Jón Viktor sigraði í 2. umferð

Alþjóðlegi meistarinn Jón Viktor Gunnarsson (2454) sigraði í 2. umferð Belgrade Tropy sem fram fór í Obrenovac í Serbíu í dag.  Dagur Arngrímsson (2375) og Róbert Lagerman (2358) gerðu jafntefli en aðrir skákir Íslendinganna töpuðust. 

Dagur, Róbert og Jón Viktor hafa 1,5 vinning, Jón Árni Halldórsson (2171) hefur 1 vinning og Snorri G. Bergsson (2348) og Sigurður Ingason (1923) eru ekki komnir á blað. 

Alls taka 212 skákmenn þátt í mótinu og þar af 18 stórmeistarar.  

Heimasíða mótsins

 

Sæbjörn sigraði á atkvöldi

Sæbjörn Guðfinnsson lagði alla andstæðinga sína á atkvöldi Hellis sem fram fór 23. nóvember sl. og sigraði með 6v. Annar varð Vigfús Ó. Vigfússon með 5v og jafnir í 3. og 4. sæti voru Magnús Sigurjónsson og Örn Stefánsson með 4v. Þátttakendur frá skákfélaginu Vin fjölmenntu og settu svip sinn á mótið. Einn þeirra Stefán Gauti Bjarnason hreppti svo gjafabréf frá Dominos í happadrættinu í lokin.

Lokastaðan:

• 1.  Sæbjörn Guðfinnsson      6v
• 2.  Vigfús Ó. Vigfússon         5v
• 3.  Magnús Sigurjónsson      4v
• 4.  Örn Stefánsson               4v
• 5.  Björgvin Kristbergsson    3v
• 6.  Jón Birgir Einarsson         3v
• 7.  Róbert Leó Jónsson        3v
• 8.  Arnar Valgeirsson            3v
• 9.  Pétur Jóhannesson          3v
• 10. Embla Dís Ásgeirsdóttir   3v
• 11. Tara Sóley Mobee          2v
• 12.  Stefán Gauti Bjarnason  2v
• 13.  Ásdís Sóley Jónsdóttir    1v

Belgrade Trophy byrjaði í dag

Alþjóðlega skákmótið, Belgrade Trophy, hófst í dag í Obrenovac í Serbíu.  Sex íslenskir skákmenn taka þátt.  Dagur Arngrímsson (2375), Jón Árni Halldórsson (2171) og Róbert Lagerman (2358) sigruðu í sínum skákum, sá síðastnefndi í ótefldri skák, Jón Viktor Gunnarsson (2454) gerði jafntefli en Snorri G. Bergsson (2348) og Sigurður Ingason (1923) töpuðu í sínum viðureignum.

Alls taka 212 skákmenn þátt í mótinu og þar af 18 stórmeistarar.  

Heimasíða mótsins