Hraðkvöld hjá Helli í kvöld

Taflfélagið Hellir heldur hraðkvöld mánudaginn 21. mars  nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Rimskóli Íslandsmeistari grunnskólasveita

 

 

Skáksveit Rimaskóla sigraði á Íslandsmóti grunnskólasveita sem fram fór um helgina.  Sveitin fékk 34½ vinninga af 36 mögulegum sem er nokkuð magnað.  Salaskóli varð í öðru sæti með 32½ vinning sem að öllu venjulegu myndi duga til sigurs.  Þessir tveir skólar höfðu algjöra yfirburði og keppa væntanlega báðir á NM grunnskólasveita sem fram fer á Íslandi í haust.   Í þriðja sæti varð sveit Hólabrekkuskóla með 22½ vinning.   

Myndaalbúm

Sveit Rimaskóla skipuðu:

1. Dagur Ragnarsson
2. Oliver Aron Jóhannesson
3. Jón Trausti Harðarson
4. Hrund Hauksdóttir
5. Kristinn Andri Kristinsson

Liðsstjóri var Hjörvar Steinn Grétarsson.

Sveit Salaskóla skipuðu:

1. Guðmundur Kristinn Lee
2. Birkir Karl Sigurðsson
3. Eyþór Trausti Jóhannsson
4. Hilmir Freyr Heimisson
5. Baldur Búi Heimisson

Liðsstjóri var Tómas Rasmus.

Sveit Hólabrekkuskóla skipuðu:

1. Dagur Kjartansson
2. Brynjar Steingrímsson
3. Heimir Páll Ragnarsson
4. Donika Kolica

Liðsstjóri var Stefán Bergsson.

Álfhólsskóli sigraði keppni b-liða en Salaskóli sigraði keppni, c-, d-, e- og f-liða.

Eftirtaldir fengu borðaverðlaun:

1. Vignir Vatnar Stefánsson (Hörðuvallaskóla) 9 v.
2. Birkir Karl (Salaskóla) og Oliver Aron (Rimaskóla) 8½ v.
3. Jón Trausti (Rimaskóla) 9 v. af 9
4. Hrund og Kristinn Andri (Rimaskóla) 9 v. af 9  

Skákstjóri var Páll Sigurðsson

Lokastaðan:

 

Rk.	Team	TB1	TB2	TB3
1	Rimaskóli A	34,5	18	0
2	Salaskóli A	32,5	16	0
3	Hólabrekkuskóli	22,5	11	0
4	Vatnsendaskóli	20,5	12	0
5	Álfhólsskóli B	20	11	0
6	Laugalækjarskóli A	20	11	0
7	Ábæjarskóli	19,5	10	0
8	Engjaskóli B	19	10	0
9	Melaskóli	18,5	10	0
10	Álfhólsskóli A	18,5	9	0
11	Engjaskóli A	18,5	9	0
12	Rimaskóli B	18,5	9	0
13	Salaskóli B	18,5	9	0
14	Salaskóli C	18	9	0
15	Rimaskóli C	18	8	0
16	Smáraskóli A	17,5	9	0
17	Hörðuvallaskóli	17	8	0
18	Engjaskóli C	16,5	9	0
19	Laugalækjarskóli B	16	8	0
20	Smáraskóli B	15,5	8	0
21	Salaskóli D	15,5	7	0
22	Salaskóli E	15	8	0
23	Álfhólsskóli C	15	7	0
24	Salaskóli F	9,5	5	0
25	Snælandsskóli	8,5	2	0
26	Álfhólsskóli D	5	1	0

Chess-Results

Amber: Aronian og Carlsen að stinga af

Aronian og Carlsen eru hreinilega að stinga aðra keppendur af á Amber-skákmótinu.   Öllum blindskákum 8. umferðar lauk með jafntefli en hvítur vann allar atskákirnar.   Carlsen vann Topalov 1½-½ og Aronian lagði Anand með sama mun.   Aronian hefur 11½ vinning og Carlsen 11 vinninga en svo eru 2½ vinningur í næstu menn, þá Anand og Ivanchuk.   Níunda umferð fer fram á þriðjudag.  

Staða efstu manna (heild):

• 1. Aronian 11½ v.
• 2. Carlsen 11 v.
• 3.-4. Anand og Ivanchuk 8½ v.
• 5.-6. Gashimov og Grischuk 8 v.

Efstu menn í blindskákinni:

• 1. Aronian 6 v.
• 2.-4. Anand, Carlsen og Grischuk 4½ v.

Efstu menn í atskákinni:

• 1. Carlsen 6½ v.
• 2. Aronian 5½ v.
• 3. Ivanchuk 5 v.

Bent er á heimasíðu mótsins þar sem skákirnar eru sýndar og skýrðar beint.  Taflfmennskan hefst kl. 13:30 á daginn. 

Þetta er síðasta Amber-mótið og er einkar glæsilegt og sterkt að þessu sinni en þarna tefla menn atskákir og blindskákir.  Mótið er það 20. í röðinni og sennilega það sterkasta frá upphafi.  

Heimasíða mótsins