Öðlingamót hófst í gær - Suðurnesjamenn byrja vel

Skákmót öðlinga hófst í gær.  Fín þátttaka er á mótinu en 40 skákmenn taka þátt sem er metjöfnun.  Töluvert var um óvænt úrslit og voru Suðurnesjamenn í aðalhlutverkum.  Agnar Olsen (1850) vann Hrafn Loftsson (2220), Sigurður H. Jónsson (1860) gerði jafntefli við Gunnar Gunnarsson (2221).   Tveimur skákum var frestað.  

Úrslit 1. umferðar:

 

Bo.	Name	Result	Name
1	Gudmundsson Kristjan		Fridthjofsdottir Sigurl  Regin
2	Gunnarsson Gunnar K	½ - ½	Jonsson Sigurdur H
3	Solmundarson Kari	0 - 1	Thorsteinsson Thorsteinn
4	Loftsson Hrafn	0 - 1	Olsen Agnar
5	Jonsson Olafur Gisli	0 - 1	Thorsteinsson Bjorn
6	Thorhallsson Gylfi	1 - 0	Isolfsson Eggert
7	Gunnarsson Sigurdur Jon	0 - 1	Halldorsson Bragi
8	Ragnarsson Johann	1 - 0	Hreinsson Kristjan
9	Jonsson Pall G	0 - 1	Hjartarson Bjarni
10	Bjornsson Eirikur K	½ - ½	Ingvarsson Kjartan
11	Thrainsson Birgir Rafn	0 - 1	Thorvaldsson Jon
12	Valtysson Thor	1 - 0	Gudmundsson Sveinbjorn G
13	Jonsson Loftur H	½ - ½	Kristinsdottir Aslaug
14	Baldursson Haraldur	1 - 0	Eliasson Jon Steinn
15	Schmidhauser Ulrich	0 - 1	Ragnarsson Hermann
16	Johannesson Petur		Palsson Halldor
17	Eliasson Kristjan Orn	1 - 0	Adalsteinsson Birgir
18	Kristbergsson Bjorgvin	0 - 1	Gardarsson Halldor
19	Sigurdsson Pall	½ - ½	Bjornsson Yngvi
20	Hermannsson Ragnar	0 - 1	Jonsson Pall Agust

 

 

• Heimasíða TR
• Chess-Results

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

EM: Kunnuglegir andstæðingar í 3. umferð

Íslensku skákmennirnir mæta kunnuglegum andstæðingum í 3. umferð EM einstaklinga sem fram fer á morgun.  Allt reglulegir gestir á Reykjavíkurskákmótunum.   Hannes (2557) mætir rússneska stórmeistaranum Aleksey Dreev (2697), Bragi (2417) mætir Fionu Steil-Antoni (2117)  frá Lúxemborg og Lenka (2317) teflir við færeyska alþjóðlega meistarann Helga Dam Ziska (2432).  Skák Hannesar og Dreev verður sýnd beint á vefsíðu mótsins og hefst kl. 14.

Mótið er ægisterkt.  Alls taka 400 skákmenn þátt og þar af 164 stórmeistarar, 65 alþjóðlegir meistarar og 4 stórmeistarar kvenna.  Íslendingar eiga þarna flesta fulltrúa Norðurlandaþjóða eða 3 talsins en Danir og Norðmenn eiga 2 keppendur hvor þjóð og Svíar, Finnar og Færeyingar einn hver þjóð.  Hannes er nr. 117 í stigaröð keppenda, Bragi er nr. 209 og Lenka er nr. 249.

 

• Heimasíða mótsins
• Beinar útsendingar
• Chess-Results