Sumarsyrpu Breiðabliks frestað

Sumarsyrpu Breiðabliks sem átti að hefjast í dag hefur verið frestað vegna ónægrar þátttöku. 

Wesley So efstur í Leuven - heimsmeistarinn hrokkinn í gang

Wesley So (2789) er efstur með 10 stig (5 vinninga) að loknum 6 umferðum á Grand Chess Tour-hraðskákmótinu sem er í gangi í Leuven í Belgíu. Heimsmeistarinn Magnus Carlsen (2851) hrökk í gang í gær og hlaut 2½ vinning og er í 2.-3. sæti áamt MVL (2783) með 8 stig (4 vinninga. Carlsen beitti Bird-byrjun í gær og lagði þannig Kramnik (2789) að velli.

Baadur Jobava (2703) hefur teflt fjörlega en að sami skapi alls ekki á árangursríkan hátt. Hann er ekki kominn á blað. Hann meðal annars mætti þremur mínútum of sent í skákina á móti MVL.

Atskákinni lýkur í dag með umferðum 7-9. Hraðskákin verður svo tefld um helgina.

Staðan

Nánar um gang gærdagsins má lesa um á Chess24.

Myndir: Lennart Ootes(af Chess24).

• Heimasíða Grand Chess Tour
• Beinar útsendingar

Kjartan áfram formaður TR

Aðalfundur Taflfélags Reykjavíkur var haldinn í gærkvöldi í salarkynnum félagsins. Kjartan Maack var endurkjörinn formaður og verður aðalstjórn félagsins óbreytt næsta starfsár. Nokkrar breytingar urðu á varastjórninni því Daði Ómarsson, Jon Olav Fivelstad og Björgvin Víglundsson koma nýir inn í stað þeirra Veroniku Steinunnar Magnúsdóttur, Þorvarðs Fannars Ólafssonar og Birkis Bárðarsonar.

Aðalstjórn Taflfélags Reykjavíkur starfsárið 2017-2018 skipa Kjartan Maack, Þórir Benediktsson, Magnús Kristinsson, Sigurlaug R. Friðþjófsdóttir, Eiríkur K. Björnsson, Ríkharður Sveinsson og Gauti Páll Jónsson.

Varastjórn félagsins næsta starfsár skipa Daði Ómarsson, Jon Olav Fivelstad, Torfi Leósson og Björgvin Víglundsson.

Jóhann gerði jafntefli við Grandelius - efstur ásamt þremur öðrum

Stórmeistarinn Jóhann Hjartarson (2541) er efstur með 5 vinninga að loknum 6 umferðum á Norðurlandamótinu í skák. Í seinni umferð dagsins gerði hann jafntefli við langstigahæsta keppenda mótsins, Svíann Nils Grandelius (2655). Jóhann er efstur ásamt Nils, landa hans Jonathan Westerberg (2468) og danska stórmeistaranum Allan Stig Rasmussen (2540). 

Guðmundur Kjartansson(2464) átti slæman dag og tapaði báðum sínum skákum. Íslandsmeistarinn hefur 3,5 vinninga.

Lenka Ptácníková (2207) tapaði og vann og er í 4.-6. sæti með 2 vinninga eftir 3 umferðir á Norðurlandamóti kvenna.

Áskell Örn Kárason (2271) tapaði sinni skák afar slysalega í dag og er í 3.-5. sæti með 3,5 vinninga eftir 5 umferðir.

Mótinu verður framhaldið í öllum flokkum á morgun. Taflmennskan hefst kl. 13. Jóhann teflir þá við Allan Stig.

G. Sverrir Þór skrifar reglulega um gang mála á heimasíðu sænska skáksambandsins. 

• Heimasíða mótsins
• Úrslitaþjónusta
• Beinar útsendingar
• Beinar útsendingar (Chess24)

 

Jóhann vann - efstur ásamt tveimur öðrum

 

 

Jóhann Hjartarson (2541) vann sænska skákmanninn Stefan Schneider (2360) í fimmtu umferð Norðurlandamótsins í skák sem fram fór í morgun. Jóhann hefur 4½ vinning og er efstur ásamt stórmeisturunum Allan Stig Rasmussen (2540), Danmörku, og Nils Grandelius (2655), Svíþjóð. Guðmundur Kjartansson (2464) hefur 3½ vinning eftir tap gegn Allan Stig. 

Sjötta umferð hefst núna kl. 15. Þá teflir Jóhann við Grandlius og Guðmundur við sænska FIDE-meistarann Drazen Dragicevic (2306). 

Lenka Ptácníková (2207) tapaði í morgun og teflir eins og strákarnir tvær skákir í dag.

Áskell Örn Kárason (2271), sem teflir í flokki 50 ára og eldri, teflir bara eina skák í dag og situr nú að tafli.

G. Sverrir Þór skrifar reglulega um gang mála á heimasíðu sænska skáksambandsins. 

• Heimasíða mótsins
• Úrslitaþjónusta
• Beinar útsendingar
• Beinar útsendingar (Chess24)

 

Wesley So efstur í Leuven - vann heimsmeistarann

Your Next Move-mótið sem er hluti af Grand Chess Tour hófst í gær í Leuven í Belgíu með þremur umferðum Tefld var atskák. Wesley So (2789) byrjaði best allra og hlaut 2½ vinning. Meðal annars lagði hann heimsmeistarann Magnus Carlsen (2851) að velli eftir að sá norski hafði teygt sig of langt til sigurs. MVL (2783) og Ian Nepomniachtchi (2766) eru í 2.-3. sæti með 2 vinninga.

Skákmennirnir 2 stig fyrir hvernig vinning í atskákinni þar sem þeir tefla einfalda umferð. Umferðir 4.-6 fara fram í dag og hefst taflmennskan kl. 12. 

Staðan:

Nánar um gang gærdagsins má lesa um á Chess.com.

Myndir: Maria Emelianova (af Chess.com).

• Heimasíða Grand Chess Tour
• Beinar útsendingar

Mjóddarmót Hugins fer fram á laugardaginn

Mjóddarmótið fer fram laugardaginn 1. júlí í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Subway í Mjódd en fyrir þá tefldi Dagur Ragnarsson.  Tefldar verða sjö umferðir með umhugsunartímanum 5 mínútur + 2 sekúndur á hvern leik.  Skráning fer fram í síma 866-0116 og hér á Skák.is (guli kassinn efst). Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 20.000
• 2. 15.000
• 3. 10.000

Upplýsingar um þegar skráða keppendur má finna hér.

Jóhann og Guðmundur gerðu jafntefli - Íslendingar alls staðar á toppnum

Jóhann Hjartarson (2541) og Guðmundur Kjartansson (2464) gerðu jafntefli í innbyrðis skák í fjórðu umferð Norðurlandamótsins í skák sem fram fór í dag. Jóhann sótti fast en Íslandsmeistarinn varðist vel í erfiðri skák og var jafntefli samið eftir eftir 53 leiki. Þeir félagnir eru efstir með 3½ ásamt fimm öðrum skákmönnum.

Fimmta umferð fer fram á morgun. Þá teflir við Jóhann við Svíann Stefan Schneider (2360) og Guðmundur við danska stórmeistarann Allan Stig Rasmussen (2540).

Áskell Örn Kárason (2271) er efstur í flokki 50 ára og eldri með 3½ vinning. Í dag vann hann sænska FIDE-meistarann Conny Holst (2150).

Í dag hófst Norðurlandamót kvenna. Lenka Ptácníková (2207) vann þar hina sænsku Susanna Berg Laachiri (1911).

Á morgun verða tefldar tvær umferðir í opnum flokki og kvennaflokki. Umferðirnar fara fram kl. 8 og 15. Í flokki 50 ára og eldri verður bara tefld ein umferð og hefst hún kl. 13. 

 

G. Sverrir Þór skrifar pistil um gang mála á heimasíðu sænska skáksambandsins. 

• Heimasíða mótsins
• Úrslitaþjónusta
• Beinar útsendingar
• Beinar útsendingar (Chess24)

 

Ofuratskákmót hefst í Belgíu í dag

Grand Chess Tour-mótasyrpan heldur áfram í dag. Í Leuven í Belgíu næstu fimm daga tefla margir af bestu skákmönnum heims at- og hraðskák. Teflt verður eftir sama fyrirkomulagi og í París fyrir skemmstu. Þrír fyrstu dagarnir atskák (9 umferðir) og þeir tveir síðustu hraðskák (18 umferðir). 

Keppendur í Leuven eru: Magnus Carlsen, Maxime Vachier-Lagrave, Wesley So, Viswanathan Anand, Ian Nepomniachtchi, Levon Aronian, Vladimir Kramnik, Anish Giri, Vassily Ivanchuk og Baadur Jobava. Þeir hittust í gær og drógu um töfluröð. 

Í dag tefla þeir þrjár atskákir og hefst taflmennskan kl. 12. 

Nánar um mótið í Belgíu má lesa um á Chess.com.

Mynd: Maria Emelianova (af Chess.com).

• Heimasíða Grand Chess Tour
• Beinar útsendingar

Aðalfundur TR fer fram í kvöld

Stjórn Taflfélags Reykjavíkur boðar til aðalfundar í samræmi við 10.gr laga félagsins. Fundurinn verður haldinn miðvikudaginn 28.júní og hefst kl.20:00 í húsnæði félagsins að Faxafeni 12.

Dagskrá: Venjuleg aðalfundarstörf.

Virðingarfyllst, Stjórn Taflfélags Reykjavíkur