Ný íslensk skákstig

Ný íslensk skákstig eru komin út.  Hannes Hlífar Stefánsson er sem fyrr stigahæstur, Jóhann Hjartarson næststigahæstur og Margeir Pétursson þriðji stigahæstur.  Þrír nýliðar eru á listanum og þeirra stigahæstur er Birgir Rafn Þráinsson (1610) sem reyndar hafði stig fyrir um 17 árum síðan!  Hilmar Freyr Friðgeirsson kemur næstur.  Tjörvi Schiöth hækkar mest á milli lista eða um 200 skákstig.  Nökkvi Sverrisson og Björn Ívar Karlsson tefldu með á tímabilinu eða 12 skákir hvor.

20 stigahæstu skákmenn landsins:

1. Hannes Hlífar Stefánsson (2645)
2. Jóhann Hjartarson (2640)
3. Margeir Pétursson (2600)
4. Helgi Ólafsson (2540)
5. Jón L. Árnason (2510)
6. Friðrik Ólafsson (2510)
7. Héðinn Steingrímsson (2510)
8. Henrik Danielsen (2505)
9. Helgi Áss Grétarsson (2500)
10. Karl Þorsteins (2485)
11. Jón Viktor Gunnarsson (2465)
12. Þröstur Þórhallsson (2465)
13. Stefán Kristjánsson (2460)
14. Guðmundur Sigurjónsson (2445)
15. Bragi Þorfinnsson (2435)
16. Björn Þorfinnsson (2420)
17. Arnar Gunnarsson (2405)
18. Magnús Örn Úlfarsson (2375)
19. Róbert Lagerman (2355)
20. Elvar Guðmundsson (2355)
21. Sigurður Daði Sigfússon (2355)
22. Dagur Arnrímsson (2355)

Nýliðar:

1. Birgir Rafn Þráinsson (1610) - (Birgir var reyndar á stigalista um 1982 með 1490 stig)
2. Ingi Þór Hafdísarson (1325)
3. Hilmar Freyr Friðgeirsson (1290)

Mestu hækkanir:

1. Tjörvi Schiöth (200)
2. Friðrik Þjálfi Stefánsson (120)
3. Sigríður Björg Helgadóttir (115)
4. Kristófer Gautason (90)
5. Siguringi Sigurjónsson (90)
6. Stefán Gíslason (80)
7. Eymundur Eymundsson (75)
8. Daði Steinn Jónsson (70)
9. Hrund Hauksdóttir (70)
10. Dagur Kjartansson (65)
11. Eiríkur Örn Brynjarsson (65)
12. Elsa María Kristínardóttir (65)

Virkustu menn

Sjö virkustu skákmenn landsins á þessu tímabili eru allir í sama félagi, Taflfélagi Vestmanneyja

• Nökkvi Sverrisson og Björn Ívar Karlsson 12 skákir
• Stefán Gíslason, Sverrir Unnarsson og Þórarinn I. Ólafsson 11 skákir
• Ólafur Freyr Ólafsson og Karl Gauti Hjaltason 10 skákir

Heimasíða SÍ

Skákrýni og taflkvöld í Gallerý Skák

Fylgst hefur verið af áhuga með áskorendaeinvígi þeira Tobalovs og Kamsky í Gallerý skák í Bolholti, ekki hvað síst í gær þegar 7. skákin sem reyndist úrslitaskákin var telfd. Síðan telfdu menn sín á milli
10 mín. hvatskákir, fyrir fegurðina. Skemmtilegar myndir þaðan fylgja þessum pistli.

Myndaalbúm frá Einari S. Einarssyni

Sigurður Herlufsen vann SkákHörpuna

Hinni nýstárlegu mótaröð RIDDARANS, skákklúbbs eldri borgara, um farandgripinn SkákHörpuna, til heiðurs Fjölni Stefánssyni, tónskáldi og skákmanni, fyrir áratugatryggð við listagyðjunrnar tvær, er nú lokið með yfirburðasigri Sigurðar A. Herlufsen, sem gerði sér lítið fyrir og vann með fullu húsi, 30 GP-punktum, en besti árangur í 3 mótum af 4 töldu til stiga.  Alls tóku 30 skákmenn þátt í mótinu og helmingur þeirra náði að skora stig, en stigagjöf var háttað eins og í Formúli 1,  10-8-6-5-4-3-2-1 fyrir átta efstu sæti í hverju móti.

Keppt verður um gripinn með sama sniði árlega og slegið á létta hörpustrengi, á hvítum reitum og svörtum, í Strandbergi, safnaðarheimili Hafnarfjarðarkirkju, þar sem á þriðja tug eldri skákmanna af  höfuðborgar-svæðinu hittast til talfs eftir hádegi á miðvikudögum allan ársins hring.

 

Röð efstu manna var annars þessi:

1. Sigurður A. Herlufsen              30 stig
2. Guðfinnur R. Kjartansson         24
3. Björn Theodórsson                   15
4. Þór Valtýsson                           15
5. Kristján Stefánsson                  14
6. Stefán Þormar Guðmundsson   9
7. Hilmar Viggósson                       8
8. Björn Víkingur Þórðarson           6
9. Páll G. Jónsson                          6

 

Til viðbótar við sigurlaun sín fengu 9 efstu keppendur  geisladisk í aukaverðlaun með söng Vassily Smyslovs, fv. heimsmeistara.   Fjölnir Stefánsson var sæmdur heiðursorðu Riddarans í virðingar og þakklætisskyni.  Formaður Riddarans er Einar S. Einarsson, en verndari klúbbsins Sr. Gunnþór Þ. Ingason.

Myndaalbúm frá Einari S. Einarssyni

Helgi Brynjarsson og Kristján Örn sigruðu á fimmtudagsmóti TR

Helgi Brynjarsson og Kristján Örn Elíasson urðu efstir og jafnir með 7 vinninga  úr 9 umferðum á hinu venjubundna fimmtudagsmóti Taflfélags Reykjavíkur. Helgi varð ofar á stigum og telst því sigurvegari. Aðeins hálfum vinningi á eftir komu Þórir Benediktsson og Elsa María með 6,5 vinning. Þórir byrjaði mótið vel og var einn efstur með eins vinnings forskot fyrir sjöundu umferð en mátti þá þola tvo ósigra í röð gegn þeim Helga og Páli Andrasyni. 

Þátttakendur voru 13 og til að losna við Skottu fékkst Páll Sigurðsson til að tefla 6 fyrstu umferðirnar en hann hafði áður sett stefnuna á „stórhættulega" handboltaæfingu síðar um kvöldið. Páll stóð sig ágætlega og var taplaus í öðru sæti með 4,5 vinning þegar hann yfirgaf Skákhöllina í Faxafeni. „Upplýsingum" um afrek hans á handboltaæfingunni ber ekki saman!

Lokastaðan:

 

•  1-2  Helgi Brynjarsson,                         7 v/9 umferðir
•       Kristján Örn Elíasson,                     7
•  3-4  Þórir Benediktsson,                        6.5
•       Elsa María Kristínardóttir,                6.5
•  5-8  Páll Andrason,                             4.5
•       Jon Olav Fivelstad,                        4.5
•       Dagur Kjartansson,                         4.5
•       Páll Sigurðsson,                           4.5 v/6 umferðir
• 9-12  Jón Gunnar Jónsson,                        4
•       Jón Úlfljótsson,                           4
•       Magnús Matthíasson,                        4
•       Örn Leó Jóhannsson,                        4
• 13-14 Andri Gíslason,                            3
•       Björgvin Kristbergsson,                    3
• 15-16 Pétur Jóhannesson,                         2.5
•       Pétur Axel Pétursson,                      2.5

Grischuk með vinningsforskot í Linares í hálfleik

Rússinn Grischuk (2733) hefur vinnings forskot á Linares-mótinu að lokinni sjöundu umferð sem fram fór í gær.   Grischuk hefur 5 vinninga.  Ivanchuk (2779) vann Aronian (2750), sem hefur tapað tveimur skákum í röð en öðrum skákum lauk með jafntefli.  Ivanchuk og Carlsen (2776) eru í 2.-3. sæti.  Frídagur er í dag.

Úrslit sjöundu umferðar: 

 

Aronian, Levon	- Ivanchuk, Vassily	0-1
Anand, Viswanathan	- Grischuk, Alexander	½-½
Dominguez Perez, Leinier	- Wang Yue	½-½
Radjabov, Teimour	- Carlsen, Magnus	½-½

 

Nr.	Nafn	Land	Stig	Vinn.	Rp.
1.	Grischuk, Alexander	RUS	2733	5	2917
2.	Ivanchuk, Vassily	UKR	2779	4	2802
3.	Carlsen, Magnus	NOR	2776	4	2802
4.	Aronian, Levon	ARM	2750	3½	2756
5.	Anand, Viswanathan	IND	2791	3½	2750
6.	Dominguez Perez, Leinier	CUB	2717	3	2711
7.	Radjabov, Teimour	AZE	2761	2½	2653
8.	Wang Yue	CHN	2739	2½	2656

 

Linares-mótið

Topalov sigraði Kamsky - mætir Anand í heimsmeistaraeinvígi

Topalov sigraði Kamsky í sjöundu skák áskorendaeinvígis þeirra.  Þar með hefur Topalov sigrað í einvíginu en úrslitin urðu 4,5-2,5.  Topalov mætir Anand í heimsmeistaraeinvígi síðar á árinu.

Heimasíða mótsins

Rúnar efstur á Skákþingi Goðans

Rúnar Ísleifsson er efstur með 3½ vinning að lokinni fjórðu umferð Skákþings Goðans sem fram fór í gærkvöldi.  Pétur Gíslason hefur 3 vinninga.  Tveimur skákum var frestað fram á sunnudag.   

Úrslit urðu eftirfarandi :

• Baldvin Þ Jóhannesson - Pétur Gíslason                     0 - 1
• Hermann Aðalsteinsson - Ævar Ákason                      0 - 1
• Benedikt Þ Jóhannsson - Sigurbjörn Ásmundsson   0,5 - 0,5
• Ketill Tryggvason          -  Snorri Hallgrímsson            1 - 0
• Rúnar Ísleifsson - Ármann Olgeirsson 1-0
• Benedikt Þorri Sigurjónsson - Smári Sigurðsson frestað
• Sighvatur Karlsson - Sæþór Arnar frestað

Heimasíða Goðans

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

 

Grischuk með vinnings forskot - Carlsen vann Anand

Rússinn Grischuk (2733) hefur vinnings forskot á Linares-mótinu.  Í sjöttu umferð, sem fram fór í dag, vann Grischuk Armenann Aronian (2750).   Grischuk hefur 4,5 vinning. Aronian er í 2.-3. sæti með 3,5 vinning ásamt hinum norska Magnúsi Carlsen (2775) sem vann indverska heimsmeistarann Anand (2791). 

Úrslit sjöttu umferðar: 

 

Grischuk, Alexander	- Aronian, Levon	1-0
Carlsen, Magnus	- Anand, Viswanathan	1-0
Ivanchuk, Vassily	- Dominguez Perez, Leinier	½-½
Wang Yue	- Radjabov, Teimour	½-½

Staðan: 

Nr.	Nafn	Land	Stig	Vinn.	Rp.
1.	Grischuk, Alexander	RUS	2733	4½	2946
2.	Carlsen, Magnus	NOR	2776	3½	2808
3.	Aronian, Levon	ARM	2750	3½	2809
4.	Ivanchuk, Vassily	UKR	2779	3	2752
5.	Anand, Viswanathan	IND	2791	3	2753
6.	Dominguez Perez, Leinier	CUB	2717	2½	2708
7.	Wang Yue	CHN	2739	2	2640
8.	Radjabov, Teimour	AZE	2761	2	2626

 

Linares-mótið

Jafntefli, jafntefli, jafntefli og jafntefli í Linares

Öllum skákum fimmtu umferðar Linares-mótsins lauk með jafntefli.  Armeninn Aronian (2750) og Rússinn Grischuk (2733) eru því sem fyrr efstir.   Heimsmeistarinn Anand (2791) er þriðji.

 

Úrslit fimmtu umferðar:

 

 

Grischuk, Alexander	- Carlsen, Magnus	½-½
Ivanchuk, Vassily	- Anand, Viswanathan	½-½
Dominguez Perez, Leinier	- Radjabov, Teimour	½-½
Wang Yue	- Aronian, Levon	½-½

 

Staðan:

 

 

1.	Aronian, Levon	g	ARM	2750	3½	2905
2.	Grischuk, Alexander	g	RUS	2733	3½	2903
3.	Anand, Viswanathan	g	IND	2791	3	2821
4.	Carlsen, Magnus	g	NOR	2776	2½	2743
5.	Ivanchuk, Vassily	g	UKR	2779	2½	2760
6.	Dominguez Perez, Leinier	g	CUB	2717	2	2690
7.	Wang Yue	g	CHN	2739	1½	2616
8.	Radjabov, Teimour	g	AZE	2761	1½	2605

 

Linares-mótið