Íslensku strákarnir í þremur efstu sætunum í Uppsölum

Þegar sex umferðum af níu er lokið á alþjóðlega unglingamótinu í Uppsölum í Svíþjóð raða íslensku strákarnir þrír sér í þrjú efstu sætin. Dagur Ragnarsson (2232) er efstur með 4½ vinning. Vignir Vatnar Stefánsson (2163) og Oliver Aron Jóhannesson (2263) eru í 2.-5. sæti með 4 vinninga . Tvær umferðir fóru fram í dag og gekk strákunum vel og töpuðu ekki skák. 

Mótinu verður framhaldið á morgun með sjöundu umferð. Þá mætast Dagur og Oliver. Vignir teflir við Svíann Jung Min Seo (2131). Mótinu lýkur svo á miðvikudaginn með tveimur umferðum. 

• Heimasíða mótsins
• Beinar útsendingar

 

Ný alþjóðleg skákstig

Ný alþjóðleg skákstig eru komin út og taka þau gildi á morgun 1. nóvember. Hannes Hlífar Stefánsson hefur endurheimt toppsætið, Adolf Petersen er stigahæsti nýliðinn og Stephan Briem er hækkunarkóngurinn frá október-listanum.

Topp 20

Alls hafa 409 íslenskir skákmenn virk skákstig og fjölgar þeim jafnt og þétt. Hannes Hlífar Stefánsson (2570) endurheimti toppsætið þrátt fyrir að lækka um 1 stig. Héðinn Steingrímsson (2564) og Hjörvar Steinn Grétarsson (2563) eru skammt undan. 

Listann má nálgast í heild sinni hér.

19 af 20 skákmönnum á topp 20 voru með reiknaðar skákir.

No.	Name	Tit	Stig	Diff	Gms
1	Stefansson, Hannes	GM	2570	-1	5
2	Steingrimsson, Hedinn	GM	2564	-8	5
3	Gretarsson, Hjorvar Steinn	GM	2563	4	5
4	Hjartarson, Johann	GM	2541	2	5
5	Olafsson, Helgi	GM	2540	1	4
6	Petursson, Margeir	GM	2513	1	3
7	Danielsen, Henrik	GM	2477	-3	1
8	Arnason, Jon L	GM	2471	-7	3
9	Kristjansson, Stefan	GM	2459	-5	3
10	Thorfinnsson, Bragi	IM	2453	18	5
11	Gunnarsson, Jon Viktor	IM	2450	-7	5
12	Gretarsson, Helgi Ass	GM	2448	0	0
13	Kjartansson, Gudmundur	IM	2438	11	5
14	Thorsteins, Karl	IM	2432	-7	2
15	Gunnarsson, Arnar	IM	2431	0	5
16	Thorhallsson, Throstur	GM	2417	6	4
17	Thorfinnsson, Bjorn	IM	2404	6	5
18	Johannesson, Ingvar Thor	FM	2377	10	14
19	Ulfarsson, Magnus Orn	FM	2375	-10	4
20	Arngrimsson, Dagur	IM	2375	-3	3

Nyliðar

Sautján nýliðar eru á listanum nú og hafa mjög líklega aldrei verið fleiri. Þeirra stigahæstur er Adolf Petersen (1841) en næstir eru Ólafur G. Ingason (1773) og Einar S. Einarsson (1756).

 

No.	Name	Tit	Stig	Diff	Gms
1	Petersen, Adolf		1841	1841	5
2	Ingason, Olafur G		1773	1773	6
3	Einarsson, Einar S		1756	1756	5
4	Stefansson, Kristjan		1752	1752	7
5	Johannsson, Gudmundur I		1704	1704	6
6	Stefansson, David		1633	1633	7
7	Moller, Thordur		1624	1624	5
8	Karason, Fannar Breki		1439	1439	7
9	Ingveldarson, Thorvaldur Kari		1389	1389	6
10	Arnarson, Hilmir		1345	1345	5
11	Signyjarson, Arnar Smari		1315	1315	5
12	Petursson, Ulfur Orri		1298	1298	5
13	Gunnlaugsson, Arnor		1226	1226	6
14	Hardarson, Gudni Karl		1152	1152	5
15	Ragnarsson, Rikhard Skorri		1099	1099	7
16	Thorisson, Bjartur		1071	1071	10
17	Sveinbjornsdottir, Elisabet Xian		1026	1026	5

 

Mestu hækkanir

Ólafur Evert Úlfsson (230) hækkar langmest allra frá október-listanm. Í 2. og 4. sæti eru Stephan Briem (142) og Benedikt Briem (122). Á milli þeirra er Vignir Vatnar Stefánsson (136).

No.	Name	Tit	Stig	Diff	Gms
1	Ulfsson, Olafur Evert		1694	230	12
2	Briem, Stephan		1736	142	11
3	Stefansson, Vignir Vatnar		2299	136	14
4	Briem, Benedikt		1199	122	11
5	Karlsson, Isak Orri		1341	97	12
6	Moller, Tomas		1122	94	10
7	Gudmundsson, Gunnar Erik		1167	85	8
8	Mai, Aron Thor		1893	73	14
9	Karason, Halldor Ingi		1757	69	3
10	Lemery, Jon Thor		1659	68	13
11	Johannsson, Birkir Isak		1531	58	3
12	Gardarsson, Hakon		1152	54	2
13	Hardarson, Jon Trausti		2157	52	14
14	Baldursson, Hrannar		2184	49	4
15	Hakonarson, Sverrir		1460	46	10
16	Mai, Alexander Oliver		1717	42	12
17	Magnusson, Thorlakur		1807	38	4
18	Grimsson, Grimur		1790	38	3
19	Johannesson, Haki		1759	37	4
20	Dadason, Gudmundur		2128	34	5

Stigahæstu skákkonur landsins

Lenka Ptácníková (2210) er langstigahæsta skákkona landsins. Í næstu sætum eru Hallgerður Helga (2050) og Guðlaug Þorsteinsdætur (2018).

 

No.	Name	Stig	Diff	Gms
1	Ptacnikova, Lenka	2210	13	5
2	Thorsteinsdottir, Hallgerdur	2050	0	0
3	Thorsteinsdottir, Gudlaug	2018	9	3
4	Davidsdottir, Nansy	1901	-4	4
5	Finnbogadottir, Tinna Kristin	1894	0	1
6	Kristinardottir, Elsa Maria	1812	-24	8
7	Magnusdottir, Veronika Steinunn	1792	14	13
8	Hauksdottir, Hrund	1776	-20	3
9	Fridthjofsdottir, Sigurl. Regina	1764	-38	11
10	Helgadottir, Sigridur Bjorg	1763	-6	1

Stigahæstu ungmenni landsins

Vignir Vatnar Stefánsson (2299) er stigahæsta ungmenni landsins 20 ára og yngri. Í næstu sætum eru Dagur Ragnarsson (2244) og Oliver Aron Jóhannesson (2235).

No.	Name	Tit	Stig	Diff	Gms
1	Stefansson, Vignir Vatnar		2299	136	14
2	Ragnarsson, Dagur	FM	2244	12	13
3	Johannesson, Oliver	FM	2235	-28	14
4	Hardarson, Jon Trausti		2157	52	14
5	Birkisson, Bardur Orn		2126	6	5
6	Thorgeirsson, Jon Kristinn		2124	22	10
7	Heimisson, Hilmir Freyr		2113	6	7
8	Thorhallsson, Simon		2085	0	0
9	Jonsson, Gauti Pall		2036	-46	14
10	Birkisson, Bjorn Holm		2009	-10	5

 

Stigahæstu senior skákmenn landsins (65+)

Friðrik Ólafsson (2373) er langstigahæsti skákmaður landsins 65 ára og eldri. Í næstu sætum eru Jónas Þorvaldsson (2258)og Arnþór Sævar Einarsson (2252).

No.	Name	Tit	Stig	Diff	Gms
1	Olafsson, Fridrik	GM	2373	0	0
2	Thorvaldsson, Jonas		2258	0	0
3	Einarsson, Arnthor		2252	8	1
4	Viglundsson, Bjorgvin		2185	-3	13
5	Thorvaldsson, Jon		2168	0	0
6	Kristinsson, Jon		2166	11	4
7	Fridjonsson, Julius		2145	0	0
8	Gunnarsson, Gunnar K		2115	-35	5
9	Kristjansson, Olafur		2112	12	4
10	Briem, Stefan		2094	-23	3

Heimslistinn

Magnus Carlsen (2853) er stigahæsti skákmaður heims. Í næstu sætum eru Fabiano Caruana (2823) og Maxime Vachier-Lagrave (2811). Topp 100 má finna í heild sinni hér.

Fljólega verður samantekt um ný alþjóðleg hraðskákstig.

Reiknuð innlend skákmót

• Hraðskákkeppni taflfélaga (undanúrslit og úrslit)
• Haustmót TR (a-, b- og c-flokkar)
• Íslandsmót skákfélaga (1.-4. deild)
• Haustmót SA (a- og b-flokkar)
• Atkvöld Hugins (hrað- og atskák)
• 15 mínútna mót Hugins (atskák)
• Íslandsmót ungmenna (atskák)
• Hausthraðskákmót TR
• Hausthraðskákmót SA

 

Skrár tengdar þessari bloggfærslu:

• Alþjóðleg skákstig, 1. nóvember 2016

Annað mót BikarsyrpuTR hefst á föstudaginn - samhliða er Bikarmót stúlkna

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað þriðja árið í röð. Mót syrpunnar í vetur verða fimm talsins og hefur umferðum hvers móts verið fjölgað í sjö.

Annað mót Bikarsyrpunnar hefst föstudaginn 4. nóvember og stendur til sunnudagsins 6. nóvember. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Sú nýbreytni verður höfð á að meðfram Bikarsyrpunni verður Bikarmót stúlkna haldið í fyrsta sinn. Með því gefst stelpum sem vilja prófa form Bikarsyrpunnar aukið tækifæri á að spreyta sig áður en þær taka þátt í sjálfri Bikarsyrpunni. Tefldar verða fimm umferðir í stúlknamótinu, ein á föstudag og tvær hvorn daginn laugardag og sunnudag, en að öðru leyti verður fyrirkomulag hið sama og í Bikarsyrpunni. Nánari dagskrá má sjá hér að neðan.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2001 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Dagskrá Bikarsyrpu II:

• 1. umferð: 4. nóvember kl. 17.30 (fös)
• 2. umferð: 5. nóvember kl. 10.00 (lau)
• 3. umferð: 5. nóvember kl. 13.00 (lau)
• 4. umferð: 5. nóvember kl. 16.00 (lau)
• 5. umferð: 6. nóvember kl. 10.00 (sun)
• 6. umferð: 6. nóvember kl. 13.00 (sun)
• 7. umferð: 6. nóvember kl. 16.00 (sun)

Dagskrá Bikarmóts stúlkna:

• 1. umferð: 4. nóvember kl. 17.30 (fös)
• 2. umferð: 5. nóvember kl. 10.00 (lau)
• 3. umferð: 5. nóvember kl. 13.00 (lau)
• 4. umferð: 6. nóvember kl. 10.00 (sun)
• 5. umferð: 6. nóvember kl. 13.00 (sun)

Verðlaunaafhending fer fram strax að lokinni síðustu umferð hvors móts fyrir sig.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu (í stúlknamótinu er ein yfirseta leyfð í umferðum 1-3). Tilkynna þarf skákstjóra um yfirsetu fyrir lok umferðarinnar á undan.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari hvors móts hlýtur að launum bikar. Verðlaunapeningur eru veittur fyrir 2.sæti og 3.sæti. Sérstök verðlaun verða veitt næsta vor fyrir samanlagðan árangur í mótunum fimm, þar á meðal er veglegur farandbikar. Þá verða veitt sérstök verðlaun fyrir samanlagðan árangur fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1.sæti gefur 5 einkatíma, 2.sæti gefur 3 einkatíma og 3.sæti gefur 2 einkatíma.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Atskákmótið: enn einn titillinn til Jóns Kristins!

Atskákmóti Akureyrar lauk í gær, með þremur umferðum, en fjórar fyrstu umferðirnar voru tefldar á fimmtudagskvöld. Taflið í gær hófst með mörgum spennandi skákum, m.a. mættust tveirm efstu mennirnir, þeir Ólafur og Jón Kristinn. Sá fyrrnefndi fékk yfirburðastöðu en Jón varðist af hörku og undir það síðasta missti Ólafur tökin á stöðunni í miklu tímahraki og féll svo á tíma. Þar með var hann búinn að missa forystuna í hendur Jóni, sem ekki lét hana af hendi eftir það.

Lokaúrslit urðu þessi:

Jón Kristinn Þorgeirsson     6

Smári Ólafsson               5,5

Ólafur Kristjánsson          5

Andri Freyr Björgvinsson     4,5

Stefán Arnalds og 

Hjörtur Steinbergsson        4

Ísak Orri Karlsson           3

Fannar Breki Kárason         2

Ágúst Ívar Árnason           1

Heiðar Ólafsson              1

Sjá nánar á Chess-results.

Hannes endaði í þriðja sæti í Berlín

Stórmeistarinn Hannes Hlífar Stefánsson (2571) hlaut 7 vinninga í 9 umferðum á alþjóðlegu móti í Berlín í Þýskalandi sem lauk í gær. Hannes varð í 3.-7. sæti af 175 keppendum og tók þriðja sætið eftir stigaútreikning. Stórmeistararnir, Boris Chatalbashev (2534), Búlgaríu, og Hovhannes Gabuzyan (2592) urðu efstir og jafnir með 7,5 vinninga.

Frammistaða Hannesar samsvaraði 2555 skákstigum og lækkar hann um 2 skákstig fyrir hana.

Heimasíða mótsins

 

Hraðkvöld Hugins í kvöld

Hraðkvöld Hugins verður mánudaginn 31. október nk. og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 2 sekúndur á hvern leik eða 5 mínútur + 2 sekúndur á hvern leik eftir fjölda umferða. Teflt er í félagsheimili Hugins í Álfabakka 14a í Mjóddinni. Hraðkvöldið verður reiknað til hraðskákstiga.

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Góður endasprettur í Sastamala

Einar Hjalti Jensson (2378) og Guðmundur Kjartansson (2427) áttu frábæran endasprett á Norðurlandamótinu í skák sem lauk í dag í Sastamala í Finnlandi. Einar Hjalti vann norska alþjóðlega meistarann Johan Salomon (2498) í lokaumferðinni. Einar átti frábæran endasprett og vann síðustu þrjár skákirnar. Guðmundur vann Mika Kartunen (2450) í lokaumferðinni og í þeirri næstsíðustu gerði hann jafntefli við norska stórmeistarann Jon Lugdvig Hammer (2628).

Guðmundur hlaut 5 vinninga og endaði í 5. sæti á mótinu. Einar hlaut 4 vinning og endaði í sjötta sæti. Báðir hækka þeir á stigum. Einar um 13 stig en Guðmundur um 10 stig. 

Sænski stórmeistarinn Erik Blomquist (2541) varð skákmeistari Norðurlanda 2016. Blómkvisturinn hlaut 7 vinninga.

Lokastöðuna má nálgast á Chess-Results.

Heikki Westerinen (2302) og John Rödgaard (2338) urðu efstir og jafnir á Norðurlandamóti öldunga sem fram fór samhliða. Finninn varð Norðurlandameistari 65 ára og eldri en Færeyringurinn hampaði sama titli fyrir 50 ára og eldri.

Gunnar Finnlaugsson (2024) hlaut 4,5 vinninga en Sigurður H. Jónsson (1850) hlaut 3,5 vinninga. Gunnar hlaut bronsið!

Lokastöðuna má nálgast á Chess-Results.

• Heimasíða mótsins
• Chess-Results
• Beinar útsendingar

Skákþáttur Morgunblaðsins: Ingvar vann haustmótið – Vignir Vatnar skákmeistari TR

Ingvar Þ. Jóhannesson sigraði á haustmóti Taflfélags Reykjavíkur sem lauk um síðustu helgi. Ingvar hlaut 7 vinninga af níu mögulegum og var ½ vinningi fyrir ofan næsta mann, Dag Ragnarsson. Ingvar var vel að sigrinum kominn. Hann var talinn sigurstranglegastur fyrir mótið, náði strax forystu og hélt henni til loka. Þar sem hvorki Ingvar né Dagur eru félagsmenn í TR gátu þeir ekki unnið sæmdarheitið skákmeistari TR 2016 og hinn nýi handhafi þess titils er yngsti þátttakandinn í A-riðli, Vignir Vatnar Stefánsson. Vignir sem er 13 ára gamall er nú með 2300 elo-stig. Leita þarf aftur til ársins 1986 til að finna svo ungan meistara en það ár varð Þröstur Árnason skákmeistari Reykjavíkur eftir harða keppni við Hannes Hlífar Stefánsson og Héðin Steingrímsson. Lokaniðurstaðan í A- riðli:

1. Ingvar Þ. Jóhannesson 7 v. (af 9) 2. Dagur Ragnarsson 6 ½ v. 3. Vignir Vatnar Stefánsson 6 v. 4. – 5. Þorvarður Ólafsson og Jón Trausti Harðarson 5 v. 6. – 7. Oliver Aron Jóhannesson og Björgvin Víglundsson 4 ½ v. 8. Hrafn Loftsson 3 ½ v. 9. Gauti Páll Jónsson 2 v. 10. Birkir Karl Sigurðsson 1 v.

Hinn nýi skákmeistari TR komst nokkrum sinnum í hann krappan en var seigur í verri endatöflum, t.d. í maraþonskák við Dag Ragnarsson í sjöttu umferð sem hafði talsverð áhrif á lokaniðurstöðuna:

Vignir – Dagur

Dagur lék nú 70. ... Ke7 en hefði betur gefið gaum peðsendataflinu sem kemur upp eftir 70. ... Rxb5 71. cxb5 Kg5! 72. Kf3 Kh5! og vinnur. Hinn möguleikinn var 71. axb5 en þá er komin upp staða þar sem svartur hefur valdað frípeð og vinnur eftir 71. ... Ke7 o.s.frv.

Þó að staða Vignis væri áfram slæm náði hann að snúa taflinu sér í vil en þó var ekkert meira en jafntefli að hafa í stöðunni sem kom upp eftir 100 leiki:

Vignir – Dagur

Svartur heldur jafntefli með 100. ... Rc5, 100. ... Rc3 eða 100. ... Rd6. Hann lék hinsvegar ...

100. ... Rd2??

og eftir ...

101. Ke6! Re4

102. c7+!

... mátti hann gefast upp því að 102. ... Kxc7 er svarað með 103. Ke7 og d-peðið verður að drottningu.

Í B- riðli haustmótsins sigraði Aron Thor Mai glæsilega, hlaut 7 ½ vinning af níu mögulegum og vinnur sér þar með keppnisrétt í A-riðli á næsta ári. Hörður Aron Hauksson varð í 2. sæti og Steinunn Veronika Magnúsdóttir í 3. sæti. Í Opna flokknum sigraði Ólafur Evert Úlfsson með fullu húsi vinninga, hlaut 9 vinninga af níu mögulegum.

Bræðurnir Aron Thor og Alexander tefldu báðir í B-riðli. Þeir hafa margt til brunns að bera, sá eldri teflir og þekkir hvassar byrjanir býsna vel eins og Magnús Kristinsson fékk á að kenna í 5. umferð:

Aron Thor Mai – Magnús Kristinsson

Sikileyjarvörn

1. e4 c5 2. Rf3 Rf6 3. Rc3 d6 4. d4 cxd4 5. Rxd4 g6 6. Be3 Bg7 7. f3 Rc6 8. Dd2 O-O 9. g4 Bd7 10. h4 h5 11. O-O-O Hc8 12. Kb1 hxg4 13. h5 Re5

14. Bh6?

Eðlilegasti leikurinn en „stungan“ 14. h6! vinnur, 14. ... Bh8 15. h7+! Rxh7 16. Dh2! o.s.frv.

14. ... gxf3 15. Bxg7 Kxg7 16. hxg6 fxg6 17. Rd5 Hh8 18. Hxh8 Dxh8 19. Rxe7 He8 20. Rd5 Dh4 21. Db4 Rxe4 22. Bd3 Kh6??

Á h-línunni er ekkert skjól. Svartur var sloppinn og gat unnið með 22. ... a5! 23. Dxa5 Rf2! o.s.frv.

23. Bxe4 Dxe4 24. Hh1+ Kg5 25. Dd2+ Kg4 26. Re3+ Kg5 27. Rd5+ Kg4 28. Rf6+

- og svartur gafst upp.

Grein þessi birtist í Morgunblaðinu 22. október 2016

Skákþættir Morgunblaðsins

Góð byrjun íslensku strákanna í Uppsölum

Alþjóðlegt unglingamót hófst í Uppsölum í Svíþjóð í gær. Þrír íslenskir strákar taka þátt og byrja vel. Eftir tvær umferðir hafa Dagur Ragnarsson (2232) og Vignir Vatnar Stefánsson (2163) fullt hús vinninga og Oliver Aron Jóhannesson (2263) hefur 1,5 vinning. Vignir vann í morgun finnska FIDE-meistarann Toivo Keinanen (2345) stigahæsta keppenda mótsins.

Þriðja umferð hófst nú kl. 13. Þá mætast Vignir og Oliver. Dagur teflir við Svíann Martin Jogstad (2298). 

• Heimasíða mótsins
• Beinar útsendingar

 

Vel sótt U-2000 mót hófst á miðvikudag

Hún var skemmtileg stemningin í salarkynnum TR á miðvikudagskvöld þegar U-2000 mótið var keyrt í gang annað árið í röð eftir vel heppnaða endurvakningu en tvöfalt fleri sækja mótið í ár en í fyrra, eða ríflega 40 keppendur. Margar af viðureignum fyrstu umferðar urðu jafnar og spennandi en keppendahópurinn samanstendur af ungum og upprennandi skákmönnum sem og þeim reynslumeiri og lengra komnu. Þó að flest úrslit hafi verið eftir bókinni er alveg á hreinu að það er ekkert gefið fyrir þá stigahærri og ljóst að afar skemmtilegt mót er framundan.

Stigahæstur keppenda er sigurvegari mótsins í fyrra, Haraldur Baldursson (1957), og verður að teljast líklegt að hann verði í harðri baráttu um að endurtaka leikinn. Hóf hann einmitt mótið með sigri á liðsmanni Vinjar, Hjálmari Sigurvaldasyni (1495), sem lætur sig sjaldnast vanta á mót félagsins. Næstur í stigaröðinni er hinn norskættaði Jon Olav Fivelstad (1918) sem stöðvaði loks taplausa hrinu Ólafs Everts Úlfssonar (1464). Þriðji í röðinni er síðan hinn ungi og efnilegi Dawid Kolka (1907) sem lagði Davíð Arnarson (1424).

Ríflega 300 Elo-stigum munaði á Guðmundi Aronssyni (1767) og Jóhanni Bernhard Jóhannssyni (1426) þar sem sá síðarnefndi hafði sigur. Þá gerðu jafntefli Helgi Pétur Gunnarsson (1801) og Þorsteinn Magnússon (1379), sem og Örn Alexandersson (1217) og Agnar Darri Lárusson (1755).

Önnur umferð fer fram næstkomandi miðvikudagskvöld og hefst á slaginu 19.30. Áhorfendur eru velkomnir og er vert að nefna að Birnu-kaffi verður opið þar sem gæða má sér á dýrðarinnar veigum. Skákir fyrstu umferðar eru aðgengilegar á pgn formi hér að neðan en það var Daði Ómarsson sem sá um innsláttinn.

Sjá myndskreytta frásögn á heimasíðu TR.

• Chess-Results
• Skákir: 1