Ný alþjóðleg skákstig

Ný alþjóðleg skákstig, miðuð við 1. maí eru komin út. Hannes Hlífar Stefánsson er stigahæsti skákmaður landsins, Elvar Örn Hjaltason er stigahæsti nýliðinn og Aron Þór Mai hækkar mest frá apríl-listanum.

Topp 20

Hannes Hlífar Stefánsson (2590) er stigahæstur íslenskra skákmanna. Í næstum sætum eru Jóhann Hjartarson (2566) og Hjörvar Steinn Grétarsson (2561).

Nr.	Nafn	Tit	Stig	Sk	Br.	At	Hrað
1	Stefansson, Hannes	GM	2590	0	0	2510	2585
2	Hjartarson, Johann	GM	2566	0	0		2550
3	Gretarsson, Hjorvar Steinn	GM	2561	8	1	2557	2550
4	Olafsson, Helgi	GM	2546	0	0	2542	2614
5	Steingrimsson, Hedinn	GM	2532	0	0	2575	2586
6	Petursson, Margeir	GM	2529	0	0		2546
7	Danielsen, Henrik	GM	2520	0	0		2549
8	Arnason, Jon L	GM	2499	0	0		2421
9	Kristjansson, Stefan	GM	2485	0	0	2535	2435
10	Kjartansson, Gudmundur	IM	2474	9	3	2437	2346
11	Gunnarsson, Jon Viktor	IM	2458	0	0	2394	2488
12	Thorsteins, Karl	IM	2453	0	0		2381
13	Gretarsson, Helgi Ass	GM	2450	0	0	2481	2457
14	Gunnarsson, Arnar	IM	2425	0	0	2433	2444
15	Thorfinnsson, Bragi	IM	2416	0	0	2455	2416
16	Thorhallsson, Throstur	GM	2415	0	0	2487	2481
17	Thorfinnsson, Bjorn	IM	2407	0	0	2412	2463
18	Olafsson, Fridrik	GM	2397	0	0		2382
19	Johannesson, Ingvar Thor	FM	2378	0	0	2367	2387
20	Ulfarsson, Magnus Orn	FM	2377	0	0	2304	2309

Nýliðar

Þrír nýliðar eru á listanum. Þeirra langstigahæstur er Elvar Örn Hjaltason (1766) eftir afar gott Íslandsmót. Hinir eru Daníel Ernir Njarðarson (1337) og Alexander Sigurðarson (1078).

Nr.	Nafn	Tit	Stig	Sk	Br.	At	Hrað
1	Hjaltason, Elvar Orn		1766	9	1766
2	Njardarson, Daniel Ernir		1337	7	1337	1254	1372
3	Sigurdarson, Alexander		1078	7	1078

Mestu hækkanir

Aron Þór Mai (81) hækkar mest frá apríl-listanum eða um 81 skákstig. Í næstum sætum eru Björn Hólm Birkisson (64) og Andri Freyr Björgvinsson (45).

Nr.	Nafn	Tit	Stig	Sk	Br.	At	Hrað
1	Mai, Aron Thor		1498	7	81	1324	1224
2	Birkisson, Bjorn Holm		1913	8	64	1619	1570
3	Bjorgvinsson, Andri Freyr		1803	9	45	1665
4	Valgeirsson, Nikulas Ymir		1197	2	37	1161
5	Davidsson, Oskar Vikingur		1655	8	36	1417	1443
6	Briem, Hedinn		1488	6	32	1452
7	Einarsson, Oskar Long		1638	9	29	1671	1673
8	Bergsson, Stefan		2087	7	20	2128	2138
9	Magnusdottir, Veronika Steinunn		1648	6	17	1492	1557
10	Stefansson, Vignir Vatnar		1881	9	16	1789	2016
11	Ingason, Sigurdur		1842	9	16	1878	1835
12	Sigurvaldason, Hjalmar		1477	8	16	1533	1535

Stigahæstu ungmenni landsins (u20)

Nýjasti FIDE-meistari landsins, Oliver Aron Jóhannesson (2302), endurheimti efsta sætið á ungmennalistanum. Næstir eru Dagur Ragnarsson (2283) og Jón Kristinn Þorgeirsson (2227).

Nr.	Nafn	Tit	Stig	Sk	Br.	At	Hrað
1	Johannesson, Oliver	FM	2302	9	14	2061	2161
2	Ragnarsson, Dagur	FM	2283	8	-28	2071	2034
3	Thorgeirsson, Jon Kristinn		2227	0	0	1968
4	Karlsson, Mikael Johann		2161	0	0	2027	2069
5	Hardarson, Jon Trausti		2143	9	5	1922	1971
6	Thorhallsson, Simon		2106	0	0	1851	1672
7	Heimisson, Hilmir Freyr		1982	0	0	1699	1802
8	Sigurdarson, Emil		1955	9	6
9	Jonsson, Gauti Pall		1936	0	0	1680	1870
10	Birkisson, Bjorn Holm		1913	8	64	1619	1570

Skrár tengdar þessari bloggfærslu:

• Alþjóðleg skákstig, 1. maí 2015

Jón Viktor skákmeistari Vals

 

Jón Viktor Gunnarsson er skákmeistari Vals annað árið í röð en hann varð langefstur á skákmóti Vals sem fram fór í Lollastúkunni í félagsheimili Vals að  Hlíðarenda. Jón Viktor átti titil að verja þar sem hann vann Valsmótið einnig í  fyrra sem jafnframt var minningarmót um hinn dáða Valsmann og skákunnenda Hermann Gunnarsson. Sigur Jóns Viktors var afar öruggur en hann hlaut 7 ½  vinning af 9 mögulegum. Jón Viktor náði snemma forystunni og hélt henni til loka.

Næstir komu stórmeistarinn Jón L. Árnason og Ingvar Þ. Jóhannesson en þeir hlutu 6 ½ vinning hvor. Efstur og þar með sigurvegari í flokki 16 ára og yngri var Gauti Páll Jónsson en hann hlaut 5 vinninga. Tefldar voru  níu umferðir og  tímafyrirkomulagið var 5 2. 

Aðalskákstjóri mótsins var Helgi Ólafsson en honum til aðstoðar voru Gunnar Björnsson forseti SÍ og Stefán Bergsson en þeir voru einnig var á meðal keppenda sem voru 31 talsins. Í stuttri ræðu fyrir mótið sagði Helgi frá því að  eftir að VALS-HRÓKURINN fannst fyrir nokkrum árum síðan hafi Valsmótið - og keppninni um þennan timbraða bikar - verið reist við og það hafi gerst með móti sem haldið var í Lollastúkunni vorið 2013. Þá var Hermann Gunnarsson meðal keppenda en hann lést nokkrum vikum síðar.

Því næst kynnti Helgi til sögunnar Halldór Einarsson, HENSON, sem gaf flesta vinninga til mótsins. Helgi sagði að ekki einungis væri Halldór félagsmálatröll og iðnjöfur með meiru, heldur einnig afreksmaður í knattspyrnu og minnti á að þrisvar sinnum hefði Halldór hann hampað Íslandsmeistaratitlinum í knattspyrnu með félögum sínum í Val á árunum 1966 – 1976.

Halldór gerði sögu VALS-HRÓKSINS  nokkur skil í stuttu ávarpi og síðan var Ragnar Gunnarsson, bróðir Hemma Gunn, fenginn til að leika fyrsta leik mótsins  en það gerði hann fyrir Jón L. Árnason sem tefldi við Gauta Pál Jónsson í fyrstu umferð.

Meðal verðlauna voru árskort á leiki Vals í efstu deild Íslandsmótsins í knattspyrnu, Valstreyja sem leikmenn Vals á fjórða áratug síðustu aldar íklæddust í kappleikjum en nokkrar treyjur voru endurhannaðar af af HENSON í tilefni af  100 ára afmæli Vals 11 .maí 2011. Sigurvegarinn fékk einn slíkan búning og svo var dregið um eina slíka treyju og varð Aron Þór Mai hlutskarpastur. Við mótslit fengu allir  þátttakendur 20 ára og yngri keppnistreyju frá HENSON.  

Lokastaðan á Chess-Results.

Davíð og Hannes efstir á Wow air vormóti TR

Í gær fóru fram frestaðar skákir úr fimmtu umferð Wow air vormóts Taflfélag Reykjavíkur. Davíð Kjartansson (2364), sem vann Oliver Aron Jóhannesson (2212) er efstur ásamt stórmeistaranum Hannesi Hlífari Stefánssyni (2560) sem gerði jafntefli við Braga Þorfinnsson (2429). Þeir hafa 4 vinninga. Ingvar Þór Jóhannesson (2368) og Sigurður Daði Sigfússon (2319) koma næstir með 3½ vinning.

Úrslit umferðarinnar má nálgast á Chess-Results.

Í sjöttu og næstíðustu umferð sem fram fer á mánudagksvöldið mætast meðal annars: Hannes - Ingvar Þór og Davíð - Sigurður Daði.

B-flokkur:

Sverrir Örn Björnsson (2097) er efstur með 4 vinninga og Halldór Pálsson (2021) er annar með 3½ vinning. Vignir Vatnar Stefánsson (1909), Hallgerður Helga Þorsteinsdóttir (2014) og Stefán Bergsson (2063) eru í 3.-5. sæti með 3 vinninga. 

Í næstsíðustu umferð mætast meðal annars Hallgerður Helga - Sverrir Örn og Halldór - Stefán.

• Heimasíða TR
• Chess-Results

Einar með fullt hús á Skákmóti öðlinga

Einar Valdirsson (1945) er í miklu stuði á Skákmóti öðlinga sem nú er í gangi. Í fimmtu umferð, sem fram fór í gær, vann hann Guðlaugu Þorsteinsdóttur (1943) en í umferðinni áður var Þorvarður F. Ólafsson (2222) á matseðli Einars. Einar hefur fullt hús og hefur vinnings forskot á Þorvarð og Halldór Pállsson (2030). Guðlaug og Magnús Kristinsson (1765) koma næst með 3½ vinning. 

Sjötta og næstsíðasta umferð fer fram nk. miðvikudagskvöld. Þá mætast meðal annars: Einar - Magnús, Þorvarður - Halldór og Guðlaug - Ögmundur Kristinsson (2030).

• Heimasíða TR
• Chess-Results

 

Einungis stúlknaæfing hjá TR um helgina

Vegna lokamótsins í Bikarsyrpu Taflfélags Reykjavíkur og Landsmótsins í skólaskák falla allar skákæfingar félagsins niður laugardaginn 2. maí að undanskilinni stúlknaæfingu sem verður á hefðbundnum tíma, kl. 12.30-13.45.

• Laugardagsæfingar TR

Björgvin ennþá í stuði í Stangarhyl

Björgvin Víglundsson sýndi það einu sinni enn að hann er sterkastur af  Ásum sem tefla í Ásgarði á þriðjudögum. Björgvin landaði 9 ½ vinning af 10 í gær. Ari Stefánsson var sá eini sem náði punkti af honum í dag,hann gerði jafntefli við hann í síðustu umferð. Gunnar Finnsson og Friðgeir Hólm voru svo jafnir í öðru til þriðja sæti með 7 vinninga. Gunnar hærri á stigum. Fast á hæla þeim komu svo Guðfinnur og Kristinn Bjarnason með 6 ½ vinning.

Nú er bara einn mánuður eftir af hinum hefðbundna skákvetri hjá Ásum. Við endum vetrardagskrána með hraðskákmóti þann 26 maí. 

Sjá nánari úrslit í töflu og myndum frá ESE

 

Skákmót Vals fer fram í kvöld - Jón L. og Jón Viktor taka þátt

Skákmót Vals, keppnin um VALS-Hrókinn fer fram í Valsheimilinu að Hlíðarenda miðvikudaginn 29. apríl og hefst kl. 18. Tefldar verða níu umferðir eftir svissneska kerfinu og verða tímamörkin 5 2, þ.e. 5 mínútur á alla skákina að viðbættum 2 sekúndum fyrir hvern leik. Keppt er um farandgripinn VALS-Hrókinn sem var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar eigi alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson. Núverandi handhafi Valshróksins er Jón Viktor Gunnarsson.

Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin.

Mótið nú er haldið af Skákdeild Vals í samvinnu við Skáksamband Íslands.

Valsmótið í skák hafi ekki farið fram um nokkurt skeið eða þar til að VALS-Hrókurinn kom í ljós og fór það fram eftir hléið vorið 2013. Þá sigraði Helgi Ólafsson örugglega. Í fyrra vann Jón Viktor Gunnarsson en það mót dró til sín meira en 50 þátttakendur. Mótið 2014 var haldið til minningar um Hermann Gunnarsson skákunnenda og einn frægasta afreksmann  sem Valsmenn hafa eignast. Hermann var meðal þáttakenda á mótinu 2013.

Von er á fjölmörgum öflugum skákmönnum til þátttöku en mótið fer fram eins og undanfarin ár í Lollastúku.  

Skráning fer fram á Skák.is (guli kassinn efst). Mótshaldar áskilja sér rétt til að takmarka þátttakendur við 50 ef þörf krefur. Upplýsingar um þegar skráða keppendur má finna hér.

Mótið verður reiknað til alþjóðlegra hraðskákstiga.

Chess-Results

Kínverjar heimsmeistarar landsliða - Georgíukonur heimsmeistarar kvennalandsliða

Heimsmeistaramóti landsliða lauk í dag í Armeníu. Kínverjar komu sáu og sigrðu rétt eins og á ólymíuskákmótinu í Tromsö í fyrra. Þótt árangur Kínverjanna komi ekki óavart slógu þeir við Rússunum sem voru með sterkasta liðið á pappírnum rétt eins og í Tromsö. Úkraínumenn urðu aðrir og heimamann þriðju. Rússar urðu aðeins fjórðu og vilja örugglega gera betur á EM landsliða sem fram fer í Laugardalshöll í nóvember nk. 

Sigurlið Kínverjanna skipuðu Ding Liren, Yu Yangyi, Bu Xiangzhi og Wei Yi. Varamaðurinn Wang Chen tefldi aðeins eina skák. Wei Yi fór mkinn og hlaut 7 vinninga í 9 skákum.+

Það vakti töluverða athygli að marga sterka skákmenn vantaði í mörg lið. 

Lokastöðuna má nálgast á Chess-Results.

Heimasíða mótsins.

Í gær lauk EM kvennalandsliða sem fram fór í Kína. Þar komu Georgíukonu sáu og sigruðu. Rússar urðu í öðru sæti og Kínverjar urðu þriðju.

Lokastöðuna má nálgast á Chess-Results.

Heimasíða mótsins

Ríkisstjórnin styrkir EM landsliða sem haldið verður í Laugardalshöll í nóvember

Ríkisstjórnin samþykkti í morgun að veita Skáksambandi Íslands fjárstyrk að upphæð 25 milljónir kr. af ráðstöfunarfé sínu til að standa straum af kostnaði við Evrópumót landsliða í skák sem haldið verður hér á landi 12. til 22. nóvember næstkomandi.

Árið 2012 voru kynnt áform Skáksambands Íslands um sækjast eftir því að halda Evrópumót landsliða í skák hér á landi og veittur tveggja milljóna króna styrkur af ráðstöfunarfé ríkisstjórnarinnar til undirbúnings umsókninni og jafnframt að veita Skáksambandinu vilyrði fyrir stuðningi að upphæð allt að 20 – 25 milljónir króna á mótsárinu 2015. 

Þar sem nú liggur fyrir að Evrópumótið verður haldið hér á landi á þessu ári samþykkti ríkisstjórnin á fundi sínum í morgun að veita Skáksambandinu fyrrgreindan styrk vegna mótsins.

"Það er fagnaðarefni að þessi stóri skákviðburður verður haldinn hér á landi og við væntum þess að það verði mikil lyftistöng fyrir skákíþróttina hér á Íslandi," sagði Sigmundur Davíð Gunnlaugsson forsætisráðherra.

Sjá tilkynningu frá forsætisráðuneyti.

"Þetta er einn stærsti viðburður sem Skáksamband Íslands hefur staðið fyrir og mun eflaust efla áhuga almennings á íþróttinni auk þess að vera afar hvetjandi viðburður fyrir okkur sterkustu skákmenn. Okkar hlutverk er að búa til umgjörð í heimsklassa og þessi styrkur gerir okkur það kleyft. Skákhreyfingin er ríkisstjórninni afar þakklát fyrir stuðninginn." sagði Gunnar Björnsson forseti Skáksambands Íslands

Skákmót Vals fer fram á morgun

Skákmót Vals, keppnin um VALS-Hrókinn fer fram í Valsheimilinu að Hlíðarenda miðvikudaginn 29. apríl og hefst kl. 18. Tefldar verða níu umferðir eftir svissneska kerfinu og verða tímamörkin 5 2, þ.e. 5 mínútur á alla skákina að viðbættum 2 sekúndum fyrir hvern leik. Keppt er um farandgripinn VALS-Hrókinn sem var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar eigi alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson. Núverandi handhafi Valshróksins er Jón Viktor Gunnarsson.

Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin.

Mótið nú er haldið af Skákdeild Vals í samvinnu við Skáksamband Íslands.

Valsmótið í skák hafi ekki farið fram um nokkurt skeið eða þar til að VALS-Hrókurinn kom í ljós og fór það fram eftir hléið vorið 2013. Þá sigraði Helgi Ólafsson örugglega. Í fyrra vann Jón Viktor Gunnarsson en það mót dró til sín meira en 50 þátttakendur. Mótið 2014 var haldið til minningar um Hermann Gunnarsson skákunnenda og einn frægasta afreksmann  sem Valsmenn hafa eignast. Hermann var meðal þáttakenda á mótinu 2013.

Von er á fjölmörgum öflugum skákmönnum til þátttöku en mótið fer fram eins og undanfarin ár í Lollastúku.  

Skráning fer fram á Skák.is (guli kassinn efst). Mótshaldar áskilja sér rétt til að takmarka þátttakendur við 50 ef þörf krefur. Upplýsingar um þegar skráða keppendur má finna hér.

Mótið verður reiknað til alþjóðlegra hraðskákstiga.