Dagur enn með jafntefli við stórmeistara

Dagur Arngrímsson (2375) gerði í dag jafntefli við úkraínska stórmeistarann Vadim Shishkin (2507) og hefur nú tekið 2½ vinning í 4 skákum gegn stórmeisturum.   Jón Árni Halldórsson (2171) og Sigurður Ingason (1923) unnu í dag, Jón Viktor Gunnarsson (2454), Róbert Lagerman (2358) gerðu jafntefli en Snorri G. Bergsson (2348) tapaði.

Dagur og Jón Viktor hafa 5 vinninga og eru í  15.-34. sæti, Jón Árni hefur 4½ vinning, Róbert hefur 4 vinninga, Snorri hefur 3½ vinning og Sigurður 2½ vinning.

Efstir með 6 vinninga eru rúmenski alþjóðlegi meistarinn Gergely-Andras-Gyula Szabo (2535) og pólski stórmeistarinn Marcin Dziuba (2573).

Í áttundu og næstsíðustu umferð, sem fram fer á morgun, teflir Dagur við makedónska stórmeistarann Milan Drasko (2527) og Jón Viktor við serbneska alþjóðlega meistarann Milos T Popovic (2402).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Eru Lewis taflmennirnir íslensk listasmíð?

Guðmundur G. Þórarinsson, verkfræðingur, fv. forseti SÍ,  ritaði afar athyglisverða og  gagnmerka grein, í raun sagnfræðilega ritgerð,  í Sunnudagsblað Moggans 22. nóv. sl., þar sem hann setur fram þá kenningu/tilgátu og færir fram mjög sterk rök fyrir því að hinir frægu Lewis taflmenn, djásn British Museum í London, séu í rauninni íslensk listasmíð.

Þessir fornu taflmenn, fundust árið 1831, grafnir í sandbakka á eyjunni Lewis (Ljóðhúsum), í Suðureyjaklasanum , norðvestur af Skotlandi, sem er á siglingaleiðinni milli Ísland og Noregs

Um er að ræða elstu taflmenn sinnar gerðar með nútímasniði sem fundist hafa í veröldinni.  Þeir eru 78 að tölu, úr 8 eða fleiri skáksettum.  Taflmennirnir eru skornir út og tálgaðir úr rostungstönnum, mögulega af Margréti (Möggu) hinni högu, í Skálholti á síðari hluta 12. aldar.

Mikið má lesa um þessa leyndardómsfullu taflmenn og dýrgripi með því að gúgla á Netinu. Grein GGÞ er birt í heild sinni á slóðinni  www.galleryskak.net

 Kannski er hér ný milliríkjadeila "Taflmennina heim" við Breta í uppsiglingu.

Grein Guðmundar í heild sinni

Pálmi hraðskákmeistari Garðabæjar

Pálmi Ragnar Pétursson vann hraðskákmót Garðabæjar með hálfum vinning eftir harða keppni við Fide meistarann Tómas Björnsson.   Siguringi Sigurjónsson endaði svo í 3 sæti.

Alls tóku 17 keppendur þátt sem er ágætt og voru tefldar 9. umferðir.

Þess má geta að Ingi Tandri Traustason vann fyrir einvígisskákina gegn Páli Sigurðssyni um skákmeistaratitiil Hafnarfjarðar, síðari skákin fer fram í kvöld.

 

Lokastaðan: 

 

 

Rank		Name	Rtg	Club	Pts
1		Palmi Ragnar Petursson	2105	Mátar	8
2	FM	Tomas Bjornsson	2160	Víkingaklúbburinn	7½
3		Siguringi Sigurjonsson	1855	KR	6½
4		Bjorn Jonsson	2015	TG	6
5		Pall Sigurdsson	1885	TG	5
6		Orn Leo Johannsson	1570	TR	5
7		Pall Andrason	1590	TR	5
8		Gudmundur Kristinn Lee	1465	Hellir	5
9		Stefan Bergsson	2045	SA	5
10		Jon Ulfljotsson	1695	Víkingaklúbburinn	5
11		Birkir Karl Sigurdsson	1365	TR	4½
12		Hlynur Gestsson	0		4½
13		Jon Birgir Einarsson	1775	Vinjar	4
14		Robert Leo Jonsson	0	Hellir	3
15		Magnus Aronsson	0		3
16		Kristjana Osk Kristinsdottir	0	TG	2
17		Soley Lind Palsdottir	0	TG	2

Atskákmót Reykjavíkur og Hellis fer fram í kvöld

Atskákmót Reykjavíkur sem jafnframt er atskákmót Hellis fer fram mánudaginn 30. nóvember.  Mótið fer fram í félagsheimili Hellis, Álfabakka 14a í Mjódd. Tefldar verða 6 umferðir með Monrad-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur og atskákmeistari Hellis er Davíð Ólafsson.

Verðlaun:

• 1. 10.000
• 2. 5.000 
• 3. 3.000

 Þátttökugjöld:

• 16 ára og eldri: 800 kr
• 15 ára og yngri: 400 kr.

Skákþáttur Morgunblaðsins: Carlsen heimsmeistari í hraðskák og stigahæstur

NORSKA undrið Magnús Carlsson sem verður 19 ára gamall á mánudaginn sló tvær flugur í einu höggi á minningarmótinu um Mikhael Tal sem lauk í Moskvu í síðustu viku.

NORSKA undrið Magnús Carlsson sem verður 19 ára gamall á mánudaginn sló tvær flugur í einu höggi á minningarmótinu um Mikhael Tal sem lauk í Moskvu í síðustu viku. Í fyrsta lagi komst hann upp fyrir Búlgarann Topalov í efsta sætið á stigalista FIDE og í öðru lagi sigraði hann með glæsibrag á heimsmeistaramótinu í hraðskák sem á eftir fylgdi.

Þegar aðeins tvær umferðir af aðalmótinu voru eftir hafði Magnús gert jafntefli í öllum skákum sínum en á lokasprettinum reif hann sig upp og lagði Ponomariov og síðan Peter Leko. Samkvæmt óbirtum stigalista FIDE munar þó ekki miklu á efstu mönnum: 1. Magnús Carlsen 2.805,7 2. Venselin Topalov 2.805,1

Hvað varðar efsta sætið á minningarmótinu kom endasprettur Magnúsar of seint; Vladimir Kramnik, sem eins og Magnús átti við veikindi að stríða á meðan á mótinu stóð, hafði þá unnið þrjár skákir og stóð að lokum einn uppi sem sigurvegari. Í mótslok lét hann þess getið að hann væri staðráðinn í að endurheimta heimsmeistaratitilinn.

Lokaniðurstaðan varð þessi:

1. Vladimir Kramnik 6 v. 2.-3. Magnús Carlsen og Vasilí Ivantstjúk 5½ v. 4.-5. Levon Aronjan og Wisvanthan Anand 5 v. 6. Boris Gelfand 4½ v. 7. Ruslan Ponomariov 4 v. 8. Peter Svidler 3½ v. 9.-10. Peter Leko og Alexander Morozevich 3 v.

Sigurskák Magnúsar við Ponomariov fylgir hér á eftir. Í ensku árásinni kemur nýr „snúningur" í 11. leik, De1 og eins og svo oft áður snýst taflið um það hvort svartur nái að koma skipulagi á liðsafla sinn. Oft þarf ekki nema einn ónákvæman leik og 16. ...Dc5 virðist ekki svara kröfum stöðunnar. Magnús gerir sig reiðubúinn til að fórna á e6 með 17. Db3! og fyrsta sprengjan fellur í 19. leik. Það er svo 29. leikur hvíts sem endanlega gerir út um taflið. Gott dæmi um alhliða stíl Norðmannsins sem nýtur sín ekki síður í rólegri stöðubaráttu:

Magnús Carlsen - Ruslan Ponomariov

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be3 e6 7. f3 b5 8. Dd2 Rbd7 9. g4 h6 10. 0-0-0 Re5 11. De1 Dc7 12. h4 b4 13. Rce2 Rc4 14. Rf4 Rxe3 15. Dxe3 Db6 16. Bc4 Dc5 17. Db3 d5 18. exd5 Bd6 19. Rfxe6 fxe6 20. dxe6 Be7 21. Dd3 0-0 22. Bb3 Hd8 23. g5 Rh7 24. gxh6 Dh5 25. De4 Dxh6+ 26. Kb1 Ha7 27. Rf5 Hxd1+ 28. Hxd1 Df6

29. Hd7 Bxd7 30. exd7+ Kf8 31. Dd5

- og svartur gafst upp.

Heimsmeistaramótið í hraðskák sem fram fór strax á eftir dró til sín 22 skákmenn sem tefldu tvöfalda umferð. Mótið stóð í tvo daga. Framan af var Anand í fararbroddi en Magnús seig fram úr á lokasprettinum og vann glæsilegan sigur hlaut 31 vinning af 42 mögulegum sem er nálega 75% vinningshlutfall. Hann var með 10 vinninga af 10 mögulegum á þá fimm skákmenn sem komu næstir á töflunni:

1. Magnús Carlsen 31 v. (af 42) 2. Anand 28 v. 3. Karjakin 25 v. 4. Kramnik 24½ v. 5. Grichukm 24 v. 6.-7. Svidler og Ponomariov 23½ v.

Tímafyrirkomulagið var 3 2 eða þrjár mínútur á alla skákina og síðan tvær sekúndur til viðbótar á hvern leik. Þetta er sennilega of stíft því alltof mörgum skákum lauk með því að annar féll allt í einu á tíma í óljósri stöðu. Greinarhöfundur renndi yfir flestar skákir sigurvegarans en hægt var að fylgjast með mótinu í beinni útsendingu á ýmsum vefsíðum. Óhætt er að fullyrða að handbragðið hafi verið gott. En hjá honum og öðrum sem þátt tóku vantar dálítið upp á þá töfra sem einkenndu Tal. Að lokum:

Í síðasta pistli var sú ágæta kona Guðrún sögð Jónsdóttir en er Sigurjónsdóttir og er beðist velvirðingar á því.

Helgi Ólafsson [e-mail]

Jón Viktor og Dagur með jafntefli við stigaháa stórmeistara

Jón Viktor Gunnarsson (2454) og Dagur Arngrímsson (2375) gerðu jafntefli við stigahæstu keppendur Belgrade Tropy sem fram fór í dag.  Jón við  Mihajlo Stojanovic (2585) og Dagur við Vladimir Malanuik (2575).   Þeir hafa 4,5 vinning, eru í 11.-28. sæti, hálfum vinningi á eftir efstu mönnum.  Snorri G. Bergsson (2348) og Jón Árni Halldórsson (2171) unnu, Sigurður Ingason (1923) gerði jafntefli en Róbert Lagerman (2358) tapaði fyrir spænskum stórmeistara.

Dagur og Jón Viktor hafa 4,5 vinning, Róbert, Jón Árni og Snorri hafa 3,5 vinning og Sigurður hefur 1,5 vinning.

Í sjöundu umferð, sem fram fer á morgun, teflir Dagur við fjórða stórmeistarann í jafn mörgum umferðum, að þessu sinni úkraínska stórmeistarann Vadim Shiskin (2507). Jón Viktor teflir við Serbann Lazar Nestorovic (2295).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Heimsbikarmótið: Wesley So sigraði Kamsky

Hinn 16 ára ungi filippseyski stórmeistari Wesley So (2640) heldur áfram að stela athyglinni á Heimsbikarmótinu í skák.  Í 3. umferð (32 manna úrslitum) sló hann bandaríska stórmeistarann Gata Kamsky (2695) en fyrr á mótinu hafði hann lagt sjálfan Ivanchuk (2739) að velli.

Fjórða umferð (16 manna úrslit) hefst á morgun.

Úrslit 3. umferðar:

 

Name	NAT	Tot
Round 3 Match 01
Gelfand, Boris	ISR	3,5
Polgar, Judit	HUN	1,5
Round 3 Match 02
Li, Chao b	CHN	1,5
Gashimov, Vugar	AZE	3,5
Round 3 Match 03
Svidler, Peter	RUS	5
Naiditsch, Arkadij	GER	3
Round 3 Match 04
Bologan, Viktor	MDA	1,5
Laznicka, Viktor	CZE	3,5
Round 3 Match 05
Sakaev, Konstantin	RUS	0,5
Vitiugov, Nikita	RUS	1,5
Round 3 Match 06
Kamsky, Gata	USA	0,5
So, Wesley	PHI	1,5
Round 3 Match 07
Ponomariov, Ruslan	UKR	1,5
Motylev, Alexander	RUS	0,5
Round 3 Match 08
Jobava, Baadur	GEO	3
Grischuk, Alexander	RUS	5
Round 3 Match 09
Jakovenko, Dmitry	RUS	4
Areshchenko, Alexander	UKR	2
Round 3 Match 10
Bacrot, Etienne	FRA	3,5
Wang, Yue	CHN	1,5
Round 3 Match 11
Eljanov, Pavel	UKR	1
Malakhov, Vladimir	RUS	4
Round 3 Match 12
Navara, David	CZE	1
Karjakin, Sergey	UKR	4
Round 3 Match 13
Mamedyarov, Shakhriyar	AZE	1,5
Wang, Hao	CHN	0,5
Round 3 Match 14
Tomashevsky, Evgeny	RUS	0,5
Shirov, Alexei	ESP	1,5
Round 3 Match 15
Caruana, Fabiano	ITA	3,5
Alekseev, Evgeny	RUS	2,5
Round 3 Match 16
Vachier-Lagrave, Maxime	FRA	1,5
Yu, Yangyi	CHN	0,5

• Heimasíða mótsins
• Chessdom (skákirnar beint)

Friðrik í Marienbad

Friðrik Ólafsson er þessa dagana staddur í Marienbad í Tékklandi.  Um er að ræða sama mót og Friðrik tók í fyrra þar sem gamlir meistarar mæta skákkonum.  Að þessu sinni teflir Friðrik ekki heldur er liðsstjóri gömlu meistaranna og hefur m.a. teflt fjöltefli við heimamenn.   Í liði þeirra tefla Korchnoi, Timman, Hubner og Hort en fyrir konurnar tefla Humpy Koneru, Anna Muzychuk, Katerina Lahno og Jana Jackova.

Konurnar sigruðu í fyrstu umferð 2,5-1,5.

Heimasíða mótsins

 

Hraðskákmót Garðabæjar fer fram í dag

Hraðskákmót Garðabæjar verður haldið sunnudaginn 29. nóv og kl. 19.30 í Garðabergi. Börn og unglingar 17. ára og yngri í TG fá frítt en aðrir borga 500 kr. (Þátttakendur í skákþingi Garðabæjar og Hafnarfjarðar fá frítt í mótið)

Tefldar eru 5. mínútna hraðskákir amk. 9 umferðir eftir þátttöku.

Fyrstu verðlaun eru kr. 5000 auk gripa

í lok móts verður verðlaunaafhending fyrir Skákþing Garðabæjar sem lauk í síðustu viku.

Taflfélag Reykjavíkur Íslandsmeistari unglingasveita

Íslandsmót unglingasveita var fjölmennt í ár eða alls 70 krakkar.  Taflfélag Garðabæjar sá um mótshaldið eins og áður en þetta var í 7. skipti sem mótið var haldið. Nýir meistarar eru Taflfélag Reykjavíkur en þetta er í annað sinn sem þeir vinna mótið. Útlit var fyrir að þeir myndu vinna mótið auðveldlega en þegar Fjölnir vann SA 4-0 í 5. umferð varð mótið allt í einu æsispennandi, því aðeins munaði hálfum vinning en bæði lið hreinsuðu rest og því sigraði TR eins og áður sagði.


Lokastaðan:

 

Rank	Team	Gam.	+	=	-	Pts.	MP
1	TR A	7	6	1	0	24	13
2	Fjölnir A	7	6	1	0	23½	13
3	Hellir A	7	4	1	2	19½	9
4	SA A	7	4	1	2	19	9
5	Hellir B	7	4	0	3	15	8
6	Haukar A	7	3	1	3	14½	7
7	Fjölnir B	7	3	2	2	13½	8
8	TR D	7	3	1	3	13½	7
9	TG A	7	3	0	4	13	6
10	SA B	7	3	1	3	12	7
11	TR B	7	3	1	3	12	7
12	Hellir D	7	3	0	4	12	6
13	Hellir C	7	3	0	4	12	6
14	Fjölnir C	7	2	0	5	11½	4
15	TR C	7	1	0	6	7	2
16	HTG	7	0	0	7	2	0

Lið TR A
Friðrik Þjálfi Stefánsson
Páll Andrason
Örn Leó Jóhannsson
Birkir Karl Sigurðsson

Lið Fjölnis A
Dagur Andri Friðgeirsson
Hrund Hauksdóttir
Jón Trausti Harðarson
Oliver Aron Jóhannesson
Dagur Ragnarsson

Lið Hellis A.
Guðmundur Kristinn Lee
Emil Sigurðarson
Dagur Kjartansson
Brynjar Steingrímsson

Besti árangur á borðum.

1. borð.
Brynjar Ísak Arnarsson TG, Mikael Jóhann Karlsson SA og Dagur Andri Friðgeirsson Fjölni 6 af 7.
2. borð.
Emil Sigurðarson Helli 6,5 af 7.
3. borð.
Dagur Kjartansson Helli, Jón Trausti Harðarson Fjölni og Örn Leó Jóhannsson TR 6 v af 7.
4. borð.
Birkir Karl Sigurðsson TR 7 af 7!

Einnig hlaut Oliver Aron Jóhannesson 7 vinninga af 7 mögulegum en hann tefldi til skiptis á þriðja og fjórða borði hjá Fjölni og má segja að hann hafi aðstoðað Jón Trausta allverulega, en missti sjálfur af verðlaunum.

Besta B liðið - Hellir B 15 v.
Jóhann Bernhard Jóhannsson, Róbert Leó Jónsson, Þröstur Smári Kristjánsson og Dawid Kolka

Besta C liðið - Hellir C 12 v.
Franco Soto, Jóhannes Guðmundsson, Elías Lúðvíksson, Sigurður Kjartansson og Heimir Páll Ragnarsson

Besta D liðið - TR D 13,5 v.
Þórður Valtýr Björnsson, Smári Arnarsson, Rafnar Friðriksson og Jakob Alexander Petersen

Myndaalbúm mótsins (fleiri myndir væntanlegar - auglýst er einnig eftir fleiri myndum!)