NM hafið

NM í skólaskák er hafið í Billund í Danmörku.

 Allar skákir í beinni:  www.skoleskak.dk/nm2014/

Unglingamót GM-Hellis hefst í Árbót í kvöld

Um helgina fer fram Unglingamót GM-Hellis í Árbót í Aðaldal. Mótið er hugsað sem æfingamót fyrir unglinga en verður þó reiknað til fide og ísl-stiga og þeir sem eldri eru fá einnig að vera með. Það er ókeypis í mótið og allir sem koma að sunnan fá ókeypis gistingu og fæði í Árbót á meðan á mótinu stendur. 

Tefldar verða 4 atskákir og 3 kappskákir og verður 1. umferð líklega kl 19:00-19:30 á morgun.á laugardeginum verða svo tvær kappskákir á dagskrá og svo ein á sunnudeginum.

 Milli umferða á laugardeginum verður boðið upp á drátt á vélsleðum í nágrenni Árbótar til að skemmta þeim sem yngri eru og kannski líka þeim eldri. Væntanlega verða 15-20 keppendum á öllum aldri með í mótinu og því pláss fyrir fleiri unga sem aldna, úr öðrum félögum. Hægt er að skrá sig til leiks hjá formanni, í síma 4643187 eða 8213187.

Skákþing Vestmannaeyja hefst 19. febrúar

Skákþing Vestmannaeyja hefst miðvikudaginn 19. febrúar kl. 19:30. Tefldar verða 7 umferðir eftir svissnesku kerfi. Tímamörk eru 90 mín. á skák auk 30 sek. á leik.
Teflt verður á miðvikudögum.

Núverandi Skákmeistari Vestmannaeyja er Nökkvi Sverrisson

Dagskrá:

1. umferð miðvikudaginn 19. febrúar kl. 19:30
2. umferð miðvikudaginn 26. febrúar kl. 19:30
3. umferð miðvikudaginn 5. mars kl. 19:30
4. umferð miðvikudaginn 12. mars kl. 19:30
5. umferð miðvikudaginn 19. mars kl. 19:30
6. umferð miðvikudaginn 26. mars kl. 19:30
7. umferð miðvikudaginn 2. apríl kl. 19:30

Vigfús sigraði á hraðkvöldi GM Hellis

Vigfús Ó. Vigfússon bar sigur úr bítum á jöfnu og spennandi hraðkvöldi GM Hellis sem fram fór 10.  febrúar sl. Það má segja að á hraðkvöldinu hafi allir getað unnið alla en að lokum fór það svo að Vigfús og Eiríkur Björnsson voru efstir og jafnir með 5,5v. Vigfús hafði svo sigurinn með því að vera hærri í öðrum stigaútreikningi eins og sést í töflunni. Örn Leó Jóhannsson varð svo þriðji með 5v. Í lok hraðkvöldsins dró svo Vigfús í happdrættinu og þá datt Jón Úlfljótsson í lukkupottinn og fengu þeir báðir gjafamiða á Saffran.

Næst æfing í félagsheimili GM Hellis í Álfabakka 14a verður mánudaginn 17. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Vigfús Vigfússon	5,5	28	21	20,8
2	Eiríkur K. Björnsson	5,5	28	20	20,8
3	Örn Leó Jóhannsson	5	26	20	16
4	Kristófer Ómarsson	4,5	25	18	14,8
5	Elsa María Kristínardóttir	4	29	21	14
6	Magnús Teitsson	4	27	19	12,5
7	Jón Úlfljótsson	3,5	29	21	12
8	Sverrir Sigurðsson	3,5	24	18	9,25
9	Kristinn Sævaldsson	3,5	22	16	8
10	Hjálmar Sigurvaldason	3	22	16	4,5
11	Finnur Kr. Finnsson	2,5	20	15	5,25
12	Björgvin Kristbergsson	2	21	15	3,5
13	Hörður Jónasson	1,5	22	16	3,25
14	Sindri Snær Kristófersson	1	21	15	1,5

Skákkeppni vinnustaða fer fram í kvöld

Taflfélag Reykjavíkur býður öllum vinnustöðum að taka þátt í Skákkeppni vinnustaða 2014 sem fram fer í félagsheimili T.R., Skákhöllinni Faxafeni 12, miðvikudaginn 12. febrúar og hefst kl. 19.30.  Mótið, sem er styrktarmót Taflfélags Reykjavíkur,  er kjörið fyrir hinn almenna skákáhugamann þar sem vinnufélagar geta myndað lið og spreytt sig gegn skákmönnum annarra vinnustaða.

Dagsetning

Miðvikudagur 12. febrúar kl. 19.30

Staður

Taflfélag Reykjavíkur, Faxafeni 12

Keppnisfyrirkomulag

Þriggja manna lið með 1-2 varamönnum
Vinnustaður getur sent nokkur lið til keppni sem verða þá auðkennd sem A-lið, B-lið o.s.frv.
Svissneskt pörunarkerfi og flestir vinningar gilda
7-11 umferðir (bundið þátttöku)
Umhugsunartími er 10 mínútur á mann

Verðlaun

1. Eignabikar fyrir vinnustaðinn og farandbikar til vörslu í 1 ár auk verðlaunapeninga fyrir keppendur

2. Eignabikar fyrir vinnustaðinn auk verðlaunapeninga fyrir keppendur

3. Eignabikar fyrir vinnustaðinn auk verðlaunapeninga fyrir keppendur

Þátttökugjald

15.000 kr fyrir hvert lið

Nánari upplýsingar

Ríkharður Sveinsson, stjórnarmaður í Taflfélagi Reykjavíkur. Netfang:[e-mail] gsm: 772 2990.

Skráning og staðfesting þátttöku

Skráning fer fram á heimasíðu Taflfélags Reykjavíkur

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2014 - hlökkum til að sjá ykkur!

Björgvin sigraði í Ásgarði í dag

Það voru margir sterkir skákmenn sem áttust við í Ásgarði í dag. Björgvin Víglundsson var vopnfimastur og sigraði með 8 vinninga af 10 mögulegum. Síðan komu fjórir skákvíkingar, allir með 7 vinninga. Það voru þeir Ingimar Halldórsson, Páll G Jónsson, Friðgeir Hólm og Björn V Þórðarson. Páll og Björn eru báðir komnir á níræðis aldurinn ,en þeir harðna bara með aldrinum.

Friðgeir er svo unglingurinn í hópnum,rétt rúmlega sextugur og er flestum erfiður við skákborðið, hann var sá eini sem náði að sigra Björgvin í dag. Guðfinnur R Kjartansson kom svo fast á hæla þeirra fimm með 6½ vinning.

 

 

Rimaskóli Reykjavíkurmeistari grunnskólasveita

Reykjavíkurmót grunnskólasveita fór fram í 36. sinn í skákhöll Taflfélags Reykjavíkur í gær. Það er Skóla og frístundasvið Reykjavíkurborgar sem heldur mótið í samstarfi við Taflfélag Reykjavíkur og alls mættu 28 vaskar fjögurra manna sveitir úr þrettán skólum til leiks að þessu sinni, sem verður að teljast afar gott. Sérstakt ánægjuefni var að sjá 6 stúlknasveitir taka þátt en þar af komu tvær frá Ingunnarskóla. Mótið verður að telja eitt það alskemmtilegasta og best sótta í áraraðir og er frábært vitni um þá miklu grósku sem er í skákstarfi grunnskóla Reykjavíkur og úti í taflfélögunum. Mikil aukning hefur verið í aðsókn á fríar skákæfingar barna og unglinga hjá Taflfélagi Reykjavíkur í vetur og salurinn þéttsetinn alla laugardaga. 

Þegar Reykjavíkurmót grunnskólasveita var haldið í fyrsta sinn með núverandi sniði árið 1978 sigraði sveit Álftamýrarskóla en meðal keppenda í þeirri sveit var enginn annar en Jóhann Hjartarson stórmeistari. Æfingaskóli K.H.Í hefur sigrað keppnina oftast allra eða sex sinnum, en fimm sinnum hefur Seljaskóli borið sigur úr bítum. 

Tefldar voru sjö umferið með 10 mínútna umhugsunartíma, og tóks mótið frábærlega í alla staði. Allir virtust skemmtu sér konunglega, keppendur, liðsstjórar, foreldrar og aðrir gestir. Hart var barist um efstu sætin eins og vænta mátti, en fyrirfram þótti sveit ríkjandi meistara Rimaskóla hvað líklegust ásamt sveit Hagaskóla og hinni kornungu en geysiefnilegu A sveit Ölduselsskóla. Fljótlega tók A sveit Rimaskóla forystuna og skemmst er frá því að segja að hana lét hún aldrei af hendi, þótt á tímabili hafi litlu munað á efstu sveitum. Sveitin sigraði með 25 vinninga af 28 mögulegum sem er glæsilegur árangur.Sigursveit Rimaskóla leiddi Oliver Aron Jóhannesson, á öðru borði tefldi skákdrottningin unga Nansý Davíðsdóttir, á þriðja borði var Jóhann Arnar Finnsson og á því fjórða tefldi Joshua Davíðsson.

Eftir harða keppni um annað sætið komu sveitir Hagaskóla og Ölduselsskóla A hnífjafnar í mark með 21.5 vinninga. Eftir stigaútreikning munaði einungis einu stigi á sveitunum og hafði Ölduselsskóli þar vinninginn og hlaut því silfurverðlaunin. Sveitina skipuðu þeir Óskar Víkingur Davíðsson á fyrsta borði, Mykhaylo Kravchuk á því öðru, Alec Elías Sigðurðarson á þriðja og Brynjar Haraldsson á borði. Flestir liðsmannanna eru í 3.-5. bekk og því gríðarlega efnileg sveit hér á ferðinni sem eflaust á eftir að láta mikið að sér kveða næstu árin.

Bronssveit Hagaskóla skipuðu þau Gauti Páll Jónsson sem hafði unnið mjög óvænt silfurverðlaun á Hraðskákmóti Reykjavíkur deginum áður, Veronika Steinunn Magnúsdóttir, Leifur Þorsteinsson, Sigurður Kjartansson og Smári Arnarsson 

 

Baráttan um sigur í stúlknaflokki var enn harðari en í aðalflokknum, en þar var sveit Melaskóla efst fyrir síðustu umferð. En stúlknasveit Rimaskóla sýndi mikla seiglu í lokaumferðinni, skaust upp í fyrsta sætið og sigraði með 14.5 vinningum. Sveitina skipuðu þær Guðrún Margrét Guðbrandsdóttir, Ásdís Birna Þórarinsdóttir, Tinna Sif Aðalsteinsdóttir og Valgerður Jóhannesdóttir.Melaskóli hafnaði í öðru sæti með 13.5 vinninga, en þá sveit skipuðu þær Svava Þorsteinsdóttir, Katrín Kristjánsdóttir, Helga Lan og Vigdís Selma Sverrisdóttir.A stúlknasveit Ingunnarskóla, og sveit Breiðholtsskóla stóðu sig einnig feikilega vel og komu í mark með 13 vinninga. Ingunnarskóli hlaut bronsið eftir stigaútreikning. 

 

Eftir verðlaunaafhendinguna dró skákmeistari Taflfélags Reykjavíkur C sveit Árbæjarskóla upp úr hattinum í happadrætti og hlutu allir meðlimir sveitarinnar glæsileg taflsett ásamt skákkennsluefni á geisladiski að gjöf. Það var skákverslunin Bobbý sem gaf þessi verðlaun og kunnum við henni bestu þakkir fyrir.

Þar með lauk stórskemmtilegu Reykjavíkurmóti grunnskólasveita 2014. Taflfélag Reykjavíkur og Skóla og frístundasvið Reykjavíkurborgar vilja þakka öllum þeim fjölmörgu sem tóku þátt í mótinu og okkur hlakkar til að sjá ykkkur á enn fjölmennara móti að ári! Þakkir fær einnig Skákakademía Reykjavíkur sem og Skákskóli Íslands fyrir hjálpina. Gens una sumus!

Lokastöðuna má finna hér að neðan en myndir eru væntanlegar á heimasíðu TR.

 

1	Rimaskóli A,	25,0
2.-3.	Ölduselsskóli A,	21,5
	Hagaskóli,	21,5
4	Árbæjarskóli A,	18,5
5.-7.	Kelduskóli,	16,5
	Fossvogsskóli A,	16,5
	Rimaskóli B,	16,5
8	Ölduselsskóli B,	15,5
9.-10.	Ingunnarskóli A,	15,0
	Sæmundarskóli A,	15,0
11.-12.	Rimaskóli C,	14,5
	Rimaskóli S,	14,5
13	Sæmundarskóli B,	14,0
14-17	Ingunnarskóli B,	13,5
	Melaskóli S,	13,5
	Hlíðaskóli,	13,5
	Háteigsskóli,	13,5
18-20	Sæmundarskóli C,	13,0
	Ingunnarskóli S1,	13,0
	Breiðholtsskóli S,	13,0
21	Laugalækjarskóli,	12,5
22	Fossvogsskóli B,	12,0
23	Árbæjarskóli B,	11,5
24	Ingunnarskóli C,	10,5
25	Breiðagerðisskóli,	9,5
26	Foldaskóli S,	7,0
27	Árbæjarskóli C,	6,5
28	Ingunnarskóli S2,	5,0

Skákkeppni vinnustaða fer fram á miðvikudaginn

Taflfélag Reykjavíkur býður öllum vinnustöðum að taka þátt í Skákkeppni vinnustaða 2014 sem fram fer í félagsheimili T.R., Skákhöllinni Faxafeni 12, miðvikudaginn 12. febrúar og hefst kl. 19.30.  Mótið, sem er styrktarmót Taflfélags Reykjavíkur,  er kjörið fyrir hinn almenna skákáhugamann þar sem vinnufélagar geta myndað lið og spreytt sig gegn skákmönnum annarra vinnustaða.

Dagsetning

Miðvikudagur 12. febrúar kl. 19.30

Staður

Taflfélag Reykjavíkur, Faxafeni 12

Keppnisfyrirkomulag

Þriggja manna lið með 1-2 varamönnum
Vinnustaður getur sent nokkur lið til keppni sem verða þá auðkennd sem A-lið, B-lið o.s.frv.
Svissneskt pörunarkerfi og flestir vinningar gilda
7-11 umferðir (bundið þátttöku)
Umhugsunartími er 10 mínútur á mann

Verðlaun

1. Eignabikar fyrir vinnustaðinn og farandbikar til vörslu í 1 ár auk verðlaunapeninga fyrir keppendur

2. Eignabikar fyrir vinnustaðinn auk verðlaunapeninga fyrir keppendur

3. Eignabikar fyrir vinnustaðinn auk verðlaunapeninga fyrir keppendur

Þátttökugjald

15.000 kr fyrir hvert lið

Nánari upplýsingar

Ríkharður Sveinsson, stjórnarmaður í Taflfélagi Reykjavíkur. Netfang:[e-mail] gsm: 772 2990.

Skráning og staðfesting þátttöku

Skráning fer fram á heimasíðu Taflfélags Reykjavíkur

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2014 - hlökkum til að sjá ykkur!

Skákfélag Akureyrar á 95 afmæli í dag

Skákfélag Akureyrar var stofnað 10. febrúar árið 1919. Það verður því 95 ára núna í dag. Ef það er ekki tilefni til að halda veislu þá eru veislur ofmetnar. Ekki var hátíð fátíð í þá tíð er félagið var stofnað. Í tilefni dagsins verður opið hús frá kl. 20 í suðurenda húsakynna félagsins.

Í norðurendanum verða tefldar tvær skákir í Skákþinginu og hefjast þær kl. 18. Boðið verður upp á kaffi og kökur og ekki ósennilegt að gestir fái að spreyta sig í hraðskák, ef vilji er fyrir hendi. Allir félagar og velunnarar félagsins eru hvattir til að mæta. Til hamingju með afmælið!

Reykjavíkurmót grunnskólasveita hefst kl. 17

Reykjavíkurmót grunnskólasveita í skák 2014 fer fram mánudaginn 10. febrúar nk. og hefst kl.17.

Tefldar verða 7 umferðir með 10 mín. umhugsunartíma á skák.  Allar sveitirnar keppa í einum opnum flokki, og veitt verða verðlaun fyrir þrjár efstu sveitirnar sem og þrjár efstu stúlknasveitirnar.  Hver sveit skal skipuð fjórum nemendum frá hverjum skóla auk 1-4 varamanna.

Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv. Sigursveitin verður Reykjavíkurmeistari grunnskólasveita 2014 og hlýtur farandbikar til vörslu í eitt ár. Mótið hefst, sem áður segir, kl. 17 og lýkur um kl. 20.  Verðlaunaafhending verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Skóla-og frístundasviðs Reykjavíkur og fer keppnin fram í félagsheimili Taflfélags Reykjavíkur, Faxafeni 12, Reykjavík.

Mikilvægt er að skólarnir sendi fylgdarmann með sínu liði, keppendum til halds og trausts.

Ekki verður hægt að skrá lið á mótsstað.

Þátttökurétt hafa eingöngu nemendur í grunnskólum Reykjavíkur.