Feller og félagar dæmdir sekir af aganefnd

Stórmeistararnir Sebastian Feller og Arnaud Hauchard og alþjóðlegi meistarinn Cyril Marzalo voru dæmdir sekir um svindl á Ólympíuskákmótinu af aganefnd Franska skáksambandsins.   Nefndin telur að nægilegar sannanir séu um brot þeirra. 

Miðað við ítarlega frásögn á ChessVibes fór svindlið þannig fram að Marzelo sem staddur var í Frakklandi sendi bæði Feller og Hauchard, sem var liðsstjóri frönsku sveitarinnar, SMS á meðan skákirnar fóru fram.   Það hefur komið í ljós að þá daga sem skákirnar fóru fram sendi Marzelo um 200 SMS-skeyti til Feller og Hauchard.  Aðra daga sendi hann engin SMS-skilaboð til þeirra.

Marzelo fær 5 ára keppnisbann, Feller fær þriggja ára bann og Hauchard fær lífstíðarbann sem liðsstjóri.  Málinu verður áfrýjað.  

Ítarlega frásögn má finna á ChessVibes.