Skák.is

Bloggfærslur mánaðarins, september 2012

9.9.2012 | 15:11

Góðir sigrar í lokaumferðinni - íslenska kvennaliðið Norðurlandameistari - Armenar og Rússar ólympíumeistarar

Bæði íslensku liðin unnu í lokaumferð ólympíuskákmótsins. Liðið í opnum flokki vann, 2,5-1,5, sigur á sveit Úrúgvæ. Kvennaliðið vann góðan, 3-1, sigur á Albaníu og urðu efstir Norðurlandaþjóðanna. Armenar urðu ólympíumeistarar í opnum flokki en Rússar urðu ólympíumeistarar í kvennaflokki.

Í opnum flokki unnu Henrik Danielsen og Þröstur Þórhallsson, Hjörvar Steinn Grétarsson gerði jafntefli en Hannes Hlífar Stefánsson tapaði.

Í kvennaflokki Lenka Ptácníková, Jóhanna Björg Jóhannsdóttir og Tinna Kristín Finnbogadóttir en Hallgerður Helga Þorsteinsdóttir tapaði.

Lokahóf mótsins hefst kl. 18.

Íslenska liðið í opnum flokki endaði í 47. sæti (raðað fyrirfram í 51. sæti) og í 4. sæti Norðurlandaþjóðanna. Íslenska kvennaliðið endaði í 51. sæti (raðað fyrirfram í 62. sæti) og varð efst Norðurlanda í kvennaflokki og er þar með óopinber Norðurlandmeistari.

Nánar um mótið síðar.

156 lið tóku þátt í opnum flokki og var íslenska liðið (Ø-2490) talið það 51. sterkasta miðað við meðalstig. Í kvennaflokki voru þátttökuþjóðirnar 125 og var Ísland (Ø-1989) talið það 62. sterkasta.

Veljið skák (88 alls):

Spil og leikir | Breytt 10.9.2012 kl. 13:48 | Slóð | Facebook | Athugasemdir (0)

9.9.2012 | 14:28

Danir lágu í því - Norðurlandameistarar Rimaskóla unnu 4 - 0 í lokaumferð

Skáksveit Rimaskóla tók í dag við gullinu á Norðurlandamóti grunnskólasveita sem var að ljúka í borginni Tampere í Finnlandi. Í lokaumferðinni steinlágu dönsku meistararnir frá Árósum fyrir Rimaskólakrökkum á öllum borðum. Þau Dagur, Oliver Aron, Jón Trausti og Nansý tefldu sóknarskákir og gáfu ekkert eftir við taflborðið þó að sigur væri þegar í höfn.

Rimaskóli hlaut 18,5 vinninga af 20 mögulegum á mótinu sem er einn besti árangur grunnskóla frá Íslandi á þessu móti fyrr og síðar en Salaskóli náði t.d. 19 vinningum fyrir nokkrum árum síðan.

Í lokaumferðinni í Tampere unnu Norðmenn og Svíar finnsku sveitirnar líka stórt og komu Norðmenn vinningi á undan Svíunum í keppninni um annað sætið. Jón Trausti Harðarson fékk fullt hús, 5 vinninga, Hrund vann allar sínar 4 skáir og Nansý sínar tvær skákir.

Dagur halut 3,5 vinninga af 4 og Oliver Aron 4 vinninga úr 5 skákum. Davíð Kjartansson stóð vaktina allan tímann og náði frábærum árangri með krakkana. Fararstjóri sem fyrr var Helgi Árnason skólastjóri.

Rimakóli hefur nú fimm sinnum unnið Norðurlandameistaratitla á tíu árum. Skólinn hefur 11 sinnum tekið þátt í NM og ekki ólíklegt að skólinn eigi eftir að mæta á þau fleiri á næstu árum.Það vakti nokkra athygli við verðlaunaafhendingu að enginn verðlaunagripur var í boði, aðeins verðlaunapeningar fyrir efstu sveitirnar. Einnig vakti athygli að Svíar mættu ekki við verðlaunaafhendinguna þó að beðið væri eftir þeim í hálfa klukkustund. Þrátt fyrir vonbrigði með eigin frammistöðu var það lágmarkskurteisi hjá Svíunum að mæta við þessa viðhöfn.

Myndaalbúm (HÁ)

Spil og leikir | Breytt s.d. kl. 15:33 | Slóð | Facebook | Athugasemdir (0)

9.9.2012 | 13:37

Álfhólsskóli í 2 sæti á Norðurlandamóti barnaskólasveita

Sveit Álfhólsskóla lenti í 2 sæti á Norðurlandamóti barnaskólasveita sem lauk í Stokkhólmi í dag eftir 2-2 jafntefli gegn A sveit Svía.

Álfhólsskóli tapaði ekki neinni viðureign og varð efstur að stigum (match points) með 9 stig en í öðru sæti í heildarfjölda vinninga með 13 vinninga. A sveit Svía hlaut 8 match points en 15.5 vinninga og unnu því mótið.

Umferðin í dag var mjög spennandi. Fyrstu tveim skákunum lauk með sigri Íslands með glæsilegum sigrum Agnars og Róbert Leó. Dawid og Felix voru á þeim tímapunkti með vænlegri stöður en síðan sannaðist að kapp er best með forsjá. Þeir vissu báðir að við þyrftum að ná 1.5 vinningum út úr þessum 2 skákum og sóttu etv full fast og lentu um síðir báðir undir í sínum skákum. Það voru því vonsviknir strákar sem að lokum urðu að sætta sig við 2 sætið á mótinu og spennufallið mikið.

Lokastaða mótsins varð því eftirfarandi:

		Vinn-ingar	Loka staða	Match-
Skóli	Land	Vinn-ingar	Loka staða	points
Mälarhöjdens skola	Sweden 1	15½	1	8
Alfholsskoli	Iceland	13	2	9
Haldum-Hinnerup	Denmark	11½	3	6
Kringsjå Skole	Norway	8½	5	4
The English School	Finland	7½	4	2
Örsundsbroskolan	Sweden 2	4	6	0

Sveit Álfhólsskóla stóð sig mjög vel á þessu móti. Sveitin er mun yngri en sveit sigurvegaranna og á mjög vel skilið silfurverðlaunin á þessu móti. Nú tekur við áframhaldandi uppbyggingarstarf hjá Álfhólsskóla enda strákarnir staðráðnir í að vinna sér aftur inn keppnisrétt að ári með það markmið klára þá málið. Það verður aðeins Róbert Leó sem færist upp um flokk en eftir verða Dawid, Felix og Agnar og Oddur sem var varamaður í þessu móti. Við segjum því eins og forsetinn „you aint seen nothing yet"

Álfhólsskóli þakkar öllum þær góðu kveðjur sem okkur hafa borist meðan á mótinu stóð. Við þökkum einnig þjálfurum liðsins þeim Smára Rafni Teitssyni og Einar Hjalta Jenssyni fyrir frábært starf með stráknum.

Að lokum er rétt að geta þess að Svíarnir stóðu ágætlega að þessu móti og aðstaða á skákstað var til fyrirmyndar en upp á framtíðina er alltaf eitthvað sem mætti bæta. Þar mætti að gistiaðstaðan var ekki nógu góð þrátt fyrir að vera ágætlega staðsett. Okkur fengum þröng baðherbergislaus 4 manna herbergi með kojum. Herbergin voru mjög heit og ef við reyndum að opna glugga þá var fyrir utan verönd sem aðrir gestir notuðu stundum á kvöldin til að stunda söng og annan kveðskap til heiðurs Bakkusi. Það var því stundum erfitt fyrir strákanna að fá næga hvíld. Upp á framtíðina mætti einnig nefna að etv mætti byrja síðar á morgnanna til að gefa okkur frá Íslandi tækifæri til að fá meiri hvíld. Það er mega-átak hjá 11 og 12 ára krökkum að byrja að tefla kappskákir kl 7:00 að íslenskum tíma. Heimaliðin njóta því örugglega heimavallarins að þessu leiti.

Myndaalbúm (SB)

Spil og leikir | Breytt s.d. kl. 14:26 | Slóð | Facebook | Athugasemdir (0)

9.9.2012 | 10:22

Ól-pistill nr. 13 - Mikil spenna og Bakú 2016

Þá er lokaumferð ólympíuskákmótsins í fullum gangi. Strákarnir tefla við Úrúgvæ en stelpurnar við Albaníu. Bæði íslensku liðin teljast sigurtranglegri og ljóst að góð úrslit í dag geta þýtt mjög ásættanlegt sæti í báðum flokkum eftir skrykkjótta byrjun. Toppbaráttan er mögnuð, ein sú magnaðasta sem ég minnist. FIDE-þingið klárast í dag en stærstu tíðindin hljóta að teljast að ólympíuskákmótið 2016 verður í Bakú í Aserbaídsjan.

Gærdagurinn

Sjálfur sat ég FIDE-þingið í gær en flestir hinna fóru í bæjarferð og kíktu á markaði hér. Svolítið skrýtið að hafa frídag fyrir lokaumferðina (5-5-1). Mér þætti 4-4-3 eða jafnvel 5-3-2 vera eðlilegra.

Umferð dagsins

Úrúgvæar eru andstæðingar dagsins. Þeir hafa þrjá nokkuð sterka skákmenn, stórmeistara á fyrsta borði, 2 alþjóðlega meistarara, en eru veikir á fjórða borði. Við höfum mætt þeim fjórum sinnum áður. Höfum unnið þá þrisvar. Fyrst á því fræga móti 1939 í Buenos Aires þegar við unnum Copa America bikarinn, en þá tefldu Baldur Möller, Ásmundur Ásgeirsson, Jón Guðmundsson og Guðmundur Arnlaugsson fyrir Íslands hönd gegn Úrúgvæ. Einnig árin 1962 og 1990, en í síðari skiptið voru það Helgi liðsstjóri, Jón L. , Jóhann og Héðinn sem unnu 4-0. Við töpuðum svo fyrir þeim 1964 með minnsta mun. Staðan er samtals 12-4.

Kvennaliðið mætir liði Albaníu. Við mættum þeim einnig árið 2010. Þá vannst góður 3-1 sigur.

FIDE-málefni

Síðustu daga hef ég sótt FIDE-þingið og var það klárast fyrir skemmstu. Sérstök samkunda og athyglisverðar umræður á köflum.

Það náðist samkomulag um ný grundvallarlög FIDE eftir miklar samningaviðræður á milli Kasparovs og hans fólk og FIDE-fólks. Kasparov var boðaður sigri hrósandi í ræðustól eftir þær þar sem hann tók í hönd Kirsans og talaði um einingu í skákheiminum.

Tilfinningin, sem ég fékk og fleiri, er sú að Kasparov sé byrjaður að huga að forsetaframboð 2014. Georgios Makropoulos (yfirleitt kallaður Makro), staðgengill forseta (deputy president) stjórnar fundinum eins og herforingi og er afar klókur sem slíkur en getur verið afar ófyrirlitinn þegar hann vill ná sínu fram.

Kirsan situr hliðina á honum eins og brúða og segir ekki orð. Hann á reyndar einstaka innákomur sem geta verið magnaðar.

Alls konar umræður hafa átt sér stað á fundinum. Mikið var rætt um franska svindlið í Khanty, þar sem klappað var vel og lengi fyrir hvernig Frakkar og FIDE tóku á málinu, mikið var einnig rætt um stutt jafntefli, en fram kom tillaga um að banna jafntefli sem vísað var til nefndar. Alls konar útfærslur voru ræddar þar með talið 60 leikja regla. Í dag var svo mest ræða um kostnaðinn, 1 milljón evra, sem lenti á FIDE vegna málaferla fimm skáksambanda.

Stærsta mál gærdagsins var kosning um vettvang ólympíuskákmótsins 2016. Fram höfðu komið 3 umsóknir, frá Bakú í Aserbaídsjan, frá Tallinn í Eistlandi og Albena í Búlgaríu.

Eistar drógu umsókn sína til baka. Í gær svo í samræmi við reglur FIDE umsókn Asera tekin framyfir umsókn Búlgara þar sem Heimsbikarmótið (World Cup) er einnig inn í þeim pakka.

Hófst þá mikil gagnrýni Armena, sem leidd var af Lputian, þar sem hann lýsti yfir mikilli ónægju þeirra með að mótið var haldið í Aserbaídsjan og taldi Armena þar ekki örugga og sagði þá ekki mundu taka þátt. Menntamálaráðherra Asera, sem fór fyrir umsókn þeirra, lofaði að ekkert vandamál yrðu með vegabréfsáritanir og lofaði fullu öryggi Armena á meðan mótinu stæði. Armenar hafa einnig lýst því yfir þeir sækist eftir heimsmeistaramóti landsliða (10 lið) 2015 og er það sennilega mótleikur þeirra.

Þá kom Kirsan með sína innkomu. Og þvílík innkoma, hann hélt snilldarræðu um að blanda ætti ekki saman og pólitík og skák og landslagið á milli þjóðanna gæti verið allt annað árið 2016. Meðal annars stakk hann upp á því að Armenía fengi mann í mótsnefnd og einnig að Kasparov, sem sé fæddur í Bakú, verði einnig í mótsnefnd.

Mikið var klappað fyrir ræðu hans, líka meðal þeirra sem seint teljast stuðningsmenn hans og umsókn Asera samþykkt í kjölfarið með lófaklappi mótatkvæðalaust.

Að lokum

Komnar eru inn myndir frá 10. og 11. umferð, teknar af Davíð Ólafssyni.

Læt þetta duga í bili. Lokapistill á morgun eða hinn.

Gunnar Björnsson

Spil og leikir | Slóð | Facebook | Athugasemdir (0)

9.9.2012 | 07:13

Beinar útsendingar hefjast kl. 8: Úrúgvæ og Albanía

Ellefta og síðasta umferð ólympíuskákmótsins hefst nú kl. 8. Strákarnir tefla við Úrúgvæ en stelpurnar tefla við Albaníu.

Spennan í opnum flokki er gífurleg en þar eru Kínverjar, Armenar og Rússar efstir. Kínverjar tefla við Úkraínumenn, Armenar við Ungverja og Rússar við Evrópumeistara Þjóðverja.

Í kvennaflokki berjast Kínverjar og Rússar um sigurinn.

Úrúgvæ (opinn flokkur)
Albenía (kvennaflokkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Slóð | Facebook | Athugasemdir (0)

8.9.2012 | 19:01

Saman erum við sterkari: Frábær vestnorræn skákhátíð í Ráðhúsinu

Færeyingar, Grænlendingar og Íslendingar komu saman til frábærrar skákveislu í Ráðhúsi Reykjavíkur í dag. Veislan var hluti af menningarhátíðinni Nýjar slóðir, og sýndi og sannaði bræðralag eyþjóðanna þriggja.

Jón Viktor Gunnarsson og Flóvin Þór Næs tefldu við tugi gesta á öllum aldri. Vignir Vatnar Stefánsson, 9 ára, og aldursforsetinn Finnur Kr. Finnsson gerðu jafntefli, en þeir Guðjón H. Valgarðsson og þingkonan Vigdís Hauksdóttir unnu sigra. Guðjón hefur fyrir löngu sýnt styrkleika sinn, en Vigdís kom verulega á óvart með frábærri taflmennsku, svo Flóvin og Jón Viktor urðu að játa sig sigraða.

Helgi Hjörvar alþingismaður og fv. forseti Norðurlandaráðs tefldi fyrstu skákina við Paulus Napatoq, blinda undradrenginn frá Grænlandi. Helgi, sem er flinkur skákmaður, mátti hafa sig allan við í spennandi skák, sem lauk með jafntefli. Paulus tefldi síðan við fjölmarga gesti í Ráðhúsinu og vakti aðdáun fyrir stórgóða taflmennsku.

Össur Skarphéðinsson utanríkisráðherra flutti setningarávarp, og vakti athygli á þeirri staðreynd að sterk bönd hnýta saman þjóðirnar þrjár í norðri í skákinni. Össur vakti sérstaka athygli á því að okkar góði frændi, Flóvin Þór, væri mættur til leiks, og fór fögrum orðum um Paulus Napatoq, og sagði hann fyrirmynd og fordæmi.

Ótalmargir á öllum aldri lögðu leið sína í Ráðhúsið. Í þeim hópi voru Katrín Júlíusdóttir verðandi fjármálaráðherra og Oddný Sturludóttir borgarfulltrúi, skákáhugamenn af öllum stærðum og gerðum, og vegfarendur á fallegum laugardegi sem tóku þátt í frábærri skákveislu.

Samhliða skákinni var efnt til Skákmyndakeppni barna, og var myndlistarkonan Hulda Hákon dómari í skemmtilegri samkeppni. Verðlaunabörnin eiga von á glaðningi frá Skákakademíunni og kaffistofunni Gráa kettinum.

Skáksambandið og Skákakademían þakka fyrir dásamlegan dag, sem skapaði ótal ánægjulegar endurminningar.

Spil og leikir | Breytt s.d. kl. 19:15 | Slóð | Facebook | Athugasemdir (0)

8.9.2012 | 18:45

Rimaskólasveitin tryggði sér sigur á NM grunnskóla í fjórðu umferð

Skáksveit Rimaskóla hefur nú þegar tryggt sér sigur á Norðurlandamóti grunnskólasveita í Tampere í Finnlandi eftir að sveitin lagði örugglega norsku meistarana frá Blokkhaugen skólanum í Bergen 3,5 - 0,5. Þessir tveir skólar voru langefstir fyrir umferðina.

Líkt og í fyrri umferðum komu íslensku krakkarnir einbeittir og sókndjarfir til leiks og náðu þægilegum stöðum á öllum borðum. Það var aðeins Dagur á 1. borði sem gaf eftir góða byrjun og náði að lokum jafntefli í maraþonskák á móti Mathias Sætre sem teflt hefur mjög vel á 1. borði norsku sveitarinnar.

Það er greinilegt að mikil reynsla, góðar æfingar og skýr fyrirmæli liðstjórans Davíðs Kjartanssonar sem vega þungt á þessu móti og orðið til þess að flest hefur gengið Rimaskólakrökkum í haginn. Rimaskóli hefur nú þegar hlotið 14,5 vinning, norsku og sænsku skólarnir 9,5 vinninga og sá sænski 9 vinninga.

Sigurinn er því nú þegar í höfn og bara spurning hvort met verður slegið í vinningafjölda á morgun þegar skáksveit Rimaskóla mætir dönsku sveitinni í lokaumferð. Verðlaunaafhending hefst kl. 13:30 eða kl. 10:30 á íslenskum tíma og þá fagna Rimaskólakrakkar þriðja árið í röð Norðurlndameistaratitli.

Myndaalbúm (HÁ)

Spil og leikir | Slóð | Facebook | Athugasemdir (0)

8.9.2012 | 18:27

Álfhólsskóli sigraði norsku sveitina

Álfhólsskóli vann sveit Noregs 3.5-0.5 á Norðurlandamóti barnaskólasveita í dag. Álfhólsskóli hefur þar með unnið allar sínar viðureignir en er 2.5 vinningum á eftir A sveit Svía sem aðeins náði jafntefli 2-2 gegn Danmörk í dag. Liða Álfhólsskóla er komið með 11 vinninga en sveit Svía er með 13.5 vinninga.

Þar með er ljóst að viðureign Svía og Íslands í fyrramálið er úrslitaviðureign og að Ísland þarf að vinna 3.5 - 0.5 til að vinna mótið og verja Norðurlandameistaratitilinn. Þetta er nú kannski svolítið metnaðarfullt markmið en ljóst að strákarnir munu leggja sig alla fram þrátt fyrir erfitt verkefni. Reyndar er það svo að sveit Dana er í 3 sæti með 8.5 vinninga og gæti stokkið upp fyrir sveit okkar ef mjög illa fer á móti þeim sænsku á morgun. Þetta verður sem sagt spennandi morgun í höfuðstað Svía.

Viðureignin í dag var spennandi. Agnar kláraði sína skák hratt og vel en Róbert og Felix sóttu vinninga í spennandi skákum þar sem Felix beitti Slavneskri vörn og Róbert sótti með enska leiknum. Dawid varð að lokum að sætta sig við jafntefli með hvítum eftir mjög spennandi hróksendatafl eftir langa og spennandi skák þar sem svartur lék franska vörn en Dawid hafi undirtökin í skákinni lengst af en náði ekki að knýja fram vinning þrátt fyrir að vera peði yfir.

Upplýsingar um framgang mótsins og PGN skrár er að finna á http://www.rockaden.com/skollag-nm-2012-mellanstadiet/

Myndaalbúm (SB)

Spil og leikir | Slóð | Facebook | Athugasemdir (0)

8.9.2012 | 15:47

Bláir eru bestir! Öruggur sigur Fram á WOW Íslandsmóti íþróttafélaganna

Framarar unnu yfirburðasigur á WOW Íslandsmóti íþróttafélaganna í hraðskák, sem fram fór á Hlíðarenda á laugardag. Tíu lið kepptu á mótinu og sigraði Fram í öllum 9 viðueignum sínum, hlaut 18 stig, og alls 33,5 vinning af 36 mögulegum. Valsmenn urðu í 2. sæti og KR-ingar hrepptu bronsið.

Sigurlið Fram var skipað Jóhanni Hjartarsyni, Braga Þorfinnssyni, Helga Áss Grétarssyni og Elvari Guðmundssyni. Liðstjóri Fram var Hrafn Jökulsson. Allir fóru hinir bláklæddu á kostum. Helgi Áss sigraði í öllum skákum sínum og rakaði inn 9 vinningum, Elvar fékk 8,5 og þeir Bragi og Jóhann 8.

Valsmenn og KR-ingar veittu Fram harða keppni framan af, en Fram hafði tryggt sér titilinn þegar ein umferð var eftir, með 4-0 sigri á KR.

Með Valsmönnum tefldu Jón L. Árnason, Jón Viktor Gunnarsson, Róbert Harðarson, Ólafur B. Þórsson, Tómas Björnsson og Arnaldur Loftsson.

Bronssveit KR skipuðu Sigurður Daði Sigfússon, Einar Hjalti Jensson, Sigurbjörn Björnsson og Magnús Örn Úlfarsson.

Lokaúrslit urðu: 1. Fram 18 stig, 2. Valur 16 stig, 3. KR 14 stig, 4. KA 10 stig, 5. Þróttur 9, 6. Breiðablik 7 stig, 7. ÍBV 7 stig, 8. Akranes 6 stig, 9. Selfoss 2 stig, 10. Leiknir 1 stig.

Myndaalbúm (HJ o.fl.)

Spil og leikir | Breytt s.d. kl. 15:48 | Slóð | Facebook | Athugasemdir (0)

8.9.2012 | 12:25

Ól-pistill - Lokaátökin nálgast

Það unnust góðir sigrar á 10. og næstsíðustu umferð ólympíuskákmótsins sem fram fór í gær. Liðið í opnum flokki vann öruggan 4-0 á Lúxemborgurum og kvennaliðið vann sannfærandi sigur á Egyptum 3-1. FIDE-þingið hófst í gær og framhaldið í dag. Þetta þetta er skrifað er hádegishlé en kl. 16 (kl. 13 á Íslandi) verður kostið um keppnisstað ólympíuskákmótsins 2016.

Gærdagurinn

Ég hef eðlileg málsins lítið um segja um skákirnar í gær þar sem ég fylgdist ekki með þeim. Mér skilst að Þröstur og Henrik hafi unnið góða sigra en Hannes og sérstaklega Hjörvar hafi þurft meira fyrir hlutunum að hafa. En það gekk. Á fyrsta borði fyrir Lúxemborg, teflir sænskur alþjóðlegur meistari, sem vinnur þarna niðurfrá og vann í Kaupþingi Lúxemborg um tíma.

Stelpurnar unnu einnig sannfærandi 3-1 á Egyptum. Lenka og Jóhanna unnu en Hallgerður og Elsa gerðu jafntefli.

Toppbaráttan

Toppbaráttan er svakalega spennandi. Kínverjar, Armenar og Rússar eru efstir með 17 stig. Kínverjar eru hæstir á stigum og ættu að standa best að vígi......og þó... því þeir mæta ólympíumeisturum Úkraína, sem eru sterkari en þeir á pappírunum á morgun. Armenar mæta Ungverjum, sem rassskelltu Dani 4-0, en Rússar mæta Evrópumeisturum Þjóðverjum.

Stigaútreikningur hérna er flókin. Í reglum FIDE segir:

....the sum of Sonneborn-Berger points, which are calculated as follows:
match points of each opponent, excluding the opponent who scored the lowest number of match points, multiplied by the number of game points achieved against this opponent.....

Semsagt á mannamáli. Kerfið virkar þannig ef lið viðureignir þá fá stigafjölda andstæðingsins margfaldaðan með vinningum í viðureigninni. Það getur því skipt öllu á morgun að vinna frekar 3-1 frekar en 2,5-1,5 vegna þessarar margföldunar. Flókið og mjög erfitt að reikna í höndunum. Ég sé fyrir mér mjög taugaveiklaða liðsstjóra á morgun. Ef allar sveitirnar vinna 2,5-1,5 eru Kínverjar líklegastir

Kínverjar og Rússar eru efstir í kvennaflokki með 17 stig og þar eru Úkraínar í þriðja sæti með 16 stig. Rússar mæta Kasökum en Kínverjar mæta Búlgörum. Kínverjar eru hærri einnig á stigum í kvennaflokki.

Umferð morgundagsins.

Taflmennskan hefst fyrr á morgun en venjulega að kl. 11 (kl. 8 á Íslandi). Liðsstjórar þurfa að gefa upp liðin kl. 20 í kvöld og pörun ætti að liggja fyrir í framhaldinu.

Liðið í opnum flokki mætir sveit Úrúgvæ sem er töluvert stigalægri en við. Með stórmeistara á fyrsta borði og tvo alþjóðlega meistara. Góð úrslit á morgun geta fleytt okkur langt upp stigatöfluna.

Liðið í kvennaflokki mætir sveit Albaníu sem er svipuð íslenska liðinu að styrkleika. Við erum mun sterkari á fyrsta borði en áþekk á hinum borðunum.

Norðurlandamótið:

Eftir tvo sigra í röð erum við komnir í 3. sætið með 11 stig. Svíar og Danir eru efstir með 13, Norðmenn og Finnar hafa einnig 11 stig en eru lægri á stigum en við Færeyingar reka lestina með 10 stig. Það er athyglisvert að við erum hærri en Danir í stigaútreikningi þrátt fyrir að hafa 2 stigum minna, sem mikið um hversu slaka andstæðinga Danir hafa fengið á mótinu:

Við erum einnig í 3. sæti í kvennaflokki með 10 stig. Norðmenn eru efstir með 11 stig, Danir hafa einnig 10 stig en eru lægri en við á stigum en Svíar og Finnar hafa 9 stig.

Staðan í opnum flokki:

Rk.	SNo	Team	TB1	TB2	TB3	TB4
28	34	Sweden	13	234	25	101
32	39	Denmark	13	200,5	24	96
55	51	Iceland	11	202	23,5	101
58	54	Norway	11	195,5	22,5	102
59	52	Finland	11	194,5	22,5	97
81	74	Faroe Islands	10	152	22	86

Staðan í kvennaflokki:

Rk.	SNo	Team	Team	TB1	TB2	TB3	TB4
47	40	Norway	NOR	11	185	22	93
61	51	Denmark	DEN	10	165	20,5	101
63	62	Iceland	ISL	10	152,5	20,5	91
72	46	Sweden	SWE	9	157	20	104
88	77	Finland	FIN	9	114,5	16,5	92

Að lokum

Enn vantar myndir frá 10. umferð en þær eru í myndavél Davíðs sem er nú ferð um Istanbul ásamt hópnum að ég best veit. Þær eru væntanlegar í kvöld.

Nú þarf ég halda af stað í rútu á FIDE-þingið. Núna klukkan fjögur hefst kosning hvar ólympíuskákmótið 2016 verður haldið en tveir aðilar sækjast eftir því. Bakú og Albena.

Ég eftir að segja betur frá FIDE-þinginu.

Gunnar Björnsson

Spil og leikir | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Bloggfærslur mánaðarins, september 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: