Bókin um Fiske á tilboðsverði til skákmanna

Bókin um Fiske er nú á tilboði .  Tilboðsverð til skákmanna er 3.500 kr. í stað 4.400 kr.  Pantanir sendist á [e-mail]

Umfjöllun um bókina

Fáir hafa haft aðra eins tröllatrú á Íslandi og Íslendingum eins og Bandaríkjamaðurinn Daniel Willard Fiske. Um miðja 19. öld fékk hann, þá ungur maður, geysilegan áhuga á Íslandi. Hann lærði íslensku og dvaldi á Íslandi um hríð 1879. Hann trúði því að Ísland ætti mjög bjarta framtíð fyrir sér, aðeins þyrfti að herða til aðgerða. Hann kynntist fjölda manna sem margir hverjir hjálpuðu honum síðar við söfnun á íslenskum ritum. Ástarmál hans voru ljúfsár, en hann kvæntist mjög auðugri stúlku sem lést eftir skamma sambúð. Harðsóttur arfur eftir hana gerði honum kleift að safna íslenskum bókum af ástríðu, sem varð hið markverðasta við lífsstarf hans og myndar stofninn að Fiske Icelandic Collection við Cornell-háskólann í Bandaríkjunum. Í þessari bók er dregin upp heilsteypt mynd af margbrotnum persónuleika manns, sem vildi auðga líf Íslendinga og bæta hag þeirra.
 
Alla ævi bar hann hag Íslendinga fyrir brjósti og sendi stórgjafir hingað til lands - til Landsbókasafns, Fornleifafélags, Lærða skólans og Taflfélags Reykjavíkur,auk fjölda einstaklinga. Fiske var góður skákmaður og efldi Taflfélag Reykjavíkur.  Lét hann þýða fjölmargar erlendar skákbækur og gaf taflfélaginu,auk þess sem hann gaf út tímaritið Í uppnámi  1901 og 1902 alls átta hefti og naut Taflfélagið andvirðis sölunnar. Um þetta er ítarlega fjallað í bókinni.