Skákþáttur Morgunblaðsins: Caruana líklegasti áskorandi Magnúsar Carlsen

Allt útlit er fyrir æsispennandi lokasprett áskorendamótsins í skák sem nú stendur yfir í Berlín, en Bandaríkjamaðurinn Fabiano Caruana heldur hálfs vinnings forystu á Aserann Shakhriyar Mamedyarov þegar fjórar umferðir eru eftir. Átta skákmenn unnu sér rétt til þátttöku í áskorendamótinu og tefla þeir tvöfalda umferð. Fyrsta sætið skiptir öllu máli, því að sigurvegarinn vinnur réttinn til að skora á heimsmeistarann Magnús Carlsen í einvígi um heimsmeistaratitilinn sem mun hefjast í London 9. nóvember næstkomandi. Staðan eftir jafnteflisskák efstu manna á fimmtudaginn er þessi:

1. Caruana 6½ v. (af 10) 2. Mamedyarov 6 v. 3. Grischuk 5½ v. 4.-5. Karjakin og Ding 5 v. 6. Kramnik 4½ v. 7. So 4 v. 8. Aronjan 3½ v.

Þar sem Elo-stigamunur á keppendum er sáralítill og varla marktækur virtust allir keppendur eiga sigurmöguleika við upphaf móts. Armenar, sem eignuðust heimsmeistara árið 1963 þegar Tigran Petrosjan vann Mikhael Botvinnik 12½:9½ í Moskvu, hafa lengi alið þá von í brjósti að Aronjan myndi feta í fótspor níunda heimsmeistarans. Aronjan hefur hins vegar ekki náð sér á strik; hann situr einn í neðsta sæti og á enga möguleika á sigri.

Vladimir Kramnik fékk 2½ vinning úr fyrstu þrem skákunum en hreppti þá mikinn mótbyr, tapaði fjórum skákum en vann þó aftur í 10. umferð. Kínverjinn Ding hefur gert jafntefli í öllum tíu skákum sínum. Sergei Karjakin vann síðasta áskorendamót en er ekki líklegur til að ná þeim frábæra endaspretti sem honum er nauðsynlegur og einungis Alexander Grischuk virðist geta blandað sér í baráttu Caruana og Mamedyarovs um sigurinn.

Hvað samsetningu keppendalista mótsins varðar er það að segja að manni finnst að Vachier-Lagrave og Nakamura ættu að vera þarna. Það er eins og Rússarnir nái alltaf að fjölmenna eftir einhverju regluverki sem virðist henta þeim vel. Þó hafa þeir fyrir löngu glatað forystuhlutverki sínu í skákheiminum. Fjölmargar skemmtilegar skákir hafa séð dagsins ljós en stórbrotinn sigur Kramniks yfir Aronjan ber af öðrum:

Áskorendamótið í Berlín 2018; 2. umferð:

Levon Aronjan – Vladimir Kramnik

Spænskur leikur

1. e4 e5 2. Rf3 Rc6 3. Bb5 Rf6 4. d3 Bc5 5. Bxc6 dxc6 6. 0-0 De7 7. h3 Hg8! 

„Þetta er bara eins og Benóný sé að tefla,“ sagði Jón L. Árnason um þennan frumlega hróksleik. Svartur er þess albúinn að ráðast fram með g-peðið eins og Benóný gerði oft í spænska leiknum.

8. Kh1 Rh5 9. c3 g5 10. Rxe5 g4! 

 

 

 

Annar bráðsnjall leikur sem byggist á hugmyndinni 12. hxg4 Dh4+ 13. Kg1 Rg3! og mátar á h1.

11. d4 Bd6 12. g3 Bxe5 13. dxe5 Dxe5 14. Dd4 De7 15. h4 c5 16. Dc4 Be6 17. Db5 c6 18. Da4 f5!

Herjar á hvítu reitina, 19. exf5 má svara með 19.... Rxg3+! t.d. 20. fxg3 Bd5+ 21. Kg1 De2 og mátar.

19. Bg5 Hxg5!

Vitaskuld kýs hann hraðann og frumkvæðið.

20. hxg5 f4! 21. Dd1 Hd8 22. Dc1 fxg3 23. Ra3 Hd3 24. Hd1

Reynir að spyrna við fótum en slagkrafturinn í næsta leik Kramniks er mikill. 

24.... Bd5! 25. f3 gxf3 26. exd5 De2!

Leyfir leppun drottningarinnar. Hugmyndin skýrist strax í næsta leik.

27. He1 g2+!

Glæsilegur lokahnykkur. Nú er 28. Kh2 (28. Kg1 strandar á 28.... f2+) svarað með 28.... g1(D)+! 29. Kxg1 f2+ og vinnur. Aronjan gafst upp.

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 24. mars 2018

Skákþættir Morgunblaðsins

Ný alþjóðleg skákstig

Ný alþjóðleg skákstig eru komin út og taka þau gildi á morgun. Héðinn Steingrímsson er sem fyrr stigahæsti skákmaður landsins. Þórleifur Karlsson er stigahæstur nýliða og Arnar Smári Signýjarson hækkar mest frá mars-listanum. Miklar sviptingar áttu sér stað á milli lista enda bæði Reykjavíkurskákmót og Íslandsmót skákfélaga reiknað til skákstiga nú. 

Stigalistann í heild sinni má nálgast hér sem viðhengi.

Topp 20

Héðinn Steingrímsson (2574) er stigahæsti skákmaður landsins. Hjörvar Steinn Grétarsson (2557) er annar og Hannes Hlífar Stefánsson (2541) þriðji.

No	Name	Tit	apr.18	Diff	Gms
1	Steingrimsson, Hedinn	GM	2574	0	0
2	Gretarsson, Hjorvar Steinn	GM	2557	-11	6
3	Stefansson, Hannes	GM	2541	8	12
4	Hjartarson, Johann	GM	2523	10	13
5	Olafsson, Helgi	GM	2510	2	3
6	Danielsen, Henrik	GM	2500	2	1
7	Petursson, Margeir	GM	2486	-13	3
8	Gunnarsson, Jon Viktor	IM	2472	1	3
9	Gretarsson, Helgi Ass	GM	2460	9	2
10	Arnason, Jon L	GM	2449	-1	3
11	Thorfinnsson, Bragi	IM	2445	-3	2
12	Kjartansson, Gudmundur	IM	2430	-2	13
13	Thorsteins, Karl	IM	2421	-5	1
14	Thorhallsson, Throstur	GM	2416	-3	13
15	Thorfinnsson, Bjorn	IM	2408	9	13
16	Kjartansson, David	FM	2404	-5	4
17	Arngrimsson, Dagur	IM	2370	0	4
18	Ulfarsson, Magnus Orn	FM	2361	-3	2
19	Olafsson, Fridrik	GM	2355	0	0
20	Jensson, Einar Hjalti	IM	2343	20	4

 

Nýliðar

 

Tólf nýliðar eru á listanum nú. Stigahæstur þeirra er Þórleifur Karlsson (1986). Í næstu sætum eru Magnús Sigurjónsson (1895) og Júlíus Björnsson (1887).

No	Name	Tit	apr.18	Diff	Gms
1	Karlsson, Thorleifur		1986	1986	7
2	Sigurjonsson, Magnus		1895	1895	6
3	Bjornsson, Julius		1887	1887	6
4	Hardarson, Petur Palmi		1748	1748	10
5	Gardarsson, Magnus		1694	1694	5
6	Asbjornsson, Magnus Dagur		1585	1585	13
7	Haraldsson, Gunnar Orn		1582	1582	5
8	Valdimarsson, Johann		1546	1546	5
9	Helgason, Sigurdur		1457	1457	6
10	Ammendrup, Pall J.		1421	1421	5
11	Njardarson, Arnar Ingi		1392	1392	9
12	Helgadottir, Idunn		1229	1229	7

Mestu hækkanir

Eins og svo oft áður setja ungir og efnilegir skákmenn mestan svip á listann yfir mestu hækkanir.  Arnar Smári Signýjarson (+133) hækkar mest allra. Í næstu sætum eru Benedikt Briem (+110) og Tómas Möller (+98).

No	Name	Tit	apr.18	Diff	Gms
1	Signyjarson, Arnar Smari		1484	133	11
2	Briem, Benedikt		1670	110	11
3	Moller, Tomas		1169	98	7
4	Johannsson, Birkir Isak		1957	90	9
5	Haile, Batel Goitom		1446	85	10
6	Davidsson, Oskar Vikingur		1962	80	10
7	Thorisson, Benedikt		1291	77	10
8	Briem, Stephan		1915	74	9
9	Gunnarsson, Baltasar Mani Wedhol		1338	68	10
10	Karlsson, Isak Orri		1354	66	10
11	Stefansson, Benedikt		1360	63	10
12	Hjaltason, Magnus		1338	57	7
13	Kristjansson, Atli Freyr		2177	54	12
14	Fridthofsson, Sigurjon Thor		1599	54	3
15	Birkisson, Bjorn Holm		2073	51	12
16	Davidsson, Stefan Orri		1414	49	9
17	Finnbogason, Knutur		1651	48	3
18	Halfdanarson, Jon		2176	45	3
19	Jensson, Erlingur		1647	44	3
20	Olafsson, Arni		1275	44	10

Stigahæstu skákkonur landsins

Lenka Ptácníková (2198) er sem fyrr langstigahæsta skákkona landsins. Í næstu sætum eru Hallgerður Helga (2040) og Guðlaug Þorsteinsdætur (1983). 

No	Name	Tit	apr.18	Diff	Gms
1	Ptacnikova, Lenka	WGM	2198	-2	13
2	Thorsteinsdottir, Hallgerdur	WFM	2040	-1	11
3	Thorsteinsdottir, Gudlaug	WFM	1983	-5	1
4	Davidsdottir, Nansy		1936	-39	8
5	Johannsdottir, Johanna Bjorg		1900	9	3
6	Finnbogadottir, Tinna Kristin		1880	-3	1
7	Kristinardottir, Elsa Maria		1856	19	3
8	Hauksdottir, Hrund		1781	-12	2
9	Helgadottir, Sigridur Bjorg		1759	-4	1
10	Magnusdottir, Veronika Steinunn		1732	-3	9

Stigahæstu ungmenni landsins (u20)

Jón Kristinn Þorgeirsson (2317) hefur endurheimt efsta sætið á ungmennalistanum. Í næstu sætum eru Vignir Vatnar Stefánsson (2294) og Oliver Aron Jóhannesson (2284). Óskar Víkingur Davíðsson (1962) kemst í fyrsta skipti á topp 10.

No	Name	Tit	apr.18	Diff	Gms	B-day
1	Thorgeirsson, Jon Kristinn	FM	2317	19	12	1999
2	Stefansson, Vignir Vatnar	FM	2294	-6	12	2003
3	Johannesson, Oliver	FM	2284	3	4	1998
4	Birkisson, Bardur Orn	CM	2198	-14	12	2000
5	Heimisson, Hilmir Freyr	CM	2131	-93	13	2001
6	Thorhallsson, Simon		2092	32	13	1999
7	Jonsson, Gauti Pall		2074	-30	12	1999
8	Birkisson, Bjorn Holm		2073	51	12	2000
9	Mai, Aron Thor		1999	24	11	2001
10	Davidsson, Oskar Vikingur		1962	80	10	2005

Stigahæstu öldungar landsins (y65)

Friðrik Ólafsson (2355) er sem fyrr langstigahæsti skákmaður landsins 65 ára og eldri. Í næstu sætum eru Jónas Þorvaldsson (2239) og Jón Torfason (2238).

No	Name	Tit	apr.18	Diff	Gms	B-day
1	Olafsson, Fridrik	GM	2355	0	0	1935
2	Thorvaldsson, Jonas		2239	0	0	1941
3	Torfason, Jon		2238	3	1	1949
4	Einarsson, Arnthor		2233	-19	7	1946
5	Karason, Askell O	FM	2228	-36	4	1953
6	Thorvaldsson, Jon		2184	0	0	1949
7	Halfdanarson, Jon		2176	45	3	1947
8	Fridjonsson, Julius		2156	-11	10	1950
9	Viglundsson, Bjorgvin		2155	8	3	1946
10	Halldorsson, Bragi		2123	-3	9	1949

Reiknuð kappskákmót

• GAMMA Reykjavíkurskákmótið 
• Íslandsmót skákfélaga (1.-4. deild)
• Skákþing Akureyrar (úrslitakeppni)

Stigahæstu skákmenn heims

Magnus Carlsen (2843) er stigahæsti skákmaður heims. Í næstu sætum eru Shakhriyar Mamedyarov (2814) og Fabiano Caruana (2804). 

Heimslistann má nálgast hér. 

 

 

Skrár tengdar þessari bloggfærslu:

• Alþjóðleg skákstig, 1. apríl 2018

Vignir, Stefán, Magnús og Guðmundur tefla á GRENKE - Magnús teflir við Fabi í dag

 

FIDE-meistarinn Vignir Vatnar Stefánsson (2300) er meðal keppenda á GRENKE Chess Open sem er í gagni í Karlsruhe í Þýskalandi. Vignir hefur ekki byrjað vel og hefur 1 vinning eftir 3 umferðir í a-flokki. Faðir hans, Stefán Már, og Guðmundur G. Guðmundsson tefla í b-flokki. Stefán hefur 1,5 vinninga en Guðmundur hefur 1 vinning.

Í dag hefst svo GRENKE Chess Classic. Þar er heimsmeistarinn Magnus Carlsen (2843) meðal keppenda. Í fyrstu umferð teflir hann við áskorendann Fabiano Caruana (2784). Umferð dagsins hefst kl. 13.

• Heimasíða GRENKE Chess Classic
• Beinar útsendingar (hefjast kl. 13)
• GRENKE Chess Open

 

Páskamót Vinaskákfélagsins 2018

Páskamót Vinaskákfélagsins verður haldið mánudaginn 9 apríl kl: 13, í Vin að Hverfisgötu 47. Tefldar verða 6 umferðir með 7 mínútur á skák. Skákstjóri verður Hörður Jónasson. Mótið verður reiknað til hraðskákstiga. 

Í hléi verður boðið upp á kaffi og vöfflur. Góð verðlaun verða í boði. Þið getið skráð ykkur á mótið á gula kassanum efst á síðunni á skak.is. Einnig getið þið skráð ykkur á staðnum.

Allir velkomnir!!

Upplýsingar um þegar skráða keppendur má finna hér!

 

Vignir Vatnar sigraði á páskaeggjamóti Hugins

Páskaeggjamót Hugins í Mjódd fór fram í 26. sinn síðastliðinn mánudag 26. mars. Mótið var vel skipað með 44 þátttakendum og í raun þrælsterkt. Að þessu sinni var umhugsunartíminn 4 mínútur + 3 sekúndur á hvern leik og umferðirnar voru eins og ævinlega sjö. Eins og og oft áður fengust afgerandi úrslit því í þetta sinn sigraði Vignir Vatnar Stefánsson á mótinu með 6,5 af sjö mögulegum. Jafnteflið kom í lokaumferðinni gegn Stephan Briem í skák sem hefði alveg mátt vera lengri en hafði sennilega ekki mikil áhrif á lokastöðuna. Í öðrum viðureignum var það helst Óskar Víkingur sem var með mótþróa og var ekki langt frá því still upp broddgaltarstöðu sem ekki væri árennileg. Vignir Vatnar náði að plokka nokkra brodda úr stöðunni á drottningarvæng og brjótast þar í gegn og vinna skákina.

Um næstu sæti var tekist á í lokaumferðinni. Fyrir síðustu umferð voru fjórir jafnir með 5v en það voru Óskar Víkingur Davíðsson, Stephan Briem, Örn Alexandersson og Aleksandr Domalchuk-Jonasson, sem er Íslensk-Úkranískur strákur sem dvelur hér um páskana. Hann er meðal sterkustu skákmanna í sínum aldursflokki í Úkraínu og hefur greinilega fengið góða þjálfun. Í lokaumferðinni tefli Örn við Magnús Hjaltason og hafði Örn sigur. Á meðan tefldu Aleksandr og Óskar langa baráttuskák, sem var vel tefld þótt seinni hlutinn væri tefldur í stöðugu tímahraki. Aleksandr sem stýrð hvítu mönnunum virtist vera að ná yfirhöndinn í fyrri hluta miðtaflsins en með taktískri brellu, sem fólst í línurofi, tókst Óskari að snúa taflinu sér í vil. Seint í skákinni kom upp endatafl þar sem Óskar var með biskup og riddara og tvö stök peð en Aleksandr með biskup og þrjú stök peð. Þrátt fyrir liðsmuninn var alls ekki auðvelt að vinna þetta peð sem hvítur hafði umfram án þess að svartur tapaði ekki peði sjálfur og lenti kannski út í endatafli með biskup og riddar á móti biskup eða upp kæmi endatafl þar sem svartur þyrfti að máta með biskup og riddara, sem er alls ekki auðvelt með lítinn tíma eftir á klukkunni. Óskari tókst að forðast þetta allt og vinna aukpeðið af hvíti eftir nokkrar hringferðir með mennina um borðið. Eftir það var sigurinn fljótlega í höfn.  Óskar Víkingur og Örn voru því jafnir með 6v en óskar var hærri á stigum og þvi í öðru sæti og Örn í þriðja sæti á mótinu.

Veitt voru verðlaun í þremur flokkum og af þeim voru tveir aldursflokkar. Í elsta aldursflokknum þeirra sem fæddir voru 2002-2004 voru efstir þeir Vignir Vatnar Stefánsson, Stephan Briem og Elfar Ingi Þorsteinsson. Vignir Vatnar var svo einnig sigurvegari mótsins. Í flokki þeirra sem fæddir voru 2005 og síðar voru efstir Óskar Víkingur Davíðsson, Örn Alexandersson og Aleksandr Domalchuk-Jonasson.

Stúlknaverðlaun fengu Batel Goitom Haile, Iðunn Helgadóttir og Elín Lára Jónsdóttir. Þær tefldu á efstu borðum allt mótið og stóðu sig mjög vel og gáfu strákunum ekkert eftir.

Auk þess fékk efsti keppandi í hverjum aldursflokki páskaegg í verðlaun. Ef sá efsti hafði unnið páskaegg í aðalverðlaun fékk sá næsti í aldursflokknum páskaeggið.

Í lokin voru sjö páskaegg dregin út og duttu þar í lukkupottinn þau Daníel Freyr Ófeigsson, Davíð Már Aðalbjörnsson, Brynjólfur Yan Brynjólfsson, Eythan Már Einarsson, Rayan Sharifa, Andri Hrannar Elvarsson og Katrín María Jónsdóttir. Þau sem ekki hlutu verðlaun á mótinu voru svo leyst út með páskaeggi nr. 3 svo enginn færi tómhentur heim. Mótsstjórar voru Alec Elías Sigurðarson, Erla Hlín Hjálmarsdóttir og Vigfús Ó. Vigfússon.

Eftirtaldir hlutu verðlaun á páskaeggjamótinu:

Flokkur 2002-2004:

1. Vignir Vatnar Stefánsson, 6,5v
2. Stephan Briem, 5,5v
3. Elfar Ingi Þorsteinsson, 4v

Flokkur 2005 og yngri:

1. Óskar Víkingur Davíðsson, 6v
2. Örn Alexandersson, 6v
3. Aleksandr Domalchuk-Jonasson, 5v

Stúlkur:

1. Batel Goitom Haile, 5v
2. Iðunn Helgadóttir, 4v
3. Elín Lára Jónsdóttir, 3,5v

 

Árgangaverðlaun:

• Árgangur 2011: Jósef Omarsson
• Árgangur 2010: Kjartan Halldór Jónsson (Elín Lára Jónsdóttir)
• Árgangur 2009: Bjartur Þórisson
• Árgangur 2008: Tómas Möller
• Árgangur 2007: Gunnar Erik Guðmundsson (Batel Goitom Haile)
• Árgangur 2006: Stefán Orri Davíðsson
• Árgangur 2005: Joshua Davíðsson (Óskar Víkingur Davíðsson)
• Árgangur 2003: Viktor Már Guðmundsson (Vignir Vatnar Stefánsson)

Lokastaðan á páskaeggjamótinu í chess-results

Nánar á heimasíðu Hugins

Arnar Smári og Fannar Breki skólaskákmeistarar Akureyrar - Jökull Máni meistari í barnaflokki!

Skólaskákmót Akureyrar fór fram mánudaginn 26. mars. Til mótsins voru mættir nemendur sex grunnskóla á Akureyri. Teflt var um meistaratitil í tveimur aldursflokkum auk þess sem þeir keppendur sem fæddir voru 2007 og síðar tefldu um meistaratitil Akureyrar í barnaflokki.  Keppendur voru 14 og fengu þessir flesta vinninga:

Óttar Örn Bergmann, Snælandsskóla         6

Fannar Breki Kárason, Glerárskóla         4,5

Arnar Smári Signýjarson, Giljaskóla       4,5

Jökull Máni Kárason, Glerárskóla          3,5

Ingólfur Bjarki Steinþórsson, Naustaskóla 3,5

Gabríel Freyr Björnsson, Brekkuskóla      3

Ingólfur Árni Benediktsson, Naustakóla    3

Anton Bjarni Bjarkason, Brekkuskóla       3

Sigurður Máni Guðmundsson, Brekkuskóla    3

Óttar Örn telfdi sem gestur og vann allar sínar skákir þótt hann lenti oft í kröppum dansi. Í eldri flokki (8-10. bekk) varð Arnar Smári hlutskarpastur og Gabríel Freyr í öðru sæti. Fannar Breki varð efstur keppenda í 1-7. bekk; Jökull bróðir hans og Ingólfur Máni komu næstir og hreppti Jökull barnameistaratitilinn á stigum. Efstu menn úr hvorum aldursflokki á skólaskákmótinu munu tefla á umdæmismóti Norðurlands eystra sem háð verður um miðjan apríl.  Efsta sætið í hvorum flokki gefur keppnisrétt á landsmótinu í skólaskák sem að venju fer fram snemma í maí.  

Caruana mætir Carlsen í heimsmeistaraeinvígi

Lokaumferðin á áskorendamótinu var afar spennandi. Svo fór að Caruana (2784) vann Grischuk (2767) og vann því mótið örugglega - hafði vinningi meira en næstu menn Mamedyarov (2809) og Karjakin (2763). Það verður því Caruana sem mætir Magnúsi Carlseni í heimsmeistaraeinvígi í nóvember næstkomandi í London. 

Lokastaðan:

 

Sjá nánar á Chess.com.

Lokamót Bikarsyrpu TR fer fram helgina 6.-8. apríl

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað fjórða árið í röð. Líkt og síðastliðinn vetur verða mót syrpunnar fimm talsins og verða tefldar sjö umferðir í hverju móti. Mótin fara fram í Skákhöll TR að Faxafeni 12.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2002 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Fimmta og síðasta mót Bikarsyrpunnar þennan veturinn hefst föstudaginn 6. apríl og stendur til sunnudagsins 8. apríl. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 6. apríl kl. 17.30 (fös)
2. umferð: 7. apríl  kl. 10.00 (lau)
3. umferð: 7. apríl  kl. 13.00 (lau)
4. umferð: 7. apríl  kl. 16.00 (lau)
5. umferð: 8. apríl  kl. 10.00 (sun)
6. umferð: 8. apríl  kl. 13.00 (sun)
7. umferð: 8. apríl  kl. 16.00 (sun)

Verðlaunaafhending fer fram strax að lokinni 7. umferð.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan. Merkja skal við yfirsetu í 1. umferð á neðangreindu skráningarformi.

Sjálfkrafa tap dæmist á keppanda sem mætir á skákstað meira en 15 mínútum eftir að viðkomandi umferð hefst.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari mótsins hlýtur að launum bikar og þá hlýtur einnig efsta stúlkan í hverju móti bikar. Verðlaunapeningur eru veittur fyrir 2. sæti og 3. sæti. Sérstök verðlaun verða veitt næsta vor fyrir besta samanlagðan árangur, þar sem mest fjögur mót gilda; taflsett, skákklukka, 5.000kr bókainneign ásamt veglegum farandbikar. Þá verða veitt sérstök verðlaun fyrir besta samanlagðan árangur, þar sem mest fjögur mót gilda, fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1. sæti gefur 5 einkatíma, 2. sæti gefur 3 einkatíma og 3. sæti gefur 2 einkatíma.

Skráning fer fram í gegnum skráningarform hér að neðan. Hlökkum til að sjá ykkur!

Skráningarform

Skráðir keppendur

Skákstjórn: Þórir Benediktsson, s. 867 3109, [e-mail]

Caruana efstur - Mamedyarov og Karjakin fylgja eins og skugginn

Gríðarlega spennan er fyrir lokaumferð áskorendamótsins í skák. Fjórir keppendur af átta hafa tölfræðilega möguleika að vinna mótið. Caruana (2784) og Mamedyarov (2809) unnu sínar skákir í næstsíðstu umferð í gær. Sá fyrrnefndi vann Aronian (2794) í gríðarlega spennandi og flókinni skák. Mamedyarov snéri á Grischuk (2767) en öðrum skákum lauk með jafntefli.

Caruana er efstur með 8 vinninga en Mamedyarov og Karjakin (2763) hafa 7,5 vinning. Ding Liren (2769) hefur 7 vinninga.

Staðan: 

 

Skoðum reglur mótsins

If the top two or more players score the same points, the tie will be decided by the following criteria, in order of priority:
a) The results of the games between the players involved in the tie.
b) The total number of wins in the tournament of every player involved in the tie.
c) Sonneborn-Berger System.

If there is no clear winner with the above three criteria, there will be a playoff.

Staðan er flókin. Caruana hefur hálfan vinning á Mamedyarov og Karjakin. Jafntefli setur hann hins vegar í þá stöðu að ef Aserinn og Rússinn vinna fara þeir báðir uppfyrir hann vegna innbyrðisúrslita. Sigurlíkur Ding Liren eru afar takmarkaður. Hann þarf að vinna og treysta á hagstæð úrslit í öðrum skákum.

Umferðin hefst kl. 13 í dag. Þá mætast: Grischuk-Caruana, Aronian-So, Karjakin-Ding, Kramnik-Mamedyarov.

 

Líf og fjör á Páskaeggjamóti TR

Hann var fjörugur í fyrradagurinn, sunnudagurinn í húsakynnum Taflfélags Reykjavíkur því strax að loknum æfingatíma framhaldshópsins hjá Birni Ívari var flautað til leiks í Páskaeggjamóti félagsins þetta árið. Tæplega 30 börn úr 1.-3. bekk báru páskaandann í skauti sér er þau gengu hvert af öðru inn á keppnisvöllinn með blik eftirvæntingar í augum yfir því að hefja leik á hinum töfrandi 64-reita borðum. Ein og ein augu sáust jafnvel gjóast í átt að ljúffengum súkkulaðieggjum sem stóðu eins og hnarreistar styttur á listfengu skrautborði.

Rétt tæplega rúmlega á slaginu 12.30 var blásið í herlúðra, parað var í fyrstu umferð og keppendur skutust eins og eldingar í sæti sín, líkt og þeir hefðu aldrei gert neitt annað áður. Eftir góða yfirferð æðsta stjórnanda mótsins, Kjartans Maack, um helstu reglur var sett í gírinn og göldróttir taflmenn hófu för sína um hina ferningslaga vígvelli undir öruggri stjórn lipra fingra barnanna. Úr varð spennandi og drengileg barátta þar sem kóngar voru mátaðir og menn felldir þvers og kruss en þegar hinstu orrustunni lauk í sjöttu og síðustu umferð var það Einar Dagur Brynjarsson sem tróndi einn á toppnum með fullt hús vinninga. Egill Breki Pálsson kom næstur með 5 vinninga og þá fylgdu Matthías Björgvin Kjartansson og Guðrún Fanney Briem, bæði með 4,5 vinning þar sem Matthías var hærri á mótsstigum.

Verðlaun voru veitt fyrir þrjú efstu sætin ásamt stúlkna- og árgangaverðlaunum og að auki voru tveir heppnir dregnir út í happdrætti.

Verðlaunahafar í 1.-3. bekk:

1. sæti Einar Dagur Brynjarsson, 2. sæti Egill Breki Pálsson, 3. sæti Matthías Björgvin Kjartansson, efst stúlkna Guðrún Fanney Briem, 2009 Markús Orri Jóhannsson, 2010 Gunnar Aðalsteinn Jóhannsson, 2011 Jón Björn Margrétarson.

Víkur þá sögunni að stærri páskaungunum, alltsvo þeim hinum sömu og dvelja við nám í 4.-7. bekk, því þegar klukkan nálgaðist 15 (páska)hanagöl tóku þeir að streyma inn í salarkynnin verulega hungraðir í taflmennsku og jafnvel enn frekar í listilega sköpuð egg unnin úr ljúffengu súkkulaði. Einhver hafði það á orði að þarna væru “fallbyssurnar” mættar til leiks! Öllu má nafn gefa en hvað sem því líður voru margir af öflugustu skákkrökkum landsins í þessum aldurshópi komnir til að freista gæfunnar við skákborðin og næla sér í eins og eitt súkkulaðistykki sem lítur út alveg eins og egg.

Úr varð hin mesta skemmtun og var spennan nánast óbærileg á köflum – jafnvel ólögleg á sjálfri páskahátíðinni. Slíkt var rafmagnið í loftinu að oftar en ekki þurfti sérstakan dómara til að fylgjast með á efstu borðum og skera úr um hádramatísk atriði en allt fór þó vel fram og var keppendahópurinn páskaandanum svo sannarlega til sóma.

Þegar upp var staðið hafði Benedikt Briem sigur eftir miklar baráttuskákir utan þeirrar síðustu þegar súkkulaðiþörfin var farin að segja vel til sín en þá sömdu hann og félagi hans, norðan Kópavogslæks, Árni Ólafsson svokallað páskajafntefli. Þar með var Benedikt einn efstur með 5,5 vinning en næstur honum með 5 vinninga kom liðsfélagi hans og frændi, Örn Alexandersson. Jöfn með 4,5 vinning voru síðan Gunnar Erik Guðmundsson, Árni Ólafsson og Batel Goitom Haile þar sem sá fyrstnefndi var hæstur á mótsstigum.

 

 

Verðlaunahafar í 4.-7. bekk:

1. sæti Benedikt Briem, 2. sæti Örn Alexandersson, 3. sæti Gunnar Erik Guðmundsson, efst stúlkna Batel Goitom Haile, 2005 Árni Ólafsson, 2006 Benedikt Þórisson, 2007 Rayan Sharifa, 2008 Katrín María Jónsdóttir.

Sannarlega vasklega framganga hjá börnunum á Páskaeggjamóti TR þetta árið og ljóst að efniviðurinn er mikill. Við þökkum fyrir okkur og sjáumst að ári. Gleðilega páska!

Sjá nánar á vefsíðu TR