Björgvin hraðskákmeistari SSON

Björgvin S. Guðmundsson varð í kvöld hraðskákmeistari Skákfélags Selfoss og nágrennis.  Átta keppendur mættu til leiks og var tefld tvöföld umferð alls 14 skákir eins og gefur að skilja.

Mótið að mörgu nokkuð jafnt, hraðskákmeistari síðasta árs Magnús Matthíasson tefldi þó af sæmilegu öryggi og leiddi mótið lengst af en aðrir keppendur voru mjög skammt undan.  Magnús sem hafði ekki tapað skák allt mótið mætti síðan Björgvini í síðustu umferð, Björgvin hafði sigur í báðum skákunum og náði þar með að jafna formanninn að vinningum.

Þeir tefldu því bráðabana, tvær skákir, Björgvin vann þá fyrri en Magnús þá síðari, var þá gripið til svokallaðrar heimsendaskákar þar sem dregið var um lit, Björgvin dró svartan og fékk 5 mín á klukkuna en Magnús hafði hvítt og sex mínútur.  Björgvini dugði jafntefli en gerði gott betur og vann skákina örugglega og tryggði sér þar með titilinn.

Lokastaða:

1.Björgvin       10 v
2. Magnús M   10 v
3. Ingimundur  8 v
4. Grantas      7,5 v
5. Úlfhéðinn     7 v
6. Ingvar         7 v
7. Erlingur J     6,5 v
8. Arnar          0 v

Ítarlega og afar skemmtilega frásögn sem og viðtöl frá skákstað má finna á heimasíðu SSON.

Fjölmennt Vetrarmót öðlinga hófst í kvöld

Fjölmennt, Vetrarmót öðlinga, 40 ára og eldri, hófst í kvöld í félagsheimili TR.  29 skákmenn taka þátt sem telst prýðisþátttaka.  Nokkuð var óvænt úrslit og ber þar helst að nefna að Kristinn Jón Sævaldsson (1745), sem lítið hefur sést á skákmótum síðustu ár, vann alþjóðlega meistarann Sævar Bjarnason (2100).  Sigurlaug R. Friðþjófsdóttir (1734) gerði svo jafntefli við eiginmanninn, Jóhann H. Ragnarsson (2081). 

Úrslit fyrstu umferðar má finna hér. Önnur umferð fer fram næstkomandi miðvikudagskvöld.  Röðun hennar má finna hér.

• Heimasíða TR
• Chess-Results

Þröstur með jafntefli í lokaumferðunum

Stórmeistarinn Þröstur Þórhallsson (2436) gerði stutt jafntefli í 8. og 9. umferð Basingstoke-mótinu en mótinu lauk í dag með tveimur síðustu umferðunum.  Í fyrri umferð dagsins gerði hann jafntefli við enska alþjóðlega meistarann Jonathan Hawkins (2511) en í þeirri síðari við enska stórmeistarann Keith Arkell (2456).  Þröstur hlaut 5½ vinning og endaði í 2.-9. sæti.  Enski alþjóðlegi meistarinn Ameet Ghasi (2430) vann mótið en hann hlaut 6½ vinning.

Á morgun fara fram tvær síðustu umferðir mótsins. Í fyrri skákinni teflir hann við stigahæsta keppenda mótsins, enska alþjóðlega meistarann Jonathan Hawkins (2511).  

Árangur Þrastar samsvaraði 2420 skákstigum og lækkar hann um heilt stig fyrir frammistöðu sína.

24 skákmenn tóku þátt í efsta flokki mótsins og þar af voru 4 stórmeistarar.  Þröstur var nr. 6 í stigaröð keppenda.  Tefldar voru tvær skákir alla keppnisdaga mótsins nema þann fyrsta. 

• Heimasíða mótsins
• Beinar útsendingar

Bein útsending frá lokaumferð Íslandsmóts kvenna - Tinna og Lenka efstar

Sjöunda og síðasta umferð Íslandsmóts kvenna hefst nú kl. 19 í kvöld. Lenka Ptácníková og Tinna Kristín Finnbogadóttir eru efstir með 5 vinninga og nokkuð víst að önnur þeirra verður Íslandsmeistari.  Lenka hefur þrívegis hampað titlinum (2006, 2009 og 2010) en Tinna hefur aldrei orðið Íslandsmeistari.  Lenka mætir Doniku Kolica í lokaumferðinni en Tinna mætir Hrund Hauksdóttur.

Verði þær stöllur jafnar þurfa þær að há einvígi um Íslandsmeistaratitilinn. Jóhanna Björg Jóhannsdóttir og Hallgerður Helga Þorsteinsdóttir eru í 3.-4. sæti með 4 vinninga og hafa veika von um Íslandsmeistaratitilinn en til þess þurfa bæði Lenka og Tinna að tapa.

Strax að lokinni umferð verður lokahóf mótsins.

Skákáhugamönnum er bent á tilvalið að mæta í skákhöllina í Faxafeni 12 og fylgjast með lokaumferðinni.  Klukkan 19:30 í kvöld TR fer fram fyrsta umferð Vetrarmóts öðlinga, sem opið er öllum skákmönnum 40 ára og eldri, og fótboltaþystir geta kíkt á milli skákleikja í Billiardstofuna hliðina á Skáksambandinu og fylgst með leik Chelsea og Manchester United í enska deildabikarnum.  

Bein útsending frá lokaumferðinni

  Staða efstu kvenna:

• 1.-2. Lenka Ptácníková og Tinna Kristín Finnbogadóttir 5 v.
• 3.-4. Jóhanna Björg Jóhannsdóttir og Hallgerður Helga Þorsteinsdóttir 4 v.
• 5. Hrund Hauksdóttir 3½ v.
• 6.-8. Elsa María Kristínardóttir, Veronika Steinunn Magnúsdóttir og Donika Kolica 3 v.

Röðun 7. umferðar:

• Hrund (3½) - Tinna (5)
• Donika (3) - Lenka (5)
• Hallgerður (4) - Jóhanna (4)
• Elsa (3) - Svandís (1½)
• Veronika (3) - Ásta (0)
• Hildur (1½) - Nansý (2½)

• Heimasíða mótsins
• Beinar útsendingar
• Chess-Results

Íslandsmót 15 ára og yngri hefst á laugardag

Skákþing Íslands 2012 -  drengja-og telpnameistaramót (15 ára og yngri)

Skákþing Íslands 2012 -   pilta-og stúlknameistaramót (13 ára og yngri)                                                          

Keppni á Skákþingi Íslands 2012 - 15 ára og yngri (fædd 1997 og síðar) og 13 ára og yngri (fædd 1999 og síðar) verður haldið í félagsheimili Taflfélags Reykjavíkur  dagana 3. og 4. nóvember nk.  Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda.  Teflt verður í einum flokki.

Skákstaður: Faxafen 12, Reykjavík

Umferðartaflan:

Laugardagur 3. nóvember      

• kl. 13.00                      1. umferð
• kl. 14.00                      2. umferð
• kl. 15.00                      3. umferð
• kl. 16.00                      4. umferð
• kl. 17.00                      5. umferð

Sunnudagur 4. nóvember       

• kl. 11.00                      6. umferð
• kl. 12.00                      7. umferð
• kl. 13.00                      8. umferð
• kl. 14.00                      9. umferð

                                               

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: http://www.skak.is og [e-mail].

Upplýsingar um þegar skráða keppendur má nálgast hér. 

Unglingameistaramót Íslands (20 ára og yngri) - hefst á föstudag

Unglingameistaramót Íslands 2012 fer fram í Faxafeni 12, Reykjavík dagana 2.- 3. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2012" og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.

Umferðatafla:             

Föstudagur 2. nóv.:

kl. 20.00                                  4 atskákir

Laugardagur 3. nóv.:

kl. 17.00                                  3 atskákir

Að móti loknu verður verðlaunaafhending og lokahóf.

Tímamörk:                   25 mín + 10 sek. viðbótartími á hvern leik     

Þátttökugjöld:             kr. 2.000.-

Skráning: http://www.skak.is og [e-mail].

Vetrarmót öðlinga hefst í kvöld

Vetrarmót öðlinga 40 ára og eldri hefst miðvikudaginn 31. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.

Skráning fer fram á heimasíðu TR.  Upplýsingar um þegar skráða keppendur má nálgast hér.

Mótið er nú haldið í annað sinn en það fékk frábærar viðtökur í fyrra þegar 47 keppendur skráðu sig til leiks og var þátttökulistinn vel skipaður.  Meðalstig tíu stigahæstu keppendanna voru rúm 2.200 og næstu tíu tæp 2100.  Aðeins er teflt einu sinni í viku, á miðvikudagskvöldum kl. 19.30, og mótinu lýkur vel fyrir jól.

Þátttökurétt hafa allir öðlingar fertugir og eldri.

Dagskrá:

• 1. umferð miðvikudag 31. október kl. 19.30
• 2. umferð miðvikudag 7. nóvember kl. 19.30
• 3. umferð miðvikudag 14. nóvember. kl. 19.30
• 4. umferð miðvikudag 21. nóvember kl. 19.30
• 5. umferð miðvikudag 28. nóvember kl. 19.30
• 6. umferð miðvikudag 5. desember kl. 19.30
• 7. umferð miðvikudag 12. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.

Þátttökugjald er kr. 4.000. Innifalið er frítt kaffi allt mótið.

Skráning fer fram á http://www.taflfelag.is/

Hraðskákmeistarmót SSON fer fram í kvöld

Næstkomandi miðvikudagskvöld fer fram Hraðskákmeistarmót Skákfélags Selfoss og nágrennis, taflmennska hefst kl 19:30 og venju samkvæmt verður teflt í Selinu.

Tefldar verða 5 mín skákir, tvöföld umferð.

Núverandi hraðskákmeistari SSON er Magnús Matthíasson

"Ein besta bók ársins 2012"

Fjallað er um bók Helga Ólafssonar í nýjasta tölublaði breska skáktímaritsins CHESS Magazine.  Óhætt er að segja að bók Helga fái góða tíma en höfundur greinarinnar tekur svo til orða að hér sé á ferðinni ein besta bók ársins 2012.

Dóminn má nálgast hér sem word-viðhengi.

Best er fyrir íslenska skákáhugamenn að nálgast bókina í gegnum Sigurbjörn "bóksala" Björnsson, umboðsmanns New In Chess á Íslandi.  Bóksölu vef Sigurbjörns má nálgast á slóðinni: http://skakbaekur.blog.is/blog/skakbaekur/.

Skrár tengdar þessari bloggfærslu:

• Ritdómur um Bobby Fischer Comes Home

Guðfinnur efstur í Ásgarði í dag

Í dag mættu tuttugu og þrír heldri skákmenn til leiks á hvítum reitum og svörtum. Skákkempurnar Guðfinnur R Kjartansson og Jóhann Örn Sigurjónsson urðu efstir og jafnir með 9 vinninga af 10 mögulegum, en Guðfinnur reiknaðist örlítið hærri á stigum og kallast því Hrókur dagsins.  Það er í fjórða sinn á þessu hausti sem Guðfinnur nær þeim árangri. Í þriðja sæti varð svo Gísli Sigurhansson  með 7 vinninga.

Nánari úrslit:

1-2       Guðfinnur R Kjartansson                                9          45 stig

            Jóhann Örn Sigurjónsson                                9          44.5

3          Gísli Sigurhansson                                          7

4          Valdimar Ásmundsson                                   6.5

5-6       Ásgeir Sigurðsson                                           6

            Birgir Ólafsson                                                6

7-9       Jón Víglundsson                                             5.5

            Þorsteinn K Guðlaugsson                               5.5

            Jónas Ástráðsson                                             5.5

10-14   Haraldur Axel Sveinbjörnsson                        5

            Jón Steinþórsson                                             5

            Viðar Arthúrsson                                            5

            Magnús V Pétursson                                       5

            Gísli Árnason                                                  5

Næstu níu skákmenn fengu örlítið færri vinninga.