Sigurður vann í sjöundu umferð í Belgrad

Sigurður Ingason (1887) sigraði í sjöundu umferð Belgrade Trophy og hefur 3½ vinning eða 50% vinningshlutfall sem verður að teljast býsna gott þar sem Sigurður hefur teflt upp fyrir sig allt mótið.  Snorri Bergsson (2304) og Jón Árni Halldórsson (2196) töpuðu báðir fyrir sterkum andstæðingum.  Snorri fyrir serbneska stórmeistaranum Dusan Popovic (2546) en Jón Árni fyrir serbneska alþjóðlega meistaranum Filip Pancevski (2403).   Þeir hafa 4 vinninga. 

Snorri og Jón Árni eru í 56.-87. sæti en Sigurður í 88.- 120. sæti.  Efstir með 6 vinninga eru stórmeistararnir Dragisa Blagojevic (2482), Svartfjallalandi og Milos Perunovic (2565), Serbíu, og alþjóðlegi meistarinn Petar Drenchev (2507), Búlgaríu.  

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

• Heimasíða mótsins
• Chess-Results

Ný íslensk skákstig

Ný íslensk skákstig eru komin út og eru þau miðuð við 1. desember.     Hannes Hlífar er sem fyrr stigahæstur, Hjörvar Steinn Grétarsson er stigahæstur ungmenna, Veronika Steinunn Magnúsdóttir er stigahæst nýliða og Atli Jóhann Leósson hækkar mest frá september-listanum eða um 135 skákstig.

20 stigahæstu skákmenn landsins:

Nr.	Nafn	Stig
1	Hannes H Stefánsson	2630
2	Jóhann Hjartarson	2620
3	Margeir Pétursson	2600
4	Héðinn Steingrímsson	2545
5	Helgi Ólafsson	2530
6	Henrik Danielsen	2525
7	Jón Loftur Árnason	2515
8	Friðrik Ólafsson	2510
9	Helgi Áss Grétarsson	2500
10	Stefán Kristjánsson	2490
11	Karl Þorsteins	2475
12	Hjörvar Grétarsson	2460
13	Jón Viktor Gunnarsson	2450
14	Guðmundur Sigurjónsson	2445
15	Bragi Þorfinnsson	2435
16	Björn Þorfinnsson	2430
17	Arnar Gunnarsson	2405
18	Þröstur Þórhallsson	2390
19	Björgvin Jónsson	2360
20	Guðmundur Stefán Gíslason	2360

Stigahæstu ungmenni landsins (fædd 1990 og síðar):

 

 

Nr.	Nafn	Stig
1	Hjörvar Grétarsson	2460
2	Sverrir Þorgeirsson	2330
3	Daði Ómarsson	2245
4	Helgi Brynjarsson	2030
5	Bjarni Jens Kristinsson	2020
6	Ingvar Ásbjörnsson	2000
7	Patrekur Maron Magnússon	1970
8	Örn Leó Jóhannsson	1940
9	Hallgerður H Þorsteinsdóttir	1930
10	Vilhjálmur Pálmason	1930

 
Nýliðar:

Nr.	Nafn	Stig
1	Veronika Steinunn Magnúsdóttir	1400
2	Emil Ólafsson	1325
3	Steinar Aubertsson	1305
4	Elín Nhung Hong Bui	1280
5	Eyþór Daði Kjartansson	1265
6	Gauti Páll Jónsson	1245
7	Ásta Sóley Jónsdóttir	1200
8	Tara Sóley Mobee	1165
9	Sonjar María Friðriksdóttir	1105
10	Hlynur Snær Viðarsson	1055

Mestu hækkanir

 

Nr.	Nafn	01.des	01.sep	Br.
1	Atli Jóhann Leósson	1630	1495	135
2	Sóley Lind Pálsdóttir	1190	1060	130
3	Atli Antonsson	1885	1770	115
4	Hersteinn Bjarki Heiðarsson	1280	1175	105
5	Agnar Darri Lárusson	1615	1520	95
6	Páll Sigurðsson	1965	1875	90
7	Árni Guðbjörnsson	1735	1650	85
8	Vignir Vatnar Stefánsson	1225	1140	85
9	Birkir Karl Sigurðsson	1560	1480	80
10	Stefán Bergsson	2160	2080	80

Íslensk skákstig

 

Róbert vann í sjöttu umferð í Harkany

Róbert Lagerman (2271) vann Ungverjann Bence Korpa Jr. (2228) í sjöttu umferð Tenkes-mótsins í Harkany sem fram fór í dag.   Róbert hefur 3½ vinning og er í 16.-24. sæti.  Á morgun teflir Róbert við þýska alþjóðlega meistarann Ulrich Schulze Sr. (2333).   

Rússneski stórmeistarinn Konstantin Chernyshov (2579) er langefstur með fullt hús.  

63 skákmenn taka þátt í mótinu og þar af 7 stórmeistarar.  Róbert er nr. 23 í stigaröð keppenda.   Róbert hefur sett myndir frá mótinu og má þær finna í myndaalbúmi.   Fleiri myndir væntanlegar frá Róberti.

• Heimasíða mótsins
• Swiss Master
• Myndaalbúm mótsins

 

 

Jólamót í Mosfellsbæ

Skákfélag Vinjar heldur Jólaskákmót í Mosfellsbæ í samstarfi við Kjósarsýsludeild Rauða kross Íslands á fimmtudaginn, 2. des. klukkan 13:30.

Mótið fer fram í höfuðstöðvum þeirra í Þverholti 7.

Tefldar verða 6 umferðir með 7 mínútna umhugsunartíma og mun Hrannar Jónsson, fyrirliði Vinjarliðsins, stýra harðri hendi.

Það verður þvílík jólastemning og boðið upp á kakó og piparkökur, svona meðal annars. Glæsilegir bókavinningar fyrir efstu þátttakendur og happadrætti.

Allir velkomnir og algjörlega frítt.

Íslandsmótið í Víkingaskák

Minningarmótið um Magnús Ólafsson - Íslandsmótið í Víkingaskák 2010 fer fram í húsnæði Vinjar, Hverfisgötu 47 í Reykjavík fimmtudaginn 2 desember kl. 19.00. Tefldar verða 7 umferðir með 15 mínútna umhugsunartíma. Mótið eru öllum opið og það kostar ekkert að vera með. Boðið verður upp á kaffi ásamt léttum veitingum án endurgjalds. Nauðsynlegt er að skrá sig til leiks til að tryggja þátttöku. Þátttakendur eru hvattir til að skrá sig í tölvupósti á netfangið Víkingaklubburinn(hjá)gmail.com eða í síma 8629744 (Gunnar) eða 8629712 (Halldór). Nauðsynlegt er að skrá sig til að tryggja þátttökurétt.

Verðlaun eru sem hér segir:

• 1) Vegleg veðlaun fyrir þrjú efstu sætin
• 2) Þrír efstu unglingarnir (20, ára og yngri).
• 3) Þrjár efstu konurnar.
• 4) Öðlingaverðlaun 40. ára og eldri.
• 5) Öðlingaverðlaun 50. ára og eldri.

Jón Árni sigraði í sjöttu umferð

Jón Árni Halldórsson (2196) sigraði í sjöttu umferð Belgrade Trophy sem fram fór í dag.  Snorri G. Bergsson (2304) gerði jafntefli en Sigurður Ingason (1887) tapaði.    Snorri og Jón Árni hafa 4 vinninga og eru í 27.-54. sæti en Sigurður hefur 2½ vinning og er í 120.-151. sæti.  

Í sjöttu umferð, sem fram fer á morgun, teflir Snorri við serbneska stórmeistarann Dusan Popovic (2546) en Jón Árni við makedónska alþjóðlega meistarann Filip Pancevski (2403).  

285 skákmenn taka þátt í mótinu og þar af 20 stórmeistarar.   Snorri er nr. 45 í stigaröð keppenda, Jón nr. 71 og Sigurður nr. 154.

• Heimasíða mótsins
• Chess-Results

Róbert tapaði fyrir Gonda

Róbert Lagerman (2271) tapaði fyrir  ungverska stórmeistarann Laszlo Gonda (2557) í fimmtu umferð Tenkes-mótsins, sem fram fór í Harkany í dag.   Róbert hefur 2½ vinning og er í 28.-38. sæti.  

Rússneski stórmeistarinn Konstantin Chernyshov (2579) er efstur með fullt hús.  

63 skákmenn taka þátt í mótinu og þar af 7 stórmeistarar.  Róbert er nr. 20 í stigaröð keppenda.   Róbert hefur sett myndir frá mótinu og má þær finna í myndaalbúmi.   Fleiri myndir væntanlegar frá Róberti.

• Heimasíða mótsins
• Swiss Master
• Myndaalbúm mótsins

 

 

Hraðkvöld hjá Helli í kvöld

Taflfélagið Hellir heldur hraðkvöld mánudaginn 29. nóvember og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

 

Landsliðsflokkur Íslandsmótsins í skák 2011 haldinn á Egilsstöðum

Landsliðsflokkur Íslandsmótsins í skák 2011 verður haldinn á Egilsstöðum.   Mótið fer fram um páskana, nánar tiltekið 15-25. apríl.  Teflt verður á Hótel Héraði en skákmennirnir munu dvelja á Eiðum á meðan mótinu stendur.    Skáksamband Austurlands og Skáksamband Íslands standa sameiginlega að mótshaldinu.  

 

Jólaskákmót TR og ÍTR

Jólaskákmót TR og ÍTR í sveitakeppni fer fram 5. og 6. desember nk.   Yngri flokkurinn fer fram sunnudaginn 5. desember og sá eldri 6. desember.  

Keppnisstaður:  Taflfélag Reykjavíkur, Faxafeni 12.

Yngri flokkur (1. - 7. bekkur).

Keppt verður í stúlkna og drengja flokkum. Heimilt er að senda A, B, C o.s.frv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Keppni í yngri flokki verður sunnudaginn  5. desember kl. 14:00.

Tefldar verða 6 umferðir (hraðmót) eftir Monrad kerfi.

Umhugsunartími: 15 mín. á skák. Þátttökurétt hafa börn úr grunnskólum Reykjavíkur í 1.-7. bekk.  Verðlaunaafhending verður að lokinni keppni.

Keppnisstaður:  Taflfélag Reykjavíkur, Faxafeni 12.

Eldri flokkur (8. - 10. bekkur).

Keppt verður í stúlkna og drengja flokkum. Heimilt er að senda A, B, C o.sfrv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Keppni í eldri flokki verður mánudaginn 6. desember kl. 17:00.

Tefldar verða 6 umferðir (hraðmót) eftir Monrad kerfi.

Umhugsunartími: 15. mín. á skák. Þátttökurétt hafa unglingar úr grunnskólum Reykjavíkur í 8.-10. bekk. Verðlaunaafhending verður að lokinni keppni.

Þátttaka tilkynnist til skrifstofu Íþrótta- og tómstundasviðs Reykjavíkur eigi síðar en föstudaginn 3. desember.

Skráning sendist á netfang: [e-mail].