Henrik með fullt hús eftir 3 umferð - mætir Cheparinov á morgun

Stórmeistarinn Henrik Danielsen (2511) vann Jesper Schultz-Pedersen (2172) í 3. umferð Politiken Cup sem fram fór í dag.  Henrik hefur fullt hús vinninga ásamt 25 öðrum skákmönnum. 

Í 4. umferð, sem fram fer á morgun, teflir Henrik við búlgarska stórmeistarann Ivan Cheparinov (2677).  Umferðin hefst kl. 11.  Skákin verður sýnd beint á vefsíðu mótsins.

292 skákmenn taka þátt frá 24 löndum.  Þar á meðal eru 22 stórmeistarar.  Henrik er nr. 19 í stigaröð keppenda.

• Heimasíða mótsins
• Beinar útsendingar (35 efstu borðin) - flestar umferðir hefjast kl. 11.
• Chess-Results

Dagur með annað jafntefli við stórmeistara

Alþjóðlegi meistarinn Dagur Arngrímsson (2366) gerði jafntefli við rúmenska stórmeistarann Vlad-Christian Jianu (2507) í 4. umferð alþjóðlega mótsins í Arad í Rúmeníu sem fram fór í dag.  Dagur gerði tvö jafntefli við stórmeistara í dag.  Dagur hefur 3 vinninga og er í 15.-48. sæti.

Í fimmtu umferð, sem fram fer á morgun teflir Dagur við Rúmenann Mihai Pachia (2092).  Skákin er sýnd beint á vefsíðu mótsins og hefst kl. 13:30.

183 skákmenn taka þátt í mótinu frá 9 löndum.  Þar á meðal eru 11 stórmeistarar og 11 alþjóðlegir meistarar.  Dagur er nr. 22 í stigaröð keppenda.

• Heimasíða mótsins
• Beinar útsendingar (15 efstu borðin) - flestar umferðir hefjast kl. 13:30.
• Chess-Results

Skákþáttur Morgunblaðsins: Bragi vann opna skoska meistaramótið

 

Níu íslenskir skákmenn tóku þátt í opna skoska meistaramótinu sem fram fór í Glasgow í Skotlandi dagana 7.-15. júlí. Þó Skotar hafi aldrei komið sér upp skákmanni sem eitthvað hefur kveðið að, hafa þeir löngum haft orð á sér fyrir að vera býsna úrræðagóðir á skáksviðinu og er það alveg í takt við þjóðarkarakterinn. Og sennilega getum við lært eitthvað af þeim hvað varðar mikla natni við tölfræði skákarinnar. Heimasíða mótsins gat þess skilmerkilega að opna skoska meistaramótið hefði verið haldið allar götur síðan 1884, og einungis fallið niður vegna heimsstyrjaldanna, og er því elsta skákmót sem um getur. Þess má geta að hið fornfræga skákmót í Hastings fór fyrst fram árið 1895.

 

Íslenski hópurinn sem tefldi í Glasgow stóð sig vel en athyglin beindist vitanlega mest að stigahæstu skákmönnunum, þeim Hjövari Steini Grétarssyni og Braga Þorfinnssyni. Báðir hafa þeir verið á fljúgandi siglingu undanfarið en að þessu sinni stal Bragi senunni, hlaut 7 vinninga af níu mögulegum og varð í efsta sæti ásamt fjórum öðrum skákmönnum. Hjörvar hlaut 6 vinninga og varð í 11.-19. sæti.

Flestir aðrir íslensku keppendurnir stóðu sig vel: Róbert Lagerman fékk 5 ½ vinning, Eyjamaðurinn Nökkvi Sverrisson hlaut 5 vinninga, Mikael Jóhann Karlsson, Jón Trausti Harðarson og Emil Sigurðarson fengu allir 4 ½ vinning, Birkir Karl Sigurðsson fékk 3 ½ vinning og Óskar Long hlaut 2 ½ vinning. Jón Trausti, Nökkvi og Emil hækkuðu sig allir um á bilinu 31-39 elo-stig og Bragi bætti stigatölu sína umtalsvert með árangur upp á 2575 stig.  

Hann kom aftur inn í íslenska landsliðið fyrir ÓL í Khanty Manyisk árið 2010 og var lykilmaður í þeirri sveit. Á þessu ári hefur hann orðið efstur á Skákþingi Reykjavíkur og Skákþingi Íslands og stóð sig frábærlega vel framan af á Reykjavíkurskákmótinu. Í eftirfarandi skák sem hann tefldi í 5. umferð náði hann að leggja indverskan stórmeistara að velli eftir nokkra hnitmiðaða leiki:

Opna skoska, Glasgow 2012:

Bragi Þorfinnsson - Deep Sengupta ( Indland )

Slavnesk vörn

1. d4 d5 2. c4 e6 3. Rf3 c6 4. Rc3 dxc4 5. a4 Bb4 6. e3 b5 7. Bd2 a5 8. axb5 Bxc3 9. Bxc3 cxb5 10. b3 Bb7 11. bxc4 b4 12. Bb2 Rf6 13. Bd3 Rbd7 14. O-O O-O 15. Rd2

Í hvassri byrjun sem Shirov og ýmsir fleiri gerðu vinsæla velur Bragi rólegt framhald. Algengara er 15. He1.

15. ... h6

Einkennilegur leikur, 15. ... He8 með hugmyndinni 16. ... e5 er eðlilegra.

16. Bc2 Dc7 17. f3 Hfe8 18. Kh1 e5 19. d5?!

Og þessi leikur heppnast vegna þess að Indverjinn uggir ekki að sé.

19. ... Ba6?

Mun betra var 19. ... Rc5 eða 19. .. Rb6 og svartur má vel við stöðu sína una.

20. Ba4! He7 21. f4 exf4 22. exf4 Db6 23. Bc6 Bb7

(SJÁ STÖÐUMYND )

24. c5!

Óþægilegur hnykkur, hvítur leikur peðinu ofan í „þrælvaldaða reitinn". Þetta geta menn lært af Kasparov. Hvítur hefur nú atburðarásina í hendi sér.

24. ... Rxc5 25. Bxf6 gxf6 26. Dg4+ Kf8 27. Dh4! Kg7

27. ... Kg7 stoðar lítt. Hvítur vinnur eftir 28. Dxh6+ Ke8 29. Rc4! Dc7 30. Dxc6 Dxc6 31. Re5! Sem hótar máti á h8 og drottningunni.

28. Hf3 Hg8 29. Hg3 Kh7 30. Hh3

- og svartur gafst upp, 30. ... Hg6 er svarað með 31. f5 o.s.frv.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. júlí 2012.

Skákþættir Morgunblaðsins

[Event "Scottish Chess Championships 2012"] [Site "?"] [Date "2012.07.11"] [Round "5.2"] [White "IM Thorfinnsson, Bragi ISK 2465 (3½)"] [Black "GM Sengupta, Deep IND 2548 (3½)"] [Result "1-0"] [ECO "D31"] [PlyCount "59"] [EventDate "2012.??.??"] 1. d4 d5 2. c4 e6 3. Nf3 c6 4. Nc3 dxc4 5. a4 Bb4 6. e3 b5 7. Bd2 a5 8. axb5 Bxc3 9. Bxc3 cxb5 10. b3 Bb7 11. bxc4 b4 12. Bb2 Nf6 13. Bd3 Nbd7 14. O-O O-O 15. Nd2 h6 16. Bc2 Qc7 17. f3 Rfe8 18. Kh1 e5 19. d5 Ba6 20. Ba4 Re7 21. f4 exf4 22. exf4 Qb6 23. Bc6 Bb7 24. c5 Nxc5 25. Bxf6 gxf6 26. Qg4+ Kf8 27. Qh4 Kg7 28. Rf3 Rg8 29. Rg3+ Kh7 30. Rh3 1-0