Lenka með jafntefli í gær

Lenka Ptácníková (2310) gerði jafntefli í gær við frönsku landsliðskonuna og alþjóðlega meistarann Sophie Milliet (2406) í fimmtu umferð EM kvenna sem fram fór í gær. Lenka hefur 3 vinninga og er í 25.-47. sæti. Í sjöttu umferð, sem fram fer í dag, teflir Lenka við alþjóðlega meistarann Sopiko Guramishvili (2402) frá Georgíu. Skákin verður í beinni á vefsíðu mótsins.

Þrjár skákkonur eru efstar og jafnar með 4,5 vinning. Það eru Natalia Zhukova (2451), Úkraínu, Nana Dzagindze (2541), Georgíu, og Valentina Gunina (2501), Rússlandi, fyrrverandi Evrópumeistari kvenna.

Alls taka 116 skákkonur frá 26 löndum þátt og þar af flestar sterkustu skákkonur Evrópu. Fjórtán efstu sætin veita keppnisrétt á Heimsbikarmótinu (World Cup) að ári. Lenka er nr. 51 í stigaröð keppenda.

• Heimasíða EM kvenna
• Chess-Results
• Beinar útsendingar (hefjast kl. 12)

Fyrirlestur Guðmundar G. um Lewis taflmennina í Fischersetri í dag

Föstudaginn 11. júlí n.k. verður Guðmundur G. Þórarinsson með fyrirlestur um Lewis taflmennina í Fischersetri kl. 16.00. En  Lewis taflmennirnir eru taldir elsta fyrirmynd nútíma taflmanna.  Þeir fundust á Lewis eyju við strönd Skotlands og taldir vera rúmlega 800 ára gamlir. Og álíta Bretar þá eina af sínum merkustu fornmunum.  Margar kenningar eru uppi um uppruna þeirra, en Guðmundur G. Þórarinsson hefur aflað þeirra gagna er renna styrkum stoðum undir þá kenningu að þeir séu upprunalega frá Íslandi.

Þá má geta þess að þessi dagur 11. júlí er jafnframt afmælisdagur Fischerseturs, en þá var það opnað fyrir ári síðan.  Af þessu tilefni verður frítt inn í Fischersetrið þennan dag og á fyrirlesturinn.

Lenka vann aftur í gær

Lenka Ptácníková (2310) vann sigur í á  Aytan Amrayeva (2065) frá Aserbaídsjan í fjórðu umferð EM kvenna sem fram fór í gær. Lenka hefur nú 2½ vinning og er í 25.-43. sæti. Sex skákkonur eru efstar og jafnar með 3½ vinning. Fimmta umferð fer fram í dag og þá teflir Lenka við frönsku landsliðskonuna og alþjóðleglega meistarann Sophie Milliet (2406). Skákin hefst kl. 12 og er sýnd beint á vefsíðu mótsins.

Alls taka 116 skákkonur frá 26 löndum þátt og þar af flestar sterkustu skákkonur Evrópu. Fjórtán efstu sætin veita keppnisrétt á Heimsbikarmótinu (World Cup) að ári. Lenka er nr. 51 í stigaröð keppenda.

• Heimasíða EM kvenna
• Chess-Results
• Beinar útsendingar (hefjast kl. 12)

Magnús Örn til liðs við Hugin

FIDE-meistarinn Magnús Örn Úlfarsson (2380) er genginn til liðs við Skákfélagið Hugin.  Þessi geðþekki keppnismaður hefur lengi verið í fremstu röð íslenskra skákmanna þó að hann teljist enn ungur að árum.

Meðal afreka Magnúsar Arnar á skáksviðinu má nefna sæmdarheitið Unglingameistari Íslands 20 ára og yngri, sem hann ávann sér árið 1994, og titilinn Hraðskákmeistari Íslands árið 2003.

Magnús er ekki síður farsæll í starfi en rimmunni á hvítum reitum og svörtum, því hann er nýskipaður prófessor í rafmagns- og tölvuverkfræði við Háskóla Íslands.

Við bjóðum Magnús Örn velkominn í raðir okkar Huginsmanna og vonumst til að njóta atfylgis hans vel og lengi.

Lenka með góðan sigur á EM kvenna í gær

Lenka Ptácníková (2310) vann góðan sigur í hörkuskák í þriðju umferð EM kvenna sem fram fór í Plovdid í Búlgaríu í gær. Andstæðingur hennar var búlgarska skákkonan Svetla Yordanova (2101) sem er FIDE-meistari kvenna. Lenka hefur 1½ vinning eftir þrjár umferðir.

Þrár skákkonur eru efstar með fullt hús. Það eru Natalia Zhukova (2451), Úkraínu, Nana Dzagnidze  (2541), Georgíu, og Lilit Mkrtchian  (2446), Armeníu.

Fjórða umferð fer fram í dag og hefst kl. 12 og og verður Lenka í beinni. Andstæðingur hennar verður Aytan Amrayeva (2065) frá Aserbaídsjan.

Alls taka 116 skákkonur frá 26 löndum þátt og þar af flestar sterkstu skákkonur Evrópu. Fjórtán efstu sætin veita keppnisrétt á Heimsbikarmótinu (World Cup) að ári. Lenka er nr. 51 í stigaröð keppenda.

• Heimasíða EM kvenna
• Chess-Results
• Beinar útsendingar (hefjast kl. 12)

Ólympíuskákmótið: Bátagisting og vandræði með vegabréfsáritanir

Töluverðar umræður hafa verið um Ólympíuskákmótið í Tromsö á samfélagsmiðlunum Facebook og Twitter undanfarið. Stafar það að því að vandræði hafa verið með gistingu í bæjarfélaginu, deilum um hvort að Norðmönnum sé heimilt að setja €100 gjald á hvern gest og ekki síst um vegabréfsáritanir en Kirsan Ilyumzhinov, forseti FIDE, hefur skrifað bréf á Ernu Solberg, forsætisráðherra Noregs, þar sem hann hvetur hana til að ganga í málið en sumar Afríkuþjóðir hafa þar lent í vandræðum.

Fyrir skemmstu birtist skýrsla gjaldkera FIDE, Nigel Freeman, á vefsíðu FIDE. Þar segir:

1. The Organisers confirm that there is sufficient room for the players, team captains, delegates, commission members, coaches and congress participants. They cannot guarantee that they can find room for all accompanying persons. They are using extra hotels and rooms in hotels that have not been seen by FIDE. They will also be using a boat. FIDE have insisted that the Organisers ensure that the players come first regarding accommodation. 

2. The Organisers are aware that there are problems regarding closet and hanging space in several hotels and are trying to address the situation, but no solution has yet been found. 

3. The Organisers are negotiating to find a solution regarding laundry costs with the two companies providing such a service in Tromso and the hotels. 

4. The Organisers are not willing to purchase the 50x50 tables that the Chief Arbiter needs for the Match Arbiters, despite the Tournament Director agreeing that they are needed. 

5. The Organisers are doubling the capacity of the lights but are not sure if this will reach the required minimum of 800 lumen. 

6. FIDE still does not accept the €100 charge for Transportation that the Organisers did not include in their initial bid. The Organisers claim it is necessary because of there being more teams than expected. 

Ritstjóri hefur í gegnum tíðina ekki séð áður deilur á milli mótshaldara og FIDE á sambærilegan hátt. Ef til spilar þar inn í að síðustu mót hafa farið haldin af Rússum og Tyrkjum sem eru í stuðningsliði Kirsans. Það eru Norðmenn hins vegar ekki. Ekki voru þau mót vandræðalaus. Til dæmis var mótið á Tyrklandi haldið nánast við flugvöllinn í Istanbul og hótelinn í Khanty Manskiesk voru tilbúin rétt nokkrum dögum fyrir mót og varla það.

Í dag barst reikningur frá mótshöldurum upp á NOK 800 fyrir hvern gest. Upphæð sem samsvarar ofangreindum €100 á mann. 

Engu að síður vekja vandræði Norðmanna athygli. Það er ekki gott ef lýsing er ekki nægjanleg né að viðhlýtandi borð séu  ekki til staðar fyrir skákstjóra.

Mesta athygli vekja hins vegar gistimál mótsins.  Sér í lagi ef það verður boðið upp á gistingu í bát!

Varla hafði skýrsla Nigles Freemans birst á heimasíðu FIDE þegar birt var á sömu síðu opið bréf frá Kirsan Ilyumzhinov til Ernu Solberg forsætisráðherra Noregs. Þar segir meðal annars:

When bidding for the Olympiad, Norway and the city of Tromso declared that all countries in the world will get visas to attend this worldwide event.

Now we are less than one month from the event and only recently we have learnt from several Federations who have no Norwegian Consulates in their country that they have to travel to another country to apply and collect their visas and moreover, each and every member of the respective team (sometimes 12-15 people) have to do it individually in person.

I would like to mention this has no precedents in the history of FIDE and probably not in any other sport.

............

I wonder whether this problem will be solved before the decision on the Winter Olympic Games 2022 is taken, and in case of a positive solution, whether it can also refer to the coming event in Tromso.

Your Excellency, I am approaching you with the request to use your authority to instruct relevant Norwegian institutions to find a way for solving the problem and avoiding a worldwide chaos.

Mótshaldarar svöruðu í dag og virðast því miður fyrir sumar Afríkuþjóðir ekki bjóða upp á góðar lausnir. Í svarskeyti Norðmanna segir meðal annars:

This means that one must appear at a Norwegian embassy to supply fingerprints. If Norway does not have an official office in a country, then one must go to the closest country with Norwegian ambassadorial representation. We fully understand that this is extremely frustrating if, for example, you are from Gambia and need to travel to Ghana to get a Norwegian visa.

The current problem is not that participants will not receive visas, but rather that they may be compelled to travel far to do so. 

Þetta er varla ásættanleg lausn fyrir sumar þjóðir (þar sem Norðmenn reka ekki utanríkisþjónustu) að þurfa að ferðast til annarra landa til að fá vegabréfsáritanir. Þegar menn taka að sér stórkeppnir verður einfaldlega slíkt að vera í lagi.

Óvissa fyrir Ólympíuskákmót er hins vegar þekkt meðal skákmanna. Reynslan er sú að málin eru yfirleitt leyst í tæka tíð og væntanlega tekst Norðmönnum og FIDE að tækla útistandandi mál í tíma.

Íslensku liðin hlakka til fararinnar - hvort sem þú muni búa á hótel eða í báti!

Lenka með hálfan vinning eftir tvær umferðir

EM kvenna hófst í fyrradag í Plovdid í Búlgaríu. Meðal keppenda er Lenka Ptácníková (2310). Lenka hefur ekki byrjað vel og eftir tvær umferðir hefur Lenka hlotið hálfan vinning.

Hægt er að nálgast úrslit Lenku á Chess-Results.

Meðal keppenda er langflestar sterkustu skákkonur Evrópu. Nýjar reglur FIDE, sem kynntar voru á Skák.is fyrir skemmstu hafa  tekið gildi. Lenka segir á Facebook:

Hér fólk segir, að ekki aðeins farsímar, heldur líka myndarvélar er ekki leyfilegt að taka með sér...þá sem hægt sé að taka myndir af skákbókum og geyma þeim inni. Er það aðeins hér á EM kvenna, eða gildir það alment?  

Ritstjóri hefur aldrei heyrt um þetta áður. Sennilega er þetta afleiðing af nýrri grein í lögum FIDE:

During play, a player is forbidden to have a mobile phone and/or other electronic means of communication in the playing venue. 

Myndavélar eru sífellt að vera öflugri og nú má finna finna myndavélar með þráðlausu neti.Íslenskir skákmenn þurfa þó ekki að örvænta því í sömu grein segir einnig:

The rules of a competition may specify a different, less severe, penalty.   

Það er ólíklegt að íslenskir mótshaldarar muni banna myndavélar á skákmótum hér!

Þriðja umferð hjá Lenku hefst kl. 12. Þá teflir hún við búlgörsku skákkonuna Svetla Yordanova (2101) sem er FIDE-meistari kvenna. Sú skák verður sýnd í beinni.

• Heimasíða EM kvenna
• Chess-Results
• Beinar útsendingar (hefjast kl. 12)

Úrslitin í Evrópukeppni landsliða í bréfskák hafin

Úrslitakeppni Evrópumóts landsliða í bréfskák er nýhafin, en þar er íslenska liðið meðal keppenda eftir góðan árangur í undanúrslitunum. Þrettán lið tefla um titilinn, átta skákmenn í hverju liði. Hver skákmaður mun því tefla 12 skákir. Eftirtalin lönd taka þátt: Austurríki, England, Holland, Ísland, Ísrael, Ítalía, Litháen, Rússland, Slóvakía, Slóvenía, Svíþjóð, Úkraína og Þýskaland.

Íslenska landliðið er þétt skipað og til gamans má nefna að þetta er sterkasta bréfskáklandslið sem Ísland hefur stillt upp með frá upphafi enda til mikils að vinna:

1. Daði Örn Jónsson                           2531
2. Jón Árni Halldórsson                      2482
3. Jón Adólf Pálsson                           2459
4. Árni H. Kristjánsson                       2451
5. Þorsteinn Þorsteinsson                  2438
6. Eggert Ísólfsson                             2416
7. Áskell Örn Kárason                        2410
8. Jónas Jónasson                               2401

Þýska liðið er sterkast á pappírnum og eru meðalstig þeirra 2588, þar á eftir koma Ítalir með 2574 meðalstig og Rússar með 2526 meðalstig. Íslenska liðið er með 2448 meðalstig.

Að jafnaði lækka meðalstig innan við 25 stig á milli borða í mótinu. Það hefur í för með sér að hægt er að ná stórmeistaraáfanga á öllum borðum. Þá má geta þess að hvorki fleiri né færri en fimm heimsmeistarar taka þátt í úrslitakeppninni.

Hægt er að fylgjast með gangi mála á slóðinni:  http://www.iccf-webchess.com/event?id=44123

Skákþáttur Morgunblaðsins: Magnús Carlsen er þrefaldur heimsmeistari

Heimsmeistarinn Magnús Carlsen varð að láta sér lynda 2. sætið á norska stórmótinu sem lauk í Stafangri um miðjan mánuðinn. En frá Noregi lá leiðin beint til Dubai í Sameinuðu arabísku furstadæmunum þar sem sem heimsmeistarakeppnin í atskák, 15 10, og hraðskák, 3 2, fór fram. Magnús vann báða titlana! Hann er því þrefaldur heimsmeistari í skák og engum blöðum um það að fletta að þessi misserin ber hann höfuð og herðar yfir aðra. Keppnin í atskákinni fór fram dagana 16.-18. júní og voru tefldar 15 umferðir eftir svissneska kerfinu. Keppendur voru 112 talsins og nær allir bestu skákmenn heims voru mættir til leiks. Lokaniðurstaðan:

1. Magnús Carlsen 11 v. (af 15) 2.-5. Caruana, Anand, Morozevich og Aronjan 10 ½ v.

Sigur Magnúsar var tæpur. Hann tapaði klaufalega fyrir Anand í 12. umferð en eftir það missti hann aðeins ½ vinning niður.

Svo til sami keppendahópur tók þátt í hraðskákmótinu sem fram fór dagana 19.-20. júní. Þar var tefld 21 umferð og Magnús tapaði einungis fyrir lítt þekktum Kínverja, Lu Shanglei. Lokaniðurstaðan:

1. Magnús Carlsen 17 v. (af 21) 2.-3. Ian Nepomniachtchi og Nakamura 16 v. 4. Le Queng Liem 14 ½ v.

Fastlega má búast við því að vægi styttri skáka muni aukast á næstu árum. Þetta kemur m.a. fram í því að FIDE birtir atskák- og hraðskákstig og endurskoðaðar hafa verið ýmsar reglur sem varða keppnisformið. Fyrsta opinbera heimsmeistaramótið í hraðskák fór fram í Saint John í Kanada árið 1988. Þar sigraði Mikhael Tal. Nokkur óopinber heimsmeistaramót höfðu áður verið haldin og það þekktasta er án efa mótið í Herceg Novi í Svartfjallalandi sumarið 1970 sem Bobby Fischer vann.

Greinarhöfundur fór yfir allar 36 skákirnar sem Magnús tefldi í Dubai og þar kennir margra grasa. Stundum koma fyrir svolítið skrýtnir leikir eins og t.d. í einni hraðskákinni þar sem hann hafði svart og hófst með: 1. e4 Rf6 og eftir 2. e5 lék hann 2. ... Rg8 og vann! Gegn miklum sérfræðingi Sikileyjarvarnar fann hann nýjan snúning í þekktu afbrigði:

Dubai 2014, atskák 3. umferð:

Magnús Carlsen - Vladimir Potkin

Sikileyjarvörn

1. e4 c5 2. Rf3 e6 3. d4 cxd4 4. Rxd4 Rc6 5. Rc3 Dc7 6. Be3 a6 7. a3!?

Hindrar -Bb4. Leikurinn er margslungnari en sýnist í fyrstu. Algengast er að leika 7. Dd2 Rf6 8. O-O-O Bb4 9. f3 en það afbrigði þekkir Potkin betur en flestir.

7. ... Rf6 8. f4!

Þetta var hugmyndin, hvítur hótar 9. e5.

8. ... Rxd4 9. Dxd4 Rg4?!

Fullveiðibráður. Gott er 9. ... d6.

10. Db6! Bd6 11. e5 Rxe3 12. Dxe3 Be7 13. O-O-O b5 14. Re4 O-O 15. Bd3 Bb7

16. Rf6+!

Í sjálfu sér er þessi fórn tiltölulega meinlaus ef svartur bregst rétt við.

16. ... Bxf6?

Afleikur. Best var 16. gxf6 17. Dg3+ Kh8 18. Dh4 f5 19. dxe7 Dd8! og svarta staðan er í lagi.

17. exf6 g6 18. f5!

Árásin er hafin! Hvítur hótar 19. h6.

18. ... Dd8 19. Dg5?!

19. Hhf1! vinnur strax og hér er best að leika 19. ... exf5 20. Bxf4 h6! og svartur getur varist.

19. ... Hc8? 20. fxg6 fxg6 21. Bxg6! Dxf6 22. Bxh7+! Kh8

Eða 22. ... Kxh7 23. Hxd7+ og vinnur.

23. Dh5 Kg7 24. Hxd7 Hf7 25. Bd3! Df4+ 26. Kb1 Hxd7 27. Dh7+ Kf6 28. Dxd7

- og svartur gafst upp. Eftir 28. ... Bxg2 er einfaldast að leika 29. Dxc8 Bxh1 30. Df8+ Kg5 (eða 30. ... Ke5 31. Db8+) 31. Dg7+ og biskupinn fellur.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 28. júní 2014

Skákþættir Morgunblaðsins

[Event "FIDE World Rapid Championship"] [Site "Dubai UAE"] [Date "2014.06.16"] [EventDate "2014.06.16"] [Round "3.8"] [Result "1-0"] [White "Magnus Carlsen"] [Black "Vladimir Potkin"] [ECO "B48"] [WhiteElo "2827"] [BlackElo "2682"] [PlyCount "55"] 1. e4 c5 2. Nf3 e6 3. d4 cxd4 4. Nxd4 Nc6 5. Nc3 Qc7 6. Be3 a6 7. a3 Nf6 8. f4 Nxd4 9. Qxd4 Ng4 10. Qb6 Bd6 11. e5 Nxe3 12. Qxe3 Be7 13. O-O-O b5 14. Ne4 O-O 15. Bd3 Bb7 16. Nf6+ Bxf6 17. exf6 g6 18. f5 Qd8 19. Qg5 Rc8 20. fxg6 fxg6 21. Bxg6 Qxf6 22. Bxh7+ Kh8 23. Qh5 Kg7 24. Rxd7+ Rf7 25. Bd3 Qf4+ 26. Kb1 Rxd7 27. Qh7+ Kf6 28. Qxd7 1-0

EM kvenna hefst í dag - Lenka tekur þátt

EM kvenna hefst í dag í Plovdid í Búlgaríu. Meðal keppenda er Íslandsmeistarinn í skák, Lenka Ptácníková (2310), sem hefur verið í miklu stuði undanfarið og hækkaði  um 46 skákstig á síðasta stigalista.

Lenka er nr. 51 í stigaröð keppenda af 116 keppendum. Í fyrstu umferð, sem hefst kl. 12 í dag teflir Lenka við fremur stigalága skákkonu (1936) frá Aserbaídsjan.

Meðal keppenda á mótinu er flestar sterkustu skákkonur Evrópu. 

Í umfjöllun á heimasíðu Hugins um mótið fyrir skemmstu segir meðal annars:

Í stuttu spjalli við skákhuginn.is sagði Lenka að mótið yrði mjög sterkt. Lenka hefur verið að tefla meira en konur yfirleitt gera að undanförnu og náði hún tveim IM áföngum karla á þessu ári. Lenka sagðist verða mjög ánægð ef henni tækist að ná einum í safnið í vðbót. 14 efstu keppendur fá þáttökurétt á World Cup.

"það væri alveg frábært ef þetta gengur, en það verður mjög erfitt. En ef mér gengur vel eins og í Teplice, þá er ekkert útilokað" sagði Lenka. Lenka hefur einu sinni áður tekið þátt í EM-kvenna en það var árið 2005 í Moldavíu.

"Það berast fréttir frá Búlgaríu um að bankar standa illa, en ég vona að allt gangi vel og við náum að klára mótinu í friði.

"Borgin Plovdiv hefur 6000 ára sögu og ég hlakka til að fara á sterk skákmót á svona áhugaverðum stað", sagði Lenka að lokum. 

Lenka verður ekki í beinni í fyrstu umferð þar sem "aðeins" 48 skákir eru sýndar beint í hverri umferð.

• Heimasíða EM kvenna
• Chess-Results
• Beinar útsendingar (hefjast kl. 12)