Vetrarmót öðlinga hafið

Í fyrrakvöld hófst Vetrarmót öðlinga, en þetta er í fjórða sinn sem mótið er haldið.  Tefldar verða 7 umferðir með 90 mínútna umhugsunartíma +30 sekúndur á leik.

Alls taka 25 öðlingar þátt í mótinu að þessu sinni og stigahæstur þeirra er Þorvarður Fannar Ólafsson.  Mörg kunnugleg andlit úr fyrri öðlingamótum má sjá á listanum eins og Magnús Pálma Örnólfsson, Siguringa Sigurjónsson og barnalækninn geðþekka Ólaf Gísla Jónsson.

Eftir að mótið hafði verið sett, lék Björn Jónsson formaður Taflfélags Reykjavíkur fyrsta leiknum í skák Þorvarðar og Harðar Garðarssonar. Úrslit umferðarinnar voru nánast eftir bókinni eins og oft er raunin í fyrstu umferð skákmóta.  Þó ber þess að geta að Arnfinnur Bragason sem er án Fide stiga náði góðu jafntefli með svörtu gegn Kjartan Mássyni (1797).

Næsta umferð fer fram á miðvikudagskvöld klukkan 19.30.

• Heimasíða TR
• Chess-Results

Jóhann, Ólafur og Bárður Örn efstir á Skákþingi Garðabæjar

Jóhann Helgi Sigurðsson (2013), Ólafur Guðmundsson (1694) og Bárður Örn Birkisson (1636) eru efstir með fullt hús að lokinni annarri umferð Skákþings Garðabæjar sem fram fór sl. mánudag. Sem fyrr var nokkuð um óvænt úrslit. Bárður Örn vann Þóri Benediktsson (1934) og Agnar Tómas Möller (1657) hafði betur gegn Páli Sigurðssyni (1919).

Róbert Luu (1315), Aron Þór Mai (1274) og Bragi Þór Thoroddsen (1304) eru efstir með fullt hús í b-flokki.

Þriðja umferð fer fram á mánudagskvöld.

• Heimasíða TG 
• Chess-Results

 

Unglingameistaramót Íslands (20 ára og yngri) fer fram 7. og 8. nóvember

Unglingameistaramót Íslands 2014 fer fram í Rimaskóla dagana 7.- 8. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn “Unglingameistari Íslands 2014” og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.                       

Umferðatafla:            

• Föstudagur 7. nóv.     kl. 20.00                                 3 atskákir
• Laugardagur 8. nóv.:  kl. 17.00                                 4 atskákir

Að móti loknu verður verðlaunaafhending.           

Tímamörk:                  25 mín + 10 sek. viðbótartími á hvern leik   

Þátttökugjöld:            kr. 2.000.-

Skráning:                    http://www.skak.is og [e-mail]  

Skráningu lýkur fimmtudaginn 6. nóvember.

Íslandsmót 15 ára og yngri haldið 8. og 9. nóvember

Skákþing Íslands 2014 -  drengja-og telpnameistaramót (15 ára og yngri).

Skákþing Íslands 2014 -   pilta-og stúlknameistaramót (13 ára og yngri).                                       

Keppni á Skákþingi Íslands 2014 - 15 ára og yngri (fædd 1999 og síðar) og 13 ára og yngri (fædd 2001 og síðar) verður haldið í Rimaskóla  dagana 8. og 9. nóvember nk.  Tefldar verða 9 umferðir eftir monrad kerfi og er umhugsunartími 25 mín. + 10 sek. viðbótartími á hvern leik.  Teflt verður í einum flokki.

Umferðataflan er þannig:

Laugardagur 8. nóvember     

• kl. 12.00                     1. umferð
• kl. 13.00                     2. umferð
• kl. 14.00                     3. umferð
• kl. 15.00                     4. umferð
• kl. 16.00                     5. umferð

Sunnudagur 9. nóvember      

• kl. 11.00                     6. umferð
• kl. 12.00                     7. umferð
• kl. 13.00                     8. umferð
• kl. 14.00                     9. umferð

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: http://www.skak.is og [e-mail]

Skráningu lýkur fimmtudaginn 6. nóvember.

Hilmir Freyr unglingameistari Hugins - Hildur Berglind stúlknameistari Hugins - Mykhaylo sigurvegari unglingameistaramóts Hugins

 

 

Mykhaylo Kravchuk sigraði á unglingameistaramóti Hugins, suðursvæði, sem lauk á þriðjudaginn. Mykhaylo fékk fékk 6 vinning í sjö skákum og það var Hilmir Freyr Heimisson sem sigraði hann í lokaumferðinn eftir að sigurinn var tryggður. Jafnir í öðru og þriðja sæti með 5,5v voru Hilmir Freyr Heimisson og Felix Steinþórsson.

Þeir voru efstir Huginsmanna og þurftu því að tefla einvígi um titilinn. Þar hafði Hilmir Freyr betur í tveimur einvígisskákum og er því unglingameistari Hugins 2014. Hilmir Freyr, sem býr á Patreksfirði, gerði sér sérstaka ferð í bæinn til að taka þátt í mótinu og verja titilinn sem hann hafði unnið næstu tvö ár á undan. Þetta er í annað sinn sem þarf einvígi til að skera úr um þennan titil en síðast var það 1999 þegar Hjörtur Ingvi Jóhannsson sigraði Örn Stefánsson skólafélaga sinn úr Ölduselsskóla.

 

Mykhaylo var einnig í efsta sæti í flokki 12 ára og yngri en þar var Óskar Víkingur Davíðsson í öðru sæti með 5v og Sindri Snær Kristófersson þriðji með 4,5v. Stúlknameistari Hugins varð Hildur Berglind Jóhannsdóttir með 5v en hún sett heilmikið strik í reikninginn í mótinu með því að vinna Hilmir Freyr í annari umferð.

 

Mótshaldið tókst vel og allir keppendur sem hófu mótið luku því nema tveir sem tók mótið eins og venjulega mánudagsæfingu og létu vita af því að þeir gætu ekki mætt á þriðjudeginum. Þetta verður að teljast gott þar sem um er að ræða tveggja daga móti, með 20 mínútur í umhugsunartíma og marga unga þátttakendur. Allir stóðu þeir sig með prýði og tefldu af miklum móð.

Mótið verður reiknað til alþjóðlegra atskákstiga.

Lokastaðan sést hér.

Björgvin og Guðfinnur í sérflokki hjá Ásum.

Björgvin Víglundsson og Guðfinnur R Kjartansson voru með höfuð og herðar yfir aðra skákfélaga sína á Haustskákmóti Ása í gær. Þrjátíu og einn skákmaður mætti til leiks. Tefldar voru tíu umferðir með 10 mínútna umhugsunartíma. Björgvin fékk níu og hálfan vinning - gerði jafntefli við Guðfinn.

Guðfinnur fékk níu vinninga Össur Kristinsson náði hálfum vinning af honum.

Siðan komu þeir jafnir í þriðja til fjórða sæti Ari Stefánsson og Gunnar Finnsson með sex og hálfan vinning. Ari var hærri á stigum og fékk bronsið.

Í hópnum 60 til 70 ára  varð Gunnar Finnsson efstur.

Þór Valtýsson varð efstur í hópnum 70 til 80 ára

Og í elsta hópnum 80 + varð Páll G Jónsson efstur.

Þessir þrír fengu gullpening.

Finnur Kr sá um skákstjórn  og kaffilögun í gær.

Sjá nánari úrslit á meðf. töflu og myndir frá ESE.

 

Guðmundur hlaut 5 vinninga á Spice Cup

Guðmundur Kjartansson (2439) hlaut 5 vinninga af 9 mögulegum á Spice Cup sem lauk fyrir skemmstu í Saint Louis. Guðmundur var í miklum jafnteflisgír en hann gerði sex jafntefli! Gummi endaði í 19. sæti.

Ilya Nyzhnik (2613) sigraði á mótinu en hann hlaut 7 vinninga. Í 2.-3. sæti urðu Ray Robson (2628) og Daniel Naroditsky (2601).

Frammistaða Gumma samsvaraði 2458 og hækkar hann um 2 stig fyrir hana.

 

Úrslit Guðmundar:

Alls tóku 56 skákmenn þátt í mótinu og þar af voru 13 stórmeistarar og 12 alþjóðlegir meistarar. Guðmundur er nr. 19 í stigaröð keppenda. .

• Heimasíða mótsins
  
• Chess-Results
• Beinar útsendingar

Dagur og Oliver unnu í lokaumferðinni

Níunda og síðasta umferð EM ungmenna fór fram í gær. Dagur Ragnarsson og Oliver Aron Jóhannesson, Símon Þórhallsson gerði jafntefli en Gauti Páll Jónsson tapaði. Oliver hlaut 5 vinninga, Símon 4 vinninga en Dagur og Gauti Páll fengu 3,5 vinning. Þeir frændur og félagar, Símon og Gauti Páll, hækka báðir verulega á stigum.

Símon tefldi uppfyrir sig allt mótið og fékk engu að síður tæplega 50% vinningshlutfall. Frammistaða hans samvaraði 2081 skákstigi og hækkar hann um 113(!) skákstig fyrir hana.

Gauti tefldi einnig uppfyrir sig í hverri einustu umferð. Frammistaða hans samsvaraði 1942 sjákstigum og hækkar hann um 77 stig fyrir hana.

Frammistaða Olivers samsvaraði 2053 og lækkar hann um 58 skákstig. Gerði of mörg jafntefli við stiglægri andstæðinga eða sex talsins!

Dagur Ragnarsson náði sér ekki strik. Hann sýndi þó sitt rétta andlit í lokaumferðunum en þar hlaut 2,5 vinning í þremur síðustu skákunum. Frammistaða hans samsvaraði 1877 og lækkar hann um 122 skákstig á mótinu.

• Heimasíða mótsins
• Chess-Results
• Beinar útsendingar

Æskan og Ellin - Skák er fyrir alla

 

 

Síðastliðinn laugardag fór fram í húsnæði Taflfélags Reykjavíkur hið mikla kynslóðabrúarskákmót, Æskan og Ellin, sem var nú haldið í ellefta sinn. Mótið er samstarfsverkefni Riddarans, skákklúbbs eldri borgara, Taflfélags Reykjavíkur og OLÍS sem jafnframt er stærsti bakhjarl mótsins. Að auki veita mótahaldinu góðan stuðning POINT á Íslandi, Urður bókaútgáfa Jóns Þ. Þórs og Litla Kaffistofan í forsvari Stefáns Þormars.

Varðlaunasjóður var glæsilegur; 100.000 kr peningaverðlaun, flugmiðar til Evrópu með Icelandair, eldsneytisúttektir, verðlaunabikarar- og peningar, skákbækur og veitingaúttektir.

Mótinu er ætlað að brúa kynslóðabil skákmanna en það er opið skákmönnum 15 ára og yngri sem og 60 ára og eldri en fyrirkomulagið skapar sérlega skemmtilega stemningu þar sem kátínan skín úr andlitum ungra sem roskna. Skák er svo sannarlega fyrir alla og á sér engin aldursmörk.

Að þessu sinni mættu 81 galvaskir keppendur til leiks í Skákhöllina og því var þétt setið þegar skákklukkurnar hófu slátt sinn eftir sköruleg ræðuhöld Einars S. Einarssonar og hins magnaða Guðna Ágústssonar sem sló reyndar algjörlega í gegn á sinn einstæða máta. Að þrumuræðunni lokinni lék Guðni fyrsta leiknum ásamt hinni sex ára Iðunni Helgadóttur og aldurskóngi mótsins, hinum 87 ára Sverri Gunnarssyni, í skák Braga Halldórssonar og Ottós Bjarka Arnar.

Loftið í Skákhöllinni var rafmagnað þegar keppendur hófu að úða út leikjum og berja á klukkunum og ekki var óalgeng sjón að sjá þá rosknari þurfa að hafa sig alla við gegn hinum yngri og oftar en ekki risu börnin sigri hrósandi upp frá borðum og þá var sko gaman og gleðin skein úr augum.

Það er þó þannig að oft mega hinir nýrri sín lítils gegn mikilli reynslu þeirra sem lengur hafa fetað lífsins spor og um miðbikinn einokuðu höfðingjar mótsins nánast toppbaráttuna. Það var aðeins hinn ungi og eitilharði Vignir Vatnar Stefánsson sem veitti þeim keppni og það verðuga. Kappar á borð við alþjóðlega meistarann Sævar Bjarnason, Gylfa Þór Þórhallsson, Jóhann Örn Sigurjónsson, Braga Halldórsson og Sigurð Herlufsen máttu hafa sig alla við í baráttunni við hinn unga snilling sem knésetti hvern skákmanninn á fætur öðrum.

Ekki voru blóð sviti og tár alfarið bundin við baráttu hinna sterkustu því allstaðar var hart barist um hin fjölmörgu aukaverðalun sem í boði voru. Ungir keppendur náðu eftirtektarverðum árangri og sem lítið brot má þar nefna Sóleyju Lind Pálsdóttur, Róbert Luu, Aron Þór Mai, Óskar Víking Davíðsson, Nansý Davíðsdóttur og Felix Steinþórsson. Margir aðrir og enn yngri keppendur, sumir hverjir enn að stíga sína fyrstu dansa á reitunum svarthvítu, voru skákgyðjunni til mikils sóma.

Spennan var mikil og réðust úrslit ekki fyrr en í lokaumferðinni þegar Bragi lagði Vigni Vatnar eftir mikla dramatík innan borðs sem utan en aðeins Braga og alþjóðlega meistaranum Sævari tókst að sigra ljóshærða víkinginn. Með sigrinum tryggði Bragi sér efsta sætið annað árið í röð og í þriðja sinn á fjórum árum. Bragi hlaut 7,5 vinning úr skákunum níu en að þessu sinni var lítill afgangur af sigrinum því Guðfinnur R. Kjartansson var á miklu flugi í seinni hlutanum og kom í mark jafn Braga að vinningum. Guðfinnur mátti þó gera sér að góðu gott annað sæti eftir stigaútreikning en næstir með 7 vinninga komu Sævar, Jóhann Örn og Vignir Vatnar sem jafnframt varð efstur barna tólf ára og yngri.Aðstandendur mótsins vilja koma á framfæri miklum þökkum til bakhjarla þess og ekki síst til allra þeirra frábæru keppenda sem lögðu leið sína í Faxafenið. Birna Halldórsóttir á líka heiður skilinn fyrir að standa frábæra vakt í hinu margrómaða Birnu-Kaffi. Við vonumst til að sjá ykkur öll að ári!Hér að neðan fylgir yfirlit yfir efstu keppendur í hverjum flokki en heildarúrslit má sjá hér. Þá má benda á fjöldan allan af myndum áfésbókarsíðu Taflfélags Reykjavíkur.

Heildarúrslit·        

1.-2. Bragi Halldórsson, Guðfinnur R. Kjartansson 7,5v
3.-5. Sævar Bjarnason, Jóhann Örn Sigurjónsson, Vignir Vatnar Stefánsson 7v

60 ára og eldri·        

1.-2. Bragi Halldórsson, Guðfinnur R. Kjartansson 7,5v·        
3. Sævar Bjarnason 7v

70 ára og eldri

1. Jóhann Örn Sigurjónsson 7v·       
2.-4. Sigurður Herlufsen, Þór Már Valtýsson, Ásgeir Sigurðsson 6v

80 ára og eldri

1. Björn Víkingur Þórðarson 6v·        
2.-3. Páll G. Jónsson, Magnús V. Pétursson 5v

15 ára og yngri

1.-2. Felix Steinþórsson, Sóley Lind Pálsdóttir 6v·        
3. Aron Þór Mai 5,5v

12 ára og yngri

1. Vignir Vatnar Stefánsson 7v·        
2. Nansý Davíðsdóttir 6,5v·        
3.-4. Arnar Milutin Heiðarsson, Mikael Maron Torfason 5v

9 ára og yngri

1. Óskar Víkingur Davíðsson 6v·        
2. Róbert Luu 5,5v·        
3. Freyr Grímsson 5v

Myndaalbúm (ESE)

Vetrarmót öðlinga hefst í kvöld

Vetrarmót öðlinga 40 ára og eldri hefst miðvikudaginn 29. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.Mótið, sem hefur fengið góðar viðtökur, er nú haldið í fjórða sinn en fyrirkomulag þess hentar vel þeim sem ekki hafa tök á að tefla oft í viku eða yfir heila helgi því aðeins er teflt einu sinni í viku, á miðvikudagskvöldum kl. 19.30. Dagskráin er því ekki stíf og jafnframt lýkur mótinu vel fyrir jólaösina.Þátttökurétt hafa allir öðlingar fertugir (á árinu) og eldri.

Dagskrá:

• 1. umferð miðvikudag 29. október kl. 19.30
• 2. umferð miðvikudag 5. nóvember kl. 19.30
• 3. umferð miðvikudag 12. nóvember. kl. 19.30
• 4. umferð miðvikudag 19. nóvember kl. 19.30
• 5. umferð miðvikudag 26. nóvember kl. 19.30
• 6. umferð miðvikudag 3. desember kl. 19.30
• 7. umferð miðvikudag 10. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.Þátttökugjald er kr. 4.000. Innifalið er frítt kaffi allt mótið. Skráning fer fram á vef Taflfélags Reykjavíkur.

• Vetrarmót öðlinga 2013
• Vetrarmót öðlinga 2012
• Vetrarmót öðlinga 2011