Nýjar skákreglur tóku gildi 1. júlí

Skákreglur FIDE breyttust lítilsháttar 1. júlí sl. Fæstar breytingarnar hafa mikið gildi fyrir hinn almenna íslenska skákmann en þó er sjálfsagt fyrir skákmanninn að kynna sér breytingarnar.

Stærsta breytingin fyrir hinn almenn skákáhugamenn eru reglur varðandi farsíma. Í nýrri grein (11.3b) segir:

11.3b 
During play, a player is forbidden to have a mobile phone and/or other electronic means of communication in the playing venue. If it is evident that a player brought such a device into the playing venue, he shall lose the game. The opponent shall win. 

The rules of a competition may specify a different, less severe, penalty. 
The arbiter may require the player to allow his clothes, bags or other items to be inspected, in private. The arbiter or a person authorised by the arbiter shall inspect the player and shall be of the same gender as the player. If a player refuses to cooperate with these obligations, the arbiter shall take measures in accordance with Article 12.9.

Samkvæmt greininni er með öllu bannað að hafa GSM-síma á skákvæði. Það má dæma tap á menn fyrir það eitt að taka upp símann til að slökkva á honum. Fremst í greininni er mótshöldurum einstakra móta reyndar heimilað að hafa vægari reglur.

Skákstjóri getur óskað eftir því að leita í fötum keppendum og sé því neitað er hægt að dæma tap á viðkomandi. Að sjálfsögðu eru slík ákvæði ekki notuð nema í algjörum undantekningartilfellum og að um sé að ræða mjög rökstuddan grun um svindl.

Ritstjóri mælir með því að skákmenn skilji símana eftir heima eða út í bíl þegar þeir tefla á skákmótum.

Meðal annarra ákvæða má nefna að það er búið að einfalda reglur um hvernig skuli vekja upp nýjan mann. 

Búið er að minnka mun á reglum í lengri og skemmri skákum. Það er nýtt í kappskákreglum að dæmi skuli tap eftir tvo ólöglega leiki og skákstjóra er nú skylt að benda á ólöglega leiki í atskákum og hraðskákum. Eitthvað sem hlýtur að vera mjög erfitt í raunveruleikanum.

Skákstjóra er nú heimilt að grípa inn í skákir og dæma jafntefli hafi sama staðan komið upp fimm sinnum eða 75 leikjum leikið án þess að peði sé leikið eða maður drepinn. Þetta er gert vegna þess að dæmi eru um að skákmenn kunni ekki að krefjast jafnteflis.

Nánar má lesa um nýju reglurnar í grein Peter Doggers á Chess.com. Skákmenn eru hvattir til kynna sér þær. Já og muna líka eftir því að skilja símann eftir!

Níu ára undrabarn vinnur stórmeistara

FIDE-meistarinn (2057) er enginn venjulegur FIDE-meistari.  Abdusattorov þessi er níu ára og er frá Úsbekistan. Um daginn gerði hann sér lítið fyrir og vann hvít-rússneska stórmeistarann Andrei Zhigalko (2600) á alþjóðlegu móti. Til að staðfesta að þetta væri ekki tilviljun vann hann stórmeistarann  Ruslan Khusnutdinov (2495) á sama móti.

 

Abdusattorov hefur þegar hampað einum heimsmeistaratitli því hann hann varð heimsmeistari átta og yngri í Slóveníu árið 2012.

 

Nánar er fjallað um Abdusattorov í grein á Chessbase. Greinin sú er skrifuð af öðrum undrabarni Akshat Chandra sem er aðeins 14 ára alþjóðlegur meistari! Þar má finna  sigurskákir Abdusattorov gegn stórmeisturunum.

 

Hver veit nema þetta ungstirni eigi eftir að heimsækja Reykjavíkurskákmótið í nánustu framtíð?

 

 

Hou Yifan öruggur sigurvegari á Grand Prix-móti

Kínverska skákdrottningin, Hou Yifan (2629) vann öruggan sigur á FIDE Grand Prix-móti sem lauk í Lopota í Georgíu fyrir skemmstu. Hou Yifan hlaut 9 vinninga í 11 skákum og var heilum tveimur vinningum (!!) fyrir ofan næstu keppendur. Frammistaða hennar samsvaraði 2772 skáksigum og hækkar hún um heil 18 stig fyrir frammistöðuna og er nú aðeins 29 skákstigum fyrir neðan Judit Polgar.

Í 2.-3. sæti urðu Ju Wenjun (2532), sem einnig er frá Kína, og armenska skákkonan Elina Danielian (2460).

Ítarlega og góða umfjöllun um mótið má finna á Chess.com.

• Heimasíða mótsins

Kasparov með undirtökin í Afríku

Í ítarlegri grein hér á Skák.is  fyrr í vikunni var sagt frá átökum á Kasparov og Kirsan Ilyumzhinov um forsetastól FIDE. Kosningar fara fram 11. ágúst nk. í Tromsö. Þar var staðan sögð óljós í Afríku. Nú hefur framboð Kasparov birt samantekt um stöðuna og segist þar leiða 18-14. Þessu hefur enn ekki verið neitað af Kirsan og félögum. 

Óneitanlega stór tíðindi en í gegnum tíðina hefur Kirsan haft yfirburði í Afríku. Á heimasíðu framboðs Kasparovs segir meðal annars:

Since the beginning of this campaign, Team Kasparov has promoted a bright new future for FIDE based on sponsorship, education, and professionalism. We have a mission, we have funding, we have policy, and we have the right people to do the job. The Ilyumzhinov campaign message has also been very clear: "we are winning." Along with personal attacks on our team members, they repeat this myth over and over, claiming bigger and more fantastic margins of victory every day. They say little about the last 19 years and even less about the next four. 

The last myth is over. Our opponent's campaign said Africa would quietly stay with the status quo. They were wrong. Below we publish 14 letters of endorsement for Kasparov, plus the five nominating nations that have all made clear their support. The current real numbers are 18 for Kasparov (plus Tanzania, which does not yet vote at this Congress), 14 for Ilyumzhinov, and five still undecided. Three more, Namibia, Zambia, and Botswana, nominated Ilyumzhinov but will all hold decisive votes in the coming days. We wish them courage!

Nominations: Ghana, Côte d'Ivoire, Kenya, South Africa, Nigeria

Declarations: Democratic Republic of the Congo, Zimbabwe, Lesotho, Gabon, Sudan, Ethiopia, Gambia, São Tomé, Seychelles, Madagascar, Tanzania, Swaziland, Senegal, Rwanda

Fram kemur á vefsíðu Kasparovs að þeir séu undir í Ameríku en yfir bæði í Asíu og Evrópu. Sé það rétt - munu miklir yfirburðir Kirsans í Ameríku duga til sigurs?

Kasparov boðar sambærilegar samantektir í stöðuna í öðrum heimsálfum á komandi vikum. Margir höfðu afskrifað heimsmeistarann fyrrverandi í kosningabaráttunni. Þrettándi heimsmeistarinn hefur greinilega ekki sagt sitt síðasta orð.

Skák.is mun fjalla um ítarlega um gang kosningabaráttunnar.

• Heimasíða framboðs Kasparov
• Heimasíða framboðs Ilyumzhinov

Skákstjóranámskeið í lok júlí

Skáksamband Íslands býður upp á skákstjóra námskeið í lok júlí. Þetta er í fyrsta skipti á Íslandi sem boðið er upp á slíkt námskeið. Kennari á námskeiðinu verður hinn virti egypski alþjóðlegi skákdómari Hassan Khalad en honum til aðstoðar verður Omar Salama. 

Nauðsynlegt er að sækja slík námskeið til að öðlast alþjóðlega dómaragráðu. Þeim sem vilja vera meðal skákdómara á EM landsliða á næsta ári eru sérstaklega hvattir til að taka þátt í námskeiðinu.

Skráning fer fram í gegnum Omar Salama, [e-mail], 691 9804.

Þátttökugjöld verða hógvær. Námskeiðið verður nánar kynnt á næstunni.

Kynning á námskeiðinu á ensku

FIDE Arbiters' Seminar is going to be organized on 24 to 28 July 2014 in Reykjavik, Iceland, by the Icelandic Chess Federation and under the auspice of FIDE. 

The venue of the Seminar will be the office of the Icelandic Chess Federation, Faxafen 12,108 Reykjavik. 

The Lecturer will be IA Hassan Khaled (EGY), FIDE Lecturer and Assistant Lecturer will be IA Omar Salama (ISL). 

The language of the Seminar will be English. 

The Seminar will give FIDE Arbiter norms for the FA title, according to the Regulations for the titles of the Arbiters. 

For more detailed information: 
Omar Salama, [e-mail], [phone]

Fyrirlestur Guðmundar G. um Lewis-taflmennina í Fischersetri

Föstudaginn 11. júlí n.k. verður Guðmundur G. Þórarinsson með fyrirlestur um Lewis taflmennina í Fischersetri kl. 16.00. En  Lewis taflmennirnir eru taldir elsta fyrirmynd nútíma taflmanna.  Þeir fundust á Lewis eyju við strönd Skotlands og taldir vera rúmlega 800 ára gamlir. Og álíta Bretar þá eina af sínum merkustu fornmunum.  Margar kenningar eru uppi um uppruna þeirra, en Guðmundur G. Þórarinsson hefur aflað þeirra gagna er renna styrkum stoðum undir þá kenningu að þeir séu upprunalega frá Íslandi.

Þá má geta þess að þessi dagur 11. júlí er jafnframt afmælisdagur Fischerseturs, en þá var það opnað fyrir ári síðan.  Af þessu tilefni verður frítt inn í Fischersetrið þennan dag og á fyrirlesturinn.

Ný alþjóðleg skákstig

Ný alþjóðleg skákstig eru komin út og taka þau gildi á morgun, 1. júlí. Jóhann Hjartarson er sem fyrr stigahæsti skákmaður landsins. Erlingur Atli Pálmarsson er stigahæstur tveggja nýliða og Heimir Páll Ragnarsson hækkar mest frá maí-listanum. Magnus Carlsen er stigahæsti skákmaður heims.

Alþjóðleg skákstig

307 skákmenn eru á listanum fyrir virka íslenska skákmenn. Jóhann Hjartarson (2571) er stigahæstur. Næstur er Helgi Ólafsson (2555) en svo koma þrír skákmenn í einum hnapp en það eru Hannes Hlífar Stefánsson (2536), Héðinn Steingrímsson (2536) og Hjörvar Steinn Grétarsson (2535).

Topp 20

 

No.	Name	Tit	JUL14	Gms	Ch.
1	Hjartarson, Johann	GM	2571	0	0
2	Olafsson, Helgi	GM	2555	0	0
3	Stefansson, Hannes	GM	2536	18	-4
4	Steingrimsson, Hedinn	GM	2536	9	-1
5	Gretarsson, Hjorvar Steinn	GM	2535	9	-10
6	Arnason, Jon L	GM	2502	0	0
7	Kristjansson, Stefan	GM	2490	0	0
8	Danielsen, Henrik	GM	2488	9	2
9	Gretarsson, Helgi Ass	GM	2456	9	-6
10	Thorsteins, Karl	IM	2456	0	0
11	Kjartansson, Gudmundur	IM	2456	9	22
12	Thorfinnsson, Bragi	IM	2437	9	-10
13	Gunnarsson, Arnar	IM	2435	0	0
14	Gunnarsson, Jon Viktor	IM	2426	0	0
15	Thorhallsson, Throstur	GM	2426	17	1
16	Olafsson, Fridrik	GM	2397	0	0
17	Thorfinnsson, Bjorn	IM	2389	0	0
18	Ulfarsson, Magnus Orn	FM	2380	0	0
19	Johannesson, Ingvar Thor	FM	2371	0	0
20	Arngrimsson, Dagur	IM	2366	17	-24

Heildarlistinn fylgir með sem PDF-viðhengi.

Nýliðar

Tveir nýliðar eru á listanum. Annars vegar Erlingur Atli Pálmarsson (1509) og Aron Þór Mai (1274). Báðir eftir góða frammistöðu á Íslandsmótinu í skák.

 

No.	Name	Tit	JUL14	Gms	Ch.
1	Palmarsson, Erlingur Atli		1509	16	1509
2	Mai, Aron Thor		1274	9	1274

Mestu hækkanir

Heimir Páll Ragnarsson (50) hækkar mest á stigum frá júní-listanum eftir frábæra frammistöðu í Sardiníu. Í næstum sætum eru Lenka Ptácníková (46) sem stóð sig frábærlega á alþjóðlegu móti í Teplice og Bárður Örn Birksson (32) eftir mjög góða frammistöðu á Íslandsmótinu í skák.

 

No.	Name	Tit	JUL14	Gms	Ch.
1	Ragnarsson, Heimir Pall		1473	13	50
2	Ptacnikova, Lenka	WGM	2310	18	46
3	Birkisson, Bardur Orn		1542	10	32
4	Kjartansson, Gudmundur	IM	2456	9	22
5	Bergsson, Stefan		2098	9	21
6	Sigfusson, Sigurdur	FM	2307	9	17
7	Stefansson, Vignir Vatnar		1963	13	15
8	Birkisson, Bjorn Holm		1607	11	14
9	Hauksson, Hordur Aron		1792	8	13
10	Magnusson, Thorsteinn		1241	3	13

 
Stigahæstu skákkonur landsins

Lenka Ptácníková (2310) er sem fyrr stigahæsta skákkona landsins. Í næstum sætum eru Guðlaug Þorsteinsdóttir (2006) og Hallgerður Helga Þorsteinsdóttir (1982).

 

No.	Name	Tit	JUL14	Gms	Ch.
1	Ptacnikova, Lenka	WGM	2310	18	46
2	Thorsteinsdottir, Gudlaug	WFM	2006	9	1
3	Thorsteinsdottir, Hallgerdur		1982	8	0
4	Ingolfsdottir, Harpa		1965	0	0
5	Finnbogadottir, Tinna Kristin		1915	8	-15
6	Johannsdottir, Johanna Bjorg		1862	8	6
7	Kristinardottir, Elsa Maria		1839	6	9
8	Fridthjofsdottir, Sigurl. Regina		1789	0	0
9	Birgisdottir, Ingibjorg		1779	0	0
10	Helgadottir, Sigridur Bjorg		1758	0	0

Stigahæstu ungmenni landsins (1994 og síðar)

Oliver Aron Jóhannesson (2165) og Dagur Ragnarsson (2154) skiptast á forystunni á unglingalistanum. Oliver endurheimti nú efsta sætið. Nökkvi Sverrisson (2082) er svo þriðji.

 

No.	Name	JUL14	Gms	B-day	Ch.
1	Johannesson, Oliver	2165	13	1998	9
2	Ragnarsson, Dagur	2154	13	1997	-7
3	Sverrisson, Nokkvi	2082	0	1994	0
4	Karlsson, Mikael Johann	2056	0	1995	0
5	Hardarson, Jon Trausti	2045	0	1997	0
6	Johannsson, Orn Leo	2038	0	1994	0
7	Thorgeirsson, Jon Kristinn	1966	0	1999	0
8	Stefansson, Vignir Vatnar	1963	13	2003	15
9	Sigurdarson, Emil	1903	0	1996	0
10	Fridgeirsson, Dagur Andri	1847	0	1995	0

 
Öðlingalisti er ekki tekinn saman þar sem engar breytingar eru þar meðal efstu manna.

Reiknuð skákmót

• Íslandsmótið í skák (landsliðs- og áskorendaflokkur)
• Meistaramót Skákskóla Íslands (4.-7. umferð)

Heimslistinn

Magnus Carlsen (2877) er sem fyrr langstigahæstur. Í næstum sætum eru Levon Aronian (2805) og Alexander Grischuk (2795).

Caruana (2858) er hæstur á atskákstigum. Þar er Carlsen (2855) og Grischuk (2828) þriðji.

Carlsen (2948) er langhæstur á hraðskákstigum. Þar er Hikaru Nakamura (2906) og Rússin með flókna nafnið Ian Nepomniachtchi (2880) þriðji.

Heimslistana má nálgast hér.

Skrár tengdar þessari bloggfærslu:

• Alþjóðleg skákstig, 1. júlí 2014

FIDE kosningar: Skáksambönd og forsetar hverfa af heimasíðu FIDE

 

Þann 11. ágúst nk. fara fram forsetakosningar í FIDE (alþjóða skáksambandinu) í Tromsö í Noregi. Tveir berjast um embættið.  Kirsan Ilyumzhinov, forseti FIDE síðustu 19 ára, og áskorandi hans, Garry Kasparov. Hart er barist um atkvæðin og á síðustu dögum og vikum hefur það vakið athygli að skipt hefur verið um forystu skákhreyfinganna í Gabon og Afganistan án þess að viðkomandi virðist hafa vitað af því.

 

Það er vitað að Pútin og hans fólk vill alls ekki Kasparov sem forseta og hafa Rússarnir ekki hikað við að nota sendiráð sín til að freista þess að hafa áhrif á forystumenn skáksambanda. Slíkt hefur þó ekki gerst hérlendis.

Í grein í Chess.com sem rituð er af Peter Doggers (Chessvibes og Chess.com hafa sameinast)  er ítarlega fjallað um baráttuna. Dæmin í Afganistan og Gabon hafa vakið mikla athygli. Umfjöllunin hér að neðan byggir að mestu leyti á grein Doggers.

Afganistan

Skáksamband Afganistan undir forystu Mahomod Hanif hafði áður lýst yfir stuðningi við Kasparov. Þann 21. júní sl. birtist svohljóðandi yfirlýsing á heimasíðu Kasparovs.

"Every day brings new reports of abuses of power by FIDE executives to promote Kirsan Ilyumzhinov's reelection, further damaging relations with the federations FIDE is supposed to represent and support. The latest example is the removal of several federation presidents and delegates from the FIDE website, federations that had recently announced their support for the ticket of Garry Kasparov. FIDE Executive Director (and Treasurer, another conflict of interest) Nigel Freeman has further damaged his reputation and the credibility of FIDE by abusing FIDE powers to remove valid and long-standing federations for political reasons."

Vitnað er í Mahomod Hanif sem hefur verið forseti og FIDE-fulltrúi Skáksambands Afganistan um árabil og í Fahim Hashimy forseta Ólympíusambands Afganistan.

Hanif var skyndilega ekki lengur á heimasíðu FIDE hvorki sem forseti né FIDE-fulltrúi.

Hanif segir í tölvupósti til FIDE:

"I'm not understand what's going on here. You removed me from FIDE site as president, delegate for Afghanistan Chess Federation and you say there was some election on May 25 to put in the new person. There was no election this is made up."

 Hashimy segir

 "I, President of Afghanistan Olympic Committee and General Secretary of Afghanistan Chess Federarion hereby confirm that no changes have been made in this federation and Mr Mahmod Hanif is the president and chess delegate of the Afghanistan Chess Federation."

Nokkrir dagar liðu og þá kom svar á vefsíðu Kirsans og síðar á vefsíðunni  Chess News Agency sem rekur mikinn áróður fyrir Kirsan. Þar kemur fram að Hanif hafi verið fjarlægður (removed) sem forseti Skáksambandsins vegna spillingar og sæti nú rannsókn fyrir þjófnað. Þar er sýnt bréf frá menntamálaráðuneyti Afganistan þar sem þessar ásakanir koma fram. Þar er einnig haldið fram að málið sé ekki á forræði Ólympíusambands landsins en athygli vekur reyndar að það er stimplað þeim sömu samtökum!

Ritstjóri Skák.is hefur auðvitað engar forsendur til að meta sannleiksgildi spillingarásakanna á hendur Hanif en það er útaf fyrir sig umhugsunarefni að það skuli gerast skömmu eftir að hann lýsir yfir stuðningi við Kasparov.

Gabon

Dæmið í Gabon er eiginlega enn verra því þar hefur beinlínis verið skipt um skáksamband!  Þar hafði Skáksamband Gabon (ADGE) lýst yfir stuðningi við Kasparov.

Einhvern tíma í júní virðist sem nýtt skáksamband í Gabon (AGE) tekið við sem fulltrúi Gabon. Vart þarf að taka fram að hið „nýja" skáksamband styður Kirsan á meðan hið „gamla" studdi Kasparov.

Ekki hafa góð rök verið færð fyrir þessum breytingum og ef marka má Chessdrum sem fjallar ítarlega um málið virðist hið nýja skáksamband vera stjórnað af mönnum sem urðu undir í kosningum fyrr á árinu.

Mál Afganistan og Gabon eiga án efa eftir að vera áberandi í umræðunni á næstunni og Kasparov og hans fólk á án eftir að beita sér mjög harkalega í aðdraganda kosninganna til að reyna að snúa við þessum dæmum.

Hér eru ekki aðeins tvö atkvæði á ferðinni heldur er hér um ræða fjögurra atkvæða sveiflu sem gæti skipt miklu máli en 180 skáksambönd hafa atkvæðisrétt í FIDE.

Hvernig er staðan?

Stuðningsmenn Kirsans tala fjálglega um sterka stöðu síns frambjóðanda. Þeir hafa Ameríku nánast alla á sínu bandi. Stuðningur Kanada verið Kirsan hefur vakið athygli og gagnrýni heima fyrir.

Staða Kasparovs er talinn sterkari bæði í Evrópu og Asíu. Staðan í Afríku er óljós. Stuðningsmenn Kasparovs tala um baráttan sé jöfn.  

Íslendingar hafa þegar lýst yfir stuðningi við Kasparov og það hafa einnig Danir og Norðmenn gert. Friðrik Ólafsson, eini fyrrverandi forseti FIDE sem er á lífi, styður Kasparov eindregið. Færeyingar, Finnar og Svíar hafa engar yfirlýsingar gefið.

Heimildir ritstjóra herma að mögulega gætu borist tíðindi úr herbúðum Kasparovs í þessari eða næstu viku.

Skák.is mun reyna að hafa púlsinn á átökunum sem framundan eru.

Skákþáttur Morgunblaðsins: Skákdrottning vesturstrandarinnar

Foreldrar hennar voru að hennar sögn fjarlægir í fleiri en einum skilningi og létu barnfóstru um uppeldið og sú var - ef marka má ævisöguna Jump in the waves -ekki ólík foreldrunum, bæði köld og fráhrindandi. Hún lærði kornung að tefla á sjúkrabeði af hjúkrunarkonu. Kvaðst hafa fundið sjálfstæði sitt með hjálp skákarinnar. Jacqueline Piatigorsky Rothschild var borin til mikilla auðæfa þegar hún fyrst sá ljós heimsins í nóvember árið 1911 og var 100 ára gömul þegar hún lést í júlí 2012. Hún var nýlega tekin inn í „Frægðarhöll skákarinnar" í Saint Louis í Bandaríkjunum.

Hún hafði getið sér gott orð sem einn fremsti tennisleikari kvenna í Bandaríkjunum en þegar keppnisferli þar lauk tók skákin við. Hún gerðist þátttakandi í bréfskákmótum og var stundum í öngum sínum þegar flóknar stöður hrönnuðust upp hjá henni. Hún vann til bronsverðlauna þegar hún tefldi á 2. borði fyrir Bandaríkin á Ólympíumóti kvenna árið 1957 og varð ásamt eiginmanni sínum, sellóleikaranum Gregory Piatigorsky, öflugur stuðningsaðili skákarinnar og saman unnu þau að framsæknum hugmyndum í skólaskák. Auðlegð fylgir samfélagsleg ábyrgð, voru kjörorð hennar. Hún lét til sín taka á sviði lista og menningar og var sjálf frambærilegur höggmyndari. Á sjöunda áratugnum skipulögðu þau hjónin og kostuðu frábæra skákviðburði á vesturströnd Bandaríkjanna. Einvígi Bobby Fischer og Samuel Reshevsky leystist að vísu upp hálfklárað vegna deilna um dagskrá þess, en síðan tók Piatigorsky-mótið 1963 við en þar var Friðrik Ólafsson meðal þátttakenda og varð í 3.-4. sæti. Hið goðsagnakennda Piatigorsky-mót 1966 hófst í ágúst það ár. Boris Spasskí sigraði eftir magnaða baráttu um efsta sætið við Bobby Fischer. Jacqueline skrifaði um Fischer í mótsbókina og kvittaði í leiðinni fyrir þrefið varðandi slit einvígisins við Reshevsky: „Bobby Fischer er eldfjall sem skákin ein getur fengið til að bylta sér. Án skákarinnar slokknar á þessu eldfjalli fyrir fullt og fast. Það er eitthvað djúpt í sálu hans sem kvelur hann - en hvað það er gefur hann ekki upp."

Það var einmitt á fyrra Piatigorsky-mótinu sem Friðrik Ólafsson tefldi eina af bestu skákum sínum á ferlinum. Hann var langt fram eftir móti í góðum færum að vinna það en örlagaríkt tap úr vinningsstöðu fyrir Paul Keres á lokasprettinum kom í veg fyrir sigurinn:

Los Angeles 1963:

Friðrik Ólafsson - Samuel Reshevsky

Kóngsindversk vörn

1. d4 Rf6 2. c4 g6 3. g3 Bg7 4. Bg2 0-0 5. Rf3 d6 6. 0-0 Rbd7 7. Dc2 e5 8. Hd1 He8 9. e4 c6 10. Rc3 exd4 11. Rxd4 a5 12. h3 De7 13. Bf4 Hd8 14. Hd2 Rc5 15. Had1 Re8 16. Be3 Bd7 17. He2 Rc7 18. f4 Hac8 19. Bf2 Be8 20. Kh2 Df8 21. Dd2 R7a6 22. Rf3 f5 23. Bd4 fxe4 24. Bxg7 Dxg7 25. Rxe4 Rxe4 26. Hxe4 d5 27. Hd4 Rb4 28. Rg5 Bf7 29. Rxf7 Dxf7 30. a3 c5 31. Hxd5 Rxd5 32. Bxd5 Hxd5 33. cxd5 He8 34. d6 Dd7 35. g4 b6 36. Dd5 Kg7 37. Hd2 He6

38. Dxe6!

- og Reshevsky gafst upp. Eftir 38. ...Dxe6 39. d7 verður þetta peð að drottningu.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 21. júní 2014

Skákþættir Morgunblaðsins

[Event "First Piatigorsky Cup"] [Site "Los Angeles, CA USA"] [Date "1963.07.18"] [EventDate "1963.07.02"] [Round "10"] [Result "1-0"] [White "Fridrik Olafsson"] [Black "Samuel Reshevsky"] [ECO "E60"] [WhiteElo "?"] [BlackElo "?"] [PlyCount "75"] 1.c4 Nf6 2.d4 g6 3.g3 Bg7 4.Bg2 O-O 5.Nf3 d6 6.O-O N8d7 7.Qc2 e5 8.Rd1 Re8 9.e4 c6 10.Nc3 exd4 11.Nxd4 a5 12.h3 Qe7 13.Bf4 Rd8 14.Rd2 Nc5 15.Rad1 Ne8 16.Be3 Bd7 17.Re2 Nc7 18.f4 Rac8 19.Bf2 Be8 20.Kh2 Qf8 21.Qd2 N7a6 22.Nf3 f5 23.Bd4 fxe4 24.Bxg7 Qxg7 25.Nxe4 Nxe4 26.Rxe4 d5 27.Rd4 Nb4 28.Ng5 Bf7 29.Nxf7 Qxf7 30.a3 c5 31.Rxd5 Nxd5 32.Bxd5 Rxd5 33.cxd5 Re8 34.d6 Qd7 35.g4 b6 36.Qd5+ Kg7 37.Rd2 Re6 38.Qxe6 1-0

Guðmundur endaði með 3,5 vinning

Alþjóðlegi meistarinn Guðmundur Kjartansson (2434) endaði með 3,5 vinning í 9 skákum á alþjóðlegu móti sem endaði í morgun í Finnlandi. Gummi endaði í sjöunda sæti af 10 keppendum.  Rússneski stórmeistarinn Vasily Yemelin (2556) sigraði á mótinu.

Frammistaða Guðmundar samsvaraði 2374 skákstigum og lækkar hann um 8 stig fyrir hana.

Tíu skákmenn tóku þátt í mótinu og voru meðalstig 2452 skákstig. Þrír stórmeistarar, fimm alþjóðlegir meistarar og tveir FIDE-meistarar tóku þátt. Guðmundur var nr. 6 í stigaröð keppenda.

• Heimasíða mótsins 
• Beinar útsendingar