Skákþáttur Morgunblaðsins: Huginn og TR berjast um Íslandsmeistaratitil skákfélaga

Sveitir Hugins og Taflfélags Reykjavíkur munu berjast um Íslandsmeistaratitilinn í seinni hluta Íslandsmóts skákfélaga í Rimaskóla um helgina. Fyrir sjöttu umferð mótsins sem hófst á fimmtudagskvöldi hafði Huginn ½ vinnings forskot á TR en úrslit keppninnar gætu ráðist í dag þegar sveitirnar mætast í næstsíðustu umferð. Efstu þrjár sveitir Íslandsmótsins öðlast keppnisrétt í Evrópukeppni taflfélaga sem fram fer í Novi Sad í Serbíu næsta haust.

Staðan fyrir lokaumferðirnar fjórar var þessi:

1. Huginn 32 v. ( af 40 ) 2. Taflfélag Reykjavíkur 31 ½ v. 3. Skákfélag Akureyrar 23 v. 4. Fjölnir 21 v. 5. Víkingaklúbburinn 20 ½ v. 6. Huginn b-sveit 18 ½ v. 7. Taflfélag Bolungarvíkur 16 v. 8. – 10. Skákdeild KR, Skákfélag Akureyrar b-sveit og Taflfélag Reykjavíkur b-sveit 12 ½ v. 

Hou Yifan komst yfir í heimsmeistaraeinvíginu

Kínverska skákdrottningin Hou Yifan sem talin er fremsta skákkona heims í dag vann aðra skákina í einvígi sínu við heimsmeistara kvenna Maríu Muzychuk og eftir tvær fyrstu skákirnar er staðan 1 ½: ½ þeirri kínversku í vil. Einvígið fer fram í Lviv í Úkraínu. Í skákinni á fimmtudaginn kom upp opna afbrigði spænska leiksins og lengi framan af var staðan í járnum. 

2. einvígisskák:

Spænskur leikur

Hou Yifan – María Muzychuk

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Rxe4 6. d4 b5 7. Bb3 d5 8. dxe5 Be6 9. Be3

Vinsælast er 9. Rbd2 og 9. De2 kemur einnig til greina.

Be7 10. c3 O-O 11. Rbd2 Dd7 12. Bc2 Rxd2 13. Dxd2 Bg4 14. Bf4 Bxf3 15. gxf3 Had8 16. Hfd1 De6 17. De3 Hd7 18. Bg3 g6 19. a4 Rd8 20. axb5 axb5 21. f4 f6 22. exf6 Dxf6 23. De2 c6 24. Dg4 Hb7 25. f5 Bd6 26. Ha6!

Vegna möguleikans – Hxd5 síðar meir reynist þessi leikur erfiður viðfangs. Svartur á þó að geta haldið jafnvægi.

Hg7 27. fxg6 Bc5??

Afleitur leikur. Eftir 27. ... Bxg3 28. Dxg3 De6 er staðan í jafnvægi.

28. Kg2 hxg6

29. Hxd5! Bxf2 30. Bb3! Re6 31. Hd6 Bc5 32. Dxe6+

- og svartur gafst upp. 

Magnús Carlsen ver titilinn í New York

Í áskorendakeppninni sem hefst í Moskvu 10. mars öðlast sigurvegarinn rétt til að skora á heimsmeistarann Magnús Carlsen. Átta skákmenn hefja leikinn og tefla tvöfalda umferð. Nú liggur fyrir að heimsmeistaraeinvígið mun fara fram í New York dagana 11.-30. nóvember nk. Fyrirtækið Agon, sem var framkvæmdaraðili heimsmeistaramótsins í hraðskák og atskák í Berlín sl. haust, mun annast einvígishaldið. Tefldar verða 12 skákir. 

 

Átta krakkar í úrslitum „barna-blitz“

Alþjóðlega Reykjavíkurskákmótið hefst í Hörpu á þriðjudag og eru um 250 keppendur skráðir til leiks. Reykjavíkurskákmótið hefur undanfarin ár fengið á sig æ meira svipmót skákhátíðar og meðal vinsælla keppnisgreina til hliðar við aðalmótið er hraðskákkeppnin „barnablitz“ en þar er keppt eftir tímafyrirkomulaginu 4 2. Undankeppnir hafa víða farið fram síðustu daga en þeir átta krakkar sem munu tefla til úrslita í höfuðstöðvum aðalstyrktaraðila Reykjavíkurskákmótsins, GAMMA, eru Alexander Oliver Mai, Joshua Davíðsson, Óskar Víkingur Davíðsson, Robert Luu, Sindri Briem, Sindri Snær Kristófersson, Stephan Briem og Sæmundur Árnason.

Grein þessi birtist í Morgunblaðinu 5.mars 2016

Skákþættir Morgunblaðsins

Skákþáttur Morgunblaðsins: Millileikur í miðtafli

Þegar byrjuninni sleppir tekur miðtaflið við og þá vandast oft málið. Miðtöflin eru nú einu sinni erfiðasti þáttur skákarinnar og þar skilur á milli feigs og ófeigs. Þegar miðtaflstækni ber á góma verður manni stundum hugsað til vinar okkar Boris Spasskí. Á bestu árum hans frá 1964 – ´70 skaraði hann fram úr öðrum á því sviði. Þetta kom berlega í ljós í einvígunum sem hann háði og vann flest með yfirburðum. Fyrir hverja keppni gerði hann sér far um að kryfja persónuleika andstæðinga sinna og hjálparhella hans, Igor Bondarevskí, hafði sitthvað til málanna að leggja. Þegar Spasskí tefldi við Tal í lokaeinvígi áskorendakeppninnar 1965 var dagskipun Igors þessa ávallt hin sama: engin þvinguð afbrigði gegn Mischa Tal. Spasskí vann 7:4.

Í „einvígi aldarinnar“ 1972 var Bondarevskí ekki lengur í liði Spasskís, gamlir púkar sem heimsmeistarinn þáverandi hafði stundum verið að kljást við settust aftur á öxl hans og því fór sem fór. En leikbrögðin gleymast ekki; skákir Spasskí eru allar skráðar í gagnagrunna. Þar geta menn áreiðanlega geta fundið einhverja snjalla millileiki svo vísað sé til fyrirsagnar þessarar greinar. Ég var að fylgjast með Akureyringnum Símoni Þórhallsyni tefla í fjórðu umferð Norðurlandamóts ungmenna í bænum Kosta í Svíþjóð og leiðirnar virtust ekki greiðar í miðtafli þegar Símon datt niður á lausnina:

NM ungmenna 2016; 4. umferð:

Símon Þórhallsson - Johan Hardlei ( Danmörk )

Bogo-indverskv vörn

1. d4 e6 2. c4 Bb4+ 3.Bd2 Bxd2+ 4. Dxd2 f5 5. g3 Rf6 6. Rc3 0-0 7. Bg2 d5 8. Rf3 c6 9. Re5 Rbd7 10. Rxd7 Bxd7 11. 0-0 De7 12. f3 b5 13. b3 Hae8 14. Hfe1 e5 15. dxe5 Dxe5 16. cxd5 b4 17. Ra4 Rxd5 18. e4 fxe4 19. fxe4 Rf6 20. Dxb4 Dh5

Um byrjun þessarar skákar þarf ekki að hafa mörg orð. Skákmennirnir virtust undir áhrifum þess þanka að ekki væri gott að taka á c4. Það hefði svartur samt átt að gera strax í 12. leik. En hvernig á hvítur nú að verjast mótspili svarts á kómgsvæng, - Bh3 og – Rg4 liggur í loftinu og 21. Dc5 má svara með 21. ... He5 o. s.frv. Millileikur er svarið!

21. Dc4+! Kh8?

Nauðsynlegt ar 21. ... Be6.

22. Dc5!

Í því liggur munurinn að hrókurinn á f8 er valdaus eftir 22. .... He5.

22. ... Dh6 23. e5 Rg4 24. h3 Rf2 25. Hf1!

Gernýtir sér valdleysið á f8. Svartur er varnarlaus.

25. ... Bxh3 26. Hxf2 Hxf2 27. Dxf2 Bxg2 28. Kxg2 Hd8 29. He1 Kg8 30. e6 Hf8 31. De3 Dh5 32. e7

– og svartur gafst upp.

Símon átti góða möguleika á þvi að ná efsta sæti í fimmtu umferð en missti vinningsstöðu niður í tap. Að lokum fékk hann bronsið í sínum flokki.

Óskar Víkingur Davíðsson varð Norðurlandameistari í yngsta aldursflokknum, E-flokki, sem skipaður var keppendum 10 ára og yngri.

Íslensku þátttakendurnir virtust um tíma eiga möguleika á gulli í öllum fimm aldursflokkunum. Í landakeppninni, sem mælir samanlagðan árangur sex þátttökuþjóðanna, náði Ísland 2 ½ vinnings forskoti um mitt mót en óhagstæð úrslit í nokkrum lykilskákum á lokasprettinum ollu því að Danir skriðu fram úr.

Róbert Luu sem tefldi í E-flokki eins og Óskar Víkingur krækti sér í silfurverðlaun og D-flokknum varð Vignir Vatnar Stefánsson að láta sér bronsið lynda en fékk þó 4 ½ vinning af sex mögulegum og hækkaði um 30 elo-stig í leiðinni.

Grein þessi birtist í Morgunblaðinu 27. febrúar 2016

Skákþættir Morgunblaðsins

Skákþáttur Morgunblaðsins: Heimsmeistaraeinvígi kvenna og áskorendamótið að hefjast

Heimsmeistaraeinvígi kvenna milli heimsmeistara kvenna María Muzychuk frá Úkraínu og kínversku skákdrottningarinnar Hou Yifan hefst í Lviv í Úkraínu þann 1. mars nk. Þær munu tefla 10 skákir en ekki er gert ráð fyrir að Hou Yifan muni eiga í miklum erfiðleikum með að endurheimta titilinn en hún er u.þ.b. 100 elo-stigum hærri en sú úkraínska. Heimamenn gera allt sem í þeirra valdi stendur til að undirbúa Maríu Muzychuk sem best fyrir einvígið og það vakti talsverða athygli þegar hún tók þátt í meistaramóti Úkraínu sl. vor að skákir hennar voru ekki birtar opinberlega. Leyndarhyggjan er enn við völd þar eystra.

Annar stórviðburður skákarinnar, áskorendamótið í Moskvu, hefst svo 10. mars mars og stendur til 30. mars en sigurvegarinn þar mun öðlast réttinn til að skora á heimsmeistarann Magnús Carlsen. Þegar hefur verið dregið um töfluröð og lítur hún svona út:

1. Sergei Karjakin 2. Hikaru Nakamura 3. Anish Giri 4. Wisvanathan Anand 5. Venselin Topalov 6. Levon Aronjan 7. Fabiano Caruana 8. Peter Svidler.

Tefld verður tvöföld umferð, sjöunda umferð fer fram á undan sjöttu umferð sem er gert til að forða því að Karjakin og Topalov hafi hvítt og svart þrisvar í röð.

Allir þessir stórmeistarar hafa verið iðnir við kolann undanfarið og er skemmst að minnast opna mótsins á Gíbraltar á dögunum þar sem Nakamura sigraði en nokkrum dögum síðar vann hann aftur, að þessu sinni sex manna skákmót í Zürich í Sviss sem fór fram eftir flóknu fyrirkomulagi hrað-at- og venjulegri kappskák. Aðrir þátttakendur þar voru Anand, Aronjan, Kramnik, Giri og Shirov.

Í ljósi frammistöðu Nakamura sem er ófeiminn við að lýsa því yfir að hann sé verðandi andstæðingur Magnus Carlsen í heimsmeistaraeinvígi geta Bandaríkjamenn verið bjartsýnir fyrir þetta áskorendamóti þar sem Fabiano Caruana hefur öðlast bandarískan ríkisborgarétt og mun tefla undir fána þeirra. 

Guðmundur Kjartansson vann Nóa Síríus mótið 2016

Eftir spennandi lokaumferð Nóa Síríus mótsins sem var samvinnuverkefni Skákfélagsins Hugins og Skákdeildar Breiðabliks stóð Guðmundur Kjartansson uppi sem sigurvegari eftir að hafa lagt Halldór Brynjar Halldórsson að velli í lokaumferðinni sem fram fór fimmtudaginn 11. febrúar. Efstu menn í A-flokki: 

1. Guðmundur Kjartansson 5 v. ( af 6) 2. – 3. Magnús Örn Úlfarsson og Halldór Grétar Einarsson 4 ½ v. 4. – 7. Guðmundur Gíslason, Stefán Kristjánsson, Halldór Brynjar Halldórsson og Örn Leó Jóhannsson 4 v.

Örn Leó Jóhannsson hækkaði mest allra keppenda á stigum eða um 45 elo stig.

Í B –riðli urðu jafnir í efsta sæti Snorri Þór Sigurðsson og Dawid Kolka með 5 vinninga af sex mögulegum. Í 3. – 4. sæti komu Bárður Örn Birkisson og Birkir Karl Sigurðsson með 4 ½ vinning. 

Lausnir á skákdæmum eftir Paul Keres

Pistlahöfundur fékk mikil viðbrögð við umfjöllun um Paul Keres og dæmin sem hann samdi kornungur og birtust hér í blaðinu fyrir viku síðan. Lausnirnar eru eftirfarandi: 

Dæmi 1:

1. Bc2! – og mát í næsta leik, hvítur hótar 2. Dxa2 mát, 1. ... Bxb1 er svarað með 2. Bxb3 mát og 1. ... Bxc2 er svarað með 2. Dxa2 mát.

 

 

 

 

Dæmi 2:

1. Dh8!

a) 1. ... e4 2. Hxg1+ Kxg1 3. Da1 mát.

b) 1. ... e2 2. Dxh2+ gxh2 3. Rf2 mát.

 

 

 

Grein þessi birtist í Morgunblaðinu 20. febrúar 2016

Skákþættir Morgunblaðsins

Skákþáttur Morgunblaðsins: Þrír efstir á sterkasta innlenda móti ársins

Guðmundur Kjartansson stóð best að vígi þegar ein umferð var eftir á Gestamóti Hugins og Breiðabliks sem staðið hefur yfir undanfarnar vikur en þar er tefld ein umferð í viku hverri. Fyrirkomulagið, sem skákfrömuðurinn Jón Þorvaldsson á mestan heiður af, nýtur mikilla vinsælda; þetta er sterkasta innlenda mótið sem haldið er á ári hverju. Sú stefna var tekin strax í upphafi þessa mótahalds að birta ekki skákir mótsins opinberlega og virðast keppendur hæstánægðir með það.

Aðstæður í stúku Breiðabliksvallar eru til fyrirmyndar. Teflt er í tveim riðlum og í A-riðli þar sem keppendur hafa meira en 2000 alþjóðleg elo-stig var staðan fyrir lokaumferðina þessi:

1. – 3. Guðmundur Kjartansson, Halldór Brynjar Halldórsson og Magnús Örn Úlfarsson 4 v. (af 5) 4.- 7. Stefán Kristjánsson, Guðmundur Gíslason, Þorsteinn Þorsteinsson og Halldór G. Einarsson 3 ½ v. 8. – 15. Dagur Ragnarsson, Ingvar Jóhannesson, Þröstur Þórhallsson, Björn Þorfinnsson, Andri Áss Grétarsson, Björgvin Jónsson, Örn Leó Jónsson og Jón Trausti Harðarson 3 v. 37 skákmenn hófu keppni.

Í B-riðli var Dawid Kolka efstur fyrir lokaumferðina með 4 ½ vinning en næstir á eftir honum komu Bárður Örn Birkisson og Snorri Þór Sigurðsson. Þar hófu 28 skákmenn þátttöku.

Frammistaða Halldórs Brynjars og Magnúsar Arnar vekur einna mesta athygli en Halldór vann fallegan sigur á Birni Þorfinnssyni í 5. umferð. Magnús Örn hefur löngum þótt harður í horn að taka en Guðmundur Kjartnasson vinnur að því að ná 2500 stigum sem þarf til að fá útnefningu stórmeistaratitils. Stigasöfnun gengur vel á þessu móti en hann lækkaði hinsvegar eitthvað á Skákþingi Reykjavíkur á dögunum. Sá keppenda sem hefur hækkað mest á stigum er hinsvegar Vignir Vatnar Stefánsson. 

Margeir Pétursson tefldi á minningarmótinu um Paul Keres

Fáir skákmenn hafa notið jafnmikillar hylli í heimalandi sínu og eistneski stórmeistarinn Paul Keres. Hann þótti manna verðugastur þess að hampa heimsmeistaratitlinum en grimm örlög, hernám nazista í Eistlandi og síðar innlimun í Sovétríkin, höguðu því svo að hann náði ekki því marki þó oft hafi hann komist nálægt því. Nú þykir sannað að í fyrstu atlögu Keres að titlinum, heimsmeistaramótinu í Haag og Moskvu árið 1948 þar sem fimm fremstu skákmenn mættust í kjölfar andláts Alexanders Alékín árið 1946, hafi hann teflt undir hótunum Sovétmanna og verið þvingaður til að tapa í fjórum skákum fyrir Mikhail Botvinnik sem í lok mótsins var krýndur heimsmeistari. 

Á öflugu atskákmóti sem haldið var í Tallinn í byrjun þessa árs í tilefni þess að þann 7. janúar sl. voru 100 ár liðin frá fæðingu hans, sigraði Lettinn Igor Kovalenko og varð fyrir ofan menn á borð við Peter Svidler og Boris Gelfand, hlaut 9 ½ vinning af ellefu. Meðal þátttakenda í Tallinn var Margeir Pétursson, hlaut hann 6 ½ vinning af 11 mögulegum og varð í 48. sæti af 178 keppendum.

Mótið var hluti af viðamikilli dagskrá þar sem eitt og annað úr ævi Keres var dregið fram. Þar kom t.d. fram að hinn ungi Paul Keres lagði stund á skákdæmagerð og hér koma tvö dæmi sem hann gerði 13 og 16 ára:

Keres 1929 

Hvítur mátar í 2. leik

 

 

 

 

 

 

 

Keres 1932 

Hvítar mátar í 3. leik.

 

 

 

 

 

 

Lausnir birtast í næsta pistli. 

Grein þessi birtist í Morgunblaðinu 13. febrúar 2016

Skákþættir Morgunblaðsins

Skákþáttur Morgunblaðsins: Jón Viktor skákmeistari Reykjavíkur 2016

Jón Viktor Gunnarsson er skákmeistari Reykjavíkur eftir spennandi lokaumferð sem fram fór sl. sunnudag. Jón Viktor vann þá Björn Þorfinnsson og á sama tíma náði Stefán Kristjánsson að leggja Guðmund Kjartansson og varð jafn Jóni Viktor að vinningum en lægri á mótsstigum. Það var látið ráða. Dagur Ragnarsson var með hvítt gegn Guðmundi Gíslasyni í lokaumferðinni og með sigri hefði hann náð titlinum. En Guðmundur, sem kom akandi frá Ísafirði í flestar umferðirnar, hafði betur og náði 3. sæti. Lokaniðurstaðan hvað varðar efstu menn var þessi:

1. – 2. Jón Viktor Gunnarsson og Stefán Kristjánsson 7 ½ v. 3. Guðmundur Gíslason 7 v. 4.-6. Dagur Ragnarsson, Björn Þorfinnsson og Björgvin Víglundsson 6 ½ v. 7.-10. Vignir Vatnar Stefánsson, Örn Leó Jóhannsson, Gauti Páll Jónsson og Oliver Aron Jóhannesson 6 v.

Þetta er í sjöunda sinn sem Jón Viktor verður skákmeistari Reykjavíkur og var hann vel að sigrinum kominn. Frammistaða Stefáns er einnig góð. Dagur Ragnarsson bætti sig verulega á þessu móti þótt tap í lokaumferðinni hafi verið súrt í broti. Af efstu mönnum hækkaði Vignir Vatnar Stefánsson mest eða um 86 stig. Það var hinsvegar Hjörtur Kristjánsson sem sló öllum keppendum skákþingsins við í þeim efnum og hækkaði um 140 elo-stig.

Margir af keppendum þessa móts halda svo baráttunni áfram á Gestamóti Hugins og Breiðabliks en þar er Guðmundur Kjartansson efstur með 3 ½ vinning eftir fjórar umferðir. 

Magnús Carlsen sigraði í Wijk aan Zee

Magnús Carlsen bætti enn einni skrautfjöðrinni í hatt sinn þegar hann vann A-flokk stórmótsins í Wijk aan Zee um síðustu helgi. Magnús var vinningi fyrir ofan næstu menn en lokaniðurstaðan varð þessi:

1. Magnús Carlsen 9 v. (af 13) 2.-3. Caruana og Liren Ding 8 v. 4.-6. Wesley So, Giri og Eljanov 7 v. 7.-8. Wei Yi og Mamedyarov 6 ½ v. 9. Karjakin 6 v. 10.-11. Navara og Tomashevsky 5 ½ v. 12.-14. Hou Yifan, Adams og Van Wely 5 v.

Hollensku mótshaldararnir eru greinilega spenntir fyrir uppgangi kínverskra skákmanna og hinn 16 ára gamli Wei Yi var mikið í sviðsljósinu meðan á mótinu stóð en var fullvarkár og gerði ellefu jafntefli. Aðeins einu sinni náði hinn sókndjarfi stíll hans að skína:

WAZ 2016; 9. umferð:

Wei Yi – David Navara

Spænskur leikur

1. e4 e5 2. Rf3 Rc6 3. Bb5 Rf6 4. d3 Bc5 5. Bxc6 dxc6 6. Rbd2 O-O 7. Rc4 Rd7 8. De2 He8 9. Bd2

Það hefur gengið erfiðlega að tefla gegn Berlínar-afbrigðinu undanfarið en þetta er nýstárleg leikaðferð, hvítur vill hrókera langt og hefja síðan peðasókn á kóngsvængum.

9. ... Bd6 10. h4 c5 11. h5 h6 12. O-O-O Rb8?!

Hæpið. Hann hefði betur reynt að verja kónginn með 12. ... Rf8 og síðan 13. ... Re6.

13. Hdg1 Rc6 14. g4 f6

Upp er komið allt að því gamaldags umsátursástand fyrir framan hervirki svarta kóngsins. Hvítur hefur stillt liði sínu upp til árásar.

15. g5!

Wei Yi brýst í gegn!

15. ... fxg5 16. Rxg5 Rd4 17. Dd1 hxg5 18. Bxg5 Be7 19. Be3!

Dregur biskupinn til baka og hótar 20. h6. Þó að svartur sé manni yfir kemur hann engum vörnum við.

19. ... Bf6 20. h6 He7

Eða 20. ... g5 21. Bxg5! Bxg5+ 22. f4! exf4 23. Dh5! og vinnur.

21. hxg7 Hxg7 22. Dh5 Be6 23. Bh6! Bf7 24. Bxg7 Bxh5 25. Bxf6 Kf8 26. Bxd8 Re2 27. Kb1 Rxg1 28. Bxc7

- og Navara gafst upp.

Grein þessi birtist í Morgunblaðinu 6. febrúar 2016

Skákþættir Morgunblaðsins

[Event "Tata Steel"] [Site "Wijk aan Zee NED"] [Date "2016.01.26"] [EventDate "2016.01.15"] [Round "9"] [Result "1-0"] [White "Wei Yi"] [Black "David Navara"] [ECO "C65"] [WhiteElo "2706"] [BlackElo "2730"] [PlyCount "55"] 1. e4 e5 2. Nf3 Nc6 3. Bb5 Nf6 4. d3 Bc5 5. Bxc6 dxc6 6. Nbd2 O-O 7. Nc4 Nd7 8. Qe2 Re8 9. Bd2 Bd6 10. h4 c5 11. h5 h6 12. O-O-O Nb8 13. Rdg1 Nc6 14. g4 f6 15. g5 fxg5 16. Nxg5 Nd4 17. Qd1 hxg5 18. Bxg5 Be7 19. Be3 Bf6 20. h6 Re7 21. hxg7 Rxg7 22. Qh5 Be6 23. Bh6 Bf7 24. Bxg7 Bxh5 25. Bxf6+ Kf8 26. Bxd8 Ne2+ 27. Kb1 Nxg1 28. Bxc7 1-0

Skákþáttur Morgunblaðsins: Alltaf bestur á nýbyrjuðu ári

Jón Viktor Gunnarsson, Dagur Ragnarsson, Stefán Kristjánsson og Björn Þorfinnsson eru jafnir í efsta sæti fyrir lokaumferð Skákþings Reykjavíkur með 6½ vinning úr átta skákum en lokaumferðin sem fram fer á morgun, sunnudag. Guðmundur Gíslason er einn í 5. sæti eð 6 vinninga en í 6.-11. sæti eru Vignir Vatnar Stefánsson, Mikhael Jóhann Karlsson, Guðmundur Kjartansson, Einar Valdimarsson, Örn Leó Jóhannsson og Björgvin Víglundsson. allir með 5½ vinning. Í lokaumferðinni teflir Björn við Jón Viktor, Dagur við Guðmund Gíslason og Guðmundur Kjartansson við Stefán Kristjánsson.

Af efstu mönnum er Dagur Ragnarssonar að bæta sig mest en árangurinn kemur honum sjálfum ekki á óvart; hann kveðst alltaf vera bestur á nýbyrjuðu ári! Eftir fyrstu mánuði síðasta árs var hann kominn í hóp stigahæstu skákmanna heims í sínum aldursflokki, lækkaði eitthvað seinni partinn en teflir betur nú en nokkru sinni fyrr. Vignir Vatnar tapaði fyrir Degi í 7. umferð en sér samt fram á hækkun um 100 elo-stig svipað og hinn ungi Mikhael Kravchuk. 

Gestamót Hugins og Breiðabliks

Á Gestamóti Hugins og Breiðabliks er teflt á fimmtudagskvöldum í Stúkunni á Breiðabliksvelli, sjö umferðir alls. Samsetning keppendahópsins er frábær og má nefna að meðal þátttakenda eru fyrrverandi landsliðsmenn á borð við Þröst Þórhallsson, Karl Þorsteins, Björgvin Jónsson og Jón Kristinsson. Skipt er í tvo stigaflokka, 2.000 elo-stig og yfir og undir 2.000 elo-stigum. Efstir í A-flokki eru Guðmundur Gíslason, Stefán Kristjánsson, Guðmundur Kjartansson og Þorsteinn Þorsteinsson með 2½ vinning en í B-flokki eru í efstu sætum Dagur Andri Friðgeirsson, Dawid Kolka, Bárður Örn Birkisson, Guðmundur Lee, Snorri Þór Sigurðsson og Hrund Hauksdóttir með 2½ vinning. 

„Auðvitað mundi ég ekki neitt“

...sagði Magnús Carlsen þegar hann skýrði skák sína við Anish Giri á járnbrautarsafninu í Utrecht þar sem 10. umferð fór fram en þó að mótið eigi aðsetur í Wijk aan Zee „skreppur“ það stundum í heimsókn annað; á söfn eða aðra fræga staði úr sögu Hollands. En orð Magnús eru athyglisverð því æ oftar leggur hann leið sína út frá alfaraleiðum og gefur hugmyndafluginu lausan tauminn sbr. eftirfarandi skák sem hann tefldi í 9. umferð: 

Pavel Eljanov – Magnús Carlsen

Katalónsk byrjun

1. d4 Rf6 2. c4 e6 3. Rf3 d5 4. g3 Bb4 5. Bd2 Be7 6. Bg2 0-0 7. 0-0 Rbd7 8. Dc2 Re4 9. Bf4 c6 10. Rc3 g5 11. Be3 Rd6!

Spasskí lék 10.... g5 fyrir meira en 25 árum en þetta er nýr snúningur.

12. b3 Rf5 13. g4?

Óþarfi. betra var 13. cxd5.

13.... Rxe3 14. fxe3 b5! 15. e4?! b4 16. exd5?!

Eljanov bregst hart við. Öruggara var að leika 16. Ra4.

16.... bxc3 17. dxc6 Rb8 18. De4 f5 19. gxf5 exf5 20. Dd5 Dxd5 21. cxd5 Ra6!

Skorðar peðin á drottningarvæng. Atlaga hvíts hefur geigað.

22. Hac1 Rc7 23. Re5 f4 24. Rc4 Hd8 25. Hxc3 Rxd5 26. c7 Rxc7 27. Bxa8 Rxa8 28. e3 Bb4 29. Hc2 Bb7 30. h4 Be4 31. Hh2 Rb6!

Hvítur þolir alls ekki uppskipti á riddurum, 32. Rxb6 axb6 33. exf4 g4! o.s.frv.

32. Re5 fxe3 33. hxg5 Hxd4 34. Rg4 Rd5

– og Eljanov gafst upp.

Fyrir lokaumferðirnar þrjár er Magnús Carlsen efstur með 7 vinninga af 10, Cariana kemur næstur með 6½ og síðan Giri, So, Ding og Eljanov með 5½ vinning hver.

Grein þessi birtist í Morgunblaðinu 30. janúar 2016.

Skákþættir Morgunblaðsins

[Event "Tata Steel"] [Site "0:00:33-0:10:33"] [Date "2016.01.23"] [EventDate "2016.01.15"] [Round "7"] [Result "0-1"] [White "Pavel Eljanov"] [Black "Magnus Carlsen"] [ECO "E10"] [WhiteElo "?"] [BlackElo "?"] [PlyCount "68"] 1.d4 Nf6 2.c4 e6 3.Nf3 d5 4.g3 Bb4+ 5.Bd2 Be7 6.Bg2 O-O 7.O-O Nbd7 8.Qc2 Ne4 9.Bf4 c6 10.Nc3 g5 11.Be3 Nd6 12.b3 Nf5 13.g4 Nxe3 14.fxe3 b5 15.e4 b4 16.exd5 bxc3 17.dxc6 Nb8 18.Qe4 f5 19.gxf5 exf5 20.Qd5+ Qxd5 21.cxd5 Na6 22.Rac1 Nc7 23.Ne5 f4 24.Nc4 Rd8 25.Rxc3 Nxd5 26.c7 Nxc7 27.Bxa8 Nxa8 28.e3 Bb4 29.Rc2 Bb7 30.h4 Be4 31.Rh2 Nb6 32.Ne5 fxe3 33.hxg5 Rxd4 34.Ng4 Nd5 0-1

Skákþáttur Morgunblaðsins: Mikið um óvænt úrslit á Skákþingi Reykjavíkur

Óvænt úrslit hafa verið regla fremur en undantekning á Skákþingi Reykjavíkur sem stendur yfir þessa dagana í húsakynnum Taflfélags Reykjavíkur við Faxafen. Í sjöttu umferð sem fram fór á miðvikudagskvöldið gerði hinn 12 ára gamli Vignir Vatnar Stefánsson sér lítið fyrir og vann Íslandsmeistarann frá 2014, Guðmund Kjartansson, á sannfærandi hátt. Hann hafði áður unnið Björn Þorfinnsson og reiknast frammistaða hans nú upp á tæplega 2.400 elo-stig. Jón Viktor Gunnarsson er enn í forystu en hefur fengið félagsskap á toppnum. Efstu menn:

1.-2. Jón Viktor Gunnarsson og Stefán Kristjánsson 5½ v. (af 6) 3.-5. Vignir Vatnar Stefánsson, Dagur Ragnarsson og Björn Þorfinnsson 5 v. 6.-8 Guðmundur Gíslason, Mikael Jóhann Karlsson og Þorvarður Ólafsson 4½ v.

Í sjöundu umferð sem, fram fer á morgun, sunnudag, tefla efstu menn innbyrðis, Jón Viktor teflir við Stefán, Dagur við Vigni Vatnar og Björn Þorfinnsson mætir Þorvarði Ólafssyni. Og þá er komið að einni umtöluðustu skák mótsins:

Skákþing Reykjavíkur 216; 6. umferð:

Vignir Vatnar Stefánsson – Guðmundur Kjartansson

Reti – byrjun

1. Rf3 Rf6 2. g3 c5 3. d3 d5 4. Rbd2 g6 5. Bg2 Bg7 6. 0-0 0-0 7. e4

Kóngsindverska uppbyggingin sem Bobby Fischer hafði mikið dálæti á kom einnig fyrir í skák Vignis við Björn Hólm í 5. umferð.

7.... Rc6 8. c3 e5 9. a4 Dc7 10. exd5 Rxd5 11. He1 Hd8 12. Rc4 Rb6 13. De2 Rxc4!? 14. dxc4 Bf5 15. Rd2 Bd3 17. De3 Ra5?

Gallinn við uppskiptin á c4 liggur í veikingu á hvítu reitunum. Samt er þetta fyrsta ónákvæmni svarts, betra var 17.... Re7 sem hótar 18.... Rf5.

18. Bd5! Bc2 18. Df3 Hd7 19. Ha2

Lævís leikur sem hótar 20. b4.

19.... Bf5 20. Re4 Bxe4 21. Hxe4 Kh8 22. Hh4!

Hefur í hótunum. Nái hvítur að leika g3-g4 getur reynst erfitt að verja kóngsstöðuna.

22.... f5 23. g4!

Hótar 24. Hxh7+ Kxh7 25. Dh3+ og mátar.

23.... Hxd5?

Afræður að láta skiptamun af hendi en betra var 23.... f4 því að 24. Hxh7+ Kxh7 25. Dh3+ Bh6 26. g5 má svara með 26.... Hxd5! o.s.frv.

24. cxd5 f4 25. De4 Bf6 26. Hh3 Rb3 27. c4!

Snarplega leikið. Vignir sá að riddarinn á ekki afturkvæmt frá c1.

27.... Dd7 28. Dxg6!

Alls ekki 28. Hxb3 Dxg4+ og 29.... Dd1+.

28.... Hf8 29. Kf1! Bd8 30. Dh5 Rxc1 31. Ha1

Nú er eftirleikurinn auðveldur.

31. ... Dg7 32. Hxc1 Bg5 33. He1 h6 34. Hf3 Hd8 35. h4 Kg8 36. hxg5 hxg5 37. Kg2 b6 38. Hh3 Hf8

– og gafst upp um leið 

Afleikur ársins í Wijk aan Zee

Magnús Carlsen tók mikla áhættu í skák sinni við Hollendinginn Van Wely í 5. umferð stórmótsins í Wijk aan Zee sl. fimmtudag. Hann fórnaði skyndilega manni í jafnri stöðu og á einum stað gat Van Wely knúið fram vinning, missti af tækifærinu og tapaði í 39.leikjum. Þetta var fyrsta sigur heimsmeistarans en staðan er þessi:

1.-2. Caruana og Ding 3½ v. 3.-6. Hou Yifan, Wesley So, Magnús Carlsen og Eljanov 3 v. 7.-9. Karjakin, Wei Yi og Mamedyarov 2½ v. 10.-12. Giri, Tomashevsky og Navara 2 v. 13. Van Wely 1½ v. 14. Adams 1 v.

Afleikur ársins kom í 3. umferð í eftirfarandi stöðu:

Mamedyarov – Eljanov

Svartur lék síðast 37..... Hdc8 og nú vinnur 38. Hb6 létt. En Aserinn sem átti nægan tíma uggði ekki að sér og lék 38. c5?? Eftir 38.... Dxb1 stoppaði hann klukkuna og gafst upp.

Grein þessi birtist í Morgunblaðinu 23. janúar 2016.

Skákþættir Morgunblaðsins

Skákþáttur Morgunblaðsins: 12 ára piltur vann alþjóðlegan meistara

Jón Viktor Gunnarsson og Jóhann Ragnarsson eru efstir að loknum fjórum umferðum á Skákþingi Reykjavíkur. Í fjórðu umferð sl. miðvikudagskvöld vann Jón Viktor hinn 12 ára gamla Vigni Vatnar Stefánsson sem í umferðinni á undan hafði lagt alþjóðlega meistarann Björn Þorfinnsson að velli. Keppendur í efsta flokki mótsins eru 64 talsins og staða efstu manna er þessi:

1. – 2. Jón Viktor Gunnarsson og Jóhann Ragnarsson 4 v. 3. – 5. Stefán Kristjánsson, Mikhael Jóhann Karlsson og Dagur Ragnarsson 3 ½ v. 6. – 14. Guðmundur Gíslason, Vignir Vatnar Stefánsson, Björn Þorfinnsson, Oliver Jóhannesson, Einar Valdimarsson, Siguringi Sigurjónsson, Jón Trausti Harðarson, Héðinn Briem og Björn Hólm Birkisson 3 v.

Viðureign Björn Þorfinnssonar og Vignis Vatnars er sú skák sem mesta athygli hefur vakið en Björn lagði niður vopnin eftir aðeins 22 leiki. Hann hefur vissulega átt betri daga en engu að síður var taflmennska Vignis fjarska góð af svo ungum manni að vera:

Skákþing Reykjavíkur 2016; 3. umferð:

Björn Þorfinnsson – Vignir Vatnar Stefánsson

Drottningarindversk vörn

1. Rf3 d5 2. d4 Rf6 3. c4 e6 4. Rc3 Be7 5. g3 O-O 6. Bg2 Re4 7. O-O b6 8. Bf4 Bb7 9. cxd5 Rxc3 10. bxc3 exd4 11. c4 Rd7 12. cxd5

Björn er ekki ýkja mikið fyrir að tefla upp á tæknilegar stöður en 12. Re5 kom sterklega til greina, t.d. 12. ... Rxe5 13. dxe5 c6 14. cxd4 cxd5 15. Db3 og hvítur nær svo að „hlaða“ á d5-peðið.

12. ... Rf6 13. Hc1 Rxd5 14. Re5 c5 15. dxc5 Bxc5 16. Kh1?

Slakur leikur sem gerir svarti kleift að jafna taflið. Mun betra var 16. e3 sem gefur drottningunni aðgang að g4- og h5-reitunum.

16. ... Hc8 17. Db3 Rxf4 18. Bxb7 Rxe2!

Millileikur sem Birni hafði sést yfir. Svartur hyggst svara 19. Bxc8 með 19. ... Rxc1 o.s.frv.

19. Hcd1 Rd4 20. Dc4 Hc7 21. Bd5?

Kannski var þetta hugmyndin eftir allt saman.

21. ... b5!

22. Bxf7+ Hfxf7!

- og nú sá Björn að 23. Rxf7 er einfaldlega svarað með millileiknum 23. ... Da8+! og drottningin fellur. Hann gafst því upp. 

Skákmótið í Wijk aan Zee hefst í dag

Eitt skemmtilegasta skákmót ársins, Tata Steel-mótið, hefst í dag í Wijk aan Zee í Hollandi. Efsti flokkur sem dregur til sín stigahæstu stórmeistara heims er hluti af skákhátíð sem haldin hefur verið í meira en 80 ár. Athyglin beinist sem fyrr að heimsmeistaranum Magnúsi Carlsen sem vann London classic um daginn og opna mótið í Katar. Þátttakendur verða: Magnús Carlsen, Fabiano Caruana, Ding Liren, Anish Giri, Wesley So, Sergey Karjakin, Michael Adams, Shakhriyar Mamedyarov, Wei Yi, David Navara, Hou Yifan, Loek Van Wely, Evgeny Tomashevsky og Pavel Eljanov. 

Hægt er að fylgjast með beinum útsendingum á ýmsum vefsvæðum. Má þar nefna Chess24 og ICC. 

Daði Örn Jónsson Evrópumeistari í bréfskák

Daði Örn Jónsson hefur tryggt sér titilinn Evrópumeistari einstaklinga í bréfskák. Daði hlaut 10 ½ vinning af 16 mögulegum, vann fimm skákir og gerði ellefu jafntefli. Í bréfskák nú til dags er heimilt að nota allan þann hugbúnað sem fyrirfinnst á markaði og hæfni Daða sem er tölvufræðingur við mötun forrita á óvenjulegum hugmyndum réð miklu um frammistöðu hans. Þrír rússneskir bréfskákmenn urðu í næstu sætum. Þetta er langbesti árangur sem íslenskur bréfskákmaður hefur náð.

Grein þessi birtist í Morgunblaðinu 16 janúar 2016.

Skákþættir Morgunblaðsins

Skákþáttur Morgunblaðsins: Að leika peði beint ofan í þrælvaldaða reitinn

Í flóknum stöðum er gott að hafa í huga að ólíklegur leikur getur stundum verið sá eini rétti í stöðunni. Sá sem þessar línur ritar átti þess eitt sinn kost að fara yfir skák með Garrí Kasparov og hann hafði þá lagt Jan Timman að velli. Þemað „... að leika peði beint ofan í þrælvaldaðan reit“ var honum einkar hugleikið og hafði greinilega fengið fræðilegan sess í skákuppeldi hans. Á sterkasta opna móti ársins, sem lauk á milli jóla og nýárs í Katar, varð Magnús Carlsen efstur ásamt Kínverjanum Yu Yangyi með 7 vinninga af 9 mögulegum og vann svo úrslitaeinvígið, 2:0 í. Í fimmtu umferð tefldi Norðmaðurinn við sigurvegarann frá Reykjavíkurmótinu 2014 og í flóknu miðtafli setti hann allt í bál og brand með þess háttar peðsleik sem áður var minnst á. Eftir smá „hikst“ var það svo samdóma niðurstaða „vélanna“ að þarna hefði heimsmeistarinn enn einu sinni hitt naglann á höfuðið:

Magnús Carlsen – Li Chao

Grünfeld-vörn

1. d4 Rf6 2. c4 g6 3. f3

Tískuleikur sem sniðgengur hefðbundna Grünfeld-vörn.

3. ... d5 4. cxd5 Rxd5 5. e4 Rb6 6. Rc3 Bg7 7. Be3 O-O 8. Dd2 Rc6 9. O-O-O f5 10. e5 Rb4 11. Rh3 De8 12. Kb1 a5 13. Be2 c6 14. Hc1 Kh8 15. Ka1 Be6 16. Rf4 Df7 17. h4 Bxa2 18. h5 Kg8 19. hxg6 hxg6 20. g4 Bb3 21. Bd1 a4 22. Dh2 Hfd8 23. Dh7 Kf8

24. d5 Rc4 25. Rxg6+ Ke8

Ekki gengur 25. ... Dxg6 vegna 26. Dxg6 a3 27. Hh8+! Bxh8 28. Bh6+ og mátar.

26. e6 a3 27. exf7+ Kd7 28. Re5+! Bxe5 29. Dxf5+ Kc7 30. Dxe5+ Rxe5 31. Bxb3 axb2 32. Kxb2 Rbd3 33. Kb1 Rxc1 34. Hxc1 Kc8 35. dxc6 bxc6 36. f4

– og svartur gafst upp. 

Skákþing Reykjavíkur hafið – Jón Kristinsson meðal þátttakenda

Skákvertíðin 2016 hófst í Faxafeni á sunnudaginn með fyrstu umferð Skákþings Reykjavíkur. 64 skákmenn eru skráðir til leiks í efsta flokki mótsins og þar eru stigahæstir Stefán Kristjánsson, Jón Viktor Gunnarsson, Guðmundur Kjartansson og Björn Þorfinnsson. Athygli vekur þátttaka Jóns Kristinssonar, sem hefur ekki teflt á þessum vettvangi í meira en 40 ár. Á fimmtudaginn hófst svo Gestamót Hugins og Breiðabliks í Stúkunni á Kópavogsvelli, afar vel skipað mót þar sem teflt er einu sinni í viku. Meira um þessi mót síðar. 

Íslandsmeistarar í styttri skákum

Íslandsmót í hraðskák, atskák og netskák fóru fram í desembermánuði. Í hraðskákmótinu, Friðriksmóti Landsbankans sem fram fór 13. desember, bar Þröstur Þórhallsson sigur úr býtum með 9½ vinning af 11 mögulegum. Þann 27. desember sigraði undirritaður á at-skákmóti Íslands, hlaut 7½ vinning af níu, en mótið var jafnframt Atskákmót Skákklúbbs Icelandair. Að kveldi þessa sama dags fór fram Íslandsmótið í netskák, en Davíð Kjartansson sigraði í sjötta sinn, hlaut 10 vinninga af 11 mögulegum. 

Glæsileg frammistaða Hilmis í Danmörku

Það var gaman að fylgjast með hinum 14 ára Hilmi Frey Heimissyni á nýársmótinu í Öbro í Danmörku sem lauk á gamlársdag. Þar tefldu 65 skákmenn sjö umferðir og var Hilmir nr. 45 í stigaröðinni. Hann gerði sér lítið fyrir, hlaut 5 vinninga af sjö mögulegum, varð í 5. sæti eftir stigaútreikning, taplaus og hækkaði um 141 Elo-stig en árangur hans reiknast uppá 2.349 Elo-stig. Sigurvegari varð sænski stórmeistarinn Jonny Hector, sem hlaut 6 vinninga.

Helgi Ólafsson ([e-mail])

Skákþættir Morgunblaðsins birtast á Skák.is viku síðar en í sjálfu blaðinu. 

Grein þessi birtist í Morgunblaðinu 9. janúar 2016.

Skákþættir Morgunblaðsins

[Event "Qatar Masters"] [Site "Doha QAT"] [Date "2015.12.24"] [EventDate "2015.12.20"] [Round "5.1"] [Result "1-0"] [White "Magnus Carlsen"] [Black "Li Chao"] [ECO "D70"] [WhiteElo "2834"] [BlackElo "2750"] [PlyCount "71"] 1. d4 Nf6 2. c4 g6 3. f3 d5 4. cxd5 Nxd5 5. e4 Nb6 6. Nc3 Bg7 7. Be3 O-O 8. Qd2 Nc6 9. O-O-O f5 10. e5 Nb4 11. Nh3 Qe8 12. Kb1 a5 13. Be2 c6 14. Rc1 Kh8 15. Ka1 Be6 16. Nf4 Qf7 17. h4 Bxa2 18. h5 Kg8 19. hxg6 hxg6 20. g4 Bb3 21. Bd1 a4 22. Qh2 Rfd8 23. Qh7+ Kf8 24. d5 Nc4 25. Nxg6+ Ke8 26. e6 a3 27. exf7+ Kd7 28. Ne5+ Bxe5 29. Qxf5+ Kc7 30. Qxe5+ Nxe5 31. Bxb3 axb2+ 32. Kxb2 Nbd3+ 33. Kb1 Nxc1 34. Rxc1 Kc8 35. dxc6 bxc6 36. f4 1-0

Skákþáttur Morgunblaðsins: Magnús Carlsen sigraði í London eftir góðan endasprett

Magnús sýnir yfirleitt ekki sitt rétta andlit í flokkakeppnum, en í einstaklingsmótum er hann allt annar maður. Eitthvað á þessa leið útskýrði skákdrottningin Judit Polgar frammistöðu Magnúsar Carlsen á EM landsliða í Laugardalshöllinni í síðasta mánuði. Hann var aftur sestur að tafli á London classic nokkrum dögum síðar en hvorki gekk né rak framan af; eftir sex umferðir hafði hann gert jafntefli í öllum skákum sínum. Á lokasprettinum fann hann loksins kraftinn og náði efsta sæti með öðrum:

1.-3. Carlsen, Giri, Vachier-Lagrave 5 ½ v (af 9). 4. Aronjan 5 v. 5. – 7. Caruana, Adams og Grischuk 4 ½ v. 8. Nakamura 4 v. 9. Anand 3 ½ v. 10. Topalov 2 ½ v.

Baráttunni um sigurinn var þó ekki lokið, þremenningarnir á toppnum háðu strax sama dag aukakeppni sem gaf heimsmeistaranum þau forréttindi að fá að sitja yfir í fyrstu umferð vegna bestu Sonneborg-Berger stiga og gat horft á einvígi sem snerist um það hvor færi gegn sér Giri eða Vachier-Lagrave. Vachier-Lagrave vann 2:1 eftir „Armageddon-skák“, fékk hálftíma hlé til að hvíla sig fyrir tvær at-skákir gegn Magnúsi með tímamörkunum 25 5. Magnús vann þá fyrri í jafnteflisstöðu í hróksendatafli og gat leyft sér að bjóða jafntefli með mun betra tafl í þeirri síðari. Hann varð jafnframt sigurvegari í þeirri bikarsyrpu sem mótið tilheyrði, þríleik níu skákmanna og eins heimamanns á hverjum stað sem hófst í Stavangri í Noregi sl. vor. Annað mótið fór fram í St. Louis Í Bandaríkjunum í ágúst og „London classic“ var lokamótið í syrpunni. Garrí Kasparov átti hugmyndina að þessu mótahaldi og naut sama bakhjarls og við kosningar til forseta FIDE í fyrra, bandaríska auðkýfingsins Rex Sinquefield.

Sú staðreynd að 60% keppenda komust án taps frá „London classic“ og jafnteflisprósentan var u.þ.b. 80% gæti leitt til þess að elítumótum af þessu tagi fækki. Þessa helgi hefst afar sterkt opið mót í Katar og þar er Magnús Carlsen meðal keppenda.

Magnús komst í gang í London með því að leggja Nakamua að velli í maraþonskák sjöundu umferðar. Í lokaumferðinni vann hann svo Alexander Grischuk sem missti af góðum færum í miðtaflinu og lék öllu niður í tímahraki:

„London classic 2015“ – 9. umferð:

Magnús Carlsen – Alexander Grischuk

Sikileyjarvörn

1. Rf3 c5 2. e4 d6 3. Bb5+ Rd7 4. O-O a6 5. Bd3 Rgf6 6. He1 b5 7. c4 g5!?

Þannig tefldi Topalov gegn Magnúsi í St. Louis í ágúst sl.

8. Rxg5 Re5 9. Be2 bxc4 10. Rc3 Hb8 11. Hf1 h6 12. Rf3 Rd3 13. Re1 Rxb2 14. Bxb2 Hxb2 15. Bxc4 Hb4 16. De2 Bg7 17. Rc2 Hb6 18. Hab1 O-O 19. Hxb6 Dxb6 20. Re3 e6 21. f4 Kh8 22. f5 a5 23. a4 Dd8 24. h3 De7 25. Ba6 Bxa6 26. Dxa6 Rh5 27. Hf3 Hg8 28. Rb5 Be5 29. Rg4

Eftir athyglisvert miðtafl reynir Magnús að notfæra sér hið hefðbundna tímahrak Grischuks.

29. ... Dh4! 30. fxe6

Og nú liggur beinast við að taka þetta peð aftur.

30. ... fxe6?

Missir af 30. ... Hxg4! 31. hxg4 Dh2+ 32. Kf2 Rf4! með góðum færum.

31. Rxe5 dxe5?!

Jafntefli var að hafa með 31. ... De1+ 32. Hf1 (ekki 32. Kh2 Rf4! og svartur vinnur) Hxg2+! 33. Kxg2 Dg3+ með þráskák.

32. Dxe6 De1+? 33. Kh2 Hxg2+

Of seinn. Það er ekki lengur þráskák að hafa.

34. Kxg2 Dxd2+ 35. Kg1 De1+ 36. Hf1 De3+ 37. Hf2 De1+ 38. Kg2

- og Grischuk gafst upp.

Helgi Ólafsson ([e-mail])

Skákþættir Morgunblaðins birtast á Skák.is viku síðar en í sjálfu blaðinu. Grein þessi birtist í Morgunblaðinu 19. desember

Skákþættir Morgunblaðsins

[Event "London Chess Classic"] [Site "0:25:33-0:00:33"] [Date "2015.12.13"] [EventDate "2015.12.03"] [Round "9"] [Result "1-0"] [White "Magnus Carlsen"] [Black "Alexander Grischuk"] [ECO "B51"] [WhiteElo "?"] [BlackElo "?"] [PlyCount "75"] 1.Nf3 c5 2.e4 d6 3.Bb5+ Nd7 4.O-O a6 5.Bd3 Ngf6 6.Re1 b5 7.c4 g5 8.Nxg5 Ne5 9.Be2 bxc4 10.Nc3 Rb8 11.Rf1 h6 12.Nf3 Nd3 13.Ne1 Nxb2 14.Bxb2 Rxb2 15.Bxc4 Rb4 16.Qe2 Bg7 17.Nc2 Rb6 18.Rab1 O-O 19.Rxb6 Qxb6 20.Ne3 e6 21.f4 Kh8 22.f5 a5 23.a4 Qd8 24.h3 Qe7 25.Ba6 Bxa6 26.Qxa6 Nh5 27.Rf3 Rg8 28.Nb5 Be5 29.Ng4 Qh4 30.fxe6 fxe6 31.Nxe5 dxe5 32.Qxe6 Qe1+ 33.Kh2 Rxg2+ 34.Kxg2 Qxd2+ 35.Kg1 Qe1+ 36.Rf1 Qe3+ 37.Rf2 Qe1+ 38.Kg2 1-0