Jafntefli hjá Kamsky og Topalov

Jafntefli varð í sjöttu skák áskorendaeinvígis Kamskys og Topalovs sem fram fór í dag.  Topalov leiðir 3,5-2,5 þegar tveimur skákum er ólokið.  Frídagur er á morgun.

Skákirnar byrja kl. 13 á daginn og má sjá þær beint á vefnum

• Heimasíða mótsins
• Skákirnar í beinni

Skákmót á Árnamessu

Í tilefni af Árnamessu, ráðstefnu Lýðheilsustöðvar um forvarnarmál, í Stykkishólmi laugardaginn 14. mars, stendur stofnunin fyrir veglegu skákmóti fyrir grunnskólanemendur alls staðar af landinu.

Stefnt er að því að fá alla efnilegustu skákkrakka landsins til þátttöku á mótinu. Áhugasömum krökkum af Snæfellsnesi er sérstaklega boðið til mótsins.

• Keppt er um veglega eignarbikara og fjöldi verðlauna verður í boði.
• Teflt í þremur flokkum; fæddir 1993 - 1996, fæddir 1997 - 2002 og flokki Snæfellinga.
• Teflt verður í Grunnskólanum Stykkishólmi. Sex umferðir með 10 mínútna umhugsunarfresti. Mótstjórar verða þeir Helgi Árnason, form. Skákdeildar Fjölnis, og Páll Sigurðsson, form. Taflfélags Garðabæjar.

Skákmótið er, líkt og forvarnaráðstefnan, haldið í minningu um Árna Helgason heiðursborgara og bindindisfrömuð í Stykkishólmi, sem hefði orðið 95 ára þennan dag, en Árni lést 27. febrúar 2008.                                                           

Innifalið í þátttöku á skákmótinu:

• Rútuferð frá Reykjavík kl. 9:00 og til baka frá Stykkishólmi kl. 17:30
• Hádegisverður á Hótel Stykkishólmi
• Veitingar á skákmótinu í boði Sæfells hf.
• Fjöldi verðlauna og happdrætti
• Áritað þátttökuskjal frá Lýðheilsustöð                                              

Vinsamlegast tilkynnið þátttakendur til Skáksambands Íslands s. 568 9141 eða í tölvupósti [e-mail], í síðasta lagi föstudaginn 6. mars n.k. Allar frekari upplýsingar veitir Helgi Árnason s. 664 8320.

Sjá auglýsingu í viðhengi.

Skrár tengdar þessari bloggfærslu:

• skakmot_arnamessa.doc

Íslandsmót barnaskólasveit

Íslandsmót barnaskólasveita 2009 fer fram í Rimaskóla í Reykjavík dagana 7. og 8. mars nk.  Fyrri daginn verða tefldar 7 umferðir eftir Monradkerfi - umhugsunartími 15 mín. á skák fyrir hvern keppenda.  Seinni daginn tefla fjórar efstu sveitirnar um Íslandsmeistaratitilinn - allir við alla.

Hver skóli getur sent fleiri en eina sveit - en hver sveit er skipuð fjórum nemendum 1. - 7. bekkjar grunnskóla (auk varamanna).  Keppendur skulu vera fæddir 1996 eða síðar.

Dagskrá:                    

• Laugardagur 7. mars  kl. 13.00          1.- 7. umferð
• Sunnudagur 8. mars  kl. 12.00          Úrslit

Sigurvegari mótsins hlýtur rétt til þátttöku á Norðurlandamóti barnaskólasveita sem fram fer á Íslandi í september næstkomandi. 

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti: [e-mail]   Skráningu skal lokið í síðasta lagi 5. mars.

Athugið að það er mjög áríðandi að sveitirnar séu skráðar fyrirfram.

Davíð skákmeistari Hellis eftir öruggan sigur á Meistaramótinu

 Davíð Ólafsson vann öruggan sigur á Meistaramóti Hellis sem lauk í gærkveldi.  Davíð hlaut 6 vinninga og var heilum vinningi fyrir ofan næstu menn sem voru Hjörvar Steinn Grétarsson, Sævar Bjarnason, varaformaður Hellis, Vigfús Ó. Vigfússon, sem gerði sér lítið fyrir og vann formanninn Gunnar Björnsson í skrautlegri skák, og Daði Ómarsson.

Aukaverðlaunhafar urðu sem hér segir:

• Skákmeistari Hellis: Davíð Ólafsson
• Besti árangur undir 2200 skákstigum: Vigfús Ó. Vigfússon
• Besti árangur undir 1800 skákstigum: Elsa María Kristínardóttir
• Besti árangur undir 1600 skákstigum: Guðmundur Kristinn Lee
• Besti árangur stigalausra: Hjörleifur Björnsson
• Unglingaverðlaun: Patrekur Maron Magnússon, Dagur Andri Friðgeirsson og Brynjar Steingrímsson

Lokastaðan:

  

Rk.		Name	Rtg	Club/City	Pts.	Rp	rtg+/-
1	FM	Olafsson David	2319	Hellir	6	2381	11,4
2		Gretarsson Hjorvar Steinn	2279	Hellir	5	2145	-3,8
3	IM	Bjarnason Saevar	2211	TV	5	2151	0,1
4		Vigfusson Vigfus	2027	Hellir	5	2161	23,9
5		Omarsson Dadi	2091	TR	5	2087	6,8
6	FM	Bjornsson Sigurbjorn	2324	Hellir	4,5	2007	-17,7
7		Arnalds Stefan	1953	Bol	4,5	1945	0
8		Baldursson Hrannar	2080	KR	4,5	1927	7,7
9		Magnusson Patrekur Maron	1902	Hellir	4,5	1814	0,6
10		Bjornsson Gunnar	2153	Hellir	4	1893	-18,1
11		Petursson Matthias	1911	TR	4	1939	8,7
12		Kristinardottir Elsa Maria	1769	Hellir	4	1812	5,3
13		Kristinsson Bjarni Jens	1959	Hellir	4	1782	-9,6
14		Lee Gudmundur Kristinn	1499	Hellir	4	1618	14
15		Masson Kjartan	1745	S.Au	4	1750	6
16		Traustason Ingi Tandri	1750	Haukar	3,5	1988	24,5
17		Halldorsson Thorhallur	1425	Hellir	3,5	1873
18		Schioth Tjorvi	1375	Haukar	3,5	1756
19		Thorvaldsson Arni	2023	Haukar	3,5	1744	-26,9
20		Palsson Halldor	1961	TR	3	1765	-20,5
21		Fridgeirsson Dagur Andri	1787	Fjölnir	3	1692	-18,9
22		Einarsson Eirikur Gardar	1505	Hellir	3	1645
23		Björnsson Hjörleifur	0		3	1370
24		Steingrimsson Brynjar	1160	Hellir	3	1421
25		Sigurdsson Birkir Karl	1335	TR	3	1551
26		Andrason Pall	1564	TR	2,5	1479	6,8
27		Kjartansson Dagur	1483	Hellir	2,5	1440	0,8
28		Gudbrandsson Geir	1345	Haukar	2	1473
29		Johannesson Petur	1035	TR	2	1191
30		Fridgeirsson Hilmar Freyr	0	Fjölnir	2	1176
31		Kristbergsson Bjorgvin	1275	Hellir	1	857

• Heimasíða mótsins
• Chess-Results

 

Hjörvar Steinn skólameistari Rimaskóla

Hjörvar Steinn Grétarsson vann alla sína andstæðinga á skákmóti Rimaskóla. Alls mættu 68 nemendur Rimaskóla á skákmótið sem nú var haldið í 16. sinn eða allt frá 1. starfsári skólans. Tefldar voru sex umferðir og í þeirri síðustu sigraði Hjörvar Steinn félaga sinn úr Norðurlandameistaraliði skólans Hörð Aron Hauksson.

Næstir í röðinni urðu auk Harðar Arons þau Oliver Aron Jóhannesson, Hrund Hauksdóttir, Jón Trausti Harðarson, Kristófer Jóel Jóhannesson og Patrekur Þórsson öll með 5 vinninga. Glæsileg verðlaunaafhending var í lok mótsins.

Hjörvar Steinn tók við glænýjum farandbikar og fékk auk þess annan bikar til eignar. Alls voru veitt 30 verðlaun sem McDonalds og Domínós gáfu til keppninnar. Í lokin var öllum þátttakendum boðið í
bollukaffi sem þær Solla og Erla Hrönn í eldhúsi Rimaskóla bökuðu.

Myndatextar 2074: Hjörvar Steinn Grétarsson er skákmeistari Rimaskóla í 7. sinn

2075: Efstu stúlkurnar á Skákmóti Rimaskóla: Aníta Jóhannesardóttir, 8-U, Heiðrún Hauksdóttir 2-D og Hrund Hauksdóttir 7-C

2079: Allir þátttakendur á skákmóti Rimaskóla fengu gómsætar rjómabollur í lok mótsins

2053: Um 10 % allra nemenda Rimaskóla tóku þátt í skákmótinu

Topalov endurheimti forystuna

Topalov náði aftur forystunni í áskorendaeinvígi hans og Kamskys eftir sigur í fimmtu skákinni sem fram fór í dag.  Staðan er nú 3-2 en sjötta skákin fer fram á morgun. 

Skákirnar byrja kl. 13 á daginn og má sjá þær beint á vefnum

• Heimasíða mótsins
• Skákirnar í beinni

22 keppendur á Vormóti Bjargarinnar

Hressi Hrókurinn taflfélag Bjargarinnar stóð fyrir skákmóti 20 febrúar síðastliðinn. það var metþátttaka eða 22 sem mættu til leiks. 5 Keppendur komu frá Vin, stór hópur frá Holtaskóla og nokkrir keppendur frá Björginni. Það var mjög gaman á þessu móti og skemmtu sér allir vel. Tefldar voru 5 umferðir og umhugsunartími var 10 mínútur á mann. Það fengu allir þátttakendur viðurkenningu fyrir þátttöku.

Efstir voru eftirfarandi :

Haukur ( úr Vin ) með 5 vinninga af 5 mögulegum
Sævar  ( úr Holtaskóla ) með 4.5 vinninga af 5 mögulegum
Emil    ( úr Björginni ) með 4 vinninga af 5 mögulegum

Vormót TV hófst í gær

Í gær, sunnudagskvöld hófst Vormót Taflfélags Vestmannaeyja.  Í þessari fyrstu umferð bar það helst til tíðinda að frambjóðandi Framsóknarflokksins heimsótti félagið og væri það ákveðin nýbreytni ef fleiri frambjóðendur kæmu og fylgdust með hinu öfluga starfi sem fram fer í félaginu.

Mót þetta er nýjung í félaginu og sett af stað til að mæta kröfum um að félagsmenn eigi kost á að tefla fleiri kappskákir yfir veturinn.  Ekki er unnt að segja annað en vel hafi tekist til því 28 keppendur eru skráðir til leiks og aðeins einni skák var frestað í fyrstu umferð en hún verður tefld þriðjudag kl. 19:30.  Það eru ár og dagar síðan jafnfjölmennt mót með kappskáktímamörkum hefur verið haldið í Eyjum. Keppendur eru gott samsafn af eldri og yngri félögum og reyndum og óreyndum, þannig eru 11 fullorðnir, en alls 14 með Íslensk kappskákstig.  Guðlaugur og Daníel Már eru að keppa á sínu fyrsta kappaskákmóti og Nökkvi Dan og Haukur eru að byrja að tefla á ný eftir langt hlé.  Engin óvænt úrslit urðu í umferðinni en oft var hart barist.

Úrslit 1. umferðar :

Bo.	Name	Pts	Res.	Pts	Name
1	Bjorn Ivar Karlsson	0	1  -  0	0	Daniel Mar Sigmarsson
2	Aegir Pall Fridbertsson	0	-	0	Gudlaugur G Gudmundsson
3	David Mar Johannesson	0	0  -  1	0	Sigurjon Thorkelsson
4	Sverrir Unnarsson	0	1  -  0	0	Eythor Dadi Kjartansson
5	Haukur Solvason	0	0  -  1	0	Einar Gudlaugsson
6	Nokkvi Sverrisson	0	1  -  0	0	Johann Helgi Gislason
7	Johannes Sigurdsson	0	0  -  1	0	Olafur Tyr Gudjonsson
8	Stefan Gislason	0	1  -  0	0	Jorgen Olafsson
9	Larus Gardar Long	0	0  -  1	0	Thorarinn I Olafsson
10	Karl Gauti Hjaltason	0	1  -  0	0	Nokkvi Dan Ellidason
11	Robert Aron Eysteinsson	0	0  -  1	0	Kristofer Gautason
12	Dadi Steinn Jonsson	0	1  -  0	0	Sigurdur Arnar Magnusson
13	Tomas Aron Kjartansson	0	0  -  1	0	Olafur Freyr Olafsson
14	Agust Mar Thordarson	0	0  -  1	0	Valur Marvin Palsson

Daði Steinn sigraði á Ísfélagsmótinu

Síðastliðinn laugardag fór fram Ísfélagsmótið í skák.  19 krakkar mættu á mótið og voru telfdar átta umferðir 10 mínútna skákir.  Daði Steinn sýndi mikið öryggi og sigraði með 7,5 vinningum af átta mögulegum og gerði bara jafntefli við Nökkva, sem gerði einnig jafntefli við Kristófer og skiptu þessir þrír með sér efstu sætum. 

Í stúlknaflokki sigraði Hafdís Magnúsdóttir, en Eydís var skammt undan.  Í flokki 99-01 sigraði Salaskólastrákurinn Jón Smári Ólafsson með 4,5 vinning, en honum leist svo vel á félagsskapinn að hann gekk í raðir Taflfélagsins á mótinu.  Í yngsta flokknum sigraði Leó Viðarsson með 4 vinninga, en skammt undan kom Arnór Viðarsson. 

  Úrslit.
  Heildarúrslit :
  1. Daði Steinn Jónsson 7,5 vinn.
  2. Nökkvi Sverrisson 7 vinn.
  3. Kristófer Gautason 6,5 vinn.

  Stúlknaflokkur:
  1. Hafdís Magnúsdóttir 4 vinn.
  2. Eydís Þorgeirsdóttir 3,5 vinn.
  3. Telma Lind Þórarinsdóttir 1. vinn

  Flokkur 1999-2001:
  1. Jón Smári Ólafsson TV 4,5 vinn. (15,75)
  2. Bjarki Freyr Valgarðsson 4,5 vinn. (12,25)
  3. Daníel Hreggviðsson 4 vinn.

  Flokkur 2002:
  1. Leó Viðarsson 4 vinn
  2. Arnór Viðarsson 3,5 vinn
  3. Máni Sverrisson 3,5 vinn

Mamedyarov hættir á Aeroflot-mótinu - sakar andstæðing sinn um svindl

Stigahæsti keppandi Aeroflots-mótsins í Moskcu, aserski stórmeistarinn Mamedyarov er hættur þátttöku á Aeroflot-mótinu en hann sakaði andstæðing sinn Igor Kurnosov um að hafa notað sér vasaskáktölvu til að hjálpa sér.  Kurnosov mun hafa staðið æðið oft upp og ávallt tekið Frakkann með sér og þótti Aseranum það grunsamlegt.  

Aserinn tapaði í aðeins 22 leikjum og neitaði að skrifa undir skorblaðið.   Skákstjóri óskaði eftir að skoða frakka Kurnosov eftir skákina en ekkert óeðlilegt kom í ljós.

Nákvæma frásögn frá þessu atviki má lesa um á ChessVibes.