Hraðskákkeppni skákfélaga: Huginn og Eyjamenn mætast í fyrstu umferð

Dregið var til fyrstu umferðar Hraðskákkeppni taflfélag í dag í Hörpunni. Aðalviðureign fyrstu umferðar verður ótvírætt að teljast viðureign Hugins og Taflfélags Vestmannaeyja. Viðureignir fyrstu umferðar eru sem hér segir:

• Taflfélag Bolungavíkur - Skákdeild Hugins b-sveit
• Skákdeild Hauka - Vinaskákfélagið
• Skakfélags Selfoss og nágrennis - Taflfélag Reykjavíkur
• Kvennalandsliðið - Taflfélag Reykjavíkur unglingasveit
• Taflfélag Vestmannaeyja - Skákfélagið Huginn a-sveit
• Taflfélag Garðabæjar - Skákdeild Fjölnis
• Skákfélag Íslands - Víkingaklúbburinn
• Skákfélag Akureyrar - Skákfélag Reykjanesbæjar

Vegna óska félaga sem eiga fulltrúa á Ólympíuskákmótinu var ákveðið að lengja frestinn til að klára fyrstu umferð til 19. ágúst.

Heimasíða keppninnar 

Íslandsmót skákfélaga: Töfluröð

Dregið var um töfluröð á Íslandsmóti skákfélaga í hádeginu í dag í Hörpu. Töfluröðin er sem hér segir:

1. deild

1. Taflfélag Vestamanneyja
2. Víkingaklúbburinn
3. Skákfélagið Huginn a-sveit
4. Skákfélag Íslands
5. Skákdeild Fjölnis
6. Skákfélag Akureyrar
7. Skákfélag Reykjanesbæjar
8. Skákfélagið Huginn b-sveit
9. Taflfélag Bolungarvíkur
10. Taflfélag Reykjavíkur

2. deild

1. Víkingabklúbburinn b-sveit
2. Vinaskákfélagið
3. Skákfélag Akureyar b-sveit
4. Skákdeild KR
5. Taflfélaga Bolungarvíkur b-sveit
6. Taflfélag Reykjavíkur b-sveit
7. Skákdeild Hauka
8. Taflfélag Garðabæjar

Ólympíufarinn: Jón L. Árnason

Ólympíuskákmótið verður sett á morgun en sjálf taflmennskan hefst á laugardag kl. 13. Í dag verður síðasti Ólympíufarinn kynntur til sögunnar en það er Jón L. Árnason, sem tekur þátt í sínu fyrsta Ólympíuskákmóti í heil 20 ár!

Nafn

Jón L. Árnason

Taflfélag

Taflfélag Bolungarvíkur

Staða

Landsliðseinvaldur og liðsstjóri í opnum flokki.

Hvenær tókstu fyrst þátt á Ólympíuskákmót og hversu oft hefur þú tekið þátt?

Ég hef tekið þátt í níu ólympíuskákmótum, frá Buenos Aires 1978 til og með Moskvu 1994.

Minnisstæðasta skák á Ólympíuskákmóti og þá af hverju?

Ætli ég nefni ekki skákina við enska stærðfræðinginn og stórmeistarann John Nunn frá Novi Sad ´92, sem lauk með skemmtilegri mátsókn.

Minnisstæða atvik

Það er af mörgu að taka.  Ég minnist þess þegar leið yfir andstæðing Margeirs frá Litháen í miðri skák í loftleysinu á ólympíumótinu í Moskvu ´94 og hann steinlá.  Við töldum víst að hann hefði skilið við þetta jarðlíf og það eftir tiltölulega sakleysislegan peðsleik Margeirs.  En það tókst að koma nokkru lífi í hann á ný og skömmu síðar buðu Litháar okkur Margeiri jafntefli á tveimur borðum, sem við þáðum. Það er gaman að geta þess að í sjónvarpsútsendingu frá mótinu var sérstaklega tekið fram hversu góðan íþróttaanda íslenska liðið hefði sýnt við þessar aðstæður.

Hverjar eru þínar væntingar/vonir um gengi íslensku liðanna?

Mér sýnist íslenska liðið í opnum flokki vera nálægt 43. sæti í styrkleikaröðinni af 170 þátttökuþjóðum.  Sveitin varð í 47. sæti á síðasta ólympíumóti.  En ég hef fulla trú á því að liðið geri betur nú og tel að raunhæft markmið sé að verða í hópi 25 efstu þjóða.  Kvennasveitin mun einnig standa sig vel.  Við hræðumst ekki bjartar sumarnætur og ferskt sjávarloftið frá norður heimskautinu.

Hverju spáir þú fyrir um sigurvegara?

Það er erfitt að spá, margir kallaðir, fáir útvaldir.  Þetta gæti orðið Krímskagarimma milli Rússa og Úkraínumanna, sem verða með tvær stigahæstu sveitirnar.  Í kvennaflokki eru kínversku stúlkurnar sigurstranglegar.

Hver er/verður þinn undirbúningur fyrir Ól?

Það er erfitt að spá, margir kallaðir, fáir útvaldir.  Þetta gæti orðið Krímskagarimma milli Rússa og Úkraínumanna, sem verða með tvær stigahæstu sveitirnar.  Í kvennaflokki eru kínversku stúlkurnar sigurstranglegar.

Hefurðu áður teflt fyrir norðan heimskautsbaug?

Helgarskákmót Jóhanns Þóris sumarið 1981 í Grímsey er ógleymanlegt.  Þá var slegið upp hraðskákmóti um miðnætti og borðum raðað eftir heimskautsbaugnum sjálfum, þannig að annar keppandinn sat sunnan baugs og hinn norðan meginn.  Ég og Helgi Ólafsson tókum báðir þátt í þessu móti og getum miðlað öðrum keppendum af reynslu okkar.

Eitthvað að lokum?

Ég hlakka til að mæta aftur til leiks á ólympíuskákmót eftir 20 ára hlé þó að það verði nú í eilítið öðru hlutverki.  Ólympíumótin eru mikil skákhátíð og ætíð eftirminnileg, hvert með sínu sniði.

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

[Event "Novi Sad (ol) 50/377"] [Site "Novi Sad (ol) 50/377"] [Date "1990.??.??"] [EventDate "?"] [Round "?"] [Result "1-0"] [White "Jon Loftur Arnason"] [Black "John Nunn"] [ECO "C84"] [WhiteElo "?"] [BlackElo "?"] [PlyCount "51"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 O-O 8.a4 Bb7 9.d3 d6 10.Nc3 Na5 11.Ba2 b4 12.Ne2 c5 13.c3 bxc3 14.bxc3 c4 15.Ng3 Nd7 16.Ba3 Re8 17.Nf5 Qc7 18.Nd2 cxd3 19.Qh5 g6 20.Bxf7+ Kxf7 21.Qxh7+ Kf6 22.Re3 Nf8 23.Qh8+ Kf7 24.Rf3 gxf5 25.Qh5+ Ng6 26.Qxf5+ 1-0

Afar vel heppnað skákstjórnanámskeið

Afar vel heppnað alþjóðlegt skákstjóranámskeið fór fram síðustu helgi í húsnæði Skáksambands Íslands. Tíu áhugasamir tóku þátt í námskeiðinu. Kennarar voru Dr. Hassan Khalad og Omar Salama. Námskeiðinu lauk með prófi og nái menn prófinu þurfa þeir aðeins þrjú viðurkennd skákmót til að fá útnefningu sem FA-dómarar.

Nemendur voru afskaplega ánægðir með námskeiðið eins og eftirfarandi ummæli segja:

Áslaug Kristinsdóttir

Takk fyrir fróðlegt og skemmtilegt námskeið!

Kristján Örn Elíasson

Glæsilegt!

Tek undir með þér; fróðlegt og skemmtilegt námskeið.

Takk fyrir mig. 

Valgarð Ingibergsson

Afar fróðlegu og skemmtilegu skákstjóranámskeiði lauk í kvöld , en það var haldið í húsakynnum skáksambandsins . Ég vil hér með þakka þeim fyrir er stóðu að þessu sem og öðrum þátttakendum.

Glæsilegur sigur Sævars á afmælismóti Róberts

Alþjóðlegi meistarinn Sævar Bjarnason sigraði með glæsibrag á Forsetamótinu, sem haldið var í Vin í gær í tilefni af afmæli Róberts Lagerman, forseta Vinaskákfélagsins. Sævar sigraði með fullu húsi, og hlaut 6 vinninga. Næstur kom afmælisdrengurinn Róbert og bronsið hreppti hinn eitilharði Ingi Tandri Traustason.

Forsetamótið var vel skipað og voru keppendur alls 22. Afmælisbarnið hafði gert sérstakan samning við veðurguðina í tilefni dagsins, og var nutu skákmeistarar þess að geta teflt í blíðunni. Áður en mótið hófst afhenti Viðar Eiríksson, starfsmaður Vinjar, Róbert gjöf í tilefni dagsins. Þá kom snillingurinn Kormákur Bragason einnig færandi hendi, en í gær kom út nýr geisladiskur með hljómsveit hans, Gæðablóði.

Guðfríður Lilja Grétarsdóttir, fv. forseti Skáksambands Íslands, lék fyrsta leikinn, um leið og hún þakkaði Róbert fyrir ómetanlegt framlag til skáklífs á Íslandi og á Grænlandi.

Í leikhléi var boðið upp á sannkallaða skáktertu í boði Sandholts. Skemmtilegheit og góð stemmning settu mark á þetta stórmót, sem fram fór á vegum Vinaskákfélagsins og Hróksins.

Æfingar eru í Vin alla mánudag klukkan 13, en þar er teflt alla daga. Allir eru ávallt hjartanlega velkomnir í Vin.

Ólympíufarinn: Gunnar Björnsson

Í dag eru aðeins tveir dagar þar til Ólympíuhátíðin hefst. Í dag er Gunnar Björnsson, fararstjóri hópins og fulltrúi á FIDE-þinginu, kynntur til leiks.

Nafn

Gunnar Björnsson

 

Taflfélag

Skákfélagið Huginn

Staða

Fararstjóri, FIDE-fulltrúi og blaðamaður

Hvenær tókstu fyrst þátt á Ólympíuskákmót og hversu oft hefur þú tekið þátt?

Fór sem liðsstjóri 2004 á Mallorca á Spáni sem liðsstjóri í opnum flokki, fór sem fararstjóri og liðsstjóri kvennaliðsins á Khanty Mansiesk 2010 og sem fararstjóri 2012 í Istanbul. FIDE-fulltrúi 2010 og 2012.

Mótið nú er því mitt fjórða Ólympíuskákmót.

Minnisstæðasta skák á Ólympíuskákmóti og þá af hverju?

Það er nokkrar skákir sem eru mér mjög minnisstæðar. Ég nefni skák Stefáns Kristjánssonar við Peter Wells á Ólympíuskákmótinu 2004 sem er ein mest spennandi skák sem ég hef nokkurn tíma horft á. Stefán lék hvað eftir annað með eina sekúndu eftir á klukkunni. Skákinni lauk með jafntefli eftir mikinn hasar og gríðarlegar flækjur.

Einstök stemming í lokaumferðinni í Khanty þegar Lenka tefldi við stúlku frá Jamaíka í lokaumferðinni. Í kringum skákina voru u.þ.b. tíu landar hennar að fylgjast með (á meðan Íslendingarnar fyldust með upp á hóteli í gegnum netið) sem vonaðu að stúlkan þeirri náði jafntefli og þar jafntefli í viðureigninni. Þegar Lenka lék einu með eina sekúndu eftir kom þvílík vonbrigðastuna. Lenka vann fyrir rest.

Minnisstæða atvik

Af þessu þremur mótum sem ég hef farið á stendur mótið í Khanty Mansiesk algjörlega uppúr. Stemmingin var sérstök í aðdragenda mótsins en höfðu fréttir borist að því að hótelið okkar væri jafnvel ekki tilbúið. Þegar á staðinn var komið reyndust aðstæður hins vegar að langflestu leyti vera algjörlega frábærar. Mannafli í Rússlandi er ekki vandamál. Það fór ekki framhjá manni.

FIDE-kosningarnar 2010 og lætin í Kasparov í kringum þær er mér það minnistæðasta frá mótunum þremur.

Hverjar eru þínar væntingar/vonir um gengi íslensku liðanna?

Topp 30 og topp 50.

 

Hverju spáir þú fyrir um sigurvegara?

Ég held að það sé loks kominn tími á Rússanna í opnum flokki eftir 12 ára eyðimerkurgöngu. Kínverjum spái ég sigri í kvennaflokki.

Hver er/verður þinn undirbúningur fyrir Ól?

Fyrst og fremst skipulagning en ég verð í alls konar hlutverkum á mótinu. 

Hefurðu áður teflt fyrir norðan heimskautsbaug?

Nei. Ég tefldi reyndar á Skákþingi Norðlending á Grímsey úppúr aldarmótunum en þá var teflt sunnan heimskautsbaug.

Eitthvað að lokum?

Ég hvet íslenska skákáhugamenn til að fylgjast vel með mótinu. Ég mun leggja mikla áherslu á fréttaflutning frá mótinu. Á Skák.is verða ítarlegar fréttir og pistlar en ég stefni á að nota Twitter (@skaksamband) og Facebook til að koma á framfæri einstökum úrslitum og fréttum af FIDE-þinginu. Fréttirnar koma því fyrst á Twitterinn!

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

[Event "36th Olympiad"] [Site "Calvia ESP"] [Date "2004.10.24"] [EventDate "2004.10.15"] [Round "9"] [Result "1/2-1/2"] [White "Peter K Wells"] [Black "Stefan Kristjansson"] [ECO "A15"] [WhiteElo "2504"] [BlackElo "2444"] [PlyCount "82"] 1. Nf3 Nf6 2. c4 g6 3. Nc3 d5 4. cxd5 Nxd5 5. Qa4+ Bd7 6. Qc2 Nb4 7. Qb3 c5 8. Ne4 Qa5 9. a3 N8c6 10. Qc3 O-O-O 11. b3 Bg7 12. Qxg7 f6 13. Rb1 Bf5 14. axb4 cxb4 15. Qf7 Kb8 16. d3 Bxe4 17. dxe4 Qa2 18. Bf4+ e5 19. Rc1 exf4 20. Qxf6 Rhf8 21. Qa1 Qxb3 22. h4 Qe6 23. h5 b3 24. hxg6 hxg6 25. Rh7 Qd6 26. Qc3 Qb4 27. Qxb4 Nxb4 28. e3 Nc2+ 29. Ke2 fxe3 30. fxe3 a5 31. Ne1 b2 32. Rb1 Nxe1 33. Rxb2 Nd3 34. Rbxb7+ Ka8 35. Ra7+ Kb8 36. Rhb7+ Kc8 37. Rc7+ Kb8 38. Rcb7+ Kc8 39. Rc7+ Kb8 40. Rcb7+ Kc8 41. Rc7+ Kb8 1/2-1/2

Bu Xiangzhi sigraði á Politiken Cup

Bu Xiangzhi (2693) sigraði á Politiken Cup sem lauk í Helsingör í dag. Kínverjinn viðkunnanlegi hlaut 9 vinninga í 10 skákum. Í 2.-5. sæti urðu Gawain Jones (2665) og fleiri góðir menn með 8 vinninga.

Alls tóku 313 skákmenn þátt en Politiken Cup er enn stærsta alþjóðlega mótið á Norðurlöndunum. Hefur enn vinninginn á Reykjavíkurskákmótið þótt munurinn minnki ár frá ári.

Tveir Íslendingar tóku þátt að þessu sinni. Annars vegar var það Eiríkur Björnsson (1939) sem hlaut 5 vinninga og hins vegar Lárus H. Bjarnason (1601) sem hlaut 4 vinninga.

• Heimasíða mótsins
• Chess-Results

 

Ólympíufarinn: Lenka Ptácníková

Nú er aðeins þrír dagar í setningu Ólympíuskákmótsins. Í dag kynnum við til sögunnar Lenku Ptácniková sem teflir á fyrsta borði í kvennaliðinu.

Nafn

Lenka Ptácníková

Taflfélag

Huginn

Staða

Fyrsta borð í kvennaliðinu

Hvenær tókstu fyrst þátt á Ólympíuskákmót og hversu oft hefur þú tekið þátt?

Í fyrsta sinn 1994 og öllum eftir það!

Minnisstæðasta skák á Ólympíuskákmóti og þá af hverju?

Á móti Evu Repkovu á Ólympíuskákmótinu í Khanty Mansiesk 2010 en þú ert búinn að birta hana mörgum sinnum. [Aths. ritstjóra - hún fylgir með enn einu sinni! Hér má sjá hana skýrða af Helga Ólafssyni]

Minnisstæða atvik

Byltingin í Jerevan var ógleymanleg. [Aths. ritstjóra - Lenka segir ítarlega frá því hér.]

Hverjar eru þínar væntingar/vonir um gengi íslensku liðanna?

Vona að bæði liðin lenda á ofarlega en þeim er raðað fyrir mót og mæti heim með fullt af stigum! :)

Hverju spáir þú fyrir um sigurvegara?

Í opnum flokki Armenía einu sinni en, reyndar eru mjög óánægðir með því að vita fyrir fram að geta ekki teflt í 2016 í Bakú (Armenar mega ekki koma í landið). Í kvennaflokki Kína.

Hver er/verður þinn undirbúningur fyrir Ól?

 Ég var að keppa ansi mikið í ár og auðvitað stúdera eitthvað nýtt á milli

 

Hefurðu áður teflt fyrir norðan heimskautsbaug?

Nei.

Eitthvað að lokum?

Áfram Ísland!

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

[Event "Chess Olympiad (Women)"] [Site "Khanty-Mansiysk RUS"] [Date "2010.09.27"] [EventDate "2010.09.21"] [Round "6"] [Result "1-0"] [White "Lenka Ptacnikova"] [Black "Eva Repkova"] [ECO "C07"] [WhiteElo "2282"] [BlackElo "2447"] [PlyCount "83"] 1. e4 e6 2. d4 d5 3. Nd2 c5 4. exd5 Qxd5 5. Ngf3 cxd4 6. Bc4 Qd6 7. O-O Nf6 8. Nb3 Nc6 9. Nbxd4 Nxd4 10. Nxd4 a6 11. Re1 Qc7 12. Qe2 Bd7 13. Bg5 O-O-O 14. a4 Bc5 15. c3 h5 16. b4 Bd6 17. h3 e5 18. Nb5 axb5 19. axb5 Bf5 20. b6 Qxb6 21. Be3 Qc7 22. Bb5 Nd7 23. Ra8+ Nb8 24. Ba7 Qxc3 25. Be3 Bc7 26. Rc1 Qxc1+ 27. Bxc1 Rd6 28. Be3 Rhd8 29. Ba4 Rg6 30. Qxh5 Be4 31. f3 Bd3 32. Bb3 Rd7 33. Qh8+ Rd8 34. Qh4 f5 35. Bg5 Bb6+ 36. Kh1 Rf8 37. Be7 Bf1 38. Ra2 Bd8 39. Qh7 Rh6 40. Qxg7 Rfh8 41. Bxd8 Kxd8 42. Rd2+ 1-0

Forsetamótið: Afmælismót Róberts Lagerman haldið í dag

Vinaskákfélagið og Hrókurinn efna til sumarskákmóts í Vin, Hverfisgötu 47, þriðjudaginn 29. júlí klukkan 13. Mótið er haldið til heiðurs Róbert Lagerman forseta Vinaskákfélagsins, sem á afmæli þennan dag.

Róbert hefur verið burðarás í starfi Vinaskákfélagsins frá upphafi. Hann og Hrafn Jökulsson annast auk þess vikulegar heimsóknir í Barnaspítala Hringsins, og eru í fararbroddi skáklandnámsins á Grænlandi. 

Tefldar verða 6 umferðir með sjö mínútna umhugsunartíma. Verðlaunin koma frá 12 tónum, bestu tónlistarbúð norðurslóða, og gómsætar veitingar frá Bakarí Sandholt.

Allir eru hjartanlega velkomnir, og er þátttaka ókeypis.

 

Facebook-síða Hróksins 

Facebook-síða Vinaskákfélagsins 

Ólympíufarinn: Hannes Hlífar Stefánsson

Áfram höldum við með kynningar á Ólympíuförunum. Í dag kynnum við til leiks fyrsta borðs manninn, Hannes Hlífar Stefánsson.

Nafn

Hannes Hlífar Stefánsson

Taflfélag

Taflfélag Reykjavíkur

Staða

Ég mun víst tefla!

Hvenær tókstu fyrst þátt á Ólympíuskákmót og hversu oft hefur þú tekið þátt?

Tók fyrst þátt 1992 og hef teflt síðan. Þá er bara telja!

Minnisstæðasta skák á Ólympíuskákmóti og þá af hverju?

Minnisstæðasta skákin þegar ég tefldi á móti Rúmenanum Istratescu 1992. Hann skipti upp á öllu og bauð jafntefli eftir 10 leiki en ég hafnaði og náði að svíða hann!

Minnisstæða atvik

Minnisstæðasta Ólympíumótið er Elista 1998 en þá var skákþorp byggt fyrir keppendur og bjó íslenska liðið í íbúð með eldabusku sem eldaði fyrir liðið reyndar var mótinu frestað um nokkra daga og sama dag og mótið átti að hefjast var íslenska liðið keyrt lengst út í sveitabæ  þar var slegið upp veislu þótt klukkan væri einungis um hádegi þá var öllum sveitamatnum stillt upp á risastóru borði og kössum af vodka staflað á borðið!

Þýddi lítið að segja nei við gestgjafana þá var tekið hlé af átinu og kassettutæki stillt upp á hlaði og dansaði ólympíuliðið við heimasæturnar svona gekk þetta 4-5 umferðir étið, drukkið, dansað og sungnir ættjarðarsöngvar þangað til að rökkva tók.  Í sunnudagsblaði Morgunblaðsins birtist mynd af Þresti í sjómanni við einn heimamanninn!

Hverjar eru þínar væntingar/vonir um gengi íslensku liðanna?

Væntingar til liðsins hef trú að allir eigi eftir að tefla ofar getu.

Hverju spáir þú fyrir um sigurvegara?

Spái Kínverjum sigurvegara í bæði karla og kvennaliðinu!

 

Hver er/verður þinn undirbúningur fyrir Ól?

Hef verið að tefla í Tekklandi í sumar.

Hefurðu áður teflt fyrir norðan heimskautsbaug?

Hef aldrei teflt fyrir norðan heimskautbaug

Eitthvað að lokum?

Spurning hvort við gistum í togara förum svo að róa eftir skákina? 

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

 

[Event "Manila ol (Men)"] [Site "Manila"] [Date "1992.??.??"] [Round "?"] [White "Istratescu, Andrei"] [Black "Stefansson, Hannes"] [Result "0-1"] [ECO "C49"] [WhiteElo "2430"] [BlackElo "2455"] [PlyCount "118"] [EventDate "1992.06.08"] [EventType "team"] [EventRounds "14"] [EventCountry "PHI"] [Source "ChessBase"] [SourceDate "1994.03.01"] 1. e4 e5 2. Nf3 Nc6 3. Nc3 Nf6 4. Bb5 Bb4 5. O-O O-O 6. Bxc6 dxc6 7. Nxe5 Bxc3 8. dxc3 Nxe4 9. Bf4 Qf6 10. Qf3 Nd6 11. Rfe1 Be6 12. Nd3 Rfe8 13. Qg3 Nf5 14. Qg5 Qxg5 15. Bxg5 b6 16. Bf4 Rac8 17. a4 f6 18. h3 c5 19. a5 g5 20. Bh2 c4 21. Nb4 c5 22. Na6 Bf7 23. Rxe8+ Rxe8 24. Kf1 Rd8 25. Bc7 Rd2 26. axb6 axb6 27. Bxb6 Rxc2 28. Nxc5 Bd5 29. Nd7 Kf7 30. Rd1 Be4 31. Bc5 Nh4 32. g3 Bd3+ 33. Kg1 Nf3+ 34. Kg2 Be4 35. Nb6 Rxb2 36. g4 Rc2 37. Kg3 Rxc3 38. Rd7+ Kg6 39. Nf3+ Be3 Ne5 40. Re7 h5 41. gxh5+ Kxh5 42. Re8 Bc6 43. Re6 Rxe3+ 44. fxe3 c3 45. Nc4 c2 46. Nxe5 c1=Q 47. Nxc6 f5 48. Kf2 Qd2+ 49. Kf1 Kh4 50. Nd4 Kxh3 51. Ne2 Qd5 52. Rh6+ Kg4 53. Ke1 Qe4 54. Kd2 f4 55. exf4 gxf4 56. Rh8 Qd5+ 57. Kc2 f3 Rh6+ 58. Nc3 Qf5+ 59. Kd2 Qf4+ 0-1