Skákþáttur Morgunblaðsins: Lenka Íslandsmeistari kvenna 2012

Lenka Ptacnikova er Íslandsmeistari kvenna 2012 eftir spennandi Íslandsþing sem lauk á miðvikudaginn. Hún er fremst íslenskra skákkvenna en þær sem næstar koma eru sífellt að bæta sig. Helsti keppinautur hennar að þessu sinni, Tinna Kristín Finnbogadóttir, var nálægt því að landa sínum fyrsta Íslandsmeistaratitli en hún hafði hálfs vinnings forskot á Lenku þegar tvær umferðir voru eftir af mótinu, náði ekki að leggja Hallgerði Helgu Þorsteinsdóttur í lykilviðureign sjöttu umferðar og í lokaumferðinni varð jafntefli:

Sjá stöðumynd 1.

Hrund Hauksdóttir - Tinna Kristín Finnbogadóttir

Tinna ákvað að valda b7-peðið. Rétti leikurinn er hins vegar 35.... Bf3! Þar sem 36. gxf3 er svarað 36.... h3 og h-peðið verður að drottningu. Hrund varðist vel í framhaldinu og náði jöfnu eftir 58 leiki.

Ólympíuliðið raðaði sér í efstu sætin af 12 keppendum:1. Lenka Ptacnikova 6 v. (af 7). 2. Tinna Kristín Finnbogadóttir 5½ v. 3. Hallgerður Helga Þorsteinsdóttir 5 v.

Besta skákforritið - Houdini

Fyrir nokkrum misserum hitti greinarhöfundur á förnum vegi kunnan áhugamann um hugbúnað skákarinnar, Höskuld Dungal, sem tjáði mér að nú væri hægt að hala niður ókeypis af netinu nýju skákforriti sem slægi öllum öðrum við - Houdini. Ég bar þetta undir Einar Karlsson, helsta sérfræðing minn á þessu sviði, sem hafði uppi ýmsa fyrirvara um þessar upplýsingar. En nokkrum dögum síðar hringdi Einar í mig og taldi þá að eitthvað væri til í þessu hjá Höskuldi. Houdini 3 er í dag sterkasta skákforrit sem fáanlegt er. Nýlega kynnti þýsk vefsíða til leiks hinn belgíska forritara Houdinis, Robert Houdart, allsterkan skákmann sem starfar sem verkfræðingur við hönnun jarðskjálftaþolinna pípulagna í kjarnorkuverum. Meðfram og án formlegrar menntunar á þessu sviði „skrifaði" hann alls kyns forrit þar til einn góðan veðurdag - á meðan hann beið eftir gleri í stjörnukíkinn sinn - að hann hóf vinnu við skákforrit. Útkoman var „Houdini" sem kom fram árið 2009. Við forritun kvaðst Houdart hafa „þrengt" að valkostum við ákvarðanatöku, þ.e. forritið skoðar ekki alla valkosti af sömu dýpt. Houdart kvaðst hafa sótt á netið alls kyns upplýsingar og þannig stytt sér leið að nýjum lausnum. Keppinautnum „Rybku" var á síðasta ári „rutt úr vegi" en í einni skák einvígis þessara forrita fórnaði 1,5-útgáfan þremur peðum í byrjun tafls og þó voru drottningarnar ekki lengur á borðinu. Viðureignin þykir af ýmsum tölufræðingum marka tímamót:

„Rybka 4.0" - „Houdini 1.5 a"

Sikileyjarvörn

1. e4 c5 2. c3 Rf6 3. e5 Rd5 4. Rf3 Rc6 5. Bc4 Rb6 6. Bb3 c4 7. Bc2 Dc7 8. De2 g5 9. e6 dxe6 10. Rxg5 De5 11. d4 Dxe2+ 12. Kxe3 e5!?13. Dxe5 Rxe5 14. Rxh7 Bg7 15. Rg5 Bd7 16. Ra3 Rd3! 17. Bxd3 cxd3+ 18. Kxd3 Ra4 19. f3 a5 20. Re4 f5 21. Rf2 b5 22. Rc2 b4 23. cxb4

Sjá stöðumynd 2.

23.... Kf7! 24. bxa5 Hxa4 25. Kd2 Hd8 26. Rb4 He5 27. Rfd3 Bb5 28. He1 Rc5 29. Hxe5 Bxe5 30. f4 Bf6 31. Ke1 Rxd3+ 32. Rxd3 Bxd3 33. a4 Hc8 34. a5 Hc2 35. Bd2 Hxb2 36. a6 Be4 37. Ha3 Bxg2 38. a7 Hb1+ 39. Ke2 Ba8 40. Be1 Bd4 41. Ha2 Hb3 42. Bg3 Ke6 43. Kf1 Bc5 44. Ke2 Kd7 45. Kf1 Hb4 46. Ke2 Bd6 47. Kf2 Bxf4 48. H4 Bh6 49. Kf1 Hb1+ 50. Be1 e5 51. H5 f4 52. Hd2+ Kc7 53. Hc2+ Kb6

- „og Rybka gafst upp."

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 2. nóvember 2012.

Skákþættir Morgunblaðsins

Skákþáttur Morgunblaðsins: Feilspor heimsmeistaranna

 

Heimsmeistarar eiga sína góðu daga og slæmu eins og gengur en feilspor þeirra vekja meiri athygli en annarra og verða hluti af skáksögunni. Kasparov vann flest mót sem hann tók þátt í en í Horgen í Sviss árið 1995 varð hann að sætta sig við 50% vinningshlutfall og vann aðeins eina skák í ellefu umferðum.

 

Anatolí Karpov vann ekki skák í sex tilraunum í Evrópukeppni landsliða í Skara í Svíþjóð 1980 og tapaði frægri viðureign fyrir Tony Miles sem hóf leikinn með því að svara kóngspeðsleik heimsmeistarans með 1. ... a6.

Sem heimsmeistari virtist Tigran Petrosjan ekki leggja mikið upp úr því að vinna þau mót sem hann tók þátt í. Hann hélt titlinum í sex ár frá 1963 til '69 en á öflugasta móti þessa tímabils, sem haldið var í Santa Monica í Kaliforníu, náði hann aðeins 50% vinningshlutfalli í 18 umferðum og var langt á eftir Spasskí, Fischer og Larsen.

Heimsmeistarinn Anand hefur verið að gefa eftir í baráttunni við sér yngri menn. Á „stórslemmu-mótinu", sem skipt var á milli Sao Paulo í Brasilíu og Bilbao á Spáni, og lauk í síðustu viku fékk hann aðeins 4½ vinning úr tíu skákum, gerði níu jafntefli og tapaði fyrir Magnúsi Carlsen. Norðmaðurinn hóf mótið á því að tapa fyrir Ítalanum Fabiano Caruana, sem um miðbik mótsins virtist ætla að stinga aðra keppendur af. En í Bilbao-hlutanum héldu Magnúsi engin bönd, hann náði þegar í stað fram hefndum gegn Caruana, lagði síðan Spánverjann Vallejo-Pons og komst upp við hliðina á Ítalanum með því að leggja Anand að velli í næstsíðustu umferð. Magnús og Caruana urðu efstir sex keppenda með 6½ v. af 10 mögulegum og tefldu tvær hraðskákir um sigurvegaratitilinn og Norðmaðurinn vann þær báðar. Nú er hann aðeins 3 stigum frá meti Kasparovs frá árinu 1999 sem þá náði 2851 stigi. Virðist aðeins tímaspursmál hvenær Magnús Carlsen verður heimsmeistari, fyrstur Norðurlandabúa:

Magnús Carlsen - Wisvanathan Anand

Sikileyjarvörn

1.e4 c5 2. Rf3 d6 3. Bb5+

Vinsæll leikur um þessar mundir, Magnús vill greinilega sneiða hjá Najdorf-afbrigðinu sem kemur upp eftir 3. d4 cxd4 4. Rxd4 Rf6 5. Rc3 a6.

3. ... Bd7 4. Bxd7+ Dxd7 5. c4 Rf6 6. Rc3 g6 7. d4 cxd4 8. Rxd4 Bg7 9. f3 Dc7 10. b3 Da5 11. Bb2 Rc6 12. O-O O-O 13. Rce2 Hfd8 14. Bc3 Db6 15. Kh1 d5!

Þekkt leikbragð komið frá Kasparov og byggist á hugmyndinni 16. exd5 Rxd5! 17. cxd5 Hxd5 18. Rxc6 Hxd1 19. Rxe7+ Kh8! 20. Haxd1 De3! og annar riddarinn fellur.

16. Rxc6 bxc6 17. De1!

Laglegur leikur sem hótar 18. Ba5.

17. ... Hdc8 18. e5 Re8 19. e6!

Óþægilegur leikur fyrir Anand sem hindrar eðlilega liðskipan.

19. ... fxe6 20. Rf4 Bxc3 21. Dxc3 d4 22. Dd2 c5 23. Hae1 Rg7 24. g4 Hc6

Eðlilegra virðist 24. ... Hf8.

25. Rh3!

Svartur virðist eiga við óyfirstíganlega erfiðleika að etja eftir þennan leik. Hinn möguleikinn er að leika 25. ... e5 með hugmyndinni 26. Dh6 g5 27. Dxg5 He6 en það er heldur ekki gott.

25. ... Re8 26. Dh6 Rf6 27. Rg5 d3 28. He5 Kh8 29. Hd1 Da6 30. a4

Erfitt er að benda á afleik Anands í þessari skák. Hann mat stöðu sína algerlega vonlausa, sem forritið „Houdini" staðfestir, og gafst upp. Lokastaðan minnir á orrystu sem skyndilega hefur lokið án þess að einu einasta skoti hafi verið hleypt af.

 

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 21. október 2012.

Skákþættir Morgunblaðsins

[Event "Bilbao Masters"] [Site "0:22:33-0:31:33"] [Date "2012.10.12"] [EventDate "2012.09.24"] [Round "9"] [Result "1-0"] [White "Magnus Carlsen"] [Black "Viswanathan Anand"] [ECO "B52"] [WhiteElo "?"] [BlackElo "?"] [PlyCount "59"] 1.e4 c5 2.Nf3 d6 3.Bb5+ Bd7 4.Bxd7+ Qxd7 5.c4 Nf6 6.Nc3 g6 7.d4 cxd4 8.Nxd4 Bg7 9.f3 Qc7 10.b3 Qa5 11.Bb2 Nc6 12.O-O O-O 13.Nce2 Rfd8 14.Bc3 Qb6 15.Kh1 d5 16.Nxc6 bxc6 17.Qe1 Rdc8 18.e5 Ne8 19.e6 fxe6 20.Nf4 Bxc3 21.Qxc3 d4 22.Qd2 c5 23.Rae1 Ng7 24.g4 Rc6 25.Nh3 Ne8 26.Qh6 Nf6 27.Ng5 d3 28.Re5 Kh8 29.Rd1 Qa6 30.a4 1-0

Skákþáttur Morgunblaðsins: Friðrik Ólafsson teflir aftur fyrir TR

Bolvíkingar halda naumri forystu í efst deild eftir fyrri hluta Íslandsmóts skákfélaga sem fram fór í Rimaskóla um síðustu helgi. Til marks um breiddina í hópi má geta þess að Jóhann Hjartarson og Jón L. Árnason tefla á fimmta og sjötta borði. Fjögur lið virðast eiga raunhæfa möguleika á sigri en Bolvíkingar standa ekki aðeins best að vígi í vinningum heldur einnig að hluta til vegna þess óvenjuleg fyrirkomulags að b-lið þeirra, sem einnig teflir í efstu deild, getur og hefur skipað fram skákmönnum a-liðsins í viðureignunum við helstu keppinauta a-liðsins. Þetta er formgalli á reglugerð þessa geysivinsæla móts sem dregur til sín um 500 skákmenn hvaðanæva af landinu. Bollaleggingar um breytingar á keppninni hafa verið talsverðar að undanförnu en virðast ekki ná til þessa þáttar sem þekkist ekki í öðrum flokkakeppnum hér á landi. Staða efstu liða er þessi:

1. Bolvíkingar 22½ v. 2. Víkingaklúbburinn 22 v. 2. Taflfélag Reykjavíkur 21½ v. 4. Taflfélag Vestmannaeyja 20½ v.

Í 2. deild leiða hin sameinuðu félög Goðinn og Mátar rétt á undan TR og í 3. deild er Víkingaklúbburinn b-sveit efst og í 4. deild er Briddsfélagið í efsta sætið.

Skemmtilegur andi sveif yfir vötnunum á Íslandsmótinu um liðna helgi, hinir erlendu gestir margir komnir frá Úkraínu setja skemmtilegan svip á mótið og ýmsir meistarar sem ekki hafa teflt lengi á þessum vettvangi sáust aftur að tafli. Friðrik Ólafsson og Margeir Pétursson styrkja nú sitt 112 ára gamla félag, Taflfélag Reykjavíkur. Friðrik undirbýr sig að kappi fyrir minningarmót um Bent Larsen sem hefst í þessum mánuði. Margeir tapaði í 4. umferð vegna þess að sími hans hringdi og þar fór hugsanlega vinningur sem gæti vegið þungt á lokasprettinum. Friðrik tók viðfangsefni byrjunar skákar sinnar í 1. umferð sínum persónulegum tökum. Hinir dínamísku þættir skákstíl hans kom fram í hverjum leiknum á fætur öðrum í byrjun tafls en skákin fer hér á eftir:

Friðrik Ólafsson - Magnús Örn Úlfarsson

Bogo-indversk vörn

1. d4 Rf6 2. Rf3 e6 3. c4 Bb4+ 4. Bd2 De7 5. a3 Bxd2 6. Rfxd2!?

Afar sjaldséður leikur og sá fimmti var það raunar líka.

6.... d6 7. e3 e5 8. dxe5 dxe5 9. Rc3 0-0 10. Be2 He8 11. g4!

Skemmtilegur leikur og óvæntur. Friðrik hefur alltaf verið mikill sérfræðingur í því að fresta hrókun.

11.... c6 12. g5 Rfd7 13. Rde4 Rc5 14. Dd6 Rxe4 15. Dxe7 Hxe7

16. 0-0-0!

Loks hrókar hvítur og hótar máti í leiðinni!

16.... Bd7 17. Rxe4 Ra6 18. b4 Bf5 19. Rd6 Be6 20. Hd2 Hb8 21. Hhd1 Rc7 22. Kb2 Re8 23. Re4 b6 24. Kc3

Veikleikar í stöðu svarts eru ekki margir og yfirburðir hvíts liggja fyrst og fremst í miklu meira rými á báðum vængjum.

24.... Kf8 25. Bf3 Hc7 26. Rd6 Ke7 27. Rxe8 Hxe8 28. Be4 Hh8?

Tapleikurinn. Svartur varð að leika 28.... h6.

29. f4 exf4 30. exf4 g6

Hvítur hótaði 31. f5. Burðarþol svörtu peðastöðunnar riðlast við þá „akademísku" veikleika sem nú myndast.

31. He1! Hd8 32. f5 gxf5 33. Bxf5 Hxd2 34. Kxd2 Hc8 35. He4 Hg8 36. h4 Hh8 37. Ke3 Kd7 38. Bxe6

Uppskipti á hárréttu augnabliki.

38.... fxe6 39. Hf4 Kd6 40. Ke4 h6 41. g6 h5 42. Hf6 Hg8 43. Kf4 b5 44. cxb5 cxb5 45. Kg5 Kd5 46. Kxh5 e5 47. Kg5

- svartur réð ekki við frípeðin og gafst upp.

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 14. október 2012.

Skákþættir Morgunblaðsins

Skákþáttur Morgunblaðsins: Caruana langefstur í Sao Paulo

Indverski heimsmeistarinn Wisvanathan Anand hefur lítið verið í sviðsljósinu eftir fremur ósannfærandi titilvörn í einvíginu við Boris Gelfand í Moskvu sl. vor. Í hugum margra hefur Magnús Carlsen tekið stöðu hans sem fremsti skákmaður heims og á nýbirtum stigalista FIDE er Norðmaðurinn langefstur með 2843 stig.

Anand verður að láta sér lynda 7. sætið með 2780 stig. Á ofurmóti sem nú stendur yfir og er skipt á milli borganna Sao Paulo í Brasilíu og Bilbao á Spáni gefst Anand tækifæri til að sanna styrk sinn í keppni við Magnús, Aronjan, Caruana, Vallejo Pons og Karjakin. Eftir Brasilíu- hluta mótsins hefur hann gert jafntefli í öllum fimm skákum sínum.

Fabiano Caruana hefur óvænt náð miklu forskoti með 4 vinninga af fimm mögulegum. Heppnin hefur fylgt honum í nokkrum skákum, t.d. tókst honum að snúa við harla ógæfulegu endatafli gegn Magnúsi Carlsen í 1. umferð. Hann lætur ekki mikið yfir sér þessi ungi skákmaður sem varð efstur á síðasta Reykjavíkurskákmóti en hefur hægt og bítandi verið að þokast upp stigalistann og gæti eftir mótið náð á topp fimm listann:

Fabiano Caruana - Vallejo Pons

Frönsk vörn

1.e4 e6 2. d4 d5 3. e5

„Framrásin" nýtur sífellt meiri vinsælda. 3. Rc3 og 3. Rd2 er þó algengari leikur.

3. ... c5 4. c3 Rc6 5. Rf3 Db6 6. a3 Rh6 7. b4 cxd4 8. cxd4 Rf5 9. Be3 Bd7 10. Bd3 Rxe3 11. fxe3 g6 12. Rc3?!

Öruggara virðist 12. Rd2 ásamt - Rb3 við tækifæri. Kannski hefur Caruana sést yfir næsta leik hvíts.

12. ... Rxb4! 13. axb4 Bxb4 14. O-O Bxc3 15. Hc1 Hc8 16. Rg5! O-O 17. Dg4

Þó hvítur sé tveim peðum undir hefur hann allgóð færi. „Houdini" metur stöðuna jafna.

17. ... Bd2 18. Dh3 h5 19. Hxc8 Bxc8 20. Df3!

Lykilstaða, svartur getur varist hótununum 21. Bxg6 og 21. Rxf7 með tvennum hætti og velur lakari kostinn.

20. ... Dd8?

Hann varð að leika 20. .. Dc7 en hefur sennilega óttast 21. Bxg6 Bxe3+ 22. Dxe3 fxg6 23. Hf6! en á að halda velli með því að leika 23. ... Hxf6! 24. exf6 Bd7.

21. Rxf7 Bxe3+ 22. Kh1 Dh4 23. Bxg6 Bg5 24. Bh7+!

Gerir út um taflið, ef 24. ... Kxh7 þá vinnur 25. Rxg5+. Og 24. .. Kg7 er svarað með 25. Dd3! o. s.frv. Vallejo gafst upp.

Glæsilegur sigur Nansýjar Davíðsdóttur í Svíþjóð

Krakkar úr Rimaskóla gerðu ferð til Svíþjóðar á opna mótið í Västerås sem fram fór um síðustu helgi þar sem tefkt var í tveim styrkleikaflokkum.

Hin 10 ára gamla Nansý Davíðsdóttir stal senunni gjörsamlega í neðri flokknum þar sem tefldu 80 skákmenn með 1600 elo stig eða minna. Nansý hlaut 7½ vinning af átta mögulegum og vann öll þau verðlaun sem í boði voru, varð í 1. sæti, vann sérstök kvennaverðlaun, best keppenda undir 16 ára aldri og 13 ára aldri og vann einnig flokkaverðlaun.

Friðrik og Margeir á Íslandsmóti taflfélaga

Taflfélag Bolungarvíkur freistar þess að verja Íslandsmeistartatitil sinn á Íslandsmóti skákfélaga sem hófst í Rimaskóla á föstudagskvöldið. en fjórar fyrstu umferðir mótsins fara fram um helgina. Allmikil leynd hvílir yfir skipan liðanna. Taflfélag Reykjavíkur mun að öllum líkindum koma sterkt til leiks þetta árið og er jafnvel búist við að Friðrik Ólafsson og Margeir Pétursson, muni tefla fyrir sitt gamla félag um helgina.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 7. október 2012.

Skákþættir Morgunblaðsins

[Event "Bilbao Masters"] [Site "Sao Paulo BRA"] [Date "2012.09.28"] [EventDate "2012.09.23"] [Round "4"] [Result "1-0"] [White "Fabiano Caruana"] [Black "Francisco Vallejo-Pons"] [ECO "C02"] [WhiteElo "?"] [BlackElo "?"] [PlyCount "47"] 1.e4 e6 2.d4 d5 3.e5 c5 4.c3 Nc6 5.Nf3 Qb6 6.a3 Nh6 7.b4 cxd4 8.cxd4 Nf5 9.Be3 Bd7 10.Bd3 Nxe3 11.fxe3 g6 12.Nc3 Nxb4 13.axb4 Bxb4 14.O-O Bxc3 15.Rc1 Rc8 16.Ng5 O-O 17.Qg4 Bd2 18.Qh3 h5 19.Rxc8 Bxc8 20.Qf3 Qd8 21.Nxf7 Bxe3+ 22.Kh1 Qh4 23.Bxg6 Bg5 24.Bh7+ 1-0

Skákþáttur Morgunblaðsins: Gullið gekk Kínverjum úr greipum

Fyrir síðustu umferð ólympíumótsins í Istanbúl á dögunum áttu kínversku sveitirnar í opna- og kvennaflokknum góða möguleika á gullverðlaunum. Karlasveitin var jöfn Rússum og Armenum en með sigri í lokaumferðinni hefði sveitin staðið langbest að vígi þar sem allar niðurstöður hnigu í sömu átt; ef grípa þyrfti til stigaútreiknings myndi kínverska vinna. Reyndin varð sú að stigaútreikning þurfti til en þá þurfti með afar flóknu kerfi að gera upp á milli armensku sveitarinnar og þeirrar rússnesku. Kína tapaði nefnilega fyrir Úkraínu og endaði í fjórða sæti. Í kvennaflokknum fór einnig allt á versta veg, kínversku stúlkurnar, með heimsmeistarann Hou Yifan á 1. borði, unnu sína viðureign en við stigaútreikning reyndust keppinautar þeirra Rússar hafa betur. Þar er þó bættur skaðinn því kínverska kennaliðið hefur margsinnis unnið gull á ólympíumótum.

Vandinn liggur nefnilega hjá körlunum. Bíði maður nógu lengi við bakka Gula fljótsins er aldrei að vita nema lík óvinanna fljóti þar framhjá, segir kínverskt máltæki fornt. Einn góðan veðurdag munu fremstu skákmenn þeirra uppfylla væntingar alþýðulýðveldisins um fullnaðarsigur á vettvangi ólympíumótanna. Til þess hafa þeir a.m.k. nægan mannskap. Hljómfögur nöfn stórmeistara á borð við Liren Ding, Ni Hua og Xiangzi Bu kalla fram minningar um skæran bjölluhljóm sem ónefndur íslenskur skákmaður þóttist heyra þegar yfir menn dundu hinar frægu „kínversku drottningarfórnir" sem voru aðalsmerki frumherjanna sem tefldu í Buenos Aires 1978. Í dag er leiktækni sumra kínversku skákmannanna svo góð að minnir á vel þjálfaða borðtennisleikara. Og það var ekki hátt á þeim risið, andstæðingunum í lokaumferðinni, Úkraínumönnum. Ivantsjúk hafði orðið fyrir ýmsum skakkaföllum í Istanbúl og sumir aðrir langt frá sínu besta. Sigurstund Kínverja virtist ætla að renna upp - en þeir töpuðu 1:3! Ég hef dálítið verið að velta ástæðunni fyrir þessari kínversku „tregðu gagnvart gullinu". Niðurstaðan er ekki alveg komin. Þegar Mikhael Tal kom til Íslands árið til 1964 kjaftaði á honum hver tuska. Þó kom hann úr lokuðu samfélagi. Kínversku skákmennina er ekki hægt að nálgast á sama hátt:

ÓL 2012; 11. umferð:

Vasilí Ivantsjúk - Wang Hao

Nimzoindversk vörn

1. d4 Rf6 2. c4 e6 3. Rc3 Bb4 4. e3 0-0 5. Bd3 d5 6. Rf3 b6 7. a3 Bxc3+ 8. bxc3 c6?!

Sérkennilegur leikur. Sjálfsagt er 8.... dxc4 9. Bxc4 c5 ásamar - Dc7 o.s.frv.

9. cxd5 cxd5 10. Be2 Rc6 11. O-O Ra5 12. a4 He8 13. Re5 Re4 14. f3 Rd6

Vitaskuld ekki 14.... Rxc3 15. Dc2 og vinnur.

15. Ba3 Bb7 16. Bxd6 Dxd6 17. f4 g6 18. Dg4

Hvítur er búinn að byggja upp vænlega sóknarstöðu.

18.... Rc4 19. Dg3 Dc7 20. Bxc4 dxc4 21. f5 f6

Nú er afar freistandi að fórna manni. Til þess að dæmið gangi upp þarf að finna 26. leikinn.

22. fxg6! fxe5 23. Hf7 Dc6 24. gxh7+ Kxf7 25. Hf1+ Ke7

Ivantsjúk var búinn að sjá að valdið á e7-reitnum skiptir hér sköpum.

26. h8(D)! Hxh8 27. Dg7+ Kd6 28. dxe5+!

- og Wang Hao gafst upp. Framhaldið gæti orðið 28.... Kc5 29. De7+ Kd5 30. Hd1+ Ke4 31. Hd4+ Kxe3 32. Dg5+ Ke2 33. Dd2 mát.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 30. september 2012.

Skákþættir Morgunblaðsins

[Event "Chess Olympiad"] [Site "Istanbul TUR"] [Date "2012.09.09"] [EventDate "2012.08.28"] [Round "11.1"] [Result "1-0"] [White "Vassily Ivanchuk"] [Black "Wang Hao"] [ECO "E52"] [WhiteElo "2769"] [BlackElo "2726"] [PlyCount "56"] 1. d4 Nf6 2. c4 e6 3. Nc3 Bb4 4. e3 O-O 5. Bd3 d5 6. Nf3 b6 7. a3 Bxc3+ 8. bxc3 c6 9. cxd5 cxd5 10. Qe2 Nc6 11. O-O Na5 12. a4 Re8 13. Ne5 Ne4 14. f3 Nd6 15. Ba3 Bb7 16. Bxd6 Qxd6 17. f4 g6 18. Qg4 Nc4 19. Qg3 Qc7 20. Bxc4 dxc4 21. f5 f6 22. fxg6 fxe5 23. Rf7 Qc6 24. gxh7+ Kxf7 25. Rf1+ Ke7 26. h8=Q Rxh8 27. Qg7+ Kd6 28. dxe5+ Kd5 1-0

Skákþáttur Morgunblaðsins: Bestar á Norðurlöndum

Á Ólympíuskákmótunum snýst keppnin ekki aðeins um gull, silfur og brons. Það er meira undir, t.d. náðu Hollendingar sjötta sæti í opna flokknum og tryggðu sér áframhaldandi stuðning styrktaraðila. Meðal öflugustu þjóðanna er litið á verðlaunasæti sem ígildi verðlauna á Ólympíuleikum. Það reyndu Armenar er þeir sneru heim þjóðhetjur eftir að hafa unnið þriðju gullverðlaunin á fjórum Ólympíumótum.

Íslendingar voru góðu vanir á níunda og tíunda áratug síðustu aldar svo það vakti ekki neina sérstaka athygli í Bled árið 2002 þegar karlasveitin vann þar sérstök verðlaun í svonefndum B-stigaflokki.

Önnur keppni fer fram á vettvangi Ólympíumótanna: við fylgjumst alltaf grannt með frammistöðu hinna Norðurlandaþjóðanna og í kvennaflokki var íslenska sveitin best, hlaut 12 stig og varð í 53. sæti en var fyrirfram raðað í 62. sæti.

Lenka Ptacnikova hlaut 7 vinninga af 10 mögulegum en Elsa María Kristínardóttir stóð sig einnig vel, hlaut 5 vinninga af sjö mögulegum og einnig Tinna Kristín Finnbogadóttir sem hlaut 4½ v. af átta mögulegum. Þær hækka báðar umtalsvert í stigum. Hallgerður Helga og Jóhanna Björg voru nokkuð frá sínu besta. Þessi sveit er „þéttari" en sú sem tefldi á Ol í Khanty Manyisk en betur má ef duga skal. Með meiri vinnu og hærri markmiðum gætu þessar stúlkur att kappi við bestu skákkonur heims.

Í kvennaflokknum réðust úrslitin á óverulegum stigamun. Rússar og Kínverjar hlutu 19 stig en Rússar fengu gullið.

Í lokaumferðinni vann Ísland Albaníu 3:1. Jóhanna Björg Jóhannsdóttir vann mikilvægan sigur en skákir hennar eru oft æði viðburðaríkar eins og dæmin sanna:

Bruna Tuzi - Jóhanna Björg Jóhannsdóttir

Sikileyjarvörn

1. e4 c5 2. Rf3 g6 3. d4 cxd4 4. Rxd4 Rc6 5. Rc3 Bg7 6. Rb3 Rf6 7. Be2 O-O 8. O-O b6 9. f4 d6 10. Bf3 Bb7 11. Rd5 Hc8 12. c3 Rd7 13. Kh1 Rc5 14. He1 Ba8 15. Dc2 Re6 16. Dd1 Rc5 17. h3 e6 18. Re3 Re7 19. Rc2 e5 20. Rb4 a5 21. Rd5 Bxd5 22. exd5 Rf5 23. fxe5 Bxe5 24. Kg1 Dh4 25. Rxc5 bxc5 26. Bg4 Kh8 27. Bxf5 gxf5 28. He3 Hg8 29. De1 Df4 30. g3 Hxg3+?

Jóhanna var búin að byggja upp yfirburðastöðu. Í stað þess að auka pressuna með 30. ... Hce8 eða 30. ... Dh4, kaus hún hagstætt endatafl.

31. Hxg3 Dxg3 32. Dxg3 Bxg3 33. Kg2 Be5 34. Bd2 Hg8+ 35. Kf2 Hg3 36. Ke2 Hxh3?

36. ... Hg2+ vinnur. Eftir 37. Kd3 c4+! 38. Kc2 Bf4 39. Hd1 a4! getur hvítur sig hvergi hrært.

37. Hf1 Hh5?

Svartur ætti að vinna eftir 37. ... h5! 38. Hxf5 Kg7 o.s.frv.

38. b3 Kg7 39. c4 Hh2+ 40. Hf2 Hxf2+ 41. Kxf2 h5 42. Bxa5 h4 43. Kg2 f4 44. Be1!

Taflmennska svarts í endataflinu einkennist af efnishyggju sem er ekki góð leiðsögn. Ósigur og þar með jafntefli við Albani virtist ætla að verða niðurstaðan.

44. ... Bf6 45. Kh3 Bd8 46. Bxh4 f6 47. Kg4 f5 48. Kh3 Bxh4 49. Kxh4 Kf6 50. Kh3 Ke5 51. Kg2 Ke4 52. a4 Ke3

-Sjá stöðumynd-

Sú hryggilega staðreynd blasti við að léki hvítur 53. Kf1 gæti svartur gefist upp. Kannski var þreyta farin að segja til sín því að hvítur lék.... )

53. a5?? Ke2!

Skyndilega er svartur kominn með unnið tafl!

54. a6 f3 55. Kh2 f2 56. a7 f1=D 57. a8=D Df4+ 58. Kh1 Df3+ 59. Kh2 f4 60. Da2 Ke3 61. b4 Dg3+ 62. Kh1 De1+ 63. Kh2 Dxb4 64. Da1 Dxc4 65. Dg1 Kd2 66. Dg5 De2+

- og hvítur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 23. september 2012.

Skákþættir Morgunblaðsins

[Event "Olympiad"] [Site "?"] [Date "2012.09.09"] [Round "11"] [White "Tuzi, Bruna"] [Black "Johannsdottir, Johanna B"] [Result "0-1"] [ECO "B34"] [WhiteElo "1546"] [BlackElo "1886"] [PlyCount "132"] [EventDate "2012.??.??"] [WhiteTeam "Albania"] [BlackTeam "Iceland"] [WhiteTeamCountry "ALB"] [BlackTeamCountry "ISL"] 1. e4 c5 2. Nf3 g6 3. d4 cxd4 4. Nxd4 Nc6 5. Nc3 Bg7 6. Nb3 Nf6 7. Be2 O-O 8. O-O b6 9. f4 d6 10. Bf3 Bb7 11. Nd5 Rc8 12. c3 Nd7 13. Kh1 Nc5 14. Re1 Ba8 15. Qc2 Ne6 16. Qd1 Nc5 17. h3 e6 18. Ne3 Ne7 19. Nc2 e5 20. Nb4 a5 21. Nd5 Bxd5 22. exd5 Nf5 23. fxe5 Bxe5 24. Kg1 Qh4 25. Nxc5 bxc5 26. Bg4 Kh8 27. Bxf5 gxf5 28. Re3 Rg8 29. Qe1 Qf4 30. g3 Rxg3+ 31. Rxg3 Qxg3+ 32. Qxg3 Bxg3 33. Kg2 Be5 34. Bd2 Rg8+ 35. Kf2 Rg3 36. Ke2 Rxh3 37. Rf1 Rh5 38. b3 Kg7 39. c4 Rh2+ 40. Rf2 Rxf2+ 41. Kxf2 h5 42. Bxa5 h4 43. Kg2 f4 44. Be1 Bf6 45. Kh3 Bd8 46. Bxh4 f6 47. Kg4 f5+ 48. Kh3 Bxh4 49. Kxh4 Kf6 50. Kh3 Ke5 51. Kg2 Ke4 52. a4 Ke3 53. a5 Ke2 54. a6 f3+ 55. Kh2 f2 56. a7 f1=Q 57. a8=Q Qf4+ 58. Kh1 Qf3+ 59. Kh2 f4 60. Qa2+ Ke3 61. b4 Qg3+ 62. Kh1 Qe1+ 63. Kh2 Qxb4 64. Qa1 Qxc4 65. Qg1+ Kd2 66. Qg5 Qe2+ 0-1

Skákþáttur Morgunblaðsins: Armenar og Rússar hrepptu gullið

Armenar eru ólympíumeistarar í opnum flokki og Rússar í kvennaflokki. Þetta eru helstu niðurstöður 40. ólympíumótsins sem lauk í Istanbul í Tyrklandi um síðustu helgi. Báðar sigursveitirnar unnu gullið á stigamun. Í opna flokknum hlutu Rússar jafn mörg stig og Armenar og í kvennaflokki fengu kínversku stúlkurnar jafn mörg stig og Rússar. Þetta er í þriðja sinn á sex árum sem Armenar verða ólympíumeistarar.

Keppnin ár var geysispennandi en fyrir lokaumferðina stóðu Kínverjar best að vígi, en töpuðu fyrir Úkraínumönnum sem náðu í bronsið. Rússar urðu að láta sér lynda 2. sætið en höfðu um tíma tveggja stiga forskot eða þar til þeir mættu Bandaríkjamönnum og töpuðu 1 ½ : 2 ½.

Íslenska liðið bætti örlítið ætlaðan árangur, varð í 47. sæti af 150 þátttökuþjóðum en var í upphafi raðað í 51. sæti. Menn höfðu gert sér vonir um talsvert betri árangur. Jákvæður þáttur var góð frammistaða Þrastar Þórhallsson sem hlaut 7 ½ vinning af 10 mögulegum. Hjörvar Steinn stóð fyrir sínu en Hannes Hlífar og Henrik Danielsen virkuðu á köflum óöruggir. Dagur Arngrímsson kom inn í liðið með litlum fyrirvara og hefði þurft meiri tíma til undirbúnings. Íslenska sveitin var sein í gang en undir lokin var eins og menn væru að nálgast eðlilegan styrk. Hvað keppnisfyrirkomulagið á ólympíumótum áhrærir þá hefur umferðum verið fækkað úr þrettán í ellefu og stigakerfi tekið upp. Það er að margra áliti skref aftur á bak. Miklar tilviljanir réðu röðun fyrir hverja umferð. Þokkalegar sveitir, eins og sú danska, tefldu við mun lakari sveitir mestallt mótið og þó sumir sveitarmeðlimir næðu háu vinningshlutfalli lækkuðu þeir flestir á stigum. Gamla vinningakerfið skipti yfirleitt mótinu betur upp og lokaniðurstaðan var meira í takt við skákgetu.

Margir glæstir sigrar unnust í Tyrklandi og fylgir hér besta skák Hannesar Hlífars:

Hannes Hlífar Stefánsson - Maghami Ghaem (Íran)

Spænskur leikur e4 e5 2. Rf3 Rc6 3. Bb5 a6 4. Ba4 Rf6 5. O-O Be7 6. He1 b5 7. Bb3 d6 8. c3 O-O 9. h3 Rb8 10. d4 Rbd7 11. Rbd2 Bb7 12. Bc2 He8 13. Rf1 Bf8 14. Rg3 g6 15. b3 c6 16. Bg5

Breyer-afbrigðið á alltaf sína fylgismenn. Fischer beitti 16. leiknum í fyrstu skákinni í endurkomueinvíginu við Spasskí árið 1992.

16. ... Bg7 17. Dd2 De7 18. Bh6 Bxh6 19. Dxh6 c5 20. Had1 Hac8 21. Bb1 Rf8?

Íraninn viðist hafa vanmetið næsta leik Hannesar. Öruggara var 21. .. Df8.

22. Rh4! R6d7 23. Rhf5!

Þessi leikur lá í loftinu. Hvítur gefur tvo létta fyrir hrók og tvö peð.

23. ... gxf5 24. Rxf5 Df6 25. Dxf6 Rxf6 26. Rxd6 cxd4 27. cxd4 Hb8 28. Rxe8 Hxe8 29. dxe5 Hxe5 30. f4 He7 31. e5 Rd5 32. f5!

Það er afar mikilvægt að svartur nái ekki að skorða peðin. Hannes hafði séð fyrir 34. leikinn.

32. ... Rc3 33. Hd8! Rxb1

- sjá stöðumynd -

34. He3!

Hér er kominn kjarni fléttunnar. Hvítur skilur riddarann eftir en hótar 35. Hg3+ og mátar.

34. .... f6 35. e6! Kg7 36. Hg3+ Rg6 37. fxg6 hxg6 38. Hd7! Kf8 39. Hxg6 Be4

Skárra var 39. ... Bc6 en eftir 40. Hxf6+ Kg7 eða 40. .. Ke8 41. Hd6 o.s.frv. 41. Hf7+ Hxf7 42. Hxf7 Kg6 43. Hf8! og 44. e7 vinnur hvítur.

40. Hd8+ He8 41. Hg8+! Kxg8 42. Hxe8+ Kg7 43. Hc8

- og svartur gafst upp.

Um frammistöðu kvennasveitarinnar verður fjallað í næsta pistli.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 16. september 2012.

Skákþættir Morgunblaðsins

[Event "Chess Olympiad"] [Site "Istanbul TUR"] [Date "2012.09.04"] [EventDate "2012.08.28"] [Round "7.28"] [Result "1-0"] [White "Hannes Stefansson"] [Black "Ehsan Ghaem Maghami"] [ECO "C95"] [WhiteElo "2515"] [BlackElo "2579"] [PlyCount "85"] 1. e4 e5 2. Nf3 Nc6 3. Bb5 a6 4. Ba4 Nf6 5. O-O Be7 6. Re1 b5 7. Bb3 d6 8. c3 O-O 9. h3 Nb8 10. d4 Nbd7 11. Nbd2 Bb7 12. Bc2 Re8 13. Nf1 Bf8 14. Ng3 g6 15. b3 c6 16. Bg5 Bg7 17. Qd2 Qe7 18. Bh6 Bxh6 19. Qxh6 c5 20. Rad1 Rac8 21. Bb1 Nf8 22. Nh4 N6d7 23. Nhf5 gxf5 24. Nxf5 Qf6 25. Qxf6 Nxf6 26. Nxd6 cxd4 27. cxd4 Rb8 28. Nxe8 Rxe8 29. dxe5 Rxe5 30. f4 Re7 31. e5 Nd5 32. f5 Nc3 33. Rd8 Nxb1 34. Re3 f6 35. e6 Kg7 36. Rg3+ Ng6 37. fxg6 hxg6 38. Rd7 Kf8 39. Rxg6 Be4 40. Rd8+ Re8 41. Rg8+ Kxg8 42. Rxe8+ Kg7 43. Rc8 1-0

Skákþáttur Morgunblaðsins: Drottningarfórnin

Drottningin er öflugasti taflmaðurinn á borðinu og við hlið hennar virðist kóngurinn fremur vesældarlegur og samband þeirra hjóna virkar stirt; það eru peðin sem skýla kónginum þar sem hann leitar skjóls úti í horni en drottningin oft upptekin við landvinninga annars staðar á borðinu. Þetta hefur ekki alltaf verið svona; í arabískri skák fyrir meira en þúsund árum var við hlið kóngsins atkvæðalítill ráðgjafi sem gat fært sig einn reit á ská líkt og biskup. Þá breytingu sem varð á vægi taflmannanna má rekja til landafundanna miklu í lok 15. aldar og fyrirmyndin að drottningu skákborðsins í öllu sínu veldi er engin önnur en Ísabella drottning Spánar, sem hafði ekki lítil áhrif á kóng sinn Ferdinand þegar Kristófer Kólumbus leitaði eftir fjárstuðningi vegna ferðar sinnar til „Nýja heimsins" árið 1492.

Þegar við nokkrir félagar fórum í svolitla „pílagrímsferð" til Portoroz í vor gaukaði Friðrik Ólafsson að mér 300 bls. bók, um þetta efni „Fæðing drottningar" eftir Marilyn Yalom. Höfundur er þjóðfélagsrýnir sem tekst á við þá spurningu hvernig svo sterk kvenímynd gat náð fótfestu á miðöldum, í leik sem var ákaft stundaður af körlum, en Spánverjar státuðu af fremstu meisturum þess tíma þ. á m. prestinum Ruy Lopez sem spænski leikurinn er kenndur við.

Það er kannski vegna þessarar sterku nærveru drottningarinnar að stundum sækir að okkur strákunum þörf til að fórna henni. Þröstur Þórhallsson stóð frammi fyrir þessu vali í skák sinni við Tyrkjann Dastan á Ólympíumótinu í Istanbul sem lýkur um helgina. Um byrjun þessar skákar er ekki mikið að segja, sikileyjarvörn þróast yfir í „spænskan leik". Með 36. Bd4 hrekst svarta drottning til c7 og hin eiginlega sviðsetning hefst. Leikfléttan inniheldur ekki aðeins drottningarfórn heldur einnig línurof, hróksfórn og svikamylluþema:

Ol 2012; 4. umferð:

Þröstur Þórhallsson- Muhammed Dastan

Sikileyjarvörn

1. e4 c5 2. Rf3 d6 3. Bb5 Rc6 4. c3 Bd7 5. O-O Rf6 6. He1 a6 7. Ba4 b5 8. Bb3 e5 9. d4 Be7 10. Rbd2 O-O 11. h3 Dc7 12. Rf1 cxd4 13. cxd4 Ra5 14. Bc2 Hac8 15. Bd3 Db8 16. b3 Hfe8 17. Bb2 Bf8 18. Dd2Rc6 19. Had1 Hcd8 20. Bb1 Bc8 21. a3 Bb7 22. Rg3 h6 23. b4 Da8 24. d5 Re7 25. Rh4 Rd7 26. Hf1 g6 27. f4 Da7 28. Kh1 Bg7 29. Rf3 Rc8 30. h4 He7 31. h5 Kh7 32. Rh4 Bf6 33. Rf3 Db6 34. Rh2 Bh4 35. Re2 exf4 36. Bd4 Dc7 37. Dxf4 Bg5

38. Dxf7+!

Það er ekki hægt að sleppa svona tækifæri, hugsaði Þröstur. Ef allt bregst á hvítur þráskák í hendi sér.

38. ... Hxf7 39. Hxf7+ Kg8 40. Hg7+ Kf8 41. Hf1+ Ke8 42. e5!

Línurof! Hótar 42. Bxg6 mát.

42. ... Re7 43. Hg8+! Rxg8 44. Bxg6+ Ke7 45. Hf7+ Ke8 46. Hh7+! Kf8 47. exd6!

( sjá stöðumynd )

Mögnuð tilþrif. Eftir 47. ... Dxd6 kemur 48. Bg7+! Ke7 49. Be5+! og 50. Bxd6+.

47. ... Dc1+

Betri leikur finnst ekki.

48. Rxc1 Rgf6 49. Hh8+ Rg8 50. Re2?

Hvíta staðan er léttunnin en 50. Bg7+! Leiðir til máts, 50. ... Kxg7 51. Hh7+ Kf6 52. Rg4 mát eða 51. ... Kf8 52. Hf7+ Ke8 53. Hf1 mát.

50. ... Bxd5 51. Rc3 Be6 52. Re4 Bf4 53. Hh7 Re5 54. Rf3 Rxg6 55. hxg6 Bc1 56. Hc7 Hc8 57. d7!

og svartur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 9. september 2012.

Skákþættir Morgunblaðsins

[Event "Olympiad"] [Site "?"] [Date "2012.08.31"] [Round "4"] [White "Thorhallsson, Throstur"] [Black "Dastan, Muhammed Batuhan"] [Result "1-0"] [WhiteElo "2426"] [BlackElo "2317"] [PlyCount "113"] [EventDate "2012.??.??"] [WhiteTeam "Iceland"] [BlackTeam "TR2"] [WhiteTeamCountry "ISL"] 1. e4 c5 2. Nf3 d6 3. Bb5+ Nc6 4. c3 Bd7 5. O-O Nf6 6. Re1 a6 7. Ba4 b5 8. Bb3 e5 9. d4 Be7 10. Nbd2 O-O 11. h3 Qc7 12. Nf1 cxd4 13. cxd4 Na5 14. Bc2 Rac8 15. Bd3 Qb8 16. b3 Rfe8 17. Bb2 Bf8 18. Qd2 Nc6 19. Rad1 Rcd8 20. Bb1 Bc8 21. a3 Bb7 22. Ng3 h6 23. b4 Qa8 24. d5 Ne7 25. Nh4 Nd7 26. Rf1 g6 27. f4 Qa7+ 28. Kh1 Bg7 29. Nf3 Nc8 30. h4 Re7 31. h5 Kh7 32. Nh4 Bf6 33. Nf3 Qb6 34. Nh2 Bh4 35. Ne2 exf4 36. Bd4 Qc7 37. Qxf4 Bg5 38. Qxf7+ Rxf7 39. Rxf7+ Kg8 40. Rg7+ Kf8 41. Rf1+ Ke8 42. e5 Ne7 43. Rg8+ Nxg8 44. Bxg6+ Ke7 45. Rf7+ Ke8 46. Rh7+ Kf8 47. exd6 Qc1+ 48. Nxc1 Ngf6 49. Rh8+ Ng8 50. Ne2 Bxd5 51. Nc3 Be6 52. Ne4 Bf4 53. Rh7 Ne5 54. Nf3 Nxg6 55. hxg6 Bc1 56. Rc7 Rc8 57. d7 1-0

Skákþáttur Morgunblaðsins: Sviptingar í keppni við Argentínu

Ólympíuskákmótið sem nú fer fram í Istanbul í Tyrklandi, hið fertugasta í röðinni, dregur til sín lið frá 166 þjóðum sem er þátttökumet. Teflt er í opnum flokki og kvennaflokki. Í opna flokknum eiga bæði kynin þátttökurétt. Nokkrar þeirra sitja þar að tafli og vekur Judit Polgar mesta athygli en hún teflir á 3. borði fyrir Ungverja. Ísland er með sveitir í báðum flokkum. Sú breyting var gerð í opna flokknum að Dagur Arngrímsson tók sæti Héðins Steingrímssonar.

Frá og með Haifa í Ísrael ´76 hefur Ólympíumótið verið teflt í opnum flokkum með svissneska kerfinu en umferðunum hefur þó fækkað úr fjórtán í ellefu. Önnur breyting er sú að vinningatalan skiptir ekki höfuðmáli, heldur stigin.

Báðar sveitir Íslands unnu 4:0 í fyrstu umferð og töpuðu síðan í annarri umferð, karlarnir 1:3 fyrir Argentínu og konurnar ½ : 3 ½ fyrir Ísrael. Í þriðju umferð gekk betur en mótherjar beggja sveita voru frá Wales, karlasveitin vann 3 ½ : ½ og er með 8 ½ vinning og 4 stig. Kvennasveitin vann 3:1 og er með 7 ½ vinning og 4 stig. Verður frammistaða beggja liða að teljast viðunandi.

Viðureign karlasveitarinnar gegn Argentínu hefði fengið farsælli endi ef Hannes Hlífar hefði klárað dæmið með gjörunna stöðu. Skákin var afar spennandi á að horfa og fer hér á eftir. Sem fyrr eru miklar vonir bundnar við Hannes Hlífar sem sjaldan bregst á Ólympíumótum og hlaut borðaverðlaunum á sínu fyrsta Ólympíumóti í Manila á Filippseyjum sumarið 1992:

Hannes Hlífar Stefánsson - Diego Flores

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Bd3 Bc5 6. Rb3 Be7 7. Dg4 g6 8. De2 d6 9. O-O Rd7 10. Ra3

Hannes var vel undirbúinn fyrir þessa viðureign og fylgdi hér nýlegri uppástungu Khalifmans.

10. ... Re5 11. Rc4 Rxc4 12. Bxc4 Dc7 13. Bd2 Bd7 14. a4 Hc8 15. a5 Rf6 16. Rd2 Bc6 17. b3 O-O 18. Bb2 d5 19. e5 Rh5 20. De2 Bb5 21. c4 dxc4 22. bxc4?!

Með þessum leik setti Hannes af stað áætlun sem stenst sennilega ekki alveg. Öruggara var 22. Rc4 og hvíta staðan er örlítið betri og hægt er að tefla til sigurs án þess að taka mikla áhættu. Á tveim nærliggjandi borðum voru tvær fremur óásjálegar stöður Hjörvars og Henriks og þess vegna er ákvörðun Hannesar skiljanleg.

22. ... Bc5 23. Df3 Bc6 24. Re4 Hcd8 25. g4 f5! 26. exf6 Df4!

Tveir frábærir leikir í röð sem Hannes hafði þó séð fyrr. Honum sást þó yfir leyndur möguleiki í 29. leik.

27. De2 Hxd3 28. Rxc5 Hh3??

Best var 28. ... Hd2! og svarta staðan er unnin! Þess vegna var áætlun Hannesar sem hófst með 22. bxc4 röng en Flores var að komast í mikla tímapressu.

29. f3! Hxf3 30. Hxf3! Bxf3 31. Dxe6+ Kh8

(Sjá stöðumynd)

Hannes átti nægan tíma og nú lék hann of hratt. Einfaldast er 32. f7+ Rg7 33. Rd7 og svartur getur gefist upp, t.d. 33. ... Dd2 34. Bxg7+ Kxg7 35. Df6+ Kh6 36. g5+ eða 36. Dxf3.

32. Rd7?? Dd2!

Hótar 33. ... Dg2 mát og 33. ... Dxb2. Og sá veruleiki sem blasti við þegar þessi leikur kom var mönnum ekki að skapi.

33. f7+ Dxb2 34. De5+ Dxe5 35. Rxe5 Bxg4 36. Rxg4 Hxf7 37. Hb1 Rf4 38. Rf2 Hc7 39. Re4 Rd3 40. Hb3 Hxc4 41. Rd6 Rc5 42. He3 Hd4

- og Hannes gafst upp. Hann gat leikið 43. Rxb7 en hróksendataflið sem kemur upp eftir 43. ... Rxb7 44. He8+ Kg7 45. He7+ Kh6 46. Hxb7 Hd5 er vonlaust.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 2. september 2012.

Skákþættir Morgunblaðsins

[Event "Olympiad"] [Site "?"] [Date "2012.08.29"] [Round "2"] [White "Stefansson, Hannes"] [Black "Flores, Diego"] [Result "0-1"] [WhiteElo "2515"] [BlackElo "2589"] [PlyCount "84"] [EventDate "2012.??.??"] [WhiteTeam "Iceland"] [BlackTeam "Argentina"] [WhiteTeamCountry "ISL"] [BlackTeamCountry "ARG"] 1. e4 c5 2. Nf3 e6 3. d4 cxd4 4. Nxd4 a6 5. Bd3 Bc5 6. Nb3 Be7 7. Qg4 g6 8. Qe2 d6 9. O-O Nd7 10. Na3 Ne5 11. Nc4 Nxc4 12. Bxc4 Qc7 13. Bd3 Bd7 14. a4 Rc8 15. a5 Nf6 16. Nd2 Bc6 17. b3 O-O 18. Bb2 d5 19. e5 Nh5 20. Qe3 Bb5 21. c4 dxc4 22. bxc4 Bc5 23. Qf3 Bc6 24. Ne4 Rcd8 25. g4 f5 26. exf6 Qf4 27. Qe2 Rxd3 28. Nxc5 Rh3 29. f3 Rxf3 30. Rxf3 Bxf3 31. Qxe6+ Kh8 32. Nd7 Qd2 33. f7+ Qxb2 34. Qe5+ Qxe5 35. Nxe5 Bxg4 36. Nxg4 Rxf7 37. Rb1 Nf4 38. Nf2 Rc7 39. Ne4 Nd3 40. Rb3 Rxc4 41. Nd6 Nc5 42. Re3 Rd4 0-1

Skákþáttur Morgunblaðsins: Svetozar Gligoric

Serbneski stórmeistarinn Svetozar Gligoric, sem lést þann 14. ágúst sl. 89 ára að aldri, var á tímum ríkjasambandsins Júgóslavíu, sem Jósep Tito hélt saman, þekktasti og virtasti skákmaður Júgóslava. Áður en hann haslaði sér völl á skáksviðinu barðist hann í Svarfjallalandi gegn ítölsku innrásarliði á dögum seinni heimsstyrjaldar. Hafði sú reynsla mikil áhrif á hann. Hér á landi klingdi nafn Gligoric alltaf annað veifið í eyrum manna, frá dögum millisvæðamótsins í Portoroz og sex árum síðar þegar fyrsta Reykjavíkurskákmótið fór fram. Hann starfaði einnig sem blaðamaður og rithöfundur og var stundum í þeirri óvenjulegu aðstöðu að fjalla um ýmsa viðburði og vera jafnframt þátttakandi í þeim sjálfur. Hann var skákskýrandi tímaritsins Skákar á meðan „einvígi aldarinnar" stóð, og ritaði vinsæla bók um einvígið. Í viðtali við Fischer náði Gligoric að veiða upp úr hinum nýbakaða heimsmeistara upplýsingar um það hvernig hann hefði undirbúið sig fyrir lokaskákina.

Árið 1978 buðu Gligoric og Friðrik sig fram í kjöri til forseta FIDE. Sá þriðji var Rafael Mendes frá Puerto Rico en kosningin fór fram með tveim umferðum. Rafael Mendes fékk flest atkvæði í fyrri umferð en Friðrik fékk einu atkvæði meira en Gligoric og var kjörinn forseti FIDE eftir seinni unmferðina. Á sextíu ára afmælismóti Friðriks í Þjóðabókhlöðunni var Gligoric mættur ásamt Smyslov, og Larsen og ýmsum fleiri stórmeisturum.

Gligoric vann ótal mót um dagana og var þrisvar í hópi áskorenda. Þegar hugað er að skákum hans koma margir snjallir sigrar yfir Tigran Petrosjan strax upp í hugann, einnig fjórir sigrar yfir Bobby Fischer og svo mætti lengi telja. Hann var alla tíð mikill byrjanasérfræðingur og lengi var kóngsindverska vörnin í miklu uppáhaldi hjá honum:

Amsterdam 1970:

Vlastimil Hort - Svetozar Gligoric

Kóngsindversk vörn

1.d4 Rf6 2. c4 g6 3. Rc3 Bg7 4. e4 d6 5. f3 O-O 6. Be3 b6 7. Bd3 a6 8. Rge2 c5

Samisch-afbrigðið gegn kóngsindversu vörninni sem hefst með 5. f3 gerði Gligoric oft gramt í geði og leiðin sem hann valdi í þessar skák var aldrei talin góð en dugði samt!

9. e5 Rfd7 10. exd6 exd6 11. Dd2 Rc6 12. Be4! Bb7 13. O-O-O Rf6 14. Bxc6 Bxc6 15. Bg5 Hc8 16. d5 Bd7 17. Rg3 He8!

Frumkvæðið er kirfilega í höndum hvíts en hér fæddist hugmynd að skiptamunsfórn.

18. Df4 He5 19. Rce4

Betra var 19. h4 h5 og enn er skiptamunsfórn á g5 inni í myndinni.

19. ... Hxg5! 20. Dxg5 b5! 21. Rxd6 Hb8

Aðstaða hvíts er býsna varasöm þrátt fyrir liðsmuninn. Hort var alla tíð mikill varnarjaxl og taldi sig geta hrundið atlögu Gligoric.

22. Rge4 h6 23. De3 Rxe4 24. Rxe4 bxc4 25. Hd2 Da5 26. Kb1 c3 27. Hc2 Bd4 28. De1 Da3 29. Rxc3 Bf5 30. Ka1

Biskupar svarts eru ógnandi en varnir hvíts virðast traustar. En Gligric átti tromp upp í hendinni.

( STÖÐUMYND )

30. ... Hxb2 31. Hxb2 Bxc3 32. Dc1 c4! 33. d6 Bf6 34. Hd1 c3 35. Hc2!

Ekki 35. Hb8+ Kg7 36. Dxa3 c2+! og vinnur.

35. ... Da4 36. d7 Bxd7 37. g4?

Og hér var betri vörn fólgin 37. Hxd7 Dxd7 38. g4. Sú staða er sennilega jafntefli.

37. ... Be6 38. He1 Bb3! 39. Hee2 Bxa2!

Gerir út um taflið, eftir 40. Hxa2 c2+ 41. Db2 kemur 41. .... c1(D) mát.

40. Dxh6 Bc4 41. Kb1 Be7

- og Hort gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 19. ágúst 2012.

Skákþættir Morgunblaðsins

[Event "Amsterdam"] [Site "Amsterdam"] [Date "1970.??.??"] [EventDate "?"] [Round "5"] [Result "0-1"] [White "Vlastimil Hort"] [Black "Svetozar Gligoric"] [ECO "E82"] [WhiteElo "?"] [BlackElo "?"] [PlyCount "82"] 1.d4 Nf6 2.c4 g6 3.Nc3 Bg7 4.e4 d6 5.f3 O-O 6.Be3 b6 7.Bd3 a6 8.Nge2 c5 9.e5 Nfd7 10.exd6 exd6 11.Qd2 Nc6 12.Be4 Bb7 13.O-O-O Nf6 14.Bxc6 Bxc6 15.Bg5 Rc8 16.d5 Bd7 17.Ng3 Re8 18.Qf4 Re5 19.Nce4 Rxg5 20.Qxg5 b5 21.Nxd6 Rb8 22.Nge4 h6 23.Qe3 Nxe4 24.Nxe4 bxc4 25.Rd2 Qa5 26.Kb1 c3 27.Rc2 Bd4 28.Qe1 Qa3 29.Nxc3 Bf5 30.Ka1 Rxb2 31.Rxb2 Bxc3 32.Qc1 c4 33.d6 Bf6 34.Rd1 c3 35.Rc2 Qa4 36.d7 Bxd7 37.g4 Be6 38.Re1 Bb3 39.Ree2 Bxa2 40.Qxh6 Bc4 41.Kb1 Bxe2 0-1