Jólamót TR og SFS hefst á morgun - 37 sveitir skráðar

 

Nú fer að líða að hinu árlega jólaskákmóti Taflfélags Reykjavíkur og Skóla- og frístundasviðs Reykjavíkurborgar.

 

Þátttakendum hefur verið að fjölga síðast liðin ár og því verður fyrirkomulagi keppninnar breytt og í yngri flokki verður keppt í tveimur riðlum sunnudaginn  1. desember.

Suður riðill hefur keppni kl. 10.30 . Norður riðill hefur keppni kl. 14.00 (sjá skiptingu hér að neðan) Tvær efstu sveitir í hvorum riðli munu keppa til úrslita við sveitirnar úr hinum riðlinum um þrjú efstu sætin mánudaginn 2. desember kl. 17:00.

Keppni í eldri flokki verður mánudaginn 2. desember kl. 17:00.

Upplýsingar:

Yngri flokkur (1. - 7. bekkur)

Keppnisstaður:  Taflfélag Reykjavíkur, Faxafeni 12

Keppt verður í stúlkna og drengja flokkum (opnum flokkum). Heimilt er að senda  A, B, C o.s.frv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Í yngri flokki verður keppt í tveimur riðlum sunnudaginn  1. desember.

Suður riðill hefur keppni kl. 10.30 (sjá skóla hér að neðan)

Norður riðill hefur keppni kl. 14.00 (sjá skóla hér að neðan)

Tefldar verða 6 umferðir (hraðmót) eftir Monrad kerfi.

Umhugsunartími: 10 mín. á skák.  Þátttökurétt hafa börn úr grunnskólum Reykjavíkur í  1.-7. bekk.  Mikilvægt er að liðsstjóri fylgi liðum hvers skóla.  Verðlaunaafhending verður að lokinni keppni.

Tvær efstu sveitir í hvorum riðli munu keppa til úrslita við sveitirnar úr hinum riðlinum um þrjú efstu sætin mánudaginn 2. desember kl. 17:00.

Eldri flokkur (8. - 10. bekkur).

Keppnisstaður:  Taflfélag Reykjavíkur, Faxafeni 12.

Keppt verður í stúlkna og drengja flokkum (opnum flokkum). Heimilt er að senda  A, B, C o.sfrv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Keppni í eldri flokki verður mánudaginn 2. desember kl. 17:00.

Tefldar verða 6 umferðir (hraðmót) eftir Monrad kerfi.

Umhugsunartími: 15. mín. á skák.  Þátttökurétt hafa unglingar úr grunnskólum Reykjavíkur í 8.-10. bekk. Verðlaunaafhending verður að lokinni keppni.

Þátttaka í báða flokka tilkynnist til skrifstofu Skóla- og frístundasviðs Reykjavíkur eigi síðar en föstudaginn 29. nóvember.  Ekki verður hægt að skrá lið á mótsstað.

Skráning sendist á netfang: [e-mail]

Skipting í riðla yngri flokks

Yngri flokkur - Suður riðill (kl. 10.30):

Árbæjarskóli, Ártúnsskóli,  Breiðagerðisskóli, Breiðholtsskóli, Brúarskóli, Fellaskóli, Fossvogsskóli, Grandaskóli, Háaleitisskóli, Hlíðaskóli, Hólabrekkuskóli, Hraunkot, Hvassaleitisskóli, Klettaskóli, Klébergsskóli, Melaskóli, Norðlingaskóli, Selásskóli, Seljaskóli, Suðurhlíðarskóli og Ölduselsskóli.

Yngri flokkur - Norður riðill (kl. 14:00):

Austurbæjarskóli, Dalsskóli, Foldaskóli, Háaleitisskóli, Hamraskóli, Háteigsskóli, Húsaskóli, Ingunnarskóli , Ísaksskóli, Kelduskóli, Landakotsskóli, Langholtsskóli, Laugarnesskóli, Rimaskóli, Sæmundarskóli, Vættaskóli, Vesturbæjarskóli og Vogaskóli.

Taflfélag Reykjavíkur og Skóla- og frístundasvið Reykjavíkurborgar vonast til að sem flestir þessara skóla sjái sér fært að senda sveitir til leiks á eitt af skemmtilegustu mótum vetrarins!

Björn Jónsson

Formaður Taflfélags Reykjavíkur

Skemmtikvöld ungmenna í kvöld

Skákskólinn og Skákakademían standa fyrir skemmtikvöldi ungmenna fædd 1990-1999 á laugardagskvöldið kemur. Kvöldið fer fram á sal Skákskólans.

Á kvöldinu verða tveir merkilegir fyrirlestrar ásamt hraðskákmóti í Heilinn og höndin þar sem tveir stórmeistarar munu tefla!

Sjónvarpsstjarnan og skemmtikrafturinn Björn Þorfinnsson hefur einna mestu reynslu Íslendinga af taflmennsku á opnum erlendum mótum síðustu tvo áratugina. Björn hefur teflt ansi víða og hefur verið lúnkinn við að finna skemmtileg erlend mót þar sem  hægt er að hækka á stigum og njóta taflmennskunnar í botn.

Að mörgu þarf að hlúa þegar farið er á erlend mót; gisting, flug, aðstæður á mótsstað, möguleikar á að hækka á stigum, veðurfar og fleira.

Frá öllu þessu og ferðum sínum mun Björn segja frá á léttan og ljúfan hátt.

Árangur Hjörvars Steins þarf lítið að kynna, en hvað nákvæmlega liggur að baki? Hversu marga klukkutíma stúderaði hann sjálfur þegar hann var fimtán ára, hafði hann kvóta á þeim hraðskákum sem hann tefldi, hvað fór hann oft erlendis að tefla á hverju ári, hefur hann haldið sig við sömu byrjanir síðan hann var lítill, leggur hann áherslu á hreyfingu og hollt líferni?

Hjörvar mun í snaggaralegum fyrirlestri fara yfir staðreyndir frá sínum ferli allt til þess að efnileg ungmenni viti hvað þarf til að bæta sig í skák og á hvað skal leggja áherslu.

Að loknum fyrirlestrum verða veitingar og svo hraðskákmót í Heilinn og höndin.

Húsið opnar  19:30 og fyrirlestrar hefjast 20:00.

Aðgangseyrir 1000kr. Skráning á FB-síðu kvöldsins eða á [e-mail]

Öll meðferð áfengis bönnuð.

Héraðsmót HSÞ í skák fyrir 16 ára og yngri

Miðvikudaginn 4. desember verður héraðsmót HSÞ í skák fyrir 16 ára og yngri haldið í matsal Litlulaugaskóla á Laugum. Mótið hefst kl 16:00 og lýkur um kl. 18:00. 

Tefldar verða 7 umferðir eftir monrad-kerfi og verður umhugsunartíminn 10 mín á keppanda í hverri skák. Mótsgjald er aðeins 500 krónur. Skákfélagið GM-Hellir sér um keppnishaldið og fá allir þátttakendur verðlaun. 

Sérstök verðlaun verða veitt fyrir þrjú efstu sætin í þremur aldursflokkum:  

8 ára og yngri     (1-3 bekkur)
9-12 ára            (4-7 bekkur)
13-16 ára          (8-10 bekkur) 

Vinningahæsti keppandinn hlýtur farandbikar að launum og nafnbótina Héraðsmeistari HSÞ í skák 2012.

Skráning í mótið fer fram hjá Hermanni í síma 4643187, 8213187 eða með tölvupósti á netfangið: [e-mail]  (Tilgreina þarf, nafn, aldur, bekk og félag innan HSÞ)

Jón Árni efstur á Skákþingi Garðabæjar

Jón Árni Halldórsson (2193) er efstur á Skákþingi Garðabæjar með 5 vinninga en sjötta og næstsíðasta umferð fór fram í gærkvöldi. Jón Árni vann Siguringa Sigurjónsson (1923) í gær. Gylfi Þórhallsson (2154) sem vann Kristin Jón Sævaldsson (1758) er annar með 4½ vinning. Sex skákmenn hafa 4 vinninga. Spennan er því mikil fyrir lokaumferðina sem fram fer næsta fimmtudagskvöld. 

Pörun lokaumferðarinnar liggur ekki fyrir þar sem einni skák var frestað. Mótstöflu a-flokks má finna á Chess-Results.  

Þorsteinn Magnússon (1286) og Brynjar Bjarkason (1179) eru efstir í b-flokki með 5 vinninga. Bjarki Arnaldarson (1075) er þriðji með 4½ vinning.

Mótstöflu b-flokks má finna á Chess-Results.

• Heimasíða TG
• Chess-Results

Nýtt fréttabréf SÍ

Nýtt fréttabréf Skáksambands Íslands kom út í dag en fréttabréfið kemur út að jafnaði tvisvar á mánuði yfir vetrarmánuðina.

Hægt er að skrá sig fyrir fréttabréfinu hér.

 

 

 

 

Meðal efnis er:

• Kasparov kemur á Reykjavíkurskákmótið!
• F3-klúbburinn tekur til starfa - HM-kvöld á fimmtudaginn
• Hjörvar Steinn stórmeistari í skák
• Taflfélag Reykjavíkur Íslandsmeistari unglingasveita
• Íslensku liðin á pari á EM
• Oliver Aron, Jón Kristinn og Vignir Vatnar Íslandsmeistarar yngri skákmanna
• Magnus Carlsen heimsmeistari í skák!
• Áskell Örn með frábæra frammistöðu á HM öldunga
• Menntamálaráðherra tók á móti Norðurlandameisturum
• Bragi Halldórsson sigurvegari Æskunnar og ellinnar
• Einar Hjalti atskákmeistari Reykjavíkur
• Nýjstu skráningar í N1 Reykjavíkurskákmótið
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Stefán Bergsson sigraði á hraðkvöldi GM Hellis

Stefán Bergsson sigraði öruggleg með 6,5 vinning í sjö skákum á hraðkvöldi GM Hellis sem fram fór 25. nóvember sl. Það var aðeins Vigfús Ó. Vigfússon sem gerði jafntefli við kappann í fjórðu umferð. Í öðru sæti varð Vignir Vatnar Stefánsson með 5 vinninga og síðan varð Vigfús Ó. Vigfússon í þriðja sæti með 4,5 vinning eins og Örn Leó Jóhannsson en aðeins hærri á stigum. Stefán Bergsson dró svo í lok hraðkvöldsins Sverrir Sigurðsson í happdrættinu og fengu þeir báðir gjafamiða á Saffran.

Næsta skákkvöld í félagsheimili GM Hellis í Álfabakka 14a verður mánudaginn 2. desember kl. 20 og þá verður einnig hraðkvöld.

Lokastaðan á hraðkvöldinu: 

Röð	Nafn	Vinn.	TB1	TB2	TB3
1	Stefán Bergsson	6,5	30	21	27,3
2	Vignir Vatnar Stefánsson	5	26	19	15,5
3	Vigfús Vigfússon	4,5	29	21	16,3
4	Örn Leó Jóhannsson	4,5	27	19	13,8
5	Páll Andrason	4	27	19	11,5
6	Sverrir Sigurðsson	4	25	18	9
7	Elsa María Kristínardóttir	4	24	17	9
8	Gunnar Nikulásson	3,5	24	17	5,75
9	Björgvin Kristbergsson	2,5	21	15	2,75
10	Pétur Jóhannesson	1,5	21	15	2,25
11	Steinar Ragnarsson Kamban	1	22	16	1
12	Egill Gautur Steingrímsson	1	21	16	1,5

Haraldur efstur á Vetrarmóti öðlinga

Haraldur Baldursson (1980) er efstur með 4½ vinning að lokinni fimmtu umferð Vetrarmóts öðlinga sem fram fór í gærkvöldi. Haraldur vann Ögmund Kristinsson (2006) í gær. Halldór Pálsson (2051), Hrafn Loftsson (2218) og Gylfi Þórhallsson (2154) eru í 2.-4. sæti með 4 vinninga. Einni skák var frestað og pörun sjöttu og næstsíðustu umferðar því ekki tilbúin.

Sjötta og næstsíðasta umferð fer fram nk. miðvikudagskvöld.

Mótstöflu má nálgast á Chess-Results.

• Heimasíða TR
• Chess-Results 
• Myndaalbúm (GB)

HM landsliða: Kanar unnu Rússa

HM landsliða hófst í gær í Antalya í Tyrklandi. Tíu lið taka þátt, sem eru ýmist heimsálfumeistarar eða voru í efstu sætum á síðasta Ólympíuskákmótinu. Til viðbótar eru svo gestgjafarnir og svo fær forseti FIDE að velja eitt lið sem eru Aserar.

Í fyrstu umferð mætust Armenar og Rússar og fóru leikar 2-2. Úkraínumenn unnu Bandaríkjamenn 2½-1½.

Í annarri umferð í dag urðu svo mjög óvænt úrslit þegar Bandaríkjamenn unnu Rússa 3-1. Úkraínumenn unnu Kínverja með minnsta mun.

Þjóðverjar, Aserar og Úkraínumenn eru efst með fullt hús stiga. Þess má geta að í lið Asera vantar bæði Mamedyarov og Radjabov en almennt stilla liðin upp sínum sterkustu mönnum.

• Heimasíða mótsins
• Beinar útsendingar (hefjast kl. 12)

Ráðherra tók á móti Norðurlandameisturum

 

Illugi Gunnarsson mennta-og menningarmálaráðherra bauð Norðurlandameisturum Álfhólsskóla og Rimaskóla til móttöku í Ráðherrabústaðnum við Tjarnargötu í tilefni af glæsilegum sigrum á NM í skák 2013, grunnskólasveita og barnaskólasveita. Þetta er í 1. sinn á þessari öld að íslenskar grunnskólasveitir vinna Norðurlandameistaratitlana báða sama árið. Fjölmenni var í móttöku ráðherra því að auk afrekskrakkanna var fjölskyldum þeirra boðið, skákforustunni, skólastjórnendum, starfsmönnum ráðuneytisins og yfirmönnum skólamála í Reykjavík og í Kópavogi. Eftir ávarp ráðherra fluttu skólastjórarnir Helgi Árnason og Sigrún Bjarnadóttir ávörp og þökkuðu ráðherra fyrir að heiðra þetta unga afreksfólk með svo glæsilegum hætti.

Við þetta tilefni afhenti Helgi skólastjóri þeim Degi Ragnarssyni og Jóni Trausta Harðarsyni gjöf frá Rimaskóla en þeir útskrifuðust þaðan í vor. Með skáksveitum Rimaskóla urðu þeir Íslandsmeistarar sl. sex ár og Norðurlandameistarar í fjögur skipti. Hjörvar Steinn liðsstjóri Rimaskóla tók einnig við gjöf frá skólanum í tilefni af glæsilegum stórmeistaratitli en Hjörvar Steinn tefldi með skáksveitum Rimaskóla öll sín 10 ár í grunnskóla.

Álfhólsskóli færði bæði ráðherra og bæjarstjóra Kópavogs gjafabréf í skákkennslu á vegum skólans en áhugi þeirra á skák er þekkur og jafnframt er vitað að í þeim búa frambærilegir skákmenn sem þó mætti etv styrkja. Jafnframt skoraði Álfhólsskóli annars vegar á starfsmenn menntamálaráðuneytisins og hins vegar á bæjarráð Kópavogs í vinaeinvígi í hraðskák. Tóku ráðherra og bæjarstjóri vel í að þiggja kennsluna og jafnframt að taka þátt í umræddum skákeinvígjum með sínu fólki.

Jólaskákmót TR og SFS á sunnu- og mánudag

 

Nú fer að líða að hinu árlega jólaskákmóti Taflfélags Reykjavíkur og Skóla- og frístundasviðs Reykjavíkurborgar.

 

Þátttakendum hefur verið að fjölga síðast liðin ár og því verður fyrirkomulagi keppninnar breytt og í yngri flokki verður keppt í tveimur riðlum sunnudaginn  1. desember.

Suður riðill hefur keppni kl. 10.30 . Norður riðill hefur keppni kl. 14.00 (sjá skiptingu hér að neðan) Tvær efstu sveitir í hvorum riðli munu keppa til úrslita við sveitirnar úr hinum riðlinum um þrjú efstu sætin mánudaginn 2. desember kl. 17:00.

Keppni í eldri flokki verður mánudaginn 2. desember kl. 17:00.

Upplýsingar:

Yngri flokkur (1. - 7. bekkur)

Keppnisstaður:  Taflfélag Reykjavíkur, Faxafeni 12

Keppt verður í stúlkna og drengja flokkum (opnum flokkum). Heimilt er að senda  A, B, C o.s.frv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Í yngri flokki verður keppt í tveimur riðlum sunnudaginn  1. desember.

Suður riðill hefur keppni kl. 10.30 (sjá skóla hér að neðan)

Norður riðill hefur keppni kl. 14.00 (sjá skóla hér að neðan)

Tefldar verða 6 umferðir (hraðmót) eftir Monrad kerfi.

Umhugsunartími: 10 mín. á skák.  Þátttökurétt hafa börn úr grunnskólum Reykjavíkur í  1.-7. bekk.  Mikilvægt er að liðsstjóri fylgi liðum hvers skóla.  Verðlaunaafhending verður að lokinni keppni.

Tvær efstu sveitir í hvorum riðli munu keppa til úrslita við sveitirnar úr hinum riðlinum um þrjú efstu sætin mánudaginn 2. desember kl. 17:00.

Eldri flokkur (8. - 10. bekkur).

Keppnisstaður:  Taflfélag Reykjavíkur, Faxafeni 12.

Keppt verður í stúlkna og drengja flokkum (opnum flokkum). Heimilt er að senda  A, B, C o.sfrv. stúlknasveitir og A, B, C o.s.frv. drengjasveitir.  Í hverri sveit eru 4 keppendur og 0-2 til vara.

Keppni í eldri flokki verður mánudaginn 2. desember kl. 17:00.

Tefldar verða 6 umferðir (hraðmót) eftir Monrad kerfi.

Umhugsunartími: 15. mín. á skák.  Þátttökurétt hafa unglingar úr grunnskólum Reykjavíkur í 8.-10. bekk. Verðlaunaafhending verður að lokinni keppni.

Þátttaka í báða flokka tilkynnist til skrifstofu Skóla- og frístundasviðs Reykjavíkur eigi síðar en föstudaginn 29. nóvember.  Ekki verður hægt að skrá lið á mótsstað.

Skráning sendist á netfang: [e-mail]

Skipting í riðla yngri flokks

Yngri flokkur - Suður riðill (kl. 10.30):

Árbæjarskóli, Ártúnsskóli,  Breiðagerðisskóli, Breiðholtsskóli, Brúarskóli, Fellaskóli, Fossvogsskóli, Grandaskóli, Háaleitisskóli, Hlíðaskóli, Hólabrekkuskóli, Hraunkot, Hvassaleitisskóli, Klettaskóli, Klébergsskóli, Melaskóli, Norðlingaskóli, Selásskóli, Seljaskóli, Suðurhlíðarskóli og Ölduselsskóli.

Yngri flokkur - Norður riðill (kl. 14:00):

Austurbæjarskóli, Dalsskóli, Foldaskóli, Háaleitisskóli, Hamraskóli, Háteigsskóli, Húsaskóli, Ingunnarskóli , Ísaksskóli, Kelduskóli, Landakotsskóli, Langholtsskóli, Laugarnesskóli, Rimaskóli, Sæmundarskóli, Vættaskóli, Vesturbæjarskóli og Vogaskóli.

Taflfélag Reykjavíkur og Skóla- og frístundasvið Reykjavíkurborgar vonast til að sem flestir þessara skóla sjái sér fært að senda sveitir til leiks á eitt af skemmtilegustu mótum vetrarins!

Björn Jónsson

Formaður Taflfélags Reykjavíkur