Jón Viktor, Róbert og Snorri unnu í fimmtu umferð - Dagur með jafntefli gegn stórmeistara

Jón Viktor Gunnarsson (2454), Róbert Lagerman (2358) og Snorri G. Bergsson (2348) sigruðu allir í fimmtu umferð Belgrade Trophy sem fram fór í dag.  Dagur Arngrímsson (2375) gerði jafntefli við  serbneska stórmeistarann Aleksa Strikovic (2519).    Dagur og Jón Viktor eru í 5.-25. sæti með 4 vinninga.

Róbert hefur 3,5 vinning, Jón Árni Halldórsson (2171) og Snorri hafa 2,5 vinning og Sigurður Ingason (1923) hefur 1 vinning. 

Í sjöttu umferð, sem fram fer á morgun, teflir Jón Viktor við stigahæsta keppenda mótsins, serbneska stórmeistarann Mihajlo Stojanovic (2585) og Dagur við næststigahæsta keppendann, úkraínska stórmeistarann Vladimir Malanuik (2575). 

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Stelpur tefla líka!

Mjög góð umfjöllun var um kvennaskák í Íslandi í dag í gær.  Þar var m.a. viðtal við Eddu Sveinsdóttir, skákmömmu og stjórnarmann í SÍ og Helli, Guðný Erlu Hannesdóttur, í skákfélaginu ÓSK og Hallgerði Helgu Þorsteinsdóttur skákdrottningu.

Innslagið í held sinni má finna á Vísi.

Sex ára skákmaður teflir fjöltefli

Vignir Vatnar er 6 ára nemandi í Myllubakkaskóla í Reykjanesbæ og upprennandi skákmeistari. Í gær tefldi hann fjöltefli við eldri bekkinga skólans og vann sex skákir af sjö.

Ef svo fer fram sem horfir á hann eflaust  eftir að skipa sér framarlega í röð stórmeistaranna. Hann lærði mannganginn aðeins fjögurra ára og byrjaði að tefla fyrir alvöru í febrúar á þessu ári.
Vignir teflir með skákfélögunum á Reykjavíkursvæðinu. Sökum ungs aldurs teflir hann í unglingaflokki á móti mun eldri krökkum og hefur í fullu tré við þá.

Vigni er skákmennskan reyndar í blóð borin því faðir hans og móðurbróðir hafa verið mikilvirkir skákmenn.

Fjölteflið var líka ágætis undirbúningur fyrir skákmót sem Vignir tekur þátt í um helgina.

Sjá nánar frétt Víkurfrétta

Íslandsmót unglingasveita fer fram í dag

Í dag fer fram Íslandsmót Barna og Unglingasveita í Garðalundi (Garðaskóla) í Garðabæ.  Þangað mæta um 15-20 fjögurra manna sveitir eða um 60-80 keppendur á aldrinum 6 til 15 ára. Þar á meðal flestir bestu skákmenn landsins á grunnskólaaldri.

Liðin sem nú eru skráð eru 4-5 lið frá Taflfélaginu Helli í Mjódd, 1-2 Lið frá Skákdeild Hauka, 3-4 lið frá Taflfélagi Reykjavíkur, 3-4 lið frá Fjölni, 2 lið frá Skákfélagi Akureyrar og 1-2 lið frá Taflfélagi Garðabæjar. Eyjamenn eru að hugsa sinn gang.

Dagur sigraði stórmeistara í fjórðu umferð

Dagur Arngrímsson (2375) sigraði makedónska stórmeistarann Nikola Djukic (2524) í fjórðu umferð Belgrad Trophy sem fram fór í gærkvöldi.   Snorri G. Bergsson (2348) vann einnig,   Jón Viktor Gunnarsson (2454) og Jón Árni Halldórsson (2171) gerðu jafntefli en hinir íslensku keppendurnir töpuðu.  

Dagur hefur 3,5 vinning og er í 3.-19. sæti, Jón Viktor hefur 3 vinninga, Róbert Lagerman (2358) og Jón Árni hafa 2,5 vinning,  Snorri hefur 1,5 vinning og Sigurður Ingason (1923) hefur 1 vinning.

Í sjöttu umferð, sem fram fer í dag, teflir Dagur við serbneska stórmeistarann Aleksa Strikovic (2519).   

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Hrannar sigraði í lokaumferðinni

Hrannar Baldursson (2110) sigraði Jathavan Suntharalingam (1944) í sjöundu og síðustu umferð meistaramóts Osló-skákklúbbsins sem fram fór í gær.  Hrannar hlaut 3 vinninga og hafnaði í 9.-10. sæti

Sigurvegari mótsins varð Nicolai Getz (2170) en hann hlaut 5½ vinning.  

Alls tóku 14 skákmenn þátt í a-flokki og þar á meðal stórmeistararnir Leif Erlend Johannessen (2532) og Leif Ögaard (2417).  Hrannar var áttundi stigahæstur keppenda.

• Heimasíða mótsins
  
• TurneringsService

ChessBase kvöld TR, Hellis og TB fer fram í kvöld

Chessbase kvöld, opið fyrir alla 18 ára og eldri, verður haldið í Skákhöllinni Faxafeni föstudagskvöldið 27.nóvember kl 20:30.  Að kvöldinu standa Taflfélag Reykjavíkur, Hellir og Taflfélag Bolungarvíkur. Kvöldið verður opnað með fyrirlestri um ChessBase. Fyrirlesarar verða Björn Þorfinnsson, Davíð Ólafsson og Sigurbjörn Björnsson.   Að honum loknum verður boðið upp á pizzu. Þegar menn hafa lokið við pizzuna er ætlunin að gestir beri saman bækur sínar og ræði hvernig best er að notfæra sér þetta mikilvæga tól í nútíma skákiðkun. Kvöldinu lýkur svo með léttri taflmennsku.

Eins og fyrr segir þá verður boðið upp á pizzuna og gosdrykki með henni. Aðrar veitingar koma menn með sjálfir. Tilvalið er að hafa með sér sína eigin ferðavél á svæðið og fá aðstoð frá sérfræðingunum við innsetningu og notkun forritsins.

Skák í Garðabæ um helgina - Íslandsmót barna og unglingasveita og Hraðskákmót Garðabæjar

Hraðskákmót Garðabæjar verður haldið sunnudaginn 29. nóv og kl. 19.30 í Garðabergi. Börn og unglingar 17. ára og yngri í TG fá frítt en aðrir borga 500 kr. (Þátttakendur í skákþingi Garðabæjar og Hafnarfjarðar fá frítt í mótið)

Tefldar eru 5. mínútna hraðskákir amk. 9 umferðir eftir þátttöku.

Fyrstu verðlaun eru kr. 5000 auk gripa

í lok móts verður verðlaunaafhending fyrir Skákþing Garðabæjar sem lauk í síðustu viku.

Á laugardag hinsvegar frá kl. 13 til ca. 15 fer fram Íslandsmót Barna og Unglingasveita í Garðalundi (Garðaskóla) þangað mæta uþb. 15-20 4. manna eða uþb. 60-80 keppendur. á aldrinum 6 til 15 ára. Þar á meðal flestir bestu skákmenn landsins á grunnskólaaldri.

Liðin sem nú eru skráð eru 4-5 lið frá Taflfélaginu Helli í Mjódd, 1-2 Lið frá Skákdeild Hauka, 3-4 lið frá Taflfélagi Reykjavíkur, 3-4 lið frá Fjölni, 2 lið frá Skákfélagi Akureyrar og 1-2 lið frá Taflfélagi Garðabæjar. Eyjamenn eru að hugsa sinn gang.

Sverrir Unnarsson sigraði á fimmtudagsmóti í TR

Ellefta fimmtudagsmót vetrarins fór fram í TR í gær. Eins og jafnan voru tefldar sjö umferðir með sjö mínútna umhugsunartíma.  Sverrir Unnarsson hafði sigur með sigri í síðustu umferð og skaust þar með upp fyrir Helga Brynjarsson sem hafði leitt mótið lengst af í býsna jafnri og spennandi baráttu. Þeim Kristjáni Erni Elíassyni og Páli Sigurðssyni er þökkuð kærlega tæknileg aðstoð.

Lokastaðan:

  1   Sverrir Unnarsson                        6       

  2   Helgi Brynjarsson                         5.5     

  3   Friðrik Þjálfi Stefánsson                5       

 4-7  Örn Stefánsson                           4.5     

      Sverrir Sigurðsson                        4.5     

      Jón Úlfjótsson                               4.5     

      Halldór Pálsson                            4.5     

  8   Páll Snædal Andrason                 4       

9-12  Emil Sigurðarson                       3.5     

      Örn Leó Jóhannsson                    3.5     

      Jan Valdman                                3.5     

      Jóhann Bernhard                          3.5     

13-15 Birkir Karl Sigurðsson               3       

      Róbert Leó Jónsson                      3       

      Kristinn Andri Kristinsson              3        

 16   Björgvin Kristbergsson                2.5     

17-19 Bjarni Magnús Erlendsson        2       

      Pétur Jóhannesson                       2       

      Friðrik Daði Smárason                  2       

 20   Guðjón Þór Lárusson                  0       

Gott gengi í 3. umferð í Belgrad

Vel gekk í þriðju umferð Belgrade Trophy sem fram fór í dag í Obrenovac í Serbíu.  Alls komu 5,5 vinningur í hús í sex skákum.  Róbert Lagerman (2358), Dagur Arngrímsson (2375) og Jón Viktor Gunnarsson (2454) eru allir í 8.-44. sæti með 2,5 vinning.   

Jón Árni Halldórsson (2171) hefur 2 vinninga, Sigurður Ingason (1953) 1 vinning og Snorri G. Bergsson (2348) 0,5 vinning.

Í 4. umferð, sem fram fer á morgun tefla bæði Róbert og Dagur við stórmeistara.  

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results