Carlsen jafn Kramnik að vinningum eftir seiglusigur gegn Radjabov

Magnus Carlsen (2872) vann mikill seiglusigur á Radjabov (2793) í þrettándu og næstsíðustu umferð áskorendamótsins í London sem fram fór í dag í London. Kramnik (2810) gerði hins vegar jafntefli við Gelfand (2740). Þar með eru Carlsen og Kramnik efstir og jafnir með 1½ vinning á næstu menn. Magnusi dugar að ná sömu úrslitum og Kramnik í lokaumferðinni sem fram fer á morgun þar sem hann hefur unnið fleiri skákir.

Í lokaumferðinni, sem fram fer á morgun, teflir Carlsen við Svidler (2747) með hvítu en Kramnik mætir Ivanchuk (2757) með svörtu.

Úrslit 13. umferðar:

• Grischuk-Aronian ½-½
• Svidler-Ivanchuk 1-0
• Radjabov-Carlsen 0-1
• Kramnik-Gelfand ½-½

Staðan:

• 1.-2. Carlsen (2872) og Kramnik (2810) 8½ v
• 3.-4. Svidler (2747) og Aronian (2809) 7 v.
• 5.-6. Gelfand (2740) og Grischuk (2764) 6 v.
• 7. Ivanchuk (2757) 5 v.
• 8. Radjbov (2793) 4 v.

Tenglar:

• Heimasíða mótsins
• Chessbomb (beinar útsendingar með tölvuskýringum)

Skákþáttur Morgunblaðsins: Aronjan er helsti keppinautur Magnúsar Carlsen

Áskorendamótið í London hefur þróast eins og búist var við; Magnús Carlsen, sem BBC kallaði „Justin Bieber skákarinnar" og á öðrum stað er nefndur „David Beckham skákarinnar," er í efsta sæti eftir fimm umferðir en hann deilir því sæti með Armenanum Levon Aronjan. Það sem veldur aðdáendum Norðmannsins hinsvegar áhyggjum er hversu farsæll Aronjan hefur verið; Armeninn slapp með jafntefli eftir mikla erfiðleika gegn Kramnik í fimmtu umferð og miðað við stöðurnar sem hann er að fá upp eftir byrjunina eða í miðtaflinu virðist hann alltaf fá hámarks útkomu úr hverri viðureign. Kasparov hefur látið svo um mælt að Aronjan sé stórhættulegur keppinautur Norðmannsins og minnti á að liðin eru 50 ár frá því að Armeninn Tigran Vartan Petrosjan varð heimsmeistari eftir einvígi við Mikhael Botvinnik. Einn þekktasti stórmeistari Breta, stærðfræðingurinn John Nunn, taldi að úrslit mótsins myndu ráðast í lokaumferðinni. Staðan fyrir baráttu þessarar helgar en þá lýkur fyrri umferðinni af tveimur er þannig:

1.-2. Carlsen og Aronjan 4½ v. (af 6) 3.-4. Svidler og Kramnik 3. v. 5.-6. Radjabov og Grischuk 2½ v. 7.-8. Gelfand og Ivantsjúk 2. v. Sennilega má afskrifa alla aðra en tvo efstu hvað varðar baráttuna um efsta sætið. Kramnik ætlar sér þó örugglega stóra hluti en hefur enn ekki komist úr jafnteflisgírnum. Enginn er að tala um Peter Svidler og kannski kemur tími Hr. X á vettvangi heimsmeistarakeppninnar. Aronjan hóf mótið með sigri yfir áskorenda Anands frá því í Moskvu sl. vor í skák sem hér fer á eftir:

Áskorendamótið í London; 1. umferð:

Lev Aronjan - Boris Gelfand

Grunfelds vörn

1. Rf3 c5 2. c4 Rc6 3. Rc3 g6 4. e3 Rf6 5. d4 cxd4 6. exd4 d5 7. cxd5 Rxd5 8. Db3 Rxc3 9. Bc4!

Snjall millileikur sem kom fyrir í fyrra heimsmeistaraeinvígi Spasskí og Petrosjan árið 1966. En Gelfand hefur fengið þetta á sig áður og er öllum hnútum kunnugur.

9.... Rd5

Petrosjan lék 9.... e6 og eftir 10. bxc3 Bg7 11. Ba3 ætluðu menn vart vatni að halda af hrifningu yfir svarleiknum, 11..... Bf8. Nú er vitað að hvítur heldur þægilegu frumkvæði með 12. 0-0, t.d. 12.... Bxa3 13. Dxa3 De7 14. Dc1 o.s.frv. Í stað 10.... Bg7 má reyna 10.... Bd7.

10. Bxd5 e6 11. Bxc6 bxc6 12. 0-0 Be7 13. Be3 Dd5 14. Hfc1 Dxb3 15. axb3 Bb7 16. Re5 0-0 17. Ha4 Hfd8 18. Rc4 Bf6 19. Ra5 Hd7 20. Hb4 Ba6 21. Rxc6 Hb7 22. h3 Kg7 23. Hxb7 Bxb7 24. Re5 Bd8

Ekki slæmt en undirbýr samt tapleikinn. Eftir 24.... Hc8 á svarturgóða möguleika á að ná jafntefli.

25. b4 Hc8?

Svartur ætti að halda velli með 25....Bd5 eða 25.... Bb6. En nú kemur óvæntur leikur.

26. Bh6+! Kg8 27. Hxc8 Bxc8 28. Rc6! Bf6 29. b5!

Alls ekki 29. Rxa7 Bb7 30. Be3 Kf8 o.s.frv.

29.... Bd7 30. g4!

Sigurleikurinn sem afhjúpar leyndarmál margra endatafla; að oft er hægt að spinna mátnet í einföldum stöðum. Nú gengur ekki 30.... a6 vegna 31. g5! Bh8 32. Re7 mát eða 31.... axb5 32. Rb8! og vinnur mann.

30.... g5 31. h4! gxh4 32. g5 Bxc6 33. bxc6 Bd8

Það lá alltaf fyrir að þetta væri vonlaust þar sem svarti kóngurinn er lokaður inni.

34. Kg2 Bc7 35. Kh3

- eftir að h4-peðið fellur hraðar kóngurinn sér yfir á drottningarvænginn. Við þeirri áætlun er ekkert svar.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 24. mars 2013.

Skákþættir Morgunblaðsins

[Event "World Championship Candidates"] [Site "London ENG"] [Date "2013.03.16"] [EventDate "2013.03.15"] [Round "2"] [Result "1-0"] [White "Levon Aronian"] [Black "Boris Gelfand"] [ECO "A04"] [WhiteElo "2809"] [BlackElo "2740"] [PlyCount "69"] 1. Nf3 c5 2. c4 Nc6 3. Nc3 g6 4. e3 Nf6 5. d4 cxd4 6. exd4 d5 7. cxd5 Nxd5 8. Qb3 Nxc3 9. Bc4 Nd5 10. Bxd5 e6 11. Bxc6+ bxc6 12. O-O Be7 13. Be3 Qd5 14. Rfc1 Qxb3 15. axb3 Bb7 16. Ne5 O-O 17. Ra4 Rfd8 18. Nc4 Bf6 19. Na5 Rd7 20. Rb4 Ba6 21. Nxc6 Rb7 22. h3 Kg7 23. Rxb7 Bxb7 24. Ne5 Bd8 25. b4 Rc8 26. Bh6+ Kg8 27. Rxc8 Bxc8 28. Nc6 Bf6 29. b5 Bd7 30. g4 g5 31. h4 gxh4 32. g5 Bxc6 33. bxc6 Bd8 34. Kg2 Bc7 35. Kh3 1-0

Ný alþjóðleg skákstig

Ný alþjóðleg skákstig eru komin út og taka þau gildi á morgun. Jóhann Hjartarson (2583) er sem fyrr stigahæsti skákmaður landsins. Árni Böðvarsson (1982) er stigahæstur sex nýliða og Tómas Árni Jónsson (48) hækkar mest frá mars-listanum. Magnus Carlsen (2872) er stigahæsti skákmaður heims og reyndar einnig allra tíma.

20 stigahæstu skákmenn landsins

Jóhann Hjartarson (2583) er stigahæsti skákmaður landsins nú sem endranær. Héðinn Steingrímsson (2558) er annar og Helgi Ólafsson (2544) þriðji.

 

No.	Name	Tit	apr.13	Gms	Ch.
1	Hjartarson, Johann	GM	2583	3	-9
2	Steingrimsson, Hedinn	GM	2558	0	0
3	Olafsson, Helgi	GM	2544	3	-3
4	Petursson, Margeir	GM	2532	0	0
5	Gretarsson, Hjorvar Steinn	IM	2516	3	1
6	Stefansson, Hannes	GM	2513	3	4
7	Arnason, Jon L	GM	2502	3	4
8	Danielsen, Henrik	GM	2500	5	-1
9	Kristjansson, Stefan	GM	2494	3	3
10	Thorfinnsson, Bragi	IM	2478	3	-6
11	Thorsteins, Karl	IM	2463	2	-3
12	Gretarsson, Helgi Ass	GM	2460	1	-4
13	Thorhallsson, Throstur	GM	2449	3	-4
14	Kjartansson, Gudmundur	IM	2443	3	3
15	Gunnarsson, Arnar	IM	2441	3	1
16	Gunnarsson, Jon Viktor	IM	2409	0	0
17	Olafsson, Fridrik	GM	2407	1	-5
18	Bjornsson, Sigurbjorn	FM	2397	3	-4
19	Arngrimsson, Dagur	IM	2392	2	9
20	Ulfarsson, Magnus Orn	FM	2389	3	3

Heildarlistinn fylgir með fréttinni sem PDF-viðhengi.

Nýliðar

Sex nýliðar eru á listanum nú. Þeirra stigahæstur er Árni Böðvarsson (1982) en í næstum sætum eru Árni H. Kristjánsson (1951) og Friðrik Örn Egilsson (1913).

No.	Name	Tit	apr.13	Gms	Ch.
1	Bodvarsson, Arni		1982	9	1982
2	Kristjansson, Arni H		1951	11	1951
3	Egilsson, Fridrik Orn		1913	9	1913
4	Gudmundsson, Sveinbjorn G		1809	10	1809
5	Hjaltason, Karl Gauti		1507	9	1507
6	Sigurdarson, Alec Elias		1361	9	1361

 

Mestu hækkanir

Tómas Árni Jónsson (48) hækkaði mest frá mars-listanum. Í næstu sætum voru Magnús Gíslason (25) og Úlfhéðinn Sigurmundsson (25).

"Eldri" skákmenn setja sterkan svip á hækkunar-listann en yfirleitt eru það ungu ljónin sem eru þarna í aðalhlutverkum.

 

No.	Name	Tit	apr.13	Gms	Ch.
1	Jonsson, Tomas Arni		1728	3	48
2	Gislason, Magnus		2053	3	25
3	Sigurmundsson, Ulfhedinn		2021	2	25
4	Johannesson, Oliver		2006	3	21
5	Thorsson, Bjarnsteinn		1836	2	20
6	Magnusson, Thorlakur		1803	1	19
7	Finnbogadottir, Tinna Kristin		1922	3	18
8	Thorgeirsson, Sverrir		2202	8	17
9	Jonsson, Hrannar		2078	2	17
10	Magnusson, Patrekur Maron		2020	3	17
11	Stefansson, Orn		1794	2	17

Stigahæstu skákkonur landsins

Lenka Ptácníková (2255) er langstigahæsta skákkona landsins. Í næstum sætum eru Guðlaug Þorsteinsdóttir (2044) og Hallgerður Helga Þorsteinsdóttir (1985).

 

No.	Name	Tit	apr.13	Gms	Ch.
1	Ptacnikova, Lenka	WGM	2255	1	5
2	Thorsteinsdottir, Gudlaug	WF	2044	3	2
3	Thorsteinsdottir, Hallgerdur		1985	2	-15
4	Gretarsdottir, Lilja	WIM	1984	0	0
5	Finnbogadottir, Tinna Kristin		1922	3	18
6	Johannsdottir, Johanna Bjorg		1891	1	-5
7	Birgisdottir, Ingibjorg		1791	1	10
8	Kristinardottir, Elsa Maria		1785	2	11
9	Helgadottir, Sigridur Bjorg		1760	2	-5
10	Fridthjofsdottir, Sigurl. Regina		1714	1	-2

Stigahæstu ungmenn landsins (fædd 1993 og síðar)

Hjörvar Steinn Grétarsson (2516) er langstigahæsta ungmenni landsins. Í næstum sætum eru Mikael Jóhann Karlsson (2022) og Dagur Ragnarsson (2021).

 

No.	Name	apr.13	Gms	B-day	Ch.
1	Gretarsson, Hjorvar Steinn	2516	3	1993	1
2	Karlsson, Mikael Johann	2022	2	1995	2
3	Ragnarsson, Dagur	2021	2	1997	15
4	Magnusson, Patrekur Maron	2020	3	1993	17
5	Sverrisson, Nokkvi	2012	3	1994	10
6	Johannesson, Oliver	2006	3	1998	21
7	Johannsson, Orn Leo	1970	2	1994	8
8	Hardarson, Jon Trausti	1907	2	1997	-2
9	Johannsdottir, Johanna Bjorg	1891	1	1993	-5
10	Sigurdarson, Emil	1857	2	1996	13

Stigahæstu öðlingar landsins (fæddir 1953 og fyrr)

Friðrik Ólafsson (2407) er langastigahæstur öðlinga. Í næstum
sætum eru Áskell Örn Kárason (2224) og Arnþór Sævar Einarsson (2223).

 

No.	Name	apr.13	Gms	B-day	Ch.
1	Olafsson, Fridrik	2407	1	1935	-5
2	Karason, Askell O	2224	3	1953	-2
3	Einarsson, Arnthor	2223	3	1946	-15
4	Viglundsson, Bjorgvin	2204	1	1946	4
5	Thorsteinsson, Bjorn	2203	1	1940	7
6	Fridjonsson, Julius	2177	2	1950	-3
7	Gunnarsson, Gunnar K	2168	2	1933	0
8	Thorvaldsson, Jon	2165	3	1949	4
9	Halldorsson, Bragi	2160	3	1949	-13
10	Briem, Stefan	2156	2	1938	7

Stigahæstu skákmenn heims

Magnus Carlsen (2872) er langstigahæsti skákmaður heims. Í næstum sætum eru Aronian (2809) og Aronian (2801).

Topp 100 listann má finna hér.

Skrár tengdar þessari bloggfærslu:

• Alþjóðleg skákstig 1. apríl 2013

Davor Palo skákmeistari Danmerkur

Danmerkurmótið í skák fór fram um páskana og lauk í dag. Stórmeistarinn Davor Palo (2551) sigraði á mótinu en hann hlaut 6,5 vinning í 9 skákum. Færeyski alþjóðlegi meistarinn Helgi Dam Ziska (2461) varð annar með 6 vinninga og stórmeistarinn Lars Schandorff (2513) varð þriðji með 5,5 vinning.

Heimasíða mótsins

KR-kapp og happ: Jón Friðjónsson vann með glæsibrag

Það gekk vel á í Frostaskjólinu sl. mánudagskvöld þegar að Páskamót KR fór þar fram. Keppt var um þrjú risastór páskaegg frá sælgætisgerðinni SAMBÓ, sem GRK bjargvættur og bakhjarl klúbbsins kom með færandi hendi. Fjörugur darraðardans var stiginn stiginn á hálu skáksvellinu fram eftir kvöldi þegar tekist var á í 13. umferða alvöruhraðskákmóti að hætti KriSt. Skreikaði þar mörgum fótur og varð býsna hált á öllum hinum margbreytilegu stílum, polkum, rælum og völsum sem stignir voru. 

Í þeim margslungna hraða dansi duga engin vettlingatök eða tilraunaspor við uppbyggingu stöðunnar, útfærslu miðtaflsins og þróun endataflsins ef standa á í lappirnar og ná að landa sigri. Ekki skaðar áralöng dansreynsla á skákborðinu, áunnin þekking á hinum ýmsu hliðarsporum ásamt innbyggðu appi, stöðu-, áhættu- og jafnvægisskyni þegar til kastanna kemur í lokaslagnum við andstæðinginn og tíminn að ganga mönnum úr greipum. Í svo reyndum og öflugum skákdanshópi þarf ekki nema eitt vanhugsað eða ónákvæmt spor til að missa jafnvægið og þar með tökin á stöðunni svo henni verði vart við bjargað. Menn falla kylliflatir.  Þá koma aðeins listilegir hælkrókar og  lymskubrögð til hjálpar nema bræðrabylta sé innan seilingar.  Oftast leiðir smáafleikur til þess að strax sígur á vonlausa ógæfuhlið en stundum gerist þó hið gagnstæða - þegar allt er að vinna og engu að tapa - að úr verða æsispennandi baráttuskákir þar sem ekki stendur steinn yfir steini. Líf og fjör færist skyndilega  í taflið sem feikilega gaman er að fylgjast með fyrir áhorfendur úr hópi keppenda þegar nær leikslokum dregur. Þar skilur á milli aukvisa sem gefast strax upp og brellumeistara sem færast allir í aukana þegar á móti blæs.

Að þessu sinni reyndist sigurvegarinn hlutverki sínu vaxinn. Þá sjaldan fræðaþulurinn Jón G. Friðjónsson, sterkasti stigalausi skákmaður landsins, gefur sér tóm til að líta upp úr skræðum sínum og mæta í kappdansinn er tryggt að spennandi skákkvöld er framundan. Hann fór létt með þetta að annarra sögn.  Að vinna með 11.5 vinningi af þrettán mögulegum er ekki heiglum hent.  Aðeins spillti fyrir að hinir mörgu þrælsterku og sigursælu Gunnarrar voru allir fjarri góðu gamni þó ósagt skuli látið að það hefði skipt einhverjum sköpum að þessu sinni þegar menn komast í svo mikið stuð og keppnisham.

Öndvegisteflandinn æðrulausi Ingi Tandri Traustason, sigurvegari mótsins fyrir hálfum mánuð, sannaði að það var engin tilviljun. Hann var tiltölulega sáttur við sinn aflahlut og veglegt páskaegg að sögn viðstaddra. Með honum deildi 2.-3. sæti Sigurður Áss Grétarsson, hinn brosmildi dánumaður af skákkappakyni. Aðrir keppendur nöguðu sig þeim mun meira í handarbökin, svo stór sá á, sem þeir stóðu nær því að komast á pall og í færi við páskaeggin vænu  eða voru nálægt því að detta í lukkupott.

Nánari úrslit má sjá á meðf. myndskreyttu mótstöflu:

 

 

Þar sem næsta mánudagskvöld ber upp á 2. í Páskum verður næst teflt í Frostaskjólinu þriðjudagskvöldið 3. apríl þess í stað.

Ný alþjóðleg bréfskákstig

Alþjóðlega bréfskáksambandið (ICCF) gaf út ný alþjóðleg bréfskákstig 15. mars.

Stigahæsti bréfskákmaður heims er hollenski stórmeistarinn Joop J. Van Oosterom með 2711 elóstig. Til gamans má nefna að sænski stórmeistarinn Ulf Andersson er hærri en Oosterom með 2737 stig en hann er óvirkur sem stendur.

25 virkir íslenskir bréfskákmenn eru á listanum. Hæstur þeirra er Daði Örn Jónsson með 2509 stig. Daði er tiltölulega nýbyrjaður að tefla bréfskák og hefur því farið hratt upp stigalistann. Hann hækkar manna mest mest eða um 53 stig frá síðasta stigalista.

Nr.	Titill	Nafn	Stig	Breytingar
1		Jónsson, DaÄ‘i Örn	2509	53
2	SIM	Halldórsson, Jón Árni	2478	1
3	IM	Kristjánsson, Árni H.	2464	5
4	SIM	Pálsson, Jón Adólf	2456	0
5		Þorsteinsson, Þorsteinn	2440	24
6	SIM	Kárason, Áskell Örn	2412	-2
7		Jónasson, Jónas	2411	-6
8		Skúlason, Baldvin	2400	0
9	IM	Haraldsson, Haraldur	2386	4
10		Garðarsson, Hörður	2378	0
11		Elíson, Kári	2329	-9
12		Maack, Kjartan	2322	16
13		Guðlaugsson, Einar	2302	0
14		Jónsson, Kristjan Jóhann	2255	-4
15		þorsteinsson, Erlingur	2249	0
16		Vigfússon, Vigfús O.	2217	-15
17		Ingason, Sigurður	2189	0
18		Ólafsson, Dr. þórhallur B.	2172	0
19		Kristjánsson, Snorri Hergill	2171	2
20		Rúnarsson, Gunnar Freyr	2152	0
21		Hjaltason, Gisli	2148	0
22	IM	Gunnlaugsson, Gísli	2122	0
23		Ragnarsson, Jóhann H.	2077	0
24		Gíslason, Guðmundur	2010	-3
25		Hannesson, Sigurður Örn	1952	-13

 

Olaf Berg skákmeistari Færeyja

Færeyjarmótinu í skák lauk í dag en það fór fram í Þórshöfn nú um páskana. Olaf Berg (2272) varð skákmeistari Færeyja en hann hlaut 7 vinninga í 9 skákum. Annar varð Martin Poulsen (2194) með 6,5 vinning og þriðji varð Ólavur Simonsen (2201).

• Heimasíða færeyska skáksambandsins
• Chess-Results

 

Kramnik efstur á áskorendamótinu eftir sigur á Aronian - Carlsen tapaði fyrir Ivanchuk

Áskorendamótið í London hefur sannarlega þróast á óvæntan hátt í síðustu umferðum. Kramnik (2810), sem virtist vera úr leik eftir rólega byrjun, er skyndilega orðinn efstur. Í dag vann Aronian (2809) í skrautlegri skák. Carlsen (2872), sem var efstur fyrir umferð dagsins tapaði hins vegar fyrir Ivanchuk (2757).

Frídagur er á morgun en í 13. og næstsíðustu umferð sem fram fer á páskadaga mætast meðal annars Radjabov og Carlsen og Kramnik og Gelfand.

Úrslit 12. umferðar:

• Carlsen - Ivanhcuk 0-1
• Gelfand - Svidler ½-½
• Aronian - Kramnik 0-1
• Radjabov - Grischuk ½-½

Staðan:

• 1. Kramnik (2810) 8 v
• 2. Carlsen (2872) 7½ v.
• 3. Aronian (2809) 6½ v.
• 4. Svidler (2747) 6 v.
• 5.-6. Grischuk (2764) og Gelfand (2740) 5½ v.
• 7. Ivanchuk (2757) 5 v.
• 8. Radjbov (2793) 4 v.

Tenglar:

• Heimasíða mótsins
• Chessbomb (beinar útsendingar með tölvuskýringum)

Vignir Vatnar og Óskar Víkingur efstir á vel sóttu páskaeggjamóti Hellis

Það voru 46 keppendur sem mættu til leiks og tefldu 7 umferðir með 7 mínútna umhugsunartíma í tveimur flokkum á Páskaeggjamóti Hellis sem fram fór 25. mars sl. Vignir Vatnar Stefánsson sigraði í eldri flokki með 6 vinninga Hann gerði jafntefli við Nansý Davíðsdóttur í 3. umferð og tryggði sér svo sigurinn með jafntefli við Símon Þórhallsson í lokaumferðinni.

Næst komu Nansý Davíðsdóttir og Dawid Kolka með 5,5v en Nansý var hærri á stigum. Í yngri flokki sigraði Óskar Víkingur Davíðsson með 6,5 vinning og leyfði bara jafntefli í skákinni við Axel Óla Sigurjónsson. Annar var Joshua Davíðsson með 6v og  þar á eftir komu Bjarki Arnaldarson, Axel Óli Sigurjónsson og Tinni Teitsson með 5 vinninga en Bjarki var hæstur á stigum.

Eftirtaldir hlutu verðlaun á páskaeggjamótinu:

Eldri flokkur:

1.  Vignir Vatnar Stefánsson               6v

2.  Nansý Davíðsdóttir                        5,5v

3.  Dawid Kolka                                    5,5v

 

 

Yngri flokkur

1.  Óskar Víkingur Davíðsson            6,5v

2.  Joshua Davíðsson                        6v

3.  Bjarki Arnaldarson                          5v

 

 

Stúlkur: Vigdís Lilja Kristjánsdóttir

Árgangur 2007: Adam Omarsson

Árgangur 2006: Stefán Orri Davíðsson

Árgangur 2005: Róbert Lu

Árgangur 2004: Þorsteinn Emil Jónsson

Árgangur 2003: Mikhael Kravchuk, Axel Óli Sigurjónsson

Árgangur 2002: Kristófer Halldór Kjartansson

Árgangur 2001: Heimir Páll Ragnarsson

Árgangur 2000: Birgir Ívarsson

Árgangur 1999: Símon Þórhallsson

Í lokin voru svo dregin út átta páskaegg og féllu sjö þeirra í hlut yngri hópsins og eitt fór í þann eldri þótt dregið væri úr öllum hópnum í einu.

Næsta æfing verður haldin mánudaginn 8. apríl og hefst kl. 17:15, en hún verður einungis fyrir félagsmenn í Taflfélaginu Helli þar sem unnið verður í verkefnahópum að ólíkum æfingum ásamt því að tefla. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Lokastaðan á páskaeggjamótinu:

Eldri flokkur:

 Röð      Nafn                                                    Vinningar      M-Buch.   Buch.    Progr.

  1   Vignir Vatnar Stefánsson,        6        23.0  31.0   25.0

 2-3  Nansý Davíðsdóttir,              5.5      21.0  30.5   22.5

      Dawid Kolka,                     5.5      20.5  27.5   23.0

  4   Símon Þórhallsson,               5        23.0  32.5   22.5

  5   Mikhael Kravchuk,                4.5      23.0  31.0   19.0

6-11  Gauti Páll Jónsson,              4        21.0  28.5   17.0

      Heimir Páll Ragnarsson,          4        19.0  26.5   16.0

      Jason Andri Gíslason,            4        18.0  25.5   17.0

      Felix Steinþórsson,              4        17.5  25.5   16.0

      Alec Elías Sigurðarson,          4        16.5  24.5   19.0

      Birgir Ívarsson,                 4        16.0  23.0   12.0

12-13 Þorsteinn Magnússon,             3.5      19.5  27.0   16.0

      Kristófer Halldór Kjartansson,   3.5      13.0  19.5   12.0

14-15 Sigurður Kjartansson,            3        17.5  25.0   14.0

      Helgi Svanberg Jónsson,          3        17.5  22.5   12.0

 16   Guðmundur Agnar Bragason,        2.5      15.5  22.5    9.0

17-21 Burkni Björnsson,                2        16.5  22.5    7.0

      Björn Ingi Helgason,             2        13.5  19.5    9.0

      Róbert Orri Árnason,             2        13.0  18.0    9.0

      Kolbeinn Ólafsson,               2        13.0  18.0    5.0

      Gabríel Máni Ómarsson,           2        12.5  18.0    3.0

 22   Baldur Einarsson,                1        13.0  20.5    3.0

 

Yngri flokkur:

Röð       Nafn                                                      Vinningar     M-Buch.  Buch.    Progr.

  1   Óskar Víkingur Davíðsson,        6.5      22.0  30.0   26.0

  2   Joshua Davíðsson,                6        22.0  30.5   22.0

 3-5  Bjarki Arnaldarson,              5        23.5  33.0   24.0

      Axel Óli Sigurjónsson,           5        22.5  32.5   22.5

      Tinni Teitsson,                  5        18.5  26.5   20.0

 6-7  Stefán Orri Davíðsson,           4.5      19.5  28.5   20.5

      Egill Úlfarsson,                 4.5      14.5  19.5   15.5

8-12  Sævar Halldórsson,               4        21.5  31.5   19.0

      Þorsteinn Emil Jónsson,          4        20.0  27.0   18.0

      Sindri Snær Kristófersson,       4        19.0  27.5   18.0

      Halldór Atli Kristjánsson,       4        18.0  24.5   16.0

      Ívar Andri Hannesson,            4        17.0  23.0   14.0

13-14 Pétur Ari Pétursson,             3.5      16.0  21.0   13.5

      Róbert Lu,                       3.5      14.5  22.5   12.5

15-18 Bjartur Máni Sigmundsson,        3        20.5  28.5   15.0

      Jón Hreiðar Rúnarsson,           3        17.0  23.0   14.0

      Brynjar Haraldsson,              3        15.5  20.0   11.0

      Þórður Hólm Hálfdánarson,        3        13.0  17.5   10.0

 19   Gunnar Hrafn Kristjánsson,       2.5      14.5  19.5    7.5

20-22 Ingibert Snær Erlingsson,        2        17.5  24.5    8.0

      Adam Omarsson,                   2        15.5  22.5    6.0

      Ingólfur Breki Arnaldsson,       2        13.0  19.5    5.0

 23   Arnar Jónsson,                   1        16.5  21.0    5.0

 24   Vigdís Lilja Kristjánsdóttir,    0        14.0  19.0    0.0

 Hér má sjá myndaalbúm frá mótinu.

Björgvin Smári sigraði á Páskamóti SSON

Björgvin Smári Guðmundsson hafði sigur á geysiskemmtilegu og spennandi Páskamóti SSON.  Teflt var skv. stigakerfi formanns þar sem menn fá þeim mun fleiri stig fyrir sigur í skák sem tíminn sem þeir nota er minni.

Tveir nýliðar mættu á sitt fyrsta skákmót í háa herrans tíð, sem kom vel á vondan þar sem óvenjumargir fastagestir komust ekki til leiks.  Taktík manna var misjöfn eins og gengur, nýliðarnir notuðu yfirleitt 5 mín á meðan reyndari skákmenn notuðu 1 eða 2 gegn þeim, og varð hált á, stundum.

Skemmtilegt mót sem nú var haldið í annað sinn og vonandi að þar með sé það orðið að árvissum viðburði.  Allir keppendur fengu unaðsgóð páskaegg í verðlaun, Björgvin hið stærsta eins og gefur að skilja.

Lokastaðan:

1. Björgvin Smári 62 stig
2. Páll Leó              56 stig
3. Magnús M           56 stig
4. Ingvar Örn         40 stig
5. Grantas              27 stig
6. Þorsteinn            17 stig
7. Þröstur Á            12 stig

Heimasíða SSON