KR-pistill: Gunni Gunn gerir það gott

Hraðskákmótin í Vesturbænum eru ekki heiglum hent.  Þar mætast sannarlega stálin stinn öll mánudagskvöld árið um kring. Tefldar eru þrettán umferðir í striklotu og engin miskunn sýnd. Ekki staður fyrir þá sem haldnir eru „áfallahliðrunarhambrigðapersónuleikastreituhugröskun" eða öðru hugarvíli.  

Í KR-heimilinu við Frostaskjól verða menn að vera við öllu búnir og  taka því sem óvænt að höndum ber með jafnaðargeði, viðbúnir að snúa vörn í sókn ef á móti blæs.  Ákvörðunarfælni eða  rangt stöðumat að hætti Njáls á Bergþórshvoli dugir ekki ef landa á vinningi, sem telur jafnt hvernig sem hann er fenginn. Skákstöðumatssundurgreiningartæknihæfileikinn eða appið þarf að vera innbyggt ef vel á að fara. Snjallar og snartölvur eru óleyfileg hjálpartæki skáklífsins, eins og alkunna er.  

Ekki er svo að sjá að aldurinn hái mönnum að ráði við taflborðið enda viðtekin staðreynd að heilabrot séu heilsubót.  Aldurforsetinn Gunnar Kr. Gunnarsson, Íslandsmeistari í báða enda,  hefur borið sigur úr bítum í tveimur síðustu mótum með 11 vinningum. Geri aðrir betur í svo harðsnúnum hópi nærri áttræðir.  Gunnar vann gullverðlaun í sínum aldurflokki, 76-80 ára,  í Skákmóti kynslóðanna, Æskunni & Ellinni, um síðustu helgi og fór létt með það.   

Næstbestur í mótinu í gærkvköldi var hinn þjóðkunni skákmeistari, sagnfræðingur og bókaútgefandi Jón Þ. Þór með 9½ og  þriðji bestur Guðfinnur R. Kjartansson,  Viðeyjarundrið sjálft, með 9 vinninga,  jafn Gunnari Birgissyni, þungaviktarmanni og meistara úr Kópavogi, sem varð fjórði á stigum.  Guðfinnur sem teflir manna mest og best, varð einnig þriðji í síðustu viku og er vaxandi skákmaður, þó nýorðið löggilt gamalmenni sé, en þá náði Stefán Þormar Guðmundsson, Hellisheiðarséni m.m. öðru sætinu.  Gunnar sem er afar slyngur og slóttugur skákmaður, þrautgóður á raunastund, hefur reynst  mörgum þungur í skauti við taflborðið að undanförnu enda unnið 12 mót það sem af er ári.  Sjá nánar meðf. mótstöflu og myndir.

Stjórn Skákdeildar KR undir styrkri forystu Kristján Stefánssonar, hrl., ástríðuskákmanns, rær nú að því öllum árum að fá dagatalinu breytt - í ljósi þess að bæði aðfangadag og gamlaársdag ber að þessu sinni upp á mánudaga. Þetta mun að öllu óbreyttu raska mótaáætlun klúbbsins alvarlega og geta leit til ófyrirsjáanlegra  geðraskanna, sem er með öllu  óþarft og óásættanlegt.

 „Þessu þarf að kippa í liðinn", segir formaðurinn, að hætti Castró Kúpuforseta.

Pistill eftir Einar S. Einarsson.

Meira á www.kr.is (skák).

Þröstur vann og tapaði í dag

Stórmeistarinn vann bæði og tapaði í umferðum dagsins á Basingstoke-mótinu í Englandi en sjötta og sjöunda umferð fóru fram í dag.  Í fyrri skák dagsins tapaði hann fyrir enska alþjóðlega meistaranum Ameet Ghasi (2430) en í þeirri síðari vann hann Englendinginn Rowan Brown (2165).  Þröstur hefur 4½ vinning og er í 2.-6. sæti.  Ghasi er efstur á mótinu með 5½ vinning.

Á morgun fara fram tvær síðustu umferðir mótsins. Í fyrri skákinni teflir hann við stigahæsta keppenda mótsins, enska alþjóðlega meistarann Jonathan Hawkins (2511).  

24 skákmenn taka þátt í efsta flokki mótsins og þar af eru 4 stórmeistarar.  Þröstur er nr. 6 í stigaröð keppenda.  Tefldar eru tvær skákir alla keppnisdaga mótsins nema þann fyrsta.  Umferðirnar hefjast kl. 10 og 15.

• Heimasíða mótsins
• Beinar útsendingar

Enn um svindlið í Bundesligunni

Á laugardaginn síðasta var fjallað hér á Skák.is um meint svindl þýska stórmeistarans Falko Bindrich í þýsku Bundesligunni, þar sem dæmt var tap á hann í skák hans gegn stórmeistastaranum Sebastian Siebrecht eftir aðeins 10 leiki þar sem hann neitaði að afhenda skákstjóranum smartsíma sinn.  Umfjöllun Skák.is byggðist á umfjöllun Chessbase sem fjallaði ítarlega um málið.

Chessbase fjallar enn um málið í dag og birtir m.a. viðbrögð lesenda við umfjöllunni.  Birt eru hér nokkur sýnishorn en meira er hægt að lesa um viðbrögð lesenda á Chessbase.

Banned for two years? Why not banned for life? Such GMs disgrace chess in the same way Lance Armstrong has disgraced cycling. They are worthy of all disrespect.

og

Why does Mr Bindrich or any other chess player need to carry a phone around with him during a game. I would have no problem in surrendering my mobile phone and any other peripheral devices to the organisers before the start of any match/tournament game.  

og

In my opinion cases of cheating are still the exception, and the big majority - I think I can safely speak of 99% of all chess players - would never commit such actions, but the 1% who will are destroying the game. Newspapers will again start reporting on chess, but in a negative vein. Chess is suffering enough from the financial and bank crises. It doesn't need this additional problem.  

Í lok umfjöllunnar er grein frá Kung-Ming Tiong, aðstoðarprófessor frá Malasíu, sem vill taka upp svipaður reglur við salernisferðir skákmenn og þeirra sem taka próf í háskólum.  

Nánar á Chessbase.

Örn Leó sigurvegari hraðkvölds Hellis

Örn Leó Jóhannsson sigraði með 6v í sjö skákum á jöfnu og spennandi hraðkvöldi sem fram fór 29. október. Örn Leó gerði jafntefli við Pál Andrason  og Gauta Pál en vann aðra andstæðinga. Annar varð Vigfús Ó. Vigfússon með 5v. Næstir komu 5 keppendur með 4,5v en þeirra fremstur á stigum og þar með í þriðja sæti varð Gauti Páll Jónsson. Örn Leó dró svo Hafliða út í happdrættinu en Hafliði er ekki ókunnur því hlutskipti frá fornu fari.

Næsta skákkvöld í Hellisheimilinu verður næstkomandi mánudagskvöld 5. nóvember kl. 20. Þá verður einnig hraðkvöld.

Lokastaðan á hraðkvöldinu:

 Nr.  Nafn                       Vinn.  M-Buch. Buch.  Progr.

  1   Örn Leó Jóhannsson,         6      22.0   30.5   25.0
  2   Vigfús Ó. Vigfússon,        5      21.0   28.5   18.0
 3-7  Gauti Páll Jónsson,         4.5    20.0   27.5   18.5
      Páll Andrason,              4.5    19.0   25.5   20.5
      Kristján Halldórsson,       4.5    18.5   26.0   18.0
      Gunnar Nikulásson,          4.5    18.0   25.5   17.5
      Hafliði Hafliðason,         4.5    15.5   22.0   16.5
  8   Kristófer Ómarsson,         4      18.5   25.0   14.0
  9   Tómas Árni Jónsson,         3.5    18.5   24.0   15.0
 10   Bjarni Guðmundsson,         3      18.5   23.5   14.0
11-12 Björgvin Kristbergsson,     2      19.0   25.5    5.0
      Erik Daniel Jóhannesson,    2      15.5   20.5    9.0
 13   Pétur Jóhannesson,          1      16.5   22.5    5.0

Heimir Páll efstur á unglingameistaramóti Helli

Heimir Páll Ragnarsson er efstur eftir fyrri hlutann á unglingameistaramóti Hellis sem fram fór fyrr í gær. Heimir Páll vann Hilmi Frey í viðureign efstu manna í fjórðu umferð og er einn efstur fjóra vinninga eftir jafn margar umferðir. Annar er Vignir Vatnar Stefánsson með 3,5v og næst koma Hilmir Freyr Heimisson, Svandís Rós Ríkharðsdóttir og Hildur Berglind Jóhannsdóttir með 3v.

Fimmta umferð verður tefld á dag þriðjudaginn 30. október og hefst kl. 16.30. Í dag verða tefldar þrjár síðustu umferðirnar.

Staðan eftir 4. umferðir:

1.         Heimir Páll Ragnarsson          4v/4

2.         Vignir Vatnar Stefánsson        3,5v

3.-5.     Hilmir Freyr Heimisson            3v

3.-5.    Svandís Rós Ríkharðsdóttir      3v

3.-5.    Hildur Berglind Jóhannsdóttir   3v

6.-8.     Mikhael Kravchuk                    2,5v

            Felix Steinþórsson                   2,5v

            Jakob Alexander Petersen      2,5v

9.-14.   Birgir Ívarsson                         2v

             Jóhann Arnar finnsson            2v

             Óskar Víkingur Davíðsson       2v

              Pétur Ari Pétursson                2v

              Sigurður Kjartansson              2v

              Alec Sigurðarson                     2v

15.-16.   Halldór Atli Kristjánsson          1,5v

               Kristófer Stefánsson              1,5v

17.-21.    Jón Otti Sigurjónsson             1v

               Þorsteinn Magnússon             1v

               Kjartan Helgi Guðmundsson    1v

               Sindri Snær Kristófersson        1v

               Brynjar Haraldsson                  1v

 

Röðun 5. umferðar

1.   Vignir Vatnar - Heimir Páll

2.   Hildur Berglind - Hilmir Freyr

3.   Jakob Alexander - Svandís Rós

4.   Felix Steinþórsson - Mikhael Kravchuk

5.   Jóhann Arnar - Birgir Ívarsson

6.   Óskar Víkingur - Pétur Ari

7.   Alec Sigurðarson - Sigurður Kjartansson

8.   Jón Otti - Halldór Atli

9.   Kristófer Stefánsson - Sindri Snær

10.  Þorsteinn Magnússon - Kjartan Helgi

Vetrarmót öðlinga hefst á morgun

Vetrarmót öðlinga 40 ára og eldri hefst miðvikudaginn 31. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.

Mótið er nú haldið í annað sinn en það fékk frábærar viðtökur í fyrra þegar 47 keppendur skráðu sig til leiks og var þátttökulistinn vel skipaður.  Meðalstig tíu stigahæstu keppendanna voru rúm 2.200 og næstu tíu tæp 2100.  Aðeins er teflt einu sinni í viku, á miðvikudagskvöldum kl. 19.30, og mótinu lýkur vel fyrir jól.

Þátttökurétt hafa allir öðlingar fertugir og eldri.

Dagskrá:

• 1. umferð miðvikudag 31. október kl. 19.30
• 2. umferð miðvikudag 7. nóvember kl. 19.30
• 3. umferð miðvikudag 14. nóvember. kl. 19.30
• 4. umferð miðvikudag 21. nóvember kl. 19.30
• 5. umferð miðvikudag 28. nóvember kl. 19.30
• 6. umferð miðvikudag 5. desember kl. 19.30
• 7. umferð miðvikudag 12. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.

Þátttökugjald er kr. 4.000. Innifalið er frítt kaffi allt mótið.

Skráning fer fram á http://www.taflfelag.is/

Lenka og Tinna efstar fyrir lokaumferð Íslandsmóts kvenna

Lenka Ptácníková og Tinna Kristín Finnbogadóttir eru efstar með 5 vinninga að lokinni sjöttu umferð Íslandsmóts kvenna sem fram fór í kvöld.  Lenka vann Íslandsmeistarann Elsu Maríu Kristínardóttur, en Tinna gerði jafntefli við Hallgerðu Helgu Þorsteinsdóttur.  Hallgerður er í 3.-4. sæti með 4 vinninga ásamt Jóhönnu Björg Jóhannsdóttur.  Sjöunda og síðasta umferð Íslandsmótsins fer fram á miðvikudagskvöldið.  Þá teflir Tinna við Hrund Hauksdóttur en Lenka við Doniku Kolica.

Röðun 7. umferðar

• Tinna (4½) - Hallgerður (3½) ½-½
• Lenka (4) - Elsa (3) 1-0
• Jóhanna (3) - Veronika (3) 1-0
• Nansý (2) - Hrund (3) ½-½
• Ásta (0) - Donika (2) 0-1
• Svandís (1) - Hildur (1) ½-½

  Staða efstu kvenna:

• 1.-2. Lenka Ptácníková og Tinna Kristín Finnbogadóttir 5 v.
• 3.-4. Jóhanna Björg Jóhannsdóttir og Hallgerður Helga Þorsteinsdóttir 4 v.
• 5. Hrund Hauksdóttir 3½ v.
• 6.-8. Elsa María Kristínardóttir, Veronika Steinunn Magnúsdóttir og Donika Kolica 3 v.

Röðun 7. umferðar:

• Hrund (3½) - Tinna (5)
• Donika (3) - Lenka (5)
• Hallgerður (4) - Jóhanna (4)
• Elsa (3) - Svandís (1½)
• Veronika (3) - Ásta (0)
• Hildur (1½) - Nansý (2½)

• Heimasíða mótsins
• Beinar útsendingar
• Chess-Results

Þröstur með tvo sigra í dag

Stórmeistarinn Þröstur Þórhallsson (2436) vann sínar skákir í 4. og 5. umferð alþjóðlega mótsins í Basingstoke í Englandi í dag.  Þröstur hefur 3½ vinning og er í 2.-6. sæti.

Fórnarlömb dagsins voru enski skákmaðurinn Edmund C. Player (2215) og velski alþjóðlegi meistarinn James Cobb (2423). 

Tvær umferðir eru tefldar á morgun.  Í þeirri fyrri mætir Þröstur enska alþjóðlega meistaranum Ameet Ghasi (2430).  Andstæðingur Þrastar leiðir á mótinu með 4 vinninga.

24 skákmenn taka þátt í efsta flokki mótsins og þar af eru 4 stórmeistarar.  Þröstur er nr. 6 í stigaröð keppenda.  Tefldar eru tvær skákir alla keppnisdaga mótsins nema þann fyrsta.  Umferðirnar hefjast kl. 10 og 15.

• Heimasíða mótsins
• Beinar útsendingar

Bein útsending frá sjöttu og næstsíðustu umferð Íslandsmót kvenna

Sjötta og næstsíðasta umferð Íslandsmóts kvenna hefst núna í kvöld kl. 19.  Spennan eykst á mótinu og er nú svo komið að baráttan virðist standa á milli þeirra Tinnu Kristínar Finnbogadóttur, sem leiðir með 4½ vinninga. Lenku Ptácníkovú, sem er önnur með 4 vinninga og Hallgerðar Helgu Þorsteinsdóttur, sem er þriðja með 3½ vinning.

Í umferð kvöld mætast Tinna og Hallgerður í aðalskák umferðarinnar.  Lenka mætir hins vegar Íslandsmeistaranum Elsu Maríu Kristínardóttur.  

Skákáhugamenn eru hvattir til að láta sjá sig á skákstað enda er þar góð stemming og boðið upp á léttar veitingar. 

Bein útsending frá sjöttu umferð

Röðun 6. umferðar (mánudagur kl. 19):

• Tinna (4½) - Hallgerður (3½)
• Lenka (4) - Elsa (3)
• Jóhanna (3) - Veronika (3)
• Nansý (2) - Hrund (3)
• Ásta (0) - Donika (2)
• Svandís (1) - Hildur (1)

  Staða efstu kvenna:

• 1. Tinna Kristín Finnbogadóttir 4½ v.
• 2. Lenka Ptácníková 4 v.
• 3. Hallgerður Helga Þorsteinsdóttir 3½
• 4.-7. Jóhanna Björg Jóhannsdóttir, Elsa María Kristínardóttir, Veronika Steinunn Magnúsdóttir og Hrund Hauksdóttir 3 v.

• Heimasíða mótsins
• Beinar útsendingar
• Chess-Results

Tómas Veigar sigraði á 15 mínútna móti

Í gær fór fram eitt af hinum vel þekktu 15 mínútna mótum Skákfélags Akureyrar.  Að þessu sinni ákvað lýðræðið að notast við 15 mínútna umhugsunartíma, aðallega til tilbreytingar.

Mótið var gríðarlega vel skipað góðum mönnum og fóru leikar sem hér segir;

1. Tómas Veigar Sigurðarson 4 v
2. Sigurður Eiríksson 3,5
3. Karl Egill Steingrímsson 3
4. Símon Þórhallsson 2,5
5.-6. Atli Benediktsson og Benedikt Bragi Pálmason 1

Heimasíða SA