Wang Hao efstur í Biel

Kínverski stórmeistarinn (2739) er efstur með 13 stig að lokinni sjöttu umferð ofurmótsins í Biel sem nú er í fullum gangi.   Hollenski undradrengurinn Anish Giri (2696) er annar með 11 stig.  Stigahæsti skákmaður heims, Magnus Carlsen (2837), er þriðji með 10 stig en hann vann Moldóvann Victor Bologan (2732) í frestaðri skák sem tefld var í dag, frídegi mótsins.  Bologan, sem kom inn í 3. umferð, eftir veikindi Morozevich, er enn ekki kominn á blað, hefur tapað öllum sínum fjórum skákum.

Veitt eru 3 stig fyrir sigur og 1 fyrri jafntefli

Staðan eftir sex umferðir:

• 1. Wang Hao (2739) 13 stig
• 2. Anish Giri (2696) 11 stig
• 3. Magnus Carlsen (2837) 10 stig
• 4. Hikaru Nakamura (2778) 9 stig
• 5. Etienne Bacrot (2713) 5 stig
• 6. Victor Bologan (2732) 0 stig (þó aðeins í 4 skákum)

Alexander Morozevich hætti eftir 2 umferðir vegna veikinda.  Hafði þá tapað báðum sínum skákum.  Bologan tók sæti hans og teflir aðeins 8 skákir á meðan aðrir keppendur tefla 10.

Myndir af heimasíðu mótsins.

• Heimasíða mótsins
• Beinar útsendingar - hefjast kl. 12
• Chessbomb