Skákkennaraklúbburinn stofnaður

Mikill uppgangur hefur verið í æskulýðsstarfi skákhreyfingarinnar síðustu ár. Kemur þar margt til en aukinn fjöldi þeirra sem kenna skák og koma að skákkennslu barna og unglinga er án efa ein helsta ástæðan. Hluti af þessum stóra hóp sem kennir skák kom saman í gærkveldi á sal Skákskóla Íslands og stofnaði Skákkennaraklúbbinn.
 
Stofnfundurinn hófst á því að Stefán Bergsson bauð þá þrjátíu stofnfélaga sem mættir voru velkomna. Stefán hélt svo kynningu þar sem meðal annars var farið yfir mismunandi hlutverk Skákakademíunnar, Skákskólans og Skáksambandsins.  Fór Stefán yfir tilganginn með með stofnun Skákkennaraklúbbsins sem má segja að sé þríþættur:
 
- Vettvangur fyrir þá sem koma að skákkennslu og æskulýðsstarfi skákhreyfingarinnar að koma saman.
- Efla grunnskólakennara í skákkennslu sinni; halda námskeið fyrir þá sem kenna skák.
- Rödd innan skólakerfisins er varðar skákkennslu. Ekki síst um áhrif hennar og ágæti á námsgetu barna.
 
Að erindi Stefáns loknu var kjörin stjórn sem skipa; Björn Ívar Karlsson formaður, Gunnar Finnsson og Ingibjörg Rósa Ívarsdóttir.
 
Björn Ívar kennir hjá Skákakademíu Reykjavíkur og er í kennaranámi, Gunnar er með áratugareynslu af skákkennslu og kennir nú skák í Hörðuvallaskóla og Árbæjarskóla og Ingibjörg er kennari í Lágafellsskóla og hefur kennt skák þar um árabil.
 
Að kosningu lokinni flutti Helgi Ólafsson erindi. Kom Helgi inn á margt varðandi skákkennslu; að góður skákkennari þyrfti ekki endilega að vera góður skákmaður, sagði frá mikilvægi hvata í kennslu eins og t.d. gull, silfur, bronz námsefninu, og að hægt væri að kenna skák á margan hátt og hver þyrfti að finna sína leið í því.
 
Björn Ívar Karlsson sagði frá kennsluaðferðum sínum í þeim mörgu skólum sem hann kennir í. Lagði Björn áherslu á að hann væri sjaldan með sama kennsluefnið fyrir mismunandi nemendahópa en sagðist mikið notast við tölvuforrit, fartölvu og skjávarpa í kennslustofum.
 
Umræður fundarmanna voru svo nokkuð miklar. Meðal annars kom fram.

a) Vangaveltur Lenku Ptacnikovu um að bæta við yngri aldursflokkum á mótum.
b) Sérstakt skákkennaranámskeið fyrir konur þar sem þær eru 90% grunnskólakennara. Jón Páll Haraldsson aðstoðarskólastjóri Laugalækjarskóla.
c) Mikilvægi taflfélaga til að halda börnum og unglingum inn í skákinni. Sigurlaug Regína Friðþjófsdóttir.
d) Vangaveltur um samhæft námsefni. Róbert Lagerman.
 
Skákkennarar og þeir sem koma að æskulýðsstarfi geta gerst stofnfélagar í Skákkennaraklúbbnum fram að laugardeginum 10. mars. Þann dag klukkan 13:00 fer fram Málþing um skákkennslu og skákiðkun barna í Hörpu.
 
Málþingið er haldið samhliða Reykjavíkurskákmótinu og mun meðal annarra bandaríski stórmeistarinn og skákkennarinn Maurice Ashley flytja erindi.
 
Skákkennarar eru hvattir til að gerast stofnfélagar og ekki síst þeir sem á landsbygðinni búa. Listinn yfir stofnfélaga er nú þegar skemmtilega fjölbreyttur og má þar finna unga sem aldna, konur og karla, grunnskólanemendur og grunnskólakennara fyrrverandi og núverandi, stórmeistara og stigalausa. Vantar helst fulltrúa landsbyggðarinnar en skákkennarar eru víða ekki síst á Akureyri, Eyjum og fyrir austan.

Myndaalbúm

Kristófer Jóel og Nansý komust í gegnum “nálaraugað”

Undankeppni skákdeildar Fjölnis fyrir Barna-Blitz mót Reykjavíkurskákmótsins er lokið. Alls mættu 12 keppendur til leiks, jafnt  úr Grafarvogi sem  öðrum hverfum höfuðborgarsvæðisins. Tefldar voru sex umferðir og fengust hrein úrslit fyrir tvö þátttökusæti. Kristófer Jóel Jóhannesson frá Fjölni varð í 1. sæti með 5 vininga af 6 mögulegum. Nansý Davíðsdóttir, einnig frá Fjölni varð í öðru sæti með 4,5 vinninga.

Keppnin var hnífjöfn og náðu 9 af 12 keppendum helmingsárangri eða meira. Frændsystkinin Baldur Teodor Petersson og Sóley Lind Pálsdóttir frá TG hlutu 4 vinninga, TR- ingurinn Gauti Páll fékk 3,5 vinninga og með 3 vinninga voru Fjölniskrakkarnir Svandís Rós, Kristófer Halldór, Jóhann Arnar og Hilmir Hrafnsson.

Í skákhléi var boðið upp á hagstæðar veitingar og í lokin gátu allir krakkarnir staðið stoltir upp frá skákborðunum eftir fína frammistöðu. Auk Kristófers Jóels og Nansýjar hafa þeir Vignir Vatnar og Hilmir Freyr tryggt sér þátttöku á Barna-Blitz mótinu sem fram fer dagana 8. - 10. mars.

Þriðju undanrásirnar fara fram á mánudaginn 5. mars í Hellisheimilinu og hefjast kl. 17.15.

Guðfinnur efstur í Ásgarði í dag

Það mættu þrjátíu skákvíkingar til leiks í Ásgarði í dag, sumir gráir fyrir járnum og tefldu níu umferðir eins og venja er á þriðjudögum.

Guðfinnur R Kjartansson riddari kom sá og sigraði, hann fékk 8.5 vinning, leyfði aðeins eitt jafntefli við Stefán Þormar.  Jafnir í öðru til þriðja sæti urðu Sæbjörn Larsen og Þór Valtýsson með 6.5 vinning.

• Nánari úrslit:
• 1          Guðfinnur R Kjartansson                                8.8
• 2-3       Sæbjörn Larsen                                              6.5
•             Þór Valtýsson                                                  6.5
• 4-6       Valdimar Ásmundsson                                   6
•             Páll G Jónsson                                                 6
•             Stefán Þormar                                                 6
• 7-8       Haraldur Axel                                                 5.5
•             Jón Steinþórsson                                             5.5
• 9-13     Gísli Sigurhansson                                          5
•             Einar S Einarsson                                            5
•             Hákon Sófusson                                              5
•             Leifur Eiríksson                                              5
•             Jón Víglundsson                                             5
• 14-16   Ari Stefánsson                                                            4.5
•             Þorsteinn Guðlaugsson                                   4.5
•             Birgir Ólafsson                                                4.5
• 17-22   Ásgeir Sigurðsson                                           4
•             Óli Árni Vilhjálmsson                                     4
•             Jónas Ástráðsson                                             4
•             Magnús V Pétursson                                       4
•             Friðrik Sófusson                                              4
•             Finnur Kr Finnsson                                         4
• 23-25   Eiður Á Gunnarsson                                       3.5
•             Gísli Árnason                                                  3.5
•             Viðar Arthúrsson                                            3.5
• 26-27   Halldór Skaftason                                           3
•             Hlynur Þórðarson
• 28        Bragi G Bjarnarson                                         2.5
• 29        Egill Sigurðsson                                              2
• 30        Hrafnkell Guðjónsson                                     1

Myndaalbúm (ESE)

Síðari hluti Íslandsmóts skákfélaga hefst á föstudag

Dagana 2. og 3.  mars nk. fer fram seinni hluti Íslandsmóts skákfélaga 2011-2012. Teflt verður í húsnæði Fjölbrautarskóla Suðurlands á Selfossi.  Verðlaunaafhending verður á skemmtistaðnum Hvíta Húsið og hefst kl. 23.00.

Dagskrá:

• Föstudagur 2. mars                 kl. 20.00          5. umferð
• Laugardagur 3. mars               kl. 11.00          6. umferð
• Laugardagur 3. mars               kl. 17.00          7. umferð

Heimasíða Íslandsmóts skákfélaga

Stofnun skákkennaraklúbbsins fer fram í kvöld

Stofnun skákkennaraklúbbsins fer fram í kvöld í sal Skákskóla Íslands að Faxafeni 12.
 
Á fundinum verður farið yfir mismunandi hlutverk Skákskólans, Skákakademíu Reykjavíkur og Skáksambands Íslands þegar kemur að æskulýðsmálum skákhreyfingarinnar.
 
Farið verður yfir tilganginn með stofnun Skákkennaraklúbbsins og fyrstu verkefnin.
 
Allir áhugamenn um skákiðkun barna og unglinga velkomnir.

20:30

Tímaritið Skák endurvakið í marsbyrjun

Tímaritið Skák verður endurvakið nú í marsbyrjun.  Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað verður til verka í alla staði þar sem andi gamla blaðsins svífur yfir vötnum. Gengið er út frá því að blaðið verði 90-100 bls. í fallegu broti.

Þeir sem eru tilbúnir að styðja málefnið og kaupa Tímaritið Skák árlega á aðeins 2.000 kr. eru vinsamlegast beðnir að skrá sig hér.

Allir skákáhugamenn eru hvattir til að taka þátt í þessu átaki enda blaðið ómetanleg heimild í fortíð, nútíð og framtíð.

Hilmir Freyr og Vignar Vatnar áfram í Reykjavík Barna Blitz

Fyrstu undanrásir Reykjavik Barna Blitz fóru fram á laugardagsæfingu Taflfélags Reykjavíkur á laugardaginn var.

Tefldar voru fimm umferðir og að fjórum umferðum loknum voru Hilmir Freyr Heimisson og Vignir Vatnar Stefánsson efstir og jafnir með 4 vinninga. Sömdu félagarnir stutt jafntefli og tryggðu sig þannig í úrslitin.

Næstu undanrásir fara fram á Fjölnisæfingu á morgun. Fjölnisæfingin hefst kl. 17:15 og teflt er í Rimaskóla.

Eins og í öllum undanrásunum eru tvö sæti í boði í úrslitin í Hörpu.

Atkvöld hjá Helli í kvöld

Taflfélagið Hellir heldur atkvöld mánudaginn 27. febrúar nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Æfingunni ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Skákþáttur Morgunblaðsins: Björn Þorfinnsson skákmeistari Reykjavíkur

Nokkuð er um liðið síðan Skákþingi Reykjavíkur 2012 lauk, en þar urðu efstir Guðmundur Kjartansson, Bragi Þorfinnsson, Björn Þorfinnsson og Ingvar Þ. Jóhannesson með sjö vinninga af níu mögulegum. Illa gekk að fá fram nýjan Reykjavíkurmeistara, en með því að Björn Þorfinnsson vann Guðmund Kjartansson tvívegis tryggði hann sér sigur í aukakeppninni. Þetta er vel af sér vikið hjá Birni þegar horft er til þess að fram eftir móti virtist Guðmundur ætla að stinga aðra keppendur af og hafði eftir sjö umferðir aðeins misst niður hálfan vinning, og tapaði þá fyrir Birni sem hefur reynst honum erfiður undanfarið.

Bragi og Guðmundur sátu eftir með einn vinning og sá fyrrnefndi greip til þess ráðs að gefa síðustu skákina án taflmennsku og Guðmundur er því í 2. sæti.

Aðalmót skákþingsins fór vel fram og var TR til sóma í hvívetna. Framkvæmd aukakeppninnar var hins vegar verulega morkin, svo maður noti orðalag hins nýbakaða Reykjavíkurmeistara. Dagskráin slitrótt og eyðilegt um að litast í skáksalnum, skákirnar ekki sendar beint út á netinu eins og venja er og þannig mætti áfram telja. Ingvari Þ. Jóhannessyni var meinuð þátttaka í aukakeppninni með þeim rökum að hann gæti ekki orðið Reykjavíkurmeistari. Erfitt er að fallast á þau rök; Ingvar gat teflt upp á að vinna mótið og ef setja á slíkar skorður í framtíðinni verður að takmarka þátttöku í skákþinginu við þá sem geta orðið Reykjavíkurmeistarar. Ekki gat mótsstjórnin vísað í hefðina; aukakeppni eftir Skákþing Reykjavíkur árið 1973 fór t.a.m. fram með þátttöku Kópavogsbúans Jóns Pálssonar.

Viðureignir Guðmundar og Björns í aukakeppninni einkenndust af mikilli spennu og tímahraki. Úrslitin hefðu hæglega getað orðið önnur en stríðsgæfan var með Birni:

Aukakeppnin 5. umferð:

Guðmundur Kjartansson - Björn þorfinnsson

Slavnesk vörn

1. c4 c6 2. Rc3 d5 3. d4 Rf6 4. Rf3 a6

Chebanenko-afbrigðið sem notið hefur mikilla vinsælda undanfarin ár.

5. e3 b5 6. b3 Bg4 7. h3 Bxf3 8. Dxf3 e5 9. dxe5 Bb4 10. Bd2 Re4

Önnur vinsæl leið er 10. ... Bxc3 11. Bxc3 Re4 12. Bb4 bxc4 með flókinni stöðu.

11. Rxe4 dxe4 12. Dd1 Bxd2+ 13. Dxd2 Dxd2+ 14. Kxd2 Rd7 15. f4?

15. Kc3 var betra.

15. ... exf3 16. gxf3 Rxe5 17. f4 0-0-0+ 18. Kc3 Rf3!

Guðmundi virðist hafa sést yfir þennan öfluga leik. Hann á nú erfitt með að valda e3-peðið t.d. 19. Be2 Hhe8! o.s.frv.

19. a4 Hhe8 20. cxb5 a5?

20. ... Hxe3+! var öflugara en Björn vildi hindra að kóngurinn kæmist til b4.

21. Bc4 Hxe3+ 22. Kb2 Hd2+ 23. Ka3 Rd4 24. Had1!

Riddarinn á d4 grípur í tómt.

24. ... Hxd1 25. Hxd1 c5 26. Bxf7 Kc7 27. h4 Hh3 28. Hg1 g6 29. Hg5 Hxh4 30. Hxc5+ Kb6 31. Hd5 Hxf4 32. Bg8 h5 33. Hd6+ Kc5 34. Hd5+ Kb6 35. Hd6+ Kc5 36. Hd5+ Kb6

Sama staðan hefur nú komið upp þrisvar en hvorugur vildi neitt með jafntefli gera.

37. Hd6+ Kc5 38. Ha6 g5 39. Hg6 g4 40. b6 Rc2+ 41. Kb2 Rb4 42.b7 Hf2+ 43. Kb1 Hf8 44. Be6 Kd4 45. Bf7 Kc3 46. Bc4 Hb8 47. Hg7 He8 48. Be6?

Í miklu tímahraki missir Guðmundur af besta leiknum, 48. Be2! á að halda jafntefli því að biskupinn valdar þá a6-reitinn.

48. .. Ra6! 49. Hg6 He7 50. Hh6 Hxb7 51. Hxh5 He7 52. Hg5 Hxe6 53. Ka2 He1

- og Guðmundur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 19. febrúar 2012.

Skákþættir Morgunblaðsins

Héðinn og Henrik unnu í dag í þýsku deildakeppninni - Héðinn vann Fridman

Héðinn Steingrímsson (2562) og Henrik Danielsen (2536) unnu báðir í dag í þýsku deildakeppninni.  Héðinn vann þýska landsliðsmanninn Daniel Fridman (2652), sem var meðal Evrópumeistara Þjóðverja á EM landsliða í mikilli maraþonskák.  Mikilvægur sigur því með honum tryggði Héðinn Hansa Dortmund dýrmætt jafntefli í botnbaráttu efstu deildarinnar.  Henrik, sem teflir neðri deild, vann Þjóðverjann Matthias Budzyn (2151).

Keppninni verður framhaldið 17. og 18. mars. 

• Heimasíða þýsku deildakeppninnar
• Beinar útsendingar

 

[Event "Schachbundesliga 2011/2012"] [Date "2012.02.26"] [Round "11.1"] [Board "1"] [White "Steingrimsson, Hedinn"] [Black "Fridman, Daniel"] [Result "1-0"] [WhiteClock "00:11:46"] [BlackClock "00:03:43"] [WhiteElo "2562"] [BlackElo "2652"] [WhiteClub "SC Hansa Dortmund"] [BlackClub "SV Mülheim-Nord"] [PlyCount "185"] 1. e4 e6 2. d4 d5 3. Nc3 dxe4 4. Nxe4 Nd7 5. Nf3 Ngf6 6. Bd3 Nxe4 7. Bxe4 Nf6 8. Bg5 Be7 9. Bd3 c5 10. dxc5 Qa5+ 11. c3 Qxc5 12. Qe2 Bd7 13. Ne5 Bd6 14. Bf4 O-O-O 15. O-O Be8 16. Rfe1 Nd5 17. Bg3 g5 18. a3 Nf4 19. Bxf4 gxf4 20. Nc4 Bb8 21. b4 Qc7 22. Na5 Bc6 23. Nxc6 Qxc6 24. Be4 Qc7 25. Bf3 Rd7 26. c4 Rg8 27. c5 Kd8 28. Rad1 Rxd1 29. Rxd1+ Ke7 30. Qe4 f5 31. Qc4 Rg6 32. Re1 e5 33. Qxf4 e4 34. Qh4+ Kf8 35. Bh5 Rh6 36. g3 Qe7 37. Qxe7+ Kxe7 38. Be2 Rg6 39. Kf1 Rh6 40. Kg2 Rg6 41. f3 Re6 42. f4 Rg6 43. Kf2 b6 44. Rd1 bxc5 45. bxc5 Rc6 46. Rd5 a5 47. Rxf5 Rxc5 48. Rxc5 Ba7 49. a4 Bxc5+ 50. Kg2 h6 51. Ba6 Ke6 52. Bb7 Kf5 53. Bd5 Bd4 54. Bg8 Kg6 55. Kh3 Bg1 56. Bd5 Kf5 57. Bc6 Bc5 58. Bd7+ Kf6 59. Kg4 Bg1 60. Kh3 Be3 61. Bc8 Kg6 62. Kg4 Bg1 63. Kh3 Be3 64. Be6 Kf6 65. Bg4 Bc5 66. Bd7 Be3 67. Kg4 Bg1 68. h3 Bf2 69. Bc6 Be1 70. Bxe4 Kg7 71. Kf3 Kf7 72. Bc2 Ke7 73. Bb3 Bb4 74. g4 Bd2 75. Bc4 Kf6 76. h4 Be1 77. g5+ Kg6 78. Kg4 h5+ 79. Kf3 Bxh4 80. Bb5 Kf7 81. Ke4 Be1 82. Kf5 Bd2 83. Be2 h4 84. Bf1 Be1 85. Bh3 Bg3 86. Kg4 Ke6 87. f5+ Ke5 88. f6 Be1 89. Kh5 Bf2 90. Kh6 Bc5 91. Kg7 Kf4 92. g6 Kg5 93. Kf7 1-0