Amber-mótið: Aronian með vinningsforskot fyrir lokaumferðina

Aronian hefur vinningsforskot á Carlsen fyrir lokaumferð Amber-mótsins sem fram fer á morgun.  Aronian vann Topalov 1½-½ og á sama tíma lagði Carlsen Grischuk með sama mun.  Í lokaumferðinni teflir Aronian við Karjakin en Carlsen við Gelfand.  Aronian hefur tryggt sér sigur í blindskákinni og Carlsen í atskákinni.   

Lokaumferðin hefst kl. 11:30 á morgun. 

Staða efstu manna (heild):

• 1. Aronian 14½ v.
• 2. Carlsen 13½ v.
• 3. Anand 11 v.
• 4. Ivanchuk 10½ v.
• 5. Grischuk 10 v..

Efstu menn í blindskákinni:

• 1. Aronian 8 v.
• 2. Anand 6 v.
• 3.-4.  Gashimov og Grischuk 5½ v.

Efstu menn í atskákinni:

• 1. Carlsen 8½ v.
• 2. Aronian 6½ v.
• 3. Ivanchuk 6 v.

Bent er á heimasíðu mótsins þar sem skákirnar eru sýndar og skýrðar beint.  Taflmennskan hefst kl. 11:30 í lokaumferðinni.  

Þetta er síðasta Amber-mótið og er einkar glæsilegt og sterkt að þessu sinni en þarna tefla menn atskákir og blindskákir.  Mótið er það 20. í röðinni og sennilega það sterkasta frá upphafi.  

Heimasíða mótsins