Björn Ívar sigraði á Volcanó Open

Í dag fór fram Volcanó Open mótið í Vestmannaeyjum.  Keppendur voru 14 og komu nokkrir gamlir félagar, t.d. þeir Einar Guðlaugsson og Ágúst Már, sem dvalið hefur austur á héraði og gert þar garðinn frægann.  Björn Ívar tefldi af sama örygginu og að undanförnu og sigraði með fullu húsi. 

Annar var Nökkvi Sverrisson með 7 vinninga, tapaði aðeins fyrir Birni og gerði tvo jafntefli.  Faðir hans Sverrir hlaut þriðja sætið með 6,5 vinninga.  Í flokki 15 ára og yngri sigraði Kristófer Gautason með 6 vinninga, annar Daði Steinn með 5 vinninga og þriðji Róbert Eysteinsson með 3,5 vinninga. 

Í yngsta flokknum, undir 12 ára sigraði Róbert, annar var Sigurður Magnússon með 3,5 og þriðji Ágúst Már Þórðarson með 2 vinninga.

Lokastaðan
Sæti	Nafn	Stig	Vinn	BH.
1	Karlsson Bjorn-Ivar	2170	9	47½
2	Sverrisson Nokkvi	1805	7	49½
3	Unnarsson Sverrir	1895	6½	43½
4	Gautason Kristofer	1625	6	46
5	Hjaltason Karl Gauti	1545	6	40
6	Jonsson Dadi Steinn	1590	5	43½
7	Olafsson Thorarinn I	1625	5	36
8	Gudlaugsson Einar	1805	4½	43
9	Gislason Stefan	1685	4	40
10	Eysteinsson Robert Aron	1355	3½	40
11	Magnusson Sigurdur A	1375	3½	34½
12	Thordarson Agust Mar	0	2	32½
13	Magnusdottir Hafdis	0	1	35
14	Kjartansson Eythor Dadi	1265	0	36

Haukur sigraði í Þórshöfn

Teflt var um Þórshafnarbikarinn á árlegu skákmóti skákmanna á Þórshöfn í dag, gamlársdag. Fjórir skákmenn mættu til leiks og Haukur Þórðarson 19 ára nemi við Menntskólann á Akureyri vann alla andstæðinga sína og fékk að launum Þórshafnarbikarinn.
Tefldar voru skákir með 10 mín umhugsunartíma á mann.

Frá skákæfingu á Þórshöfn í janúar 2010. Jón Stefánsson lengst tv. og Oddur Skúlason.
Sindri Guðjónsson tók myndina.

Úrslit á Þórshafnarmótinu.

1. Haukur Þórðarson 3 v.2. Kristján Úlfarsson  2 v.3. Óli Þorsteinsson   1 v.4. Oddur Skúlason    0 v.Teflt hefur verið um Þórshafnarbikarinn á gamlársdag síðan árið 1999 og hefur Kristján Úlfarsson unnið hann í þrígang en Kristján vann hann síðst í fyrra.

Henrik tapaði í lokaumferðinni

Stórmeistarinn Henrik Danielsen (2516) tapaði fyrir danska alþjóðlega meistaranum Jens Kristiansen (2421) í sjöundu og síðustu umferð ØBRO-nýársmótsins sem fram fór í gær.  Henrik hlaut 5 vinninga og endaði í 3.-11. sæti. 

Sænski stórmeistarinn Jonny Hector (2576) sigraði á mótinu með fullu húsi.  Áðurnefndur Kristiansen varð annar með 6 vinninga.

Henrik tapar 2 stigum fyrir frammistöðu sína.

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Áramóta Goðapistill

Hermann Goði Aðalsteinsson hefur skrifað áramótapistil sem finna má á heimsíðu Goðans.

Heimasíða Goðans

Henrik sigraði í næststíðustu umferð

Stórmeistarinn Henrik Danielsen (2516) yfirspilaði danska FIDE-meistarann Igor Teplyi (2394) í sjöttu og næstsíðustu umferð ØBRO-nýársmótsins sem fór í dag.   Henrik hfur 5 vinninga og er í skiptu öðru sæti.   Sænski stórmeistarinn Jonny Hector (2576) er efstur með fullt hús vinninga.  

Sjöunda og síðasta umferð mótsins fer fram í kvöld og hefst kl. 18.  Skák Henriks verður sýnd beint.  

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Daði Steinn sigraði á Jólapakkamóti TV

Í gærkvöldi fór fram jólapakkamót TV og fóru leikar svo að Daði Steinn Jónsson sigraði glæsilega með fullt hús vinninga eða 5.

  Úrslit yngri flokki.
  1.  Daði Steinn Jónsson   5 vinn.
  2.  Kristófer Gautason     4 vinn.
  3.  Róbert Aron Eysteinsson 2 vinn. + 1.
  4.  Sigurður Arnar Magnússon 2 vinn. + 0.
  5.  Hafdís Magnúsdóttir   1 vinn.
  6.  Eyþór Daði Kjartansson 0 vinn.

Á skemmtikvöldi fullorðinna, sem einnig fór fram í gær voru mikil og hörð átök og sýndi Stefán Gíslason úr hverju hann er gerður og sat í 2 sæti eftir fyrri umferðina og átti stutt í Björn Ívar sem leiddi með 0,5 vinningi.  Í seinni umferðinni seig heldur á ógæfuhliðina hjá Stefáni og hleypti hann Sverri fram úr sér á síðustu metrunum eftir hreint frábæra byrjun á mótinu.

  Úrslit í eldri flokki.
  1.  Björn Ívar Karlsson 9 vinn.
  2.  Sverrir Unnarsson  6,5 vinn.
  3.  Stefán Gíslason     5,5 vinn.
  4.  Þórarinn I. Ólafsson  4,5 vinn.
  5.  Karl Gauti Hjaltason 2,5 vinn.
  6.  Einar Sigurðsson    2 vinn.

Á morgun, Gamlársdag fer fram hið árlega Volcanó Open skákmót í Vestmannaeyjum og hefst kl. 12:00 á Volcanó Café við Strandveg.

Mótið er öllum opið.  Hér er líklega á ferðinnieina skákmótið sem haldið er á gamlársdag á landinu.  Verðlaun eru fyrir 3 fyrstu sætin og sérstök verðlaun yngri fyrir en 15 ára.

Mótið er hraðskákmót og áætlaður mótstími er ca. 2 klst.

Guðfinnur sigraði á JólaSkákMóti Riddarans

JólaSkákMót Riddararans, skákklúbbs eldri borgara, fór fram með pomp og prakt við húsfylli í Vonarhöfn, félagsheimili klúbbsins í Hafnarfirði í gær. (29. des.) Hvorki fleiri né færri en 35 öldungar mættu til tafls um von um vinning, enda auk glæsilegra verðlauna fjölmargir aukavinningar í boði frá styrktaraðilum:  Bókaútgáfunni  Hólum, Jóa Útherja og Halldóri skósmið í Grímsbæ.   Boðið var upp á  heitt súkkulaði, kaffi, konfekt og kruðerí, sem þátttakendur gæddu sér óspart á milli skáka.

Tefldar voru 11 umferðir með 10 mín. umhugsunartíma,  svokallaðar hvatskákir, eins konar millistig milli hraðskáka og atskáka.  Nokkur þrengsli voru í skáksal, en aldrei áður hafa svo margir tekið þátt í móti á vegum klúbbsins.  All margir keppendur blönduðu sér i toppbaráttuna og  skiptust á um forystuna alveg til loka mótsins.  Eftir mjög tvísýna og harða baráttu urðu úrslit þau að Guðfinnur R. Kjartansson kom sjálfum sér á óvart að eigin sögn og með því að sitja uppi sem sigurvegari,  með 8 vinninga, jafnframt því að stýra mótinu ásamt Einari Ess.  Aðrir vita þó að GRK er ákaflega hugkvæmur og traustur skákmaður  og er skemmst að minnast góðs árangurs hans í Viðeyjarmótinu,  sem vakti honum einnig meiri undrum en öðrum.   Jafnir í 2. til 5 sæti urðu þeir:  Jón Þ. Þór;  Sigurður A. Herlufsen; Egill Þórðarson  og  Matthías Kristinsson  allir með 7.5 vinninga.

 Nánari úrslit má sjá á meðf. mótstöflu og á www.riddarinn.net   auk fjölda mynda.

Myndaalbúm mótsins

Jólabikarmót Hellis fer fram í kvöld

Jólabikarmót Hellis fer fram fimmtudaginn 30. desember nk og hefst taflið kl. 19.30. .Fyrirkomulagið verður þannig að tefldar verða hraðskákir með fimm mínútna umhugsunartíma og eftir Monrad kerfi. Eftir fimm töp falla keppendur úr leik. Þannig verður teflt þangað til einn stendur eftir og allir andstæðingarnir fallnir úr leik. Teflt er í félagsheimili Hellis í Álfabakka 14a í Mjóddinni.

Þrír efstu fá bikara í verðlaun. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Henrik tapaði fyrir Hector

Stórmeistarinn Henrik Danielsen (2516) tapaði fyrir sænska stórmeistaranum Jonny Hector (2576) í fimmtu umferð ØBRO-nýársmótsins sem fór í dag.  Henrik hefur 4 vinninga og er í 2.-8. sæti. 

Hector er efstur með fullt hús vinninga.   Mótinu lýkur á morgun með 2 umferðum og hefjast þær kl. 12 og 18.  Í fyrri umferðinni teflir Henrik við danska FIDE-meistarann Igor Teplyi (2394).  

Alls taka 64 skákmenn þátt í mótinu og þar af 2 stórmeistarar, Henrik, sem er næststigahæstur og Jonny Hector (2576), sem er stigahæstur, og tveir alþjóðlegir meistarar.

• Heimasíða mótsins

Jóhann sigraði á Jólahraðskákmóti TR

Jólahraðskákmót Taflfélags Reykjavíkur fór fram í kvöld. Tefldar voru 9 umferðir eftir svissnesku kerfi og var umhugsunartíminn 5 mín. á skák. Jóhann Ingvason var útnefndur Jólasveinn T.R. 2010
en hann hlaut 8 vinninga í 9 skákum. Þátttakendur voru 24. Skákstjórar voru Ólafur Ásgrímsson og Ríkharður Sveinsson.



   1   Jóhann Ingvason,                          8        36.0
   2   Birkir Karl Sigurðsson,                   7        36.0
   3   Örn Stefánsson,                           6        36.5
  4-8  Jón Úlfljótsson,                         5.5      35.0
       Atli Jóhann Leósson,                      5.5      35.0
       Jón Trausti Harðarson,                    5.5      34.5
       Atli Freyr Kristjánsson,                  5.5      30.5
       Guðmundur Lee,                            5.5      30.5
 9-13  Eggert Ísólfsson,                         5        40.5
       Örn Leó Jóhannsson,                       5        39.5
       Stefán Már Pétursson,                     5        34.5
       Birgir Berndsen,                          5        33.0
       Kristján Örn Elíasson,                    5        28.5
 14-17 Dagur Ragnarsson,                         4        33.5
       Kristinn Andri Kristinsson,                4        32.0
       Leifur Þorsteinsson,                      4        26.0
       Donika Kolica,                            4        24.0
 18-20 Vignir Vatnar Stefánsson,                 3.5      34.0
       Þórir Benediktsson,                       3.5      31.5
       Kristófer Jóel Jóhannesson,                3.5      25.5
 21-22 Björgvin Kristbergsson,                   3        29.0
       Gauti Páll Jónsson,                       3        28.5
  23   Elín Nhung,                               2        26.5
  24   Pétur Jóhannesson,                        0        24.5