Kristófer vann í níundu umferð

Þá er níundu umferð lokið hjá okkar fólki. Tinna sigraði glæsilega a rúmum klukkutíma. Mikael fékk nokkuð vænlega stöðu en missteig sig og tapaði. Bjarnı tefldi a ókunnum slóðum og t-þurfti fyrir rest að játa sig sigraðan. Kristófer varðist með broddgeltinum, sem er honum nýjung og stóð taflið jafnt lengi. Kristófer hafnaði jafnteflisboðum þar til báðir áttu innan við mínútu eftir að hann sættist á jafntefli.

Niunda umferð  :

Novoa Fernando (1840) Argentínu- Kristófer Gautason (0) Íslandi = 1/2 - 1/2
Petras Marıan (1756) SVK - Mikael J Karlsson (1703) İslandi  = 1 - 0.
Dovlet Bakov Saddam (0) Kazakstan- Bjarni J Kristins. (2023) İslandi = 1 - 0
Tinna Finnbogad. (1710) İslandi - Hale Katie LW ( 0) England = 1 - 0.

  Nú hafa Kristófer og Tinna 4 vinninga, en Mikael og Bjarni eru með 3 vinninga.  Fyrir umferðina (eftir 8 umferðir) var Kristófer i 90 sæti af 142, Tinna i 50 af 65, Bjarni i 86 af 104 og Mikael i 108 sæti af 138, hver i sinum flokki.

• Heimasíða mótsins
• Heimasíða TV

Unglingameistaramót Hellis hefst á mánudag

Unglingameistaramót Hellis 2009 hefst mánudaginn 23. nóvember nk. kl. 16.30, þ.e. nokkru fyrr en venjulegar mánudagsæfingar. Mótinu verður svo fram haldið þriðjudaginn 24. nóvember nk. kl. 16.30. Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið. Meðan á mótinu stendur falla venjulegar barna og unglingaæfingar niður. Næsta barna- og unglingaæfing verður mánudaginn 30. nóvember nk. Keppnisstaður er Álfabakki 14a og salur félagsins á þriðju hæð. Engin þátttökugjöld.

Verðlaunagripir  verða fyrir þrjú efstu sætin. Allir þátttakendur fá skákbók. Að auki verður dregin út ein pizza frá Dominós.

Umferðatafla:

1.-4. umferð:    Mánudaginn 23. nóvember kl. 16.30.

5.-7. umferð:    Þriðjudaginn 24. nóvember kl. 16.30.

Verðlaun:

1.   Unglingameistari Hellis fær farandbikar til varðveislu í eitt ár.

2.   Þrír efstu fá verðlaunagripi til eignar.

3.   Allir keppendur fá skákbók.

4.   Dregin verður út ein pizza frá Dominos.

 Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Atkvöld hjá Helli

Taflfélagið Hellir heldur atkvöld mánudaginn  23. nóvember 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).