Ísbílsmótið - Hjörvar í beinni

Mikil skákhátíð fer fram í dag í Sumarskákhöll Skákakademíunnar. Venju samkvæmt verður hádegishraðskákmót sem hefst 12:00. Að þessu verður ekki teflt um annað en heiðurinn -- en um mitt mót mun Ísbíllinn renna upp að Skákhöllinni og keppendur kæla sig niður með ljúffengum íspinna.

Að loknu hraðskákmótinu, upp úr eitt, mun skák Hjörvars Steins Grétarssonar í áttundu umferð Opna tékkneska meistaramótsins verða varpað á stóru tjaldi. Hjörvar hefur hvítt á hinn 14 ára gamla Nitzan Steinberg frá Ísrael sem er mikið efni. Með sigri mun Hjörvar Steinn hafa góðan möguleika á að tryggja sér stórmeistaratitil. Meistarar munu sjá um skákskýringar.

Hraðskák, ís og svo fylgjast með næsta stórmeistara okkar í beinni -- getur ekki klikkað, sjáumst sem flest.

Ef einhver villist á leiðinni að Þingholtsstræti 37 er það bara símtal í 863-7562 og málið leyst.

Athugasemdir

[Torfi Stefánsson (IP-tala skráð) 27.7.2012 kl. 18:47]

Hjörvar var reyndar með svart í skákinni - sem þó jafntfli.