Afmælismót aldarinnar á morgun: Skákveisla við allra hæfi

Um 200 börn eru nú þegar skráð til leiks á Afmælisskákmóti aldarinnar, sem fram fer í Laugardalshöll á morgun kl. 13. Keppendur eru minntir á að mæta að minnsta kosti hálftíma fyrr. Allir fá sérhannaða boli í tilefni dagsins og hægt verður að skoða ýmsa muni sem tengjast einvíginu.

Stefán Bergsson framkvæmdastjóri Skákakademíunnar og mótsstjóri segist hlakka til morgundagsins:

,,Þetta stefnir í frábæra skákhátíð í Laugardalshöll. Um 200 börn eru skráð til leiks og fjölmargir skákmenn 60 ára og eldri. Þá verður ekki síður spennandi að fylgjast með málþinginu, sem hefst klukkan 11. Þar verður farið yfir einvígið frá mörgum hliðum. Það er ánægjulegt að sendimenn Bandaríkjanna og Rússlands taki þátt í málþinginu, auk meistaranna Helga Ólafssonar og Friðriks Ólafssonar. Katrín Jakobsdóttir menntamálaráðherra flytur setningaávarp og Kjartan Magnússon formaður undirbúningsnefndar og Óttarr Proppé lýsa sinni sýn á einvígið."

Keppt verður í 4 flokkumm barna og ungmenna, og auk þess sérstökum flokki 60 ára og eldri.

Stefán hvetur skákáhugamenn á öllum aldri og fjölskyldur til að fjölmenna í Höllina á morgun.

,,Þetta verður margrétta og skemmtileg skákveisla við allra hæfi!"

40 ár frá einvígi aldarinnar: - Málþing og risaskákmót í Laugardalshöll

Fjörutíu ár eru liðin frá heimsmeistaraeinvígi Boris Spassky og Robert Fischer, sem fram fór í Reykjavík sumarið 1972. Til að minnast þessa merka viðburðar standa borgarstjórn Reykjavíkur og skákhreyfingin fyrir hátíðardagskrá í Laugardalshöll laugardaginn 15. september 2012.

Aðgangur er ókeypis og öllum opinn.

Dagskrá 15. september

Kl. 11.00 Málþing.

Fjallað verður um heimsmeistaraeinvígið 1972 frá ýmsum hliðum. Fjallað verður um framkvæmd einvígisins og þýðingu þess fyrir alþjóðamál, skákíþróttina og stöðu Íslendinga í samfélagi þjóðanna.

Setning: Kjartan Magnússon, borgarfulltrúi og formaður undirbúningsnefndar.

Ávarp: Katrín Jakobsdóttir, menntamálaráðherra.

Ávarp: Eric Green, staðgengill sendiherra Bandaríkjanna.

Ávarp: Andrei Melnikov, sendiráðsritari í rússneska sendiráðinu.

Erindi: „Minningabrot um einvígi aldarinnar." Friðrik Ólafsson stórmeistari og fyrrv. forseti FIDE.

Erindi: „Einvígið 1972 og áhrif þess."Helgi Ólafsson stórmeistari.

Samantekt og lokaorð: Óttarr Ólafur Proppé, borgarfulltrúi og stjórnarformaður Skákakademíu Reykjavíkur.

Málþingsstjóri: Guðfríður Lilja Grétarsdóttir, fyrrv. forseti Skáksambands Íslands.

Kl. 13.00 -16.00 Risaskákmót í Laugardalshöll.

Mótið er ætlað börnum og unglingum á grunnskólaaldri, auk þess sem skákmenn 60 ára og eldri tefla í sérstökum heiðursflokki. Mikilvægt er að þátttakendur mæti stundvíslega í Höllina og staðfesti skráningu. Verðlaun fyrir efstu sæti í hverjum flokki. Happdrætti.

Spennan magnast á Meistaramóti SSON - Grantas efstur

Sennan magnasta á Meistaramóti SSON.  Þegar tvær umferðir eru eftir er Grantas einn efstur en Ingimundur og Ingvar fylgja fast á hæla hans.

Mótstafla:

Name	Rtg	1	2	3	4	5	6	7	8	9	Pts	SB
Grigoranas Grantas	1689	*		½	1	1		1	1	1	5½	13.25
Sigurmundsson Ingimundur	1811		*	1	0		1	1	1	1	5	10.50
Birgisson Ingvar Örn	1812	½	0	*	1	1		1		1	4½	12.75
Siggason Þorvaldur	1395	0	1	0	*	0	1		1	1	4	9.00
Sigurmundsson Úlfhéðinn	1796	0		0	1	*	1	0	1	1	4	8.00
Jensson Erlingur	1754		0		0	0	*	1	1	1	3	3.00
Pálmarsson Erlingur Atli	1348	0	0	0		1	0	*	0	1	2	4.00
Matthíasson Magnús	1622	0	0		0	0	0	1	*		1	2.00
Erlingsson Arnar	0	0	0	0	0	0	0	0		*	0	0.00

 

Heimasíða SSON

Friðrik Þjálfi byrjar vel í MR

Skákakademían stóð fyrir Haustskákmóti Menntaskólans í Reykjavík sem fór fram í dag, fimmtudaginn 13. september. Mikill skákáhugi er innan skólans sem sést best á því að 17 keppendur mættu til leiks. Fjölmargir sterkir skákmenn eru nemendur við skólann og má þar helsta nefna Jóhönnu Björgu Jóhannsdóttur, Mikael Jóhann Karlsson, Guðmund Kristin Lee, Emil Sigurðarson o.fl.

Tefldar voru 5 umferðir með 5 mínútna umhugsunartíma. Spennan var mikil allt fram í síðustu umferð þegar efstu menn mættust, Guðmundur Lee og Friðrik Þjálfi Stefánsson, sem hafði komið mjög á óvart og unnið alla andstæðinga sína. Friðrik Þjálfi sigraði einnig úrslitaskákina og stóð uppi sem sigurvegari á fyrsta móti vetrarins með fullt hús vinninga.

Næstu menn voru Guðmundur Kristinn Lee og Emil Sigurðarson með 4 vinninga.

Skákakademían mun halda skákvæðingu menntaskólanna áfram á komandi misserum, í samstarfi við það kraftmikla unga fólk sem er í skólunum. Sérstaklega ber að nefna þátt Guðmundar Kristinn Lee hvað varðar Haustskákmót MR en hann sá alfarið um skipulag og skráningar.

Jón Kristinn vann fyrsta mótið í mótaröð SA

Í kvöld fór fram fyrsta umferð vetrarvertíðarinnar í hinni geysivinsælu Mótaröð SA þar sem vinningum er safnað á hraðskákmótum í vetur. Sá sigrar sem hlýtur flesta vinninga samanlagt en lakasta árangri hvers og eins verður sleppt. Það merkir að mæti keppandi á öll mótin nema eitt á hann sömu möguleika og sá sem mætir á öll mótin. Sigurvegarinn verður krýndur um næstu áramót. Í kvöld öttu kappi 12 keppendur á öllum aldri og munaði 56 árum á keppendunum í 1. og 2. sæti. Allir tefldu 5 mínútna hraðskák við alla.

Jón Kristinn mætti veikur til leiks og vann allar sínar skákir nema eina. Verður hann eflaust erfiður viðureignar í vetur þegar hann teflir fullfrískur fyrst taflmennskan er svona hjá honum veikum.

Lokastaðan varð eftirfarandi:

Jón Kristinn Þorgeirsson 10 vinningar af 11

Ólafur Kristjánsson 8,5 vinningar

Sigurður Arnarson 8 vinningar

Sigurður Eiríksson og Tómas Veigar Sigurðarson 6 vinningar

Smári Ólafsson og Rúnar Ísleifsson 5,5 vinningar

Haki Jóhannesson 4,5 vinningar

Einar Garðar Hjaltason 3,5 vinningar

Karl Steingrímsson og Símon Þórhallsson 3 vinninga

Sveinbjörn Sigurðsson 2,5 vinningar.

40 ár frá einvígi aldarinnar: Málþing og risaskákmót í Laugardalshöll

Fjörutíu ár eru liðin frá heimsmeistaraeinvígi Boris Spassky og Robert Fischer, sem fram fór í Reykjavík sumarið 1972. Til að minnast þessa merka viðburðar standa borgarstjórn Reykjavíkur og skákhreyfingin fyrir hátíðardagskrá í Laugardalshöll laugardaginn 15. september 2012.

Aðgangur er ókeypis og öllum opinn.

Dagskrá 15. september

Kl. 11.00 Málþing.

Fjallað verður um heimsmeistaraeinvígið 1972 frá ýmsum hliðum. Fjallað verður um framkvæmd einvígisins og þýðingu þess fyrir alþjóðamál, skákíþróttina og stöðu Íslendinga í samfélagi þjóðanna.

Setning: Kjartan Magnússon, borgarfulltrúi og formaður undirbúningsnefndar.

Ávarp menntamálaráðherra, Katrínar Jakobsdóttur.

Ávarp: Eric Green, Deputy Chief of Mission, staðgengill sendiherra Bandaríkjanna

Ávarp: Andrei Melnikov sendiráðsritari í rússneska sendiráðinu.

Erindi: „Minningabrot um einvígi aldarinnar".
Friðrik Ólafsson stórmeistari og fv. forseti FIDE.

Erindi: Helgi Ólafsson stórmeistari.

Samantekt og lokaorð: Óttar Ólafur Proppé, borgarfulltrúi og stjórnarformaður
Skákakademíu Reykjavíkur.

Málþingsstjóri: Guðfríður Lilja Grétarsdóttir, fv. forseti Skáksambands Íslands.

Kl. 13.00‐16.00 Risaskákmót í Laugardalshöll.

Mótið er ætlað börnum og unglingum á grunnskólaaldri, auk þess sem skákmenn 60
ára og eldri tefla í sérstökum heiðursflokki. Mikilvægt er að þátttakendur mæti
stundvíslega í Höllina og staðfesti skráningu. Verðlaun fyrir efstu sæti í hverjum flokki.
Happdrætti.

Barna-og unglingameistarmót sem og Stúlknameistaramót T.R. sunnud. 16. september!

Barna- og unglingameistaramót T.R. sem og Stúlknameistaramót Taflfélags Reykjavíkur fer fram sunnudaginn 16. september  í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2012. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2012. Til viðbótar verða veitt verðlaun fyrir þrjú efstu sætin í aldursflokknum 12 ára og yngri.

Mótið er opið öllum krökkum 15 ára og yngri (fædd 1997 og síðar). Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 16. september frá kl. 13.30- 13.45.

Aðgangur á mótið er ókeypis.

Stórsigur gegn Spánverjum

Ísland vann stórsigur gegn Spánverjum í landskeppni í bréfskák sem var að ljúka. Íslenska liðið hlaut 19 vinninga gegn 11 vinningum Spánverja. Fljótlega eftir að keppnin hófst náði íslenska liðið forystunni og jók forskotið jafnt og þétt uns ljóst var að Spánverjar áttu við ofurefli að etja.

Teflt var á fimmtán borðum og hver skákmaður tefldi tvær skákir við andstæðing sinn, með hvítu og svörtu. Skákirnar voru tefldar á ICCF bréfskákþjóninum, en ICCF er alþjóðasamband bréfskákmanna, og gegnir svipuðu hlutverki í bréfskák og FIDE í kappskák.

Úrslitin eru athyglisverð í ljósi þess að á pappírnum var spænska liðið örlítið sterkara en það íslenska. Jón Adólf Pálsson (2469, mentor íslenskra bréfskákmanna, fór fyrir íslenska liðinu á fyrsta borði gegn Pascua Cutillas Ripoll (2457) og gerði jafntefli í báðum skákum sínum. Þrjú neðstu borðin reyndust Íslendingum heilladrjúg í þessari keppni, en þau skiluðu sex vinningum þar sem þeir Kristján Jóhann Jónsson, Kjartan Maack og Snorri Hergill Kristjánsson unnu allar sínar skákir. Auk þess má nefna að Þorsteinn Þorsteinsson, sem tefldi þarna í sinni fyrstu bréfskákkeppni, hlaut 1½ vinning.

Mikil gróska er í bréfskákinni hér á landi. Nú standa yfirlandskeppnir við Dani, Englendinga og Hollendinga og eru Íslendingar yfir í öllum þessum viðureignum, sjá nánar: http://www.simnet.is/chess/

  

Skákbarnið - mikilvægi þess að ungir skákmenn stúderi sjálfir

Á vef bandaríska skáksambandsins má finna ritdóm stórmeistarans Greg Shadade um bókina Chess Child um bandaríska undrabarnið Ray Robson, sem er yngsti Bandaríkjamaður sem nokkurn tíma hefur orðið stórmeistari og tefldi nú með sterku ólympíuliði Bandaríkjamanna þrátt fyrir að vera aðeins 17 ára.  Fram kemur í dómunum um bókina að Robson hefur ávallt lagt sig mikið fram og hefur ávallt stúderað skákbækur mikið sjálfur. 

Shadade kemst að þeirri niðurstöðu að þjálfarar geti gert skákmenn að góðum skákmönnum.  Það sem skipti máli sé fyrst og fremst áhugi skákmannanna sjálfa og þeir stúderi sjálfir sem mest. 

Shadade setur fram eftirfarandi hugleggingar eftir að hafa lesið bókina:

1. If you see your child constantly studying chess on their own without any real prodding, it's a very good sign. It probably means they have the potential for greatness.

2. If you don't see your child studying on their own, it probably means their potential is limited. The good news is they can still be very very strong if they have a lucky combination of pure chess talent/board vision and etc, but they will probably not be one of the best players in the country.

3. No coach can make a kid great. This is almost universal, unless that coach can actually find a way to get a kid to start studying on their own. If a kid already studies like a maniac, a great coach can be the extra push needed to propel the kid from being very very good to being great. However in almost all cases, the most important thing is that the kid studies on their own in an intelligent fashion for as many hours as possible per day.

Nánar um þetta lesa á vef bandaríska skáksambandsins.

Málþing í tilefni 40 ára afmælis Einvígis aldarinnar

Málþing í tilefni af 40 ára afmæli Einvígis aldarinnar milli Boris Spassky og Roberts J. Fischer verður haldið í Laugardalshöll, laugardaginn 15. september og hefst kl. 11.  Allir skákáhugamenn eru velkomnir!

Dagskrá málþingsins:

Ávarp: Kjartan Magnússon, borgarfulltrúi og formaður undirbúningsnefndar.

Ávarp: Katrín Jakobsdóttir menntamálaraðherra.

Ávarp: Eric Green, Deputy Chief of Mission, staðgengill sendiherra Bandaríkjanna

Ávarp: Andrei Melnikov sendiráðsritari Rússlands

Erindi: Friðrik Ólafsson stórmeistari og fv. forseti FIDE

Erindi: Helgi Ólafsson stórmeistari.

Ávarp: Óttar Ólafur Proppé borgarfulltrúi og formaður Skákakademíunnar.

Málþingsstjóri: Guðfríður Lilja Grétarsdóttir, fv. forseti Skáksambands Íslands.