika Steinunn		1770	4	-15
9	Helgadottir, Sigridur Bjorg		1763	0	0
10	Hauksdottir, Hrund		1756	4	-9

Reiknuð íslensk skákmót

• Íslandsmót kvenna
• Sumarsyrpa Breiðabliks
• Bikarsyrpa TR nr. 1
• Baccala bar mótið (hraðskák)
• Stórmót Árbæjarsafns og TR (hraðskák)
• Borgarskákmótið (hraðskák)
• Hraðkvöld Hugins (hraðskák)
• Íslandsmót skákmanna í golfi (hraðskák)
• Kringluskákmótið (hraðskák)

Skrár tengdar þessari bloggfærslu:

• Alþjóðleg skákstig, 1. september 2017

Fátt óvænt í annarri umferð á Meistaramóti Hugins

Flest úrslit voru eftir bókinni í annarri umferð í Meistaramóti Hugins sem fram fór síðasta mánudagskvöld. Sá sem var stigahærri vann að jafnaði þann stiglægri nema í skák þeirra Harðar Jónassonar (1508) og Þórðar Guðmundssonar (1662) þar sem sæst var á skiptan hlut, sem telst samt varla til stórtíðinda. Þótt úrslitin væru eftir bókinni þá var mikil barátta á öllum borðum og ekki margar stuttar viðureignir. Þeir stigalægri börðust um á hæl og hnakka og áttu jafnteflisénsa á einhverjum borðum en enginn þeirra stigahærri lenti í verulegri taphættu nema Björvin Víglundsson, sem talinn var af um tíma í skákinni við Björn Óla Hauksson. Björgvin  reis samt upp um síðir eins og fuglinn Fönix og hafði sigur. Það getur kostað að mæta seint í viðureign á móti góðum skákmanni eins og Björgvin.

Að lokinni annarri umferð eru fjórir skákmenn efstir og jafnir með 2 vinninga. Tveir þeirra Sigurður Daði Sigfússon og Vignir Vatnar Stefánsson sitja yfir í þriðju umferði. Það þýðir að hinir tveir Björn Þorfinnsson og Hjörvar Steinn Grétarsson mætast í þriðju umferð sem verður að teljast ein af úrslitaviðureignum mótsins. Þriðja umferð fer fram á mánudagskvöldið 4 september og hefst kl. 19.30. Eftir þá umferð hljóta línur að fara að skýrast nokkuð. Áhorfendur eru velkomnir. Það er alltaf kaffi á könnunni í Huginsheimilinu og stundum eitthvað með því.

Úrslit 2. umferðar í chess-results:
Pörun 3. umerðar í chess-results:

Heimasíða Hugins

Kynningarfundir um nýjar hraðskákreglur og valfrjáls aðildargjöld

Breytingar urðu á hraðskákreglum FIDE 1. júlí. Omar Salama mun halda kynningarfund um nýju reglurnar fimmtudaginn 31. ágúst kl. 17:30. Áætlað er að kynningarfundinum ljúki um kl. 19:30. Efni um reglurnar verður dreift til fundargesta. 

Allir skákstjórar eru hvattir til að sækja þennan fund. Að sjálfsögðu er allir áhugasamir skákmenn einnig velkomnir. 

-----------------

Stjórn SÍ stefnir að því að taka upp valfrjáls aðildargjöld að Skáksambandinu frá og með starfsárinu 2017-18.

Kynningarfundur um þau verður haldinn í húsnæði SÍ, fimmtudaginn, 31. ágúst kl. 20:00.Fundurinn er opinn öllum sem hafa áhuga á því að sækja hann. 

Nokkrir punktar um valfrjálsu aðildargjöldin: 

Gjaldið yrði 5.000 kr. á ári. Helmingsafsláttur yrði fyrir börn (u18), eldri borgara (67+) og öryrkja auk þess sem fjölskylduafsláttur yrði veittur (ekki útfærður enn). 

Innifalið í aðildargjöldunum yrði: 

• Tímaritið Skák – sem kæmi út 1-2 sinnum á ári – sent heim til félaga
• Námskeið/skemmtikvöld sem verði haldin að lágmarki tvisvar sinnum á ári fyrir félaga
• Afsláttur af skákbókum í gegnum Skákbókasöluna.
• Útreikningur skákstiga 

Eins og áður hefur komið fram verða gjöldin valfrjáls. Þeir sem kjósa að vera utan þessa kerfis munu þurfa greiða hógvært stigagjald fyrir þátttöku á kappskákmótum frá og með næstu áramótum. 

Allir eru velkomnir á kynningarfundinn!

-------------------

Á milli funda verður verðlaunaafhending vegna Íslandsmóts kvenna. 

Skákmót í Gerðasafni

Laugardaginn 2, september kl. 13 verður hraðskákmót í Gerðarsafni í Kópavogi, í tilefni af CYCLE-listahátíðinni, sem Kópavogur stendur að í samvinnu við Berlín og Hong Kong. Yfirskrift skákmótsins er í anda hátíðarinnar og kjörorða skákhreyfingarinnar: Gens una sumus / Við erum ein fjölskylda. Tefldar verða sex umferðir með 7 mínútna umhugsunartíma. Bókaverðlaun og gjafabréf í vinninga. 

Þið getið skráð ykkur á Gula kassann hér fyrir ofan og einnig taka Vinaskákfélagarnir Hörður Jónasson og Ingi Tandri glaðlega við skráningum á staðnum! Allir hjartanlega velkomnir.

Upplýsingar um þegar skráða keppendur má finna hér.

Haustmót TR hefst 6. september

Haustmót Taflfélags Reykjavíkur 2017 hefst miðvikudaginn 6. september kl. 19.30. Mótið, sem er hið 84. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt, öllum opið og verður reiknað til alþjóðlegra skákstiga.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða þrjár umferðir á viku og eru alls níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi. Í lokuðu flokkunum er keppendum raðað eftir Elo-skákstigum (september listi).

Skráningu í alla lokaða flokka lýkur þriðjudaginn 5. september kl. 22.

Lokaumferð fer fram sunnudaginn 24. september en mótinu lýkur formlega með verðlaunaafhendingu miðvikudaginn 27. september þegar Hraðskákmót TR fer fram.

Núverandi skákmeistari Taflfélags Reykjavíkur er Vignir Vatnar Stefánsson.

Dagskrá:

1. umferð: Miðvikudag 6. september kl. 19.30
2. umferð: Föstudag 8. september kl. 19.30
3. umferð: Sunnudag 10. september kl. 13:00
4. umferð: Miðvikudag 13. september kl.19.30
5. umferð: Föstudag 15. september kl. 19.30
6. umferð: Sunnudag 17. september kl. 13.00
7. umferð: Miðvikudag 20. september kl. 19.30
8. umferð: Föstudag 22. september kl. 19.30
9. umferð: Sunnudag 24. september kl. 13.00

Í opna flokknum eru leyfðar tvær yfirsetur (bye) í umferðum 1-6 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2018

Verðlaun í B-flokki:
1. sæti kr. 20.000
2. og 3. sæti ókeypis í Skákþing Reykjavíkur 2018

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2018

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2018
Stigaverðlaun 5.000kr skákbókainneign: stigalausir, U1200, U1400

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur í A-flokki jafnir að vinningum í efstu sætum verður verðlaunafé skipt eftir Hort-kerfi. Lokaröð keppenda í öllum flokkum ákvarðast af mótsstigum (tiebreaks).

Röð mótsstiga (tiebreaks):

Lokaðir flokkar: 1. Innbyrðis viðureign 2. Sonneborn-Berger 3. Fjöldi sigra
Opinn flokkur: 1. Innbyrðis viðureign 2. Buchholz (-1) 3. Buchholz

Tímamörk í lokuðum flokkum:
1 klst og 30 mín á fyrstu 40 leikina. Að loknum 40 leikjum bætast við 15 mínútur. 30 sekúndur bætast við eftir hvern leik alla skákina.

Tímamörk í opnum flokki:
60 mín auk þess sem 30 sekúndur bætast við eftir hvern leik alla skákina (60+30). Enginn viðbótartími eftir 40 leiki.

Þátttökugjöld (greiðist með reiðufé við upphaf móts):
3.500 kr. fyrir félagsmenn T.R. 18 ára og eldri (5.000 kr. fyrir aðra).
1.500 kr. fyrir félagsmenn T.R. 17 ára og yngri (2.500 kr. fyrir aðra).

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu í opinn flokk lýkur 15 mínútum fyrir auglýst upphaf móts, þ.e. 6. september kl. 19.15. Skráningu í alla lokaða flokka lýkur þriðjudaginn 5. september kl. 22.

Skráningarform

Skráðir keppendur

Skákæfingar Taflfélags Reykjavíkur – Haustönn 2017

Haustönn Taflfélags Reykjavíkur hefst formlega laugardaginn 2.september en þá byrja byrjendaæfingar, stúlknaæfing og almenna æfingin. Framhaldsæfingar hefjast þriðjudaginn 29.ágúst. Afreksæfingar eru hins vegar þegar hafnar. Haustönninni lýkur með jólahátíð barna 9.desember.

Æfingarnar eru fjölbreyttar sem fyrr og sérstaklega hannaðar til þess að mæta þörfum sem flestra áhugasamra skákbarna. Á æfingum félagsins fá börnin markvissa kennslu og persónulega leiðsögn sem nýtist þeim sem grunnur að framförum í skáklistinni. Æfingarnar verða sem fyrr flokkaskiptar eftir getu og aldri.

Æfingagjöld á haustönninni haldast óbreytt á milli ára. Gjald fyrir æfingahópa sem hittast einu sinni í viku er 8.000kr. Gjald fyrir æfingahópa sem hittast tvisvar í viku er 14.000kr. Líkt og áður er veittur systkinaafsláttur í formi 50% afsláttar fyrir annað barnið, en þriðja barnið æfir frítt. Börn geta sem fyrr tekið þátt í opinni laugardagsæfingu (kl.14-16) án endurgjalds.

Mikilvægt er að skrá þátttakendur á æfingarnar með því að fylla út skráningarform sem finna má á vef félagsins. Öllum er þó frjálst að prófa eina æfingu án skuldbindingar. Foreldrar geta nýtt sér Frístundakort Reykjavíkurborgar ef börnin/unglingarnar eru með lögheimili í Reykjavík.

Allar nánari upplýsingar sem og leiðbeiningar um hvaða æfingar henta hverjum og einum veita skákþjálfarar félagsins.

Á haustönn 2017 er boðið upp á sex mismunandi skákæfingar:

Manngangskennsla: Lau kl.10:40-11:00 (frítt) – Hefst 2.september.

Á þessari æfingu verður eingöngu manngangurinn kenndur. Þessi æfing er hugsuð fyrir börn á grunnskólaaldri og elstu börn leikskóla, af báðum kynjum, sem vilja læra mannganginn frá grunni eða vilja læra tiltekna þætti manngangsins betur. Börnin munu læra að hreyfa alla mennina auk þess sem þau læra reglur sem gilda um hrókeringu og framhjáhlaup. Þegar barn hefur náð góðum tökum á mannganginum að mati skákþjálfara þá er það tilbúið að taka næsta skref sem er Byrjendaæfing. Umsjón með æfingunum hefur Torfi Leósson (sími: 697 3974). 

Byrjendaæfing: Lau kl.11:15-12:15 (8.000kr) – Hefst 2.september.

Þessi æfing er hugsuð fyrir börn á grunnskólaaldri og elstu börn leikskóla, af báðum kynjum, sem kunna allan mannganginn og þyrstir í að læra meira og ná betri tökum á skáklistinni. Á æfingunni tefla börnin hvert við annað í bland við létta kennslu. Börnin læra almennar reglur sem gilda á skákmótum og þau venjast því að tefla með klukku. Auk þess munu börnin læra grunnatriði á borð við liðsskipan og einföld mát. Umsjón með æfingunum hefur Torfi Leósson (sími: 697 3974).

Stúlknaæfing: Lau kl.12:30-13:45 (8.000kr) – Hefst 2.september.

Stúlknaæfingin hefur fest sig í sessi sem ein fjölmennasta skákæfing TR. Fyrirkomulag æfingarinnar er óbreytt frá því sem verið hefur síðustu misseri og eru allar stúlkur á grunnskólaaldri velkomnar að slást í hópinn. Á skákæfingunum er lögð áhersla á ýmis taktísk atriði og mátstöður í miðtafli og endatafli. Lögð er áhersla á að stelpurnar þrói með sér skilning á stöðuuppbyggingu, svo sem liðsskipan í byrjun, úrvinnslu í miðtafli og læri að ljúka skákinni með máti. Tímarnir innihalda sitthvað af öllu þessu: innlögn og umræður, skákþrautir og taflmennsku, sköpun og gleði. Umsjón með æfingunum hefur Sigurlaug R. Friðþjófsdóttir (sími: 862 6290). 

Laugardagsæfing: Lau kl.14:00-16:00 (frítt) – Hefst 2.september.

Laugardagsæfingar TR hafa verið flaggskip félagsins undanfarna áratugi. Á þessum æfingum er sett upp skákmót og tefla börnin allan tímann. Æfingin er fyrir bæði stráka og stelpur á grunnskólaaldri, sem og elstu börn leikskóla, og eru börn frá öðrum taflfélögum hjartanlega velkomin á þessa æfingu. Á æfingunni fá börnin leiðsögn og þjálfun í því að tefla í skákmóti og læra þannig helstu skákreglur auk þess sem þau læra smám saman þá siði og venjur sem ríkja í skáksal. Þessi mót verða reiknuð til skákstiga. Æfingin er án endurgjalds. Umsjón með æfingunum hefur Gauti Páll Jónsson (sími: 691 9937). 

Framhaldsæfing:  Þri kl.17:00-18:30 & Sun kl.10:30-12:00 (14.000kr) – Hefst 29.ágúst.

Framhaldsæfingin verður með örlítið breyttu sniði frá því sem var síðastliðið vor. Á haustönn verður einn framhaldshópur sem æfir tvisvar í viku. Æfingunni er ætlað að koma til móts við þau skákbörn TR, af báðum kynjum, sem hafa mikinn áhuga á að taka framförum í skáklistinni. Þessar æfingar eru því hugsaðar fyrir börn sem hafa að lágmarki reynslu af að tefla með klukku og kunna einföld mát líkt og að máta með kóngi og hrók gegn stökum kóngi. Þessar æfingar eru einnig ætlaðar þeim börnum sem eru lengra komin og tefla reglulega í kappskákmótum. Æfingarnar eru á sunnudögum og þriðjudögum. Umsjón með æfingunum hefur Björn Ívar Karlsson (sími: 692 1655).

Afreksæfing: Lau kl.16:10-17:40 & Fim kl.17:00-18:30 (14.000kr)

Afreksæfingin verður með hefðbundnu sniði frá því sem verið hefur og er æfingin hugsuð fyrir stigahæstu skákbörn og unglinga TR af báðum kynjum. Á þessum æfingum er mikil áhersla lögð á byrjanafræði og krefjast æfingarnar þess að nemendur geti unnið sjálfstætt. Æft er tvisvar í viku, á fimmtudögum og laugardögum. Umsjón með æfingunum hefur Daði Ómarsson (sími: 615 4273).

Nánar á heimasíðu TR.

Nýjar hraðskákreglur FIDE: Kynningarfundur á fimmtudaginn

Breytingar urðu á hraðskákreglum FIDE 1. júlí. Omar Salama mun halda kynningarfund um nýju reglurnar fimmtudaginn 31. ágúst kl. 17:30. Áætlað er að kynningarfundinum ljúki um kl. 19:30. Efni um reglurnar verður dreift til fundargesta. 

Allir skákstjórar eru hvattir til að sækja þennan fund. Að sjálfsögðu er allir áhugasamir skákmenn einnig velkomnir. 

Síðar um kvöldið, kl. 20, verður svo kynningarfundur um ný valfrjáls aðildargjöld SÍ. Allir velkomnir.

Valfrjáls aðildargjöld SÍ: Tímaritið Skák kemur aftur út - kynningarfundur á fimmtudag

Stjórn SÍ stefnir að því að taka upp valfrjáls aðildargjöld að Skáksambandinu frá og með starfsárinu 2017-18.

Kynningarfundur um þau verður haldinn í húsnæði SÍ, fimmtudaginn, 31. ágúst kl. 20:00.Fundurinn er opinn öllum sem hafa áhuga á því að sækja hann. 

Nokkrir punktar um valfrjálsu aðildargjöldin: 

Gjaldið yrði 5.000 kr. á ári. Helmingsafsláttur yrði fyrir börn (u18), eldri borgara (67+) og öryrkja auk þess sem fjölskylduafsláttur yrði veittur (ekki útfærður enn). 

Innifalið í aðildargjöldunum yrði: 

• Tímaritið Skák – sem kæmi út 1-2 sinnum á ári – sent heim til félaga
• Námskeið/skemmtikvöld sem verði haldin að lágmarki tvisvar sinnum á ári fyrir félaga
• Afsláttur af skákbókum í gegnum Skákbókasöluna.
• Útreikningur skákstiga 

Eins og áður hefur komið fram verða gjöldin valfrjáls. Þeir sem kjósa að vera utan þessa kerfis munu þurfa greiða hógvært stigagjald fyrir þátttöku á kappskákmótum frá og með næstu áramótum. 

Allir eru velkomnir á kynningarfundinn!