Héðinn, sem tefldi fyrir GA-smíðajárn, sigraði á upphitunarmóti ólympíufaranna

 

 

Stórmeistarinn Héðinn Steingrímsson sigraði á upphitunarmóti ólympíufaranna sem fram fór í Kringlunni í dag.  Héðinn hlaut 6 vinninga í 7 skákum.  Hjörvar Steinn Grétarsson, sem tefldi fyrir Icelandair, Þröstur Þórhallsson, sem tefldi fyrir Íslandsbanka og Daði Ómarsson, sem tefldi fyrir Fortis lögmannsstofu, og var í miklu stuði og vann margan sterkan skákmanninn urðu í 2.-4. sæti með 5½ vinning.  Jóhanna Björg Jóhannsdóttir, sem tefldi fyrir Hval, hlaut kvennaverðlaun mótsins.

Skáksamband Íslands vill færa öllum fyrirtækjunum sem styðja við þátttöku Íslands á ólympíuskákmótinu kærlega fyrir.  Öllum keppendum og áhorfendum er einnig þakkað fyrir að koma í Kringluna og taka þátt í þessum skemmtilega viðburði.

Skákstjórar voru Gunnar Björnsson og Ingibjörg Edda Birgisdóttir.

 

Rank		Name	Rtg	FED
1	GM	Héðinn Steingrímsson	2560	GA Smíðajárn
2	IM	Hjörvar Steinn Grétarsson	2506	Icelandair
3	GM	Þröstur Þórhallsson	2426	Íslandsbanki
4		Daði Ómarsson	2206	Fortis lögmannsstofa
5	FM	Davíð Rúrik Ólafsson	2321	KRST lögmenn
6	IM	Arnar Gunnarsson	2441	Actavis
7	GM	Helgi Ólafsson	2547	Landsbankinn
8	FM	Sigurður Daði Sigfússon	2341	Lyfja
9	FM	Róbert Lagerman	2307	Pósturinn
10		Arnaldur Loftsson	2097	Borgun
11		Birgir Berndsen	1887	ISL
12	FM	Andri Áss, Grétarsson	2319	KS
13		Gunnar Freyr Rúnarsson	2079	Vífilfell
14		Jóhanna Björg Jóhannsdóttir	1886	Hvalur
15		Pálmi Ragnar Pétursson	2186	Útfararstofa kirkjugarðanna
16	FM	Brian Hulse	2112	USA
17		Jóhann Ingvason	2135	ISL
18		Eiríkur Kolb Björnsson	1970	ISL
19		Örn Leó Jóhannsson	1941	ISL
20		Jón Þorvaldsson	2165	BYKO
21		Hallgerður H Þorsteinsdóttir	1957	Jói Útherji
22	FM	Einar Hjalti Jensson	2305	Olís
23		Erlingur Þorsteinsson	2110	Garðabær
24		Jón Gunnar Jónsson	1695	ISL
25		Björn Jónsson	2030	ISL
26		Áslaug Kristinsdóttir	1629	ISL
27		Kristján Halldórsson	1762	ISL
28		Tinna Kristín Finnbogadóttir	1832	Kópavogsbær
29		Kristján Ö Elíasson	1873	ISL
30		Arngrímur Þ Gunnhallsson	1993	ISL
31		Sigurlaug R Friðþjófsdóttir	1734	ISL
32		Gunnar Nikulásson	1556	ISL
33		Elsa María Krístinardóttir	1737	Húsasmiðjan
34		Atli Jóhann Leósson	1740	ISL
35		Óskar Long Einarsson	1594	ISL
36		Kjartan Másson	1867	ISL
37		Björgvin Kristbergsson	1229	ISL
38		Bjarki Arnaldarson	0	ISL

 

• Chess-Results
• Myndaalbúm 

 

 

EM ungmenna: Hilmir Freyr vann í lokaumferðinni

Hilmir Freyr Heimisson vann sína skák í níundu umferð EM ungmenna sem fram fór í Prag í dag, Jón Kristinn Þorgeirsson og Dagur Ragnarsson gerðu jafntefli en Vignir Vatnar Stefánsson og Oliver Aron Jóhannesson töpuðu.

Oliver hlaut 4,5 vinning, Vignir Vatnar og Dagur fengu 4 vinninga og Hilmir Freyr og Jón Kristinn enduðu með 3,5 vinning.

Þrír strákanna hækka á stigum.  Vignir um 6 stig, Jón Kristinn um 5 stig og Dagur um 4 stig. Oliver lækkar um 29 stig og Hilmir um 9 stig.

Fararstjóri strákanna er Stefán Bergsson, sem skrifar reglulega pistla hér á Skák.is frá skákstað.  Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)

ÓIympíufarinn: Helgi Ólafsson

 

Áfram er haldið með kynningar á Ólympíuförunum. Nú er kynntur til sögunnar Helgi Ólafsson, liðsstjóri í opnum flokki.

Nú er búið að kynna alla Ólympíufaranna nema Lenku Ptácníková og Hjörvar Stein Grétarsson en þau verða kynnt til sögunnar á morgun.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:

Helgi Ólafsson

Staða í liðinu:

Liðsstjóri í opnum flokki

Aldur:

56 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Haifa í Ísrael 1976. Hef teflt á 15 Ólympíumótum.

Besta skákin á ferlinum?

Á eftir að tefla hana. En á Ol-mótum held ég svolítið uppá sigrana yfir Timman á Möltu 1980 og  Hort í Saloniki 1984.

Minnisstæðasta atvik á Ól?

Ol í Dubai 1986 er alltaf sérstaklega minnisstætt ekki síst þegar JLÁ marði jafntefli í lokaskákinni okkar og við höfðum unnið Spán 3 1/2 : 1/2 og endað í 5. sæti.

Spá þín um lokasæti Íslands?

Vil ekki spá um það. Liðsmenn Íslands verða að gera sér grein fyrir því að einungis næst árangur ef hópurinn nær saman sem lið og allir leggja sig fram fyrir það verkefni að tefla fyrir Íslands hönd.  

Spá um sigurvegara?

Armenar eru líklegir.

Hver hefur verið undirbúningur þinn fyrir ÓL?

Ég er liðsstjóri og æfingar standa yfir þessa dagana.

Persónuleg markmið?

Að vera góður við fjölskylduna mína.

Eitthvað að lokum?

Áfram Ísland!

[Event "Malta ol"] [Site "Malta ol"] [Date "1980.??.??"] [EventDate "?"] [Round "13"] [Result "0-1"] [White "Jan Timman"] [Black "Helgi Olafsson"] [ECO "A48"] [WhiteElo "?"] [BlackElo "?"] [PlyCount "76"] 1.d4 Nf6 2.Nf3 g6 3.Bg5 Bg7 4.Nbd2 c5 5.e3 cxd4 6.exd4 O-O 7.Bd3 Nc6 8.c3 d6 9.O-O h6 10.Bh4 Nh5 11.Re1 f5 12.d5 Ne5 13.Bc2 Nf4 14.Nxe5 dxe5 15.Bg3 g5 16.Bxf4 gxf4 17.f3 Bd7 18.Bb3 b5 19.Kh1 Qb6 20.Rc1 Rac8 21.c4 a6 22.cxb5 axb5 23.Nb1 Rxc1 24.Qxc1 Rc8 25.Qd2 Kf8 26.Nc3 Bf6 27.Nd1 b4 28.Nf2 Bh4 29.Kg1 Kg7 30.Qe2 e4 31.fxe4 fxe4 32.Rf1 f3 33.gxf3 Bh3 34.d6 exd6 35.Rd1 Rf8 36.Kh1 Qxf2 37.Rg1+ Qxg1+ 38.Kxg1 exf3 0-1

[Event "Thessaloniki olm ;BIG"] [Site "Thessaloniki olm ;BIG"] [Date "1984.??.??"] [EventDate "?"] [Round "5"] [Result "1-0"] [White "Helgi Olafsson"] [Black "Vlastimil Hort"] [ECO "D24"] [WhiteElo "?"] [BlackElo "?"] [PlyCount "107"] 1.Nf3 d5 2.d4 Nf6 3.c4 dxc4 4.Nc3 a6 5.e4 b5 6.e5 Nd5 7.a4 Nxc3 8.bxc3 Qd5 9.g3 Bb7 10.Bg2 Qd7 11.Ba3 Bd5 12.O-O Nc6 13.Re1 g6 14.Bc5 Rd8 15.axb5 axb5 16.Ng5 Bxg2 17.e6 fxe6 18.Kxg2 Qd5+ 19.Qf3 Qxf3+ 20.Kxf3 Rd5 21.Nxe6 Kd7 22.Re2 Bh6 23.Rae1 Ra8 24.g4 Bg5 25.Nxg5 Rxg5 26.Bxe7 Rd5 27.Bc5 b4 28.Ke4 Rg5 29.cxb4 Rxg4+ 30.Kd5 Rb8 31.Kxc4 Rxd4+ 32.Bxd4 Rxb4+ 33.Kc5 Rxd4 34.Re7+ Nxe7 35.Kxd4 Kd6 36.Ke4 Ke6 37.Re3 c6 38.Rh3 h5 39.Kd4 h4 40.Ke4 g5 41.f4 Kf6 42.fxg5+ Kxg5 43.Rc3 Kg4 44.h3+ Kg5 45.Rc5+ Kf6 46.Kf4 Ng6+ 47.Kg4 Ne5+ 48.Kxh4 Kf5 49.Kg3 Ke4 50.h4 Kf5 51.h5 Kf6 52.Kh4 Nf3+ 53.Kg4 Ne5+ 54.Rxe5 1-0

Ólympíufarinn: Hannes Hlífar Stefánsson

Áfram er haldið með kynningar á Ólympíuförunum. Nú er kynntur til sögunnar Hannes Hlífar Stefánsson, ellefufaldur Íslandsmeistari. 

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur, Jóhönnu Björg Jóhannsdóttur, Elsu Maríu Kristínardóttur, Davíð Ólafsson liðsstjóra kvennaliðsins og Gunnar Björnsson. Síðar í dag verður Helgi Ólafsson landsliðsþjálfari kynntur til sögunnar og á morgun lýkur kynningunni þegar Lenka Ptácníková og Hjörvar Steinn Grétarsson verða kynnt til leiks.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:
 

Hannes Hlífar Stefánsson

Staða í liðinu:

Annað borð í opnum flokki

Aldur:

40 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Fyrsta ólympiumotið Manila 1992, 11 olympíumót.

Besta skákin á ferlinum?

Besta skák það verða aðrir að dæma um.

Minnisstæðasta atvik á Ól?

Minnistæðasta olymipumotið er Elista 1998 en þá var skákþorp byggt fyrir keppendur og bjó íslenska liðið í íbuð með eldabusku sem eldaði fyrir liðið reyndar var mótinu frestað um nokkra daga og sama dag og mótið átti að hefjast var íslenska liðið keyrt lengst út í sveitabæ  þar var slegið upp veislu þótt klukkan væri einungis um hádegi þá var öllum sveitamatnum stillt upp á risastóru borði og kössum af vodka staplað á borðið!

Þýddi lítið að segja nei við gestgjafana þá var tekið hlé af átinu og kassetutæki stillt upp á hlaði og dansaði ólympuliðið við heimasæturnar svona gekk þetta 4-5 umferðir étið, drukkið, dansað og sungnir ættjarðarsöngvar þangað til að rökkva tók.  Í sunnudagsblaði Morgunblaðsins birtist mynd af Þresti í sjómanni við einn heimamanninn!

Spá þín um lokasæti Íslands?

Spái að íslenska liðsins verði efst Norðurlandaþjóða.

Spá um sigurvegara?

Giska á Armena.

Hver hefur verið undirbúningur þinn fyrir ÓL?

Liðið hefur komið saman og leidd saman hesta sína nokkra tíma á dag 2 vikum fyrir mót og eftir atvikum á árinu reyndar hefur Hjörvars verið sárt saknað.

Persónuleg markmið?

Að tefla vel!

Eitthvað að lokum?

Áfram Ísland!

Upphitunarmót Ólympíuskákmótsins fer fram í Kringlunni í dag

Upphitunarmót Ólympíuliðanna verður á Blómatorginu í Kringlu í dag laugardag og hefst kl. 13.  Það stefnir í eitt sterkasta hraðskákmót ársins enda eru allir meðlimir beggja Ólympíuliða skráðir til leiks, sem á annað borð eru á landinu, auk margra annarra sterka keppenda.

Samkvæmt sérstakri ósk landsliðsþjálfarans, Helga Ólafssonar, verða notuð tímamörkin 3+3 (3 mínútur auk 3 sekúnda á hvern leik).  Tefldar verða 7 umferðir.  Ekkert keppnisgjald.  Ein verðlaun eru á mótinu en sigurvegarinn fær 25.000 kr.  

Mótið er jafnframt fjáröflunarmót fyrir þátttöku Íslands en fjölmörg fyrirtæki styðja við þátttöku íslensku liðanna og munu keppendur mótsins tefla fyrir viðkomandi fyrirtæki.  Skáksambandið þakkar kærlega fyrir stuðninginn.

Skákáhugamenn eru hvattir til að mæta og styðja við bakið á íslensku ólympíuförunum.

Búið er að loka fyrir skráningu í mótið en eftirtaldir skráðu sig til leiks í tíma:

 

SNo.		Name	NRtg	IRtg
1	GM	Héðinn Steingrímsson	2551	2560
2	GM	Helgi Ólafsson	2543	2547
3	GM	Hannes H Stefánsson	2581	2515
4	GM	Henrik Danielsen	2529	2511
5	IM	Hjörvar Steinn Grétarsson	2449	2506
6	IM	Arnar Gunnarsson	2403	2441
7	GM	Þröstur Þórhallsson	2432	2426
8	FM	Sigurbjörn Björnsson	2383	2391
9	FM	Magnús Örn Úlfarsson	2376	2388
10	FM	Sigurður Daði Sigfússon	2345	2341
11	FM	Davíð Rúrik Ólafsson	2313	2321
12	FM	Andri Áss, Grétarsson	2321	2319
13	FM	Róbert Lagerman	2305	2307
14		Einar Hjalti Jensson	2295	2305
15		Daði Ómarsson	2238	2206
16		Pálmi Ragnar Pétursson	2107	2186
17		Jón Þorvaldsson	2086	2165
18		Jóhann Ingvason	2128	2135
19		Rúnar Berg	2082	2131
20	FM	Brian Hulse	0	2112
21		Gunnar Björnsson	2075	2110
22		Erlingur Þorsteinsson	2065	2110
23		Bjarni Hjartarson	2044	2100
24		Arnaldur Loftsson	2097	0
25		Gunnar Freyr Rúnarsson	1965	2079
26		Halldór Pálsson	2035	2064
27		Björn Jónsson	1960	2030
28		Jónas Jónasson	1845	1997
29		Arngrímur Þ Gunnhallsson	1993	0
30		Eiríkur Kolb Björnsson	1932	1970
31		Hallgerður H Þorsteinsdóttir	1912	1957
32		Örn Leó Jóhannsson	1989	1941
33		Birgir Berndsen	1887	0
34		Jóhanna Björg Jóhannsdóttir	1870	1886
35		Óskar Maggason	1754	1883
36		Kristján Ö Elíasson	1880	1873
37		Kjartan Másson	1725	1867
38		Tinna Kristín Finnbogadóttir	1858	1832
39		Kristján Halldórsson	1762	0
40		Atli Jóhann Leósson	1791	1740
41		Elsa María Krístinardóttir	1754	1737
42		Sigurlaug R Friðþjófsdóttir	1701	1734
43		Jón Gunnar Jónsson	1695	0
44		Áslaug Kristinsdóttir	1629	0
45		Óskar Long Einarsson	1414	1594
46		Dagur Kjartansson	1817	1580
47		Gunnar Nikulásson	1556	0
48		Björgvin Kristbergsson	1104	1229
49		Heimir Páll Ragnarsson	1121	0
50		Bjarki Arnaldarson	0	0

 

Ólympíuliðin í landsliðsbúningi frá Jóa Útherja

 

Ólympíuliðin í skák verða í landsliðsbolum frá Jóa Útherja en Gunnar Björnsson, forseti Skáksambands Íslands, og Magnús V. Pétursson, aðaleigandi Jóa Útherja gengu frá samningum þess efnis í dag í verslun Jóa.  Landsliðsbúningurinn er heiðblár í anda þjóðfánans.

 

Myndin er frá afhendinguna bolanna í dag.  Á veggnum má sjá ljósmynd.  Á þeirri mynd má þekkja tvo Ólympíufara.   Glöggum lesendum er bent á nota athugasemdakerfið

EM: Vignir Vatnar vann í áttundu umferð

Vignir Vatnar Stefánsson vann sína skák í áttundu og næstsíðustu umferð EM ungmenna sem fram fór í dag.  Oliver Aron Jóhannesson og Dagur Ragnarsson gerðu jafntefli en Hilmir Freyr Heimisson og Jón Kristinn Þorgeirsson töpuðu.   Oliver hefur 4,5 vinning, Vignir hefur 4 vinninga, Dagur hefur 3,5 vinning, Jón Kristinn hefur 3 vinninga og Hilmir hefur 2,5 vinning.

Fararstjóri strákanna er Stefán Bergsson, sem skrifar reglulega pistla hér á Skák.is frá skákstað.  Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)

Ólympíufarinn: Jóhanna Björg Jóhannsdóttir

Áfram er haldið með kynningar á Ólympíuförunum. Nú er kynnt til sögunnar Jóhanna Björg Jóhannsdóttir í kvennaliðinu.

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur, Elsu Maríu Kristínardóttur, Davíð Ólafsson liðsstjóra kvennaliðsins og Gunnar Björnsson. Næstu daga verða tveir ólympíufarar kynntir á dag en kynningunni lýkur á sunnudag.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn: 

Jóhanna Björg Jóhnnsdóttir

Staða í liðinu:

Þriðja borði í kvennaliðinu

Aldur:

19 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Ég tók þátt í mínu fyrsta ólympíumóti árið 2010 þegar það var haldið í Khanty í Síberíu en það er eina ólympíumótið sem ég hef tekið þátt í.

Besta skákin á ferlinum?

Skák sem ég tefldi á Liberec open sem er partur af Czech Tourmótaröðinni í Tékklandi í nóvember 2011 þar sem ég vann Zdenek Cakl (2078) með svörtu.

Minnisstæðasta atvik á Ól?

Það er erfitt að segja en það er líka erfitt að gleyma því þegar Gunnar forseti sló dverg utan undir (óvart) í lyftu.

Spá þín um lokasæti Íslands?

Ég spái báðum liðum 15 sætum fyrir ofan byrjunarsæti.

Spá um sigurvegara?

Ég hef nú ekki mikið skoðað önnur lið en eigum við ekki að spá Norðmönnum sigur.

Hver hefur verið undirbúningur þinn fyrir ÓL?

Ég hef reynt að tefla á öllum mótum sem ég hef komist á. Ég hef líka verið að skoða byrjanir og leysa þrautir.

Persónuleg markmið?

Ég vil helst fá yfir 50% vinningshlutfall en helsta markmiðið er að vera með hátt ratingperformance og að hækka ELO stigin mín.

Eitthvað að lokum?

Áfram Ísland!

[Event "Liberec op 12th"] [Site "Liberec"] [Date "2011.10.23"] [Round "2"] [White "Cakl, Zdenek"] [Black "Johannsdottir, Johanna Bjorg"] [Result "0-1"] [ECO "A30"] [WhiteElo "2078"] [BlackElo "1803"] [PlyCount "62"] [EventDate "2011.10.22"] [EventType "swiss"] [EventRounds "9"] [EventCountry "CZE"] [Source "ChessBase"] [SourceDate "2011.11.24"] 1. Nf3 Nf6 2. b3 g6 3. Bb2 Bg7 4. c4 c5 5. g3 Nc6 6. Bg2 O-O 7. O-O d6 8. e3 Bf5 9. d4 cxd4 10. Nxd4 Bg4 11. Qd2 Rc8 12. Nc3 Qa5 13. f3 Bd7 14. Rfd1 Rfe8 15. Nxc6 bxc6 16. e4 Rb8 17. Kh1 Be6 18. Qe2 Qh5 19. Re1 Nd7 20. Nd1 Ne5 21. Rb1 a5 22. Ne3 a4 23. Ba1 axb3 24. axb3 Rb6 25. b4 Ra8 26. Bd4 Rba6 27. g4 Qg5 28. b5 Ra2 29. Rb2 Ra1 30. b6 Rxe1+ 31. Qxe1 Nd3 0-1

Ólafur Gauti Ólafsson - f. 5. janúar 1985 d. 21. ágúst 2012

Ólafur Gauti kynntist skáklistinni sem barn í Rimaskóla á fyrstu starfsárum skólans. Mikill skákáhugi myndaðist meðal nemenda allt frá stofnun skólans árið 1993. Meðal efnilegustu skákmanna Rimaskóla fyrstu árin voru bekkjarbræðurnir Ólafur Gauti, Sigurjón Kjærnested og Agnar Darri Lárusson. Ólafur Gauti var mikill keppnismaður, metnaðarfullur og baráttuglaður.

Auk þess að æfa skák á grunnskólaárum sínum þá varð Ólafur Gauti fremstur jafnaldra sinna í öllum íþróttum sem hann kom nálægt og æfði með Fjölni hlaup og fótbolta. Í síðasttöldu greininni var hann valinn í yngri landslið. Ásamt tvíburasystur sinni Kristínu Birnu, margföldum Íslandsmeistara og landsliðskonu í frjálsum íþróttum, stóð Gauti fremstur í flokki nemenda Rimaskóla að vinna Íslandsmót grunnskóla í frjálsum íþróttum nokkur ár í röð og kom skólanum rækilega á kortið.

Ólafur Gauti vann skákmót Rimaskóla þrjú ár í röð á árunum 1999 - 2001, árin sem  hann var í 8. - 10. bekk. Eftir að Gauti útskrifaðist frá Rimaskóla 2001 tók annar efnilegur skákmaður við keflinu sem skákmeistari Rimaskóla,  innblásinn baráttuanda Ólafs Gauta við skákborðið, en þar var á ferðinni sjálfur Hjörvar Steinn Grétarsson sem fór fyrir skáksveitum Rimaskóla næstu árin og náði skólinn þá þeim markmiðum sem Gauti og félagar höfðu lagt grunninn að.

Ólafur Gauti var harðsnúinn keppnismaður og frábær skákmaður með stáltaugar. Andstæðingum hans reyndist nánast ókleift  að vinna Gauta þegar Íslandsmót grunnskóla voru annars vegar. Ólafur Gauti gekk í Helli og tefldi með félaginu í nokkur ár en frá blautu barnsbeini sló Fjölnishjartað hjá Gauta og því gekk hann til liðs við skákdeild Fjölnis stuttu eftir að hún var stofnuð árið 2004.

Ólafur Gauti tefldi með skáksveitum Fjölnis reglulega þegar heilsa og tími leyfði. Það var ánægjulegt og gefandi að endurnýja kynni sín við Gauta á starfsvettvangi skákarinnar, bæði innan skákdeildar Fjölnis og einnig  í kringum alla helstu skákviðburði landsins því oftar en ekki var Ólafur Gauti mættur til að fylgjast með og hitta skákvini.

Í hópi skákmanna var Ólafur Gauti mjög vel kynntur og vinamargur. Ljúf Framkoma og jákvæðni voru hans helstu kostir. Ósjaldan ræddum við Gauti saman síðustu árin og alltaf var þá horfið á vit minninganna til þeirra daga sem hann var í Rimaskóla og vann hver afrekin af öðrum. Það var engin hógværð í þessum upprifjunum okkar enda engin ástæða til. Þegar litið er til baka þá er það mér ljóst og tært að Ólafur Gauti lagði þung lóð á vogarskálarnar við uppbyggingu skákstarfs í Rimaskóla sem hefur allt frá hans námsárum staðið í miklum blóma.

Sem skólastjóri Rimaskóla og sem formaður skákdeildar Fjölnis vil ég þakka þessum afreksnemanda og ljúfa vini fyrir allt það sem hann lagði á sig til árangurs  með baráttu sinni , jákvæðni og vilja. Skákdeild Fjölnis kveður yndislegan félaga og sendir fjölskyldu Ólafs Gauta Ólafssonar einlægar samúðarkveðjur, það er skarð fyrir skyldi í hópnum en minningarnar um þennan góða dreng mun lifa og lýsa okkur í framtíðinni.

Helgi Árnason

Myndatextii:

Tvíburasystkinin Kristín Birna og Ólafur Gauti hampa Barnasmiðjubikarnum vorið 1996 fyrir sigur Rimaskóla í Grafarvogshlaupinu, árlegri keppni grunnskóla í Grafarvogi  

Ólafur Gauti að tafli fyrir Skáksveit Fjölnis á Íslandsmóti félagsliða haustið 2010

Ólympíufarinn: Gunnar Björnsson

Áfram er haldið með kynningar á Ólympíuförunum. Nú er kynntur til sögunnar Gunnar Björnsson, fararstjóri hópsins.

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur, Elsu Maríu Kristínardóttur og Davíð Ólafsson liðsstjóra kvennaliðsins. Næstu daga verða tveir ólympíufarar kynntir á dag en kynningunni lýkur á sunnudag.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn: 

Gunnar Björnsson

Staða í liðinu:

Fararstjóri og FIDE-fulltrúi

Aldur:

44 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Þetta er mitt þriðja Ólympíuskákmót.  Fór sem liðsstjóri á Ólympíuskákmótð í Calvia 2004 og var fararstjóri, FIDE-fulltrúi og liðsstjóri kvennaliðsins í Khanty Manskysk 2010.

Besta skákin á ferlinum?

Sigurskák gegn Jóni L. Árnasyni á Íslandsmóti skákfélaga, 5. október 2008.  Kvöldið áður hafði ég verið í fimmtugsafmæli mágkonu minnar og mætti fremur illa sofinn til leiks. Sigurinn hafði þó sínar afleiðingar því degi síðar bað forsætisráðherra, guð að blessa Ísland.     

Minnisstæðasta atvik á Ól?

Einhvern veginn er Ólympíuskákmótið 2010 mér mun minnisstæðara en mótið 2004.  Þá var farið út í óvissuna eins og Halla bendir á í sinni kynningu en allt reyndist svo vera framar væntingum á mótsstað.  Rússarnir voru einfaldlega með allt á hreinu.  Davíð Ólafsson forfallaðist með eins dags fyrirvara og allt í einu var ég orðinn liðsstjóri kvennaliðsins.  Þær stóðu sig vonum framar og sigurinn gegn Englendingum er mér einkar minnisstæður. 

Mér er þó FIDE-fundurinn minnisstæðastur, sérstaklega þegar Larry Ebbin frá Bermúda hellir sér yfir Kasparov eins og sjá má í upphafi þessarar Youtube-klippu.  Takið eftir því hversu álkulegur ég er í myndbandinu!

 

Spá þín um lokasæti Íslands?

Í opnum flokki er aðalatriðið er að halda Norðurlandameistaratitlinum frá Porto Carras í fyrra! .  Í kvennaflokki væri gott að vera fyrir ofan miðju.

Spá um sigurvegara?

Spái Kínverjum sigri í kvennaflokki og að Rússarnir vinni loks opna flokkinn.  Hlýtur að koma að því.

Hver hefur verið undirbúningur þinn fyrir ÓL?

Minn undirbúningur felst í alls konar útréttingum.  Fjáröflun, klæðnaði fyrir keppendur, undirbúa fréttaflutning o.þ.h.  Meðal þess sem ég hef verið að vinna af síðustu daga ásamt Hrafni Jökulssyni og fleirum er að útbúa kynningu á Reykjavíkurskákmótinu 2013 og EM 2015 til að kynna niður frá.

Persónuleg markmið?

Standa mig vel sem fararstjóri og koma fréttum fljótt og vel til skila til íslenskra skákunnenda.

Eitthvað að lokum?

Treysti á góða strauma frá Íslandi og vonast til að sjá sem flesta í Kringlunni á morgun!

[Event "Icelandic Team Championship"] [Site "Reykjavik, ISL"] [Date "2008.10.05"] [Round "4"] [White "Bjornsson, Gunnar"] [Black "Arnason, Jon L."] [Result "1-0"] [BlackElo "2507"] [ECO "B92"] [WhiteElo "2146"] 1. e4 c5 2. Nf3 e6 3. d4 cxd4 4. Nxd4 a6 5. Nc3 Qc7 6. Be2 d6 7. O-O Nf6 8. Be3 b5 9. a3 Bb7 10. f3 Be7 11. Qe1 Nbd7 12. Rd1 O-O 13. Qg3 Rac8 14. Kh1 Rfe8 15. Rfe1 Ne5 16. Bg5 Ng6 17. Be3 Ne5 18. Bg5 Ng6 19. Be3 Qb8 20. Bd3 Ne5 21. f4 Nc4 22. Bc1 g6 23. f5 e5 24. Nde2 Bf8 25. Rf1 Bg7 26. Qh4 Nh5 27. f6 Bf8 28. Rf3 Nb6 29. g4 Nf4 30. Nxf4 exf4 31. Bxf4 Rxc3 32. Rh3 h5 33. bxc3 Rxe4 34. Bxe4 Bxe4+ 35. Kg1 Nd5 36. Rxd5 Bxd5 37. gxh5 Qe8 38. hxg6 Bh6 39. Bxh6 Qe2 40. gxf7+ Kxf7 41. Qh5+ 1-0