Frábærir Fjölniskrakkar: Senda fjölmargar gjafir og taflsett til grænlenskra barna

Börnin í skákdeild Fjölnis komu færandi hendi á skákæfingu í Rimaskóla í dag. Þau komu með fjölmargar skemmtilegar og nytsamlegar gjafir til barnanna á Grænlandi, en þangað halda liðsmenn Hróksins í næstu viku.

Hrafn Jökulsson og Róbert Lagerman úr Hróknum komu í heimsókn á æfinguna og veittu gjöfunum viðtöku. Þarna voru meðal annars litir og litabækur, púsluspil og leikföng, föt og marskyns fínerí. Og ekki nóg með það: Krakkarnir söfnuðu líka næstum 30 þúsund krónum, sem duga til að kaupa 15 góð taflsett handa grænlensku börnunum!

Frumkvæði að þessum góðu gjöfum átti Helgi Árnason skólastjóri og formaður skákdeildar Fjölnis, en hann hefur tvisvar komið í skákferðir til Grænlands ásamt börnum úr Rimaskóla. Hrafn og Róbert færðu Helga og hans knáu liðsmönnum djúpar þakkir fyrir að sýna okkar næstu nágrönnum á Grænlandi vinarþel í verki. Öll fengu hin gjafmildu börn póstkortaseríu Hróksins frá skákstarfinu á Grænlandi, auk þess sem Hrafn sagði þeim dálítið frá okkar stórbrotna nágrannalandi.

Mikið líf var á æfingunni hjá Fjölni, og tugir stráka og stelpna skemmtu sér konunglega og sýndu góða takta, enda er Rimaskóli einhver mesti skákskóli í heiminum!

Takk fyrir frábært framtak, Fjölnismenn! 

NM Skólaskák 2014 pistill þriðju umferðar

Úrslit okkar keppenda í þriðju umferð

A-flokkur
Casper Christensen, Danmörk (1977) - Nökkvi Sverrisson (2081) 1-0
Elise Forså, Noregur (1854) - Mikael Jóhann Karlsson (2057) 0-1

B-flokkur
Johan-Sebastian Christiansen, Noregur (2209) - Oliver Aron Jóhannesson (2104) 1-0
Dagur Ragnarsson (2073) – Patrik Liedbeck, Svíþjóð (1834) 1-0

C-flokkur
Jesper Söndergaard Thybo, Danmörk (2156) - Jón Kristinn Þorgeirsson (1844) ½-½
Henri Lahdelma, Finnland (1679) - Dawid Kolka (1748) 0-1

D-flokkur
Hilmir Freyr Heimisson (1761) – Daniel Nordquelle, Noregur (1654) 1-0
Cordoba Santiago Grueso, Svíþjóð (1486) - Felix Steinþórsson (1536) 1-0

E-flokkur
Mykhaylo Kravchuk (1453) – Gabriel Nguyen, Svíþjóð (1535) ½-½
Vignir Vatnar Stefánsson (1800) – Jón í Horni Nielsen, Færeyjar (1103) 1-0

Í A-flokki tefldi Nökkvi með svörtu við Casper frá Danmörku.  Nökkvi missti aðeins þráðinn eftir byrjunina og fékk verri stöðu.  Þrátt fyrir mikla baráttu og margar góðar varnartilraunir tapaðist skákin að lokum.  Mikael tefldi við Elise frá Noregi.  Mikael tefldi þessa skák afar vel og var með stöðuna algjörlega á hreinu á meðan andstæðingurinn náði ekki að mynda sér góða áætlun.  Virkilega vel tefld skák og góður sigur hjá Mikael.  Mikael hefur tvo vinninga og Nökkvi einn að loknum þremur fyrstu umferðunum.

Í B-flokki tefldi Oliver við Johan-Sebastian frá Noregi.  Oliver valdi ekki alveg rétt plan eftir byrjunina og sat uppi með óvirkan biskup og verri stöðu.  Anstæðingurinn tefldi þetta mjög vel og kláraði skákina örugglega.  Dagur tefldi við Patrik frá Svíþjóð.  Dagur átti mjög góða skák sem var veld tefld frá upphafi til enda.  Hann fékk strax betra eftir byrjunina og sleppti aldrei takinu á andstæðingnum og vann afar örugglega.  Oliver og Dagur eru báðir með tvo vinninga í þessum flokki.

Í C-flokki tefldi Jón Kristinn með svörtu við stigahæsta skákmanninn í flokknum.  Þegar líða tók á skákina fékk Jón verri stöðu en andstæðingurinn fann ekki réttu leiðina og smám saman fékk Jón afar vænlega stöðu.  Ónákvæmni í úrvinnslu hleypti þó andstæðngum aftur inn í skákina og að lokum leystist hún upp í jafntefli.  Jón er að tefla afar vel og sýnir stöðugt að hann heldur alltaf áfram að berjast þó að stöðurnar verði erfiðar.  Dawid tefldi mikla baráttuskák við Henri frá Finnlandi.  Eftir rúma þrjátíu leiki náði Dawid góðum tökum á stöðunni og vann að lokum góðan vinnusigur.  Verulega vel gert.  Jón Kristinn er með tvo og hálfan vinning og Dawid er með einn og hálfan vinning í þessum flokki.

Í D-flokki tefldi Hilmir Freyr rússíbanaskák við Daniel frá Noregi.  Eftir byrjunina hófst nokkuð jöfn stöðubarátta þar sem Hilmir bætti stöðuna jafnt og þétt og fékk að lokum unna stöðu.  Hann valdi hins vegar ekki réttu mátsóknina og andstæðingurinn náði að verjast og jafna taflið.  Eins og stundum vill verða þegar staða hefur snúist getur reynst erfitt að fara að tefla stöðubaráttuna aftur og það gerðist hjá Hilmi.  Hann hélt áfram að sækja stíft þegar það var ekki besta leiðin lengur þannig að andstæðingurinn stóð allt í einu uppi með unnið tafl.  Eins og sýnt hefur sig áður á þessu móti þá skilar baráttan stundum punktum.  Hilmir reyndi að tefla vörnina virkt og allt í einu lék andstæðingurinn af sér drottningu og Hilmir kláraði skákina auðveldlega.  Þessi skák skipti sannarlega nokkrum sinnum um eigendur.  Felix tefldi við Cordoba frá Svíþjóð.  Eins og Felix hefur verið að gera í öðrum skákum á mótinu þá tefldi hann skákina vel frá byrjun og fékk góða stöðu.  Hann vanmat þó stöðu sína nokkuð og í stað þess að þjarma að andstæðingnum þá fór hann heldur rólega í sakirnar og fékk að lokum erfitt endatafl sem tapaðist.  Felix vantar bara örlítið meira sjálfstraust (við leituðum að því áðan og það fannst!) til að klára skákirnar.  Miðað við gæðin á taflmennskunni á hann klárlega heima í efri hluta mótsins.  Hilmir hefur tvo og hálfan vinning og Felix einn í þessum flokki.

Í E-flokki var snarpur dagur!  Mykhaylo telfdi við Gabriel frá Svíþjóð.  Enn og aftur tefldi hann vandað og fékk fína stöðu úr byrjuninni og hefði getað fengið fína stöðu með því að ráðast í aðgerðir á drottningarvæng en það er meira en að segja það að finna svoleiðis þegar maður er þetta ungur og hlutirnir virðast vera að gerast hinum megin á borðinu!  Þeir félagar sömdu síðan sáttir eftir tiltölulega stutta skák. Vignir telfdi við Jón í Horni frá Færeyjum.  Þá skák þarf ekkert að ræða slíkir voru yfirburðir Vignis.  Skákinni lauk á mjög skömmum tíma sem gaf Vigni gott tækifæri til að æfa sig í að skjóta niður kúlur í pool hér á hótelinu.  Vignir hefur afar eftirtektarverðan stíl í þessari skemmtilegu íþrótt og hefur meðal annars þróað skot sem hefur hlotið nafnið „Vignir Special“ hér í Legolandi.  Vignir og Mykhaylo eru báðir með tvo og hálfan vinning í þessum flokki.

Í heildina séð var árangur morgunsins ágætur sex vinningar af tíu.  Vinningarnir hefðu þó auðveldlega getað verið fleiri en einnig færri þannig að heildarskorið verður að teljast nokkuð sanngjarnt.  Eftir seinni umferðina í dag munum við sjá betur hvernig strákarnir standa í sínum flokkum.

Í fjórðu umferð sem hefst klukkan 17 að Íslenskum tíma verða efirfarandi viðureignir í gangi hjá okkar mönnum.

A-flokkur
Mikael Jóhann Karlsson (2057) – Alberto Politi, Finnland (1641)
Nökkvi Sverrisson (2081) – Stian Johansen, Noregur (2099)

B-flokkur
Oliver Aron Jóhannesson (2104) – Eero Valkama, Finnland (1993)
Högni Egilstoft Nielsen, Færeyjar (2141) - Dagur Ragnarsson (2073)

C-flokkur
Jón Kristinn Þorgeirsson (1844) – David Bit-Narva, Svíþjóð (1882)
Dawid Kolka (1748) – Alfons Emmoth, Svíþjóð (1660)

D-flokkur
Toivo Keinänen, Finnland (1740) -Hilmir Freyr Heimisson (1761)
Felix Steinþórsson (1536) – Ng Klemens, Svíþjóð (1620)

E-flokkur
Gabriel Nguyen, Svíþjóð (1535) – Vignir Vatnar Stefánsson (1800)
Filip Boe Olsen, Danmörk (1876) – Mykhaylo Kravchuk (1453)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson

NM í skólaskák: Efstir í landskeppninni

Vel gekk í þriðju umferð NM í skólaskák sem fram fór í morgun. Mikael Jóhann Karlsson, Dagur Ragnarsson, Dawid Kolka, Hilmir Freyr Heimisson og Vignir Vatnar Stefánsson unnu en Jón Kristinn Þorgeirsson og Mykhaylo Kravchuk gerðu jafntefli. Ísland hefur 19½ vinning í landskeppninni en Danir eru aðrir með 18 vinninga.

Jón Kristinn er einn efstur í sínum flokki, Vignir og Mykhaylo deila efsta sætinu, Oliver, Dagur og Hilmir Freyr deila öðru sæti og Mikael deilir þriðja sæti. Eins og eru Íslendingar í verðlaunasætum í öllum flokkum.

 

Úrslit 3. umferðar:

Name	Rtg	Pts.	Result	Pts.	Name	Rtg
Christensen Casper	1977	1	1 - 0	1	Sverrisson Nökkvi	2081
Forså Elise	1854	1	0 - 1	1	Karlsson Mikael Johann	2057
Christiansen Johan-Sebastian	2209	2	1 - 0	2	Johannesson Oliver Aron	2104
Ragnarsson Dagur	2073	1	1 - 0	1	Liedbeck Patrik	1834
Thybo Jesper Søndergaard	2156	1½	½ - ½	2	Thorgeirsson Jon Kristinn	1844
Lahdelma Henri	1679	0	0 - 1	½	Kolka Dawid	1748
Heimisson Hilmir Freyr	1761	1½	1 - 0	1½	Nordquelle Daniel	1654
Grueso Cordoba Santiago	1486	½	1 - 0	1	Steinthorsson Felix	1536
Kravchuk Mykhaylo	1453	2	½ - ½	2	Nguyen Gabriel	1535
Stefansson Vignir Vatnar	1800	1½	1 - 0	1	Nielsen Jón Í Horni	1103

 

Staða íslensku keppendanna:

A-flokkur (1994-96):

• 3.-5. Mikael Jóhann Karlsson 2 v.
• 6.-11. Nökkvi Sverrisson 1 v.

B-flokkur (1997-98):

• 2.-5. Oliver Aron Jóhannesson og Dagur Ragnarsson 2 v.

C-flokkur (1999-2000):

• 1. Jón Kristinn Þorgeirsson 2½ v.
• 7.-9. Dawid Kolka 1½ v.

D-flokkur (2001-02):

• 2.-3. Hilmir Freyr Heimisson 2½ v.
• 9.-10. Felix Steinþórsson 1 v.

E-flokkur (2003-):

• 1.-3. Mykhaylo Kravchuk og Vignir Vatnar Stefánsson 2½ v.

Staðan í landskeppninni:

1. Ísland 19½ v.
2. Danmörk 18 v.
3. Noregur 15½ v.
4. Svíþjóð 15 v.
5. Finnland 14½ v.
6. Færeyjar 7½ v.

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Tómas og Vigfús efstir í Árbót

Tómas Veigar Sigurðarson og Vigfús Vigfússon eru efstir með 3,5 vinninga þegar fjórum umferðum er lokið á barna og unglingamóti GM-Hellis sem fram fer í Árbót í Aðaldal, en þeir Tómas og Vigfús gerðu jafntefli í fjórðu umferð.

Heimir Páll Ragnarsson og Óskar Víkingur Davíðsson koma næstir með þrjá vinninga. Fimmta umferð hefst nú kl. 10:30.

• Heimasíða GM Hellis
• Chess-Results

NM Skólaskák 2014 pistill annarar umferðar

Úrslit annarar umferðar

A-flokkur
Nökkvi Sverrisson (2081 – Martin Lokander, Svíþjóð (2257) 0-1
Mikael Jóhann Karlsson (2057) - Karl Marius Dahl, Færeyjar (1563) 1-0

B-flokkur
Dagur Ragnarsson (2073) – Johan-Sebastian Christiansen, Noregur (2209) 0-1
Patrik Liedbeck, Svíþjóð (1834) -Oliver Aron Jóhannesson (2104) 0-1

C-flokkur
Jón Kristinn Þorgeirsson (1844) – Tobias Dreisler, Danmörk (1974) 1-0
Dawid Kolka (1748) – Niko Poranen, Finnland (1627) ½-½

D-flokkur
Lasse Ramsdal, Danmörk (1756) - Hilmir Freyr Heimisson (1761) ½-½
Felix Steinþórsson (1536) – Ragnar Weihe, Færeyjar (1163) 1-0

E-flokkur
Filip Boe Olsen, Danmörk (1876) - Vignir Vatnar Stefánsson (1800) ½-½
Daniel Aura, Finnland (1387) - Mykhaylo Kravchuk (1453) 0-1

Þeir félagar í A-flokki, Nökkvi og Mikael, skiptu um andstæðinga í seinni umferðinni í dag.  Nökkvi tefldi við Martin frá Svíþjóð, fékk ágæta stöðu en misreiknaði sig illa þannig að andstæðingurinn vann peð og skákina síðan örugglega í framhaldinu.  Mikael fékk Karl Marius frá Færeyjum og vann þá skák fremur átakalítið.  Þeir félagar eru þá báðir með einn vinning eftir fyrstu tvær umferðirnar.

Í B-flokki tefldi Dagur við Johan-Sebastian frá Noregi.  Eftir að hafa fengið heldur verri stöðu fann Dagur ekki bestu vörnina og skákin tapaðist.  Hann kemur bara til baka á morgun.  Oliver tefldi við Patrik frá Svíþjóð og tefldi franska vörn.  Eftir fremur tíðindalausa byrjun yfirsást Patrik skemmtilegt riddarahopp og létta drottningarfórn hjá Oliver sem gaf af sér gott peð.  Oliver kláraði síðan skákina átakalaust.  Oliver hefur þá tvo vinninga en Dagur einn eftir daginn í dag.

 

Í C-flokki tefldi Jón Kristinn við Tobias frá Danmörku sem er heldur stigahærri en okkar maður.  Jón Kristinn lék illa af sér peði í byrjuninni og átti í vök að verjast framan af.  Eftir að hafa náð uppskiptum á drottningum fékk Jón þó teflanlega stöðu þrátt fyrir að staðan væri afar erfið.  Hann gerði sér þá lítið fyrir og hóf skemmtilega kóngsókn sem skilaði sér í liðsvinningi og öruggum sigri eftir það.  Það sýnir sig að öllu er hægt að bjarga ef maður hefur nægilegt hugmyndaflug og kjark.  Dawid Kolka tefldi við Niko frá Finnlandi.  Dawid tefldi skákina ágætlega en niðurstaðan varð þó sú að skákin leystist upp í jafntefli.  Engu að síður ágæt skák sem sýnir hversu frambærilegur skákmaður Dawid er.  Jón Kristinn hefur tvo vinninga og Dawid hálfan í þessum flokki.

Í D-flokki tefldi Hilmir við Lasse frá Danmörku.  Eftir að hafa fengið verri stöðu úr byrjuninni rétti Hilmir úr kútnum og fékk heldur þægilegri stöðu en varð þá á að leika af sér peði.  Staðan var þá hartnær töpuð en Hilmir varðist vel og andstæðingurinn fann ekki leið í gegn.  Hann varð á endanum smeykur og samdi jafntefli í stöðu sem samkvæmt skáklögmálum ætti að vera töpuð á Hilmi.  Vel gert hjá Hilmi að bjarga afar erfiðri stöðu.  Felix tefldi við Ragnar frá Færeyjum.  Felix tefldi afar sannfærandi, þjarmaði jafnt og þétt að andstæðingnum og mátaði hann að lokum.  Vel tefld skák hjá Felix sem þar með  er búinn að vinna sína fyrstu skák á Norðulandamóti.  Leiðin liggur bara upp héðan í frá!  Hilmir hefur einn og hálfan vinning og Felix einn vinning í þessum flokki.

Í E-flokki tefldi Vignir Vatnar við Filip Boe frá Danmörku sem er annar af tveimur þátttakendum í E-flokki sem er stigahærri en Vignir.  Vignir tefldi eins og sá sem valdið hefur með svörtu mönnunum og þjarmaði að andstæðingnum allan tímann en fann ekki réttu leiðina til sigurs og niðurstaðan varð því jafntefli að lokum.  Engu að síður ágætlega tefld skák hjá Vigni.  Mykhaylo tefldi við Daniel frá Finnlandi og fékk heldur verri stöðu eftir byrjunina.  Hann tefldi þá framhaldið vel og jafnaði taflið auðveldlega.  Framhaldið tefldi hann síðan afara vel utan þess að leika einu sinni af sér þannig að andstæðingurinn gat grætt lið og landaði að lokum öruggum sigri.  Góður sigur hjá Mykhaylo þó að hann hafi ekki teflt alveg eins vel og í morgun.  Mykhaylo er með tvo vinninga og Vignir einn og hálfan í þessum flokki. 

Uppskeran hjá okkur í annarri umferð varð því sex og hálfur vinningur af tíu mögulegum.  Heilt yfir var dagurinn því nokkuð góður hjá okkur og sýnist mér við hafa tekið forystuna í landskeppninni án þess að ég hafi skoðað það nákvæmlega.  Strákarnir eru í góðu formi og eru staðráðnir í að skila góðu móti allir sem einn.  Næsta umferð hefst svo í fyrramálið klukkan 8:30 að Íslenskum tíma.  Skákir okkar manna í þriðju umferð eru eftirfarandi:

A-flokkur
Casper Christensen, Danmörk (1977) - Nökkvi Sverrisson (2081)
Elise Forså, Noregur (1854) - Mikael Jóhann Karlsson (2057)

B-flokkur
Johan-Sebastian Christiansen, Noregur (2209) -Oliver Aron Jóhannesson (2104)
Dagur Ragnarsson (2073) – Patrik Liedbeck, Svíþjóð (1834)

C-flokkur
Jesper Söndergaard Thybo, Danmörk (2156) - Jón Kristinn Þorgeirsson (1844)
Henri Lahdelma, Finnland (1679) - Dawid Kolka (1748)

D-flokkur
Hilmir Freyr Heimisson (1761) – Daniel Nordquelle, Noregur (1654)
Cordoba Santiago Grueso, Svíþjóð (1486) - Felix Steinþórsson (1536)

E-flokkur
Mykhaylo Kravchuk (1453) – Gabriel Nguyen, Svíþjóð (1535)
Vignir Vatnar Stefánsson (1800) – Jón í Horni Nielsen, Færeyjar (1103)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson

Actavis sigraði í Skákkeppni vinnustaða

Skákkeppni vinnustaða fór fram í Skákhöll Taflfélags Reykjavíkur síðastliðið miðvikudagskvöld. Keppnin var hörð en toppbaráttan stóð fyrst og fremst á milli liða frá Actavis og Skákakademíunni sem mættust í úrslitaviðureign í lokaumferðinni. Fyrir viðureignina leiddi Skákakademían með hálfum vinningi og því þurfti lið Actavis að leggja allt í sölurnar. Svo fór að Actavis vann 2,5-0,5 sigur þar sem Björn Ívar Karlsson og Sigurbjörn Björnsson gerðu jafntefli. Með sigrinum tryggði lið Actavis sér því sigurinn í mótinu með 18,5 vinning en lið Skákakademíunnar kom næst með 17 vinninga. Lið Myllunnar hafnaði í þriðja sæti með 13 vinninga, hálfum vinningi meira en Landsbankinn sem kom næstur.

Sjö lið mættu til leiks og gekk mótahald vel með drengilegri baráttu. Taflfélag Reykjavíkur vill koma á framfæri þökkum til þeirra fyrirtækja sem sendu lið til leiks og vonast svo sannarlega til að sjá þau aftur að ári.

Lokastaðan

1	Actavis 1,	18,5v
2	Skákakademían,	17,0
3	Myllan,	13,0
4	Landsbankinn,	12,5
5	HR Tölvunarfræðideild,	11,0
6.-7.	Actavis 2,	6,0
	CCP,	6,0

Gullsveit Actavis: Sigurbjörn Björnsson, Sigurður Daði Sigfússon, Davíð Ólafsson

Silfursveit Skákakademíunnar: Björn Ívar Karlsson, Stefán Bergsson, Siguringi Sigurjónsson

Bronssveit Myllunnar: Þorvarður F. Ólafsson, Einar Valdimarsson, John Ontiveros

Grænlandsmót á Hressó á þriðjudaginn!

Vinaskákfélagið og Hrókurinn bjóða til Grænlandsmótsins í skák á Hressó  þriðjudaginn18. febrúar, kl. 13. Mótið er haldið í tilefni af leiðangri Hróksins til Austur-Grænlands dagana 19. til 26. febrúar, en þá verða skólar, barnaheimili og athvörf heimsótt og slegið upp skákhátíðum fyrir börn og ungmenni.

Allir eru velkomnir á mótið á Hressó  á þriðjudaginn. Tefldar verða sex umferðir með 7 mínútna umhugsunartíma og verðlaun koma m.a. frá veitingastaðnum Horninu, Morgunblaðinu, Lifandi vísindum og Nóa Síríus.

Þátttaka í Grænlandsmótinu er ókeypis og eru keppendur mættir til að mæta tímanlega í grænlensku spariskapi! Þá verður einnig tekið við gjöfum til grænlensku barnanna á mótinu á þriðjudag, en fjölmörg fyrirtæki og einstaklingar senda glaðning með leiðangursmönnum Hróksins.

 

Heiðursgestur á Grænlandsmótinu á Hressó á þriðjudag verður Össur Skarphéðinsson fv. utanríkisráðherra, sem tók þátt í fyrstu hátíð Hróksins á Grænlandi 2003 og var meðal keppenda í Tasiilaq árið eftir. 

NM skólaskák 2014 - Pistill fyrstu umferðar

Úrslit fyrstu umferðar

A-flokkur
Mikael Jóhann Karlsson (2057) – Martin Lokander, Svíþjóð (2257) 0-1
Karl Marius Dahl, Færeyjar (1563) – Nökkvi Sverrisson (2081) 0-1

B-flokkur
Oliver Aron Jóhannesson (2104) – Juhani Halonen, Finnland (1702) 1-0
Silas Eyðsteinsson, Færeyjar (1668) – Dagur Ragnarsson (2073)

C-flokkur
Jesper Söndergaard Thybo, Danmörk (2156) - Dawid Kolka (1748) 1-0
Bjarki Bertholdsen, Færeyjar (1081) – Jón Kristinn Þorgeirsson (1844) 0-1

D-flokkur
Hilmir Freyr Heimisson (1761) – Felix Steindþórsson (1536)

E-flokkur
Vignir Vatnar Stefánsson (1800) – Emil Reimgård, Svíþjóð (1108) 1-0
Mykhaylo Kravchuk (1453) – Leif Reinert Fjallheim, Færeyjar (1027) 1-0

Í A-flokki tefldi Mikael Jóhann við stigahæsta skákmann flokksins.  Mikael tefldi skákina ágætlega (lék aldrei illa af sér) en nokkrir ónákvæmir leikir dugðu svíanum sterka.  Með því að forðast drottningaruppskipti hefði Mikael einfaldlega verið með jafna og fína stöðu en endatafl með hrókum og biskupum á móti hrókum og riddurum er ekki vænlegt til árangurs ef biskuparnir ná að skapa sér pláss.  Nókkvi tefldi við Karl Marius frá Færeyjum og þá skák þarf lítið að ræða.  Fremur áreynslulaus sigur hjá Nökkva eftir skynsamlegt byrjunarval.

Í B-flokki tefldi Oliver við Juhani frá Finnlandi.  Skákin var lengi vel í jafnvægi eins og skákir Olivers eru oft en það má ekki gefa honum tíma til sóknaraðgerða.  Finninn teygði sig í baneitrað peð og Oliver kláraði skákina með snarpri sókn.  Mjög vel gert.  Dagur telfdi við Silas frá Færeyjum.  Dagur hélt sig við sinn stíl (eins og maður á að gera) þó andstæðingurinn væri stigalágur, skapaði smá veikingar hjá honum og vann svo peð í framhaldinu.  Úrvinnslan var síðan til fyrirmyndar og góður sigur í höfn.  Tveir vinningar í hús í þessum flokki.

Í C-flokki tefldi Dawid við stigahæsta skákmanninn í flokknum sem sýndi styrk sinn með öflugri sókn.  Dawid hefði getað gert betur með því að halda í mann eftir fór Jespers en ákvað að gefa mannin til baka sem leiddi strax til taps.  Staðan hefði þó engu að síður verið erfið hjá honum þó að hann héldi í manninn.  Jón Kristinn tefldi Bjarka frá Færeyjum og ef það þarf lítið að ræða skákina hans Nökkva þá þarf ekkert að ræða þessa!  Jón vann mann eftir örfáa leiki og kláraði skákina auðveldlega. 

Í D-flokki tefldu þeir félagar Hilmir og Felix saman.  Alltaf leiðinlegt að þurfa að tefla við hinn Íslendinginn í flokknum en gerist oft og jafn gott að klára það bara strax!  Eftir snarpa byrjun stóð Felix uppi með pálmann í höndunum og stóð greinilega til vinnings.  Einn áhorfandi á staðnum vildi meina að skákin væri afar illa tefld þar sem margir rauðir leikir sáust í Chessbomb útsendingunni.  Afar klárir þessir áhorfendur með tölvurnar sér við hlið!  Raunin er hins vegar sú að allir rauðu leikirnir tilheyra sömu yfirsjóninni, þ.e. Felix missti af því hversu sterkt það var að fórna peði á g4 til að fá afar sterkan biskup á c6.  Ég mæli með því að áhorfendur horfi á beinu útsendinguna frá dönsku síðunni því það er mun betra að reyna heilann á stöðunum sjálfur í stað þess að láta tölvurnar reikna fyrir sig.  En aftur að skákinni!  Eftir að Felix hafði haft töglin og haldirnar nánast allan tíman varð honum á gróf yfirsjón sem varð til þess að Hilmir fann góða mátsókn og kláraði skákina.  Ég er nokkuð viss um að þeir félagar verða báðir í efri hluta flokksins.

Í E-flokki tefldi Vignir við Emil frá Svíþjóð og vann nokkuð örugglega eftir slæman afleik andstæðingsins.  Vignir hefði mátt vanda sig aðeins betur í miðtaflinu þar sem hann hafði öll völd á borðinu en annars var skákin vel tefld.  Mykhaylo tefldi við Leif frá Færeyjum og tefldi vel.  Mykhaylo var afar einbeittur notaði tíman vel og vann sannfærandi.  Fín skák hjá honum og fínustu úrslit í E-flokki.

Í heildina voru úrslit fyrstu umferðar mjög góð, 7 vinningar af 9 mögulegum.  Næsta umferð hefst svo klukkan 14 að Íslenskum tíma.  Skákir okkar manna í annarri umferð eru eftirfarandi:

  A-flokkur

Nökkvi Sverrisson (2081 – Martin Lokander, Svíþjóð (2257)
Mikael Jóhann Karlsson (2057) - Karl Marius Dahl, Færeyjar (1563)

B-flokkur
Dagur Ragnarsson (2073) – Johan-Sebastian Christiansen, Noregur (2209)
Patrik Liedbeck, Svíþjóð (1834) -Oliver Aron Jóhannesson (2104)

C-flokkur
Jón Kristinn Þorgeirsson (1844) – Tobias Dreisler, Danmörk (1974)
Dawid Kolka (1748) – Niko Poranen, Finnland (1627)

D-flokkur
Lasse Ramsdal, Danmörk (1756) - Hilmir Freyr Heimisson (1761)
Felix Steinþórsson (1536) – Ragnar Weihe, Færeyjar (1163)

E-flokkur
Filip Boe Olsen, Danmörk (1876) - Vignir Vatnar Stefánsson (1800)
Daniel Aura, Finnland (1387) - Mykhaylo Kravchuk (1453)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson

Jakob Sævar einn efstur á Skákþingi Skákfélags Sauðárkróks

Siglfirðingurinn Jakob Sævar Sigurðsson er einn efstur á skáþinginu að lokinni þriðju umferð. Hann sigraði Guðmund Gunnarsson og er því með fullt hús. Í öðru til fjórða sæti koma Guðmundur, Hörður Ingimarsson sem sigraði Sigurð Ægisson í mikili sóknarskák og Birkir Már Magnússon, sem sigraði Einar Örn Hreinsson.

Úrslit og röðun næstu umferðar má sjá á chess-results.

• Heimasíða Skákfélags Sauðárkróks
• Chess-Results

NM í skólaskák 2014 hafið

NM í skólaskák er nú nýhafið í Billund, Danmörku.  Teflt er við afar góðar aðstæður á hótel Legolandi og eru allar skákir í beinni útsendingu.  Undirritaður, sem hefur bæði teflt á mörgum þessara móta og verið liðstjóri/þjálfari á nokkrum líka, hefur ekki áður séð jafn góðan aðbúnað.  Allar skákir eru í beinni útsendingu, þökk sé myndarlegu framlagi Tuborgfondet sem gaf danskri skólaskák 20 elektrónísk taflborð.  Ég er viss um að íslensk skákhreyfing myndi taka slíkum stuðningi fagnandi.

Við komum hingað í gær eftir frekar þægilegt ferðalag frá Íslandi og vorum komin um kaffileytið í gær.  Annar fararstjóranna (Stefán Bergsson svo það sé á hreinu) ákvað að skola af sér ferðarykið stuttu eftir komu og skellti sér í mjög heita sturtu.  Skömmu síðar var slökkvilið Billund mætt á staðinn til að slökkva í honum þar sem hitinn var svo mikill að reykskynjari fór í gang!  Hann hefur nú hlotið viðurnefnið „Drekinn“ hér í Billund.

Íslensku keppendurnir eru vel stemmdir og fullir tilhlökkunar að takast á við skemmtilegt mót.  Skákir okkar manna í fyrstu umferð eru eftirfarandi:

A-flokkur
Mikael Jóhann Karlsson (2057) – Martin Lokander, Svíþjóð (2257)
Karl Marius Dahl, Færeyjar (1563) – Nökkvi Sverrisson (2081)

B-flokkur
Oliver Aron Jóhannesson (2104) – Juhani Halonen, Finnland (1702)
Silas Eyðsteinsson, Færeyjar (1668) – Dagur Ragnarsson (2073)

C-flokkur
Jesper Söndergaard Thybo, Danmörk (2156) - Dawid Kolka (1748)
Bjarki Bertholdsen, Færeyjar (1081) – Jón Kristinn Þorgeirsson (1844)

D-flokkur
Hilmir Freyr Heimisson (1761) – Felix Steindþórsson (1536)

E-flokkur
Vignir Vatnar Stefánsson (1800) – Emil Reimgård, Svíþjóð (1108)
Mykhaylo Kravchuk (1453) – Leif Reinert Fjallheim, Færeyjar (1027)

Skákir í beinni
Heimasíða mótsins
Facebook síða mótsins
Bein útsending frá skákstað
Staða, úrslit og pörun (Chess-results)
Myndir

Davíð Ólafsson