Tölvuteksmótið 2012 - Haustmót TR hefst 23. september

Tölvuteksmótið 2012 - Haustmót Taflfélags Reykjavíkur hefst sunnudaginn 23. september kl.14.

Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga hefð fyrir hinu vinsæla Haustmóti og er það flokkaskipt og öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R.

Hægt er að fylgjast með skráningu hér.

Skráningu í alla lokaða flokka lýkur laugardaginn 22. september kl. 18.

Skákmeistari Taflfélags Reykjavíkur síðustu tveggja ára er Guðmundur Kjartansson.

 

Dagskrá:

1. umferð: Sunnudag 23. september kl.14.00
2. umferð: Miðvikudag 26. september kl.19.30

3. umferð: Föstudag 28. september kl.19.30
4. umferð: Sunnudag 30. september kl.14.00

5. umferð: Miðvikudag 3. október kl.19.30

---Hlé vegna Islandsmóts skákfélaga---

6. umferð: Miðvikudag 10. október kl.19.30
7. umferð: Föstudag 12. október kl.19.30
8. umferð: Sunnudag 14. október kl. 14.00
9. umferð: Miðvikudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 20.000 auk spjaldtölvu frá Tölvuteki
3. sæti kr. 10.000 auk spjaldtölvu frá Tölvuteki
4. og 5. sæti ókeypis í Skákþing Reykjavíkur 2013

Verðlaun í B-flokki:
1. sæti kr. 20.000
2.og 3. sæti ókeypis í Skákþing Reykjavíkur 2013

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2013

Verðlaun í opnum flokki:

1. sæti kr. 10.000
2. og 3. sæti ókeypis í Skákþing Reykjavíkur 2013

Ef fleiri lokaðir flokkar bætast við, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir að vinningum ræður stigaútreikningur lokasæti - verðlaunum er ekki skipt.

Tímamörk:

1 klst. og 30 mín. + 30 sek. á leik.

Þátttökugjöld:

3500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

 

Íslandsmót skákmanna í golfi 2012

Íslandsmót skákmanna í golfi fer fram á Hvaleyrarvelli í Hafnarfirði sunnudaginn 16.september nk. Keppt verður í tvíkeppni þar sem árangur í golfi og skák er lagður saman.

Dagskráin:

• 12:30 - 13:30: Skákmenn mæta tímanlega í sinn rástíma
• 13:00 - 14:00: Rástímar á Hvaleyrinni
• 15:30 - 15:50: Rástímar á Sveinskotsvelli
• 17:15 - 18:15: Golfleik líkur
• 18:15 - 19:15: Kvöldverður í golfskálanum (Lambasteik með bakaðri kartöflu og fersku salati að hætti Brynju eða hamborgari með tilheyrandi).
• 19:15 - 21:00: 9.umferða hraðskákmót í golfskálanum.

Núna er sú nýbreytni að einnig er boðið upp á hamborgara og hraðskákunum er fækkað úr 15 í 9.

Sjá nánar á: http://chess.is/golf/

Þátttökutilkynningar berist til Halldór Grétars  ([e-mail])

Nýir félagsmenn SA

Nú á haustdögum hafa fjölmargir magnaðir skákmenn gengið í raðir Skákfélags Akureyrar. Þeim liðsstyrk fagna Norðanmenn. Þetta eru:

• Rúnar Ísleifsson (kemur úr Goðanum)
• Rúnar Sigurpálsson (kemur úr Mátum)
• Tómas Veigar Sigurðarson (kemur úr TV)
• Ágúst Bragi Björnsson (kemur úr Mátum)
• Pétur Gíslason (kemur úr Goðanum)
• Einar Garðar Hjaltason (Kemur úr SSAust)
• Einar Guðmundsson (var utan félaga)

Allir þessir góðu félagar eru boðnir velkomnir í félagið.

 

Æfingar skákdeildar Fjölnis alla laugardaga frá kl. 11:00 - 12:30

Vikulegar skákæfingar Skákdeildar Fjölnis fyrir börn og unglinga hefjast laugardaginn 15. september og verða þær framvegis alla laugardaga í vetur frá kl. 11:00 - 12:30. Æfingarnar eru í Rimaskóla og er gengið inn um íþróttahús skólans. Árangur þeirra barna sem sótt hafa reglulega skákæfingar Fjölnis hefur verið mjög góður á undanförnum árum og skákdeildin hlotið mörg verðlaun og viðurkenningar fyrir árangursríkt starf. Fjölnismenn eiga nánast alla Íslandsmeistara í barna-og unglingaflokkum í skák og á Íslandsmóti unglingasveita 2011 vann A - sveit Fjölnis í fyrsta sinn Íslandsmeistaratitilinn.

Foreldrar áhugasamra barna í Grafarvogi og á höfuðborgarsvæðinu öllu eru hvattir til að nýta sér þessar frábæru skákæfingar Fjölnis sem bjóðast ókeypis. Nauðsynlegt er að foreldrar yngstu barna fylgi þeim á æfingarnar frá kl. 11:00 - 12:00. Reynt er að hafa æfingarnar fjölbreyttar og skemmtilegar, kennsla og skákmót til skiptis. Boðið er upp á ávexti og vatn á hverri æfingu  og öllum skákmótum lýkur með verðlaunaafhendingu. Meðal leiðbeinenda í vetur verður ungt afreksfólk í skáklistinni sem á síðustu árum hefur sótt kennslu og æfingar í úrvalsflokki Skákskóla Íslands og unnið til fjölda verðlauna jafnt á Íslandi sem erlendis. Má þar nefna Ingvar Ásbjörnsson, Sigríði Björgu Helgadóttur og Hjörvar Stein Grétarsson sem öll urðu Íslandsmeistarar og Norðurlandameistarar með skáksveitum Rimaskóla. Skákdeild Fjölnis verður í samstarfi við Skákakademíu Reykjavíkur og munu kennarar frá akademíunni mæta á nokkrar æfingar skákdeildarinnar í vetur.

Skákdeild Fjölnis heldur líkt og fyrri ár vegleg barnaskákmót á starfsárinu svo sem Torgmót, páskaeggjaskákmót og sumarskákmót Fjölnis í kringum sumardaginn fyrsta. Skákdeildin hefur einnig skipulagt og haldið utan um Skákmót Árnamessu í Stykkishólmi. Síðast en ekki síst ber að nefna að Skákdeild Fjölnis mun í samstarfi við Skákakademíu Reykjavíkur og Skákskóla Íslands efna til æfingbúða að Úlfljótsvatni helgina 20. - 21. október n.k. Þetta verður í annað sinn sem efnt er til skákbúða á vegum deildarinnar en í fyrra tókst einstaklega vel til með skákbúðir í Vatnaskógi þar sem skákkennsla, leikir, frjáls tími, kvöldvaka og skákmót voru á þéttskipaðri dagskrá. Einstakt og nauðsynlegt tækifæri fyrir áhugasama skákkrakka. Skákbúðirnar með nákvæmri dagskrá verða auglýstar í byrjun október.

Umsjón með skákæfingum Fjölnis í vetur hefur Helgi Árnason formaður skákdeildarinnar.

 

Eiríkur sigraði á hraðkvöldi

Eiríkur Björnsson sigraði á hraðkvöldi Hellis sem fram fór 10. september. Eiríkur fékk sex vinninga í sjö skákum og varð það bara Gauti Páll sem vann Eirík og það strax í fyrstu umferð. Eftir það tók Eiríkur hraustlega á andstæðingum sínum og vann allar skákir sem voru eftir. Annar varð Hilmir Freyr Heimisson með 5,5v en hann leiddi mótið fram í næst síðustu umferð þegar hann tapaði fyrir Eiríki. Þriðji varð svo Jón Úlfljótsson með 5v.

Lokastaðan á hraðkvöldinu:

 Röð  Nafn                       Vinningar M-Buch. Buch. Progr.

  1   Eiríkur Björnsson,            6        18.0  25.0   21.0
  2   Hilmir Freyr Heimisson,       5.5      20.5  28.0   23.5
  3   Jón Úlfljótsson,              5        21.5  28.0   21.0
 4-7  Gauti Páll Jónsson,           4        21.0  28.5   19.0
      Jon  Olav Fivelsted,          4        19.5  26.5   17.0
      Arsenij Zacharov,             4        18.0  24.5   17.0
      Vigfús Ó. Vigfússon,          4        16.5  22.5   15.0
  8   Kristófer Ómarsson,           3.5      17.5  24.0   13.5
  9   Björgvin Kristbergsson,       2.5      14.5  19.0    9.5
10-11 Alec Elías Sigurðarson,       1.5      17.0  23.5    6.5
      Pétur Jóhannesson,            1.5      16.0  22.5    2.5
 12   Óskar Víkingur Davíðsson,     0.5      15.5  22.0    2.5

Þór Valtýsson efstur í Ásgarði

Þór Valtýsson varð efstur í Stangarhyl í dag  þar sem 21 skákmaður mætti og tefldi tíu umferðir með 10 mínútna umhugsunartíma. Þór fékk 8.5 vinning. Í öðru sæti varð Haraldur Axel Sveinbjörnsson með 8 vinninga og í þriðja sæti varð Guðfinnur R.Kjartansson með 7.5 vinning.

Nánari úrslit:

• 1          Þór Valtýsson                          8.5 vinninga
• 2          Haraldur Axel                         8
• 3          Guðfinnur R Kjartansson        7.5
• 4          Sæbjörn G.Larsen                   7
• 5          Össur Kristinsson                    6.5
• 6-7       Kári Sólmundarson                 6
•             Gísli Sigurhansson                  6
• 8-10     Þorsteinn Guðlaugsson           5.5
•             Gunnar Finnsson                     5.5
•             Gísli Árnason                          5.5
• 11-13   Valdimar Ásmundsson           5
•             Finnur Kr Finnsson                 5
•             Jón Víglundsson                     5
• 14-17   Egill Sigurðsson                      4.5
•             Ásgeir Sigurðsson                   4.5
•             Baldur Garðarsson                  4.5
•             Jón Steinþórsson                     4.5

Næstu fjórir voru svo með aðeins færri vinninga.

Tómas sigraði á 15 mínútna móti

Nýbakaður Skákfélagi Tómas Veigar Sigurðarson bar sigur úr býtum á 15 mínútna móti sem fram fór í fyrradag. Sjö ofurkappar mættu til leiks og luku mótinu á þess að gera einn einasta jafntefli.  Tóms varð hlutskarpastur, vann allar skákir sínar nema eina og hlaut 5 vinninga. Sigurður Arnarson og Áskell Örn Kárason komu næstir með 4 vinninga, Sveinbjörn Ofurkappi Sigurðsson og Sigurður Einherji Eiríksson hrepptu 3 vinninga og tveir aðrir nýbakaðir Skákfélagar, Einarar G. Hjaltason og Guðmundsson ráku lestina með 1 vinning hvort. Tefldu þeir allir vel og frækilega að dómi viðstaddra.

Næst á dagskrá er fyrsta mót í röðinni góðu og verður háð á fimmtudagskvöld kl. 20.

Aðalfundur Hellis fer fram 20. september

Aðalfundur Taflfélagsins Hellis fer fram fimmtudaginn 20. september nk. og hefst kl. 20. Venjuleg aðalfundarstörf eins og yfirferð ársskýrslu og kosning stjórnar.

Félagið hvetur félagsmenn til að fjölmenna

Afmælismót aldarinnar í Laugardalshöll: Skráið ykkur sem fyrst!

Afmælismót aldarinnar hefst stundvíslega klukkan 13 á laugardag, 15. september, í Laugardalshöll. Keppendur eru hvattir til að skrá sig fyrirfram á www.skak.is og mæta tímanlega í höllina á laugardaginn. Einstakt tækifæri til að taka þátt í að minnast mesta og frægasta skákeinvígis sögunnar. Allir geta unnið í happdrætti, þar sem er m.a. flugmiði í verðlaun -- og allir keppendur fái sérhannaða boli!

Teflt er í eftirtöldum flokkum

• 1.-2. bekkur
• 3.-4. bekkur
• 5.-6. bekkur
• 7.-10. bekkur

Umhugsunartími er 7 mínútur og tefldar eru 6 umferðir.

Í flokki 60 ára og eldri eru tefldar 6 umferðir með 10 mínútna umhugsunartíma.

Fimm efstu í hverju flokki fá verðlaunapeninga og sigurvegarar fá glæsilega bikara. Allir keppendur fá sérmerktan bol sem hannaður er af þessu tilefni. Þá verður efnt til happdrættis, þar sem allir eiga möguleika - stærsti vinningurinn er farmiði með flugfélaginu WOW!

Áður en risamótið hefst fer fram málþing í Laugardalshöll, þar sem allir eru velkomnir. Meðal þeirra sem flytja ávörp og erindi eru Katrín Jakobsdóttir menntamálaráðherra, borgfulltrúarnir Óttar Proppé og Kjartan Magnússon, stórmeistararnir Friðrik Ólafsson og Helgi Ólafsson. Þá munu fulltrúar sendiráða Rússlands og Bandaríkjanna flytja ávörp.

Skákáhugamenn á öllum aldri eru hvattir til að mæta í Laugardalshöll á laugardaginn. Höllin er frægasti skákstaður sögunnar, því þar háðu Boris Spassky og Bobby Fischer sjálft Einvígi aldarinnar.

Skákþáttur Morgunblaðsins: Sviptingar í keppni við Argentínu

Ólympíuskákmótið sem nú fer fram í Istanbul í Tyrklandi, hið fertugasta í röðinni, dregur til sín lið frá 166 þjóðum sem er þátttökumet. Teflt er í opnum flokki og kvennaflokki. Í opna flokknum eiga bæði kynin þátttökurétt. Nokkrar þeirra sitja þar að tafli og vekur Judit Polgar mesta athygli en hún teflir á 3. borði fyrir Ungverja. Ísland er með sveitir í báðum flokkum. Sú breyting var gerð í opna flokknum að Dagur Arngrímsson tók sæti Héðins Steingrímssonar.

Frá og með Haifa í Ísrael ´76 hefur Ólympíumótið verið teflt í opnum flokkum með svissneska kerfinu en umferðunum hefur þó fækkað úr fjórtán í ellefu. Önnur breyting er sú að vinningatalan skiptir ekki höfuðmáli, heldur stigin.

Báðar sveitir Íslands unnu 4:0 í fyrstu umferð og töpuðu síðan í annarri umferð, karlarnir 1:3 fyrir Argentínu og konurnar ½ : 3 ½ fyrir Ísrael. Í þriðju umferð gekk betur en mótherjar beggja sveita voru frá Wales, karlasveitin vann 3 ½ : ½ og er með 8 ½ vinning og 4 stig. Kvennasveitin vann 3:1 og er með 7 ½ vinning og 4 stig. Verður frammistaða beggja liða að teljast viðunandi.

Viðureign karlasveitarinnar gegn Argentínu hefði fengið farsælli endi ef Hannes Hlífar hefði klárað dæmið með gjörunna stöðu. Skákin var afar spennandi á að horfa og fer hér á eftir. Sem fyrr eru miklar vonir bundnar við Hannes Hlífar sem sjaldan bregst á Ólympíumótum og hlaut borðaverðlaunum á sínu fyrsta Ólympíumóti í Manila á Filippseyjum sumarið 1992:

Hannes Hlífar Stefánsson - Diego Flores

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Bd3 Bc5 6. Rb3 Be7 7. Dg4 g6 8. De2 d6 9. O-O Rd7 10. Ra3

Hannes var vel undirbúinn fyrir þessa viðureign og fylgdi hér nýlegri uppástungu Khalifmans.

10. ... Re5 11. Rc4 Rxc4 12. Bxc4 Dc7 13. Bd2 Bd7 14. a4 Hc8 15. a5 Rf6 16. Rd2 Bc6 17. b3 O-O 18. Bb2 d5 19. e5 Rh5 20. De2 Bb5 21. c4 dxc4 22. bxc4?!

Með þessum leik setti Hannes af stað áætlun sem stenst sennilega ekki alveg. Öruggara var 22. Rc4 og hvíta staðan er örlítið betri og hægt er að tefla til sigurs án þess að taka mikla áhættu. Á tveim nærliggjandi borðum voru tvær fremur óásjálegar stöður Hjörvars og Henriks og þess vegna er ákvörðun Hannesar skiljanleg.

22. ... Bc5 23. Df3 Bc6 24. Re4 Hcd8 25. g4 f5! 26. exf6 Df4!

Tveir frábærir leikir í röð sem Hannes hafði þó séð fyrr. Honum sást þó yfir leyndur möguleiki í 29. leik.

27. De2 Hxd3 28. Rxc5 Hh3??

Best var 28. ... Hd2! og svarta staðan er unnin! Þess vegna var áætlun Hannesar sem hófst með 22. bxc4 röng en Flores var að komast í mikla tímapressu.

29. f3! Hxf3 30. Hxf3! Bxf3 31. Dxe6+ Kh8

(Sjá stöðumynd)

Hannes átti nægan tíma og nú lék hann of hratt. Einfaldast er 32. f7+ Rg7 33. Rd7 og svartur getur gefist upp, t.d. 33. ... Dd2 34. Bxg7+ Kxg7 35. Df6+ Kh6 36. g5+ eða 36. Dxf3.

32. Rd7?? Dd2!

Hótar 33. ... Dg2 mát og 33. ... Dxb2. Og sá veruleiki sem blasti við þegar þessi leikur kom var mönnum ekki að skapi.

33. f7+ Dxb2 34. De5+ Dxe5 35. Rxe5 Bxg4 36. Rxg4 Hxf7 37. Hb1 Rf4 38. Rf2 Hc7 39. Re4 Rd3 40. Hb3 Hxc4 41. Rd6 Rc5 42. He3 Hd4

- og Hannes gafst upp. Hann gat leikið 43. Rxb7 en hróksendataflið sem kemur upp eftir 43. ... Rxb7 44. He8+ Kg7 45. He7+ Kh6 46. Hxb7 Hd5 er vonlaust.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 2. september 2012.

Skákþættir Morgunblaðsins

[Event "Olympiad"] [Site "?"] [Date "2012.08.29"] [Round "2"] [White "Stefansson, Hannes"] [Black "Flores, Diego"] [Result "0-1"] [WhiteElo "2515"] [BlackElo "2589"] [PlyCount "84"] [EventDate "2012.??.??"] [WhiteTeam "Iceland"] [BlackTeam "Argentina"] [WhiteTeamCountry "ISL"] [BlackTeamCountry "ARG"] 1. e4 c5 2. Nf3 e6 3. d4 cxd4 4. Nxd4 a6 5. Bd3 Bc5 6. Nb3 Be7 7. Qg4 g6 8. Qe2 d6 9. O-O Nd7 10. Na3 Ne5 11. Nc4 Nxc4 12. Bxc4 Qc7 13. Bd3 Bd7 14. a4 Rc8 15. a5 Nf6 16. Nd2 Bc6 17. b3 O-O 18. Bb2 d5 19. e5 Nh5 20. Qe3 Bb5 21. c4 dxc4 22. bxc4 Bc5 23. Qf3 Bc6 24. Ne4 Rcd8 25. g4 f5 26. exf6 Qf4 27. Qe2 Rxd3 28. Nxc5 Rh3 29. f3 Rxf3 30. Rxf3 Bxf3 31. Qxe6+ Kh8 32. Nd7 Qd2 33. f7+ Qxb2 34. Qe5+ Qxe5 35. Nxe5 Bxg4 36. Nxg4 Rxf7 37. Rb1 Nf4 38. Nf2 Rc7 39. Ne4 Nd3 40. Rb3 Rxc4 41. Nd6 Nc5 42. Re3 Rd4 0-1