Henrik og Hilmir unnu í sjöttu umferð - Henrik mætir Timman á morgun

Stórmeistarinn Henrik Danielsen (2510) og Hilmir Freyr Heimisson (1690) unnu báðir sínar skákir í sjöttu umferð Politiken Cup sem fram fór í Helsingör í dag. Henrik vann Dinara Saduakassova (2340) frá Kasakstan en Hilmir Freyr vann andstæðing með (1919) skákstig. Henrik hefur 5 vinninga og er í 4.-18. en Hilmir hefur 3 vinning en hefur teflt allt mótið töluvert upp fyrir sig.

Búlgarski stórmeistarinn Ivan Cheparinov (2678) er efstur með fullt hús.

Í sjöundu umferð, sem fram fer á morgun, teflir Henrik við hollensku goðsögnina Jan Timman (2584) en Hilmir við andstæðing með 2000 skákstig. 

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)

Ný alþjóðleg skákstig

Ný alþjóðleg skákstig eru komin út, dagsett 1. ágúst. Jóhann Hjartarson (2583) er stigahæsti skákmaður landsins, Heimir Páll Ragnarsson (49) hækkar mest frá júlí-listanum og Magnus Carlsen er stigahæsti skákmaður heims.

Topp 20

Jóhann Hjartarson (2583) er sem fyrr stigahæsti skákmaður landsins. Í næstum sætum eru Héðinn Steingrímsson (2549) og Helgi Ólafsson (2544).

 

No.	Name	Tit	aug13	Gms	Ch.
1	Hjartarson, Johann	GM	2583	0	0
2	Steingrimsson, Hedinn	GM	2549	10	-8
3	Olafsson, Helgi	GM	2544	0	0
4	Petursson, Margeir	GM	2532	0	0
5	Stefansson, Hannes	GM	2526	9	4
6	Gretarsson, Hjorvar Steinn	IM	2505	18	-6
7	Arnason, Jon L	GM	2502	0	0
8	Danielsen, Henrik	GM	2500	9	-10
9	Thorfinnsson, Bragi	IM	2493	0	0
10	Kristjansson, Stefan	GM	2491	0	0
11	Thorsteins, Karl	IM	2463	0	0
12	Gretarsson, Helgi Ass	GM	2460	0	0
13	Thorhallsson, Throstur	GM	2449	0	0
14	Gunnarsson, Arnar	IM	2441	0	0
15	Kjartansson, Gudmundur	IM	2434	19	-10
16	Gunnarsson, Jon Viktor	IM	2409	0	0
17	Olafsson, Fridrik	GM	2407	0	0
18	Thorfinnsson, Bjorn	IM	2403	0	0
19	Bjornsson, Sigurbjorn	FM	2395	0	0
20	Ulfarsson, Magnus Orn	FM	2389	0	0

Heildarlistann má finna í PDF-viðhengi.

Nýliðar

Enginn nýliði er á listanum að þessu sinni.

Mestu hækkanir

Heimir Páll Ragnarsson (49) hækkar mest frá júlí-listanum. Í næstum sætum eru Mikael Jóhann Karlsson (39) og Jakob Sævar Sigurðsson (38).

Keppendur frá Czech Open setja svip sitt á hækkunarlistann en 6 af 8 af þeim sem hækka 20+ tóku þar þátt.

 

No.	Name	Tit	aug13	Gms	Ch.
1	Ragnarsson, Heimir Pall		1455	9	49
2	Karlsson, Mikael Johann		2068	9	39
3	Sigurdsson, Jakob Saevar		1805	9	38
4	Eiriksson, Sigurdur		1940	9	31
5	Hardarson, Jon Trausti		1930	9	31
6	Steinthorsson, Felix		1513	8	25
7	Sverrisson, Nokkvi		2064	9	23
8	Ragnarsson, Dagur		2040	9	20

Stigahæstu ungmenni landsins (U20)

Hjörvar Steinn Grétarsson (2505) er langstigahæsta ungmenni landsins 20 ára og yngri. Í næstum sætum eru Mikael Jóhann Karlsson (2068) og Nökkvi Sverrisson (2064).

Ekki er gerð úttekt á stigahæstum öðlingum (60+) og skákkonum nú vegna lítilla breytinga í þeim hópum.

No.	Name	Tit	aug13	Gms	Ch.	B-day
1	Gretarsson, Hjorvar Steinn	IM	2505	18	-6	1993
2	Karlsson, Mikael Johann		2068	9	39	1995
3	Sverrisson, Nokkvi		2064	9	23	1994
4	Ragnarsson, Dagur		2040	9	20	1997
5	Magnusson, Patrekur Maron		2020	0	0	1993
6	Johannesson, Oliver		2007	9	-8	1998
7	Johannsson, Orn Leo		1970	0	0	1994
8	Hardarson, Jon Trausti		1930	9	31	1997
9	Johannsdottir, Johanna Bjorg		1911	0	0	1993
10	Sigurdarson, Emil		1857	0	0	1996

 
Reiknuð innlend mót

Ekkert innlent mót var reiknað til skákstiga að þessu sinni.

Stigahæstu skákmenn heims

Magnus Carlsen (2862) er sem fyrr langstigahæsti skákmaður heims. Í næstum sætum eru Aronian (2813) og Caruana (2796).

Rank	Name	Title	Country	Rating	Games	B-Year
1	Carlsen, Magnus	g	NOR	2862	0	1990
2	Aronian, Levon	g	ARM	2813	0	1982
3	Caruana, Fabiano	g	ITA	2796	0	1992
4	Grischuk, Alexander	g	RUS	2785	11	1983
5	Kramnik, Vladimir	g	RUS	2784	0	1975
6	Mamedyarov, Shakhriyar	g	AZE	2775	11	1985
7	Anand, Viswanathan	g	IND	2775	0	1969
8	Karjakin, Sergey	g	RUS	2772	11	1990
9	Nakamura, Hikaru	g	USA	2772	4	1987
10	Topalov, Veselin	g	BUL	2769	11	1975

Stigalisti FIDE

Skrár tengdar þessari bloggfærslu:

• Alþjóðleg skákstig 1. ágúst 2013

Hjörvar og Jóhann tefla á Menningarnótt

Líkt og síðustu ár stendur Skákakademían fyrir Skákhátíð á Menningarnótt. Dagskráin fer fram á Lækjartorgi og hefst í hádeginu og stendur fram eftir degi.

Meðal viðburða má nefna:

• Alheimsmótið í Leifturskák
• Íslandsmótið í Heilinn og höndin
• Hraðskákeinvígi Jóhanns Hjartarsonar og Hjörvars Steins Grétarssonar
• Fjöltefli skákmeistara við gesti og gangandi
• Dregið verður í töfluröð á Íslandsmóti skákfélaga

Nánari upplýsingar um hátíðina verða birtar þegar nær dregur.

Hraðskákkeppni taflfélaga - skráningarfrestur fram að miðnætti

Fjórtán lið eru skráð til leiks í Hraðskákkeppni taflfélaga en skráningarfrestur er fram að miðnætti í kvöld. Dregið verður í fyrstu umferð (og forkeppni ef þörf er á) kl. 12 á hádegi á morgun og eru forráðamenn taflfélaga sérstaklega boðnir velkomnir.

Það er Taflfélagið Hellir sem stendur að mótinu sem nú fer fram í nítjánda sinn. Víkingaklúbburinn er núverandi meistari.

Skráð félög

Taflfélagið Hellir

Taflfélag Garðabæjar

SSON

Taflfélag Bolungarvíkur

Goðinn-Mátar

TV

Víkingaklúbburinn

Taflfélag Reykjavíkur

Skákfélag Akureyrar

Vin

Fjölnir

Skákfélag Reykjanesbæjar

Skákfélag Íslands

Taflfélag Akraness

 

Heimasíða Hellis

Kramnik og Adams efstir í Dortmund

Vladimir Kramnik (2784) og Michael Adams (2740) eru efstir og jafnir á ofurskákmótinu í Dortmund þegar fimm umferðum af níu er lokið. Þeir hafa yfirburði á næstu menn en þeir hafa 1,5 vinnings forskot. Adams vann Wang Hao (2752) í dag en Kramnik hafði betur gegn Peter Leko (2737).

Frídagur er á morgun.

Þátt taka 10 skákmenn í mótinu og þar af sex alþjóðlegar stjörnur. Hin fjögur sætin fylla svo þýskir landsliðsmenn.

• Heimasíða mótsins 
• Beinar útsendingar (hefjast kl. 13)

Henrik tapaði í fimmtu umferð

Stórmeistarinn Henrik Danielsen (2510) tapaði fyrir franska stórmeistaranum Romain Edouard (2662) í fimmtu umferð Politiken Cup sem fram fór í dag í Helsingör. Henrik hefur 4 vinninga. Hilmir Freyr Heimisson (1690) heldur áfram að ná góðum úrslitum og gerði jafntefli stigahærri Dana (1921)

Búlgarski stórmeistarinn Ivan Cheparinov (2678) er efstur með fullt hús.

Í sjöttu umferð, sem fram fer á morgun, teflir Henrik við skákkonuna Dinara Saduakassova (2340) frá Kasakstan sem var meðal keppenda á síðasta Reykjavíkurskákmóti. Hilmir teflir í fimmta skipti í röð við keppenda á stigabilinu 1900-2000.

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)

Politiken Cup: Henrik með fullt hús eftir fjórar umferðir

Stórmeistarinn Henrik Danielsen (2510) vann norska FIDE-meistarann Benjamin Arvola (2342) í fjórðu umferð Politiken Cup sem fram fór í dag. Henrik hefur fullt hús vinninga. Hilmir Freyr Heimisson (1690) gerði jafntefli við heimamann með 1918 skákstig og hefur 1½ vinning.

Henrik er efstur ásamt átta öðrum skákmönnum. Í fimmtu umferð, sem fram fer á morgun, teflir hann við franska stórmeistarann Romain Edouard (2662).

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247. Tefldar eru 10 umferðir.

• Heimasíða mótsins
• Chess-Results
• Beinar útsendingar (hefjast flestar kl. 11)

 

Margfalt Afmælismót í Vin í dag kl. 13

Vinaskákfélagið við Hverfisgötu býður til mikils verðlaunamóts, mánudaginn 29. júlí klukkan 13. Tefldar verða 6 umferðir með 7 mínútna umhugsunartíma og eru allir hjartanlega velkomnir.

Mótið er haldið til að fagna sameiginlegu 145 ára afmæli þriggja liðsmanna Vinaskákfélagsins. Róbert Lagerman, forseti félagsins, á afmæli nú á mánudaginn og nýverið fögnuðu afmælum  tveir af hinum knáu fastamönnum Vinaskákfélagsins, Hjálmar Sigurvaldason og Hörður Jónasson. 

Þá er því líka fagnað um þessar mundir að 10 ár eru síðan skákstarf hófst í Vin. Í júní 2003 var Vinaskákfélagið stofnað og efnt til fyrsta meistaramótsins. Þar sigraði kempan Jón Torfason, en hann afsalaði sér titlinum til Rafns Jónssonar sem varð í 2. sæti.

Æfingar og skákviðburðir í Vin skipta hundruðum á síðustu 10 árum, og Vinaskákfélagið tekur virkan þátt í skáklífinu á Íslandi og sendi í vetur tvær sveitir til keppni á Íslandsmóti skákfélaga.

Skákáhugamenn eru hvattir til að mæta í Vin á morgun, mánudag, og taka þátt í skemmtilegu móti í góðum félagsskap. Í leikhléi verður að vanda boðið upp á gómsætar veitingar.

Sumarmót við Selvatn - Stórislagur 2013: Bragi brosti breitt í mótslok

Í vikunni sem leið var haldin skákhátíð mikil við Selvatn á Nesjavallaleið á vegum Sd. KR í samvinnu við GALLERÝ SKÁK að sveitasetri þeirra heiðurshjóna Guðfinns R. Kjartanssonar, skákforkólfs og Erlu Axels listmálara. Teflt var í hinum fagra myndlistarskála sem Sverrir heitinn Norðfjörð hannaði og heitir Listasel en stundum líka Skáksel þegar betur hentar.  Þetta var í 7. sinn sem slíkt hátíðarskákmót er þar haldið með viðhafnarsniði og veislukvöldverði

Taflið hófst upp úr klukkan fjögur og stóð langt fram eftir kvöldi. Telfdar voru 11 umferðir með 10 mín. uht.  Keppendur voru 40 talsins og hafa aldrei verið fleiri - flestir af eldri kynslóðinni. Þrír fyrri sigurvegarar þessara sumarmóta voru meðal þátttakenda, þeir Gunni Gunni (2008), Jóhann Örn (2009) og Bragi Halldórsson (2012) en sumir voru þarna með í fyrsta sinn.  

Léttur keppnisandi sveif yfir vötnunum sérstaklega eftir að reykinn af réttunum fór að leggja yfir og bera að vitum þátttakenda. Í hálfleik leiddi Gunnar Björnsson, forseti SÍ mótið með fullu húsi - sex vinningum af sex - sem vakti nokkra undrun og kátínu einkum hjá honum sjálfum.  Það átti þó eftir að breytast og fleiri blönduðu sér í baráttuna um efsta sætið eftir því sem á leið mótið. Aðrir komu sjálfum sér aðeins á  óvart með slakri taflmennsku og kenndu ýmsu um - aðallega taflhöndinni.   Þegar upp var staðið reyndust þeir einna snjallastir BRAGI HALLDÓRSSON og STEFÁN BERGSSON báðir efstir og jafnir með níu vinninga og gátu leyft sér að brosa breitt, eins og sjá má á myndum, einkum Bragi sem vann með minnsta mun á stigum. Var hann síðan krýndur Selvatnsmeistari annað árið í röð og var vel að því kominn.  Nánari úrslit má sjá á meðf. mótstöflu og vettvangs- og klippimyndir í albúmi.

Í skákhléi kvaddi Kristján Stefánsson sér hljóðs með aðstoð gjallarhorns og afhenti Gunnari Kr. Gunnarssyni viðurkenningarskjöld en hann hafði verið kjörinn heiðursfélagi Skákdeildar KR á síðasta aðalfundi í tilefni af 80 ára afmæli sínu fyrir langt og heilladrjúgt framlag til félagsins og skáklistarinnar.  Einnig færði hann þeim Páli G. Jónssyni og Einari S. Einarssyni, síðbúnar afmælisgjafir og skjallaði þá aðeins í tilefni að 80 og 75 ára afmælum þeirra fyrir í sumar.   Einnig færði hann gestgjöfum mótsins þeim hjónum Guðfinni og Erlu þakkargjöf. Allir voru þessir „gjafþolar" hylltir með góðu lófataki en síðan sneru menn  sér að öðru mikilvægara þ.e. að reyna að máta næsta andstæðing, sem mörgum tókst bærilega og réttu  aðeins sinn hlut.  

Að lokinni verðlaunaafhendingu var dregið í happdrætti um bókavinninga, sem UGLA bókaforlag hafði gefið til mótsins og bar þar hæst ENDATAFL ævisögu Bobby Fischers.

Aðrir styrktaraðilar mótsins voru: KRST-Lögmannsstofa, Toppfiskur, Eldhús Sælkerans.

Lokastaðan

 

 

ESE

Henrik með fullt hús eftir þrjár umferðir

Stórmeistarinn Henrik Danielsen (2510) er með fullt hús eftir þrjár umferðir á Politiken Cup en önnur og þriðja umferð fóru fram í dag. Andstæðingar dagsins voru á stigabilinu 2218-2251. Hilmir Freyr Heimisson (1690) fékk einn vinning í dag en andstæðingar voru á stigbilinu 1932-1992. Henrik er efstur með fullt hús ásamt 26 öðrum skákmönnum en Hilmir hefur 1 vinning.

Á morgun teflir Henrik við norska FIDE-meistarann Benjamin Arvola (2342). Skákin verður sýnd beint eins og væntanlega allar skákir hans á mótinu.

Alls taka 309 skákmenn frá 26 löndum þátt í mótinu. Þar af er 21 stórmeistari og 11 alþjóðlegir meistarar. Henrik er nr. 17 í stigaröð keppenda og Hilmir er nr. 247.

• Heimasíða mótsins
• Chess-Results
• Beinar útsendingar (hefjast flestar kl. 11)